ܣܶܦܪܳܐ ܕ݄ܒܪܺܝܬ̥ܳܐ 37
37
1ܘܝܰܬܽܒ̥ ܝܰܥܩܽܘܒ ܒܺܗ̄ܝ ܐܰܪܥܳܐ ܕܝܰܬܽܒ̥ ܐܶܒܰܗ ܗ̄ܽܘ ܒܰܒܳܐ، ܒܺܗ̄ܝ ܐܰܪܥܳܐ ܕ݄ܟܢܰܥܢ. 2ܘܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܝܰܥܩܽܘܒ: ܝܰܘܣܶܦ ܐܰܒܪܳܐ ܕ݄ܫܒ̥ܰܥܣܰܪ ܐ݄ܫܢ̈ܶܐ ܡܰܪܥܶܐ ܗ̄ܘܰܐ ܥܘܳܢ̈ܶܐ ܥܰܡ ܗ̄ܰܢ ܐܰܚ̈ܽܘܢܳܢܶܐ. ܘܗܺܝّܶܗ ܝܳܪܰܒ̥ ܗ̄ܘܰܐ ܥܰܡ ܗ̄ܰܢ ܐܰܒܢ̈ܶܐ ܕܙܰܠܦܳܐ ܘܥܰܡ ܗ̄ܰܢ ܐܰܒܢ̈ܶܐ ܕܒܰܠܗܳܐ، ܗ̄ܰܢ ܢܶܫ̈ܶܐ ܕܽܗ̄ܘ ܒܰܒܳܐ. ܘܝܰܘܣܶܦ ܡܰܡܛܶܐ ܠܶܗ ܗ̄ܽܘ ܛܶܒܰܬّ̥ܶܗ ܗ̄ܽܘ ܒܺܝܫܳܐ ܠܽܗ̄ܘ ܒܰܒܰܬّ̥ܶܗ. 3ܘܺܐܝܣܪܳܐܶܝܠ ܪܳܚܰܡ ܗ̄ܘܰܐ ܠܝܰܘܣܶܦ ܙ݄ܕ ܡܶܢ̱ ܟܽܘܠّܶܗ ܗ̄ܰܢ ܐܰܒܢ̈ܰܝܕ̥ܶܗ ܥܰܠ ܕܟ݄ܬ ܗ̄ܘܰܐ ܗ̄ܽܘ ܐܰܒܪܳܐ ܕܺܗ̄ܝ ܣܳܒ̥ܽܘܬ̥ܰܝܕ̥ܶܗ. ܘܣ݄ܡ ܠܶܗ ܠܶܗ ܩܶܡ݄ܣܬܳܐ ܕܩܽܘܪ̈ܡܳܢܶܐ ܝܰܪ̈ܺܝܟ̥ܶܐ. 4ܘ݄ܚܙܰܠّܶܗ ܗ̄ܰܢ ܐܰܚ̈ܽܘܢܳܢܰܝܕ̥ܶܗ ܕܪܳܚܰܡ ܗ̄ܘܰܝ ܠܶܗ ܗ̄ܽܘ ܒܰܒܰܬّ̥ܶܗ ܙ݄ܕ ܡܶܢ̱ ܟܽܘܠّܶܗ، ܘ݄ܡܥܰܢܰܬّܶܗ ܡܶܢܶܗ، ܘܠܳܐ ܡ݄ܫܓ̥ܳܠܺܝ ܗ̄ܘܰܘ̱ ܐܰܥܡܶܗ ܒ݄ܫܠܳܡܳܐ.
5ܘ݄ܚܙܶܐ ܠܶܗ ܝܰܘܣܶܦ ܚ݄ܠܡܳܐ ܘܡܰܘܕ̥ܰܥ ܠܶܗ ܠܰܗ̄ܢ ܐܰܚ̈ܽܘܢܳܢܶܐ، ܘܙ݄ܕ ܡܥܰܢܰܬّܶܗ ܡܶܢܶܗ. 6ܘܐܡ݄ܪ ܠܰܗ ܠّܶܗ: ”ܫܡܰܥܽܘ ܗ̄ܽܘ ܚ݄ܠܡܰܢܳܐ ܕ݄ܚܙܶܐ ܠܺܝ: 7ܟܰܐܠܰܢ ܐܰܚܢܰܐ ܟܳܡܰܐܣܪܺܝܢܰܐ ܟܰܦ̈ܶܐ ܒܓܰܘܶܗ ܕܺܗ̄ܝ ܚܰܩܠܳܐ، ܘܟܰܐܠܰܗ ܗ̄ܺܝ ܟܰܦܰܝܕ̥ܺܝ ܩܰܝܺܝܡܳܐ ܘܟܰܠܝܳܐ. ܘܟܰܐܠܶܗ ܗ̄ܰܟّܰܦ̈ܰܬ̥ܟ̥ܽܘ ܐܰܬ̥݄ܢ ܚܶܕ̥ܳܪ ܕܺܗ̄ܝ ܟܰܦܰܝܕ̥ܺܝ ܘ݄ܣܓ̥݄ܕّܶܗ ܠܺܗ̄ܝ ܟܰܦܰܝܕ̥ܺܝ.“ 8ܗ̄ܰܢ ܐܰܚ̈ܽܘܢܳܢܰܝܕ̥ܶܗ ܐܡ݄ܪّܰܗ ܠܶܗ: ”ܬܶܡܠܺܝܟ̥ܳܐ ܓܡܰܡ݄ܠܟ̥ܰܬ ܐܰܥܠܰܢ؟ ܐܰܘ ܐܟ̥ ܫܽܘܠܛܳܢܳܐ ܓܡܺܝܫܰܠܛܰܬ ܐܰܥܠܰܢ؟“ ܘܙ݄ܕ ܒܙ݄ܕ ܥܰܝ݄ܩّܶܗ ܡܶܢܶܗ ܥܰܠ ܗ̄ܰܚّܶܠܡ̈ܰܝܕ̥ܶܗ ܘܥܰܠ ܗ̄ܰܡّܰܐܡܪ̈ܰܝܕ̥ܶܗ. 9ܘܢܰܩܠܐ ܚܪܶܬܳܐ ܚܙܶܐ ܠܶܗ ܚ݄ܠܡܳܐ ܚܪܶܢܳܐ. ܘܡ݄ܫܓ̥ܶܠ ܠܶܗ ܐܰܥܠܶܗ ܠܰܗ̄ܢ ܐܰܚ̈ܽܘܢܳܢܶܐ ܘܐܡ݄ܪ ܠܰܗ ܠّܶܗ: ”ܟܰܐܠܶܗ ܢܰܩܠܐ ܚܪܶܬܳܐ ܚܙܶܐ ܠܺܝ ܚ݄ܠܡܳܐ: ܗ̄ܺܝ ܫܶܡܫܳܐ ܘܽܗ̄ܘ ܣܰܗܪܳܐ ܘ݄ܚܕ̥ܰܥܣܰܪ ܟܘ̇ܟܒ̥̈ܶܐ ܟܣܳܓ̥ܕܺܝ ܠܺܝ.“ 10ܘܡܰܘܕ̥ܰܥ ܠܶܗ ܐܰܥܠܶܗ ܠܽܗ̄ܘ ܒܰܒܳܐ ܘܠܰܗ̄ܢ ܐܰܚ̈ܽܘܢܳܢܶܐ. ܘ݄ܙܒ݄ܪ ܠܶܗ ܐܶܒܶܗ ܗ̄ܽܘ ܒܰܒܳܐ ܘܐܡ݄ܪ ܠܶܗ ܠܶܗ: ”ܡ݄ܢܝܳܐ ܗ̄ܽܘ ܚ݄ܠܡܰܢܳܐ ܕ݄ܚܙܶܐ ܠܳܟ̥، ܡܰܐܬ̥ܝܳܐ ܓܕܳܐܬ̥ܺܝܢܰܐ ܐܳܢܳܐ ܘܶܐܡܳܟ̥ ܘܰܐܚ̈ܽܘܢܳܢܳܟ̥ ܕܣܳܓ̥ܕܺܝܢܰܐ ܠܳܟ̥ ܥܰܠ ܗ̄ܺܝ ܐܰܪܥܳܐ؟“ 11ܘܰܗ̄ܢ ܐܰܚ̈ܽܘܢܳܢܰܝܕ̥ܶܗ ܚܣ݄ܡّܶܗ ܐܶܒܶܗ، ܘܽܗ̄ܘ ܒܰܒܰܝܕ̥ܶܗ ܢܳܛܰܪ ܗ̄ܘܰܐ (ܒܠܶܒܶܗ) ܗ̄ܽܘ ܡܰܐܡܪܰܢܳܐ.
12ܘܰܐܙّ݄ܢ ܗ̄ܰܢ ܐܰܚ̈ܽܘܢܳܢܶܐ ܕܝܰܘܣܶܦ ܕܡܰܪܥ݄ܢ ܗ̄ܰܥܘܳܢ̈ܶܐ ܕܽܗ̄ܘ ܒܰܒܰܬّ̥ܶܗ ܒ݄ܫܟܺܝܡ. 13ܘܐܡ݄ܪ ܠܶܗ ܐܺܝܣܪܳܐܶܝܠ ܠܝܰܘܣܶܦ: ”ܟܰܐܠܶܗ ܐܰܚ̈ܽܘܢܳܢܳܟ̥ ܟܳܡܰܪܥ݄ܢ ܒ݄ܫܟܺܝܡ، ܬܳܟ̥ ܕ݄ܡܫܰܕܰܪܢܳܟ̥ ܠܣܺܝܕܰܝّܶܗ.“ ܘܡܰܕܥܰܪ ܠܶܗ: ”ܟܰܐܠܺܝ ܐ̱ܢܳܐ.“ 14ܘܐܡ݄ܪ ܠܶܗ ܠܶܗ ܗ̄ܽܘ ܒܰܒܳܐ: ”ܙܳܟ̥ ܚܙܰܝ ܗ̄ܽܘ ܫܠܳܡܳܐ ܕܰܐܚ̈ܽܘܢܳܢܳܟ̥، ܘܽܗ̄ܘ ܫܠܳܡܳܐ ܕܰܥܘܳܢ̈ܶܐ، ܘܡܰܕܥ݄ܪ ܠܺܝ ܛܶܒܳܐ.“ ܘ݄ܡܫܰܕܰܪ ܠܶܗ ܠܶܗ ܡܽܗ̄ܘ ܫܰܠܒ̥ܳܐ ܕܚܶܒܪܽܘܢ ܘܰܐܬ̥ܺܝ ܠ݄ܫܟܺܝܡ. 15ܘܚܰܕ̱ ܓܰܒ̥ܪܳܐ ܚܙܶܐ ܠܶܗ ܡܣܰܟܪܳܐ ܒܺܗ̄ܝ ܚܰܩܠܳܐ، ܘܽܗ̄ܘ ܓܰܒ̥ܪܰܘܳܐ ܡܫܰܐܶܠ ܠܶܗ ܘܐܡ݄ܪ ܠܶܗ: ”ܡ݄ܢ ܟ݄ܐܒܥܰܬ؟“ 16ܘܐܡ݄ܪ ܠܶܗ: ”ܟܳܐܒܰܥ ܐ̱ܢܳܐ ܐܰܚ̈ܽܘܢܳܢܺܝ. ܐܡܰܪ ܠܺܝ ܐܰܝܟܳܐ ܟܡܰܪܥ݄ܢ؟“ 17ܐܡ݄ܪ ܠܶܗ ܠܶܗ ܗ̄ܽܘ ܓܰܒ̥ܪܳܐ: ”ܩܰܝܺܝܡܺܝ ܡܰܗ̄ܪܟܶܐ، ܘܫܰܡ݄ܥ ܐ̱ܢܳܐ ܕܟܳܐܡّܺܪ̱ܝ: ܓ݄ܐܙّܰܢ ܠܕܽܘܬ̥ܳܢ.“ ܘܰܐܙّܶܗ ܝܰܘܣܶܦ ܒ݄ܬ̥ܪܶܗ ܕܰܗ̄ܢ ܐܰܚ̈ܽܘܢܳܢܶܐ. ܘ݄ܚܙܰܠّܶܗ ܒܕܽܘܬ̥ܳܢ.
18ܘ݄ܚܙܰܠّܰܗ ܠܶܗ ܡܶܢ̱ ܪܽܘܚܩܳܐ، ܘܡܶܩ݄ܕ̱ܡ ܕܩܳܪܽܒ̥ ܠܣܺܝܕܰܝّܶܗ، ܫܓ̥ܺܝܠܺܝ ܐܰܥܠܶܗ ܕܩܳܛܠܺܝ ܠܶܗ. 19ܘܚܰܕ̱ ܐܳܡܰܪ ܗ̄ܘܰܐ ܠܽܗ̄ܘ ܚܪܶܢܳܐ: ”ܟܰܐܠܶܗ ܗ̄ܽܘ ܚܰܙܳܝܳܐ ܕܰܚّ݄ܠܡ̈ܶܐ ܐܰܬ̥ܳܝܳܐ. 20ܬܳܟ̥ܽܘ ܕܩܳܛܠܺܝܢܰܐ ܠܶܗ ܘ݄ܡܚܰܠܩܺܝܢܰܐ ܠܶܗ ܒܚܰܕ̱ ܡܰܢ̱ ܓّܽܘܒ̈ܶܐ ܘܕܳܐܡّܺܪ̱ܝܢܰܐ ܕܚܰܝܽܘܬ̥ܳܐ ܒܺܝܫܬܳܐ ܐܰܟ̥ܺܝܠ ܠܰܗ، ܘ݄ܓܚܳܙܺܝܢܰܐ ܡ݄ܢ ܓܕܳܗ̄ܘܶܐ ܠܰܚّܶܠܡ̈ܰܝܕ̥ܶܗ.“ 21ܘܫܰܡ݄ܥ ܪܽܘܒܶܝܠ، ܘܡܰܪܦܶܐ ܠܶܗ ܡܶܢ̱ ܐܺܝܕ̥̈ܰܝّܶܗ، ܘܐܡ݄ܪ ܠܰܗ ܠّܶܗ: ”ܠܳܐ ܩܳܛܠܺܝܢܰܐ ܢܰܦܫܳܐ.“ 22ܘܪܽܘܒܶܝܠ ܐܡ݄ܪ ܠܰܗ ܠّܶܗ: ”ܠܳܐ ܒܰܝܙܺܝܬܽܘ ܐܰܕܡܳܐ، ܡܚܰܠܶܩܽܘ ܠܶܗ ܒܽܗ̄ܘ ܓܽܘܒܰܢܳܐ ܕܒܽܗ̄ܘ ܡܰܕ̥݄ܒܪܳܐ. ܘܺܐܝܕ̥ܳܐ ܠܳܐ ܡ݄ܫܕܺܝܬܽܘ ܐܰܥܠܶܗ.“ ܠܰܫܰܢ ܕܡܰܪܦܶܐ ܠܶܗ ܡܶܢ̱ ܐܺܝܕ̥̈ܳܬ̥ܰܝّܶܗ ܘܡܰܕܥܰܪ ܠܶܗ ܠܽܗ̄ܘ ܒܰܒܰܝܕ̥ܶܗ. 23ܘܺܗ̄ܝ ܢܰܩܠܐ ܕܰܐܬ̥ܺܝ ܝܰܘܣܶܦ ܠܓܰܒ ܗ̄ܰܢ ܐܰܚ̈ܽܘܢܳܢܶܐ، ܡܰܫܠܰܚّܶܗ ܗ̄ܺܝ ܩܶܡ݄ܣܬܳܐ ܕܰܩّܽܘܪ̈ܡܳܢܶܐ ܝܰܪ̈ܺܝܟ̥ܶܐ ܕܟ݄ܬ ܗ̄ܘܰܐ ܐܰܥܠܶܗ. 24ܘܡ݄ܕّܶܗ ܘ݄ܡܚܰܠܰܩّܶܗ ܒܽܗ̄ܘ ܓܽܘܒܳܐ. ܘܽܗ̄ܘ ܓܽܘܒܳܐ ܣܦܺܝܩܳܐ ܗ̄ܘܰܐ ܘܠܰܝ̱ܬ ܗ̄ܘܰܐ ܐܶܒܶܗ ܡܰܝ̈ܶܐ.
25ܘܝܰܬܺܝܒ̥ܺܝ ܕܳܐܟ̥ܠܺܝ ܡܽܐܘܟܠܳܐ. ܘܡܰܥܠܰܠّܰܗ ܥܰܝܢ̈ܳܬ̥ܰܝّܶܗ ܘ݄ܚܙܰܠّܶܗ ܘܟܰܐܠܰܗ ܩܰܦܠܳܐ ܕܥܰܪ̈ܰܒܳܝܶܐ ܐܰܬ̥ܰܝܬܳܐ ܡܶܢ̱ ܓܶܠܥܳܕ ܘܰܓّܰܡ̈ܠܰܬّ̥ܶܗ ܡܰܛ݄ܥܢ̈ܶܐ ܪ̈ܗܶܛܢܶܐ (ܕܰܥܬ̥ܳܐ ܕܰܗ̄ܢ ܐܺܝܠܳܢ̈ܶܐ) ܘܨܰܪܘܳܐ ܘܒܰܛܡ̈ܶܐ (ܫܺܝܓ̥ܽܘܪ̈ܶܐ) ܘܰܐܙ̈ܳܠܶܐ ܕܡܰܘܒܠ݄ܢّܶܗ ܠܡܶܨܪܶܝܢ. 26ܘܐܡ݄ܪ ܠܶܗ ܝܺܗܽܘܕ̥ܳܐ ܠܰܗ̄ܢ ܐܰܚ̈ܽܘܢܳܢܶܐ: ”ܡ݄ܢܝܳܐ ܗ̄ܽܘ ܝܽܘܬ̥ܪܳܢܳܐ ܕܩܳܛܠܺܝܢܰܐ ܠܰܐܚܽܘܢܰܢ ܘܬܳܠܺܝܢܰܐ ܗ̄ܽܘ ܐܰܕܡܰܝܕ̥ܶܗ؟ 27ܬܳܟ̥ܽܘ ܡܙܰܒܢܺܝܢܰܐ ܠܶܗ ܠܰܥّܰܪ̈ܰܒܳܝܶܐ، ܘܠܳܐ ܡܰܚܬܺܝܢܰܐ ܐܺܝܕ̥ܰܢ ܐܶܒܶܗ، ܥܰܠ ܕܰܐܚܽܘܢܰܢ ܝܳܐ، ܘܡܽܗ̄ܘ ܒܰܣܪܰܝܕ̥ܰܢ.“ ܘܫܰܡܺܝܥܺܝ ܡܶܢܶܗ ܗ̄ܰܢ ܐܰܚ̈ܽܘܢܳܢܶܐ. 28ܘܫܰܦ̊ܺܝܥܺܝ ܓܰܒ̥ܪ̈ܶܐ ܬܰܓܳܪ̈ܶܐ ܡܶܕ̈ܝܰܢܳܝܶܐ، ܘ݄ܓܪ݄ܫّܶܗ ܘܡܰܣܠܰܩّܶܗ ܠܝܰܘܣܶܦ ܡܽܗ̄ܘ ܓܽܘܒܳܐ، ܘ݄ܡܙܰܒܰܢّܶܗ ܠܝܰܘܣܶܦ ܠܰܥّܰܪ̈ܰܒܳܝܶܐ ܒܥ݄ܣܪܺܝ ܙܽܘܙ̈ܶܐ ܕܣܶܐܡܳܐ. ܘܡܰܘܒܰܠّܶܗ ܠܡܶܨܪܶܝܢ. 29ܘܕܰܥ݄ܪ ܪܽܘܒܶܝܠ ܠܽܗ̄ܘ ܓܽܘܒܳܐ، ܘܟܰܐܠܶܗ ܠܰܝ̱ܬ ܝܳܐ ܐܶܒܶܗ ܝܰܘܣܶܦ، ܘ݄ܩܛ݄ܥ ܠܶܗ ܗ̄ܰܠܒܽܘܫ̈ܰܝܕ̥ܶܗ. 30ܘܕܰܥ݄ܪ ܠܓܰܒ ܐܰܚ̈ܽܘܢܳܢܶܐ ܘܐܡ݄ܪ ܠܰܗ ܠّܶܗ: ”ܗ̄ܽܘ ܛܰܠܝܳܐ ܐܰܝܟܳܐ ܝܳܐ؟ ܐܳܢܳܐ ܠܰܐܝܟܳܐ ܟ݄ܐܙّܺܝ ܐ̱ܢܳܐ؟“
31ܘܡ݄ܕّܶܗ ܗ̄ܺܝ ܩܶܡ݄ܣܬܳܐ ܕܝܰܘܣܶܦ ܘ݄ܢܚ݄ܪّܶܗ ܨܰܦܽܘܪܳܐ ܕܥܶܙ̈ܶܐ ܘ݄ܨܒ̥ܶܥّܶܗ ܗ̄ܺܝ ܩܶܡ݄ܣܬܳܐ ܒܽܗ̄ܘ ܐܰܕܡܰܝܕ̥ܶܗ. 32ܘ݄ܡܫܰܕܰܪّܶܗ ܗ̄ܺܝ ܩܶܡ݄ܣܬܳܐ ܕܰܩّܽܘܪ̈ܡܳܢܶܐ ܝܰܪ̈ܺܝܟ̥ܶܐ ܘܡܰܝܬܝܰܠّܶܗ ܠܽܗ̄ܘ ܒܰܒܰܬّ̥ܶܗ ܘܐܡ݄ܪّܶܗ: ”ܗܰܬ̥ܶܐ ܚܙܶܐ ܠܰܢ، ܚܙܰܝ ܗ̄ܺܝ ܩܶܡ݄ܣܬܳܐ ܐܶܢ ܕܽܗ̄ܘ ܐܰܒܪܰܝܕ̥ܳܟ̥ ܝܳܐ ܐܰܘ ܠܳܐ؟“ 33ܘܰܐܕ̥݄ܥ ܠܰܗ ܘܐܡ݄ܪ ܠܶܗ: ”ܗ̄ܺܝ ܩܶܡ݄ܣܬܳܐ ܕܽܗ̄ܘ ܐܰܒܪܰܝܕ̥ܺܝ ܝܳܐ. ܚܰܝܽܘܬ̥ܳܐ ܒܺܝܫܬܳܐ ܐܰܟ̥ܺܝܠ ܠܰܗ، ܦ̊ܽܘܪܦ̊ܳܣܳܐ ܡܦ̊ܰܪܦ݄̊ܣ ܗ̄ܽܘ ܐܰܒܪܰܝܕ̥ܺܝ ܝܰܘܣܶܦ.“ 34ܘ݄ܡܩܰܛܰܥ ܠܶܗ ܝܰܥܩܽܘܒ ܗ̄ܰܠܒܽܘܫ̈ܰܝܕ̥ܶܗ ܘܡܰܐܣ݄ܪ ܠܶܗ ܕܰܠܩܳܐ ܒܚܰܨܶܗ، ܘܒܰܟ̥ܺܝ ܥܰܠ ܗ̄ܽܘ ܐܰܒܪܰܝܕ̥ܶܗ، ܘܣ݄ܡ ܠܶܗ ܚܰܫܳܐ ܝܰܘܡ̈ܶܐ ܓ̥ܰܠܰܒܶܐ. 35ܘܩܰܝܺܝܡܺܝ ܟܽܘܠّܶܗ ܗ̄ܰܢ ܐܰܒܢ̈ܰܝܕ̥ܶܗ ܘܟܽܘܠّܶܗ ܗ̄ܰܒܢ̈ܳܬ̥ܰܝܕ̥ܶܗ ܕܬܳܠ݄ܢ ܗ̄ܽܘ ܚܰܫܰܝܕ̥ܶܗ، ܘܠܰܐ ܐܒ݄ܥ ܕܬܳܠܶܐ ܠܶܗ. ܘܐܡ݄ܪ ܠܶܗ: ”ܓܢܳܚܰܬ ܐ̱ܢܳܐ ܥܰܠ ܗ̄ܽܘ ܐܰܒܪܰܝܕ̥ܺܝ ܒܚܰܫܳܐ ܠ݄ܫܝܽܘܠ.“ ܘܒܰܟ̥ܺܝ ܐܰܥܠܶܗ ܗ̄ܽܘ ܒܰܒܰܝܕ̥ܶܗ.
36ܘܰܡّܶܕ̈ܝܰܢܳܝܶܐ ܡܙܰܒܰܢّܶܗ ܠܦܽܘܛܺܝܦܳܪ ܗ̄ܽܘ ܡܗܰܝܡܢܳܐ ܕܦܶܪܥܽܘܢ، ܗ̄ܽܘ ܪܰܒܳܐ ܕܰܕّܰܚܫ̈ܶܐ ܒܡܶܨܪܶܝܢ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 37: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 37
37
1ܘܝܰܬܽܒ̥ ܝܰܥܩܽܘܒ ܒܺܗ̄ܝ ܐܰܪܥܳܐ ܕܝܰܬܽܒ̥ ܐܶܒܰܗ ܗ̄ܽܘ ܒܰܒܳܐ، ܒܺܗ̄ܝ ܐܰܪܥܳܐ ܕ݄ܟܢܰܥܢ. 2ܘܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܝܰܥܩܽܘܒ: ܝܰܘܣܶܦ ܐܰܒܪܳܐ ܕ݄ܫܒ̥ܰܥܣܰܪ ܐ݄ܫܢ̈ܶܐ ܡܰܪܥܶܐ ܗ̄ܘܰܐ ܥܘܳܢ̈ܶܐ ܥܰܡ ܗ̄ܰܢ ܐܰܚ̈ܽܘܢܳܢܶܐ. ܘܗܺܝّܶܗ ܝܳܪܰܒ̥ ܗ̄ܘܰܐ ܥܰܡ ܗ̄ܰܢ ܐܰܒܢ̈ܶܐ ܕܙܰܠܦܳܐ ܘܥܰܡ ܗ̄ܰܢ ܐܰܒܢ̈ܶܐ ܕܒܰܠܗܳܐ، ܗ̄ܰܢ ܢܶܫ̈ܶܐ ܕܽܗ̄ܘ ܒܰܒܳܐ. ܘܝܰܘܣܶܦ ܡܰܡܛܶܐ ܠܶܗ ܗ̄ܽܘ ܛܶܒܰܬّ̥ܶܗ ܗ̄ܽܘ ܒܺܝܫܳܐ ܠܽܗ̄ܘ ܒܰܒܰܬّ̥ܶܗ. 3ܘܺܐܝܣܪܳܐܶܝܠ ܪܳܚܰܡ ܗ̄ܘܰܐ ܠܝܰܘܣܶܦ ܙ݄ܕ ܡܶܢ̱ ܟܽܘܠّܶܗ ܗ̄ܰܢ ܐܰܒܢ̈ܰܝܕ̥ܶܗ ܥܰܠ ܕܟ݄ܬ ܗ̄ܘܰܐ ܗ̄ܽܘ ܐܰܒܪܳܐ ܕܺܗ̄ܝ ܣܳܒ̥ܽܘܬ̥ܰܝܕ̥ܶܗ. ܘܣ݄ܡ ܠܶܗ ܠܶܗ ܩܶܡ݄ܣܬܳܐ ܕܩܽܘܪ̈ܡܳܢܶܐ ܝܰܪ̈ܺܝܟ̥ܶܐ. 4ܘ݄ܚܙܰܠّܶܗ ܗ̄ܰܢ ܐܰܚ̈ܽܘܢܳܢܰܝܕ̥ܶܗ ܕܪܳܚܰܡ ܗ̄ܘܰܝ ܠܶܗ ܗ̄ܽܘ ܒܰܒܰܬّ̥ܶܗ ܙ݄ܕ ܡܶܢ̱ ܟܽܘܠّܶܗ، ܘ݄ܡܥܰܢܰܬّܶܗ ܡܶܢܶܗ، ܘܠܳܐ ܡ݄ܫܓ̥ܳܠܺܝ ܗ̄ܘܰܘ̱ ܐܰܥܡܶܗ ܒ݄ܫܠܳܡܳܐ.
5ܘ݄ܚܙܶܐ ܠܶܗ ܝܰܘܣܶܦ ܚ݄ܠܡܳܐ ܘܡܰܘܕ̥ܰܥ ܠܶܗ ܠܰܗ̄ܢ ܐܰܚ̈ܽܘܢܳܢܶܐ، ܘܙ݄ܕ ܡܥܰܢܰܬّܶܗ ܡܶܢܶܗ. 6ܘܐܡ݄ܪ ܠܰܗ ܠّܶܗ: ”ܫܡܰܥܽܘ ܗ̄ܽܘ ܚ݄ܠܡܰܢܳܐ ܕ݄ܚܙܶܐ ܠܺܝ: 7ܟܰܐܠܰܢ ܐܰܚܢܰܐ ܟܳܡܰܐܣܪܺܝܢܰܐ ܟܰܦ̈ܶܐ ܒܓܰܘܶܗ ܕܺܗ̄ܝ ܚܰܩܠܳܐ، ܘܟܰܐܠܰܗ ܗ̄ܺܝ ܟܰܦܰܝܕ̥ܺܝ ܩܰܝܺܝܡܳܐ ܘܟܰܠܝܳܐ. ܘܟܰܐܠܶܗ ܗ̄ܰܟّܰܦ̈ܰܬ̥ܟ̥ܽܘ ܐܰܬ̥݄ܢ ܚܶܕ̥ܳܪ ܕܺܗ̄ܝ ܟܰܦܰܝܕ̥ܺܝ ܘ݄ܣܓ̥݄ܕّܶܗ ܠܺܗ̄ܝ ܟܰܦܰܝܕ̥ܺܝ.“ 8ܗ̄ܰܢ ܐܰܚ̈ܽܘܢܳܢܰܝܕ̥ܶܗ ܐܡ݄ܪّܰܗ ܠܶܗ: ”ܬܶܡܠܺܝܟ̥ܳܐ ܓܡܰܡ݄ܠܟ̥ܰܬ ܐܰܥܠܰܢ؟ ܐܰܘ ܐܟ̥ ܫܽܘܠܛܳܢܳܐ ܓܡܺܝܫܰܠܛܰܬ ܐܰܥܠܰܢ؟“ ܘܙ݄ܕ ܒܙ݄ܕ ܥܰܝ݄ܩّܶܗ ܡܶܢܶܗ ܥܰܠ ܗ̄ܰܚّܶܠܡ̈ܰܝܕ̥ܶܗ ܘܥܰܠ ܗ̄ܰܡّܰܐܡܪ̈ܰܝܕ̥ܶܗ. 9ܘܢܰܩܠܐ ܚܪܶܬܳܐ ܚܙܶܐ ܠܶܗ ܚ݄ܠܡܳܐ ܚܪܶܢܳܐ. ܘܡ݄ܫܓ̥ܶܠ ܠܶܗ ܐܰܥܠܶܗ ܠܰܗ̄ܢ ܐܰܚ̈ܽܘܢܳܢܶܐ ܘܐܡ݄ܪ ܠܰܗ ܠّܶܗ: ”ܟܰܐܠܶܗ ܢܰܩܠܐ ܚܪܶܬܳܐ ܚܙܶܐ ܠܺܝ ܚ݄ܠܡܳܐ: ܗ̄ܺܝ ܫܶܡܫܳܐ ܘܽܗ̄ܘ ܣܰܗܪܳܐ ܘ݄ܚܕ̥ܰܥܣܰܪ ܟܘ̇ܟܒ̥̈ܶܐ ܟܣܳܓ̥ܕܺܝ ܠܺܝ.“ 10ܘܡܰܘܕ̥ܰܥ ܠܶܗ ܐܰܥܠܶܗ ܠܽܗ̄ܘ ܒܰܒܳܐ ܘܠܰܗ̄ܢ ܐܰܚ̈ܽܘܢܳܢܶܐ. ܘ݄ܙܒ݄ܪ ܠܶܗ ܐܶܒܶܗ ܗ̄ܽܘ ܒܰܒܳܐ ܘܐܡ݄ܪ ܠܶܗ ܠܶܗ: ”ܡ݄ܢܝܳܐ ܗ̄ܽܘ ܚ݄ܠܡܰܢܳܐ ܕ݄ܚܙܶܐ ܠܳܟ̥، ܡܰܐܬ̥ܝܳܐ ܓܕܳܐܬ̥ܺܝܢܰܐ ܐܳܢܳܐ ܘܶܐܡܳܟ̥ ܘܰܐܚ̈ܽܘܢܳܢܳܟ̥ ܕܣܳܓ̥ܕܺܝܢܰܐ ܠܳܟ̥ ܥܰܠ ܗ̄ܺܝ ܐܰܪܥܳܐ؟“ 11ܘܰܗ̄ܢ ܐܰܚ̈ܽܘܢܳܢܰܝܕ̥ܶܗ ܚܣ݄ܡّܶܗ ܐܶܒܶܗ، ܘܽܗ̄ܘ ܒܰܒܰܝܕ̥ܶܗ ܢܳܛܰܪ ܗ̄ܘܰܐ (ܒܠܶܒܶܗ) ܗ̄ܽܘ ܡܰܐܡܪܰܢܳܐ.
12ܘܰܐܙّ݄ܢ ܗ̄ܰܢ ܐܰܚ̈ܽܘܢܳܢܶܐ ܕܝܰܘܣܶܦ ܕܡܰܪܥ݄ܢ ܗ̄ܰܥܘܳܢ̈ܶܐ ܕܽܗ̄ܘ ܒܰܒܰܬّ̥ܶܗ ܒ݄ܫܟܺܝܡ. 13ܘܐܡ݄ܪ ܠܶܗ ܐܺܝܣܪܳܐܶܝܠ ܠܝܰܘܣܶܦ: ”ܟܰܐܠܶܗ ܐܰܚ̈ܽܘܢܳܢܳܟ̥ ܟܳܡܰܪܥ݄ܢ ܒ݄ܫܟܺܝܡ، ܬܳܟ̥ ܕ݄ܡܫܰܕܰܪܢܳܟ̥ ܠܣܺܝܕܰܝّܶܗ.“ ܘܡܰܕܥܰܪ ܠܶܗ: ”ܟܰܐܠܺܝ ܐ̱ܢܳܐ.“ 14ܘܐܡ݄ܪ ܠܶܗ ܠܶܗ ܗ̄ܽܘ ܒܰܒܳܐ: ”ܙܳܟ̥ ܚܙܰܝ ܗ̄ܽܘ ܫܠܳܡܳܐ ܕܰܐܚ̈ܽܘܢܳܢܳܟ̥، ܘܽܗ̄ܘ ܫܠܳܡܳܐ ܕܰܥܘܳܢ̈ܶܐ، ܘܡܰܕܥ݄ܪ ܠܺܝ ܛܶܒܳܐ.“ ܘ݄ܡܫܰܕܰܪ ܠܶܗ ܠܶܗ ܡܽܗ̄ܘ ܫܰܠܒ̥ܳܐ ܕܚܶܒܪܽܘܢ ܘܰܐܬ̥ܺܝ ܠ݄ܫܟܺܝܡ. 15ܘܚܰܕ̱ ܓܰܒ̥ܪܳܐ ܚܙܶܐ ܠܶܗ ܡܣܰܟܪܳܐ ܒܺܗ̄ܝ ܚܰܩܠܳܐ، ܘܽܗ̄ܘ ܓܰܒ̥ܪܰܘܳܐ ܡܫܰܐܶܠ ܠܶܗ ܘܐܡ݄ܪ ܠܶܗ: ”ܡ݄ܢ ܟ݄ܐܒܥܰܬ؟“ 16ܘܐܡ݄ܪ ܠܶܗ: ”ܟܳܐܒܰܥ ܐ̱ܢܳܐ ܐܰܚ̈ܽܘܢܳܢܺܝ. ܐܡܰܪ ܠܺܝ ܐܰܝܟܳܐ ܟܡܰܪܥ݄ܢ؟“ 17ܐܡ݄ܪ ܠܶܗ ܠܶܗ ܗ̄ܽܘ ܓܰܒ̥ܪܳܐ: ”ܩܰܝܺܝܡܺܝ ܡܰܗ̄ܪܟܶܐ، ܘܫܰܡ݄ܥ ܐ̱ܢܳܐ ܕܟܳܐܡّܺܪ̱ܝ: ܓ݄ܐܙّܰܢ ܠܕܽܘܬ̥ܳܢ.“ ܘܰܐܙّܶܗ ܝܰܘܣܶܦ ܒ݄ܬ̥ܪܶܗ ܕܰܗ̄ܢ ܐܰܚ̈ܽܘܢܳܢܶܐ. ܘ݄ܚܙܰܠّܶܗ ܒܕܽܘܬ̥ܳܢ.
18ܘ݄ܚܙܰܠّܰܗ ܠܶܗ ܡܶܢ̱ ܪܽܘܚܩܳܐ، ܘܡܶܩ݄ܕ̱ܡ ܕܩܳܪܽܒ̥ ܠܣܺܝܕܰܝّܶܗ، ܫܓ̥ܺܝܠܺܝ ܐܰܥܠܶܗ ܕܩܳܛܠܺܝ ܠܶܗ. 19ܘܚܰܕ̱ ܐܳܡܰܪ ܗ̄ܘܰܐ ܠܽܗ̄ܘ ܚܪܶܢܳܐ: ”ܟܰܐܠܶܗ ܗ̄ܽܘ ܚܰܙܳܝܳܐ ܕܰܚّ݄ܠܡ̈ܶܐ ܐܰܬ̥ܳܝܳܐ. 20ܬܳܟ̥ܽܘ ܕܩܳܛܠܺܝܢܰܐ ܠܶܗ ܘ݄ܡܚܰܠܩܺܝܢܰܐ ܠܶܗ ܒܚܰܕ̱ ܡܰܢ̱ ܓّܽܘܒ̈ܶܐ ܘܕܳܐܡّܺܪ̱ܝܢܰܐ ܕܚܰܝܽܘܬ̥ܳܐ ܒܺܝܫܬܳܐ ܐܰܟ̥ܺܝܠ ܠܰܗ، ܘ݄ܓܚܳܙܺܝܢܰܐ ܡ݄ܢ ܓܕܳܗ̄ܘܶܐ ܠܰܚّܶܠܡ̈ܰܝܕ̥ܶܗ.“ 21ܘܫܰܡ݄ܥ ܪܽܘܒܶܝܠ، ܘܡܰܪܦܶܐ ܠܶܗ ܡܶܢ̱ ܐܺܝܕ̥̈ܰܝّܶܗ، ܘܐܡ݄ܪ ܠܰܗ ܠّܶܗ: ”ܠܳܐ ܩܳܛܠܺܝܢܰܐ ܢܰܦܫܳܐ.“ 22ܘܪܽܘܒܶܝܠ ܐܡ݄ܪ ܠܰܗ ܠّܶܗ: ”ܠܳܐ ܒܰܝܙܺܝܬܽܘ ܐܰܕܡܳܐ، ܡܚܰܠܶܩܽܘ ܠܶܗ ܒܽܗ̄ܘ ܓܽܘܒܰܢܳܐ ܕܒܽܗ̄ܘ ܡܰܕ̥݄ܒܪܳܐ. ܘܺܐܝܕ̥ܳܐ ܠܳܐ ܡ݄ܫܕܺܝܬܽܘ ܐܰܥܠܶܗ.“ ܠܰܫܰܢ ܕܡܰܪܦܶܐ ܠܶܗ ܡܶܢ̱ ܐܺܝܕ̥̈ܳܬ̥ܰܝّܶܗ ܘܡܰܕܥܰܪ ܠܶܗ ܠܽܗ̄ܘ ܒܰܒܰܝܕ̥ܶܗ. 23ܘܺܗ̄ܝ ܢܰܩܠܐ ܕܰܐܬ̥ܺܝ ܝܰܘܣܶܦ ܠܓܰܒ ܗ̄ܰܢ ܐܰܚ̈ܽܘܢܳܢܶܐ، ܡܰܫܠܰܚّܶܗ ܗ̄ܺܝ ܩܶܡ݄ܣܬܳܐ ܕܰܩّܽܘܪ̈ܡܳܢܶܐ ܝܰܪ̈ܺܝܟ̥ܶܐ ܕܟ݄ܬ ܗ̄ܘܰܐ ܐܰܥܠܶܗ. 24ܘܡ݄ܕّܶܗ ܘ݄ܡܚܰܠܰܩّܶܗ ܒܽܗ̄ܘ ܓܽܘܒܳܐ. ܘܽܗ̄ܘ ܓܽܘܒܳܐ ܣܦܺܝܩܳܐ ܗ̄ܘܰܐ ܘܠܰܝ̱ܬ ܗ̄ܘܰܐ ܐܶܒܶܗ ܡܰܝ̈ܶܐ.
25ܘܝܰܬܺܝܒ̥ܺܝ ܕܳܐܟ̥ܠܺܝ ܡܽܐܘܟܠܳܐ. ܘܡܰܥܠܰܠّܰܗ ܥܰܝܢ̈ܳܬ̥ܰܝّܶܗ ܘ݄ܚܙܰܠّܶܗ ܘܟܰܐܠܰܗ ܩܰܦܠܳܐ ܕܥܰܪ̈ܰܒܳܝܶܐ ܐܰܬ̥ܰܝܬܳܐ ܡܶܢ̱ ܓܶܠܥܳܕ ܘܰܓّܰܡ̈ܠܰܬّ̥ܶܗ ܡܰܛ݄ܥܢ̈ܶܐ ܪ̈ܗܶܛܢܶܐ (ܕܰܥܬ̥ܳܐ ܕܰܗ̄ܢ ܐܺܝܠܳܢ̈ܶܐ) ܘܨܰܪܘܳܐ ܘܒܰܛܡ̈ܶܐ (ܫܺܝܓ̥ܽܘܪ̈ܶܐ) ܘܰܐܙ̈ܳܠܶܐ ܕܡܰܘܒܠ݄ܢّܶܗ ܠܡܶܨܪܶܝܢ. 26ܘܐܡ݄ܪ ܠܶܗ ܝܺܗܽܘܕ̥ܳܐ ܠܰܗ̄ܢ ܐܰܚ̈ܽܘܢܳܢܶܐ: ”ܡ݄ܢܝܳܐ ܗ̄ܽܘ ܝܽܘܬ̥ܪܳܢܳܐ ܕܩܳܛܠܺܝܢܰܐ ܠܰܐܚܽܘܢܰܢ ܘܬܳܠܺܝܢܰܐ ܗ̄ܽܘ ܐܰܕܡܰܝܕ̥ܶܗ؟ 27ܬܳܟ̥ܽܘ ܡܙܰܒܢܺܝܢܰܐ ܠܶܗ ܠܰܥّܰܪ̈ܰܒܳܝܶܐ، ܘܠܳܐ ܡܰܚܬܺܝܢܰܐ ܐܺܝܕ̥ܰܢ ܐܶܒܶܗ، ܥܰܠ ܕܰܐܚܽܘܢܰܢ ܝܳܐ، ܘܡܽܗ̄ܘ ܒܰܣܪܰܝܕ̥ܰܢ.“ ܘܫܰܡܺܝܥܺܝ ܡܶܢܶܗ ܗ̄ܰܢ ܐܰܚ̈ܽܘܢܳܢܶܐ. 28ܘܫܰܦ̊ܺܝܥܺܝ ܓܰܒ̥ܪ̈ܶܐ ܬܰܓܳܪ̈ܶܐ ܡܶܕ̈ܝܰܢܳܝܶܐ، ܘ݄ܓܪ݄ܫّܶܗ ܘܡܰܣܠܰܩّܶܗ ܠܝܰܘܣܶܦ ܡܽܗ̄ܘ ܓܽܘܒܳܐ، ܘ݄ܡܙܰܒܰܢّܶܗ ܠܝܰܘܣܶܦ ܠܰܥّܰܪ̈ܰܒܳܝܶܐ ܒܥ݄ܣܪܺܝ ܙܽܘܙ̈ܶܐ ܕܣܶܐܡܳܐ. ܘܡܰܘܒܰܠّܶܗ ܠܡܶܨܪܶܝܢ. 29ܘܕܰܥ݄ܪ ܪܽܘܒܶܝܠ ܠܽܗ̄ܘ ܓܽܘܒܳܐ، ܘܟܰܐܠܶܗ ܠܰܝ̱ܬ ܝܳܐ ܐܶܒܶܗ ܝܰܘܣܶܦ، ܘ݄ܩܛ݄ܥ ܠܶܗ ܗ̄ܰܠܒܽܘܫ̈ܰܝܕ̥ܶܗ. 30ܘܕܰܥ݄ܪ ܠܓܰܒ ܐܰܚ̈ܽܘܢܳܢܶܐ ܘܐܡ݄ܪ ܠܰܗ ܠّܶܗ: ”ܗ̄ܽܘ ܛܰܠܝܳܐ ܐܰܝܟܳܐ ܝܳܐ؟ ܐܳܢܳܐ ܠܰܐܝܟܳܐ ܟ݄ܐܙّܺܝ ܐ̱ܢܳܐ؟“
31ܘܡ݄ܕّܶܗ ܗ̄ܺܝ ܩܶܡ݄ܣܬܳܐ ܕܝܰܘܣܶܦ ܘ݄ܢܚ݄ܪّܶܗ ܨܰܦܽܘܪܳܐ ܕܥܶܙ̈ܶܐ ܘ݄ܨܒ̥ܶܥّܶܗ ܗ̄ܺܝ ܩܶܡ݄ܣܬܳܐ ܒܽܗ̄ܘ ܐܰܕܡܰܝܕ̥ܶܗ. 32ܘ݄ܡܫܰܕܰܪّܶܗ ܗ̄ܺܝ ܩܶܡ݄ܣܬܳܐ ܕܰܩّܽܘܪ̈ܡܳܢܶܐ ܝܰܪ̈ܺܝܟ̥ܶܐ ܘܡܰܝܬܝܰܠّܶܗ ܠܽܗ̄ܘ ܒܰܒܰܬّ̥ܶܗ ܘܐܡ݄ܪّܶܗ: ”ܗܰܬ̥ܶܐ ܚܙܶܐ ܠܰܢ، ܚܙܰܝ ܗ̄ܺܝ ܩܶܡ݄ܣܬܳܐ ܐܶܢ ܕܽܗ̄ܘ ܐܰܒܪܰܝܕ̥ܳܟ̥ ܝܳܐ ܐܰܘ ܠܳܐ؟“ 33ܘܰܐܕ̥݄ܥ ܠܰܗ ܘܐܡ݄ܪ ܠܶܗ: ”ܗ̄ܺܝ ܩܶܡ݄ܣܬܳܐ ܕܽܗ̄ܘ ܐܰܒܪܰܝܕ̥ܺܝ ܝܳܐ. ܚܰܝܽܘܬ̥ܳܐ ܒܺܝܫܬܳܐ ܐܰܟ̥ܺܝܠ ܠܰܗ، ܦ̊ܽܘܪܦ̊ܳܣܳܐ ܡܦ̊ܰܪܦ݄̊ܣ ܗ̄ܽܘ ܐܰܒܪܰܝܕ̥ܺܝ ܝܰܘܣܶܦ.“ 34ܘ݄ܡܩܰܛܰܥ ܠܶܗ ܝܰܥܩܽܘܒ ܗ̄ܰܠܒܽܘܫ̈ܰܝܕ̥ܶܗ ܘܡܰܐܣ݄ܪ ܠܶܗ ܕܰܠܩܳܐ ܒܚܰܨܶܗ، ܘܒܰܟ̥ܺܝ ܥܰܠ ܗ̄ܽܘ ܐܰܒܪܰܝܕ̥ܶܗ، ܘܣ݄ܡ ܠܶܗ ܚܰܫܳܐ ܝܰܘܡ̈ܶܐ ܓ̥ܰܠܰܒܶܐ. 35ܘܩܰܝܺܝܡܺܝ ܟܽܘܠّܶܗ ܗ̄ܰܢ ܐܰܒܢ̈ܰܝܕ̥ܶܗ ܘܟܽܘܠّܶܗ ܗ̄ܰܒܢ̈ܳܬ̥ܰܝܕ̥ܶܗ ܕܬܳܠ݄ܢ ܗ̄ܽܘ ܚܰܫܰܝܕ̥ܶܗ، ܘܠܰܐ ܐܒ݄ܥ ܕܬܳܠܶܐ ܠܶܗ. ܘܐܡ݄ܪ ܠܶܗ: ”ܓܢܳܚܰܬ ܐ̱ܢܳܐ ܥܰܠ ܗ̄ܽܘ ܐܰܒܪܰܝܕ̥ܺܝ ܒܚܰܫܳܐ ܠ݄ܫܝܽܘܠ.“ ܘܒܰܟ̥ܺܝ ܐܰܥܠܶܗ ܗ̄ܽܘ ܒܰܒܰܝܕ̥ܶܗ.
36ܘܰܡّܶܕ̈ܝܰܢܳܝܶܐ ܡܙܰܒܰܢّܶܗ ܠܦܽܘܛܺܝܦܳܪ ܗ̄ܽܘ ܡܗܰܝܡܢܳܐ ܕܦܶܪܥܽܘܢ، ܗ̄ܽܘ ܪܰܒܳܐ ܕܰܕّܰܚܫ̈ܶܐ ܒܡܶܨܪܶܝܢ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation