ܡܓܰܠܝܘܢ ܕܝܘܚܢܢ 16
16
1”ܗܰܢܺܝ ܫܓ̥݄ܠ ܐ̱ܢܳܐ ܐܰܥܡܰܝܟ̥ܽܘ ܕܠܳܐ ܡܺܝܛܰܪܒܠܺܝܬܽܘ ܘܢ݄ܦܠܺܝܬܽܘ، 2ܡܺܐܝܕ̥ܶܗ ܕܓ݄ܕܡܰܘܦܩ݄ܢܟ̥ܽܘ ܡܰܢ̱ ܟܢܽܘܫ̈ܳܬ̥ܰܬّ̥ܶܗ، ܘ݄ܓܕܳܐܬ̥ܝܳܐ ܗ̄ܺܝ ܫܳܥܬ̥ܳܐ، ܟܽܘܠ ܕܩܳܛܰܠܟ̥ܽܘ ܓܚܳܫܽܒ̥ ܕܩܽܘܪܒܳܢܳܐ ܟ݄ܡܩܰܪܽܒ̥ ܠܰܐܠܳܗܳܐ. 3ܘܗܰܢܺܝ ܓ݄ܕܣܰܝܡܺܝ ܥܰܠ ܕܠܰܐ ܐܕ̥ܺܝܥܺܝ ܠܳܐ ܗ̄ܽܘ ܐܰܒܰܝܕ̥ܺܝ ܘܠܳܐ ܐܶܠܺܝ.
ܗ̄ܽܘ ܥܒ̥ܳܕ̥ܳܐ ܕܺܗ̄ܝ ܪܽܘܚܳܐ ܕܽܗ̄ܘ ܫܪܳܪܳܐ
4”ܗܰܢܺܝ ܫܓ̥݄ܠ ܐ̱ܢܳܐ ܐܰܥܡܰܝܟ̥ܽܘ، ܕܶܐܡܰܐ ܕܗܳܘܶܐ ܗ̄ܽܘ ܙܰܒ̥ܢܰܬّ̥ܶܗ ܓܕܳܐܬ̥ܶܐ ܠܒܳܠܰܝܟ̥ܽܘ ܕܐܡ݄ܪ ܠܺܝ ܠܟ̥ܽܘ ܐܰܥܠܰܝّܶܗ. ܡܶܢ̱ ܡܶܩ݄ܕ̱ܡ ܠܳܐ ܐܡ݄ܪ ܠܺܝ ܠܟ̥ܽܘ ܥܰܠ ܗܰܢܺܝ ܥܰܠ ܕܟ݄ܬ ܗ̄ܘܰܝ ܐ̱ܢܳܐ ܐܰܥܡܰܝܟ̥ܽܘ. 5ܘܳܐܥܕܳܐ، ܐܰܙܳܠܳܐ ܐ̱ܢܳܐ ܠܓܰܒ ܗܰܘܳܐ ܕ݄ܡܫܰܕܰܪ ܠܶܗ ܠܺܝ، ܘܢܳܫܳܐ ܡ݄ܢܟ̥ܽܘ ܠ݄ܐ ܟ݄ܡܫܰܐܶܠ ܠܺܝ ܠܰܐܝܟܳܐ ܐܰܙܳܠܳܐ ܗܰܬ؟ 6ܘܥܰܠ ܕܐܡ݄ܪ ܠܺܝ ܠܟ̥ܽܘ ܗܰܢܺܝ، ܟܰܪܝܽܘܬ̥ܳܐ ܡܠܶܐ ܠܰܗ ܠܶܒܰܝܟ̥ܽܘ. 7ܘ݄ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܛܰܒ̥ ܝܳܐ ܐܰܠܟ̥ܽܘ ܕܳܐܢܳܐ ܐ݄ܙّܺܝ ܐ̱ܢܳܐ. ܕܠ݄ܐ ܐܙّܺܝ ܐ̱ܢܳܐ، ܦܰܪܰܩܠܺܛܳܐ (ܡܥܰܕܪܳܢܳܐ) ܠ݄ܐ ܟܳܐܬ̥ܰܠܟ̥ܽܘ، ܘܶܐܢ ܐܰܙّܺܝ ܐ̱ܢܳܐ ܓ݄ܡܫܰܕܰܪ ܐ̱ܢܳܐ ܠܟ̥ܽܘ ܝܳܐ. 8ܘܡ݄ܐ ܕܰܐܬ̥ܺܝ، ܗܺܝّܶܗ ܓܡܰܢܟ݄ܦ ܗ̄ܽܘ ܥܳܠܡܳܐ ܥܰܠ ܗ̄ܺܝ ܚܛܺܝܬ̥ܳܐ ܘܺܗ̄ܝ ܙܰܕܺܝܩܽܘܬ̥ܳܐ ܘܽܗ̄ܘ ܕܺܝܢܳܐ. 9ܥܰܠ ܗ̄ܺܝ ܚܛܺܝܬ̥ܳܐ: ܥܰܠ ܕܠܳܐ ܟ݄ܡܗܰܝܡܢܺܝ ܐܶܒܺܝ. 10ܘܥܰܠ ܗ̄ܺܝ ܙܰܕܺܝܩܽܘܬ̥ܳܐ: ܥܰܠ ܕ݄ܐܙّܺܝ ܐ̱ܢܳܐ ܠܓܰܒ ܗ̄ܽܘ ܐܰܒܰܝܕ̥ܺܝ ܘܢܰܩܠܐ ܚܪܶܬܳܐ ܠ݄ܐ ܟܚܳܙܺܝܬܽܘ ܠܺܝ. 11ܘܥܰܠ ܗ̄ܽܘ ܕܺܝܢܳܐ: ܡܺܐܝܕ̥ܶܗ ܕܽܗ̄ܘ ܪܺܝܫܳܐ ܕܽܗ̄ܘ ܥܳܠܡܰܢܳܐ ܕܺܝܢ (ܘ݄ܚܟܺܝܡ ܐܰܥܠܶܗ). 12ܗܶܫ ܓ̥ܰܠܰܒܶܐ ܡܶܕ̈ܳܢܶܐ ܟ݄ܬ ܠܺܝ ܕܳܐܡܰܪ ܐ̱ܢܳܐ ܠܟ̥ܽܘ، ܐܶܠܳܐ ܠܰܒܟ̥ܽܘ ܛܳܥܢܺܝܬܽܘ ܠܶܗ ܐܳܥܕܳܐ. 13ܐܶܠܳܐ ܡ݄ܐ ܕܰܐܬ̥ܺܝ ܗ̄ܽܘ ܪܽܘܚܳܐ ܕܽܗ̄ܘ ܫܪܳܪܳܐ ܗܺܝّܶܗ ܓ݄ܡܕܰܒܰܪܟ̥ܽܘ ܒܟܽܘܠܶܗ ܗ̄ܽܘ ܫܪܳܪܳܐ، ܥܰܠ ܕܠ݄ܐ ܓܡ݄ܫܓ̥݄ܠ ܡܶܢ̱ ܩ݄ܕ̱ܡ ܪܽܘܚܶܗ، ܐܶܠܳܐ ܗ̄ܽܘ ܡܶܕܶܐ ܕܫܳܡ݄ܥ، ܗܰܘܳܐ ܓܡ݄ܫܓ̥݄ܠ ܘ݄ܓܡܰܘܕ̥ܰܥܟ̥ܽܘ ܥܰܠ ܗܰܢܺܝ ܕܳܐܬ̥݄ܢ. 14ܘܗܺܝّܶܗ ܓ݄ܡܫܰܒܰܚ ܠܺܝ، ܡܺܐܝܕ̥ܶܗ ܕܡܶܢܺܝ ܓܡܳܝ݄ܕ ܘܡܰܚܘܰܠܟ̥ܽܘ. 15ܟܽܘܠ ܡܶܕܶܐ ܕܟ݄ܬ ܝܳܐ ܠܽܗ̄ܘ ܐܰܒܰܝܕ̥ܺܝ ܐܶܠܺܝ ܝܳܐ، ܡܰܗ̄ܘܟ̥ܰܐ ܐܡ݄ܪ ܠܺܝ ܠܟ̥ܽܘ: ܡܽܗ̄ܘ ܡܶܕܶܐ ܕܟ݄ܬܝܳܐ ܐܶܠܺܝ ܓܡܳܝ݄ܕ ܘ݄ܓܡܰܚܘܰܠܟ̥ܽܘ.
ܗ̄ܺܝ ܟܰܪܝܽܘܬ̥ܳܐ ܓܕܽܗ̄ܘܝܳܐ ܦܨܺܝܚܽܘܬ̥ܳܐ
16”ܫܰܘܛܳܐ ܠ݄ܐ ܓܚܳܙܺܝܬܽܘ ܠܺܝ، ܘܫܰܘܛܳܐ ܚܪܶܢܳܐ ܓܚܳܙܺܝܬܽܘ ܠܺܝ، ܕܰܐܙܳܠܳܐ ܐ̱ܢܳܐ ܓܰܒ ܗ̄ܽܘ ܐܰܒܳܐ.“ 17ܘܰܬّܰܠܡܺܝܕ̥̈ܰܝܕ̥ܶܗ ܐ݄ܡّܺܪ̱ܝ ܗ̄ܘܰܘ̱ ܚܰܕ̱ ܠܚܰܕ̱: ”ܡ݄ܢܝܳܐ ܗܰܬ̥ܶܐ ܕܟܳܐܡܰܪ ܠܰܢ: ܫܰܘܛܳܐ ܠ݄ܐ ܓܚܳܙܺܝܬܽܘ ܠܺܝ، ܘܫܰܘܛܳܐ ܚܪܶܢܳܐ ܓܚܳܙܺܝܬܽܘ ܠܺܝ، ܘܕܰܐܙܳܠܳܐ ܐ̱ܢܳܐ ܓܰܒ ܗ̄ܽܘ ܐܰܒܰܝܕ̥ܺܝ؟“ 18ܘ݄ܐܡّܺܪ̱ܝ ܗ̄ܘܰܘ̱: ”ܡ݄ܢܝܳܐ ܗܰܬ̥ܶܐ ’ܫܰܘܛܳܐ‘؟ ܠ݄ܐ ܟ݄ܐܕ̥ܥܺܝܢܰܐ ܡ݄ܢ ܟܳܐܡ݄ܪ.“ 19ܘܝܶܫܽܘܥ ܐܳܕ̥ܰܥ ܗ̄ܘܰܐ ܕܟ݄ܐܒܥܺܝ ܡܫܰܐܺܠܺܝ ܠܶܗ، ܘܐܡ݄ܪ ܠܰܗ ܠّܶܗ: ”ܥܰܠ ܗܰܬ̥ܶܐ ܕܐܡ݄ܪ ܠܺܝ ܠܟ̥ܽܘ ’ܫܰܘܛܳܐ ܠ݄ܐ ܓܚܳܙܺܝܬܽܘ ܠܺܝ، ܘܫܰܘܛܳܐ ܚܪܶܢܳܐ ܓܚܳܙܺܝܬܽܘ ܠܺܝ،‘ ܟܳܗ̄ܒܺܝܬܽܘ ܘܫ݄ܩܠܺܝܬܽܘ ܥܰܡ ܚܕ̥ܳܕ̥̈ܶܐ؟ 20ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܓ݄ܕܒܳܟ̥ܺܝܬܽܘ ܘ݄ܡܘܰܠܘ݄ܠܺܝܬܽܘ ܘܽܗ̄ܘ ܥܳܠܡܳܐ ܟܡ݄ܦܨ݄ܚ، ܘܗܰܬܽܘ ܓܟ݄ܪܝܰܠܟ̥ܽܘ (ܓܥܳܝܰܩܟ̥ܽܘ). ܐܶܠܳܐ ܗ̄ܺܝ ܟܰܪܝܽܘܬ̥ܰܬ̥ܟ̥ܽܘ ܦܨܺܝܚܽܘܬ̥ܳܐ ܓܕܽܗ̄ܘܝܳܐ. 21ܗ̄ܺܝ ܐܰܢ̱ܬ̥ܬܳܐ ܛܥ݄ܢܬܳܐ ܟܟ݄ܪܝܳܐ ܠܰܗ ܗ̄ܺܝ ܢܰܩܠܐ ܕܡܳܛܶܐ ܗ̄ܽܘ ܝܰܘܡܳܐ ܕ݄ܓܡܰܘܠܕܳܐ ܐܶܒܶܗ. ܐܶܠܳܐ ܗ̄ܺܝ ܢܰܩܠܐ ܕܡܰܘܠܕ̥ܳܐ ܗ̄ܽܘ ܐܰܒܪܳܐ، ܟ݄ܐܙّ݄ܢ ܡܶܢ̱ ܒܳܠܰܗ ܗ̄ܰܟّܶܐܒ̥̈ܰܝܕ̥ܰܗ ܡܺܗ̄ܝ ܦܨܺܝܚܽܘܬ̥ܳܐ ܕܡܰܘܠ݄ܕ̥ ܢܳܫܳܐ ܒܽܗ̄ܘ ܥܳܠܡܳܐ. 22ܘܗܰܬܽܘ ܣܬܶܝ ܐܳܥܕܳܐ ܟܟ݄ܪܝܰܠܟ̥ܽܘ، ܐܶܠܳܐ ܓܕܳܥܰܪ ܐ̱ܢܳܐ ܚܳܙܶܐ ܐ̱ܢܳܐ ܠܟ̥ܽܘ ܘ݄ܓܡ݄ܦܨ݄ܚ ܠܶܒܰܝܟ̥ܽܘ، ܘܺܗ̄ܝ ܦܨܺܝܚܽܘܬ̥ܰܬ̥ܟ̥ܽܘ ܢܳܫܳܐ ܠ݄ܐ ܟܡܳܝܰܕ ܠܰܗ ܡ݄ܢܟ̥ܽܘ. 23ܘܒܽܗ̄ܘ ܝܰܘܡܰܘܳܐ، ܡܶܢܺܝ ܠ݄ܐ ܓܕ݄ܐܒܥܺܝܬܽܘ ܡܶܕܶܐ. ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܽܘ ܡܶܕܶܐ ܕܳܐܒܥܺܝܬܽܘ ܡܽܗ̄ܘ ܐܰܒܰܝܕ̥ܺܝ ܒ݄ܐܫܡܺܝ ܓܕܳܗ̄ܒܰܠܟ̥ܽܘ. 24ܗܳܠ ܐܳܥܕܳܐ ܠܳܐ ܡܫܰܐܶܠܟ̥ܽܘ ܡܶܕܶܐ ܒ݄ܐܫܡܺܝ. ܡܫܰܐܶܠܽܘ ܘܓ݄ܕܡܰܝܕܺܝܬܽܘ، ܘ݄ܓܕܳܗ̄ܘܰܠܟ̥ܽܘ ܦܨܺܝܚܽܘܬ̥ܳܐ ܪܰܒܬ̥ܳܐ ܘܟܰܡ݄ܠܬܳܐ.
ܝܶܫܽܘܥ ܩܰܕ݄ܪ ܥܰܠ ܗ̄ܽܘ ܥܳܠܡܳܐ
25”ܗܰܢܺܝ ܫܓ̥݄ܠ ܐ̱ܢܳܐ ܐܰܥܡܰܝܟ̥ܽܘ ܒܰܡّܰܬ̥̈ܠܶܐ، ܘ݄ܓܕܳܐܬ̥ܝܳܐ ܫܳܥܬ̥ܳܐ ܐܶܡܰܐ ܕܠ݄ܐ ܟܡ݄ܫܓ̥ܰܠ ܐ̱ܢܳܐ ܐܰܥܡܰܝܟ̥ܽܘ ܒܰܡّܰܬ̥̈ܠܶܐ، ܐܶܠܳܐ ܒܓܰܠܝܳܐ ܓܡܰܚܘܶܐ ܐ̱ܢܳܐ ܠܟ̥ܽܘ ܥܰܠ ܗ̄ܽܘ ܐܰܒܳܐ. 26ܒܽܗ̄ܘ ܝܰܘܡܰܘܳܐ ܓ݄ܡܫܰܐܺܠܺܝܬܽܘ ܒ݄ܐܫܡܺܝ. ܘܠ݄ܐ ܟܳܐܡܰܪ ܐ̱ܢܳܐ ܠܟ̥ܽܘ ܕܳܐܢܳܐ ܓ݄ܡܫܰܐܶܠ ܐ̱ܢܳܐ ܡܽܗ̄ܘ ܐܰܒܳܐ ܠܰܫܰܢܰܝܟ̥ܽܘ: 27ܡܺܐܝܕ̥ܶܗ ܕܽܗ̄ܘ ܐܰܒܳܐ ܟܪܳܚܰܡܟ̥ܽܘ ܥܰܠ ܕ݄ܪܚ݄ܡܟ̥ܽܘ ܠܺܝ ܘ݄ܡܗܰܝܡܰܢܟ̥ܽܘ ܕܢܰܦ݄ܩ ܐ̱ܢܳܐ ܡܰܢ̱ ܐܠܳܗܳܐ. 28ܢܰܦ݄ܩ ܐ̱ܢܳܐ ܡܶܢ̱ ܓܰܒ ܗ̄ܽܘ ܐܰܒܳܐ، ܘܰܐܬ̥ܺܝ ܐ̱ܢܳܐ ܠܽܗ̄ܘ ܥܳܠܡܳܐ، ܘܢܰܩܠܐ ܚܪܶܬܳܐ ܓܛܳܪܶܐ ܐ̱ܢܳܐ ܗ̄ܽܘ ܥܳܠܡܳܐ ܘ݄ܐܙّܺܝ ܐ̱ܢܳܐ ܓܰܒ ܗ̄ܽܘ ܐܰܒܳܐ.“ 29ܘܰܬّܰܠܡܺܝܕ̥̈ܶܐ ܐܡ݄ܪّܰܗ ܠܶܗ: ”ܟܰܐܠܳܟ̥ ܐܳܥܕܳܐ ܒܓܰܠܝܳܐ ܟܡ݄ܫܓ̥ܳܠ݄ܬ، ܘܠܳܐ ܚܰܕ̱ ܡܰܬ̥ܠܳܐ ܟ݄ܐܡّܰܪ̱ܬ. 30ܐܳܥܕܳܐ ܟ݄ܐܕ̥ܥܺܝܢܰܐ ܕܗܰܬ ܟܽܘܠ ܡܶܕܶܐ ܟ݄ܐܕ̥ܥܰܬ، ܘܠܰܝ̱ܬ ܗ̄ܰܬ ܣܢܺܝܩܳܝܳܐ ܕܢܳܫܳܐ ܡܫܰܐܶܠ ܠܳܟ̥. ܒܰܗ̄ܬ̥ܶܐ ܟ݄ܡܗܰܝܡܢܺܝܢܰܐ ܕܡܰܢ̱ ܐܠܳܗܳܐ ܢܰܦܺܝܩܰܬ.“ 31ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܡܗܰܝܡܶܢܽܘ! 32ܟܰܐܠܰܗ ܐܰܬ̥ܝܳܐ ܗ̄ܺܝ ܫܳܥܬ̥ܳܐ، ܘܳܐܥܕܳܐ ܐܰܬ̥ܝܳܐ، ܕܡܺܝܒܰܪܒܙܺܝܬܽܘ، ܟܽܘܠ ܚܰܕ̱ ܠܽܗ̄ܘ ܐܰܬ̥ܪܰܝܕ̥ܶܗ ܘ݄ܕܛܳܪܺܝܬܽܘ ܠܺܝ ܠܚܽܘܕ̥ܺܝ. ܘܳܐܢܳܐ ܠܰܝ̱ܬ ܐ̱ܢܳܐ ܠܚܽܘܕ̥ܺܝ ܡܺܐܝܕ̥ܶܗ ܕܽܗ̄ܘ ܐܰܒܰܝܕ̥ܺܝ ܐܰܥܡܺܝ ܝܳܐ. 33ܗܰܢܺܝ ܐܡ݄ܪ ܠܺܝ ܠܟ̥ܽܘ ܠܰܫܰܢ ܕܳܗ̄ܘܰܠܟ̥ܽܘ ܫܠܳܡܳܐ ܐܶܒܺܝ. ܒܽܗ̄ܘ ܥܳܠܡܳܐ ܓܕܳܗ̄ܘܰܠܟ̥ܽܘ ܥܺܝܩܽܘܬ̥ܳܐ، ܐܶܠܳܐ ܚܽܘܨܽܘ ܪܽܘܚܰܝܟ̥ܽܘ، ܐܳܢܳܐ ܙܟ̥ܶܐ ܠܺܝ (ܬܒ̥݄ܪ ܠܺܝ) ܗ̄ܽܘ ܥܳܠܡܳܐ.“
Currently Selected:
ܡܓܰܠܝܘܢ ܕܝܘܚܢܢ 16: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܡܓܰܠܝܘܢ ܕܝܘܚܢܢ 16
16
1”ܗܰܢܺܝ ܫܓ̥݄ܠ ܐ̱ܢܳܐ ܐܰܥܡܰܝܟ̥ܽܘ ܕܠܳܐ ܡܺܝܛܰܪܒܠܺܝܬܽܘ ܘܢ݄ܦܠܺܝܬܽܘ، 2ܡܺܐܝܕ̥ܶܗ ܕܓ݄ܕܡܰܘܦܩ݄ܢܟ̥ܽܘ ܡܰܢ̱ ܟܢܽܘܫ̈ܳܬ̥ܰܬّ̥ܶܗ، ܘ݄ܓܕܳܐܬ̥ܝܳܐ ܗ̄ܺܝ ܫܳܥܬ̥ܳܐ، ܟܽܘܠ ܕܩܳܛܰܠܟ̥ܽܘ ܓܚܳܫܽܒ̥ ܕܩܽܘܪܒܳܢܳܐ ܟ݄ܡܩܰܪܽܒ̥ ܠܰܐܠܳܗܳܐ. 3ܘܗܰܢܺܝ ܓ݄ܕܣܰܝܡܺܝ ܥܰܠ ܕܠܰܐ ܐܕ̥ܺܝܥܺܝ ܠܳܐ ܗ̄ܽܘ ܐܰܒܰܝܕ̥ܺܝ ܘܠܳܐ ܐܶܠܺܝ.
ܗ̄ܽܘ ܥܒ̥ܳܕ̥ܳܐ ܕܺܗ̄ܝ ܪܽܘܚܳܐ ܕܽܗ̄ܘ ܫܪܳܪܳܐ
4”ܗܰܢܺܝ ܫܓ̥݄ܠ ܐ̱ܢܳܐ ܐܰܥܡܰܝܟ̥ܽܘ، ܕܶܐܡܰܐ ܕܗܳܘܶܐ ܗ̄ܽܘ ܙܰܒ̥ܢܰܬّ̥ܶܗ ܓܕܳܐܬ̥ܶܐ ܠܒܳܠܰܝܟ̥ܽܘ ܕܐܡ݄ܪ ܠܺܝ ܠܟ̥ܽܘ ܐܰܥܠܰܝّܶܗ. ܡܶܢ̱ ܡܶܩ݄ܕ̱ܡ ܠܳܐ ܐܡ݄ܪ ܠܺܝ ܠܟ̥ܽܘ ܥܰܠ ܗܰܢܺܝ ܥܰܠ ܕܟ݄ܬ ܗ̄ܘܰܝ ܐ̱ܢܳܐ ܐܰܥܡܰܝܟ̥ܽܘ. 5ܘܳܐܥܕܳܐ، ܐܰܙܳܠܳܐ ܐ̱ܢܳܐ ܠܓܰܒ ܗܰܘܳܐ ܕ݄ܡܫܰܕܰܪ ܠܶܗ ܠܺܝ، ܘܢܳܫܳܐ ܡ݄ܢܟ̥ܽܘ ܠ݄ܐ ܟ݄ܡܫܰܐܶܠ ܠܺܝ ܠܰܐܝܟܳܐ ܐܰܙܳܠܳܐ ܗܰܬ؟ 6ܘܥܰܠ ܕܐܡ݄ܪ ܠܺܝ ܠܟ̥ܽܘ ܗܰܢܺܝ، ܟܰܪܝܽܘܬ̥ܳܐ ܡܠܶܐ ܠܰܗ ܠܶܒܰܝܟ̥ܽܘ. 7ܘ݄ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܛܰܒ̥ ܝܳܐ ܐܰܠܟ̥ܽܘ ܕܳܐܢܳܐ ܐ݄ܙّܺܝ ܐ̱ܢܳܐ. ܕܠ݄ܐ ܐܙّܺܝ ܐ̱ܢܳܐ، ܦܰܪܰܩܠܺܛܳܐ (ܡܥܰܕܪܳܢܳܐ) ܠ݄ܐ ܟܳܐܬ̥ܰܠܟ̥ܽܘ، ܘܶܐܢ ܐܰܙّܺܝ ܐ̱ܢܳܐ ܓ݄ܡܫܰܕܰܪ ܐ̱ܢܳܐ ܠܟ̥ܽܘ ܝܳܐ. 8ܘܡ݄ܐ ܕܰܐܬ̥ܺܝ، ܗܺܝّܶܗ ܓܡܰܢܟ݄ܦ ܗ̄ܽܘ ܥܳܠܡܳܐ ܥܰܠ ܗ̄ܺܝ ܚܛܺܝܬ̥ܳܐ ܘܺܗ̄ܝ ܙܰܕܺܝܩܽܘܬ̥ܳܐ ܘܽܗ̄ܘ ܕܺܝܢܳܐ. 9ܥܰܠ ܗ̄ܺܝ ܚܛܺܝܬ̥ܳܐ: ܥܰܠ ܕܠܳܐ ܟ݄ܡܗܰܝܡܢܺܝ ܐܶܒܺܝ. 10ܘܥܰܠ ܗ̄ܺܝ ܙܰܕܺܝܩܽܘܬ̥ܳܐ: ܥܰܠ ܕ݄ܐܙّܺܝ ܐ̱ܢܳܐ ܠܓܰܒ ܗ̄ܽܘ ܐܰܒܰܝܕ̥ܺܝ ܘܢܰܩܠܐ ܚܪܶܬܳܐ ܠ݄ܐ ܟܚܳܙܺܝܬܽܘ ܠܺܝ. 11ܘܥܰܠ ܗ̄ܽܘ ܕܺܝܢܳܐ: ܡܺܐܝܕ̥ܶܗ ܕܽܗ̄ܘ ܪܺܝܫܳܐ ܕܽܗ̄ܘ ܥܳܠܡܰܢܳܐ ܕܺܝܢ (ܘ݄ܚܟܺܝܡ ܐܰܥܠܶܗ). 12ܗܶܫ ܓ̥ܰܠܰܒܶܐ ܡܶܕ̈ܳܢܶܐ ܟ݄ܬ ܠܺܝ ܕܳܐܡܰܪ ܐ̱ܢܳܐ ܠܟ̥ܽܘ، ܐܶܠܳܐ ܠܰܒܟ̥ܽܘ ܛܳܥܢܺܝܬܽܘ ܠܶܗ ܐܳܥܕܳܐ. 13ܐܶܠܳܐ ܡ݄ܐ ܕܰܐܬ̥ܺܝ ܗ̄ܽܘ ܪܽܘܚܳܐ ܕܽܗ̄ܘ ܫܪܳܪܳܐ ܗܺܝّܶܗ ܓ݄ܡܕܰܒܰܪܟ̥ܽܘ ܒܟܽܘܠܶܗ ܗ̄ܽܘ ܫܪܳܪܳܐ، ܥܰܠ ܕܠ݄ܐ ܓܡ݄ܫܓ̥݄ܠ ܡܶܢ̱ ܩ݄ܕ̱ܡ ܪܽܘܚܶܗ، ܐܶܠܳܐ ܗ̄ܽܘ ܡܶܕܶܐ ܕܫܳܡ݄ܥ، ܗܰܘܳܐ ܓܡ݄ܫܓ̥݄ܠ ܘ݄ܓܡܰܘܕ̥ܰܥܟ̥ܽܘ ܥܰܠ ܗܰܢܺܝ ܕܳܐܬ̥݄ܢ. 14ܘܗܺܝّܶܗ ܓ݄ܡܫܰܒܰܚ ܠܺܝ، ܡܺܐܝܕ̥ܶܗ ܕܡܶܢܺܝ ܓܡܳܝ݄ܕ ܘܡܰܚܘܰܠܟ̥ܽܘ. 15ܟܽܘܠ ܡܶܕܶܐ ܕܟ݄ܬ ܝܳܐ ܠܽܗ̄ܘ ܐܰܒܰܝܕ̥ܺܝ ܐܶܠܺܝ ܝܳܐ، ܡܰܗ̄ܘܟ̥ܰܐ ܐܡ݄ܪ ܠܺܝ ܠܟ̥ܽܘ: ܡܽܗ̄ܘ ܡܶܕܶܐ ܕܟ݄ܬܝܳܐ ܐܶܠܺܝ ܓܡܳܝ݄ܕ ܘ݄ܓܡܰܚܘܰܠܟ̥ܽܘ.
ܗ̄ܺܝ ܟܰܪܝܽܘܬ̥ܳܐ ܓܕܽܗ̄ܘܝܳܐ ܦܨܺܝܚܽܘܬ̥ܳܐ
16”ܫܰܘܛܳܐ ܠ݄ܐ ܓܚܳܙܺܝܬܽܘ ܠܺܝ، ܘܫܰܘܛܳܐ ܚܪܶܢܳܐ ܓܚܳܙܺܝܬܽܘ ܠܺܝ، ܕܰܐܙܳܠܳܐ ܐ̱ܢܳܐ ܓܰܒ ܗ̄ܽܘ ܐܰܒܳܐ.“ 17ܘܰܬّܰܠܡܺܝܕ̥̈ܰܝܕ̥ܶܗ ܐ݄ܡّܺܪ̱ܝ ܗ̄ܘܰܘ̱ ܚܰܕ̱ ܠܚܰܕ̱: ”ܡ݄ܢܝܳܐ ܗܰܬ̥ܶܐ ܕܟܳܐܡܰܪ ܠܰܢ: ܫܰܘܛܳܐ ܠ݄ܐ ܓܚܳܙܺܝܬܽܘ ܠܺܝ، ܘܫܰܘܛܳܐ ܚܪܶܢܳܐ ܓܚܳܙܺܝܬܽܘ ܠܺܝ، ܘܕܰܐܙܳܠܳܐ ܐ̱ܢܳܐ ܓܰܒ ܗ̄ܽܘ ܐܰܒܰܝܕ̥ܺܝ؟“ 18ܘ݄ܐܡّܺܪ̱ܝ ܗ̄ܘܰܘ̱: ”ܡ݄ܢܝܳܐ ܗܰܬ̥ܶܐ ’ܫܰܘܛܳܐ‘؟ ܠ݄ܐ ܟ݄ܐܕ̥ܥܺܝܢܰܐ ܡ݄ܢ ܟܳܐܡ݄ܪ.“ 19ܘܝܶܫܽܘܥ ܐܳܕ̥ܰܥ ܗ̄ܘܰܐ ܕܟ݄ܐܒܥܺܝ ܡܫܰܐܺܠܺܝ ܠܶܗ، ܘܐܡ݄ܪ ܠܰܗ ܠّܶܗ: ”ܥܰܠ ܗܰܬ̥ܶܐ ܕܐܡ݄ܪ ܠܺܝ ܠܟ̥ܽܘ ’ܫܰܘܛܳܐ ܠ݄ܐ ܓܚܳܙܺܝܬܽܘ ܠܺܝ، ܘܫܰܘܛܳܐ ܚܪܶܢܳܐ ܓܚܳܙܺܝܬܽܘ ܠܺܝ،‘ ܟܳܗ̄ܒܺܝܬܽܘ ܘܫ݄ܩܠܺܝܬܽܘ ܥܰܡ ܚܕ̥ܳܕ̥̈ܶܐ؟ 20ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܓ݄ܕܒܳܟ̥ܺܝܬܽܘ ܘ݄ܡܘܰܠܘ݄ܠܺܝܬܽܘ ܘܽܗ̄ܘ ܥܳܠܡܳܐ ܟܡ݄ܦܨ݄ܚ، ܘܗܰܬܽܘ ܓܟ݄ܪܝܰܠܟ̥ܽܘ (ܓܥܳܝܰܩܟ̥ܽܘ). ܐܶܠܳܐ ܗ̄ܺܝ ܟܰܪܝܽܘܬ̥ܰܬ̥ܟ̥ܽܘ ܦܨܺܝܚܽܘܬ̥ܳܐ ܓܕܽܗ̄ܘܝܳܐ. 21ܗ̄ܺܝ ܐܰܢ̱ܬ̥ܬܳܐ ܛܥ݄ܢܬܳܐ ܟܟ݄ܪܝܳܐ ܠܰܗ ܗ̄ܺܝ ܢܰܩܠܐ ܕܡܳܛܶܐ ܗ̄ܽܘ ܝܰܘܡܳܐ ܕ݄ܓܡܰܘܠܕܳܐ ܐܶܒܶܗ. ܐܶܠܳܐ ܗ̄ܺܝ ܢܰܩܠܐ ܕܡܰܘܠܕ̥ܳܐ ܗ̄ܽܘ ܐܰܒܪܳܐ، ܟ݄ܐܙّ݄ܢ ܡܶܢ̱ ܒܳܠܰܗ ܗ̄ܰܟّܶܐܒ̥̈ܰܝܕ̥ܰܗ ܡܺܗ̄ܝ ܦܨܺܝܚܽܘܬ̥ܳܐ ܕܡܰܘܠ݄ܕ̥ ܢܳܫܳܐ ܒܽܗ̄ܘ ܥܳܠܡܳܐ. 22ܘܗܰܬܽܘ ܣܬܶܝ ܐܳܥܕܳܐ ܟܟ݄ܪܝܰܠܟ̥ܽܘ، ܐܶܠܳܐ ܓܕܳܥܰܪ ܐ̱ܢܳܐ ܚܳܙܶܐ ܐ̱ܢܳܐ ܠܟ̥ܽܘ ܘ݄ܓܡ݄ܦܨ݄ܚ ܠܶܒܰܝܟ̥ܽܘ، ܘܺܗ̄ܝ ܦܨܺܝܚܽܘܬ̥ܰܬ̥ܟ̥ܽܘ ܢܳܫܳܐ ܠ݄ܐ ܟܡܳܝܰܕ ܠܰܗ ܡ݄ܢܟ̥ܽܘ. 23ܘܒܽܗ̄ܘ ܝܰܘܡܰܘܳܐ، ܡܶܢܺܝ ܠ݄ܐ ܓܕ݄ܐܒܥܺܝܬܽܘ ܡܶܕܶܐ. ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܽܘ ܡܶܕܶܐ ܕܳܐܒܥܺܝܬܽܘ ܡܽܗ̄ܘ ܐܰܒܰܝܕ̥ܺܝ ܒ݄ܐܫܡܺܝ ܓܕܳܗ̄ܒܰܠܟ̥ܽܘ. 24ܗܳܠ ܐܳܥܕܳܐ ܠܳܐ ܡܫܰܐܶܠܟ̥ܽܘ ܡܶܕܶܐ ܒ݄ܐܫܡܺܝ. ܡܫܰܐܶܠܽܘ ܘܓ݄ܕܡܰܝܕܺܝܬܽܘ، ܘ݄ܓܕܳܗ̄ܘܰܠܟ̥ܽܘ ܦܨܺܝܚܽܘܬ̥ܳܐ ܪܰܒܬ̥ܳܐ ܘܟܰܡ݄ܠܬܳܐ.
ܝܶܫܽܘܥ ܩܰܕ݄ܪ ܥܰܠ ܗ̄ܽܘ ܥܳܠܡܳܐ
25”ܗܰܢܺܝ ܫܓ̥݄ܠ ܐ̱ܢܳܐ ܐܰܥܡܰܝܟ̥ܽܘ ܒܰܡّܰܬ̥̈ܠܶܐ، ܘ݄ܓܕܳܐܬ̥ܝܳܐ ܫܳܥܬ̥ܳܐ ܐܶܡܰܐ ܕܠ݄ܐ ܟܡ݄ܫܓ̥ܰܠ ܐ̱ܢܳܐ ܐܰܥܡܰܝܟ̥ܽܘ ܒܰܡّܰܬ̥̈ܠܶܐ، ܐܶܠܳܐ ܒܓܰܠܝܳܐ ܓܡܰܚܘܶܐ ܐ̱ܢܳܐ ܠܟ̥ܽܘ ܥܰܠ ܗ̄ܽܘ ܐܰܒܳܐ. 26ܒܽܗ̄ܘ ܝܰܘܡܰܘܳܐ ܓ݄ܡܫܰܐܺܠܺܝܬܽܘ ܒ݄ܐܫܡܺܝ. ܘܠ݄ܐ ܟܳܐܡܰܪ ܐ̱ܢܳܐ ܠܟ̥ܽܘ ܕܳܐܢܳܐ ܓ݄ܡܫܰܐܶܠ ܐ̱ܢܳܐ ܡܽܗ̄ܘ ܐܰܒܳܐ ܠܰܫܰܢܰܝܟ̥ܽܘ: 27ܡܺܐܝܕ̥ܶܗ ܕܽܗ̄ܘ ܐܰܒܳܐ ܟܪܳܚܰܡܟ̥ܽܘ ܥܰܠ ܕ݄ܪܚ݄ܡܟ̥ܽܘ ܠܺܝ ܘ݄ܡܗܰܝܡܰܢܟ̥ܽܘ ܕܢܰܦ݄ܩ ܐ̱ܢܳܐ ܡܰܢ̱ ܐܠܳܗܳܐ. 28ܢܰܦ݄ܩ ܐ̱ܢܳܐ ܡܶܢ̱ ܓܰܒ ܗ̄ܽܘ ܐܰܒܳܐ، ܘܰܐܬ̥ܺܝ ܐ̱ܢܳܐ ܠܽܗ̄ܘ ܥܳܠܡܳܐ، ܘܢܰܩܠܐ ܚܪܶܬܳܐ ܓܛܳܪܶܐ ܐ̱ܢܳܐ ܗ̄ܽܘ ܥܳܠܡܳܐ ܘ݄ܐܙّܺܝ ܐ̱ܢܳܐ ܓܰܒ ܗ̄ܽܘ ܐܰܒܳܐ.“ 29ܘܰܬّܰܠܡܺܝܕ̥̈ܶܐ ܐܡ݄ܪّܰܗ ܠܶܗ: ”ܟܰܐܠܳܟ̥ ܐܳܥܕܳܐ ܒܓܰܠܝܳܐ ܟܡ݄ܫܓ̥ܳܠ݄ܬ، ܘܠܳܐ ܚܰܕ̱ ܡܰܬ̥ܠܳܐ ܟ݄ܐܡّܰܪ̱ܬ. 30ܐܳܥܕܳܐ ܟ݄ܐܕ̥ܥܺܝܢܰܐ ܕܗܰܬ ܟܽܘܠ ܡܶܕܶܐ ܟ݄ܐܕ̥ܥܰܬ، ܘܠܰܝ̱ܬ ܗ̄ܰܬ ܣܢܺܝܩܳܝܳܐ ܕܢܳܫܳܐ ܡܫܰܐܶܠ ܠܳܟ̥. ܒܰܗ̄ܬ̥ܶܐ ܟ݄ܡܗܰܝܡܢܺܝܢܰܐ ܕܡܰܢ̱ ܐܠܳܗܳܐ ܢܰܦܺܝܩܰܬ.“ 31ܘܝܶܫܽܘܥ ܐܡ݄ܪ ܠܰܗ ܠّܶܗ: ”ܡܗܰܝܡܶܢܽܘ! 32ܟܰܐܠܰܗ ܐܰܬ̥ܝܳܐ ܗ̄ܺܝ ܫܳܥܬ̥ܳܐ، ܘܳܐܥܕܳܐ ܐܰܬ̥ܝܳܐ، ܕܡܺܝܒܰܪܒܙܺܝܬܽܘ، ܟܽܘܠ ܚܰܕ̱ ܠܽܗ̄ܘ ܐܰܬ̥ܪܰܝܕ̥ܶܗ ܘ݄ܕܛܳܪܺܝܬܽܘ ܠܺܝ ܠܚܽܘܕ̥ܺܝ. ܘܳܐܢܳܐ ܠܰܝ̱ܬ ܐ̱ܢܳܐ ܠܚܽܘܕ̥ܺܝ ܡܺܐܝܕ̥ܶܗ ܕܽܗ̄ܘ ܐܰܒܰܝܕ̥ܺܝ ܐܰܥܡܺܝ ܝܳܐ. 33ܗܰܢܺܝ ܐܡ݄ܪ ܠܺܝ ܠܟ̥ܽܘ ܠܰܫܰܢ ܕܳܗ̄ܘܰܠܟ̥ܽܘ ܫܠܳܡܳܐ ܐܶܒܺܝ. ܒܽܗ̄ܘ ܥܳܠܡܳܐ ܓܕܳܗ̄ܘܰܠܟ̥ܽܘ ܥܺܝܩܽܘܬ̥ܳܐ، ܐܶܠܳܐ ܚܽܘܨܽܘ ܪܽܘܚܰܝܟ̥ܽܘ، ܐܳܢܳܐ ܙܟ̥ܶܐ ܠܺܝ (ܬܒ̥݄ܪ ܠܺܝ) ܗ̄ܽܘ ܥܳܠܡܳܐ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation