ܡܓܰܠܝܘܢ ܕܝܘܚܢܢ 17
17
ܝܶܫܽܘܥ ܟ݄ܡܨܰܠܶܐ
1ܘܗܰܢܺܝ ܐܡ݄ܪ ܠܶܗ ܝܶܫܽܘܥ ܘܡܰܥܠܶܐ ܠܶܗ ܥܰܝܢ̈ܳܬ̥ܶܗ ܠܺܗ̄ܝ ܫܡܰܝܳܐ ܘܐܡ݄ܪ ܠܶܗ: ”ܝܰܐ ܗ̄ܽܘ ܐܰܒܰܝܕ̥ܺܝ، ܐܰܬ̥ܝܳܐ ܗ̄ܺܝ ܫܳܥܬ̥ܳܐ، ܡܫܰܒ݄ܚ ܗ̄ܽܘ ܐܰܒܪܰܝܕ̥ܳܟ̥ ܕܽܗ̄ܘ ܐܰܒܪܰܝܕ̥ܳܟ̥ ܡܫܰܒܰܚ ܠܳܟ̥: 2ܐܟ̥ ܕܗܽܒ̥ ܠܳܟ̥ ܠܶܗ ܫܽܘܠܛܳܢܳܐ ܥܰܠ ܟܽܘܠّܶܗ ܗ̄ܰܢ ܢܳܫ̈ܶܐ، ܟܽܘܠ ܕܗܽܒ̥ ܠܳܟ̥ ܠܶܗ، ܓܕܳܗ̄ܒܶܐ ܠܶܗ ܚܰܝ̈ܶܐ ܕ݄ܠܥܳܠܰܡ. 3ܘܗܰܢܺܝ ܢܶܝ ܗ̄ܰܚّܰܝ̈ܶܐ ܕ݄ܠܥܳܠܰܡ: ܕܳܐܕ̥ܥܺܝ ܠܳܟ̥ ܕܗܰܬ ܗ̄ܰܬ ܐܰܠܳܗܳܐ ܕܽܗ̄ܘ ܫܪܳܪܳܐ ܒܶܠܚܽܘܕ̥ܳܟ̥، ܘܡܰܢ ܕ݄ܡܫܰܕܰܪ ܠܳܟ̥، ܝܶܫܽܘܥ ܡܫܺܝܚܳܐ. 4ܐܳܢܳܐ ܡܫܰܒܰܚ ܠܺܝ ܠܳܟ̥ ܒܺܗ̄ܝ ܐܰܪܥܳܐ: ܗ̄ܽܘ ܥܒ̥ܳܕ̥ܳܐ ܕܗܽܒ̥ ܠܳܟ̥ ܠܺܝ ܕܣܳܝܰܡ ܐ̱ܢܳܐ، ܣ݄ܡ ܠܺܝ ܘ݄ܡܟܰܡܶܠ ܠܺܝ. 5ܘܳܐܥܕܳܐ، ܡܫܰܒ݄ܚ ܠܺܝ ܓܰܒܳܟ̥، ܝܰܐ ܗ̄ܽܘ ܐܰܒܰܝܕ̥ܺܝ، ܒܽܗ̄ܘ ܫܽܘܒܚܳܐ ܕܟ݄ܬ ܗ̄ܘܰܝ ܠܺܝ ܓܰܒܳܟ̥ ܡܶܩ݄ܕ̱ܡ ܕܳܗ̄ܘܶܐ ܗ̄ܽܘ ܥܳܠܡܳܐ. 6ܡܰܘܕ̥ܰܥ ܠܺܝ ܐ݄ܫܡܳܟ̥ ܠܰܗ̄ܢ ܢܳܫ̈ܶܐ، ܗܰܢ݄ܟ ܕܗܽܒ̥ ܠܳܟ̥ ܠܺܝ ܡܽܗ̄ܘ ܥܳܠܡܳܐ. ܗܰܢܺܝ ܕܺܝܕ̥ܳܟ̥ ܗ̄ܘܰܝܢܶܝ، ܘܗܽܒ̥ ܠܳܟ̥ ܠܺܝ ܢܶܝ، ܘ݄ܢܛ݄ܪّܶܗ (ܘܫܰܡܺܝܥܺܝ) ܗ̄ܺܝ ܡܶܠܬ̥ܰܝܕ̥ܳܟ̥. 7ܐܳܥܕܳܐ ܐܰܕ̥݄ܥ ܐ̱ܢܳܐ ܕܟܽܘܠ ܕܗܽܒ̥ ܠܳܟ̥ ܠܺܝ ܡܶܢ̱ ܓܰܒܳܟ̥ ܝܳܐ. 8ܘܰܡّܶܠ̈ܶܐ ܕܗܽܒ̥ ܠܳܟ̥ ܠܺܝ، ܗܺܝܒ̥ܺܝ ܠܺܝ ܐܰܠّܶܗ، ܘܡܰܩܒܰܠّܶܗ ܐܰܒّܶܗ ܘܰܐܕ̥ܺܝܥܺܝ ܕܒ݄ܫܪܳܪܳܐ ܡܶܢ̱ ܓܰܒܳܟ̥ ܢܰܦ݄ܩ ܐ̱ܢܳܐ ܘ݄ܡܗܰܝܡܰܢّܶܗ ܕܗܰܬ ܡܫܰܕܰܪ ܠܳܟ̥ ܠܺܝ. 9ܘܳܐܢܳܐ ܠܰܫܰܢܰܝّܶܗ ܟܳܐܒܰܥ ܐ̱ܢܳܐ، ܠܳܐ ܠܰܫܰܢ ܗ̄ܽܘ ܥܳܠܡܳܐ ܟܳܐܒܰܥ ܐ̱ܢܳܐ، ܐܶܠܳܐ ܠܰܫܰܢ ܗܰܢ݄ܟ ܕܗܽܒ̥ ܠܳܟ̥ ܠܺܝ ܥܰܠ ܕܟ݄ܬܢܶܝ ܕܺܝܕ̥ܳܟ̥. 10ܘܟܽܘ̇ܠ ܡܶܕܶܐ ܕܟ݄ܬ ܝܳܐ ܕܺܝܕ̥ܺܝ، ܕܺܝܕ̥ܳܟ̥ ܝܳܐ، ܘܕܺܝܕ̥ܳܟ̥ ܕܺܝܕ̥ܺܝ ܝܳܐ، ܘ݄ܟܡܺܝܫܰܒܰܚ ܐ̱ܢܳܐ ܐܰܒّܶܗ. 11ܡܳܐܥܕܳܐ ܠܰܝ̱ܬ ܐ̱ܢܳܐ ܒܽܗ̄ܘ ܥܳܠܡܳܐ، ܘܗܰܢܺܝ ܒܽܗ̄ܘ ܥܳܠܡܳܐ ܢܶܝ، ܘܳܐܢܳܐ ܠܓܰܒܳܟ̥ ܐܰܬ̥ܳܝܳܐ ܐ̱ܢܳܐ. ܝܰܐ ܐܰܒܳܐ ܩܰܕܺܝܫܳܐ، ܢܛܰܪ݄ܢ ܒܽܗ̄ܘ ܐ݄ܫܡܰܝܕ̥ܳܟ̥، ܗܰܘܳܐ ܕܗܽܒ̥ ܠܳܟ̥ ܠܺܝ ܠܰܫܰܢ ܕܗܳܘ݄ܢ ܚܰܕ̱ ܐܟ̥ ܕܟ݄ܬܢܰܐ ܐܰܚܢܰܐ.
12”ܗ̄ܺܝ ܢܰܩܠܐ ܕܟ݄ܬ ܗ̄ܘܰܝ ܐ̱ܢܳܐ ܐܰܥܡܰܝّܶܗ ܒܽܗ̄ܘ ܥܳܠܡܳܐ، ܐܳܢܳܐ ܢܳܛܰܪ ܗ̄ܘܰܝܢܰܢّܶܗ ܒ݄ܐܫܡܳܟ̥. ܠܰܗ̄ܢܺܝ ܕܗܽܒ̥ ܠܳܟ̥ ܠܺܝ ܢܛܺܝܪܺܝ ܠܺܝ، ܘܢܳܫܳܐ ܡ݄ܢّܶܗ ܠܳܐ ܡܣܰܟ݄ܪ ܐܶܠܳܐ ܗ̄ܽܘ ܐܰܒܪܳܐ ܕܽܗ̄ܘ ܣܶܟܳܪܳܐ (ܐܰܒܕܳܢܳܐ) ܠܰܫܰܢ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ. 13ܘܳܐܥܕܳܐ ܠܓܰܒܳܟ̥ ܐܰܬ̥ܳܝܳܐ ܐ̱ܢܳܐ. ܘܗܰܢܺܝ ܟܡ݄ܫܓ̥ܰܠ ܐ̱ܢܳܐ ܒܽܗ̄ܘ ܥܳܠܡܳܐ ܠܰܫܰܢ ܕܳܗ̄ܘܝܳܐ ܗ̄ܺܝ ܦܨܺܝܚܽܘܬ̥ܰܝܕ̥ܺܝ ܪܰܒܬ̥ܳܐ ܐܰܒّܶܗ. 14ܐܳܢܳܐ ܗܽܒ̥ ܠܺܝ ܐܰܠّܶܗ ܗ̄ܺܝ ܡܶܠܬ̥ܰܝܕ̥ܳܟ̥، ܘܽܗ̄ܘ ܥܳܠܡܳܐ ܡܥܰܢܰܬ ܠܶܗ ܡ݄ܢّܶܗ، ܥܰܠ ܕܠܰܐ ܗ̄ܘ݄ܢ ܡܽܗ̄ܘ ܥܳܠܡܳܐ ܐܟ̥ ܕܳܐܢܳܐ ܕܠܰܐ ܗ̄ܘܺܝ ܐ̱ܢܳܐ ܡܽܗ̄ܘ ܥܳܠܡܳܐ. 15ܠ݄ܐ ܟܳܐܒܰܥ ܐ̱ܢܳܐ ܡܶܢܳܟ̥ ܕܡܰܝܕܰܬّܶܗ ܡܽܗ̄ܘ ܥܳܠܡܳܐ، ܐܶܠܳܐ ܕܢܳܛܪܰܬّܶܗ ܡܽܗ̄ܘ ܒܺܝܫܳܐ. 16ܠܰܝ̱ܬ ܢܶܝ ܡܽܗ̄ܘ ܥܳܠܡܳܐ، ܐܟ̥ ܕܳܐܢܳܐ ܕܠܰܐ ܗ̄ܘܺܝ ܐ̱ܢܳܐ ܡܽܗ̄ܘ ܥܳܠܡܳܐ. 17ܝܰܐ ܐܰܒܳܐ، ܡܩܰܕܶܫ݄ܢ ܒܽܗ̄ܘ ܫܪܳܪܰܝܕ̥ܳܟ̥، ܡܺܐܝܕ̥ܶܗ ܕܺܗ̄ܝ ܡܶܠܬ̥ܰܝܕ̥ܳܟ̥ ܫܪܳܪܳܐ ܝܳܐ. 18ܘܒܶܗ ܐܰܝܕܰܪܒܳܐ ܡܫܰܕܰܪ ܠܳܟ̥ ܠܺܝ ܠܽܗ̄ܘ ܥܳܠܡܳܐ، ܐܳܢܳܐ ܣܬܶܝ ܡܫܰܕܪܺܝ ܠܺܝ ܠܽܗ̄ܘ ܥܳܠܡܳܐ. 19ܘܠܰܫܰܢܰܝّܶܗ ܟ݄ܡܩܰܕܰܫ ܐ̱ܢܳܐ ܪܽܘܚܺܝ ܕܗ݄ܢّܶܝ ܣܬܶܝ ܕܳܗ̄ܘ݄ܢ ܡܩܰܕ̈ܫܶܐ ܒܽܗ̄ܘ ܫܪܳܪܳܐ. 20ܘܠܳܐ ܠܰܫܰܢ ܗܰܢܺܝ ܠܚܽܘܕ̥ܰܝّܶܗ ܟܳܐܒܰܥ ܐ̱ܢܳܐ ܡܶܢܳܟ̥، ܐܶܠܳܐ ܠܰܫܰܢ ܗܰܢ݄ܟ ܣܬܶܝ ܕܟ݄ܡܗܰܝܡܢܺܝ ܐܶܒܺܝ ܒܽܗ̄ܘ ܡܰܐܡܪܰܬّ̥ܶܗ، 21ܕܟܽܘܠّܶܗ ܗܳܘ݄ܢ ܚܰܕ̱. ܘܒܶܗ ܐܰܝܕܰܪܒܳܐ ܗܰܬ، ܝܰܐ ܗ̄ܽܘ ܐܰܒܰܝܕ̥ܺܝ، ܐܶܒܺܝ ܗܰܬ، ܘܳܐܢܳܐ ܐܶܒܳܟ̥، ܛܪܳܐ ܗ݄ܢّܶܝ ܣܬܶܝ ܗܳܘ݄ܢ ܚܰܕ̱ ܐܶܒܰܢ، ܕܽܗ̄ܘ ܥܳܠܡܳܐ ܕ݄ܡܗܰܝܡ݄ܢ ܕܗܰܬ ܡܫܰܕܰܪ ܠܳܟ̥ ܠܺܝ. 22ܘܽܗ̄ܘ ܫܽܘܒܚܳܐ ܕܗܽܒ̥ ܠܳܟ̥ ܠܺܝ، ܗܽܒ̥ ܠܺܝ ܐܰܠّܶܗ ܠܰܫܰܢ ܕܗܳܘ݄ܢ ܚܰܕ̱، ܒܶܗ ܐܰܝܕܰܪܒܳܐ ܐܰܚܢܰܐ ܚܰܕ̱ ܐܰܚܢܰܐ. 23ܐܳܢܳܐ ܐܰܒّܶܗ ܘܗܰܬ ܐܶܒܺܝ ܠܰܫܰܢ ܕܳܗ̄ܘ݄ܢ ܓܡܺܝܪ̈ܶܐ (ܟܰܡܺܝ̈ܠܶܐ) ܠܚܰܕ̱، ܘܕܳܐܕ̥݄ܥ ܗ̄ܽܘ ܥܳܠܡܳܐ ܕܗܰܬ ܡܫܰܕܰܪ ܠܳܟ̥ ܠܺܝ، ܘ݄ܕܪܳܚܺܝܡܺܝ ܠܳܟ̥ ܐܟ̥ ܕ݄ܪܚ݄ܡ ܠܳܟ̥ ܠܺܝ. 24ܝܰܐ ܐܰܒܳܐ، ܠܰܗ̄ܢ݄ܟ ܕܗܽܒ̥ ܠܳܟ̥ ܠܺܝ ܟܳܐܒܰܥ ܐ̱ܢܳܐ ܕܒܺܗ̄ܝ ܕܽܘܟܬ̥ܳܐ ܕܟ݄ܬ ܐ̱ܢܳܐ ܗ݄ܢّܶܝ ܣܬܶܝ ܗܳܘ݄ܢ ܐܰܥܡܺܝ، ܕܚܳܙ݄ܢ ܗ̄ܽܘ ܫܽܘܒܚܰܝܕ̥ܺܝ ܕܗܽܒ̥ ܠܳܟ̥ ܠܺܝ ܥܰܠ ܕ݄ܪܚ݄ܡ ܠܳܟ̥ ܠܺܝ ܡܶܩ݄ܕ̱ܡ ܕܳܗ̄ܘܶܐ ܗ̄ܽܘ ܥܳܠܡܳܐ. 25ܝܰܐ ܗ̄ܽܘ ܐܰܒܰܝܕ̥ܺܝ ܗ̄ܽܘ ܟܺܐܢܳܐ، ܗ̄ܽܘ ܥܳܠܡܳܐ ܠܰܐ ܐܕ̥݄ܥ ܠܳܟ̥، ܐܶܠܳܐ ܐܳܢܳܐ ܐܰܕ̥݄ܥ ܐ̱ܢܳܐ ܠܳܟ̥، ܘܗ݄ܢّܶܝ ܐܰܕ̥ܺܝܥܺܝ ܕܗܰܬ ܡܫܰܕܰܪ ܠܳܟ̥ ܠܺܝ، 26ܘܡܰܘܕ̥ܰܥ ܠܺܝ ܐܰܠّܶܗ ܥܰܠ ܐ݄ܫܡܳܟ̥ ܘܗܶܫ ܟܡܰܘܕܰܥ ܐ̱ܢܳܐ، ܠܰܫܰܢ ܗ̄ܺܝ ܚܽܘܒܳܐ ܗܰܘܳܐ ܕ݄ܪܚ݄ܡ ܠܳܟ̥ ܠܺܝ ܗܳܘܶܐ ܐܰܒّܶܗ ܘܳܐܢܳܐ ܗܳܘܶܐ ܐ̱ܢܳܐ ܐܰܒّܶܗ.“
Currently Selected:
ܡܓܰܠܝܘܢ ܕܝܘܚܢܢ 17: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 17
17
ܝܶܫܽܘܥ ܟ݄ܡܨܰܠܶܐ
1ܘܗܰܢܺܝ ܐܡ݄ܪ ܠܶܗ ܝܶܫܽܘܥ ܘܡܰܥܠܶܐ ܠܶܗ ܥܰܝܢ̈ܳܬ̥ܶܗ ܠܺܗ̄ܝ ܫܡܰܝܳܐ ܘܐܡ݄ܪ ܠܶܗ: ”ܝܰܐ ܗ̄ܽܘ ܐܰܒܰܝܕ̥ܺܝ، ܐܰܬ̥ܝܳܐ ܗ̄ܺܝ ܫܳܥܬ̥ܳܐ، ܡܫܰܒ݄ܚ ܗ̄ܽܘ ܐܰܒܪܰܝܕ̥ܳܟ̥ ܕܽܗ̄ܘ ܐܰܒܪܰܝܕ̥ܳܟ̥ ܡܫܰܒܰܚ ܠܳܟ̥: 2ܐܟ̥ ܕܗܽܒ̥ ܠܳܟ̥ ܠܶܗ ܫܽܘܠܛܳܢܳܐ ܥܰܠ ܟܽܘܠّܶܗ ܗ̄ܰܢ ܢܳܫ̈ܶܐ، ܟܽܘܠ ܕܗܽܒ̥ ܠܳܟ̥ ܠܶܗ، ܓܕܳܗ̄ܒܶܐ ܠܶܗ ܚܰܝ̈ܶܐ ܕ݄ܠܥܳܠܰܡ. 3ܘܗܰܢܺܝ ܢܶܝ ܗ̄ܰܚّܰܝ̈ܶܐ ܕ݄ܠܥܳܠܰܡ: ܕܳܐܕ̥ܥܺܝ ܠܳܟ̥ ܕܗܰܬ ܗ̄ܰܬ ܐܰܠܳܗܳܐ ܕܽܗ̄ܘ ܫܪܳܪܳܐ ܒܶܠܚܽܘܕ̥ܳܟ̥، ܘܡܰܢ ܕ݄ܡܫܰܕܰܪ ܠܳܟ̥، ܝܶܫܽܘܥ ܡܫܺܝܚܳܐ. 4ܐܳܢܳܐ ܡܫܰܒܰܚ ܠܺܝ ܠܳܟ̥ ܒܺܗ̄ܝ ܐܰܪܥܳܐ: ܗ̄ܽܘ ܥܒ̥ܳܕ̥ܳܐ ܕܗܽܒ̥ ܠܳܟ̥ ܠܺܝ ܕܣܳܝܰܡ ܐ̱ܢܳܐ، ܣ݄ܡ ܠܺܝ ܘ݄ܡܟܰܡܶܠ ܠܺܝ. 5ܘܳܐܥܕܳܐ، ܡܫܰܒ݄ܚ ܠܺܝ ܓܰܒܳܟ̥، ܝܰܐ ܗ̄ܽܘ ܐܰܒܰܝܕ̥ܺܝ، ܒܽܗ̄ܘ ܫܽܘܒܚܳܐ ܕܟ݄ܬ ܗ̄ܘܰܝ ܠܺܝ ܓܰܒܳܟ̥ ܡܶܩ݄ܕ̱ܡ ܕܳܗ̄ܘܶܐ ܗ̄ܽܘ ܥܳܠܡܳܐ. 6ܡܰܘܕ̥ܰܥ ܠܺܝ ܐ݄ܫܡܳܟ̥ ܠܰܗ̄ܢ ܢܳܫ̈ܶܐ، ܗܰܢ݄ܟ ܕܗܽܒ̥ ܠܳܟ̥ ܠܺܝ ܡܽܗ̄ܘ ܥܳܠܡܳܐ. ܗܰܢܺܝ ܕܺܝܕ̥ܳܟ̥ ܗ̄ܘܰܝܢܶܝ، ܘܗܽܒ̥ ܠܳܟ̥ ܠܺܝ ܢܶܝ، ܘ݄ܢܛ݄ܪّܶܗ (ܘܫܰܡܺܝܥܺܝ) ܗ̄ܺܝ ܡܶܠܬ̥ܰܝܕ̥ܳܟ̥. 7ܐܳܥܕܳܐ ܐܰܕ̥݄ܥ ܐ̱ܢܳܐ ܕܟܽܘܠ ܕܗܽܒ̥ ܠܳܟ̥ ܠܺܝ ܡܶܢ̱ ܓܰܒܳܟ̥ ܝܳܐ. 8ܘܰܡّܶܠ̈ܶܐ ܕܗܽܒ̥ ܠܳܟ̥ ܠܺܝ، ܗܺܝܒ̥ܺܝ ܠܺܝ ܐܰܠّܶܗ، ܘܡܰܩܒܰܠّܶܗ ܐܰܒّܶܗ ܘܰܐܕ̥ܺܝܥܺܝ ܕܒ݄ܫܪܳܪܳܐ ܡܶܢ̱ ܓܰܒܳܟ̥ ܢܰܦ݄ܩ ܐ̱ܢܳܐ ܘ݄ܡܗܰܝܡܰܢّܶܗ ܕܗܰܬ ܡܫܰܕܰܪ ܠܳܟ̥ ܠܺܝ. 9ܘܳܐܢܳܐ ܠܰܫܰܢܰܝّܶܗ ܟܳܐܒܰܥ ܐ̱ܢܳܐ، ܠܳܐ ܠܰܫܰܢ ܗ̄ܽܘ ܥܳܠܡܳܐ ܟܳܐܒܰܥ ܐ̱ܢܳܐ، ܐܶܠܳܐ ܠܰܫܰܢ ܗܰܢ݄ܟ ܕܗܽܒ̥ ܠܳܟ̥ ܠܺܝ ܥܰܠ ܕܟ݄ܬܢܶܝ ܕܺܝܕ̥ܳܟ̥. 10ܘܟܽܘ̇ܠ ܡܶܕܶܐ ܕܟ݄ܬ ܝܳܐ ܕܺܝܕ̥ܺܝ، ܕܺܝܕ̥ܳܟ̥ ܝܳܐ، ܘܕܺܝܕ̥ܳܟ̥ ܕܺܝܕ̥ܺܝ ܝܳܐ، ܘ݄ܟܡܺܝܫܰܒܰܚ ܐ̱ܢܳܐ ܐܰܒّܶܗ. 11ܡܳܐܥܕܳܐ ܠܰܝ̱ܬ ܐ̱ܢܳܐ ܒܽܗ̄ܘ ܥܳܠܡܳܐ، ܘܗܰܢܺܝ ܒܽܗ̄ܘ ܥܳܠܡܳܐ ܢܶܝ، ܘܳܐܢܳܐ ܠܓܰܒܳܟ̥ ܐܰܬ̥ܳܝܳܐ ܐ̱ܢܳܐ. ܝܰܐ ܐܰܒܳܐ ܩܰܕܺܝܫܳܐ، ܢܛܰܪ݄ܢ ܒܽܗ̄ܘ ܐ݄ܫܡܰܝܕ̥ܳܟ̥، ܗܰܘܳܐ ܕܗܽܒ̥ ܠܳܟ̥ ܠܺܝ ܠܰܫܰܢ ܕܗܳܘ݄ܢ ܚܰܕ̱ ܐܟ̥ ܕܟ݄ܬܢܰܐ ܐܰܚܢܰܐ.
12”ܗ̄ܺܝ ܢܰܩܠܐ ܕܟ݄ܬ ܗ̄ܘܰܝ ܐ̱ܢܳܐ ܐܰܥܡܰܝّܶܗ ܒܽܗ̄ܘ ܥܳܠܡܳܐ، ܐܳܢܳܐ ܢܳܛܰܪ ܗ̄ܘܰܝܢܰܢّܶܗ ܒ݄ܐܫܡܳܟ̥. ܠܰܗ̄ܢܺܝ ܕܗܽܒ̥ ܠܳܟ̥ ܠܺܝ ܢܛܺܝܪܺܝ ܠܺܝ، ܘܢܳܫܳܐ ܡ݄ܢّܶܗ ܠܳܐ ܡܣܰܟ݄ܪ ܐܶܠܳܐ ܗ̄ܽܘ ܐܰܒܪܳܐ ܕܽܗ̄ܘ ܣܶܟܳܪܳܐ (ܐܰܒܕܳܢܳܐ) ܠܰܫܰܢ ܕܟܳܡ݄ܠ ܗ̄ܽܘ ܟܬ̥ܳܒ̥ܳܐ. 13ܘܳܐܥܕܳܐ ܠܓܰܒܳܟ̥ ܐܰܬ̥ܳܝܳܐ ܐ̱ܢܳܐ. ܘܗܰܢܺܝ ܟܡ݄ܫܓ̥ܰܠ ܐ̱ܢܳܐ ܒܽܗ̄ܘ ܥܳܠܡܳܐ ܠܰܫܰܢ ܕܳܗ̄ܘܝܳܐ ܗ̄ܺܝ ܦܨܺܝܚܽܘܬ̥ܰܝܕ̥ܺܝ ܪܰܒܬ̥ܳܐ ܐܰܒّܶܗ. 14ܐܳܢܳܐ ܗܽܒ̥ ܠܺܝ ܐܰܠّܶܗ ܗ̄ܺܝ ܡܶܠܬ̥ܰܝܕ̥ܳܟ̥، ܘܽܗ̄ܘ ܥܳܠܡܳܐ ܡܥܰܢܰܬ ܠܶܗ ܡ݄ܢّܶܗ، ܥܰܠ ܕܠܰܐ ܗ̄ܘ݄ܢ ܡܽܗ̄ܘ ܥܳܠܡܳܐ ܐܟ̥ ܕܳܐܢܳܐ ܕܠܰܐ ܗ̄ܘܺܝ ܐ̱ܢܳܐ ܡܽܗ̄ܘ ܥܳܠܡܳܐ. 15ܠ݄ܐ ܟܳܐܒܰܥ ܐ̱ܢܳܐ ܡܶܢܳܟ̥ ܕܡܰܝܕܰܬّܶܗ ܡܽܗ̄ܘ ܥܳܠܡܳܐ، ܐܶܠܳܐ ܕܢܳܛܪܰܬّܶܗ ܡܽܗ̄ܘ ܒܺܝܫܳܐ. 16ܠܰܝ̱ܬ ܢܶܝ ܡܽܗ̄ܘ ܥܳܠܡܳܐ، ܐܟ̥ ܕܳܐܢܳܐ ܕܠܰܐ ܗ̄ܘܺܝ ܐ̱ܢܳܐ ܡܽܗ̄ܘ ܥܳܠܡܳܐ. 17ܝܰܐ ܐܰܒܳܐ، ܡܩܰܕܶܫ݄ܢ ܒܽܗ̄ܘ ܫܪܳܪܰܝܕ̥ܳܟ̥، ܡܺܐܝܕ̥ܶܗ ܕܺܗ̄ܝ ܡܶܠܬ̥ܰܝܕ̥ܳܟ̥ ܫܪܳܪܳܐ ܝܳܐ. 18ܘܒܶܗ ܐܰܝܕܰܪܒܳܐ ܡܫܰܕܰܪ ܠܳܟ̥ ܠܺܝ ܠܽܗ̄ܘ ܥܳܠܡܳܐ، ܐܳܢܳܐ ܣܬܶܝ ܡܫܰܕܪܺܝ ܠܺܝ ܠܽܗ̄ܘ ܥܳܠܡܳܐ. 19ܘܠܰܫܰܢܰܝّܶܗ ܟ݄ܡܩܰܕܰܫ ܐ̱ܢܳܐ ܪܽܘܚܺܝ ܕܗ݄ܢّܶܝ ܣܬܶܝ ܕܳܗ̄ܘ݄ܢ ܡܩܰܕ̈ܫܶܐ ܒܽܗ̄ܘ ܫܪܳܪܳܐ. 20ܘܠܳܐ ܠܰܫܰܢ ܗܰܢܺܝ ܠܚܽܘܕ̥ܰܝّܶܗ ܟܳܐܒܰܥ ܐ̱ܢܳܐ ܡܶܢܳܟ̥، ܐܶܠܳܐ ܠܰܫܰܢ ܗܰܢ݄ܟ ܣܬܶܝ ܕܟ݄ܡܗܰܝܡܢܺܝ ܐܶܒܺܝ ܒܽܗ̄ܘ ܡܰܐܡܪܰܬّ̥ܶܗ، 21ܕܟܽܘܠّܶܗ ܗܳܘ݄ܢ ܚܰܕ̱. ܘܒܶܗ ܐܰܝܕܰܪܒܳܐ ܗܰܬ، ܝܰܐ ܗ̄ܽܘ ܐܰܒܰܝܕ̥ܺܝ، ܐܶܒܺܝ ܗܰܬ، ܘܳܐܢܳܐ ܐܶܒܳܟ̥، ܛܪܳܐ ܗ݄ܢّܶܝ ܣܬܶܝ ܗܳܘ݄ܢ ܚܰܕ̱ ܐܶܒܰܢ، ܕܽܗ̄ܘ ܥܳܠܡܳܐ ܕ݄ܡܗܰܝܡ݄ܢ ܕܗܰܬ ܡܫܰܕܰܪ ܠܳܟ̥ ܠܺܝ. 22ܘܽܗ̄ܘ ܫܽܘܒܚܳܐ ܕܗܽܒ̥ ܠܳܟ̥ ܠܺܝ، ܗܽܒ̥ ܠܺܝ ܐܰܠّܶܗ ܠܰܫܰܢ ܕܗܳܘ݄ܢ ܚܰܕ̱، ܒܶܗ ܐܰܝܕܰܪܒܳܐ ܐܰܚܢܰܐ ܚܰܕ̱ ܐܰܚܢܰܐ. 23ܐܳܢܳܐ ܐܰܒّܶܗ ܘܗܰܬ ܐܶܒܺܝ ܠܰܫܰܢ ܕܳܗ̄ܘ݄ܢ ܓܡܺܝܪ̈ܶܐ (ܟܰܡܺܝ̈ܠܶܐ) ܠܚܰܕ̱، ܘܕܳܐܕ̥݄ܥ ܗ̄ܽܘ ܥܳܠܡܳܐ ܕܗܰܬ ܡܫܰܕܰܪ ܠܳܟ̥ ܠܺܝ، ܘ݄ܕܪܳܚܺܝܡܺܝ ܠܳܟ̥ ܐܟ̥ ܕ݄ܪܚ݄ܡ ܠܳܟ̥ ܠܺܝ. 24ܝܰܐ ܐܰܒܳܐ، ܠܰܗ̄ܢ݄ܟ ܕܗܽܒ̥ ܠܳܟ̥ ܠܺܝ ܟܳܐܒܰܥ ܐ̱ܢܳܐ ܕܒܺܗ̄ܝ ܕܽܘܟܬ̥ܳܐ ܕܟ݄ܬ ܐ̱ܢܳܐ ܗ݄ܢّܶܝ ܣܬܶܝ ܗܳܘ݄ܢ ܐܰܥܡܺܝ، ܕܚܳܙ݄ܢ ܗ̄ܽܘ ܫܽܘܒܚܰܝܕ̥ܺܝ ܕܗܽܒ̥ ܠܳܟ̥ ܠܺܝ ܥܰܠ ܕ݄ܪܚ݄ܡ ܠܳܟ̥ ܠܺܝ ܡܶܩ݄ܕ̱ܡ ܕܳܗ̄ܘܶܐ ܗ̄ܽܘ ܥܳܠܡܳܐ. 25ܝܰܐ ܗ̄ܽܘ ܐܰܒܰܝܕ̥ܺܝ ܗ̄ܽܘ ܟܺܐܢܳܐ، ܗ̄ܽܘ ܥܳܠܡܳܐ ܠܰܐ ܐܕ̥݄ܥ ܠܳܟ̥، ܐܶܠܳܐ ܐܳܢܳܐ ܐܰܕ̥݄ܥ ܐ̱ܢܳܐ ܠܳܟ̥، ܘܗ݄ܢّܶܝ ܐܰܕ̥ܺܝܥܺܝ ܕܗܰܬ ܡܫܰܕܰܪ ܠܳܟ̥ ܠܺܝ، 26ܘܡܰܘܕ̥ܰܥ ܠܺܝ ܐܰܠّܶܗ ܥܰܠ ܐ݄ܫܡܳܟ̥ ܘܗܶܫ ܟܡܰܘܕܰܥ ܐ̱ܢܳܐ، ܠܰܫܰܢ ܗ̄ܺܝ ܚܽܘܒܳܐ ܗܰܘܳܐ ܕ݄ܪܚ݄ܡ ܠܳܟ̥ ܠܺܝ ܗܳܘܶܐ ܐܰܒّܶܗ ܘܳܐܢܳܐ ܗܳܘܶܐ ܐ̱ܢܳܐ ܐܰܒّܶܗ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation