ܥܒܳܕ̥̈ܶܐ ܕܰܫܠܺܝܚ̈ܶܐ 1
1
ܗ̄ܽܘ ܪܺܝܫܳܐ
ܗ̄ܽܘ ܘܰܥܕܳܐ ܕܽܗ̄ܘ ܐܰܒܳܐ
1ܗ̄ܽܘ ܟܬ̥ܳܒ̥ܳܐ ܩܰܕ̱ܡܳܝܳܐ ܟܬ̥ܽܒ̥ ܠܺܝ، ܬܶܐܳܘܦܺܝܠܶܐ، ܥܰܠ ܟܽܘܠّܶܗ ܗܰܢܺܝ ܕ݄ܡܫܰܪܶܐ ܠܶܗ ܡܳܪܰܢ ܝܶܫܽܘܥ ܡܫܺܝܚܳܐ ܕܣܳܝ݄ܡ ܘ݄ܕܡܰܘܠ݄ܦ، 2ܗܳܠ ܠܽܗ̄ܘ ܝܰܘܡܰܘܳܐ ܕܶܐܒܶܗ ܣܰܠ݄ܩ، ܡܶܢ̱ ܒ݄ܬ̥݄ܪ ܕܐܡ݄ܪ ܗ̄ܘܰܝ ܠܶܗ ܠܰܫܠܺܝܚ̈ܶܐ ܐܰܝܢܰܐ ܕ݄ܓܒܶܐ ܠܶܗ ܒܪܽܘܚܳܐ ܕܩܽܘܕܫܳܐ. 3ܠܰܗ̄ܢ݄ܟ ܕܡܰܚܘܶܐ ܠܰܗ ܠّܶܗ ܪܽܘܚܶܗ ܘܗܺܝّܶܗ ܚܰܝܳܐ ܒ݄ܬ̥݄ܪ ܕ݄ܛܥ݄ܢ ܠܶܗ ܗ̄ܽܘ ܚܰܫܳܐ ܒܳܐܬ̥ܘ̈ܳܬ̥ܳܐ ܓ̥ܰܠܰܒܶܐ، ܘܗܺܝّܶܗ ܡ݄ܚܙܶܐ ܗ̄ܘܰܐ ܐܰܠّܶܗ ܐܰܪܒܥܺܝ ܝܰܘܡ̈ܶܐ، ܘܳܐܡܰܪ ܗ̄ܘܰܐ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 4ܘܺܗ̄ܝ ܢܰܩܠܐ ܕܰܐܟ̥ܺܝܠ ܠܶܗ ܐܰܥܡܰܝّܶܗ ܠܰܚܡܳܐ، ܡܰܩܘܶܐ ܠܶܗ ܐܰܥܠܰܝّܶܗ ܕܠܳܐ ܢܳܦܩܺܝ ܡܶܢ̱ ܐܽܘܪܶܫܠܶܡ، ܐܶܠܳܐ ܕܢܳܛܪܺܝ ܠܽܗ̄ܘ ܘܰܥܕܳܐ ܕܽܗ̄ܘ ܒܰܒܳܐ ܗܰܘܳܐ ܕܫܰܡܺܝܥܺܝܬܽܘ ܡܶܢܺܝ: 5ܝܽܘܚܰܢܳܢ ܡܰܥܡܰܕ̥ ܠܶܗ ܒܰܡّܰܝ̈ܶܐ، ܐܶܠܳܐ ܗܰܬܽܘ ܓܥܳܡܕ̥ܺܝܬܽܘ ܒܪܽܘܚܳܐ ܕܩܽܘܕܫܳܐ ܠܳܐ ܒ݄ܬ̥݄ܪ ܝܰܘ̈ܡܳܬ̥ܳܐ ܓ̥ܰܠܰܒܶܐ.
ܗ̄ܽܘ ܣܽܘܠܳܩܳܐ ܕܡܳܪܰܢ ܠܺܗ̄ܝ ܫܡܰܝܳܐ
6ܘܗ݄ܢّܶܝ ܠܰܬܺܝܡ̈ܶܐ، ܡܫܰܐܶܠّܶܗ ܘܐܡ݄ܪّܰܗ ܠܶܗ: ”ܡܳܪܰܢ، ܐܶܢ ܒܽܗ̄ܘ ܙܰܒܢܰܢܳܐ ܓܡܰܕܥܪܰܬ ܗ̄ܺܝ ܡܰܠܟܽܘܬ̥ܳܐ ܠܺܐܝܣܪܳܐܶܝܠ؟“ 7ܗܺܝّܶܗ ܐܡ݄ܪ ܠܰܗ ܠّܶܗ: ”ܗܰܬ̥ܶܐ ܠܰܝ̱ܬ ܝܳܐ ܕ݄ܬ̥ܟ̥ܽܘ ܕܳܐܕ̥ܥܺܝܬܽܘ ܗ̄ܽܘ ܙܰܒܢܳܐ ܐܰܘ ܗ̄ܰܙّܰܒܢ̈ܶܐ ܐܰܝܢܰܐ ܕܽܗ̄ܘ ܒܰܒܳܐ ܡܰܚܰܬ ܠܶܗ ܒܽܗ̄ܘ ܫܽܘܠܛܳܢܰܝܕ̥ܶܗ. 8ܐܶܠܳܐ ܡ݄ܐ ܕܳܐܬ̥ܝܳܐ ܪܽܘܚܳܐ ܕܩܽܘܕܫܳܐ ܐܰܥܠܰܝܟ̥ܽܘ، ܓܡܰܩ݄ܒܠܺܝܬܽܘ ܚܰܝܠܳܐ، ܘ݄ܓܕܳܗ̄ܘܺܝܬܽܘ ܠܺܝ ܣܳܗܕ̈ܶܐ ܒܽܐܘܪܶܫܠܶܡ ܘ݄ܒܟܽܘܠܰܗ ܝܺܗܽܘܕ̥ ܘܒܰܝܢ ܗ̄ܰܫّܳܡܪ̈ܳܝܶܐ ܣܬܶܝ ܘܗܳܠ ܠܰܚܰܪ̈ܳܝܬܳܐ ܕܺܗ̄ܝ ܐܰܪܥܳܐ.“
9ܘܺܗ̄ܝ ܢܰܩܠܐ ܕܗܰܢܺܝ ܐܡ݄ܪ ܠܶܗ، ܘܗ݄ܢّܶܝ ܟܚܰܝܪܺܝ ܐܶܒܶܗ، ܣܰܠ݄ܩ، ܘܥܰܝܡܳܐ ܡ݄ܕ ܠܶܗ، ܘ݄ܡܟܰܣܶܐ ܡܶܢ̱ ܩ݄ܕ̱ܡ ܥܰܝܢ̈ܳܬ̥ܰܝّܶܗ. 10ܘܗ݄ܢّܶܝ ܚܰܝܪܺܝ ܗ̄ܘܰܘ̱ ܒܺܗ̄ܝ ܫܡܰܝܳܐ ܘܗܺܝّܶܗ ܐܰܙܳܠܳܐ، ܚܙ݄ܢ ܬܪܶܝ ܓܰܒܪ̈ܶܐ ܟܳܩܰܝܡܺܝ ܣܺܝܕܰܝّܶܗ ܒ݄ܠܒܽܘܫ̈ܶܐ ܚܶܘܳܪ̈ܶܐ، 11ܘܟ݄ܐܡّ݄ܪ̱ܢّܶܗ: ”ܓܰܒܪ̈ܶܐ ܓܠܺܝܠܳܝ̈ܶܐ، ܠܡ݄ܢ ܟܳܩܰܝܡܺܝܬܽܘ ܘܟܳܚܰܝܪܺܝܬܽܘ ܒܺܗ̄ܝ ܫܡܰܝܳܐ؟ ܗܰܢܳܐ ܝܶܫܽܘܥ ܕܣܰܠ݄ܩ ܡܶܢܟ̥ܽܘ ܠܺܗ̄ܝ ܫܡܰܝܳܐ، ܗܰܘܟ̥ܰܐ ܓܕܳܐܬ̥ܶܐ ܐܟ̥ ܕ݄ܚܙܰܠܟ̥ܽܘ ܕܣܰܠ݄ܩ ܠܺܗ̄ܝ ܫܡܰܝܳܐ.“
ܗ̄ܺܝ ܥܺܕ̱ܬܳܐ ܩܰܕ̱ܡܰܝܬܳܐ ܒܽܐܘܪܶܫܠܶܡ
ܓܽܘܒܳܝܳܐ ܕܬܰܠܡܺܝܕ̥ܳܐ ܡܶܢ̱ ܚܠܳܦ ܝܺܗܽܘܕ̥ܳܐ
12ܘܒ݄ܬ̥݄ܪ ܡܰܗ̄ܢܺܝ، ܕܰܥܺܝܪܺܝ ܠܽܐܘܪܶܫܠܶܡ ܡܽܗ̄ܘ ܛܽܘܪܳܐ ܕ݄ܟܡ݄ܩܪܶܐ ܒܶܝܬ̥ ܙܰܝ̈ܬܶܐ ܕܟ݄ܬ ܝܳܐ ܥܰܠ ܗ̄ܽܘ ܓܰܒܳܐ ܕܽܐܘܪܶܫܠܶܡ ܘܪܰܚܽܘܩܳܐ ܡܶܢܰܗ ܐܟ̥ ܕܰܐܠܦܳܐ ܡܶܬܪ̈ܶܐ. 13ܘܒ݄ܬ̥݄ܪ ܡܶܢ̱ ܥܰܒܺܝܪܺܝ، ܣܰܠܺܝܩܺܝ ܠܺܗ̄ܝ ܥܶܠܺܝܬ̥ܳܐ، ܗܰܝܳܐ ܕܳܗ̄ܘ݄ܢ ܗ̄ܘܰܘ̱ ܐܶܒܰܗ ܦܶܛܪܳܘܣ ܘܝܽܘܚܰܢܳܢ ܘܝܰܥܩܽܘܒ ܘܰܐܢܕܪܶܐܘܳܣ ܘܦܺܝܠܺܝܦܳܘܣ ܘܬܳܐܘܡܰܐ ܘܡܰܬܰܝ ܘܒܰܪ ܬܽܘܠܡܰܝ ܘܝܰܥܩܽܘܒ ܐܰܒܪܶܗ ܕܚܰܠܦܰܝ ܘܫܶܡܥܽܘܢ ܛܰܢܳܢܳܐ ܘܺܝܗܽܘܕ̥ܳܐ ܐܰܒܪܶܗ ܕܝܰܥܩܽܘܒ. 14ܟܽܘܠّܶܗ ܗܰܢܺܝ ܥܰܡ ܚܕ̥ܳܕ̥̈ܶܐ ܡܨܰܠ݄ܢ ܗ̄ܘܰܘ̱ ܒܟܽܘܠ ܙܰܒܢܳܐ ܒܚܰܕ̥ܳܐ ܪܽܘܚܳܐ، ܥܰܡ ܗ̄ܰܢ ܢܶܫ̈ܶܐ ܘܥܰܡ ܡܰܪܝܰܡ ܗ̄ܺܝ ܐܶܡܳܐ ܕܝܶܫܽܘܥ ܘܥܰܡ ܗ̄ܰܢ ܐܰܚ̈ܽܘܢܳܢܰܝܕ̥ܶܗ.
15ܘܒܰܝّܰܘܡ̈ܳܬ̥ܰܢ݄ܟ، ܩܰܝ݄ܡ ܫܶܡܥܽܘܢ ܟܶܐܦܳܐ ܒܦܰܠܓܶܗ ܕܰܬّܰܠܡܺܝܕ̥̈ܶܐ، ܘܟ݄ܬ ܗ̄ܘܰܐ ܬܰܡܳܐ ܥܰܡܳܐ ܐܟ̥ ܕܡܳܐܐ ܘܥ݄ܣܪܺܝ ܢܳܫ̈ܶܐ، ܘܐܡ݄ܪ ܠܶܗ: 16”ܓܰܒܪ̈ܶܐ ܐܰܚ̈ܽܘܢܳܢܶܐ، ܠܳܙܰܡ ܗ̄ܘܰܐ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ ܐܰܝܢܰܐ ܕܡܶܢ̱ ܡܶܩ݄ܕ̱ܡ ܐܡ݄ܪ ܠܶܗ ܪܽܘܚܳܐ ܕܩܽܘܕܫܳܐ ܒܦܶܡܶܗ ܕܕܰܘܺܝܕ̥ ܥܰܠ ܝܺܗܽܘܕ̥ܳܐ، ܗܰܘܳܐ ܕܗܰܘܺܝ ܡܕܰܒܪܳܢܳܐ ܠܰܗ̄ܢ݄ܟ ܕܨ݄ܕّܶܗ ܠܝܶܫܽܘܥ. 17ܥܰܠ ܕ݄ܚܫܺܝܒ̥ܳܐ ܗ̄ܘܰܐ ܐܰܥܡܰܢ، ܘܟ݄ܬ ܗ̄ܘܰܝ ܠܶܗ ܡܢܳܬ̥ܳܐ (ܘܕܽܘܟܬ̥ܳܐ) ܒܺܗ̄ܝ ܬܶܫܡܶܫܬܰܬ̥ܶܐ، 18ܗܰܢܳܐ ܝܳܐ ܕ݄ܩܢܶܐ ܠܶܗ (ܡܰܛܺܝ ܠܶܗ) ܚܰܩܠܳܐ ܡܽܗ̄ܘ ܐܰܓ̥ܪܳܐ ܕܺܗ̄ܝ ܚܛܺܝܬ̥ܳܐ، ܘܢܰܦ݄ܠ ܥܰܠ ܦܳܬ̥ܶܗ ܥܰܠ ܗ̄ܺܝ ܐܰܪܥܳܐ، ܘ݄ܦܪܺܝܛ ܡܽܗ̄ܘ ܦܰܠܓܳܐ ܘܢܰܦ݄ܩ ܓܰܘܶܗ ܟܽܘܠܶܗ. 19ܘܝܺܕ̥݄ܥܳܐ ܗܰܬ̥ܶܐ ܠܟܘ̇ܠّܶܗ ܕܟܳܥܳܡܪܺܝ ܒܽܐܘܪܶܫܠܶܡ، ܘܗܰܘܟ̥ܰܐ ܗ̄ܺܝ ܚܰܩܠܰܝܳܐ ܩܰܪܝܳܐ ܒܽܗ̄ܘ ܠܶܫܳܢܳܐ ܕܽܗ̄ܘ ܐܰܬ̥ܪܳܐ ’ܚܩܰܠ ܕܡܰܐ‘ ܕܟ݄ܬ ܝܳܐ ܗ̄ܽܘ ܬܽܘܪܓܳܡܰܝܕ̥ܰܗ ’ܗ̄ܺܝ ܚܰܩܠܳܐ ܕܽܗ̄ܘ ܐܰܕܡܳܐ.‘ 20ܥܰܠ ܕܟ݄ܬܝܳܐ ܟܬ̥ܺܝܒ̥ܳܐ ܒܽܗ̄ܘ ܣܶܦܪܳܐ ܕܰܡّܰܙܡܽܘܪ̈ܶܐ: ’ܗ̄ܽܘ ܒܰܝܬܰܝܕ̥ܶܗ ܓ݄ܕܚܳܪ݄ܒ̥، ܘܥܳܡܽܘܪܳܐ ܠܳܐ ܟܳܗ̄ܘܶܐ ܐܶܒܶܗ، ܘܺܗ̄ܝ ܬܶܫܡܶܫܬܰܝܕ̥ܶܗ ܚܪܶܢܳܐ ܓܡܳܝܰܕ ܠܰܗ.‘ 21ܗ̄ܺܝ ܢܰܩܠܝܳܐ، ܓܠܳܙ݄ܡ ܠܚܰܕ̱ ܡܰܢ̱ ܓّܰܒ̥ܪ̈ܰܢܺܝ ܕܟ݄ܬ ܗ̄ܘܰܝܢܶܝ ܐܰܥܡܰܢ ܒܽܗ̄ܘ ܙܰܒܢܰܢܳܐ ܟܽܘܠܶܗ ܕܶܐܒܶܗ ܡܳܪܰܢ ܝܶܫܽܘܥ ܥܰܒ݄ܪ ܘܢܰܦ݄ܩ ܐܰܥܡܰܢ، 22ܕ݄ܡܫܰܪܶܐ ܠܶܗ ܡܺܗ̄ܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ ܗܳܠ ܠܽܗ̄ܘ ܝܰܘܡܳܐ ܕܣܰܠ݄ܩ ܡܶܢ̱ ܣܺܝܕ̥ܰܢ، ܕܗܺܝّܶܗ ܗܳܘܶܐ ܐܰܥܡܰܢ ܣܳܗܕܳܐ ܕܺܗ̄ܝ ܩܝܰܡܬܰܝܕ̥ܶܗ.“ 23ܘܡܰܩ݄ܡّܶܗ ܬܪܶܝ، ܠܝܰܘܣܶܦ ܕ݄ܟܡ݄ܩܪܶܐ ܒܰܪܫܰܒܳܐ، ܕ݄ܩܪܶܐ ܐ݄ܫܡܶܗ ܝܽܘܣܛܳܘܣ، ܘ݄ܠܡܰܬܺܝܰܐ. 24ܘܡ݄ܐ ܕ݄ܡܨܰܠܰܠّܶܗ ܐܡ݄ܪّܶܗ: ”ܗܰܬ ܡܳܪܝܳܐ، ܟ݄ܐܕ̥ܥܰܬ ܒܰܠّܶܒ̈ܶܐ ܕܟܘܿܠ، ܡܰܚܘܰܝ ܠܰܢ ܚܰܕ̱ ܐܰܝܢܰܐ ܕ݄ܡܢܰܩܰܬ ܡܰܢ̱ ܬܪܰܢܺܝ، 25ܕܗܺܝّܶܗ ܡܳܝ݄ܕ ܗ̄ܺܝ ܕܽܘܟܬ̥ܳܐ ܕܺܗ̄ܝ ܬܶܫܡܶܫܬܳܐ ܘܺܗ̄ܝ ܫܠܺܝܚܽܘܬ̥ܳܐ ܕܡܶܢܰܗ ܢܰܦ݄ܩ ܝܺܗܽܘܕ̥ܳܐ ܕ݄ܐܙّܶܗ ܠܺܗ̄ܝ ܕܽܘܟܬ̥ܰܝܕ̥ܶܗ.“ 26ܘ݄ܡܚܰܠܰܩّܶܗ ܦܶܣ̈ܶܐ ܘܰܐܬ̥ܝܳܐ ܠܡܰܬܺܝܰܐ، ܘ݄ܚܫܺܝܒ̥ ܥܰܡ ܗ̄ܰܚܕ̥ܰܥܣܰܪ ܫܠܺܝܚ̈ܶܐ.
Currently Selected:
ܥܒܳܕ̥̈ܶܐ ܕܰܫܠܺܝܚ̈ܶܐ 1: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܥܒܳܕ̥̈ܶܐ ܕܰܫܠܺܝܚ̈ܶܐ 1
1
ܗ̄ܽܘ ܪܺܝܫܳܐ
ܗ̄ܽܘ ܘܰܥܕܳܐ ܕܽܗ̄ܘ ܐܰܒܳܐ
1ܗ̄ܽܘ ܟܬ̥ܳܒ̥ܳܐ ܩܰܕ̱ܡܳܝܳܐ ܟܬ̥ܽܒ̥ ܠܺܝ، ܬܶܐܳܘܦܺܝܠܶܐ، ܥܰܠ ܟܽܘܠّܶܗ ܗܰܢܺܝ ܕ݄ܡܫܰܪܶܐ ܠܶܗ ܡܳܪܰܢ ܝܶܫܽܘܥ ܡܫܺܝܚܳܐ ܕܣܳܝ݄ܡ ܘ݄ܕܡܰܘܠ݄ܦ، 2ܗܳܠ ܠܽܗ̄ܘ ܝܰܘܡܰܘܳܐ ܕܶܐܒܶܗ ܣܰܠ݄ܩ، ܡܶܢ̱ ܒ݄ܬ̥݄ܪ ܕܐܡ݄ܪ ܗ̄ܘܰܝ ܠܶܗ ܠܰܫܠܺܝܚ̈ܶܐ ܐܰܝܢܰܐ ܕ݄ܓܒܶܐ ܠܶܗ ܒܪܽܘܚܳܐ ܕܩܽܘܕܫܳܐ. 3ܠܰܗ̄ܢ݄ܟ ܕܡܰܚܘܶܐ ܠܰܗ ܠّܶܗ ܪܽܘܚܶܗ ܘܗܺܝّܶܗ ܚܰܝܳܐ ܒ݄ܬ̥݄ܪ ܕ݄ܛܥ݄ܢ ܠܶܗ ܗ̄ܽܘ ܚܰܫܳܐ ܒܳܐܬ̥ܘ̈ܳܬ̥ܳܐ ܓ̥ܰܠܰܒܶܐ، ܘܗܺܝّܶܗ ܡ݄ܚܙܶܐ ܗ̄ܘܰܐ ܐܰܠّܶܗ ܐܰܪܒܥܺܝ ܝܰܘܡ̈ܶܐ، ܘܳܐܡܰܪ ܗ̄ܘܰܐ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ. 4ܘܺܗ̄ܝ ܢܰܩܠܐ ܕܰܐܟ̥ܺܝܠ ܠܶܗ ܐܰܥܡܰܝّܶܗ ܠܰܚܡܳܐ، ܡܰܩܘܶܐ ܠܶܗ ܐܰܥܠܰܝّܶܗ ܕܠܳܐ ܢܳܦܩܺܝ ܡܶܢ̱ ܐܽܘܪܶܫܠܶܡ، ܐܶܠܳܐ ܕܢܳܛܪܺܝ ܠܽܗ̄ܘ ܘܰܥܕܳܐ ܕܽܗ̄ܘ ܒܰܒܳܐ ܗܰܘܳܐ ܕܫܰܡܺܝܥܺܝܬܽܘ ܡܶܢܺܝ: 5ܝܽܘܚܰܢܳܢ ܡܰܥܡܰܕ̥ ܠܶܗ ܒܰܡّܰܝ̈ܶܐ، ܐܶܠܳܐ ܗܰܬܽܘ ܓܥܳܡܕ̥ܺܝܬܽܘ ܒܪܽܘܚܳܐ ܕܩܽܘܕܫܳܐ ܠܳܐ ܒ݄ܬ̥݄ܪ ܝܰܘ̈ܡܳܬ̥ܳܐ ܓ̥ܰܠܰܒܶܐ.
ܗ̄ܽܘ ܣܽܘܠܳܩܳܐ ܕܡܳܪܰܢ ܠܺܗ̄ܝ ܫܡܰܝܳܐ
6ܘܗ݄ܢّܶܝ ܠܰܬܺܝܡ̈ܶܐ، ܡܫܰܐܶܠّܶܗ ܘܐܡ݄ܪّܰܗ ܠܶܗ: ”ܡܳܪܰܢ، ܐܶܢ ܒܽܗ̄ܘ ܙܰܒܢܰܢܳܐ ܓܡܰܕܥܪܰܬ ܗ̄ܺܝ ܡܰܠܟܽܘܬ̥ܳܐ ܠܺܐܝܣܪܳܐܶܝܠ؟“ 7ܗܺܝّܶܗ ܐܡ݄ܪ ܠܰܗ ܠّܶܗ: ”ܗܰܬ̥ܶܐ ܠܰܝ̱ܬ ܝܳܐ ܕ݄ܬ̥ܟ̥ܽܘ ܕܳܐܕ̥ܥܺܝܬܽܘ ܗ̄ܽܘ ܙܰܒܢܳܐ ܐܰܘ ܗ̄ܰܙّܰܒܢ̈ܶܐ ܐܰܝܢܰܐ ܕܽܗ̄ܘ ܒܰܒܳܐ ܡܰܚܰܬ ܠܶܗ ܒܽܗ̄ܘ ܫܽܘܠܛܳܢܰܝܕ̥ܶܗ. 8ܐܶܠܳܐ ܡ݄ܐ ܕܳܐܬ̥ܝܳܐ ܪܽܘܚܳܐ ܕܩܽܘܕܫܳܐ ܐܰܥܠܰܝܟ̥ܽܘ، ܓܡܰܩ݄ܒܠܺܝܬܽܘ ܚܰܝܠܳܐ، ܘ݄ܓܕܳܗ̄ܘܺܝܬܽܘ ܠܺܝ ܣܳܗܕ̈ܶܐ ܒܽܐܘܪܶܫܠܶܡ ܘ݄ܒܟܽܘܠܰܗ ܝܺܗܽܘܕ̥ ܘܒܰܝܢ ܗ̄ܰܫّܳܡܪ̈ܳܝܶܐ ܣܬܶܝ ܘܗܳܠ ܠܰܚܰܪ̈ܳܝܬܳܐ ܕܺܗ̄ܝ ܐܰܪܥܳܐ.“
9ܘܺܗ̄ܝ ܢܰܩܠܐ ܕܗܰܢܺܝ ܐܡ݄ܪ ܠܶܗ، ܘܗ݄ܢّܶܝ ܟܚܰܝܪܺܝ ܐܶܒܶܗ، ܣܰܠ݄ܩ، ܘܥܰܝܡܳܐ ܡ݄ܕ ܠܶܗ، ܘ݄ܡܟܰܣܶܐ ܡܶܢ̱ ܩ݄ܕ̱ܡ ܥܰܝܢ̈ܳܬ̥ܰܝّܶܗ. 10ܘܗ݄ܢّܶܝ ܚܰܝܪܺܝ ܗ̄ܘܰܘ̱ ܒܺܗ̄ܝ ܫܡܰܝܳܐ ܘܗܺܝّܶܗ ܐܰܙܳܠܳܐ، ܚܙ݄ܢ ܬܪܶܝ ܓܰܒܪ̈ܶܐ ܟܳܩܰܝܡܺܝ ܣܺܝܕܰܝّܶܗ ܒ݄ܠܒܽܘܫ̈ܶܐ ܚܶܘܳܪ̈ܶܐ، 11ܘܟ݄ܐܡّ݄ܪ̱ܢّܶܗ: ”ܓܰܒܪ̈ܶܐ ܓܠܺܝܠܳܝ̈ܶܐ، ܠܡ݄ܢ ܟܳܩܰܝܡܺܝܬܽܘ ܘܟܳܚܰܝܪܺܝܬܽܘ ܒܺܗ̄ܝ ܫܡܰܝܳܐ؟ ܗܰܢܳܐ ܝܶܫܽܘܥ ܕܣܰܠ݄ܩ ܡܶܢܟ̥ܽܘ ܠܺܗ̄ܝ ܫܡܰܝܳܐ، ܗܰܘܟ̥ܰܐ ܓܕܳܐܬ̥ܶܐ ܐܟ̥ ܕ݄ܚܙܰܠܟ̥ܽܘ ܕܣܰܠ݄ܩ ܠܺܗ̄ܝ ܫܡܰܝܳܐ.“
ܗ̄ܺܝ ܥܺܕ̱ܬܳܐ ܩܰܕ̱ܡܰܝܬܳܐ ܒܽܐܘܪܶܫܠܶܡ
ܓܽܘܒܳܝܳܐ ܕܬܰܠܡܺܝܕ̥ܳܐ ܡܶܢ̱ ܚܠܳܦ ܝܺܗܽܘܕ̥ܳܐ
12ܘܒ݄ܬ̥݄ܪ ܡܰܗ̄ܢܺܝ، ܕܰܥܺܝܪܺܝ ܠܽܐܘܪܶܫܠܶܡ ܡܽܗ̄ܘ ܛܽܘܪܳܐ ܕ݄ܟܡ݄ܩܪܶܐ ܒܶܝܬ̥ ܙܰܝ̈ܬܶܐ ܕܟ݄ܬ ܝܳܐ ܥܰܠ ܗ̄ܽܘ ܓܰܒܳܐ ܕܽܐܘܪܶܫܠܶܡ ܘܪܰܚܽܘܩܳܐ ܡܶܢܰܗ ܐܟ̥ ܕܰܐܠܦܳܐ ܡܶܬܪ̈ܶܐ. 13ܘܒ݄ܬ̥݄ܪ ܡܶܢ̱ ܥܰܒܺܝܪܺܝ، ܣܰܠܺܝܩܺܝ ܠܺܗ̄ܝ ܥܶܠܺܝܬ̥ܳܐ، ܗܰܝܳܐ ܕܳܗ̄ܘ݄ܢ ܗ̄ܘܰܘ̱ ܐܶܒܰܗ ܦܶܛܪܳܘܣ ܘܝܽܘܚܰܢܳܢ ܘܝܰܥܩܽܘܒ ܘܰܐܢܕܪܶܐܘܳܣ ܘܦܺܝܠܺܝܦܳܘܣ ܘܬܳܐܘܡܰܐ ܘܡܰܬܰܝ ܘܒܰܪ ܬܽܘܠܡܰܝ ܘܝܰܥܩܽܘܒ ܐܰܒܪܶܗ ܕܚܰܠܦܰܝ ܘܫܶܡܥܽܘܢ ܛܰܢܳܢܳܐ ܘܺܝܗܽܘܕ̥ܳܐ ܐܰܒܪܶܗ ܕܝܰܥܩܽܘܒ. 14ܟܽܘܠّܶܗ ܗܰܢܺܝ ܥܰܡ ܚܕ̥ܳܕ̥̈ܶܐ ܡܨܰܠ݄ܢ ܗ̄ܘܰܘ̱ ܒܟܽܘܠ ܙܰܒܢܳܐ ܒܚܰܕ̥ܳܐ ܪܽܘܚܳܐ، ܥܰܡ ܗ̄ܰܢ ܢܶܫ̈ܶܐ ܘܥܰܡ ܡܰܪܝܰܡ ܗ̄ܺܝ ܐܶܡܳܐ ܕܝܶܫܽܘܥ ܘܥܰܡ ܗ̄ܰܢ ܐܰܚ̈ܽܘܢܳܢܰܝܕ̥ܶܗ.
15ܘܒܰܝّܰܘܡ̈ܳܬ̥ܰܢ݄ܟ، ܩܰܝ݄ܡ ܫܶܡܥܽܘܢ ܟܶܐܦܳܐ ܒܦܰܠܓܶܗ ܕܰܬّܰܠܡܺܝܕ̥̈ܶܐ، ܘܟ݄ܬ ܗ̄ܘܰܐ ܬܰܡܳܐ ܥܰܡܳܐ ܐܟ̥ ܕܡܳܐܐ ܘܥ݄ܣܪܺܝ ܢܳܫ̈ܶܐ، ܘܐܡ݄ܪ ܠܶܗ: 16”ܓܰܒܪ̈ܶܐ ܐܰܚ̈ܽܘܢܳܢܶܐ، ܠܳܙܰܡ ܗ̄ܘܰܐ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ ܐܰܝܢܰܐ ܕܡܶܢ̱ ܡܶܩ݄ܕ̱ܡ ܐܡ݄ܪ ܠܶܗ ܪܽܘܚܳܐ ܕܩܽܘܕܫܳܐ ܒܦܶܡܶܗ ܕܕܰܘܺܝܕ̥ ܥܰܠ ܝܺܗܽܘܕ̥ܳܐ، ܗܰܘܳܐ ܕܗܰܘܺܝ ܡܕܰܒܪܳܢܳܐ ܠܰܗ̄ܢ݄ܟ ܕܨ݄ܕّܶܗ ܠܝܶܫܽܘܥ. 17ܥܰܠ ܕ݄ܚܫܺܝܒ̥ܳܐ ܗ̄ܘܰܐ ܐܰܥܡܰܢ، ܘܟ݄ܬ ܗ̄ܘܰܝ ܠܶܗ ܡܢܳܬ̥ܳܐ (ܘܕܽܘܟܬ̥ܳܐ) ܒܺܗ̄ܝ ܬܶܫܡܶܫܬܰܬ̥ܶܐ، 18ܗܰܢܳܐ ܝܳܐ ܕ݄ܩܢܶܐ ܠܶܗ (ܡܰܛܺܝ ܠܶܗ) ܚܰܩܠܳܐ ܡܽܗ̄ܘ ܐܰܓ̥ܪܳܐ ܕܺܗ̄ܝ ܚܛܺܝܬ̥ܳܐ، ܘܢܰܦ݄ܠ ܥܰܠ ܦܳܬ̥ܶܗ ܥܰܠ ܗ̄ܺܝ ܐܰܪܥܳܐ، ܘ݄ܦܪܺܝܛ ܡܽܗ̄ܘ ܦܰܠܓܳܐ ܘܢܰܦ݄ܩ ܓܰܘܶܗ ܟܽܘܠܶܗ. 19ܘܝܺܕ̥݄ܥܳܐ ܗܰܬ̥ܶܐ ܠܟܘ̇ܠّܶܗ ܕܟܳܥܳܡܪܺܝ ܒܽܐܘܪܶܫܠܶܡ، ܘܗܰܘܟ̥ܰܐ ܗ̄ܺܝ ܚܰܩܠܰܝܳܐ ܩܰܪܝܳܐ ܒܽܗ̄ܘ ܠܶܫܳܢܳܐ ܕܽܗ̄ܘ ܐܰܬ̥ܪܳܐ ’ܚܩܰܠ ܕܡܰܐ‘ ܕܟ݄ܬ ܝܳܐ ܗ̄ܽܘ ܬܽܘܪܓܳܡܰܝܕ̥ܰܗ ’ܗ̄ܺܝ ܚܰܩܠܳܐ ܕܽܗ̄ܘ ܐܰܕܡܳܐ.‘ 20ܥܰܠ ܕܟ݄ܬܝܳܐ ܟܬ̥ܺܝܒ̥ܳܐ ܒܽܗ̄ܘ ܣܶܦܪܳܐ ܕܰܡّܰܙܡܽܘܪ̈ܶܐ: ’ܗ̄ܽܘ ܒܰܝܬܰܝܕ̥ܶܗ ܓ݄ܕܚܳܪ݄ܒ̥، ܘܥܳܡܽܘܪܳܐ ܠܳܐ ܟܳܗ̄ܘܶܐ ܐܶܒܶܗ، ܘܺܗ̄ܝ ܬܶܫܡܶܫܬܰܝܕ̥ܶܗ ܚܪܶܢܳܐ ܓܡܳܝܰܕ ܠܰܗ.‘ 21ܗ̄ܺܝ ܢܰܩܠܝܳܐ، ܓܠܳܙ݄ܡ ܠܚܰܕ̱ ܡܰܢ̱ ܓّܰܒ̥ܪ̈ܰܢܺܝ ܕܟ݄ܬ ܗ̄ܘܰܝܢܶܝ ܐܰܥܡܰܢ ܒܽܗ̄ܘ ܙܰܒܢܰܢܳܐ ܟܽܘܠܶܗ ܕܶܐܒܶܗ ܡܳܪܰܢ ܝܶܫܽܘܥ ܥܰܒ݄ܪ ܘܢܰܦ݄ܩ ܐܰܥܡܰܢ، 22ܕ݄ܡܫܰܪܶܐ ܠܶܗ ܡܺܗ̄ܝ ܡܰܥܡܽܘܕ̥ܺܝܬ̥ܳܐ ܕܝܽܘܚܰܢܳܢ ܗܳܠ ܠܽܗ̄ܘ ܝܰܘܡܳܐ ܕܣܰܠ݄ܩ ܡܶܢ̱ ܣܺܝܕ̥ܰܢ، ܕܗܺܝّܶܗ ܗܳܘܶܐ ܐܰܥܡܰܢ ܣܳܗܕܳܐ ܕܺܗ̄ܝ ܩܝܰܡܬܰܝܕ̥ܶܗ.“ 23ܘܡܰܩ݄ܡّܶܗ ܬܪܶܝ، ܠܝܰܘܣܶܦ ܕ݄ܟܡ݄ܩܪܶܐ ܒܰܪܫܰܒܳܐ، ܕ݄ܩܪܶܐ ܐ݄ܫܡܶܗ ܝܽܘܣܛܳܘܣ، ܘ݄ܠܡܰܬܺܝܰܐ. 24ܘܡ݄ܐ ܕ݄ܡܨܰܠܰܠّܶܗ ܐܡ݄ܪّܶܗ: ”ܗܰܬ ܡܳܪܝܳܐ، ܟ݄ܐܕ̥ܥܰܬ ܒܰܠّܶܒ̈ܶܐ ܕܟܘܿܠ، ܡܰܚܘܰܝ ܠܰܢ ܚܰܕ̱ ܐܰܝܢܰܐ ܕ݄ܡܢܰܩܰܬ ܡܰܢ̱ ܬܪܰܢܺܝ، 25ܕܗܺܝّܶܗ ܡܳܝ݄ܕ ܗ̄ܺܝ ܕܽܘܟܬ̥ܳܐ ܕܺܗ̄ܝ ܬܶܫܡܶܫܬܳܐ ܘܺܗ̄ܝ ܫܠܺܝܚܽܘܬ̥ܳܐ ܕܡܶܢܰܗ ܢܰܦ݄ܩ ܝܺܗܽܘܕ̥ܳܐ ܕ݄ܐܙّܶܗ ܠܺܗ̄ܝ ܕܽܘܟܬ̥ܰܝܕ̥ܶܗ.“ 26ܘ݄ܡܚܰܠܰܩّܶܗ ܦܶܣ̈ܶܐ ܘܰܐܬ̥ܝܳܐ ܠܡܰܬܺܝܰܐ، ܘ݄ܚܫܺܝܒ̥ ܥܰܡ ܗ̄ܰܚܕ̥ܰܥܣܰܪ ܫܠܺܝܚ̈ܶܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation