ܣܶܦܪܳܐ ܕ݄ܒܪܺܝܬ̥ܳܐ 40
40
1ܘܗܰܘܺܝ ܒ݄ܬ̥݄ܪ ܡܰܢ̱ ܡّܰܐܡܪ̈ܰܢܺܝ، ܗ̄ܽܘ ܪܰܒܳܐ ܕܰܡّܰܫ̈ܬܝܳܢܶܐ ܕܽܗ̄ܘ ܡܰܠܟܳܐ ܕܡܶܨܪܶܝܢ ܘܽܗ̄ܘ ܪܰܒܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܚܰܛ݄ܢ ܠܽܗ̄ܘ ܡܳܪܰܬّ̥ܶܗ ܗ̄ܽܘ ܡܰܠܟܳܐ ܕܡܶܨܪܶܝܢ. 2ܘ݄ܪܓ̥ܺܝܙ ܦܶܪܥܽܘܢ ܥܰܠ ܗ̄ܰܬܪܶܝ ܥܰܒ̥ܳܕ̈ܰܝܕ̥ܶܗ، ܥܰܠ ܗ̄ܽܘ ܪܰܒܳܐ ܕܰܡّܰܫ̈ܬܝܳܢܶܐ ܘܥܰܠ ܗ̄ܽܘ ܪܰܒܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ. 3ܘ݄ܡܚܰܠܩܺܝ ܠܶܗ ܒܽܗ̄ܘ ܚܒܽܘܫܝܳܐ ܕܽܗ̄ܘ ܪܰܒܳܐ ܕܰܕّܰܚܫ̈ܶܐ. ܒܺܗ̄ܝ ܕܽܘܟܬ̥ܳܐ ܕܟ݄ܬ ܗ̄ܘܰܐ ܝܰܘܣܶܦ ܝܰܣܺܝܪܳܐ. 4ܘܽܗ̄ܘ ܪܰܒܳܐ ܕܰܕّܰܚܫ̈ܶܐ ܡܫܰܠܰܛ ܠܶܗ ܝܰܘܣܶܦ ܐܰܥܠܰܝّܶܗ. ܘ݄ܡܫܰܡܫܺܝ ܠܶܗ، ܘܦܰܝܺܝܫܺܝ ܝܰܘܡ̈ܶܐ ܒܽܗ̄ܘ ܚܒܽܘܫܝܳܐ.
5ܘܰܬܪܰܝّܶܗ ܚܙܰܠّܶܗ ܚ݄ܠܡ̈ܶܐ، ܗ̄ܽܘ ܡܰܫܶܬܝܳܢܳܐ ܘܽܗ̄ܘ ܣܰܝܳܡܳܐ ܕܽܗ̄ܘ ܠܰܚܡܳܐ ܕܽܗ̄ܘ ܡܰܠܟܳܐ ܕܡܶܨܪܶܝܢ ܕܟ݄ܬܢܶܝ ܝܰܣܺܝܪ̈ܶܐ ܒܽܗ̄ܘ ܚܒܽܘܫܝܳܐ. ܒܚܰܕ̱ ܠܰܠܝܳܐ ܚܙܰܠّܶܗ ܟܘ̇ܠ ܚܰܕ̱ ܚ݄ܠܡܳܐ، ܘ݄ܠܟܘ̇ܠ ܚ݄ܠܡܳܐ ܦܽܘܫܳܩܳܐ. 6ܘܥܰܒ݄ܪ ܠܓܰܒܰܝّܶܗ ܝܰܘܣܶܦ ܒܨܰܦܪܳܐ ܨܰܦܪܰܝܬܳܐ ܘ݄ܚܙܶܐ ܠܶܗ ܦܳܬ̥ܰܝّܶܗ ܟܡܺܝܪܬܳܐ. 7ܘ݄ܡܫܰܐܶܠ ܠܶܗ ܠܰܡܗܰܝܡܢ̈ܶܐ ܕܦܶܪܥܽܘܢ ܕܟ݄ܬܢܶܝ ܐܰܥܡܶܗ ܒܽܗ̄ܘ ܚܒܽܘܫܝܳܐ ܒܽܗ̄ܘ ܒܰܝܬܳܐ ܕܽܗ̄ܘ ܡܳܪܰܝܕ̥ܶܗ، ܘܐܡ݄ܪ ܠܰܗ ܠّܶܗ: ”ܠܡ݄ܢ ܟܡܺܝܪ̈ܶܐ ܢܶܝ ܦ̈ܳܬ̥ܰܝܟ̥ܽܘ ܐܰܕܝܰܘܡܰܐ؟“ 8ܘܐܡ݄ܪّܰܗ ܠܶܗ: ”ܚ݄ܠܡܳܐ ܚܙܶܐ ܠܰܢ، ܘ݄ܡܦܰܫܩܳܢܳܐ ܠܰܝ̱ܬ ܠܶܗ.“ ܐܡ݄ܪ ܠܰܗ ܠّܶܗ ܝܰܘܣܶܦ: ”ܟܰܐܠܶܗ ܕܰܐܠܳܗܳܐ ܢܶܝ ܗ̄ܰܦّܽܘܫܳܩ̈ܶܐ. ܐܡܰܪܽܘ ܠܺܝ.“
9ܘܐܡ݄ܪ ܠܶܗ ܗ̄ܽܘ ܪܰܒܳܐ ܕܰܡّܰܫ̈ܬܝܳܢܶܐ ܗ̄ܽܘ ܚ݄ܠܡܰܝܕ̥ܶܗ ܠܝܰܘܣܶܦ ܘܐܡ݄ܪ ܠܶܗ: ”ܒܚ݄ܠܡܺܝ ܟܰܐܠܰܗ ܣܰܬܳܐ ܩܽܘܕ̱ܡܺܝ. 10ܘܒܺܗ̄ܝ ܣܰܬܳܐ ܬܠܳܬ̥ܳܐ ܟܰܪ̈ܣܒ̥ܳܢܶܐ. ܘܗܺܝّܰܗ ܗ̄ܺܝ ܢܰܩܠܐ ܕܝܰܪܺܝܒ̥ܺܝ ܥܰܝܢ̈ܳܬ̥ܰܗ، ܝܰܥ݄ܢ ܗ̄ܰܛّܰܪ̈ܦܰܝܕ̥ܰܗ، ܘܡܰܛ݄ܢ ܗ̄ܰܣّܽܘܓ̥̈ܠܰܝܕ̥ܰܗ، ܘܗܰܘ݄ܢ ܥܶܢܒ̥̈ܶܐ. 11ܘܽܗ̄ܘ ܟܳܣܳܐ ܕܦܶܪܥܽܘܢ ܒܺܐܝܕ̥̈ܳܬ̥ܺܝ. ܘܡ݄ܕ ܠܺܝ ܥܶܢܒ̥̈ܶܐ ܘ݄ܥܨܺܝܪܺܝ ܠܺܝ ܒܽܗ̄ܘ ܟܳܣܳܐ ܕܦܶܪܥܽܘܢ. ܘܗܽܒ̥ ܠܺܝ ܗ̄ܽܘ ܟܳܣܳܐ ܠܺܐܝܕ̥ܶܗ ܕܦܶܪܥܽܘܢ.“ 12ܐܡ݄ܪ ܠܶܗ ܠܶܗ ܝܰܘܣܶܦ: ”ܗܰܢܳܐ ܝܳܐ ܗ̄ܽܘ ܦܽܘܫܳܩܳܐ ܕܽܗ̄ܘ ܚ݄ܠܡܰܝܕ̥ܳܟ̥: ܗ̄ܰܬܠܳܬ̥ܳܐ ܟܰܪ̈ܣܒ̥ܳܢܶܐ ܬܠܳܬ̥ܳܐ ܝܰܘܡ̈ܶܐ ܢܶܝ. 13ܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܓܕ̥ܳܟܰܪ ܠܳܟ̥ ܦܶܪܥܽܘܢ ܘ݄ܓܡܰܕܥܰܪ ܠܳܟ̥ ܠܽܗ̄ܘ ܥܒ̥ܳܕܰܝܕ̥ܳܟ̥. ܘ݄ܓܕܳܗ̄ܒܰܬ ܗ̄ܽܘ ܟܳܣܳܐ ܠܦܶܪܥܽܘܢ ܒܺܐܝܕ̥ܶܗ ܐܟ̥ ܕܽܗ̄ܘ ܥܝܳܕ̥ܳܐ ܩܰܕ̱ܡܳܝܳܐ ܕܡܰܫܬܰܬ ܗ̄ܘܰܝ ܠܶܗ. 14ܐܶܠܳܐ ܡܰܕ̥ܟܰܪ ܠܺܝ ܐܰܥܡܳܟ̥ ܗ̄ܺܝ ܢܰܩܠܐ ܕܗܳܘܝܳܐ ܠܳܟ̥ ܛܳܒ̥ܽܘܬ̥ܳܐ. ܘܣܘ̇ܡ ܐܰܥܡܺܝ ܛܰܝܒܽܘܬ̥ܳܐ ܘ݄ܫܪܳܪܳܐ ܘܡܰܕ̥ܟܰܪ ܠܺܝ ܩ݄ܕ̱ܡ ܦܶܪܥܽܘܢ، ܘܡܰܘܦܰܩ ܠܺܝ ܡܽܗ̄ܘ ܚܒܽܘܫܝܰܢܳܐ. 15ܡܺܐܝܕ̥ܶܗ ܕ݄ܓܢܳܒ̥ܳܐ ܓܢܽܒ̥ ܐ̱ܢܳܐ ܡܺܗ̄ܝ ܐܰܪܥܳܐ ܕܰܥّܶܒܪ̈ܳܝܶܐ، ܘܗܰܪܟܶܐ ܣܬܶܝ ܡܶܕܶܐ ܠܳܐ ܣ݄ܡ ܠܺܝ ܕ݄ܡܚܰܠܰܩّܰܗ ܠܺܝ ܒܽܗ̄ܘ ܚܒܽܘܫܝܳܐ.“
16ܘ݄ܚܙܶܐ ܠܶܗ ܗ̄ܽܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܕܛܳܒ̥ܳܐ ܡܦܰܫܰܩ ܠܶܗ، ܘܐܡ݄ܪ ܠܶܗ ܠܝܰܘܣܶܦ: ”ܘܳܐܢܳܐ ܣܬܶܝ ܒܚ݄ܠܡܺܝ ܚܙܶܐ ܠܺܝ ܬܠܳܬ̥ܳܐ ܣ̈ܰܠܶܐ ܕܠܰܚܡܳܐ ܚܶܘܳܪܳܐ ܥܰܠ ܪܺܝܫܺܝ. 17ܘܒܺܗ̄ܝ ܣܰܠܳܐ ܥܶܠܳܝܳܐ ܟ݄ܬ ܗ̄ܘܰܐ ܡܶܢ̱ ܟܘ̇ܠ ܡܽܐܘܟܠܳܐ ܕܦܶܪܥܽܘܢ ܕ݄ܟܣܳܝܰܡ ܠܶܗ ܗ̄ܽܘ ܣܰܝܳܡܳܐ ܕܽܗ̄ܘ ܠܰܚܡܳܐ. ܘܰܛّܰܝܪ̈ܶܐ ܐܳܟ̥ܠܺܝ ܗ̄ܘܰܝ ܠܶܗ ܡܽܗ̄ܘ ܣܰܠܳܐ ܕܠܰܠܥ݄ܠ ܡܶܢ̱ ܪܺܝܫܺܝ.“ 18ܡܰܕܥܰܪ ܠܶܗ ܝܰܘܣܶܦ ܘܐܡ݄ܪ ܠܶܗ ܠܶܗ: ”ܗܰܢܳܐ ܝܳܐ ܗ̄ܽܘ ܦܽܘܫܳܩܳܐ ܕܽܗ̄ܘ ܚ݄ܠܡܰܝܕ̥ܳܟ̥. ܗ̄ܰܬܠܳܬ̥ܳܐ ܣ̈ܰܠܶܐ ܬܠܳܬ̥ܳܐ ܝܰܘܡ̈ܶܐ ܢܶܝ. 19ܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܦܶܪܥܽܘܢ ܓܫܳܡ݄ܛ ܪܺܝܫܳܟ̥ ܡܶܢܳܟ̥ ܘܨܳܠܰܒ̥ ܠܳܟ̥ ܥܰܠ ܩܰܝܣܳܐ، ܘܰܛّܰܝܪ̈ܶܐ ܓܕܳܐܟ̥ܠܺܝ ܗ̄ܽܘ ܒܰܣܪܰܝܕ̥ܳܟ̥ ܡܶܢܳܟ̥.“
20ܘܗܰܘܺܝ ܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܒܽܗ̄ܘ ܝܰܘܡܳܐ ܕܽܗ̄ܘ ܡܰܘܠܳܕܳܐ ܕܦܶܪܥܽܘܢ، ܦܶܪܥܽܘܢ ܣ݄ܡ ܠܶܗ ܡܰܫ݄ܬܝܳܐ ܠܟܽܘܠّܶܗ ܗ̄ܰܓܪ̈ܶܝܥܰܝܕ̥ܶܗ. ܘܡܰܕ̥ܟܰܪ ܠܶܗ ܗ̄ܽܘ ܪܺܝܫܳܐ ܕܰܡّܰܫ̈ܬܝܳܢܶܐ ܘܽܗ̄ܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܒܰܝܢ ܗ̄ܰܓܪ̈ܶܝܥܰܝܕ̥ܶܗ. 21(ܘܕܰܥ݄ܪ) ܡܰܩ݄ܡ ܠܶܗ ܗ̄ܽܘ ܪܺܝܫܳܐ ܕܰܡّܰܫ̈ܬܝܳܢܶܐ ܥܰܠ ܗ̄ܽܘ ܥܒ̥ܳܕܰܝܕ̥ܶܗ. ܘܗܽܒ̥ ܠܶܗ ܟܳܣܳܐ ܒܺܐܝܕ̥ܶܗ ܕܦܶܪܥܽܘܢ. 22ܘܠܽܗ̄ܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܨܠܽܒ̥ ܠܶܗ ܐܟ̥ ܕ݄ܡܦܰܫܰܩ ܠܰܗ ܠّܶܗ ܝܰܘܣܶܦ. 23ܘܽܗ̄ܘ ܪܰܒܳܐ ܕܰܡّܰܫ̈ܬܝܳܢܶܐ ܠܰܐ ܐܬ̥ܺܝ ܠܒܳܠܶܗ ܝܰܘܣܶܦ، ܘܛܰܥܺܝ ܠܶܗ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 40: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 40
40
1ܘܗܰܘܺܝ ܒ݄ܬ̥݄ܪ ܡܰܢ̱ ܡّܰܐܡܪ̈ܰܢܺܝ، ܗ̄ܽܘ ܪܰܒܳܐ ܕܰܡّܰܫ̈ܬܝܳܢܶܐ ܕܽܗ̄ܘ ܡܰܠܟܳܐ ܕܡܶܨܪܶܝܢ ܘܽܗ̄ܘ ܪܰܒܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܚܰܛ݄ܢ ܠܽܗ̄ܘ ܡܳܪܰܬّ̥ܶܗ ܗ̄ܽܘ ܡܰܠܟܳܐ ܕܡܶܨܪܶܝܢ. 2ܘ݄ܪܓ̥ܺܝܙ ܦܶܪܥܽܘܢ ܥܰܠ ܗ̄ܰܬܪܶܝ ܥܰܒ̥ܳܕ̈ܰܝܕ̥ܶܗ، ܥܰܠ ܗ̄ܽܘ ܪܰܒܳܐ ܕܰܡّܰܫ̈ܬܝܳܢܶܐ ܘܥܰܠ ܗ̄ܽܘ ܪܰܒܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ. 3ܘ݄ܡܚܰܠܩܺܝ ܠܶܗ ܒܽܗ̄ܘ ܚܒܽܘܫܝܳܐ ܕܽܗ̄ܘ ܪܰܒܳܐ ܕܰܕّܰܚܫ̈ܶܐ. ܒܺܗ̄ܝ ܕܽܘܟܬ̥ܳܐ ܕܟ݄ܬ ܗ̄ܘܰܐ ܝܰܘܣܶܦ ܝܰܣܺܝܪܳܐ. 4ܘܽܗ̄ܘ ܪܰܒܳܐ ܕܰܕّܰܚܫ̈ܶܐ ܡܫܰܠܰܛ ܠܶܗ ܝܰܘܣܶܦ ܐܰܥܠܰܝّܶܗ. ܘ݄ܡܫܰܡܫܺܝ ܠܶܗ، ܘܦܰܝܺܝܫܺܝ ܝܰܘܡ̈ܶܐ ܒܽܗ̄ܘ ܚܒܽܘܫܝܳܐ.
5ܘܰܬܪܰܝّܶܗ ܚܙܰܠّܶܗ ܚ݄ܠܡ̈ܶܐ، ܗ̄ܽܘ ܡܰܫܶܬܝܳܢܳܐ ܘܽܗ̄ܘ ܣܰܝܳܡܳܐ ܕܽܗ̄ܘ ܠܰܚܡܳܐ ܕܽܗ̄ܘ ܡܰܠܟܳܐ ܕܡܶܨܪܶܝܢ ܕܟ݄ܬܢܶܝ ܝܰܣܺܝܪ̈ܶܐ ܒܽܗ̄ܘ ܚܒܽܘܫܝܳܐ. ܒܚܰܕ̱ ܠܰܠܝܳܐ ܚܙܰܠّܶܗ ܟܘ̇ܠ ܚܰܕ̱ ܚ݄ܠܡܳܐ، ܘ݄ܠܟܘ̇ܠ ܚ݄ܠܡܳܐ ܦܽܘܫܳܩܳܐ. 6ܘܥܰܒ݄ܪ ܠܓܰܒܰܝّܶܗ ܝܰܘܣܶܦ ܒܨܰܦܪܳܐ ܨܰܦܪܰܝܬܳܐ ܘ݄ܚܙܶܐ ܠܶܗ ܦܳܬ̥ܰܝّܶܗ ܟܡܺܝܪܬܳܐ. 7ܘ݄ܡܫܰܐܶܠ ܠܶܗ ܠܰܡܗܰܝܡܢ̈ܶܐ ܕܦܶܪܥܽܘܢ ܕܟ݄ܬܢܶܝ ܐܰܥܡܶܗ ܒܽܗ̄ܘ ܚܒܽܘܫܝܳܐ ܒܽܗ̄ܘ ܒܰܝܬܳܐ ܕܽܗ̄ܘ ܡܳܪܰܝܕ̥ܶܗ، ܘܐܡ݄ܪ ܠܰܗ ܠّܶܗ: ”ܠܡ݄ܢ ܟܡܺܝܪ̈ܶܐ ܢܶܝ ܦ̈ܳܬ̥ܰܝܟ̥ܽܘ ܐܰܕܝܰܘܡܰܐ؟“ 8ܘܐܡ݄ܪّܰܗ ܠܶܗ: ”ܚ݄ܠܡܳܐ ܚܙܶܐ ܠܰܢ، ܘ݄ܡܦܰܫܩܳܢܳܐ ܠܰܝ̱ܬ ܠܶܗ.“ ܐܡ݄ܪ ܠܰܗ ܠّܶܗ ܝܰܘܣܶܦ: ”ܟܰܐܠܶܗ ܕܰܐܠܳܗܳܐ ܢܶܝ ܗ̄ܰܦّܽܘܫܳܩ̈ܶܐ. ܐܡܰܪܽܘ ܠܺܝ.“
9ܘܐܡ݄ܪ ܠܶܗ ܗ̄ܽܘ ܪܰܒܳܐ ܕܰܡّܰܫ̈ܬܝܳܢܶܐ ܗ̄ܽܘ ܚ݄ܠܡܰܝܕ̥ܶܗ ܠܝܰܘܣܶܦ ܘܐܡ݄ܪ ܠܶܗ: ”ܒܚ݄ܠܡܺܝ ܟܰܐܠܰܗ ܣܰܬܳܐ ܩܽܘܕ̱ܡܺܝ. 10ܘܒܺܗ̄ܝ ܣܰܬܳܐ ܬܠܳܬ̥ܳܐ ܟܰܪ̈ܣܒ̥ܳܢܶܐ. ܘܗܺܝّܰܗ ܗ̄ܺܝ ܢܰܩܠܐ ܕܝܰܪܺܝܒ̥ܺܝ ܥܰܝܢ̈ܳܬ̥ܰܗ، ܝܰܥ݄ܢ ܗ̄ܰܛّܰܪ̈ܦܰܝܕ̥ܰܗ، ܘܡܰܛ݄ܢ ܗ̄ܰܣّܽܘܓ̥̈ܠܰܝܕ̥ܰܗ، ܘܗܰܘ݄ܢ ܥܶܢܒ̥̈ܶܐ. 11ܘܽܗ̄ܘ ܟܳܣܳܐ ܕܦܶܪܥܽܘܢ ܒܺܐܝܕ̥̈ܳܬ̥ܺܝ. ܘܡ݄ܕ ܠܺܝ ܥܶܢܒ̥̈ܶܐ ܘ݄ܥܨܺܝܪܺܝ ܠܺܝ ܒܽܗ̄ܘ ܟܳܣܳܐ ܕܦܶܪܥܽܘܢ. ܘܗܽܒ̥ ܠܺܝ ܗ̄ܽܘ ܟܳܣܳܐ ܠܺܐܝܕ̥ܶܗ ܕܦܶܪܥܽܘܢ.“ 12ܐܡ݄ܪ ܠܶܗ ܠܶܗ ܝܰܘܣܶܦ: ”ܗܰܢܳܐ ܝܳܐ ܗ̄ܽܘ ܦܽܘܫܳܩܳܐ ܕܽܗ̄ܘ ܚ݄ܠܡܰܝܕ̥ܳܟ̥: ܗ̄ܰܬܠܳܬ̥ܳܐ ܟܰܪ̈ܣܒ̥ܳܢܶܐ ܬܠܳܬ̥ܳܐ ܝܰܘܡ̈ܶܐ ܢܶܝ. 13ܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܓܕ̥ܳܟܰܪ ܠܳܟ̥ ܦܶܪܥܽܘܢ ܘ݄ܓܡܰܕܥܰܪ ܠܳܟ̥ ܠܽܗ̄ܘ ܥܒ̥ܳܕܰܝܕ̥ܳܟ̥. ܘ݄ܓܕܳܗ̄ܒܰܬ ܗ̄ܽܘ ܟܳܣܳܐ ܠܦܶܪܥܽܘܢ ܒܺܐܝܕ̥ܶܗ ܐܟ̥ ܕܽܗ̄ܘ ܥܝܳܕ̥ܳܐ ܩܰܕ̱ܡܳܝܳܐ ܕܡܰܫܬܰܬ ܗ̄ܘܰܝ ܠܶܗ. 14ܐܶܠܳܐ ܡܰܕ̥ܟܰܪ ܠܺܝ ܐܰܥܡܳܟ̥ ܗ̄ܺܝ ܢܰܩܠܐ ܕܗܳܘܝܳܐ ܠܳܟ̥ ܛܳܒ̥ܽܘܬ̥ܳܐ. ܘܣܘ̇ܡ ܐܰܥܡܺܝ ܛܰܝܒܽܘܬ̥ܳܐ ܘ݄ܫܪܳܪܳܐ ܘܡܰܕ̥ܟܰܪ ܠܺܝ ܩ݄ܕ̱ܡ ܦܶܪܥܽܘܢ، ܘܡܰܘܦܰܩ ܠܺܝ ܡܽܗ̄ܘ ܚܒܽܘܫܝܰܢܳܐ. 15ܡܺܐܝܕ̥ܶܗ ܕ݄ܓܢܳܒ̥ܳܐ ܓܢܽܒ̥ ܐ̱ܢܳܐ ܡܺܗ̄ܝ ܐܰܪܥܳܐ ܕܰܥّܶܒܪ̈ܳܝܶܐ، ܘܗܰܪܟܶܐ ܣܬܶܝ ܡܶܕܶܐ ܠܳܐ ܣ݄ܡ ܠܺܝ ܕ݄ܡܚܰܠܰܩّܰܗ ܠܺܝ ܒܽܗ̄ܘ ܚܒܽܘܫܝܳܐ.“
16ܘ݄ܚܙܶܐ ܠܶܗ ܗ̄ܽܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܕܛܳܒ̥ܳܐ ܡܦܰܫܰܩ ܠܶܗ، ܘܐܡ݄ܪ ܠܶܗ ܠܝܰܘܣܶܦ: ”ܘܳܐܢܳܐ ܣܬܶܝ ܒܚ݄ܠܡܺܝ ܚܙܶܐ ܠܺܝ ܬܠܳܬ̥ܳܐ ܣ̈ܰܠܶܐ ܕܠܰܚܡܳܐ ܚܶܘܳܪܳܐ ܥܰܠ ܪܺܝܫܺܝ. 17ܘܒܺܗ̄ܝ ܣܰܠܳܐ ܥܶܠܳܝܳܐ ܟ݄ܬ ܗ̄ܘܰܐ ܡܶܢ̱ ܟܘ̇ܠ ܡܽܐܘܟܠܳܐ ܕܦܶܪܥܽܘܢ ܕ݄ܟܣܳܝܰܡ ܠܶܗ ܗ̄ܽܘ ܣܰܝܳܡܳܐ ܕܽܗ̄ܘ ܠܰܚܡܳܐ. ܘܰܛّܰܝܪ̈ܶܐ ܐܳܟ̥ܠܺܝ ܗ̄ܘܰܝ ܠܶܗ ܡܽܗ̄ܘ ܣܰܠܳܐ ܕܠܰܠܥ݄ܠ ܡܶܢ̱ ܪܺܝܫܺܝ.“ 18ܡܰܕܥܰܪ ܠܶܗ ܝܰܘܣܶܦ ܘܐܡ݄ܪ ܠܶܗ ܠܶܗ: ”ܗܰܢܳܐ ܝܳܐ ܗ̄ܽܘ ܦܽܘܫܳܩܳܐ ܕܽܗ̄ܘ ܚ݄ܠܡܰܝܕ̥ܳܟ̥. ܗ̄ܰܬܠܳܬ̥ܳܐ ܣ̈ܰܠܶܐ ܬܠܳܬ̥ܳܐ ܝܰܘܡ̈ܶܐ ܢܶܝ. 19ܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܦܶܪܥܽܘܢ ܓܫܳܡ݄ܛ ܪܺܝܫܳܟ̥ ܡܶܢܳܟ̥ ܘܨܳܠܰܒ̥ ܠܳܟ̥ ܥܰܠ ܩܰܝܣܳܐ، ܘܰܛّܰܝܪ̈ܶܐ ܓܕܳܐܟ̥ܠܺܝ ܗ̄ܽܘ ܒܰܣܪܰܝܕ̥ܳܟ̥ ܡܶܢܳܟ̥.“
20ܘܗܰܘܺܝ ܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܒܽܗ̄ܘ ܝܰܘܡܳܐ ܕܽܗ̄ܘ ܡܰܘܠܳܕܳܐ ܕܦܶܪܥܽܘܢ، ܦܶܪܥܽܘܢ ܣ݄ܡ ܠܶܗ ܡܰܫ݄ܬܝܳܐ ܠܟܽܘܠّܶܗ ܗ̄ܰܓܪ̈ܶܝܥܰܝܕ̥ܶܗ. ܘܡܰܕ̥ܟܰܪ ܠܶܗ ܗ̄ܽܘ ܪܺܝܫܳܐ ܕܰܡّܰܫ̈ܬܝܳܢܶܐ ܘܽܗ̄ܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܒܰܝܢ ܗ̄ܰܓܪ̈ܶܝܥܰܝܕ̥ܶܗ. 21(ܘܕܰܥ݄ܪ) ܡܰܩ݄ܡ ܠܶܗ ܗ̄ܽܘ ܪܺܝܫܳܐ ܕܰܡّܰܫ̈ܬܝܳܢܶܐ ܥܰܠ ܗ̄ܽܘ ܥܒ̥ܳܕܰܝܕ̥ܶܗ. ܘܗܽܒ̥ ܠܶܗ ܟܳܣܳܐ ܒܺܐܝܕ̥ܶܗ ܕܦܶܪܥܽܘܢ. 22ܘܠܽܗ̄ܘ ܪܺܝܫܳܐ ܕܰܣّܰܝܳܡ̈ܶܐ ܕܽܗ̄ܘ ܠܰܚܡܳܐ ܨܠܽܒ̥ ܠܶܗ ܐܟ̥ ܕ݄ܡܦܰܫܰܩ ܠܰܗ ܠّܶܗ ܝܰܘܣܶܦ. 23ܘܽܗ̄ܘ ܪܰܒܳܐ ܕܰܡّܰܫ̈ܬܝܳܢܶܐ ܠܰܐ ܐܬ̥ܺܝ ܠܒܳܠܶܗ ܝܰܘܣܶܦ، ܘܛܰܥܺܝ ܠܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation