ܡܓܰܠܝܘܢ ܕܝܘܚܢܢ 21
21
ܝܶܫܽܘܥ ܟܡ݄ܚܙܶܐ ܠܫܰܒ̥ܥܳܐ ܡܰܢ̱ ܬّܰܠܡܺܝܕ̥̈ܶܐ
1ܘܒ݄ܬ̥݄ܪ ܡܰܗ̄ܢܺܝ، ܕܰܥ݄ܪ ܝܶܫܽܘܥ ܡܰܚܘܶܐ ܠܶܗ ܪܽܘܚܶܗ ܠܰܬّܰܠܡܺܝܕ̥̈ܰܝܕ̥ܶܗ ܥܰܠ ܗ̄ܽܘ ܝܰܡܳܐ ܕܛܺܝܒܶܪܺܝܳܘܣ. ܘܗܰܘܟ̥ܰܐ ܡܰܚܘܶܐ ܠܶܗ ܪܽܘܚܶܗ: 2ܥܰܡ ܚܕ̥ܳܕ̥̈ܶܐ ܗ̄ܘܰܝܢܶܝ ܫܶܡܥܽܘܢ ܟܶܐܦܳܐ، ܘܬܳܐܘܡܰܐ ܕܡܺܝܬܰܘܡܰܪ ܠܶܗ ܬܳܐܡܳܐ، ܘܢܰܬ̥ܰܢܰܝܺܐܝܠ ܗܰܘܳܐ ܕܡܶܢ̱ ܩܳܛܢܶܐ ܕܽܗ̄ܘ ܓܠܺܝܠܳܐ، ܘܰܗ̄ܢ ܐܰܒܢ̈ܶܐ ܕܙܰܒܕܰܝ، ܘ݄ܬܪܶܝ ܚܪ̈ܶܢܶܐ ܡܰܢ̱ ܬّܰܠܡܺܝܕ̥̈ܶܐ. 3ܫܶܡܥܽܘܢ ܟܶܐܦܳܐ ܐܡ݄ܪ ܠܰܗ ܠّܶܗ: ”ܓܕ݄ܐܙّܺܝ ܨܳܝܰܕ ܐ̱ܢܳܐ ܢܽܘܢ̈ܶܐ.“ ܐܡ݄ܪّܰܗ ܠܶܗ: ”ܐܰܚܢܰܐ ܣܬܶܝ ܓܕܳܐܬ̥ܺܝܢܰܐ ܐܰܥܡܳܟ̥.“ ܘܢܰܦܺܝܩܺܝ ܘܣܰܠܺܝܩܺܝ ܠܺܗ̄ܝ ܣܦܺܝܢ̱ܬܳܐ. ܘܒܽܗ̄ܘ ܠܰܠܝܰܘܳܐ ܠܳܐ ܨ݄ܕّܶܗ ܡܶܕܶܐ. 4ܘ݄ܒܩܶܕܰܡܬܳܐ، ܩܰܝ݄ܡ ܝܶܫܽܘܥ ܥܰܠ ܗ̄ܽܘ ܓܰܒܳܐ ܕܽܗ̄ܘ ܝܰܡܳܐ، ܘܰܬّܰܠܡܺܝܕ̥̈ܶܐ ܠܰܐ ܐܕ̥ܺܝܥܺܝ ܕܝܶܫܽܘܥ ܝܳܐ. 5ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܛܠܳܝ̈ܶܐ، ܟ݄ܬܟ̥ܽܘ ܡܶܕܶܐ ܠܽܗ̄ܘ ܡܽܐܘܟܠܳܐ؟“ ܐܡ݄ܪّܰܗ ܠܶܗ: ”ܠܳܐ.“ 6ܐܡ݄ܪ ܠܰܗ ܠّܶܗ: ”ܡܚܰܠܶܩܽܘ ܗ̄ܺܝ ܡܨܺܝܕܬܰܬ̥ܟ̥ܽܘ ܡܽܗ̄ܘ ܓܰܒܳܐ ܕܽܗ̄ܘ ܝܰܡܺܝܢܳܐ ܕܺܗ̄ܝ ܣܦܺܝܢ̱ܬܳܐ ܘܓ݄ܕܚܳܙܺܝܬܽܘ.“ ܘ݄ܡܚܰܠܰܩّܶܗ، ܘܠܳܐ ܩܰܕܺܝܪܺܝ ܕܓܳܪܫܺܝ ܗ̄ܺܝ ܡܨܺܝܕ̥ܬܳܐ ܡܰܗ̄ܢ ܢܽܘܢ̈ܶܐ ܓ̥ܰܠܰܒܶܐ ܕ݄ܙܒ݄ܛ ܠܰܗ. 7ܘܽܗ̄ܘ ܬܰܠܡܺܝܕ̥ܰܘܳܐ ܕܝܶܫܽܘܥ ܪܳܚܰܡ ܗ̄ܘܰܝ ܠܶܗ ܐܡ݄ܪ ܠܶܗ ܠܟܶܐܦܳܐ: ”ܗܰܢܳܐ ܡܳܪܰܢ ܝܳܐ!“ ܘܡ݄ܢ ܕܫܰܡ݄ܥ ܫܶܡܥܽܘܢ ”ܡܳܪܰܢ ܝܳܐ“، ܡ݄ܕ ܠܶܗ ܗ̄ܺܝ ܩܡ݄ܣܬܰܝܕ̥ܶܗ ܘ݄ܠܒ̥ܺܝܫܳܐ ܠܶܗ، ܥܰܠ ܕܟ݄ܬ ܗ̄ܘܰܐ ܙܰܠܛܳܢܳܐ، ܘ݄ܡܚܰܠܰܩ ܠܶܗ ܪܽܘܚܶܗ ܒܽܗ̄ܘ ܝܰܡܳܐ ܕܳܐܬ̥ܶܐ ܠܓܰܒ ܝܶܫܽܘܥ. 8ܘܰܬّܰܠܡܺܝܕ̥̈ܶܐ ܚܪ̈ܶܢܶܐ ܐܰܬ̥݄ܢ ܒܺܗ̄ܝ ܣܦܺܝܢ̱ܬܳܐ، ܠܰܝ̱ܬ ܗ̄ܘܰܝܢܶܝ ܪ̈ܰܚܽܘܩܶܐ ܓ̥ܰܠܰܒܶܐ ܡܺܗ̄ܝ ܐܰܪܥܳܐ، ܐܟ̥ ܕܡܰܐܬ̥ܶܝ ܕܪ̈ܳܥܶܐ. ܘ݄ܓܪ݄ܫّܶܗ ܗ̄ܺܝ ܣܦܺܝܢ̱ܬܳܐ ܕܡܰܠܝܳܐ ܗ̄ܘܰܐ ܡܰܗ̄ܢ ܢܽܘܢ̈ܶܐ.
ܝܶܫܽܘܥ ܟܳܐܟ̥݄ܠ ܥܰܡ ܗ̄ܰܬّܰܠܡܺܝܕ̥̈ܰܝܕ̥ܶܗ
9ܗ̄ܺܝ ܢܰܩܠܐ ܕܣܰܠܺܝܩܺܝ ܠܺܗ̄ܝ ܐܰܪܥܳܐ ܚܙܰܠّܶܗ ܓܽܘܡܪ̈ܶܐ ܕܢܽܘܪܳܐ ܡܰܚ̈ܬܶܐ، ܘܡܰܚܬܳܐ ܘܰܐܥܠܰܝّܶܗ ܢܽܘܢܳܐ، ܘܠܰܚܡܳܐ. 10ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܡܰܝܬܰܝܽܘ ܡܰܗ̄ܢ ܢܽܘ̈ܢܰܢ݄ܟ ܕܨ݄ܕܟ̥ܽܘ ܐܳܥܕܳܐ.“ 11ܘܣܰܠ݄ܩ ܫܶܡܥܽܘܢ ܟܶܐܦܳܐ ܘ݄ܓܪ݄ܫ ܠܶܗ ܗ̄ܺܝ ܣܦܺܝܢ̱ܬܳܐ ܠܺܗ̄ܝ ܐܰܪܥܳܐ ܘܗܺܝّܰܗ ܡܠܺܝܬ̥ܳܐ ܢܽܘܢ̈ܶܐ ܪ̈ܰܒܶܐ: ܡܳܐܐ ܘ݄ܬܠ݄ܬ̥ ܘܚܰܡܫܺܝ. ܘܒܽܗ̄ܘ ܝܽܘܩܪܰܢܳܐ ܟܽܘܠܶܗ ܗ̄ܺܝ ܡܨܺܝܕ̥ܬܳܐ ܠܳܐ ܩܛܺܝܥܳܐ. 12ܘܐܡ݄ܪ ܠܰܗ ܠّܶܗ ܝܶܫܽܘܥ: ”ܬܳܟ̥ܽܘ ܐܟ̥ܽܘܠܽܘ.“ ܘܢܳܫܳܐ ܡܰܢ̱ ܬّܰܠܡܺܝܕ̥̈ܶܐ ܠܳܐ ܩܳܕܰܪ ܗ̄ܘܰܐ ܕ݄ܡܫܰܐܶܠ ܠܶܗ ܕܡܰܢܝܳܐ، ܡܺܐܝܕ̥ܶܗ ܕܳܐܕ̥ܥܺܝ ܗ̄ܘܰܘ̱ ܕܡܳܪܰܢ ܝܳܐ. 13ܘ݄ܡܩܰܕܰܡ ܠܶܗ ܝܶܫܽܘܥ ܘܡ݄ܕ ܠܶܗ ܗ̄ܽܘ ܠܰܚܡܳܐ ܘܰܗ̄ܢ ܢܽܘܢ̈ܶܐ ܘܗܽܒ̥ ܠܰܗ ܠّܶܗ. 14ܗܰܬ̥ܶܐ ܕܰܬܠ݄ܬ̥ ܟܳܪ̈ܶܐ ܗ̄ܘܰܐ ܕ݄ܚܙܶܐ ܝܶܫܽܘܥ ܠܰܬّܰܠܡܺܝܕ̥̈ܰܝܕ̥ܶܗ ܡܺܗ̄ܝ ܢܰܩܠܐ ܕܩܰܝ݄ܡ ܡܒܰܝܢ ܗ̄ܰܡّܺܝ̈ܬ̥ܶܐ.
ܝܶܫܽܘܥ ܟܣܳܝ݄ܡ ܒܽܘܚܪܳܢܳܐ ܠܺܗ̄ܝ ܚܽܘܒܳܐ ܕܫܶܡܥܽܘܢ
15ܘܒ݄ܬ̥݄ܪ ܕܰܐܟ̥݄ܠّܶܗ، ܝܶܫܽܘܥ ܐܡ݄ܪ ܠܶܗ ܠܫܶܡܥܽܘܢ ܟܶܐܦܳܐ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ ܙ݄ܕ ܡܰܗ̄ܢܺܝ؟“ ܐܡ݄ܪ ܠܶܗ ܠܶܗ: ”ܐܺܝܢ ܡܳܪܝ، ܗܰܬ ܟ݄ܐܕ̥ܥܰܬ ܕܟܳܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ: ”ܗܘܰܝ ܪܳܥܝܳܐ ܠܰܦّܰܪ̈ܰܝܕ̥ܺܝ.“ 16ܘܕܰܬّܰܪܬܶܝ ܟܳܪ̈ܶܐ ܐܡ݄ܪ ܠܶܗ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ؟“ ܐܡ݄ܪ ܠܶܗ ܠܶܗ: ”ܐܺܝܢ ܡܳܪܝ، ܗܰܬ ܟ݄ܐܕ̥ܥܰܬ ܕܟܳܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ ܝܶܫܽܘܥ: ”ܗܘܰܝ ܪܳܥܝܳܐ ܠܰܥّܶܪ̈ܒܰܝܕ̥ܺܝ.“ 17ܘܕܰܬܠ݄ܬ̥ ܟܳܪ̈ܶܐ ܐܡ݄ܪ ܠܶܗ ܠܶܗ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ؟“ ܘܟܰܪܝܳܐ ܠܶܗ ܠܟܶܐܦܳܐ ܥܰܠ ܕܐܡ݄ܪ ܠܶܗ ܠܶܗ ܬܠ݄ܬ̥ ܟܳܪ̈ܶܐ: ܟܪ݄ܚܡܰܬ ܠܺܝ؛ ܘܐܡ݄ܪ ܠܶܗ ܠܶܗ: ”ܡܳܪܝ، ܗܰܬ ܟܽܘܠ ܡܶܕܶܐ ܟ݄ܐܕ̥ܥܰܬ، ܘܟ݄ܐܕ̥ܥܰܬ ܕ݄ܟܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ ܝܶܫܽܘܥ: ”ܗܘܰܝ ܪܳܥܝܳܐ ܠܰܥ̈ܘܳܢܰܝܕ̥ܺܝ. 18ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܗ̄ܺܝ ܢܰܩܠܐ ܕܟ݄ܬ ܗ̄ܘܰܝܬ ܛܰܠܝܳܐ، ܗܰܬ ܒܺܐܝܕ̥ܳܟ̥ ܡܰܐܣܪܰܬ ܗ̄ܘܰܐ ܚܰܨܳܟ̥ ܘ݄ܡܗܰܠܟ̥ܰܬ ܗ̄ܘܰܐ ܠܰܐܝܟܳܐ ܕܳܐܒܥܰܬ ܗ̄ܘܰܐ. ܐܶܠܳܐ ܡ݄ܐ ܕܗܰܘܰܬ ܣܳܒ̥ܳܐ، ܓ݄ܕܦܳܫܛܰܬ ܐܺܝܕ̥̈ܳܬ̥ܳܟ̥ ܘܢܳܫܳܐ ܚܪܶܢܳܐ ܓ݄ܕܡܰܐܣ݄ܪ ܚܰܨܳܟ̥ ܘܡܰܘܒܶܠ ܠܳܟ̥ ܠܰܐܝܟܳܐ ܕܠ݄ܐ ܟ݄ܐܒܥܰܬ.“ 19ܘܗܰܬ̥ܶܐ ܐܡ݄ܪ ܠܶܗ ܕܡܰܚܘܶܐ ܠܶܗ ܒܰܐܝܢܰܐ ܡܰܘܬܳܐ ܓ݄ܡܫܰܒ݄ܚ ܠܰܐܠܳܗܳܐ. ܘܒ݄ܬ̥݄ܪ ܕܐܡ݄ܪ ܠܶܗ ܗܰܢܺܝ، ܐܡ݄ܪ ܠܶܗ ܠܶܗ: ”ܬܳܟ̥ ܒ݄ܬ̥ܪܺܝ.“
20ܘܫܶܡܥܽܘܢ ܡܰܕܥܰܪ ܠܶܗ ܦܳܬ̥ܶܗ ܘ݄ܚܙܶܐ ܠܶܗ ܗ̄ܽܘ ܬܰܠܡܺܝܕ̥ܳܐ ܕܪܳܚܰܡ ܗ̄ܘܰܝ ܠܶܗ ܝܶܫܽܘܥ ܐܰܬ̥ܳܝܳܐ ܒ݄ܬ̥ܪܶܗ، ܗܰܘܳܐ ܕܢܰܦ݄ܠ ܗ̄ܘܰܐ ܥܰܠ ܚܰܕ̥ܝܶܗ ܕܝܶܫܽܘܥ ܒܺܗ̄ܝ ܚܫܰܡܬܳܐ ܘܐܡ݄ܪ ܠܶܗ: ”ܡܰܢܝܳܐ ܕܓ݄ܕܡܰܫܠܰܡ ܠܳܟ̥؟“ 21ܠܰܗ̄ܢܳܐ، ܗ̄ܺܝ ܢܰܩܠܐ ܕܟܶܐܦܳܐ ܚܙܶܐ ܠܶܗ، ܐܡ݄ܪ ܠܶܗ ܠܝܶܫܽܘܥ: ”ܡܳܪܝ، ܘܗܰܢܳܐ ܡ݄ܢ (ܓܕܳܗ̄ܘܶܐ ܠܶܗ)؟“ 22ܐܡ݄ܪ ܠܶܗ ܝܶܫܽܘܥ: ”ܕܳܐܒܰܥ ܐ̱ܢܳܐ ܗܰܢܳܐ ܕܦܳܝ݄ܫ ܗܳܠ ܕܳܐܬ̥ܶܐ ܐ̱ܢܳܐ، ܗܰܬ ܡܳܐ ܠܳܟ̥؟ ܗܰܬ ܬܳܟ̥ ܒ݄ܬ̥ܪܺܝ!“ 23ܘܢܰܦ݄ܩ ܗ̄ܽܘ ܡܰܐܡܪܰܢܳܐ ܒܰܝܢ ܗ̄ܰܢ ܐܰܚ̈ܽܘܢܳܢܶܐ ܕܽܗ̄ܘ ܬܰܠܡܺܝܕ̥ܰܘܳܐ ܠ݄ܐ ܟܡܳܝ݄ܬ̥. ܐܶܠܳܐ ܝܶܫܽܘܥ ܠܳܐ ܐܡ݄ܪ ܠܶܗ ܕܠ݄ܐ ܟܡܳܝ݄ܬ̥، ܐܡ݄ܪ ܠܶܗ: ”ܕܳܐܒܰܥ ܐ̱ܢܳܐ ܗܰܢܳܐ ܕܦܳܝ݄ܫ ܗܳܠ ܕܳܐܬ̥ܶܐ ܐ̱ܢܳܐ، ܗܰܬ ܡܳܐ ܠܳܟ̥.“
ܚܰܪܰܝܬܳܐ
24ܗܰܢܳܐ ܝܳܐ ܗ̄ܽܘ ܬܰܠܡܺܝܕ̥ܳܐ ܕ݄ܣܗ݄ܕ ܠܶܗ ܥܰܠ ܗܰܢܺܝ ܟܽܘܠّܶܗ، ܘܗܺܝّܶܗ ܟܬ̥ܺܝܒ̥ܺܝ ܠܶܗ. ܘܟ݄ܐܕ̥ܥܺܝܢܰܐ ܕܺܗ̄ܝ ܣܳܗܕܽܘܬ̥ܰܝܕ̥ܶܗ ܫܰܪ݄ܪܬܳܐ ܝܳܐ. 25ܘܟܺܝܬ ܣܬܶܝ ܓ̥ܰܠܰܒܶܐ ܡܶܕ̈ܳܢܶܐ ܚܪ̈ܶܢܶܐ ܕܣ݄ܡ ܠܶܗ ܝܶܫܽܘܥ، ܐܶܢ ܗܰܢܺܝ ܚܕ̥ܳܐ ܒ݄ܚܕ̥ܳܐ ܡ݄ܟܬ̥ܳܒ̥ܺܝ ܗ̄ܘܰܘ̱، ܟܳܐܡܰܪ ܐ̱ܢܳܐ ܗ̄ܽܘ ܥܳܠܡܳܐ ܟܽܘܠܶܗ ܠ݄ܐ ܟܥܳܪܶܐ ܗ̄ܘܰܐ ܠܰܟܬ̥ܳܒ̥̈ܶܐ ܕܡ݄ܟܬ̥ܳܒ̥ܺܝ ܗ̄ܘܰܘ̱.
Currently Selected:
ܡܓܰܠܝܘܢ ܕܝܘܚܢܢ 21: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 21
21
ܝܶܫܽܘܥ ܟܡ݄ܚܙܶܐ ܠܫܰܒ̥ܥܳܐ ܡܰܢ̱ ܬّܰܠܡܺܝܕ̥̈ܶܐ
1ܘܒ݄ܬ̥݄ܪ ܡܰܗ̄ܢܺܝ، ܕܰܥ݄ܪ ܝܶܫܽܘܥ ܡܰܚܘܶܐ ܠܶܗ ܪܽܘܚܶܗ ܠܰܬّܰܠܡܺܝܕ̥̈ܰܝܕ̥ܶܗ ܥܰܠ ܗ̄ܽܘ ܝܰܡܳܐ ܕܛܺܝܒܶܪܺܝܳܘܣ. ܘܗܰܘܟ̥ܰܐ ܡܰܚܘܶܐ ܠܶܗ ܪܽܘܚܶܗ: 2ܥܰܡ ܚܕ̥ܳܕ̥̈ܶܐ ܗ̄ܘܰܝܢܶܝ ܫܶܡܥܽܘܢ ܟܶܐܦܳܐ، ܘܬܳܐܘܡܰܐ ܕܡܺܝܬܰܘܡܰܪ ܠܶܗ ܬܳܐܡܳܐ، ܘܢܰܬ̥ܰܢܰܝܺܐܝܠ ܗܰܘܳܐ ܕܡܶܢ̱ ܩܳܛܢܶܐ ܕܽܗ̄ܘ ܓܠܺܝܠܳܐ، ܘܰܗ̄ܢ ܐܰܒܢ̈ܶܐ ܕܙܰܒܕܰܝ، ܘ݄ܬܪܶܝ ܚܪ̈ܶܢܶܐ ܡܰܢ̱ ܬّܰܠܡܺܝܕ̥̈ܶܐ. 3ܫܶܡܥܽܘܢ ܟܶܐܦܳܐ ܐܡ݄ܪ ܠܰܗ ܠّܶܗ: ”ܓܕ݄ܐܙّܺܝ ܨܳܝܰܕ ܐ̱ܢܳܐ ܢܽܘܢ̈ܶܐ.“ ܐܡ݄ܪّܰܗ ܠܶܗ: ”ܐܰܚܢܰܐ ܣܬܶܝ ܓܕܳܐܬ̥ܺܝܢܰܐ ܐܰܥܡܳܟ̥.“ ܘܢܰܦܺܝܩܺܝ ܘܣܰܠܺܝܩܺܝ ܠܺܗ̄ܝ ܣܦܺܝܢ̱ܬܳܐ. ܘܒܽܗ̄ܘ ܠܰܠܝܰܘܳܐ ܠܳܐ ܨ݄ܕّܶܗ ܡܶܕܶܐ. 4ܘ݄ܒܩܶܕܰܡܬܳܐ، ܩܰܝ݄ܡ ܝܶܫܽܘܥ ܥܰܠ ܗ̄ܽܘ ܓܰܒܳܐ ܕܽܗ̄ܘ ܝܰܡܳܐ، ܘܰܬّܰܠܡܺܝܕ̥̈ܶܐ ܠܰܐ ܐܕ̥ܺܝܥܺܝ ܕܝܶܫܽܘܥ ܝܳܐ. 5ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܛܠܳܝ̈ܶܐ، ܟ݄ܬܟ̥ܽܘ ܡܶܕܶܐ ܠܽܗ̄ܘ ܡܽܐܘܟܠܳܐ؟“ ܐܡ݄ܪّܰܗ ܠܶܗ: ”ܠܳܐ.“ 6ܐܡ݄ܪ ܠܰܗ ܠّܶܗ: ”ܡܚܰܠܶܩܽܘ ܗ̄ܺܝ ܡܨܺܝܕܬܰܬ̥ܟ̥ܽܘ ܡܽܗ̄ܘ ܓܰܒܳܐ ܕܽܗ̄ܘ ܝܰܡܺܝܢܳܐ ܕܺܗ̄ܝ ܣܦܺܝܢ̱ܬܳܐ ܘܓ݄ܕܚܳܙܺܝܬܽܘ.“ ܘ݄ܡܚܰܠܰܩّܶܗ، ܘܠܳܐ ܩܰܕܺܝܪܺܝ ܕܓܳܪܫܺܝ ܗ̄ܺܝ ܡܨܺܝܕ̥ܬܳܐ ܡܰܗ̄ܢ ܢܽܘܢ̈ܶܐ ܓ̥ܰܠܰܒܶܐ ܕ݄ܙܒ݄ܛ ܠܰܗ. 7ܘܽܗ̄ܘ ܬܰܠܡܺܝܕ̥ܰܘܳܐ ܕܝܶܫܽܘܥ ܪܳܚܰܡ ܗ̄ܘܰܝ ܠܶܗ ܐܡ݄ܪ ܠܶܗ ܠܟܶܐܦܳܐ: ”ܗܰܢܳܐ ܡܳܪܰܢ ܝܳܐ!“ ܘܡ݄ܢ ܕܫܰܡ݄ܥ ܫܶܡܥܽܘܢ ”ܡܳܪܰܢ ܝܳܐ“، ܡ݄ܕ ܠܶܗ ܗ̄ܺܝ ܩܡ݄ܣܬܰܝܕ̥ܶܗ ܘ݄ܠܒ̥ܺܝܫܳܐ ܠܶܗ، ܥܰܠ ܕܟ݄ܬ ܗ̄ܘܰܐ ܙܰܠܛܳܢܳܐ، ܘ݄ܡܚܰܠܰܩ ܠܶܗ ܪܽܘܚܶܗ ܒܽܗ̄ܘ ܝܰܡܳܐ ܕܳܐܬ̥ܶܐ ܠܓܰܒ ܝܶܫܽܘܥ. 8ܘܰܬّܰܠܡܺܝܕ̥̈ܶܐ ܚܪ̈ܶܢܶܐ ܐܰܬ̥݄ܢ ܒܺܗ̄ܝ ܣܦܺܝܢ̱ܬܳܐ، ܠܰܝ̱ܬ ܗ̄ܘܰܝܢܶܝ ܪ̈ܰܚܽܘܩܶܐ ܓ̥ܰܠܰܒܶܐ ܡܺܗ̄ܝ ܐܰܪܥܳܐ، ܐܟ̥ ܕܡܰܐܬ̥ܶܝ ܕܪ̈ܳܥܶܐ. ܘ݄ܓܪ݄ܫّܶܗ ܗ̄ܺܝ ܣܦܺܝܢ̱ܬܳܐ ܕܡܰܠܝܳܐ ܗ̄ܘܰܐ ܡܰܗ̄ܢ ܢܽܘܢ̈ܶܐ.
ܝܶܫܽܘܥ ܟܳܐܟ̥݄ܠ ܥܰܡ ܗ̄ܰܬّܰܠܡܺܝܕ̥̈ܰܝܕ̥ܶܗ
9ܗ̄ܺܝ ܢܰܩܠܐ ܕܣܰܠܺܝܩܺܝ ܠܺܗ̄ܝ ܐܰܪܥܳܐ ܚܙܰܠّܶܗ ܓܽܘܡܪ̈ܶܐ ܕܢܽܘܪܳܐ ܡܰܚ̈ܬܶܐ، ܘܡܰܚܬܳܐ ܘܰܐܥܠܰܝّܶܗ ܢܽܘܢܳܐ، ܘܠܰܚܡܳܐ. 10ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܡܰܝܬܰܝܽܘ ܡܰܗ̄ܢ ܢܽܘ̈ܢܰܢ݄ܟ ܕܨ݄ܕܟ̥ܽܘ ܐܳܥܕܳܐ.“ 11ܘܣܰܠ݄ܩ ܫܶܡܥܽܘܢ ܟܶܐܦܳܐ ܘ݄ܓܪ݄ܫ ܠܶܗ ܗ̄ܺܝ ܣܦܺܝܢ̱ܬܳܐ ܠܺܗ̄ܝ ܐܰܪܥܳܐ ܘܗܺܝّܰܗ ܡܠܺܝܬ̥ܳܐ ܢܽܘܢ̈ܶܐ ܪ̈ܰܒܶܐ: ܡܳܐܐ ܘ݄ܬܠ݄ܬ̥ ܘܚܰܡܫܺܝ. ܘܒܽܗ̄ܘ ܝܽܘܩܪܰܢܳܐ ܟܽܘܠܶܗ ܗ̄ܺܝ ܡܨܺܝܕ̥ܬܳܐ ܠܳܐ ܩܛܺܝܥܳܐ. 12ܘܐܡ݄ܪ ܠܰܗ ܠّܶܗ ܝܶܫܽܘܥ: ”ܬܳܟ̥ܽܘ ܐܟ̥ܽܘܠܽܘ.“ ܘܢܳܫܳܐ ܡܰܢ̱ ܬّܰܠܡܺܝܕ̥̈ܶܐ ܠܳܐ ܩܳܕܰܪ ܗ̄ܘܰܐ ܕ݄ܡܫܰܐܶܠ ܠܶܗ ܕܡܰܢܝܳܐ، ܡܺܐܝܕ̥ܶܗ ܕܳܐܕ̥ܥܺܝ ܗ̄ܘܰܘ̱ ܕܡܳܪܰܢ ܝܳܐ. 13ܘ݄ܡܩܰܕܰܡ ܠܶܗ ܝܶܫܽܘܥ ܘܡ݄ܕ ܠܶܗ ܗ̄ܽܘ ܠܰܚܡܳܐ ܘܰܗ̄ܢ ܢܽܘܢ̈ܶܐ ܘܗܽܒ̥ ܠܰܗ ܠّܶܗ. 14ܗܰܬ̥ܶܐ ܕܰܬܠ݄ܬ̥ ܟܳܪ̈ܶܐ ܗ̄ܘܰܐ ܕ݄ܚܙܶܐ ܝܶܫܽܘܥ ܠܰܬّܰܠܡܺܝܕ̥̈ܰܝܕ̥ܶܗ ܡܺܗ̄ܝ ܢܰܩܠܐ ܕܩܰܝ݄ܡ ܡܒܰܝܢ ܗ̄ܰܡّܺܝ̈ܬ̥ܶܐ.
ܝܶܫܽܘܥ ܟܣܳܝ݄ܡ ܒܽܘܚܪܳܢܳܐ ܠܺܗ̄ܝ ܚܽܘܒܳܐ ܕܫܶܡܥܽܘܢ
15ܘܒ݄ܬ̥݄ܪ ܕܰܐܟ̥݄ܠّܶܗ، ܝܶܫܽܘܥ ܐܡ݄ܪ ܠܶܗ ܠܫܶܡܥܽܘܢ ܟܶܐܦܳܐ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ ܙ݄ܕ ܡܰܗ̄ܢܺܝ؟“ ܐܡ݄ܪ ܠܶܗ ܠܶܗ: ”ܐܺܝܢ ܡܳܪܝ، ܗܰܬ ܟ݄ܐܕ̥ܥܰܬ ܕܟܳܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ: ”ܗܘܰܝ ܪܳܥܝܳܐ ܠܰܦّܰܪ̈ܰܝܕ̥ܺܝ.“ 16ܘܕܰܬّܰܪܬܶܝ ܟܳܪ̈ܶܐ ܐܡ݄ܪ ܠܶܗ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ؟“ ܐܡ݄ܪ ܠܶܗ ܠܶܗ: ”ܐܺܝܢ ܡܳܪܝ، ܗܰܬ ܟ݄ܐܕ̥ܥܰܬ ܕܟܳܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ ܝܶܫܽܘܥ: ”ܗܘܰܝ ܪܳܥܝܳܐ ܠܰܥّܶܪ̈ܒܰܝܕ̥ܺܝ.“ 17ܘܕܰܬܠ݄ܬ̥ ܟܳܪ̈ܶܐ ܐܡ݄ܪ ܠܶܗ ܠܶܗ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ؟“ ܘܟܰܪܝܳܐ ܠܶܗ ܠܟܶܐܦܳܐ ܥܰܠ ܕܐܡ݄ܪ ܠܶܗ ܠܶܗ ܬܠ݄ܬ̥ ܟܳܪ̈ܶܐ: ܟܪ݄ܚܡܰܬ ܠܺܝ؛ ܘܐܡ݄ܪ ܠܶܗ ܠܶܗ: ”ܡܳܪܝ، ܗܰܬ ܟܽܘܠ ܡܶܕܶܐ ܟ݄ܐܕ̥ܥܰܬ، ܘܟ݄ܐܕ̥ܥܰܬ ܕ݄ܟܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ ܝܶܫܽܘܥ: ”ܗܘܰܝ ܪܳܥܝܳܐ ܠܰܥ̈ܘܳܢܰܝܕ̥ܺܝ. 18ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܗ̄ܺܝ ܢܰܩܠܐ ܕܟ݄ܬ ܗ̄ܘܰܝܬ ܛܰܠܝܳܐ، ܗܰܬ ܒܺܐܝܕ̥ܳܟ̥ ܡܰܐܣܪܰܬ ܗ̄ܘܰܐ ܚܰܨܳܟ̥ ܘ݄ܡܗܰܠܟ̥ܰܬ ܗ̄ܘܰܐ ܠܰܐܝܟܳܐ ܕܳܐܒܥܰܬ ܗ̄ܘܰܐ. ܐܶܠܳܐ ܡ݄ܐ ܕܗܰܘܰܬ ܣܳܒ̥ܳܐ، ܓ݄ܕܦܳܫܛܰܬ ܐܺܝܕ̥̈ܳܬ̥ܳܟ̥ ܘܢܳܫܳܐ ܚܪܶܢܳܐ ܓ݄ܕܡܰܐܣ݄ܪ ܚܰܨܳܟ̥ ܘܡܰܘܒܶܠ ܠܳܟ̥ ܠܰܐܝܟܳܐ ܕܠ݄ܐ ܟ݄ܐܒܥܰܬ.“ 19ܘܗܰܬ̥ܶܐ ܐܡ݄ܪ ܠܶܗ ܕܡܰܚܘܶܐ ܠܶܗ ܒܰܐܝܢܰܐ ܡܰܘܬܳܐ ܓ݄ܡܫܰܒ݄ܚ ܠܰܐܠܳܗܳܐ. ܘܒ݄ܬ̥݄ܪ ܕܐܡ݄ܪ ܠܶܗ ܗܰܢܺܝ، ܐܡ݄ܪ ܠܶܗ ܠܶܗ: ”ܬܳܟ̥ ܒ݄ܬ̥ܪܺܝ.“
20ܘܫܶܡܥܽܘܢ ܡܰܕܥܰܪ ܠܶܗ ܦܳܬ̥ܶܗ ܘ݄ܚܙܶܐ ܠܶܗ ܗ̄ܽܘ ܬܰܠܡܺܝܕ̥ܳܐ ܕܪܳܚܰܡ ܗ̄ܘܰܝ ܠܶܗ ܝܶܫܽܘܥ ܐܰܬ̥ܳܝܳܐ ܒ݄ܬ̥ܪܶܗ، ܗܰܘܳܐ ܕܢܰܦ݄ܠ ܗ̄ܘܰܐ ܥܰܠ ܚܰܕ̥ܝܶܗ ܕܝܶܫܽܘܥ ܒܺܗ̄ܝ ܚܫܰܡܬܳܐ ܘܐܡ݄ܪ ܠܶܗ: ”ܡܰܢܝܳܐ ܕܓ݄ܕܡܰܫܠܰܡ ܠܳܟ̥؟“ 21ܠܰܗ̄ܢܳܐ، ܗ̄ܺܝ ܢܰܩܠܐ ܕܟܶܐܦܳܐ ܚܙܶܐ ܠܶܗ، ܐܡ݄ܪ ܠܶܗ ܠܝܶܫܽܘܥ: ”ܡܳܪܝ، ܘܗܰܢܳܐ ܡ݄ܢ (ܓܕܳܗ̄ܘܶܐ ܠܶܗ)؟“ 22ܐܡ݄ܪ ܠܶܗ ܝܶܫܽܘܥ: ”ܕܳܐܒܰܥ ܐ̱ܢܳܐ ܗܰܢܳܐ ܕܦܳܝ݄ܫ ܗܳܠ ܕܳܐܬ̥ܶܐ ܐ̱ܢܳܐ، ܗܰܬ ܡܳܐ ܠܳܟ̥؟ ܗܰܬ ܬܳܟ̥ ܒ݄ܬ̥ܪܺܝ!“ 23ܘܢܰܦ݄ܩ ܗ̄ܽܘ ܡܰܐܡܪܰܢܳܐ ܒܰܝܢ ܗ̄ܰܢ ܐܰܚ̈ܽܘܢܳܢܶܐ ܕܽܗ̄ܘ ܬܰܠܡܺܝܕ̥ܰܘܳܐ ܠ݄ܐ ܟܡܳܝ݄ܬ̥. ܐܶܠܳܐ ܝܶܫܽܘܥ ܠܳܐ ܐܡ݄ܪ ܠܶܗ ܕܠ݄ܐ ܟܡܳܝ݄ܬ̥، ܐܡ݄ܪ ܠܶܗ: ”ܕܳܐܒܰܥ ܐ̱ܢܳܐ ܗܰܢܳܐ ܕܦܳܝ݄ܫ ܗܳܠ ܕܳܐܬ̥ܶܐ ܐ̱ܢܳܐ، ܗܰܬ ܡܳܐ ܠܳܟ̥.“
ܚܰܪܰܝܬܳܐ
24ܗܰܢܳܐ ܝܳܐ ܗ̄ܽܘ ܬܰܠܡܺܝܕ̥ܳܐ ܕ݄ܣܗ݄ܕ ܠܶܗ ܥܰܠ ܗܰܢܺܝ ܟܽܘܠّܶܗ، ܘܗܺܝّܶܗ ܟܬ̥ܺܝܒ̥ܺܝ ܠܶܗ. ܘܟ݄ܐܕ̥ܥܺܝܢܰܐ ܕܺܗ̄ܝ ܣܳܗܕܽܘܬ̥ܰܝܕ̥ܶܗ ܫܰܪ݄ܪܬܳܐ ܝܳܐ. 25ܘܟܺܝܬ ܣܬܶܝ ܓ̥ܰܠܰܒܶܐ ܡܶܕ̈ܳܢܶܐ ܚܪ̈ܶܢܶܐ ܕܣ݄ܡ ܠܶܗ ܝܶܫܽܘܥ، ܐܶܢ ܗܰܢܺܝ ܚܕ̥ܳܐ ܒ݄ܚܕ̥ܳܐ ܡ݄ܟܬ̥ܳܒ̥ܺܝ ܗ̄ܘܰܘ̱، ܟܳܐܡܰܪ ܐ̱ܢܳܐ ܗ̄ܽܘ ܥܳܠܡܳܐ ܟܽܘܠܶܗ ܠ݄ܐ ܟܥܳܪܶܐ ܗ̄ܘܰܐ ܠܰܟܬ̥ܳܒ̥̈ܶܐ ܕܡ݄ܟܬ̥ܳܒ̥ܺܝ ܗ̄ܘܰܘ̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation