ܣܶܦܪܳܐ ܕ݄ܒܪܺܝܬ̥ܳܐ 38
38
1ܘܗܰܘܺܝ ܒܽܗ̄ܘ ܙܰܒܢܰܘܳܐ، ܘܢܰܚ݄ܬ ܝܺܗܽܘܕ̥ܳܐ ܡܶܢ̱ ܓܰܒ ܗ̄ܰܢ ܐܰܚ̈ܽܘܢܳܢܶܐ، ܘܰܐܙّܶܗ ܓܰܒ ܓܰܒ̥ܪܳܐ ܥܰܪܠܶܡܳܝܳܐ ܐ݄ܫܡܶܗ ܚܺܝܪܳܐ. 2ܘܬܰܡܳܐ ܚܙܶܐ ܠܶܗ ܝܺܗܽܘܕ̥ܳܐ ܒܰܪܬ̥ܳܐ ܕܓܰܒ̥ܪܳܐ ܟܢܰܥܢܳܝܳܐ، ܐ݄ܫܡܰܗ ܫܽܘܥ، ܘܡܺܝܕܳܐ ܠܶܗ ܘܥܰܒ݄ܪ ܐܰܥܠܰܗ. 3ܘ݄ܛܥܺܝܢܳܐ ܘܡܰܘܠܰܕ ܠܰܗ ܠܶܗ ܐܰܒܪܳܐ ܘ݄ܩܪܶܐ ܠܶܗ ܐ݄ܫܡܶܗ ܥܺܝܪ. 4ܘ݄ܛܥܺܝܢܳܐ ܢܰܩܠܐ ܚܪܶܬܳܐ ܘܡܰܘܠܰܕ ܠܰܗ ܠܶܗ ܐܰܒܪܳܐ ܘ݄ܩܪܶܐ ܠܶܗ ܐ݄ܫܡܶܗ ܐܽܘܢܳܢ. 5ܘܕܰܥܺܝܪܳܐ ܢܰܩܠܐ ܚܪܶܬܳܐ ܘܡܰܘܠܰܕ ܠܰܗ ܐܰܒܪܳܐ ܘ݄ܩܪܶܐ ܠܶܗ ܐ݄ܫܡܶܗ ܫܶܠܳܐ. ܘܟܰܠܝܳܐ ܡܽܗ̄ܘ ܛܥܳܢܳܐ ܒ݄ܬ̥݄ܪ ܕܡܰܘܠܰܕ ܠܰܗ (ܫܶܠܳܐ).
6ܘܡ݄ܕ ܠܶܗ ܝܺܗܽܘܕ̥ܳܐ ܐܰܢ̱ܬ̥ܬܳܐ ܠܥܺܝܪ ܗ̄ܽܘ ܒܽܘܟ̥ܪܰܝܕ̥ܶܗ، ܘ݄ܐܫܡܰܗ ܬܳܡܳܪ. 7ܘܗܰܘܺܝ ܥܺܝܪ ܗ̄ܽܘ ܒܽܘܟ̥ܪܳܐ ܕܺܝܗܽܘܕ̥ܳܐ ܒܺܝܫܳܐ ܩ݄ܕ̱ܡ ܡܳܪܝܳܐ، ܘܡܳܪܝܳܐ ܡܰܡ݄ܬ̥ ܠܶܗ. 8ܘܐܡ݄ܪ ܠܶܗ ܝܺܗܽܘܕ̥ܳܐ ܠܽܐܘܢܳܢ ܗ̄ܽܘ ܐܰܒܪܰܝܕ̥ܶܗ: ”ܥܒܰܪ ܥܰܠ ܗ̄ܺܝ ܐܰܢ̱ܬ̥ܬܳܐ ܕܰܐܚܽܘܢܳܟ̥ ܘ݄ܓܒ̥ܰܪܰܗ، ܘܡܰܩ݄ܡ ܙܰܪܥܳܐ ܠܰܐܚܽܘܢܳܟ̥.“ 9ܘܰܐܕ̥݄ܥ ܐܽܘܢܳܢ ܕܽܗ̄ܘ ܙܰܪܥܳܐ ܠ݄ܐ ܟܳܗ̄ܘܶܐ ܐܶܠܶܗ، ܘܶܐܡܰܐ ܕܥܳܒܰܪ ܗ̄ܘܰܐ ܥܰܠ ܗ̄ܺܝ ܐܰܢ̱ܬ̥ܬܳܐ ܕܽܗ̄ܘ ܐܰܚܽܘܢܳܐ، ܡܚܰܠܰܩ ܗ̄ܘܰܐ (ܗ̄ܽܘ ܙܰܪܥܰܝܕ̥ܶܗ) ܥܰܠ ܗ̄ܺܝ ܐܰܪܥܳܐ ܕܠܳܐ ܡܰܩ݄ܡ ܙܰܪܥܳܐ ܠܽܗ̄ܘ ܐܰܚܽܘܢܳܐ. 10ܘܽܗ̄ܘ ܡܶܕܶܐ ܕܣ݄ܡ ܠܶܗ ܡܰܚܘܶܐ ܒܺܝܫܳܐ ܩ݄ܕ̱ܡ ܡܳܪܝܳܐ، ܘܡܰܡ݄ܬ̥ ܠܶܗ ܗܺܝّܶܗ ܣܬܶܝ. 11ܘܐܡ݄ܪ ܠܶܗ ܝܺܗܽܘܕ̥ܳܐ ܠܬܳܡܳܪ ܗ̄ܺܝ ܟܰܠܰܝܕ̥ܶܗ: ”ܝܺܬܰܒ̥ ܐܟ̥ ܕܰܐܪܡܰܠܬܳܐ ܒܽܗ̄ܘ ܒܰܝܬܳܐ ܕܒܰܒܰܟ̥ ܗ݄ܠ ܕܝܳܪܽܒ̥ ܫܶܠܳܐ ܗ̄ܽܘ ܐܰܒܪܰܝܕ̥ܺܝ.“ ܡܺܐܝܕ̥ܶܗ ܕܐܡ݄ܪ ܠܶܗ: ”ܟܳܗ̄ܘܶܐ ܕܗܺܝّܶܗ ܣܬܶܝ ܡܳܝ݄ܬ̥ ܐܟ̥ ܕܰܗ̄ܢ ܕܰܐܚ̈ܽܘܢܳܢܶܐ.“ ܘܰܐܙّܰܗ ܬܳܡܳܪ ܘܝܰܬܺܝܒ̥ܳܐ ܒܽܗ̄ܘ ܒܰܝܬܳܐ ܕܽܗ̄ܘ ܒܰܒܰܝܕ̥ܰܗ.
12ܘܫܰܦ̊ܺܝܥܺܝ ܝܰܘܡ̈ܶܐ ܓ̥ܰܠܰܒܶܐ، ܘܡܰܝܺܝܬ̥ܳܐ ܗ̄ܺܝ ܒܰܪܬ̥ܳܐ ܕܫܽܘܥ، ܗ̄ܺܝ ܐܰܢ̱ܬ̥ܬܳܐ ܕܺܝܗܽܘܕ̥ܳܐ، ܘ݄ܡܒܰܝܰܐ ܝܺܗܽܘܕ̥ܳܐ. ܘܣܰܠ݄ܩ ܓܰܒ ܩܰܝܳܨ̈ܶܐ ܕܰܥܘܳܢ̈ܰܝܕ̥ܶܗ ܗܺܝّܶܗ ܘܚܺܝܪܳܐ ܗ̄ܽܘ ܪܳܚܡܰܝܕ̥ܶܗ ܗ̄ܽܘ ܥܰܪܠܶܡܳܝܳܐ ܠܬܰܡܢܰܬ̥. 13ܘܡܰܘܕ̥ܰܥّܶܗ ܠܬܳܡܳܪ ܘܐܡ݄ܪّܰܗ ܠܰܗ: ”ܟܰܐܠܶܗ ܚܶܡܝܳܢܰܟ̥ ܣܰܠܳܩܳܐ ܠܬܰܡܢܰܬ̥ ܕܩܳܝ݄ܨ ܗ̄ܽܘ ܥܰܡܪܳܐ ܕܰܥܘܳܢ̈ܰܝܕ̥ܶܗ.“ 14ܘ݄ܫܠ݄ܚ ܠܰܗ ܗ̄ܰܠܒܽܘܫ̈ܶܐ ܕܺܗ̄ܝ ܐܰܪܡܠܽܘܬ̥ܰܝܕ̥ܰܗ ܡܶܢܰܗ، ܘ݄ܡܟܰܣܶܐ ܠܰܗ ܪܽܘܚܰܗ ܒܰܐܪܕܺܝܕܳܐ (ܡܰܢܕܺܝܠܳܐ) ܘܡܰܫܦܰܪ ܠܰܗ ܪܽܘܚܰܗ، ܘܝܰܬܺܝܒ̥ܳܐ ܒܽܗ̄ܘ ܦܪܳܫܳܐ ܕܰܕّܰܪ̈ܒܳܢܶܐ ܕܒܽܗ̄ܘ ܕܰܪܒܳܐ ܕܬܰܡܢܰܬ̥. ܥܰܠ ܕ݄ܚܙܶܐ ܠܰܗ ܕܝܰܪܽܒ̥ ܫܶܠܳܐ، ܘܗܺܝّܰܗ ܠ݄ܐ ܓܡܺܝܬܰܗܒ̥ܝܳܐ ܐܶܠܶܗ ܐܰܢ̱ܬ̥ܬܳܐ. 15ܘܚ݄ܙܝܳܐ ܠܶܗ ܝܺܗܽܘܕ̥ܳܐ ܘ݄ܚܫܺܝܒ̥ܳܐ ܠܶܗ ܐܟ̥ ܕܙܰܢܳܝܬܳܐ، ܥܰܠ ܕ݄ܡܟܰܣܶܐ ܠܰܗ ܦܳܬ̥ܰܗ. 16ܘܰܐܙّܶܗ ܠܰܐܦ ܐܰܠܰܗ ܠܽܗ̄ܘ ܕܰܪܒܳܐ ܘܐܡ݄ܪ ܠܶܗ ܠܰܗ: ”ܬܰܟ̥ ܓܥܳܒܰܪ ܐ̱ܢܳܐ ܠܣܺܝܕܰܟ̥.“ ܡܺܐܝܕ̥ܶܗ ܕܠܳܐ ܐܕ̥ܰܥ ܗ̄ܘܰܐ ܗ̄ܺܝ ܟܰܠܰܝܕ̥ܶܗ ܝܳܐ. ܘܐܡ݄ܪ ܠܰܗ ܠܶܗ: ”ܡ݄ܢ ܓܕܳܗ̄ܒܰܬ ܠܺܝ ܕܥܳܒܪܰܬ ܠܣܺܝܕܺܝ؟“ 17ܘܐܡ݄ܪ ܠܶܗ: ”ܐܳܢܳܐ ܓ݄ܡܫܰܕ݄ܪ ܐ̱ܢܳܐ ܨܰܦܽܘܪܳܐ ܕܥܶܙ̈ܶܐ ܡܰܢ̱ ܥܘܳܢ̈ܶܐ.“ ܘܐܡ݄ܪ ܠܰܗ: ”ܐܶܢ ܕܳܗ̄ܒܰܬ ܠܺܝ ܪܰܗܒܽܘܢܳܐ ܗ݄ܠ ܕ݄ܡܫܰܕܪܰܬ.“ 18ܘܐܡ݄ܪ ܠܶܗ: ”ܡ݄ܢ ܪܰܗܒܽܘܢܳܐ ܗ̄ܳܒܶܢܰܟ̥؟“ ܘܐܡ݄ܪ ܠܰܗ: ”ܗ̄ܺܝ ܥܶܙܰܩܬ̥ܰܝܕ̥ܳܟ̥ ܘܺܗ̄ܝ ܦܰ̊ܣܬܰܝܕ̥ܳܟ̥ ܘܺܗ̄ܝ ܚܰܛܪܰܝܕ̥ܳܟ̥ ܕܟ݄ܬ ܝܳܐ ܒܺܐܝܕ̥ܳܟ̥.“ ܘܗܽܒ̥ ܠܶܗ ܠܰܗ، ܘܥܰܒ݄ܪ ܠܣܺܝܕܰܗ. ܘ݄ܛܥܺܝܢܳܐ ܡܶܢܶܗ. 19ܘܩܰܝܺܝܡܳܐ ܘܰܐܙّܰܗ. ܘ݄ܫܠ݄ܚ ܠܰܗ ܗ̄ܽܘ ܐܰܪܕܺܝܕܳܐ (ܗ̄ܺܝ ܦ̊ܰܣܬܳܐ) ܡܶܢ̱ ܪܽܘܚܰܗ، ܘ݄ܠܒ̥݄ܫ ܠܰܗ ܗ̄ܰܠܒܽܘܫ̈ܶܐ ܕܺܗ̄ܝ ܐܰܪܡܠܽܘܬ̥ܰܝܕ̥ܰܗ. 20ܘ݄ܡܫܰܕܰܪ ܠܶܗ ܝܺܗܽܘܕ̥ܳܐ ܨܰܦܽܘܪܳܐ ܕܥܶܙ̈ܶܐ ܒܺܐܝܕ̥ܶܗ ܕܽܗ̄ܘ ܪܳܚܡܰܝܕ̥ܶܗ ܗ̄ܽܘ ܥܰܪܠܶܡܳܝܳܐ ܕܡܳܝ݄ܕ ܗ̄ܽܘ ܪܰܗܒܽܘܢܳܐ ܡܶܢ̱ ܐܺܝܕ̥̈ܳܬ̥ܰܗ، ܘܠܳܐ ܚܳܙܝܳܐ ܠܶܗ. 21ܘ݄ܡܫܰܐܶܠ ܠܶܗ ܠܰܗ̄ܢ ܢܳܫ̈ܶܐ ܕܽܗ̄ܘ ܐܰܬ̥ܪܳܐ ܘܐܡ݄ܪ ܠܶܗ: ”ܐܰܝܟܳܐ ܝܳܐ ܗ̄ܺܝ ܙܰܢܳܝܬܳܐ ܕܝܳܬܒ̥ܳܐ ܒܦܶܡܶܗ ܕܰܕّܰܪ̈ܒܳܢܶܐ.“ ܐܡ݄ܪّܶܗ: ”ܠܰܝܬ ܗܰܪܟܶܐ ܙܰܢܳܝܬܳܐ.“ 22ܘܕܰܥ݄ܪ ܠܓܰܒ ܝܺܗܽܘܕ̥ܳܐ ܘܐܡ݄ܪ ܠܶܗ: ”ܠܳܐ ܚܳܙܝܳܐ ܠܺܝ، ܘܰܗ̄ܢ ܢܳܫ̈ܶܐ ܕܽܗ̄ܘ ܐܰܬ̥ܪܳܐ ܟ݄ܐܡّܺܪ̱ܝ: ܠܰܝܬ ܗܰܪܟܶܐ ܙܰܢܳܝܬܳܐ.“ 23ܘܐܡ݄ܪ ܠܶܗ ܝܺܗܽܘܕ̥ܳܐ: ”ܛܪܳܐ ܡܰܝܕܰܠّܶܗ، ܕܠ݄ܐ ܐܙّܶܗ ܗܳܘܶܐ ܐ̱ܢܳܐ ܓܰܚܟ̥ܳܐ. ܟܰܐܠܶܗ ܡܫܰܕܰܪ ܠܺܝ ܗ̄ܽܘ ܨܰܦܽܘܪܳܐ ܘܗܰܬ ܠܳܐ ܚܳܙܝܳܐ ܠܳܟ̥.“
24ܘܗܰܘܺܝ ܡܶܢ̱ ܒ݄ܬ̥݄ܪ ܬܠܳܬ̥ܳܐ ܝܰܪ̈ܚܶܐ، ܡܰܘܕ̥ܰܥّܶܗ ܠܺܝܗܽܘܕ̥ܳܐ ܘܐܡ݄ܪّܰܗ ܠܶܗ: ”ܙܢܶܐ ܠܰܗ ܬܳܡܳܪ ܗ̄ܺܝ ܟܰܠܰܝܕ̥ܳܟ̥، ܘܟܰܐܠܰܗ ܛܥܺܝܢܳܐ ܡܺܗ̄ܝ ܙܰܢܝܽܘܬ̥ܳܐ.“ ܘܐܡ݄ܪ ܠܶܗ ܝܺܗܽܘܕ̥ܳܐ: ”ܡܰܘܦܶܩܽܘ ܠܰܗ ܘ݄ܛܪܳܐ ܝܳܩܕ̥ܳܐ.“ 25ܘܗ݄ܢّܶܝ ܡܰܘܦܩܺܝ ܗ̄ܘܰܝ ܠܰܗ، ܡܫܰܕܰܪ ܠܰܗ ܠܽܗ̄ܘ ܚܶܡܝܳܢܳܐ ܘܐܡ݄ܪ ܠܰܗ: ”ܡܽܗ̄ܘ ܓܰܒ̥ܪܳܐ ܕܟ݄ܬܢܶܝ ܗܰܢܺܝ ܕܺܝܕ̥ܶܗ، ܡܶܢܶܗ ܛܥ݄ܢܬܳܐ ܐ̱ܢܳܐ.“ ܘܐܡ݄ܪ ܠܰܗ: ”ܚܙܰܝ ܘܺܝܕ̥ܰܥ ܕܡܰܢܝܳܐ ܗ̄ܺܝ ܥܶܙܰܩܬ̥ܳܐ ܘܽܗ̄ܘ ܫܽܘܫܶܦܳܐ ܘܺܗ̄ܝ ܚܰܛܪܳܐ.“ 26ܘܺܝܗܽܘܕ̥ܳܐ ܐܰܕ̥݄ܥ ܘܐܡ݄ܪ ܠܶܗ: ”ܡܒܰܪܰܝܬܳܐ ܝܳܐ ܙ݄ܕ ܡܶܢܺܝ. ܡܺܐܝܕ̥ܶܗ ܕܠܳܐ ܗܺܝܒ̥ܳܐ ܠܺܝ ܠܫܶܠܳܐ ܗ̄ܽܘ ܐܰܒܪܰܝܕ̥ܺܝ.“ ܘܢܰܩܠܐ ܚܪܶܬܳܐ ܠܰܐ ܐܕ̥ܰܥ ܠܰܗ.
27ܘܗܰܘܺܝ ܗ̄ܽܘ ܙܰܒܢܳܐ ܕܽܗ̄ܘ ܡܰܘܠܳܕܰܝܕ̥ܰܗ، ܘܟܰܐܠܶܗ ܬܪܶܝ ܐܰܒܢ̈ܶܐ ܒܟܰܪܣܰܗ. 28ܘܗܰܘܺܝ ܘܗܺܝّܰܗ ܟܡܰܘܠܕܳܐ، ܚܰܕ̱ ܡ݄ܢّܶܗ ܡܰܘܦܰܩ ܠܶܗ ܐܺܝܕ̥ܶܗ. ܘܡ݄ܕ ܠܰܗ ܗ̄ܺܝ ܩܰܫܬ݄ܢܬܳܐ ܚܽܘܛܳܐ ܕ݄ܙܚܽܘܪܺܝܬ̥ܳܐ (ܚܽܘܛܳܐ ܣܶܡܳܩܳܐ) ܘ݄ܩܛ݄ܪ ܠܰܗ ܥܰܠ ܐܺܝܕ̥ܶܗ، ܘܐܡ݄ܪ ܠܰܗ: ”ܗܰܢܳܐ ܓܢܳܦ݄ܩ ܒܺܗ̄ܝ ܩܰܕ̱ܡܰܝܬܳܐ.“ 29ܘܺܗ̄ܝ ܢܰܩܠܐ ܕܡܰܕܥܰܪ ܠܶܗ ܐܺܝܕ̥ܶܗ، ܢܰܦ݄ܩ ܗ̄ܽܘ ܐܰܚܽܘܢܰܝܕ̥ܶܗ، ܘܐܡ݄ܪ ܠܰܗ: ”ܡ݄ܢ ܦܬܳܚܳܐ ܦܬ݄ܚ ܠܳܟ̥ (ܘܣ݄ܡ ܠܳܟ̥ ܬܰܪܥܳܐ ܠܪܽܘܚܳܟ̥).“ ܘ݄ܩܪܶܐ ܠܰܗ ܐ݄ܫܡܶܗ ”ܦܰܪܨ.“ 30ܘܒ݄ܬ̥݄ܪܟܶܐ ܢܰܦ݄ܩ ܗ̄ܽܘ ܐܰܚܽܘܢܳܐ ܕܟ݄ܬ ܝܳܐ ܥܰܠ ܐܺܝܕ̥ܶܗ ܗ̄ܽܘ ܚܽܘܛܳܐ ܕܺܗ̄ܝ ܙܚܽܘܪܺܝܬ̥ܳܐ ܘ݄ܩܪܶܐ ܠܰܗ ܐ݄ܫܡܶܗ ”ܙܰܪܚ.“
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 38: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 38
38
1ܘܗܰܘܺܝ ܒܽܗ̄ܘ ܙܰܒܢܰܘܳܐ، ܘܢܰܚ݄ܬ ܝܺܗܽܘܕ̥ܳܐ ܡܶܢ̱ ܓܰܒ ܗ̄ܰܢ ܐܰܚ̈ܽܘܢܳܢܶܐ، ܘܰܐܙّܶܗ ܓܰܒ ܓܰܒ̥ܪܳܐ ܥܰܪܠܶܡܳܝܳܐ ܐ݄ܫܡܶܗ ܚܺܝܪܳܐ. 2ܘܬܰܡܳܐ ܚܙܶܐ ܠܶܗ ܝܺܗܽܘܕ̥ܳܐ ܒܰܪܬ̥ܳܐ ܕܓܰܒ̥ܪܳܐ ܟܢܰܥܢܳܝܳܐ، ܐ݄ܫܡܰܗ ܫܽܘܥ، ܘܡܺܝܕܳܐ ܠܶܗ ܘܥܰܒ݄ܪ ܐܰܥܠܰܗ. 3ܘ݄ܛܥܺܝܢܳܐ ܘܡܰܘܠܰܕ ܠܰܗ ܠܶܗ ܐܰܒܪܳܐ ܘ݄ܩܪܶܐ ܠܶܗ ܐ݄ܫܡܶܗ ܥܺܝܪ. 4ܘ݄ܛܥܺܝܢܳܐ ܢܰܩܠܐ ܚܪܶܬܳܐ ܘܡܰܘܠܰܕ ܠܰܗ ܠܶܗ ܐܰܒܪܳܐ ܘ݄ܩܪܶܐ ܠܶܗ ܐ݄ܫܡܶܗ ܐܽܘܢܳܢ. 5ܘܕܰܥܺܝܪܳܐ ܢܰܩܠܐ ܚܪܶܬܳܐ ܘܡܰܘܠܰܕ ܠܰܗ ܐܰܒܪܳܐ ܘ݄ܩܪܶܐ ܠܶܗ ܐ݄ܫܡܶܗ ܫܶܠܳܐ. ܘܟܰܠܝܳܐ ܡܽܗ̄ܘ ܛܥܳܢܳܐ ܒ݄ܬ̥݄ܪ ܕܡܰܘܠܰܕ ܠܰܗ (ܫܶܠܳܐ).
6ܘܡ݄ܕ ܠܶܗ ܝܺܗܽܘܕ̥ܳܐ ܐܰܢ̱ܬ̥ܬܳܐ ܠܥܺܝܪ ܗ̄ܽܘ ܒܽܘܟ̥ܪܰܝܕ̥ܶܗ، ܘ݄ܐܫܡܰܗ ܬܳܡܳܪ. 7ܘܗܰܘܺܝ ܥܺܝܪ ܗ̄ܽܘ ܒܽܘܟ̥ܪܳܐ ܕܺܝܗܽܘܕ̥ܳܐ ܒܺܝܫܳܐ ܩ݄ܕ̱ܡ ܡܳܪܝܳܐ، ܘܡܳܪܝܳܐ ܡܰܡ݄ܬ̥ ܠܶܗ. 8ܘܐܡ݄ܪ ܠܶܗ ܝܺܗܽܘܕ̥ܳܐ ܠܽܐܘܢܳܢ ܗ̄ܽܘ ܐܰܒܪܰܝܕ̥ܶܗ: ”ܥܒܰܪ ܥܰܠ ܗ̄ܺܝ ܐܰܢ̱ܬ̥ܬܳܐ ܕܰܐܚܽܘܢܳܟ̥ ܘ݄ܓܒ̥ܰܪܰܗ، ܘܡܰܩ݄ܡ ܙܰܪܥܳܐ ܠܰܐܚܽܘܢܳܟ̥.“ 9ܘܰܐܕ̥݄ܥ ܐܽܘܢܳܢ ܕܽܗ̄ܘ ܙܰܪܥܳܐ ܠ݄ܐ ܟܳܗ̄ܘܶܐ ܐܶܠܶܗ، ܘܶܐܡܰܐ ܕܥܳܒܰܪ ܗ̄ܘܰܐ ܥܰܠ ܗ̄ܺܝ ܐܰܢ̱ܬ̥ܬܳܐ ܕܽܗ̄ܘ ܐܰܚܽܘܢܳܐ، ܡܚܰܠܰܩ ܗ̄ܘܰܐ (ܗ̄ܽܘ ܙܰܪܥܰܝܕ̥ܶܗ) ܥܰܠ ܗ̄ܺܝ ܐܰܪܥܳܐ ܕܠܳܐ ܡܰܩ݄ܡ ܙܰܪܥܳܐ ܠܽܗ̄ܘ ܐܰܚܽܘܢܳܐ. 10ܘܽܗ̄ܘ ܡܶܕܶܐ ܕܣ݄ܡ ܠܶܗ ܡܰܚܘܶܐ ܒܺܝܫܳܐ ܩ݄ܕ̱ܡ ܡܳܪܝܳܐ، ܘܡܰܡ݄ܬ̥ ܠܶܗ ܗܺܝّܶܗ ܣܬܶܝ. 11ܘܐܡ݄ܪ ܠܶܗ ܝܺܗܽܘܕ̥ܳܐ ܠܬܳܡܳܪ ܗ̄ܺܝ ܟܰܠܰܝܕ̥ܶܗ: ”ܝܺܬܰܒ̥ ܐܟ̥ ܕܰܐܪܡܰܠܬܳܐ ܒܽܗ̄ܘ ܒܰܝܬܳܐ ܕܒܰܒܰܟ̥ ܗ݄ܠ ܕܝܳܪܽܒ̥ ܫܶܠܳܐ ܗ̄ܽܘ ܐܰܒܪܰܝܕ̥ܺܝ.“ ܡܺܐܝܕ̥ܶܗ ܕܐܡ݄ܪ ܠܶܗ: ”ܟܳܗ̄ܘܶܐ ܕܗܺܝّܶܗ ܣܬܶܝ ܡܳܝ݄ܬ̥ ܐܟ̥ ܕܰܗ̄ܢ ܕܰܐܚ̈ܽܘܢܳܢܶܐ.“ ܘܰܐܙّܰܗ ܬܳܡܳܪ ܘܝܰܬܺܝܒ̥ܳܐ ܒܽܗ̄ܘ ܒܰܝܬܳܐ ܕܽܗ̄ܘ ܒܰܒܰܝܕ̥ܰܗ.
12ܘܫܰܦ̊ܺܝܥܺܝ ܝܰܘܡ̈ܶܐ ܓ̥ܰܠܰܒܶܐ، ܘܡܰܝܺܝܬ̥ܳܐ ܗ̄ܺܝ ܒܰܪܬ̥ܳܐ ܕܫܽܘܥ، ܗ̄ܺܝ ܐܰܢ̱ܬ̥ܬܳܐ ܕܺܝܗܽܘܕ̥ܳܐ، ܘ݄ܡܒܰܝܰܐ ܝܺܗܽܘܕ̥ܳܐ. ܘܣܰܠ݄ܩ ܓܰܒ ܩܰܝܳܨ̈ܶܐ ܕܰܥܘܳܢ̈ܰܝܕ̥ܶܗ ܗܺܝّܶܗ ܘܚܺܝܪܳܐ ܗ̄ܽܘ ܪܳܚܡܰܝܕ̥ܶܗ ܗ̄ܽܘ ܥܰܪܠܶܡܳܝܳܐ ܠܬܰܡܢܰܬ̥. 13ܘܡܰܘܕ̥ܰܥّܶܗ ܠܬܳܡܳܪ ܘܐܡ݄ܪّܰܗ ܠܰܗ: ”ܟܰܐܠܶܗ ܚܶܡܝܳܢܰܟ̥ ܣܰܠܳܩܳܐ ܠܬܰܡܢܰܬ̥ ܕܩܳܝ݄ܨ ܗ̄ܽܘ ܥܰܡܪܳܐ ܕܰܥܘܳܢ̈ܰܝܕ̥ܶܗ.“ 14ܘ݄ܫܠ݄ܚ ܠܰܗ ܗ̄ܰܠܒܽܘܫ̈ܶܐ ܕܺܗ̄ܝ ܐܰܪܡܠܽܘܬ̥ܰܝܕ̥ܰܗ ܡܶܢܰܗ، ܘ݄ܡܟܰܣܶܐ ܠܰܗ ܪܽܘܚܰܗ ܒܰܐܪܕܺܝܕܳܐ (ܡܰܢܕܺܝܠܳܐ) ܘܡܰܫܦܰܪ ܠܰܗ ܪܽܘܚܰܗ، ܘܝܰܬܺܝܒ̥ܳܐ ܒܽܗ̄ܘ ܦܪܳܫܳܐ ܕܰܕّܰܪ̈ܒܳܢܶܐ ܕܒܽܗ̄ܘ ܕܰܪܒܳܐ ܕܬܰܡܢܰܬ̥. ܥܰܠ ܕ݄ܚܙܶܐ ܠܰܗ ܕܝܰܪܽܒ̥ ܫܶܠܳܐ، ܘܗܺܝّܰܗ ܠ݄ܐ ܓܡܺܝܬܰܗܒ̥ܝܳܐ ܐܶܠܶܗ ܐܰܢ̱ܬ̥ܬܳܐ. 15ܘܚ݄ܙܝܳܐ ܠܶܗ ܝܺܗܽܘܕ̥ܳܐ ܘ݄ܚܫܺܝܒ̥ܳܐ ܠܶܗ ܐܟ̥ ܕܙܰܢܳܝܬܳܐ، ܥܰܠ ܕ݄ܡܟܰܣܶܐ ܠܰܗ ܦܳܬ̥ܰܗ. 16ܘܰܐܙّܶܗ ܠܰܐܦ ܐܰܠܰܗ ܠܽܗ̄ܘ ܕܰܪܒܳܐ ܘܐܡ݄ܪ ܠܶܗ ܠܰܗ: ”ܬܰܟ̥ ܓܥܳܒܰܪ ܐ̱ܢܳܐ ܠܣܺܝܕܰܟ̥.“ ܡܺܐܝܕ̥ܶܗ ܕܠܳܐ ܐܕ̥ܰܥ ܗ̄ܘܰܐ ܗ̄ܺܝ ܟܰܠܰܝܕ̥ܶܗ ܝܳܐ. ܘܐܡ݄ܪ ܠܰܗ ܠܶܗ: ”ܡ݄ܢ ܓܕܳܗ̄ܒܰܬ ܠܺܝ ܕܥܳܒܪܰܬ ܠܣܺܝܕܺܝ؟“ 17ܘܐܡ݄ܪ ܠܶܗ: ”ܐܳܢܳܐ ܓ݄ܡܫܰܕ݄ܪ ܐ̱ܢܳܐ ܨܰܦܽܘܪܳܐ ܕܥܶܙ̈ܶܐ ܡܰܢ̱ ܥܘܳܢ̈ܶܐ.“ ܘܐܡ݄ܪ ܠܰܗ: ”ܐܶܢ ܕܳܗ̄ܒܰܬ ܠܺܝ ܪܰܗܒܽܘܢܳܐ ܗ݄ܠ ܕ݄ܡܫܰܕܪܰܬ.“ 18ܘܐܡ݄ܪ ܠܶܗ: ”ܡ݄ܢ ܪܰܗܒܽܘܢܳܐ ܗ̄ܳܒܶܢܰܟ̥؟“ ܘܐܡ݄ܪ ܠܰܗ: ”ܗ̄ܺܝ ܥܶܙܰܩܬ̥ܰܝܕ̥ܳܟ̥ ܘܺܗ̄ܝ ܦܰ̊ܣܬܰܝܕ̥ܳܟ̥ ܘܺܗ̄ܝ ܚܰܛܪܰܝܕ̥ܳܟ̥ ܕܟ݄ܬ ܝܳܐ ܒܺܐܝܕ̥ܳܟ̥.“ ܘܗܽܒ̥ ܠܶܗ ܠܰܗ، ܘܥܰܒ݄ܪ ܠܣܺܝܕܰܗ. ܘ݄ܛܥܺܝܢܳܐ ܡܶܢܶܗ. 19ܘܩܰܝܺܝܡܳܐ ܘܰܐܙّܰܗ. ܘ݄ܫܠ݄ܚ ܠܰܗ ܗ̄ܽܘ ܐܰܪܕܺܝܕܳܐ (ܗ̄ܺܝ ܦ̊ܰܣܬܳܐ) ܡܶܢ̱ ܪܽܘܚܰܗ، ܘ݄ܠܒ̥݄ܫ ܠܰܗ ܗ̄ܰܠܒܽܘܫ̈ܶܐ ܕܺܗ̄ܝ ܐܰܪܡܠܽܘܬ̥ܰܝܕ̥ܰܗ. 20ܘ݄ܡܫܰܕܰܪ ܠܶܗ ܝܺܗܽܘܕ̥ܳܐ ܨܰܦܽܘܪܳܐ ܕܥܶܙ̈ܶܐ ܒܺܐܝܕ̥ܶܗ ܕܽܗ̄ܘ ܪܳܚܡܰܝܕ̥ܶܗ ܗ̄ܽܘ ܥܰܪܠܶܡܳܝܳܐ ܕܡܳܝ݄ܕ ܗ̄ܽܘ ܪܰܗܒܽܘܢܳܐ ܡܶܢ̱ ܐܺܝܕ̥̈ܳܬ̥ܰܗ، ܘܠܳܐ ܚܳܙܝܳܐ ܠܶܗ. 21ܘ݄ܡܫܰܐܶܠ ܠܶܗ ܠܰܗ̄ܢ ܢܳܫ̈ܶܐ ܕܽܗ̄ܘ ܐܰܬ̥ܪܳܐ ܘܐܡ݄ܪ ܠܶܗ: ”ܐܰܝܟܳܐ ܝܳܐ ܗ̄ܺܝ ܙܰܢܳܝܬܳܐ ܕܝܳܬܒ̥ܳܐ ܒܦܶܡܶܗ ܕܰܕّܰܪ̈ܒܳܢܶܐ.“ ܐܡ݄ܪّܶܗ: ”ܠܰܝܬ ܗܰܪܟܶܐ ܙܰܢܳܝܬܳܐ.“ 22ܘܕܰܥ݄ܪ ܠܓܰܒ ܝܺܗܽܘܕ̥ܳܐ ܘܐܡ݄ܪ ܠܶܗ: ”ܠܳܐ ܚܳܙܝܳܐ ܠܺܝ، ܘܰܗ̄ܢ ܢܳܫ̈ܶܐ ܕܽܗ̄ܘ ܐܰܬ̥ܪܳܐ ܟ݄ܐܡّܺܪ̱ܝ: ܠܰܝܬ ܗܰܪܟܶܐ ܙܰܢܳܝܬܳܐ.“ 23ܘܐܡ݄ܪ ܠܶܗ ܝܺܗܽܘܕ̥ܳܐ: ”ܛܪܳܐ ܡܰܝܕܰܠّܶܗ، ܕܠ݄ܐ ܐܙّܶܗ ܗܳܘܶܐ ܐ̱ܢܳܐ ܓܰܚܟ̥ܳܐ. ܟܰܐܠܶܗ ܡܫܰܕܰܪ ܠܺܝ ܗ̄ܽܘ ܨܰܦܽܘܪܳܐ ܘܗܰܬ ܠܳܐ ܚܳܙܝܳܐ ܠܳܟ̥.“
24ܘܗܰܘܺܝ ܡܶܢ̱ ܒ݄ܬ̥݄ܪ ܬܠܳܬ̥ܳܐ ܝܰܪ̈ܚܶܐ، ܡܰܘܕ̥ܰܥّܶܗ ܠܺܝܗܽܘܕ̥ܳܐ ܘܐܡ݄ܪّܰܗ ܠܶܗ: ”ܙܢܶܐ ܠܰܗ ܬܳܡܳܪ ܗ̄ܺܝ ܟܰܠܰܝܕ̥ܳܟ̥، ܘܟܰܐܠܰܗ ܛܥܺܝܢܳܐ ܡܺܗ̄ܝ ܙܰܢܝܽܘܬ̥ܳܐ.“ ܘܐܡ݄ܪ ܠܶܗ ܝܺܗܽܘܕ̥ܳܐ: ”ܡܰܘܦܶܩܽܘ ܠܰܗ ܘ݄ܛܪܳܐ ܝܳܩܕ̥ܳܐ.“ 25ܘܗ݄ܢّܶܝ ܡܰܘܦܩܺܝ ܗ̄ܘܰܝ ܠܰܗ، ܡܫܰܕܰܪ ܠܰܗ ܠܽܗ̄ܘ ܚܶܡܝܳܢܳܐ ܘܐܡ݄ܪ ܠܰܗ: ”ܡܽܗ̄ܘ ܓܰܒ̥ܪܳܐ ܕܟ݄ܬܢܶܝ ܗܰܢܺܝ ܕܺܝܕ̥ܶܗ، ܡܶܢܶܗ ܛܥ݄ܢܬܳܐ ܐ̱ܢܳܐ.“ ܘܐܡ݄ܪ ܠܰܗ: ”ܚܙܰܝ ܘܺܝܕ̥ܰܥ ܕܡܰܢܝܳܐ ܗ̄ܺܝ ܥܶܙܰܩܬ̥ܳܐ ܘܽܗ̄ܘ ܫܽܘܫܶܦܳܐ ܘܺܗ̄ܝ ܚܰܛܪܳܐ.“ 26ܘܺܝܗܽܘܕ̥ܳܐ ܐܰܕ̥݄ܥ ܘܐܡ݄ܪ ܠܶܗ: ”ܡܒܰܪܰܝܬܳܐ ܝܳܐ ܙ݄ܕ ܡܶܢܺܝ. ܡܺܐܝܕ̥ܶܗ ܕܠܳܐ ܗܺܝܒ̥ܳܐ ܠܺܝ ܠܫܶܠܳܐ ܗ̄ܽܘ ܐܰܒܪܰܝܕ̥ܺܝ.“ ܘܢܰܩܠܐ ܚܪܶܬܳܐ ܠܰܐ ܐܕ̥ܰܥ ܠܰܗ.
27ܘܗܰܘܺܝ ܗ̄ܽܘ ܙܰܒܢܳܐ ܕܽܗ̄ܘ ܡܰܘܠܳܕܰܝܕ̥ܰܗ، ܘܟܰܐܠܶܗ ܬܪܶܝ ܐܰܒܢ̈ܶܐ ܒܟܰܪܣܰܗ. 28ܘܗܰܘܺܝ ܘܗܺܝّܰܗ ܟܡܰܘܠܕܳܐ، ܚܰܕ̱ ܡ݄ܢّܶܗ ܡܰܘܦܰܩ ܠܶܗ ܐܺܝܕ̥ܶܗ. ܘܡ݄ܕ ܠܰܗ ܗ̄ܺܝ ܩܰܫܬ݄ܢܬܳܐ ܚܽܘܛܳܐ ܕ݄ܙܚܽܘܪܺܝܬ̥ܳܐ (ܚܽܘܛܳܐ ܣܶܡܳܩܳܐ) ܘ݄ܩܛ݄ܪ ܠܰܗ ܥܰܠ ܐܺܝܕ̥ܶܗ، ܘܐܡ݄ܪ ܠܰܗ: ”ܗܰܢܳܐ ܓܢܳܦ݄ܩ ܒܺܗ̄ܝ ܩܰܕ̱ܡܰܝܬܳܐ.“ 29ܘܺܗ̄ܝ ܢܰܩܠܐ ܕܡܰܕܥܰܪ ܠܶܗ ܐܺܝܕ̥ܶܗ، ܢܰܦ݄ܩ ܗ̄ܽܘ ܐܰܚܽܘܢܰܝܕ̥ܶܗ، ܘܐܡ݄ܪ ܠܰܗ: ”ܡ݄ܢ ܦܬܳܚܳܐ ܦܬ݄ܚ ܠܳܟ̥ (ܘܣ݄ܡ ܠܳܟ̥ ܬܰܪܥܳܐ ܠܪܽܘܚܳܟ̥).“ ܘ݄ܩܪܶܐ ܠܰܗ ܐ݄ܫܡܶܗ ”ܦܰܪܨ.“ 30ܘܒ݄ܬ̥݄ܪܟܶܐ ܢܰܦ݄ܩ ܗ̄ܽܘ ܐܰܚܽܘܢܳܐ ܕܟ݄ܬ ܝܳܐ ܥܰܠ ܐܺܝܕ̥ܶܗ ܗ̄ܽܘ ܚܽܘܛܳܐ ܕܺܗ̄ܝ ܙܚܽܘܪܺܝܬ̥ܳܐ ܘ݄ܩܪܶܐ ܠܰܗ ܐ݄ܫܡܶܗ ”ܙܰܪܚ.“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation