ܣܶܦܪܳܐ ܕ݄ܒܪܺܝܬ̥ܳܐ 9

16 ܘ݄ܡܒܰܪܰܟ̥ ܠܶܗ ܐܰ‌ܠܳܗܳܐ ܠܢܽܘܚ ܘܠܰܗ̄ܢ ܐܰܒܢ̈ܰܝܕ̥ܶܗ، ܘܐܡ݄ܪ ܠܰܗ ܠّܶܗ: ”ܣܽܘܡܽܘ ܦܺܐܪ̈ܶܐ (ܡܰܘܠܶܕܽܘ) ܘܙܽܘܕܽܘ ܘ݄ܡܠܰܘ ܗ̄ܺܝ ܐܰܪܥܳܐ. 2ܘ݄ܛܪܳܐ ܗ̄ܘܶܐ ܗ̄ܽܘ ܫܽܘܠܛܳܢܰܬ̥ܟ̥ܽܘ ܘܺܗ̄ܝ ܙܽܘܥܬ̥ܰܬ̥ܟ̥ܽܘ ܥܰܠ ܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܺܗ̄ܝ ܐܰܪܥܳܐ ܘܥܰܠ ܟܽܘܠܶܗ ܗ̄ܽܘ ܛܰܝܪܳܐ ܕܺܗ̄ܝ ܫܡܰܝܳܐ، ܘܥܰܠ ܟܘ̇ܠ ܪܰܚܫܳܐ ܕܟܳܪܳܚ݄ܫ ܥܰܠ ܗ̄ܺܝ ܐܰܪܥܳܐ. ܘܟܽܘܠّܶܗ ܗ̄ܰܢ ܢܽܘܢ̈ܶܐ ܕܽܗ̄ܘ ܝܰܡܳܐ ܒܺܐܝܕ̥̈ܰܝܟ̥ܽܘ ܡܺܝܬܰܗܒ̥݄ܢ. 3ܘܟܘ̇ܠ ܪܰܚܫܳܐ ܚܰܝܳܐ ܗܳܘܶܐ ܠܽܗ̄ܘ ܡܽܐܘܟܠܰܬ̥ܟ̥ܽܘ. ܐܟ̥ ܕܽܗ̄ܘ ܓܶܠܳܐ ܝܰܪܽܘܩܳܐ ܗܽܒ̥ ܠܺܝ ܠܟ̥ܽܘ ܟܘ̇ܠ (ܡܶܕܶܐ). 4ܐܶܠܳܐ ܟܘ̇ܠ ܒܰܣܪܳܐ ܕܽܗ̄ܘ ܐܰܕܡܰܝܕ̥ܶܗ ܐܶܒܶܗ ܠܳܐ ܐܟ̥ܠܺܝܬܽܘ ܠܶܗ، ܗ̄ܺܝ ܢܰܦܫܰܝܕ̥ܶܗ ܐܶܒܶܗ ܝܳܐ. 5ܘܳܐܢܳܐ ܗ̄ܽܘ ܐܰܕܡܳܐ ܕܰܗ̄ܢ ܢܰܦܫ̈ܳܬ̥ܰܬ̥ܟ̥ܽܘ ܓܕܳܐܒܰܥ ܐ̱ܢܳܐ، ܡܺܗ̄ܝ ܐܺܝܕ̥ܳܐ ܕܟܘ̇ܠ ܚܰܝܽܘܬ̥ܳܐ ܓܕܳܐܒܰܥܢܶܗ، ܡܺܗ̄ܝ ܐܺܝܕ̥ܳܐ ܕܽܗ̄ܘ ܢܳܫܳܐ، ܡܺܗ̄ܝ ܐܺܝܕ̥ܳܐ ܕܽܗ̄ܘ ܓܰܒ̥ܪܳܐ ܘܕܽܗ̄ܘ ܐܰܚܽܘܢܳܐ ܓܕܳܐܒܰܥ ܐ̱ܢܳܐ ܗ̄ܺܝ ܢܰܦܫܳܐ ܕܽܗ̄ܘ ܢܳܫܳܐ. 6ܡܰܢ ܕܒܳܝ݄ܙ ܐܰܕܡܳܐ ܕܢܳܫܳܐ، ܗ̄ܽܘ ܐܰܕܡܰܝܕ̥ܶܗ ܓܡܺܝܒ݄ܙ ܒܺܐܝܕ̥ܳܐ ܕܢܳܫܳܐ. ܡܺܐܝܕ̥ܶܗ ܕܒܺܗ̄ܝ ܨܽܘܪܬܳܐ ܕܰܐ‌ܠܳܗܳܐ ܣܺܝܡ ܐܳܕ̥ܳܡ. 7ܘܗܰܬܽܘ ܣܽܘܡܽܘ ܦܺܐܪ̈ܶܐ ܘܙܽܘܕܽܘ، ܘܡܰܘܠܶܕܽܘ ܒܺܗ̄ܝ ܐܰܪܥܳܐ ܘܙܽܘܕܽܘ ܐܶܒܰܗ.“

8ܘܐܡ݄ܪ ܠܶܗ ܐܰ‌ܠܳܗܳܐ ܠܢܽܘܚ ܘܠܰܗ̄ܢ ܐܰܒܢ̈ܰܝܕ̥ܶܗ ܐܰܥܡܶܗ: 9”ܐܳܢܳܐ، ܟܰܐܠܶܗ ܓܡܰܩ݄ܡ ܐ̱ܢܳܐ ܗ̄ܽܘ ܩܝܳܡܰܝܕ̥ܺܝ ܐܰܥܡܰܝܟ̥ܽܘ ܘܥܰܡ ܗ̄ܽܘ ܙܰܪܥܰܬ̥ܟ̥ܽܘ ܒ݄ܬ̥݄ܪ ܡܰܢܟ̥ܽܘ. 10ܘܥܰܡ ܟܘ̇ܠ ܢܰܦܫܳܐ ܚܰܝܬ̥ܳܐ ܕܰܐܥܡܰܝܟ̥ܽܘ، ܘܥܰܡ ܗ̄ܽܘ ܛܰܝܪܳܐ ܘܥܰܡ ܗ̄ܽܘ ܒܥܺܝܪܳܐ، ܘܥܰܡ ܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܺܗ̄ܝ ܐܰܪܥܳܐ ܕܰܐܥܡܰܝܟ̥ܽܘ، ܡܶܢ̱ ܟܽܘܠّܶܗ ܕܢܰܦܺܝܩܺܝ ܡܺܗ̄ܝ ܩܺܝܒܽܘܬ̥ܳܐ ܘܥܰܡ ܟܽܘܠܰܗ ܗ̄ܺܝ ܚܰܝܽܘܬ̥ܳܐ ܕܺܗ̄ܝ ܐܰܪܥܳܐ. 11ܘ݄ܓܡܰܩ݄ܡ ܐ̱ܢܳܐ ܗ̄ܽܘ ܩܝܳܡܰܝܕ̥ܺܝ ܐܰܥܡܰܝܟ̥ܽܘ ܘܢܰܩܠܐ ܚܪܶܬܳܐ ܠ݄ܐ ܓܣܳܝ݄ܦ ܟܘ̇ܠ ܦܰܓ̥ܪܳܐ ܡܰܢ̱ ܡّܰܝ̈ܶܐ ܕܽܗ̄ܘ ܛܰܘܦܳܢܳܐ. ܘܢܰܩܠܐ ܚܪܶܬܳܐ ܠ݄ܐ ܓܕܳܗ̄ܘܶܐ ܛܰܘܦܳܢܳܐ ܕܡܰܚܪܽܒ̥ ܗ̄ܺܝ ܐܰܪܥܳܐ.“ 12ܘܐܡ݄ܪ ܠܶܗ ܐܰ‌ܠܳܗܳܐ ܠܢܽܘܚ: ”ܗܰܬ̥ܶܐ ܝܳܐ ܗ̄ܺܝ ܐܳܬ̥ܳܐ ܕܽܗ̄ܘ ܩܝܳܡܳܐ ܕܟܳܗ̄ܒܶܐ ܐ̱ܢܳܐ ܒܰܝܢ ܐܶ‌ܠܺܝ ܘܰܐ‌ܠܟ̥ܽܘ، ܘܒܰܝܢ ܟܘ̇ܠ ܢܰܦܫܳܐ ܚܰܝܬ̥ܳܐ ܕܰܐܥܡܰܝܟ̥ܽܘ ܠܰܕّܳܪ̈ܶܐ ܕܽܗ̄ܘ ܥܳܠܡܳܐ. 13ܗ̄ܺܝ ܩܶܫܬܰܝܕ̥ܺܝ ܡܰܚܬܳܐ ܠܺܝ ܒܰܥّܰܝܡ̈ܶܐ. ܘ݄ܓܕܽܗ̄ܘܝܳܐ ܐܳܬ̥ܳܐ ܕ݄ܩܝܳܡܳܐ ܒܰܝܢ ܐܶ‌ܠܺܝ ܘܠܺܗ̄ܝ ܐܰܪܥܳܐ. 14ܘ݄ܓܕܳܗ̄ܘܶܐ ܗ̄ܺܝ ܢܰܩܠܐ ܕܡܰܣܠܰܩ ܐ̱ܢܳܐ ܥܰܝܡ̈ܶܐ ܥܰܠ ܗ̄ܺܝ ܐܰܪܥܳܐ، ܘ݄ܓܡ݄ܚܙܳܝܳܐ ܗ̄ܺܝ ܩܶܫܬܳܐ ܒܰܥّܰܝܡ̈ܶܐ، 15ܓܡܰܝܬܶܐ ܐ̱ܢܳܐ ܠܒܳܠܺܝ ܗ̄ܽܘ ܩܝܳܡܰܝܕ̥ܺܝ ܕܒܰܝܢ ܐܶ‌ܠܺܝ ܘܰܐ‌ܠܟ̥ܽܘ، ܘܒܰܝܢ ܟܘ̇ܠ ܢܰܦܫܳܐ ܚܰܝܬ̥ܳܐ ܕܰܐܥܡܰܝܟ̥ܽܘ، ܘܒܰܝܢ ܟܘ̇ܠ ܦܰܓ̥ܪܳܐ. ܘܢܰܩܠܐ ܚܪܶܬܳܐ ܠ݄ܐ ܟܳܗ̄ܘ݄ܢ ܡܰܝ̈ܶܐ ܕܽܗ̄ܘ ܛܰܘܦܳܢܳܐ ܕܡܰܚ݄ܪܒ̥ܺܝ ܟܘ̇ܠ ܦܰܓ̥ܪܳܐ. 16ܘ݄ܓܕܽܗ̄ܘܝܳܐ ܩܶܫܬܳܐ ܒܰܥّܰܝܡ̈ܶܐ، ܘ݄ܓܚܳܙܶܢܰܗ ܠܽܗ̄ܘ ܕܽܘܟ̥ܪܳܢܳܐ ܕܽܗ̄ܘ ܩܝܳܡܳܐ ܕ݄ܠܥܳܠܰܡ ܒܰܝܢ ܐܰ‌ܠܳܗܳܐ ܘ݄ܠܟܘ̇ܠ ܢܰܦܫܳܐ ܚܰܝܬ̥ܳܐ ܕܟܘ̇ܠ ܦܰܓ̥ܪܳܐ ܕܥܰܠ ܗ̄ܺܝ ܐܰܪܥܳܐ.“ 17ܘܐܡ݄ܪ ܠܶܗ ܐܰ‌ܠܳܗܳܐ ܠܢܽܘܚ: ”ܗܰܬ̥ܶܐ ܝܳܐ ܗ̄ܺܝ ܐܳܬ̥ܳܐ ܕܽܗ̄ܘ ܩܝܳܡܳܐ ܕܡܰܩ݄ܡ ܠܺܝ ܒܰܝܢ ܐܶ‌ܠܺܝ ܘ݄ܠܟܘ̇ܠ ܦܰܓ̥ܪܳܐ ܕܥܰܠ ܗ̄ܺܝ ܐܰܪܥܳܐ.“

18ܘܰܗ̄ܢ ܐܰܒܢ̈ܶܐ ܕܢܽܘܚ ܕܢܰܦܺܝܩܺܝ ܡܺܗ̄ܝ ܩܺܝܒܽܘܬ̥ܳܐ: ܫܶܝܡ ܘܚܳܡ ܘܝܰܦܶܬ̥ ܗ̄ܘܰܝܢܶܝ. ܚܳܡ ܗ̄ܽܘ ܒܰܒܳܐ ܕ݄ܟܢܰܥܢ ܝܳܐ. 19ܗ̄ܰܬܠܳܬ̥ܰܢܺܝ ܗ̄ܰܢ ܐܰܒܢ̈ܶܐ ܕܢܽܘܚ ܢܶܝ. ܘܡܰܗ̄ܢܺܝ ܡܒܰܪܒܙܺܝ ܒܟܽܘܠܰܗ ܗ̄ܺܝ ܐܰܪܥܳܐ. 20ܘ݄ܡܫܰܪܶܐ ܠܶܗ ܢܽܘܚ ܕܦܳܠ݄ܚ ܒܺܗ̄ܝ ܐܰܪܥܳܐ. ܘ݄ܢܨܽܒ̥ ܠܶܗ ܟܰܪܡܳܐ. 21ܘ݄ܫܬܶܐ ܠܶܗ ܡܽܗ̄ܘ ܚܰܡܪܰܝܕ̥ܶܗ ܘܪܰܘܺܝ، ܘ݄ܓܠܶܐ ܒܓܰܘܶܗ ܕܽܗ̄ܘ ܡܰܫܟܢܰܝܕ̥ܶܗ. 22ܘ݄ܚܙܶܐ ܠܶܗ ܚܳܡ ܗ̄ܽܘ ܒܰܒܳܐ ܕ݄ܟܢܰܥܢ ܗ̄ܺܝ ܥܰܪܛܶܠܳܝܽܘܬ̥ܳܐ ܕܽܗ̄ܘ ܒܰܒܰܝܕ̥ܶܗ. ܘܡܰܚܘܶܐ ܠܶܗ ܠܰܬܪܶܝ ܐܰܚ̈ܽܘܢܳܢܰܝܕ̥ܶܗ. 23ܘܫܶܝܡ ܘܝܰܦܶܬ̥ ܡ݄ܕّܶܗ ܠܒܽܘܫܳܐ ܘܡܰܚ݄ܬّܶܗ ܥܰܠ ܟܰܬܦ̈ܳܬ̥ܳܐ ܕܰܬܪܶܝ، ܘ݄ܡܗܰܠܰܟّ̥ܶܗ ܡܶܢ̱ ܒ݄ܬ̥ܪܰܝّܶܗ ܘ݄ܡܟܰܣܰܠّܶܗ ܗ̄ܺܝ ܥܰܪܛܶܠܳܝܽܘܬ̥ܳܐ ܕܒܰܒܰܝّܶܗ، ܘܦܳܬ̥ܰܝّܶܗ ܒ݄ܬ̥ܪܰܝّܶܗ، ܘܠܳܐ ܚܙܰܠّܶܗ ܗ̄ܺܝ ܥܰܪܛܶܠܳܝܽܘܬ̥ܳܐ ܕܒܰܒܰܝّܶܗ. 24ܘܩܰܝ݄ܡ ܢܽܘܚ ܡܽܗ̄ܘ ܚܰܡܪܰܝܕ̥ܶܗ، ܘܰܐܕ̥݄ܥ ܟܘ̇ܠ ܡܶܕܶܐ ܕܣ݄ܡ ܠܶܗ ܠܶܗ ܗ̄ܽܘ ܐܰܒܪܰܝܕ̥ܶܗ ܗ̄ܽܘ ܙܥܽܘܪܳܐ. 25ܘܐܡ݄ܪ ܠܶܗ: ”ܠܺܝܛܳܐ ܝܳܐ ܟܢܰܥܢ. ܓܪܶܝܥܳܐ ܕܰܓܪ̈ܶܝܥܶܐ ܗܳܘܶܐ ܠܰܗ̄ܢ ܐܰܚ̈ܽܘܢܳܢܰܝܕ̥ܶܗ.“ 26ܘܐܡ݄ܪ ܠܶܗ: ”ܡܒܰܪܟ̥ܳܐ ܝܳܐ ܡܳܪܝܳܐ ܐܰ‌ܠܳܗܳܐ ܕܫܺܝܡ، ܘ݄ܟܢܰܥܢ ܗܳܘܶܐ ܓܪܶܝܥܳܐ ܐܰ‎ܠّܶܗ. 27ܡܰܦܬܶܐ ܐܰ‌ܠܳܗܳܐ ܠܝܰܦܶܬ̥، ܘܢܳܚ݄ܬ ܒܽܗ̄ܘ ܡܰܫܟܢܳܐ ܕܫܺܝܡ. ܘ݄ܟܢܰܥܢ ܗܳܘܶܐ ܓܪܶܝܥܳܐ ܐܰ‎ܠّܶܗ.“ 28ܘܚܰܝܺܝ ܢܽܘܚ ܒ݄ܬ̥݄ܪ ܡܽܗ̄ܘ ܛܰܘܦܳܢܳܐ ܬܠ݄ܬ̥ܡܳܐܐ ܘܚܰܡܫܺܝ ܐ݄ܫܢ̈ܶܐ. 29ܘܗܰܘ݄ܢ ܟܽܘܠّܶܗ ܗ̄ܰܝّܰܘܡ̈ܶܐ ܕܢܽܘܚ ܬܫܰܥܡܳܐܐ ܘܚܰܡܫܺܝ ܐ݄ܫܢ̈ܶܐ، ܘܡܰܝ݄ܬ̥.

Currently Selected:

ܣܶܦܪܳܐ ܕ݄ܒܪܺܝܬ̥ܳܐ 9: ܟܬܒܐ

Highlight

Copy