ܣܶܦܪܳܐ ܕ݄ܒܪܺܝܬ̥ܳܐ 41
41
1ܘܗܰܘܺܝ ܡܶܢ̱ ܒ݄ܬ̥݄ܪ ܬܰܪܬܶܝ ܐ݄ܫܢ̈ܶܐ، ܦܶܪܥܽܘܢ ܚܙܶܐ ܠܶܗ ܚ݄ܠܡܳܐ، ܘܟܰܐܠܶܗ ܩܺܝܡܳܐ ܥܰܠ ܗ̄ܽܘ ܢܰܗܪܳܐ. 2ܘܟܰܐܠܶܗ ܡܽܗ̄ܘ ܢܰܗܪܳܐ ܟܳܣܳܠܩܺܝ ܫܒ̥ܰܥ ܬܰܘܪ̈ܳܬ̥ܳܐ ܫܰܦܺܝܪ̈ܶܐ ܘܬܰܩܺܝܢ̈ܶܐ، ܘܪܳܥ݄ܢ ܒܽܗ̄ܘ ܡܰܪܓܳܐ. 3ܘܟܰܐܠܶܗ ܫܒ̥ܰܥ ܬܰܘܪ̈ܳܬ̥ܳܐ ܚܪ̈ܶܢܶܐ ܟܳܣܳܠܩܺܝ ܒ݄ܬ̥ܪܰܝّܶܗ ܡܽܗ̄ܘ ܢܰܗܪܳܐ ܘܠܳܐ ܫܰܦܺܝܪ̈ܶܐ ܘ݄ܡܚܺܝ̈ܠܶܐ. ܘܩܰܝܺܝܡܺܝ ܥܰܡ ܓܰܒ ܕܰܬّܰܘܪ̈ܳܬ̥ܳܐ (ܬܰܩܺܝܢ̈ܶܐ) ܥܰܠ ܣܰܦ̊ܬ̥ܶܗ ܕܽܗ̄ܘ ܢܰܗܪܳܐ. 4ܘܰܐܟ̥݄ܠّܶܗ ܗ̄ܰܬّܰܘܪ̈ܳܬ̥ܳܐ ܠܳܐ ܫܰܦܺܝܪ̈ܶܐ ܘ݄ܡܚܺܝ̈ܠܶܐ ܗ̄ܰܫܒ̥ܰܥ ܬܰܘܪ̈ܳܬ̥ܳܐ ܫܰܦܺܝܪ̈ܶܐ ܘܬܰܩܺܝܢ̈ܶܐ. ܘܩܰܝ݄ܡ ܦܶܪܥܽܘܢ ܡܺܗ̄ܝ ܫܰܢܬ̥ܰܝܕ̥ܶܗ.
5ܘܕܰܡ݄ܟ̥ ܘ݄ܚܙܶܐ ܠܶܗ ܚ݄ܠܡܳܐ ܚܪܶܢܳܐ. ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܣܰܠܳܩ̈ܶܐ ܒܩܰܢܝܳܐ ܚܰܕ̱ ܡܰܠܝ̈ܶܐ ܘܛܳܒ̥̈ܶܐ. 6ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܪ̈ܰܩܺܝܩܶܐ ܘܡܰܚܝ̈ܶܐ ܒܺܗ̄ܝ ܗܰܘܰܐ ܕܽܗ̄ܘ ܫܰܘܒܳܐ ܟܝܳܥ݄ܢ ܒ݄ܬ̥ܪܰܝّܶܗ. 7ܘ݄ܒܠ݄ܥّܶܗ ܗ̄ܰܫّܶܒ̈ܠܶܐ ܪ̈ܰܩܺܝܩܶܐ ܠܰܫܒ̥ܰܥ ܫܶܒ̈ܠܶܐ ܬܰܩܺܝܢ̈ܶܐ ܘܡܰܠܝ̈ܶܐ. ܘܩܰܝ݄ܡ ܦܶܪܥܽܘܢ ܡܺܗ̄ܝ ܫܰܢܬ̥ܰܝܕ̥ܶܗ. ܘܟܰܐܠܶܗ ܚ݄ܠܡܳܐ ܝܳܐ. 8ܘܗܰܘܺܝ ܨܰܦܪܰܝܬܳܐ ܘܡܺܝܡܰܪܡܪܳܐ ܢܰܦܫܶܗ ܕܦܶܪܥܽܘܢ. ܘ݄ܡܫܰܕܰܪ ܠܶܗ ܩܪܶܐ ܠܶܗ ܠܟܽܘܠّܶܗ ܗ̄ܰܚّܰܪ̈ܳܫܶܐ ܘܟܽܘܠّܶܗ ܗ̄ܰܚّܰܟܺܝܡ̈ܶܐ ܕܡܶܨܪܶܝܢ، ܘܡ݄ܫܓ̥ܶܠ ܠܰܗ ܠّܶܗ ܦܶܪܥܽܘܢ ܗ̄ܰܚّܶܠܡ̈ܰܝܕ̥ܶܗ. ܘܢܳܫܳܐ ܠܳܐ ܩܰܕ݄ܪ ܕ݄ܡܦܰܫܰܩّܶܗ ܠܦܶܪܥܽܘܢ. 9ܘ݄ܫܓ̥ܺܝܠ ܗ̄ܽܘ ܪܺܝܫܳܐ ܕܰܡّܰܫ̈ܬܝܳܢܶܐ ܩ݄ܕ̱ܡ ܦܶܪܥܽܘܢ ܘܐܡ݄ܪ ܠܶܗ: ”ܗ̄ܺܝ ܚܛܺܝܬ̥ܰܝܕ̥ܺܝ ܟܳܐܬ̥ܝܳܐ ܠܒܳܠܺܝ ܐܰܕܝܰܘܡܰܐ. 10ܦܶܪܥܽܘܢ ܪܓ̥ܺܝܙ ܥܰܠ ܗ̄ܰܓܪ̈ܶܝܥܰܝܕ̥ܶܗ، ܘ݄ܡܚܰܠܰܩ ܠܶܗ ܠܺܝ ܒܽܗ̄ܘ ܚܒܽܘܫܝܳܐ ܕܽܗ̄ܘ ܪܰܒܳܐ ܕܰܕّܰܚܫ̈ܶܐ، ܐܶܠܺܝ ܘܠܽܗ̄ܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ. 11ܘ݄ܚܙܶܐ ܠܰܢ ܚ݄ܠܡ̈ܶܐ ܒܚܰܕ̱ ܠܰܠܝܳܐ ܐܳܢܳܐ ܘܗܺܝّܶܗ، ܠܟܘ̇ܠ ܚ݄ܠܡܳܐ ܟܺܝܬ ܠܶܗ ܦܽܘܫܳܩܳܐ. 12ܘܟ݄ܬ ܗ̄ܘܰܐ ܐܰܥܡܰܢ ܬܰܡܳܐ ܚܰܕ̱ ܥܠܰܝܡܳܐ ܥܶܒܪܳܝܳܐ، ܓܪܶܝܥܳܐ ܕܽܗ̄ܘ ܪܰܒܳܐ ܕܰܕّܰܚܫ̈ܶܐ، ܘ݄ܫܓ̥ܺܝܠ ܠܰܢ ܠܶܗ، ܘ݄ܡܦܰܫܰܩ ܠܶܗ ܠܰܢ ܗ̄ܰܚّܶܠܡ̈ܰܝܕ̥ܰܢ. ܡܦܰܫܰܩ ܠܶܗ ܠܟܘ̇ܠ ܚܰܕ̱ ܗ̄ܽܘ ܚ݄ܠܡܰܝܕ̥ܶܗ. 13ܘܰܐܝܕܰܪܒܳܐ ܡܦܰܫܰܩ ܠܶܗ ܠܰܢ ܗܰܘܟ̥ܰܐ ܗܰܘܺܝ ܐܰܥܡܰܢ. ܐܶܠܺܝ ܡܰܕܥܰܪ ܠܶܗ ܠܺܝ ܠܽܗ̄ܘ ܥܒ̥ܳܕܰܝܕ̥ܺܝ، ܘܠܰܗ̄ܘܳܐ ܨܠܽܒ̥ ܠܶܗ.“
14ܘ݄ܡܫܰܕܰܪ ܠܶܗ ܦܶܪܥܽܘܢ ܘ݄ܩܪܶܐ ܠܶܗ ܠܝܰܘܣܶܦ. ܘܡܰܘܦܰܩّܶܗ ܒܣܽܘܪܗܳܒܳܐ ܡܽܗ̄ܘ ܓܽܘܒܳܐ. ܘ݄ܓܪ݄ܥ ܠܶܗ، ܘ݄ܡܚܰܠܰܦ ܠܶܗ ܗ̄ܰܠܒܽܘܫ̈ܰܝܕ̥ܶܗ، ܘܥܰܒ݄ܪ ܩ݄ܕ̱ܡ ܦܶܪܥܽܘܢ. 15ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܚ݄ܠܡܳܐ ܚܙܶܐ ܠܺܝ ܘ݄ܡܦܰܫܩܳܢܳܐ ܠܰܝ̱ܬ ܠܶܗ. ܘܳܐܢܳܐ ܫܰܡ݄ܥ ܐ̱ܢܳܐ ܐܰܥܠܳܟ̥ ܕܟܳܫܳܡܥܰܬ ܗ̄ܽܘ ܚ݄ܠܡܳܐ ܘܟܳܡܦܰܫܩܰܬ ܠܶܗ.“ 16ܡܰܕܥܰܪ ܠܶܗ ܝܰܘܣܶܦ ܘܐܡ݄ܪ ܠܶܗ ܠܦܶܪܥܽܘܢ: ”ܩܰܝ ܟܚܳܫܒ̥ܰܬ ܕܠܳܐ ܡܰܢ̱ ܐܠܳܗܳܐ ܟܕܳܥ݄ܪ ܫܠܳܡܳܐ ܠܦܶܪܥܽܘܢ؟“
17ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܒܚ݄ܠܡܺܝ ܟܰܐܠܺܝ ܟܳܩܳܝܰܡ ܐ̱ܢܳܐ ܥܰܠ ܣܰܦ̊ܬܶܗ ܕܽܗ̄ܘ ܢܰܗܪܳܐ. 18ܘܟܰܐܠܶܗ ܡܽܗ̄ܘ ܢܰܗܪܳܐ ܟܳܣܳܠܩܺܝ ܫܒ̥ܰܥ ܬܰܘܪ̈ܳܬ̥ܳܐ ܬܰܩܺܝܢ̈ܶܐ ܘܫܰܦܺܝܪ̈ܶܐ، ܘܪܳܥ݄ܢ ܒܽܗ̄ܘ ܡܰܪܓܳܐ. 19ܘܟܰܐܠܶܗ ܫܒ̥ܰܥ ܬܰܘܪ̈ܳܬ̥ܳܐ ܚܪ̈ܶܢܶܐ ܟܳܣܳܠܩܺܝ ܒ݄ܬ̥ܪܰܝّܶܗ، ܢܳܩܽܘܨ̈ܶܐ ܘܠܳܐ ܫܰܦܺܝܪ̈ܶܐ، ܘ݄ܡܚܺܝ̈ܠܶܐ ܓ̥ܰܠܰܒܶܐ، ܐܟ̥ܳܬ̥ܰܝّܶܗ ܒܺܝܫ̈ܶܐ ܠܳܐ ܚܙܶܐ ܠܺܝ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 20ܘܰܐܟ̥݄ܠّܶܗ ܗ̄ܰܬّܰܘܪ̈ܳܬ̥ܳܐ ܡܚܺܝ̈ܠܶܐ ܘܠܳܐ ܫܰܦܺܝܪ̈ܶܐ ܠܰܫܒ̥ܰܥ ܬܰܘܪ̈ܳܬ̥ܳܐ ܩܰܕ̱ܡܳܝ̈ܶܐ، ܗ̄ܰܬّܰܩܺܝܢ̈ܶܐ. 21ܘܥܰܒܺܝܪܺܝ ܠܓܰܘܰܝّܶܗ ܘܠܳܐ ܡܰܚܘܶܐ ܕܥܰܒܺܝܪܺܝ ܠܓܰܘܰܝّܶܗ، ܘܺܗ̄ܝ ܨܽܘܪܬܰܬّ̥ܶܗ ܒܺܝܫܬܳܐ ܗ̄ܘܰܐ ܐܟ̥ ܕܒܺܗ̄ܝ ܩܰܕ̱ܡܰܝܬܳܐ. ܘܩܰܝ݄ܡ ܐ̱ܢܳܐ ܡܺܗ̄ܝ ܫܰܢܬ̥ܰܝܕ̥ܺܝ. 22ܘܢܰܩܠܐ ܚܪܶܬܳܐ ܚܙܶܐ ܠܺܝ ܒܚ݄ܠܡܺܝ: ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܡܰܠܝ̈ܶܐ ܘܛܳܒ̥̈ܶܐ ܟܳܣܳܠܩܺܝ ܒܩܰܢܝܳܐ ܚܰܕ̱. 23ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܪ̈ܰܩܺܝܩܶܐ ܘܡܰܚܝ̈ܶܐ ܒܺܗ̄ܝ ܗܰܘܰܐ ܕܽܗ̄ܘ ܫܰܘܒܳܐ ܟܝܳܥ݄ܢ ܒ݄ܬ̥ܪܰܝّܶܗ. 24ܘ݄ܒܠ݄ܥّܶܗ ܗ̄ܰܫّܶܒ̈ܠܶܐ ܪ̈ܰܩܺܝܩܶܐ ܠܰܫܒ̥ܰܥ ܫܶܒ̈ܠܶܐ ܛܳܒ̥̈ܶܐ. ܘܐܡ݄ܪ ܠܺܝ ܠܰܚّܰܪ̈ܳܫܶܐ ܘܢܳܫܳܐ ܠܳܐ ܡܰܚܘܶܐ ܠܶܗ ܠܺܝ (ܡ݄ܢܝܳܐ).“
25ܘܐܡ݄ܪ ܠܶܗ ܝܰܘܣܶܦ ܠܦܶܪܥܽܘܢ: ”ܗ̄ܽܘ ܚ݄ܠܡܳܐ ܕܦܶܪܥܽܘܢ ܚܰܕ̱ ܝܳܐ. ܗ̄ܽܘ ܡܶܕܶܐ ܕ݄ܟܣܳܝܰܡ ܠܶܗ ܐܰܠܳܗܳܐ ܡܰܚܘܶܐ ܠܶܗ ܠܦܶܪܥܽܘܢ. 26ܗ̄ܰܫܒ̥ܰܥ ܬܰܘܪ̈ܳܬ̥ܳܐ ܛܳܒ̥̈ܶܐ ܫܒ̥ܰܥ ܐ݄ܫܢ̈ܶܐ ܢܶܝ. ܘܰܫܒ̥ܰܥ ܫܶܒ̈ܠܶܐ ܛܳܒ̥̈ܶܐ ܫܒ̥ܰܥ ܐ݄ܫܢ̈ܶܐ ܢܶܝ. ܗ̄ܽܘ ܚ݄ܠܡܳܐ ܚܰܕ̱ ܝܳܐ. 27ܘܰܫܒ̥ܰܥ ܬܰܘܪ̈ܳܬ̥ܳܐ ܡܚܺܝ̈ܠܶܐ ܘܠܳܐ ܫܰܦܺܝܪ̈ܶܐ ܕܟܳܣܳܠܩܺܝ ܒ݄ܬ̥ܪܰܝّܶܗ ܫܒ̥ܰܥ ܐ݄ܫܢ̈ܶܐ ܢܶܝ، ܘ݄ܫܒ̥ܰܥ ܫܶܒ̈ܠܶܐ ܪ̈ܰܩܺܝܩܶܐ ܘܡܰܚܝ̈ܶܐ ܒܺܗ̄ܝ ܗܰܘܰܐ ܕܽܗ̄ܘ ܫܰܘܒܳܐ ܓܕܳܗ̄ܘ݄ܢ ܫܒ̥ܰܥ ܐ݄ܫܢ̈ܶܐ ܕܟܰܦܢܳܐ. 28ܗ̄ܽܘ ܡܰܐܡܪܳܐ ܝܳܐ ܕܐܡ݄ܪ ܠܺܝ ܠܦܶܪܥܽܘܢ. ܗܰܢܺܝ ܕܰܐܠܳܗܳܐ ܕ݄ܓܣܳܝ݄ܡ ܡܰܚܘܶܐ ܠܶܗ ܠܦܶܪܥܽܘܢ. 29ܟܰܐܠܶܗ ܫܒ̥ܰܥ ܐ݄ܫܢ̈ܶܐ ܐܰܬ̥ܳܝ̈ܶܐ ܕܣܰܒ̥ܥܳܐ ܪܰܒܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 30ܘ݄ܓܕܳܗ̄ܘܶܐ ܫܒ̥ܰܥ ܐ݄ܫܢ̈ܶܐ ܕܟܰܦܢܳܐ ܒ݄ܬ̥ܪܰܝّܶܗ. ܘ݄ܓܡ݄ܛܥܶܐ ܟܽܘܠܶܗ ܗ̄ܽܘ ܣܰܒ̥ܥܳܐ ܕܰܗ̄ܘܺܝ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. ܘܽܗ̄ܘ ܟܰܦܢܳܐ ܓܡܰܣ݄ܦ ܗ̄ܺܝ ܐܰܪܥܳܐ. 31ܘܽܗ̄ܘ ܣܰܒ̥ܥܳܐ ܠ݄ܐ ܓ݄ܕܡܰܚܘܶܐ ܘܡܺܝܕ̥݄ܥ ܒܺܗ̄ܝ ܐܰܪܥܳܐ، ܡܺܐܝܕ̥ܶܗ ܕܽܗ̄ܘ ܟܰܦܢܳܐ ܕ݄ܓܕܳܐܬ̥ܶܐ ܒ݄ܬ̥ܪܶܗ ܓ̥ܰܠܰܒܶܐ ܚܺܝܨܳܐ ܓܕܳܗ̄ܘܶܐ. 32ܘܽܗ̄ܘ ܕܥܳܪܳܐ ܕܽܗ̄ܘ ܚ݄ܠܡܳܐ ܠܦܶܪܥܽܘܢ ܬܰܪܬܶܝ ܟܳܪ̈ܶܐ (ܗܰܢܳܐ ܝܳܐ) ܕܽܗ̄ܘ ܡܶܕܰܢܳܐ ܡܛܰܝܒܳܐ ܝܳܐ ܡܰܢ̱ ܐܠܳܗܳܐ، ܘܡܰܠܺܝܙܳܐ ܝܳܐ ܐܰܠܳܗܳܐ ܕܣܳܝܰܡ ܠܶܗ. 33ܐܳܥܕܳܐ ܛܪܳܐ ܚܳܙܶܐ ܦܶܪܥܽܘܢ ܓܰܒ̥ܪܳܐ ܚܰܟܺܝܡܳܐ ܘܝܰܕ̥ܳܥܳܐ، ܘ݄ܛܪܳܐ ܡܰܩ݄ܡ ܠܶܗ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ. 34ܘ݄ܛܪܳܐ ܣܳܝ݄ܡ ܦܶܪܥܽܘܢ ܘܡܰܩ݄ܡ ܫܰܠܺܝ̈ܛܳܢܶܐ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ، ܘܡܰܝܕܺܝ ܚܰܕ̱ ܡܶܢ̱ ܚܰܡܫܳܐ ܡܽܗ̄ܘ ܡܶܕܶܐ ܕܟܳܗ̄ܒܳܐ ܗ̄ܺܝ ܐܰܪܥܳܐ ܕܡܶܨܪܶܝܢ ܒܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ. 35ܘ݄ܛܪܳܐ ܡܰܠܬܡܺܝ ܟܽܘܠّܶܗ ܗ̄ܰܚّܶܛ̈ܶܐ ܕܰܗ̄ܢ ܐ݄ܫܢ̈ܰܢܺܝ ܗ̄ܰܛّܳܒ̥̈ܶܐ ܕܳܐܬ̥݄ܢ. ܘ݄ܛܪܳܐ ܬܳܠ݄ܢ ܗ̄ܰܚّܶܛ̈ܶܐ ܬܰܚܬܶܗ ܐܺܝܕ̥ܶܗ ܕܦܶܪܥܽܘܢ، ܗ̄ܰܚّܶܛ̈ܶܐ ܒܰܡܕ̥̈ܺܝܢܳܬ̥ܳܐ ܛܪܳܐ ܢܳܛܪܺܝ. 36ܘ݄ܛܪܳܐ ܗ̄ܘ݄ܢ ܗ̄ܰܚّܶܛ̈ܶܐ ܢܛܺܝܪ̈ܶܐ ܒܺܗ̄ܝ ܐܰܪܥܳܐ ܠܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܟܰܦܢܳܐ ܕ݄ܓܕܳܗ̄ܘ݄ܢ ܒܺܗ̄ܝ ܐܰܪܥܳܐ ܕܡܶܨܪܶܝܢ، ܘܠܳܐ ܣܰܝܦܳܐ ܗ̄ܺܝ ܐܰܪܥܳܐ ܒܽܗ̄ܘ ܟܰܦܢܳܐ.“
37ܘܫܰܦ݄ܪ ܗ̄ܽܘ ܡܰܐܡܪܰܢܳܐ ܒܥܰܝܢ̈ܶܐ ܕܦܶܪܥܽܘܢ ܘ݄ܒܥܰܝܢ̈ܶܐ ܕܰܓܪ̈ܶܝܥܰܝܕ̥ܶܗ. 38ܘܐܡ݄ܪ ܠܶܗ ܦܶܪܥܽܘܢ ܠܰܓܪ̈ܶܝܥܰܝܕ̥ܶܗ: ”ܩܰܝ ܓܡ݄ܚܙܶܐ ܐܟ̥ ܕܽܗ̄ܘ ܓܰܒ̥ܪܰܢܳܐ ܕܟܺܝܬ ܐܶܒܶܗ ܗ̄ܺܝ ܪܽܘܚܳܐ ܕܰܐܠܳܗܳܐ؟“ 39ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܒ݄ܬ̥݄ܪ ܕܡܰܘܕ̥ܰܥ ܠܶܗ ܠܳܟ̥ ܐܰܠܳܗܳܐ ܗܰܬ̥ܶܐ ܟܽܘܠܰܗ، ܠܰܝܬ ܙ݄ܕ ܚܰܟܺܝܡܳܐ ܘ݄ܒܗܰܘܢܳܐ ܐܟ̥ܳܬ̥ܳܟ̥. 40ܗܰܬ ܓܕܳܗ̄ܘܰܬ ܥܰܠ ܗ̄ܽܘ ܒܰܝܬܰܝܕ̥ܺܝ، ܘܡܶܢ̱ ܦܶܡܳܟ̥ ܟܽܘܠܶܗ ܗ̄ܽܘ ܥܰܡܰܝܕ̥ܺܝ ܓܡܳܝ݄ܕ ܕܺܝܢܳܐ. ܠܰܝܬ ܪܰܒ ܡܶܢܳܟ̥ ܐܶܠܳܐ ܗ̄ܽܘ ܟܽܘܪܣܝܳܐ ܕܽܗ̄ܘ ܡܰܠܟܳܐ.“
41ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܚܙܰܝ ܕ݄ܡܫܰܠܰܛ ܠܺܝ ܠܳܟ̥ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.“ 42ܘܡ݄ܕ ܠܶܗ ܦܶܪܥܽܘܢ ܗ̄ܺܝ ܥܶܙܰܩܬܰܝܕ̥ܶܗ ܡܶܢ̱ ܐܺܝܕ̥ܶܗ ܘܡܰܚܬܳܐ ܠܶܗ ܒܺܐܝܕ̥ܶܗ ܕܝܰܘܣܶܦ. ܘܡܰܠܒ̥ܰܫ ܠܶܗ ܠܒܽܘܫܳܐ ܕܟܶܬܳܢܳܐ، ܘܡܰܚ݄ܬ ܠܶܗ ܥܳܠܺܝܩܳܐ ܕܕܰܗܒ̥ܳܐ ܒ݄ܩܕ̥ܳܠܶܗ. 43ܘܡܰܘܬܰܒ̥ ܠܶܗ ܒܺܗ̄ܝ ܡܰܪܟܰܒܬ̥ܰܝܕ̥ܶܗ ܗ̄ܺܝ ܚܪܶܬܳܐ ܘ݄ܩܪܶܐ ܩܽܘܕ̱ܡܶܗ: ”ܐܰܒܳܐ ܘܫܰܠܺܝܛܳܐ.“ ܘ݄ܡܫܰܠܰܛ ܠܶܗ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 44ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܐܳܢܳܐ ܦܶܪܥܽܘܢ ܗܽܒ̥ ܠܺܝ ܦܽܘܩܕܳܢܳܐ ܕܠܳܐ ܡܶܢܳܟ̥ ܢܳܫܳܐ ܠ݄ܐ ܟܳܗ̄ܘܶܐ ܡܰܥܠܶܐ ܐܺܝܕ̥ܶܗ ܐܰܘ ܪܰܓ̥ܠܶܗ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.“
45ܘ݄ܩܪܶܐ ܠܶܗ ܦܶܪܥܽܘܢ ܐ݄ܫܡܶܗ ܕܝܰܘܣܶܦ ”ܨܰܦܢܰܬ ܦܰܥܢܰܚ“، ”ܥܰܠ ܕܰܟّܰܣܝ̈ܳܬ̥ܳܐ ܓܰܠܝ̈ܶܐ ܢܶܝ ܐܶܠܶܗ.“ ܘܗܽܒ̥ ܠܶܗ ܠܶܗ ܐܰܣܝܰܬ ܗ̄ܺܝ ܒܰܪܬ̥ܳܐ ܕܦܽܘܛܺܝܦܪܰܥ ܗ̄ܽܘ ܟܽܘܡܪܳܐ ܕܳܐܘܳܢ ܐܰܢ̱ܬ̥ܬܳܐ، ܘܢܰܦ݄ܩ ܝܰܘܣܶܦ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 46ܘܝܰܘܣܶܦ ܐܰܒܪܶܗ ܕ݄ܬܠܶܬ̥ܺܝ ܐ݄ܫܢ̈ܶܐ ܗ̄ܘܰܐ ܗ̄ܺܝ ܢܰܩܠܐ ܕܩܰܝ݄ܡ ܩ݄ܕ̱ܡ ܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ. ܘܢܰܦ݄ܩ ܝܰܘܣܶܦ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ، ܘܥܰܒ݄ܪ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.
47ܘܗܽܒ̥ ܠܰܗ ܗ̄ܺܝ ܐܰܪܥܳܐ ܓ̥ܰܠܰܒܶܐ ܒ݄ܫܒ̥ܰܥ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ ܒܰܗ̄ܢ ܐܳܘܨܪ̈ܶܐ. 48ܘܡܰܠ݄ܡ ܠܶܗ ܗ̄ܰܚّܶܛ̈ܶܐ ܒܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ ܕܗܰܘ݄ܢ ܒܺܗ̄ܝ ܐܰܪܥܳܐ ܕܡܶܨܪܶܝܢ. ܡܰܠܬܰܡ ܠܶܗ ܒܰܡܕ̥̈ܺܝܢܳܬ̥ܳܐ. ܗ̄ܰܚّܶܛ̈ܶܐ ܕܰܚّܰܩ̈ܠܳܬ̥ܳܐ ܕܟܘ̇ܠ ܡܕ̥ܺܝܢ̱ܬܳܐ ܘ݄ܕܚܶܕ̥ܳܪܰܗ ܡܰܠܬܰܡ ܠܶܗ ܐܶܒܰܗ. 49ܘܡܰܠܬܰܡ ܠܶܗ ܝܰܘܣܶܦ ܚ̈ܶܛܶܐ ܐܟ̥ ܕܽܗ̄ܘ ܚܳܠܳܐ ܕܽܗ̄ܘ ܝܰܡܳܐ، ܓ̥ܰܠܰܒܶܐ ܓ̥ܰܠܰܒܶܐ ܗ݄ܠ ܕܒܰܛ݄ܠ ܕܒܳܢܶܐ ܗ̄ܽܘ ܡܶܕܶܐ ܕܠ݄ܐ ܓܡ݄ܒܢܶܐ. 50ܘ݄ܠܝܰܘܣܶܦ ܗܰܘܺܝ ܠܶܗ ܬܪܶܝ ܐܰܒܢ̈ܶܐ، ܡܶܩ݄ܕ̱ܡ ܕܥܳܒܪܳܐ ܗ̄ܺܝ ܫܰܢ̱ܬܳܐ ܕܽܗ̄ܘ ܟܰܦܢܳܐ، ܕܡܰܘܠܰܕ ܠܰܗ ܠܶܗ ܐܰܣܝܰܬ ܗ̄ܺܝ ܒܰܪܬ̥ܳܐ ܕܦܽܘܛܺܝܦܪܰܥ ܗ̄ܽܘ ܟܽܘܡܪܳܐ ܕܳܐܘܳܢ. 51ܘ݄ܩܪܶܐ ܠܶܗ ܝܰܘܣܶܦ ܐ݄ܫܡܶܗ ܕܽܗ̄ܘ ܐܰܒܪܰܝܕ̥ܶܗ ܗ̄ܽܘ ܒܽܘܟ̥ܪܳܐ ”ܡܢܰܫܶܐ“، ”ܥܰܠ ܕܡܰܛܥܶܐ ܠܶܗ ܠܺܝ ܐܰܠܳܗܳܐ ܟܽܘܠܶܗ ܗ̄ܽܘ ܥܰܡܠܰܝܕ̥ܺܝ ܘܟܽܘܠܶܗ ܗ̄ܽܘ ܒܰܝܬܳܐ ܕܒܰܒܺܝ.“ 52ܘ݄ܐܫܡܶܗ ܕܽܗ̄ܘ ܚܪܶܢܳܐ ܩܪܶܐ ܠܶܗ ”ܐܰܦܪܶܝܡ“، ”ܥܰܠ ܕܡܰܙ݄ܕ ܠܶܗ ܠܺܝ (ܣ݄ܡ ܠܶܗ ܠܺܝ ܦܺܐܪ̈ܶܐ) ܐܰܠܳܗܳܐ ܒܺܗ̄ܝ ܐܰܪܥܳܐ ܕܺܗ̄ܝ ܓܪܰܥܝܽܘܬ̥ܰܝܕ̥ܺܝ.“
53ܘܟܰܡܺܝܠܺܝ ܗ̄ܰܢ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ ܕܰܗ̄ܘ݄ܢ ܒܺܗ̄ܝ ܐܰܪܥܳܐ ܕܡܶܨܪܶܝܢ. 54ܘ݄ܡܫܰܪܰܠّܶܗ ܗ̄ܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܟܰܦܢܳܐ ܒܽܗ̄ܘ ܡܰܐܬ̥ܝܳܐ ܐܟ̥ ܕܐܡ݄ܪ ܠܶܗ ܝܰܘܣܶܦ. ܘܗܰܘܺܝ ܟܰܦܢܳܐ ܒܟܽܘܠّܶܗ ܗ̄ܰܢ ܐܰܪ̈ܥܳܬ̥ܳܐ. ܘ݄ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܠܰܝ̱ܬ ܗ̄ܘܰܐ ܠܰܚܡܳܐ. 55ܘܟܰܦܺܝܢܳܐ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܘ݄ܩܪܰܠّܶܗ ܗ̄ܽܘ ܥܰܡܳܐ ܥܰܠ ܦܶܪܥܽܘܢ ܠܰܫܰܢ ܗ̄ܽܘ ܠܰܚܡܳܐ. ܘܐܡ݄ܪ ܠܶܗ ܦܶܪܥܽܘܢ ܠܟܽܘܠّܶܗ ܗ̄ܰܡّܶܨܪ̈ܳܝܶܐ: ”ܙܳܟ̥ܽܘ ܠܓܰܒ ܝܰܘܣܶܦ. ܘܽܗ̄ܘ ܡܶܕܶܐ ܕܳܐܡܰܪܟ̥ܽܘ ܣܽܘܡܽܘ.“ 56ܘܽܗ̄ܘ ܟܰܦܢܳܐ ܗܰܘܺܝ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ. ܘ݄ܦܬ݄ܚ ܠܶܗ ܝܰܘܣܶܦ ܗ̄ܰܢ ܐܳܘܨܪ̈ܶܐ، ܘ݄ܡܙܰܒܰܢ ܠܶܗ ܠܰܡّܶܨܪ̈ܳܝܶܐ. ܘܚܺܝܨ ܗ̄ܽܘ ܟܰܦܢܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ. 57ܘܟܽܘܠܰܗ ܗ̄ܺܝ ܐܰܪܥܳܐ ܐܰܬ̥݄ܢ ܠܡܶܨܪܶܝܢ ܕܙܳܒ̥ܢܺܝ ܚ̈ܶܛܶܐ ܡܶܢ̱ ܝܰܘܣܶܦ ܥܰܠ ܕܚܺܝܨ ܗ̄ܽܘ ܟܰܦܢܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 41: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 41
41
1ܘܗܰܘܺܝ ܡܶܢ̱ ܒ݄ܬ̥݄ܪ ܬܰܪܬܶܝ ܐ݄ܫܢ̈ܶܐ، ܦܶܪܥܽܘܢ ܚܙܶܐ ܠܶܗ ܚ݄ܠܡܳܐ، ܘܟܰܐܠܶܗ ܩܺܝܡܳܐ ܥܰܠ ܗ̄ܽܘ ܢܰܗܪܳܐ. 2ܘܟܰܐܠܶܗ ܡܽܗ̄ܘ ܢܰܗܪܳܐ ܟܳܣܳܠܩܺܝ ܫܒ̥ܰܥ ܬܰܘܪ̈ܳܬ̥ܳܐ ܫܰܦܺܝܪ̈ܶܐ ܘܬܰܩܺܝܢ̈ܶܐ، ܘܪܳܥ݄ܢ ܒܽܗ̄ܘ ܡܰܪܓܳܐ. 3ܘܟܰܐܠܶܗ ܫܒ̥ܰܥ ܬܰܘܪ̈ܳܬ̥ܳܐ ܚܪ̈ܶܢܶܐ ܟܳܣܳܠܩܺܝ ܒ݄ܬ̥ܪܰܝّܶܗ ܡܽܗ̄ܘ ܢܰܗܪܳܐ ܘܠܳܐ ܫܰܦܺܝܪ̈ܶܐ ܘ݄ܡܚܺܝ̈ܠܶܐ. ܘܩܰܝܺܝܡܺܝ ܥܰܡ ܓܰܒ ܕܰܬّܰܘܪ̈ܳܬ̥ܳܐ (ܬܰܩܺܝܢ̈ܶܐ) ܥܰܠ ܣܰܦ̊ܬ̥ܶܗ ܕܽܗ̄ܘ ܢܰܗܪܳܐ. 4ܘܰܐܟ̥݄ܠّܶܗ ܗ̄ܰܬّܰܘܪ̈ܳܬ̥ܳܐ ܠܳܐ ܫܰܦܺܝܪ̈ܶܐ ܘ݄ܡܚܺܝ̈ܠܶܐ ܗ̄ܰܫܒ̥ܰܥ ܬܰܘܪ̈ܳܬ̥ܳܐ ܫܰܦܺܝܪ̈ܶܐ ܘܬܰܩܺܝܢ̈ܶܐ. ܘܩܰܝ݄ܡ ܦܶܪܥܽܘܢ ܡܺܗ̄ܝ ܫܰܢܬ̥ܰܝܕ̥ܶܗ.
5ܘܕܰܡ݄ܟ̥ ܘ݄ܚܙܶܐ ܠܶܗ ܚ݄ܠܡܳܐ ܚܪܶܢܳܐ. ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܣܰܠܳܩ̈ܶܐ ܒܩܰܢܝܳܐ ܚܰܕ̱ ܡܰܠܝ̈ܶܐ ܘܛܳܒ̥̈ܶܐ. 6ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܪ̈ܰܩܺܝܩܶܐ ܘܡܰܚܝ̈ܶܐ ܒܺܗ̄ܝ ܗܰܘܰܐ ܕܽܗ̄ܘ ܫܰܘܒܳܐ ܟܝܳܥ݄ܢ ܒ݄ܬ̥ܪܰܝّܶܗ. 7ܘ݄ܒܠ݄ܥّܶܗ ܗ̄ܰܫّܶܒ̈ܠܶܐ ܪ̈ܰܩܺܝܩܶܐ ܠܰܫܒ̥ܰܥ ܫܶܒ̈ܠܶܐ ܬܰܩܺܝܢ̈ܶܐ ܘܡܰܠܝ̈ܶܐ. ܘܩܰܝ݄ܡ ܦܶܪܥܽܘܢ ܡܺܗ̄ܝ ܫܰܢܬ̥ܰܝܕ̥ܶܗ. ܘܟܰܐܠܶܗ ܚ݄ܠܡܳܐ ܝܳܐ. 8ܘܗܰܘܺܝ ܨܰܦܪܰܝܬܳܐ ܘܡܺܝܡܰܪܡܪܳܐ ܢܰܦܫܶܗ ܕܦܶܪܥܽܘܢ. ܘ݄ܡܫܰܕܰܪ ܠܶܗ ܩܪܶܐ ܠܶܗ ܠܟܽܘܠّܶܗ ܗ̄ܰܚّܰܪ̈ܳܫܶܐ ܘܟܽܘܠّܶܗ ܗ̄ܰܚّܰܟܺܝܡ̈ܶܐ ܕܡܶܨܪܶܝܢ، ܘܡ݄ܫܓ̥ܶܠ ܠܰܗ ܠّܶܗ ܦܶܪܥܽܘܢ ܗ̄ܰܚّܶܠܡ̈ܰܝܕ̥ܶܗ. ܘܢܳܫܳܐ ܠܳܐ ܩܰܕ݄ܪ ܕ݄ܡܦܰܫܰܩّܶܗ ܠܦܶܪܥܽܘܢ. 9ܘ݄ܫܓ̥ܺܝܠ ܗ̄ܽܘ ܪܺܝܫܳܐ ܕܰܡّܰܫ̈ܬܝܳܢܶܐ ܩ݄ܕ̱ܡ ܦܶܪܥܽܘܢ ܘܐܡ݄ܪ ܠܶܗ: ”ܗ̄ܺܝ ܚܛܺܝܬ̥ܰܝܕ̥ܺܝ ܟܳܐܬ̥ܝܳܐ ܠܒܳܠܺܝ ܐܰܕܝܰܘܡܰܐ. 10ܦܶܪܥܽܘܢ ܪܓ̥ܺܝܙ ܥܰܠ ܗ̄ܰܓܪ̈ܶܝܥܰܝܕ̥ܶܗ، ܘ݄ܡܚܰܠܰܩ ܠܶܗ ܠܺܝ ܒܽܗ̄ܘ ܚܒܽܘܫܝܳܐ ܕܽܗ̄ܘ ܪܰܒܳܐ ܕܰܕّܰܚܫ̈ܶܐ، ܐܶܠܺܝ ܘܠܽܗ̄ܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ. 11ܘ݄ܚܙܶܐ ܠܰܢ ܚ݄ܠܡ̈ܶܐ ܒܚܰܕ̱ ܠܰܠܝܳܐ ܐܳܢܳܐ ܘܗܺܝّܶܗ، ܠܟܘ̇ܠ ܚ݄ܠܡܳܐ ܟܺܝܬ ܠܶܗ ܦܽܘܫܳܩܳܐ. 12ܘܟ݄ܬ ܗ̄ܘܰܐ ܐܰܥܡܰܢ ܬܰܡܳܐ ܚܰܕ̱ ܥܠܰܝܡܳܐ ܥܶܒܪܳܝܳܐ، ܓܪܶܝܥܳܐ ܕܽܗ̄ܘ ܪܰܒܳܐ ܕܰܕّܰܚܫ̈ܶܐ، ܘ݄ܫܓ̥ܺܝܠ ܠܰܢ ܠܶܗ، ܘ݄ܡܦܰܫܰܩ ܠܶܗ ܠܰܢ ܗ̄ܰܚّܶܠܡ̈ܰܝܕ̥ܰܢ. ܡܦܰܫܰܩ ܠܶܗ ܠܟܘ̇ܠ ܚܰܕ̱ ܗ̄ܽܘ ܚ݄ܠܡܰܝܕ̥ܶܗ. 13ܘܰܐܝܕܰܪܒܳܐ ܡܦܰܫܰܩ ܠܶܗ ܠܰܢ ܗܰܘܟ̥ܰܐ ܗܰܘܺܝ ܐܰܥܡܰܢ. ܐܶܠܺܝ ܡܰܕܥܰܪ ܠܶܗ ܠܺܝ ܠܽܗ̄ܘ ܥܒ̥ܳܕܰܝܕ̥ܺܝ، ܘܠܰܗ̄ܘܳܐ ܨܠܽܒ̥ ܠܶܗ.“
14ܘ݄ܡܫܰܕܰܪ ܠܶܗ ܦܶܪܥܽܘܢ ܘ݄ܩܪܶܐ ܠܶܗ ܠܝܰܘܣܶܦ. ܘܡܰܘܦܰܩّܶܗ ܒܣܽܘܪܗܳܒܳܐ ܡܽܗ̄ܘ ܓܽܘܒܳܐ. ܘ݄ܓܪ݄ܥ ܠܶܗ، ܘ݄ܡܚܰܠܰܦ ܠܶܗ ܗ̄ܰܠܒܽܘܫ̈ܰܝܕ̥ܶܗ، ܘܥܰܒ݄ܪ ܩ݄ܕ̱ܡ ܦܶܪܥܽܘܢ. 15ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܚ݄ܠܡܳܐ ܚܙܶܐ ܠܺܝ ܘ݄ܡܦܰܫܩܳܢܳܐ ܠܰܝ̱ܬ ܠܶܗ. ܘܳܐܢܳܐ ܫܰܡ݄ܥ ܐ̱ܢܳܐ ܐܰܥܠܳܟ̥ ܕܟܳܫܳܡܥܰܬ ܗ̄ܽܘ ܚ݄ܠܡܳܐ ܘܟܳܡܦܰܫܩܰܬ ܠܶܗ.“ 16ܡܰܕܥܰܪ ܠܶܗ ܝܰܘܣܶܦ ܘܐܡ݄ܪ ܠܶܗ ܠܦܶܪܥܽܘܢ: ”ܩܰܝ ܟܚܳܫܒ̥ܰܬ ܕܠܳܐ ܡܰܢ̱ ܐܠܳܗܳܐ ܟܕܳܥ݄ܪ ܫܠܳܡܳܐ ܠܦܶܪܥܽܘܢ؟“
17ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܒܚ݄ܠܡܺܝ ܟܰܐܠܺܝ ܟܳܩܳܝܰܡ ܐ̱ܢܳܐ ܥܰܠ ܣܰܦ̊ܬܶܗ ܕܽܗ̄ܘ ܢܰܗܪܳܐ. 18ܘܟܰܐܠܶܗ ܡܽܗ̄ܘ ܢܰܗܪܳܐ ܟܳܣܳܠܩܺܝ ܫܒ̥ܰܥ ܬܰܘܪ̈ܳܬ̥ܳܐ ܬܰܩܺܝܢ̈ܶܐ ܘܫܰܦܺܝܪ̈ܶܐ، ܘܪܳܥ݄ܢ ܒܽܗ̄ܘ ܡܰܪܓܳܐ. 19ܘܟܰܐܠܶܗ ܫܒ̥ܰܥ ܬܰܘܪ̈ܳܬ̥ܳܐ ܚܪ̈ܶܢܶܐ ܟܳܣܳܠܩܺܝ ܒ݄ܬ̥ܪܰܝّܶܗ، ܢܳܩܽܘܨ̈ܶܐ ܘܠܳܐ ܫܰܦܺܝܪ̈ܶܐ، ܘ݄ܡܚܺܝ̈ܠܶܐ ܓ̥ܰܠܰܒܶܐ، ܐܟ̥ܳܬ̥ܰܝّܶܗ ܒܺܝܫ̈ܶܐ ܠܳܐ ܚܙܶܐ ܠܺܝ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 20ܘܰܐܟ̥݄ܠّܶܗ ܗ̄ܰܬّܰܘܪ̈ܳܬ̥ܳܐ ܡܚܺܝ̈ܠܶܐ ܘܠܳܐ ܫܰܦܺܝܪ̈ܶܐ ܠܰܫܒ̥ܰܥ ܬܰܘܪ̈ܳܬ̥ܳܐ ܩܰܕ̱ܡܳܝ̈ܶܐ، ܗ̄ܰܬّܰܩܺܝܢ̈ܶܐ. 21ܘܥܰܒܺܝܪܺܝ ܠܓܰܘܰܝّܶܗ ܘܠܳܐ ܡܰܚܘܶܐ ܕܥܰܒܺܝܪܺܝ ܠܓܰܘܰܝّܶܗ، ܘܺܗ̄ܝ ܨܽܘܪܬܰܬّ̥ܶܗ ܒܺܝܫܬܳܐ ܗ̄ܘܰܐ ܐܟ̥ ܕܒܺܗ̄ܝ ܩܰܕ̱ܡܰܝܬܳܐ. ܘܩܰܝ݄ܡ ܐ̱ܢܳܐ ܡܺܗ̄ܝ ܫܰܢܬ̥ܰܝܕ̥ܺܝ. 22ܘܢܰܩܠܐ ܚܪܶܬܳܐ ܚܙܶܐ ܠܺܝ ܒܚ݄ܠܡܺܝ: ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܡܰܠܝ̈ܶܐ ܘܛܳܒ̥̈ܶܐ ܟܳܣܳܠܩܺܝ ܒܩܰܢܝܳܐ ܚܰܕ̱. 23ܘܟܰܐܠܶܗ ܫܒ̥ܰܥ ܫܶܒ̈ܠܶܐ ܪ̈ܰܩܺܝܩܶܐ ܘܡܰܚܝ̈ܶܐ ܒܺܗ̄ܝ ܗܰܘܰܐ ܕܽܗ̄ܘ ܫܰܘܒܳܐ ܟܝܳܥ݄ܢ ܒ݄ܬ̥ܪܰܝّܶܗ. 24ܘ݄ܒܠ݄ܥّܶܗ ܗ̄ܰܫّܶܒ̈ܠܶܐ ܪ̈ܰܩܺܝܩܶܐ ܠܰܫܒ̥ܰܥ ܫܶܒ̈ܠܶܐ ܛܳܒ̥̈ܶܐ. ܘܐܡ݄ܪ ܠܺܝ ܠܰܚّܰܪ̈ܳܫܶܐ ܘܢܳܫܳܐ ܠܳܐ ܡܰܚܘܶܐ ܠܶܗ ܠܺܝ (ܡ݄ܢܝܳܐ).“
25ܘܐܡ݄ܪ ܠܶܗ ܝܰܘܣܶܦ ܠܦܶܪܥܽܘܢ: ”ܗ̄ܽܘ ܚ݄ܠܡܳܐ ܕܦܶܪܥܽܘܢ ܚܰܕ̱ ܝܳܐ. ܗ̄ܽܘ ܡܶܕܶܐ ܕ݄ܟܣܳܝܰܡ ܠܶܗ ܐܰܠܳܗܳܐ ܡܰܚܘܶܐ ܠܶܗ ܠܦܶܪܥܽܘܢ. 26ܗ̄ܰܫܒ̥ܰܥ ܬܰܘܪ̈ܳܬ̥ܳܐ ܛܳܒ̥̈ܶܐ ܫܒ̥ܰܥ ܐ݄ܫܢ̈ܶܐ ܢܶܝ. ܘܰܫܒ̥ܰܥ ܫܶܒ̈ܠܶܐ ܛܳܒ̥̈ܶܐ ܫܒ̥ܰܥ ܐ݄ܫܢ̈ܶܐ ܢܶܝ. ܗ̄ܽܘ ܚ݄ܠܡܳܐ ܚܰܕ̱ ܝܳܐ. 27ܘܰܫܒ̥ܰܥ ܬܰܘܪ̈ܳܬ̥ܳܐ ܡܚܺܝ̈ܠܶܐ ܘܠܳܐ ܫܰܦܺܝܪ̈ܶܐ ܕܟܳܣܳܠܩܺܝ ܒ݄ܬ̥ܪܰܝّܶܗ ܫܒ̥ܰܥ ܐ݄ܫܢ̈ܶܐ ܢܶܝ، ܘ݄ܫܒ̥ܰܥ ܫܶܒ̈ܠܶܐ ܪ̈ܰܩܺܝܩܶܐ ܘܡܰܚܝ̈ܶܐ ܒܺܗ̄ܝ ܗܰܘܰܐ ܕܽܗ̄ܘ ܫܰܘܒܳܐ ܓܕܳܗ̄ܘ݄ܢ ܫܒ̥ܰܥ ܐ݄ܫܢ̈ܶܐ ܕܟܰܦܢܳܐ. 28ܗ̄ܽܘ ܡܰܐܡܪܳܐ ܝܳܐ ܕܐܡ݄ܪ ܠܺܝ ܠܦܶܪܥܽܘܢ. ܗܰܢܺܝ ܕܰܐܠܳܗܳܐ ܕ݄ܓܣܳܝ݄ܡ ܡܰܚܘܶܐ ܠܶܗ ܠܦܶܪܥܽܘܢ. 29ܟܰܐܠܶܗ ܫܒ̥ܰܥ ܐ݄ܫܢ̈ܶܐ ܐܰܬ̥ܳܝ̈ܶܐ ܕܣܰܒ̥ܥܳܐ ܪܰܒܳܐ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 30ܘ݄ܓܕܳܗ̄ܘܶܐ ܫܒ̥ܰܥ ܐ݄ܫܢ̈ܶܐ ܕܟܰܦܢܳܐ ܒ݄ܬ̥ܪܰܝّܶܗ. ܘ݄ܓܡ݄ܛܥܶܐ ܟܽܘܠܶܗ ܗ̄ܽܘ ܣܰܒ̥ܥܳܐ ܕܰܗ̄ܘܺܝ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. ܘܽܗ̄ܘ ܟܰܦܢܳܐ ܓܡܰܣ݄ܦ ܗ̄ܺܝ ܐܰܪܥܳܐ. 31ܘܽܗ̄ܘ ܣܰܒ̥ܥܳܐ ܠ݄ܐ ܓ݄ܕܡܰܚܘܶܐ ܘܡܺܝܕ̥݄ܥ ܒܺܗ̄ܝ ܐܰܪܥܳܐ، ܡܺܐܝܕ̥ܶܗ ܕܽܗ̄ܘ ܟܰܦܢܳܐ ܕ݄ܓܕܳܐܬ̥ܶܐ ܒ݄ܬ̥ܪܶܗ ܓ̥ܰܠܰܒܶܐ ܚܺܝܨܳܐ ܓܕܳܗ̄ܘܶܐ. 32ܘܽܗ̄ܘ ܕܥܳܪܳܐ ܕܽܗ̄ܘ ܚ݄ܠܡܳܐ ܠܦܶܪܥܽܘܢ ܬܰܪܬܶܝ ܟܳܪ̈ܶܐ (ܗܰܢܳܐ ܝܳܐ) ܕܽܗ̄ܘ ܡܶܕܰܢܳܐ ܡܛܰܝܒܳܐ ܝܳܐ ܡܰܢ̱ ܐܠܳܗܳܐ، ܘܡܰܠܺܝܙܳܐ ܝܳܐ ܐܰܠܳܗܳܐ ܕܣܳܝܰܡ ܠܶܗ. 33ܐܳܥܕܳܐ ܛܪܳܐ ܚܳܙܶܐ ܦܶܪܥܽܘܢ ܓܰܒ̥ܪܳܐ ܚܰܟܺܝܡܳܐ ܘܝܰܕ̥ܳܥܳܐ، ܘ݄ܛܪܳܐ ܡܰܩ݄ܡ ܠܶܗ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ. 34ܘ݄ܛܪܳܐ ܣܳܝ݄ܡ ܦܶܪܥܽܘܢ ܘܡܰܩ݄ܡ ܫܰܠܺܝ̈ܛܳܢܶܐ ܥܰܠ ܗ̄ܺܝ ܐܰܪܥܳܐ ܕܡܶܨܪܶܝܢ، ܘܡܰܝܕܺܝ ܚܰܕ̱ ܡܶܢ̱ ܚܰܡܫܳܐ ܡܽܗ̄ܘ ܡܶܕܶܐ ܕܟܳܗ̄ܒܳܐ ܗ̄ܺܝ ܐܰܪܥܳܐ ܕܡܶܨܪܶܝܢ ܒܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ. 35ܘ݄ܛܪܳܐ ܡܰܠܬܡܺܝ ܟܽܘܠّܶܗ ܗ̄ܰܚّܶܛ̈ܶܐ ܕܰܗ̄ܢ ܐ݄ܫܢ̈ܰܢܺܝ ܗ̄ܰܛّܳܒ̥̈ܶܐ ܕܳܐܬ̥݄ܢ. ܘ݄ܛܪܳܐ ܬܳܠ݄ܢ ܗ̄ܰܚّܶܛ̈ܶܐ ܬܰܚܬܶܗ ܐܺܝܕ̥ܶܗ ܕܦܶܪܥܽܘܢ، ܗ̄ܰܚّܶܛ̈ܶܐ ܒܰܡܕ̥̈ܺܝܢܳܬ̥ܳܐ ܛܪܳܐ ܢܳܛܪܺܝ. 36ܘ݄ܛܪܳܐ ܗ̄ܘ݄ܢ ܗ̄ܰܚّܶܛ̈ܶܐ ܢܛܺܝܪ̈ܶܐ ܒܺܗ̄ܝ ܐܰܪܥܳܐ ܠܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܟܰܦܢܳܐ ܕ݄ܓܕܳܗ̄ܘ݄ܢ ܒܺܗ̄ܝ ܐܰܪܥܳܐ ܕܡܶܨܪܶܝܢ، ܘܠܳܐ ܣܰܝܦܳܐ ܗ̄ܺܝ ܐܰܪܥܳܐ ܒܽܗ̄ܘ ܟܰܦܢܳܐ.“
37ܘܫܰܦ݄ܪ ܗ̄ܽܘ ܡܰܐܡܪܰܢܳܐ ܒܥܰܝܢ̈ܶܐ ܕܦܶܪܥܽܘܢ ܘ݄ܒܥܰܝܢ̈ܶܐ ܕܰܓܪ̈ܶܝܥܰܝܕ̥ܶܗ. 38ܘܐܡ݄ܪ ܠܶܗ ܦܶܪܥܽܘܢ ܠܰܓܪ̈ܶܝܥܰܝܕ̥ܶܗ: ”ܩܰܝ ܓܡ݄ܚܙܶܐ ܐܟ̥ ܕܽܗ̄ܘ ܓܰܒ̥ܪܰܢܳܐ ܕܟܺܝܬ ܐܶܒܶܗ ܗ̄ܺܝ ܪܽܘܚܳܐ ܕܰܐܠܳܗܳܐ؟“ 39ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܒ݄ܬ̥݄ܪ ܕܡܰܘܕ̥ܰܥ ܠܶܗ ܠܳܟ̥ ܐܰܠܳܗܳܐ ܗܰܬ̥ܶܐ ܟܽܘܠܰܗ، ܠܰܝܬ ܙ݄ܕ ܚܰܟܺܝܡܳܐ ܘ݄ܒܗܰܘܢܳܐ ܐܟ̥ܳܬ̥ܳܟ̥. 40ܗܰܬ ܓܕܳܗ̄ܘܰܬ ܥܰܠ ܗ̄ܽܘ ܒܰܝܬܰܝܕ̥ܺܝ، ܘܡܶܢ̱ ܦܶܡܳܟ̥ ܟܽܘܠܶܗ ܗ̄ܽܘ ܥܰܡܰܝܕ̥ܺܝ ܓܡܳܝ݄ܕ ܕܺܝܢܳܐ. ܠܰܝܬ ܪܰܒ ܡܶܢܳܟ̥ ܐܶܠܳܐ ܗ̄ܽܘ ܟܽܘܪܣܝܳܐ ܕܽܗ̄ܘ ܡܰܠܟܳܐ.“
41ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܚܙܰܝ ܕ݄ܡܫܰܠܰܛ ܠܺܝ ܠܳܟ̥ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.“ 42ܘܡ݄ܕ ܠܶܗ ܦܶܪܥܽܘܢ ܗ̄ܺܝ ܥܶܙܰܩܬܰܝܕ̥ܶܗ ܡܶܢ̱ ܐܺܝܕ̥ܶܗ ܘܡܰܚܬܳܐ ܠܶܗ ܒܺܐܝܕ̥ܶܗ ܕܝܰܘܣܶܦ. ܘܡܰܠܒ̥ܰܫ ܠܶܗ ܠܒܽܘܫܳܐ ܕܟܶܬܳܢܳܐ، ܘܡܰܚ݄ܬ ܠܶܗ ܥܳܠܺܝܩܳܐ ܕܕܰܗܒ̥ܳܐ ܒ݄ܩܕ̥ܳܠܶܗ. 43ܘܡܰܘܬܰܒ̥ ܠܶܗ ܒܺܗ̄ܝ ܡܰܪܟܰܒܬ̥ܰܝܕ̥ܶܗ ܗ̄ܺܝ ܚܪܶܬܳܐ ܘ݄ܩܪܶܐ ܩܽܘܕ̱ܡܶܗ: ”ܐܰܒܳܐ ܘܫܰܠܺܝܛܳܐ.“ ܘ݄ܡܫܰܠܰܛ ܠܶܗ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 44ܘܐܡ݄ܪ ܠܶܗ ܦܶܪܥܽܘܢ ܠܝܰܘܣܶܦ: ”ܐܳܢܳܐ ܦܶܪܥܽܘܢ ܗܽܒ̥ ܠܺܝ ܦܽܘܩܕܳܢܳܐ ܕܠܳܐ ܡܶܢܳܟ̥ ܢܳܫܳܐ ܠ݄ܐ ܟܳܗ̄ܘܶܐ ܡܰܥܠܶܐ ܐܺܝܕ̥ܶܗ ܐܰܘ ܪܰܓ̥ܠܶܗ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.“
45ܘ݄ܩܪܶܐ ܠܶܗ ܦܶܪܥܽܘܢ ܐ݄ܫܡܶܗ ܕܝܰܘܣܶܦ ”ܨܰܦܢܰܬ ܦܰܥܢܰܚ“، ”ܥܰܠ ܕܰܟّܰܣܝ̈ܳܬ̥ܳܐ ܓܰܠܝ̈ܶܐ ܢܶܝ ܐܶܠܶܗ.“ ܘܗܽܒ̥ ܠܶܗ ܠܶܗ ܐܰܣܝܰܬ ܗ̄ܺܝ ܒܰܪܬ̥ܳܐ ܕܦܽܘܛܺܝܦܪܰܥ ܗ̄ܽܘ ܟܽܘܡܪܳܐ ܕܳܐܘܳܢ ܐܰܢ̱ܬ̥ܬܳܐ، ܘܢܰܦ݄ܩ ܝܰܘܣܶܦ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ. 46ܘܝܰܘܣܶܦ ܐܰܒܪܶܗ ܕ݄ܬܠܶܬ̥ܺܝ ܐ݄ܫܢ̈ܶܐ ܗ̄ܘܰܐ ܗ̄ܺܝ ܢܰܩܠܐ ܕܩܰܝ݄ܡ ܩ݄ܕ̱ܡ ܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ. ܘܢܰܦ݄ܩ ܝܰܘܣܶܦ ܡܶܢ̱ ܩܽܘܕ̱ܡܶܗ ܕܦܶܪܥܽܘܢ، ܘܥܰܒ݄ܪ ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ.
47ܘܗܽܒ̥ ܠܰܗ ܗ̄ܺܝ ܐܰܪܥܳܐ ܓ̥ܰܠܰܒܶܐ ܒ݄ܫܒ̥ܰܥ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ ܒܰܗ̄ܢ ܐܳܘܨܪ̈ܶܐ. 48ܘܡܰܠ݄ܡ ܠܶܗ ܗ̄ܰܚّܶܛ̈ܶܐ ܒܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ ܕܗܰܘ݄ܢ ܒܺܗ̄ܝ ܐܰܪܥܳܐ ܕܡܶܨܪܶܝܢ. ܡܰܠܬܰܡ ܠܶܗ ܒܰܡܕ̥̈ܺܝܢܳܬ̥ܳܐ. ܗ̄ܰܚّܶܛ̈ܶܐ ܕܰܚّܰܩ̈ܠܳܬ̥ܳܐ ܕܟܘ̇ܠ ܡܕ̥ܺܝܢ̱ܬܳܐ ܘ݄ܕܚܶܕ̥ܳܪܰܗ ܡܰܠܬܰܡ ܠܶܗ ܐܶܒܰܗ. 49ܘܡܰܠܬܰܡ ܠܶܗ ܝܰܘܣܶܦ ܚ̈ܶܛܶܐ ܐܟ̥ ܕܽܗ̄ܘ ܚܳܠܳܐ ܕܽܗ̄ܘ ܝܰܡܳܐ، ܓ̥ܰܠܰܒܶܐ ܓ̥ܰܠܰܒܶܐ ܗ݄ܠ ܕܒܰܛ݄ܠ ܕܒܳܢܶܐ ܗ̄ܽܘ ܡܶܕܶܐ ܕܠ݄ܐ ܓܡ݄ܒܢܶܐ. 50ܘ݄ܠܝܰܘܣܶܦ ܗܰܘܺܝ ܠܶܗ ܬܪܶܝ ܐܰܒܢ̈ܶܐ، ܡܶܩ݄ܕ̱ܡ ܕܥܳܒܪܳܐ ܗ̄ܺܝ ܫܰܢ̱ܬܳܐ ܕܽܗ̄ܘ ܟܰܦܢܳܐ، ܕܡܰܘܠܰܕ ܠܰܗ ܠܶܗ ܐܰܣܝܰܬ ܗ̄ܺܝ ܒܰܪܬ̥ܳܐ ܕܦܽܘܛܺܝܦܪܰܥ ܗ̄ܽܘ ܟܽܘܡܪܳܐ ܕܳܐܘܳܢ. 51ܘ݄ܩܪܶܐ ܠܶܗ ܝܰܘܣܶܦ ܐ݄ܫܡܶܗ ܕܽܗ̄ܘ ܐܰܒܪܰܝܕ̥ܶܗ ܗ̄ܽܘ ܒܽܘܟ̥ܪܳܐ ”ܡܢܰܫܶܐ“، ”ܥܰܠ ܕܡܰܛܥܶܐ ܠܶܗ ܠܺܝ ܐܰܠܳܗܳܐ ܟܽܘܠܶܗ ܗ̄ܽܘ ܥܰܡܠܰܝܕ̥ܺܝ ܘܟܽܘܠܶܗ ܗ̄ܽܘ ܒܰܝܬܳܐ ܕܒܰܒܺܝ.“ 52ܘ݄ܐܫܡܶܗ ܕܽܗ̄ܘ ܚܪܶܢܳܐ ܩܪܶܐ ܠܶܗ ”ܐܰܦܪܶܝܡ“، ”ܥܰܠ ܕܡܰܙ݄ܕ ܠܶܗ ܠܺܝ (ܣ݄ܡ ܠܶܗ ܠܺܝ ܦܺܐܪ̈ܶܐ) ܐܰܠܳܗܳܐ ܒܺܗ̄ܝ ܐܰܪܥܳܐ ܕܺܗ̄ܝ ܓܪܰܥܝܽܘܬ̥ܰܝܕ̥ܺܝ.“
53ܘܟܰܡܺܝܠܺܝ ܗ̄ܰܢ ܐ݄ܫܢ̈ܶܐ ܕܽܗ̄ܘ ܣܰܒ̥ܥܳܐ ܕܰܗ̄ܘ݄ܢ ܒܺܗ̄ܝ ܐܰܪܥܳܐ ܕܡܶܨܪܶܝܢ. 54ܘ݄ܡܫܰܪܰܠّܶܗ ܗ̄ܰܫܒ̥ܰܥ ܐ݄ܫܢ̈ܶܐ ܕܽܗ̄ܘ ܟܰܦܢܳܐ ܒܽܗ̄ܘ ܡܰܐܬ̥ܝܳܐ ܐܟ̥ ܕܐܡ݄ܪ ܠܶܗ ܝܰܘܣܶܦ. ܘܗܰܘܺܝ ܟܰܦܢܳܐ ܒܟܽܘܠّܶܗ ܗ̄ܰܢ ܐܰܪ̈ܥܳܬ̥ܳܐ. ܘ݄ܒܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ ܠܰܝ̱ܬ ܗ̄ܘܰܐ ܠܰܚܡܳܐ. 55ܘܟܰܦܺܝܢܳܐ ܟܽܘܠܰܗ ܗ̄ܺܝ ܐܰܪܥܳܐ ܕܡܶܨܪܶܝܢ، ܘ݄ܩܪܰܠّܶܗ ܗ̄ܽܘ ܥܰܡܳܐ ܥܰܠ ܦܶܪܥܽܘܢ ܠܰܫܰܢ ܗ̄ܽܘ ܠܰܚܡܳܐ. ܘܐܡ݄ܪ ܠܶܗ ܦܶܪܥܽܘܢ ܠܟܽܘܠّܶܗ ܗ̄ܰܡّܶܨܪ̈ܳܝܶܐ: ”ܙܳܟ̥ܽܘ ܠܓܰܒ ܝܰܘܣܶܦ. ܘܽܗ̄ܘ ܡܶܕܶܐ ܕܳܐܡܰܪܟ̥ܽܘ ܣܽܘܡܽܘ.“ 56ܘܽܗ̄ܘ ܟܰܦܢܳܐ ܗܰܘܺܝ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ. ܘ݄ܦܬ݄ܚ ܠܶܗ ܝܰܘܣܶܦ ܗ̄ܰܢ ܐܳܘܨܪ̈ܶܐ، ܘ݄ܡܙܰܒܰܢ ܠܶܗ ܠܰܡّܶܨܪ̈ܳܝܶܐ. ܘܚܺܝܨ ܗ̄ܽܘ ܟܰܦܢܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ. 57ܘܟܽܘܠܰܗ ܗ̄ܺܝ ܐܰܪܥܳܐ ܐܰܬ̥݄ܢ ܠܡܶܨܪܶܝܢ ܕܙܳܒ̥ܢܺܝ ܚ̈ܶܛܶܐ ܡܶܢ̱ ܝܰܘܣܶܦ ܥܰܠ ܕܚܺܝܨ ܗ̄ܽܘ ܟܰܦܢܳܐ ܒܺܗ̄ܝ ܐܰܪܥܳܐ ܕܡܶܨܪܶܝܢ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation