ܣܶܦܪܳܐ ܕ݄ܒܪܺܝܬ̥ܳܐ 31
31
1ܘܫܰܡ݄ܥ ܝܰܥܩܽܘܒ ܗ̄ܰܡّܰܐܡܪ̈ܶܐ ܕܰܗ̄ܢ ܐܰܒܢ̈ܶܐ ܕܠܳܒܳܢ ܕܟܳܐܡّܺܪ̱ܝ: ”ܡ݄ܕ ܠܶܗ ܝܰܥܩܽܘܒ ܟܘ̇ܠ ܡܶܕܶܐ ܕܟ݄ܬ ܗ̄ܘܰܐ ܠܒܰܒܰܢ. ܘܡܶܢ̱ ܕܒܰܒܰܢ ܩܢܶܐ ܠܶܗ ܗ̄ܽܘ ܩܰܢܝܳܢܰܢܳܐ ܟܽܘܠܶܗ.“ 2ܘ݄ܚܙܶܐ ܠܶܗ ܝܰܥܩܽܘܒ ܕܦܳܬ̥ܶܗ ܕܠܳܒܳܢ ܠܰܝ̱ܬ ܝܳܐ ܦܨܺܝܚܰܝܬܳܐ ܐܰܥܡܶܗ ܐܟ̥ ܕܰܐܬ̥ܡ݄ܠ ܘܒܽܗ̄ܘ ܝܰܘܡܳܐ ܚܪܶܢܳܐ. 3ܘܐܡ݄ܪ ܠܶܗ ܡܳܪܝܳܐ ܠܝܰܥܩܽܘܒ: ”ܕܥܰܪ ܠܺܗ̄ܝ ܐܰܪܥܳܐ ܕܒܰܒܳܢ̈ܳܟ̥ ܘܠܺܗ̄ܝ ܕܽܘܟܬ̥ܳܐ ܕܡܰܘܠܕ̥ܰܬ، ܘ݄ܓܕܳܗ̄ܘܶܐ ܐ̱ܢܳܐ ܐܰܥܡܳܟ̥.“
4ܘ݄ܡܫܰܕܰܪ ܠܶܗ ܝܰܥܩܽܘܒ ܩܪܶܐ ܠܶܗ ܠܪܳܚܶܝܠ ܘ݄ܠܠܶܝܰܐ ܠܺܗ̄ܝ ܚܰܩܠܳܐ ܠܓܰܒ ܗ̄ܰܥܘܳܢ̈ܰܝܕ̥ܶܗ. 5ܘܐܡ݄ܪ ܠܰܗ ܠّܶܗ: ”ܟܚܳܙܶܐ ܐ̱ܢܳܐ ܕܒܰܒܰܝܟ̥ܽܘ ܠ݄ܐ ܟܳܗ̄ܒܶܐ ܠܺܝ ܦܳܬ̥ܳܐ ܐܟ̥ ܕܰܐܬ̥ܡ݄ܠ ܘܒܽܗ̄ܘ ܝܰܘܡܳܐ ܚܪܶܢܳܐ. ܘܰܐܠܳܗܳܐ ܕܒܰܒܺܝ ܐܰܥܡܺܝ ܝܳܐ. 6ܘܗܰܬܽܘ ܟܳܐܕ̥ܥܺܝܬܽܘ ܕ݄ܒܟܽܘܠܶܗ ܗ̄ܽܘ ܚܰܝܠܰܝܕ̥ܺܝ ܥܒ̥݄ܕ ܠܺܝ ܠܒܰܒܰܝܟ̥ܽܘ. 7ܘܒܰܒܰܝܟ̥ܽܘ ܡܕܰܓܶܠ ܠܶܗ ܐܰܥܠܺܝ، ܘ݄ܡܚܰܠܰܦ ܠܶܗ ܗ̄ܽܘ ܐܰܓ̥ܪܰܝܕ̥ܺܝ ܥܣܰܪ ܟܳܪ̈ܶܐ. ܘܰܐܠܳܗܳܐ ܠܳܐ ܛܪܶܐ ܠܶܗ ܕܣܳܝ݄ܡ ܡܶܕܶܐ ܒܺܝܫܳܐ ܐܶܒܺܝ. 8ܐܶܢ ܗܰܘܟ̥ܰܐ ܕܳܐܡ݄ܪ: ܕܩܰܪ̈ܚܶܐ ܗܳܘܶܐ ܗ̄ܽܘ ܐܰܓ̥ܪܰܝܕ̥ܳܟ̥، ܓܡܰܘܠܕܺܝ ܟܽܘܠّܶܗ ܗ̄ܰܥܘܳܢ̈ܶܐ ܩܰܪ̈ܚܶܐ، ܘܶܐܢ ܕܳܐܡ݄ܪ: ܕ݄ܡܢܰܩ̈ܛܶܐ ܗܳܘܶܐ ܗ̄ܽܘ ܐܰܓ̥ܪܰܝܕ̥ܳܟ̥ ܓܡܰܘܠܕܺܝ ܟܽܘܠّܶܗ ܗ̄ܰܥܘܳܢ̈ܶܐ ܡܢܰܩ̈ܛܶܐ. 9ܘ݄ܦܪ݄ܫ ܠܶܗ ܐܰܠܳܗܳܐ ܡܽܗ̄ܘ ܩܶܢܝܳܢܳܐ ܕܒܰܒܰܝܟ̥ܽܘ ܘܗܽܒ̥ ܠܶܗ ܠܺܝ. 10ܘܒܽܗ̄ܘ ܙܰܒܢܳܐ ܕܚܰܝܡܺܝ ܗ̄ܰܥܘܳܢ̈ܶܐ، ܡܰܥܠܶܐ ܠܺܝ ܥܰܝܢ̈ܳܬ̥ܺܝ ܘ݄ܚܙܶܐ ܠܺܝ ܒܽܗ̄ܘ ܚ݄ܠܡܳܐ ܘܟܰܐܠܶܗ ܗ̄ܰܬّܰܝܫ̈ܶܐ ܟܳܣܳܠܩܺܝ ܥܰܠ ܗ̄ܰܥّܶܙ̈ܶܐ ܩܰܪ̈ܚܶܐ ܘܰܗ̄ܢ ܢܩܺܝܫ̈ܶܐ (ܚܶܘܳܪ̈ܶܐ ܘܟܳܡ̈ܶܐ) ܘܰܡّܰܩܘܫ̈ܶܐ. 11ܘܐܡ݄ܪ ܠܶܗ ܠܺܝ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ ܒܽܗ̄ܘ ܚ݄ܠܡܳܐ: ܝܰܥܩܽܘܒ. ܘܐܡ݄ܪ ܠܺܝ: ܟܰܐܠܺܝ ܐ̱ܢܳܐ. 12ܘܐܡ݄ܪ ܠܶܗ ܠܺܝ: ܡܰܥܠܰܝ ܥܰܝܢ̈ܳܬ̥ܳܟ̥ ܘ݄ܚܙܰܝ ܟܽܘܠّܶܗ ܗ̄ܰܬّܰܝܫ̈ܶܐ ܕܟܳܣܳܠܩܺܝ ܥܰܠ ܗ̄ܰܥܘܳܢ̈ܶܐ ܩܰܪ̈ܚܶܐ ܘܰܡܢܰܩ̈ܛܶܐ ܘܰܡّܰܩܽܘܫ̈ܶܐ، ܡܺܐܝܕ̥ܶܗ ܕ݄ܚܙܶܐ ܠܺܝ ܟܘ̇ܠ ܡܶܕܶܐ ܕܣ݄ܡ ܠܶܗ ܐܶܒܳܟ̥ ܠܳܒܳܢ. 13ܐܳܢܳܐ ܐ̱ܢܳܐ ܐܰܠܳܗܳܐ ܕܒܶܝܬ̥ ܐܺܝܠ ܕ݄ܡܫ݄ܚ ܠܳܟ̥ ܠܺܝ ܬܰܡܳܐ ܩܳܝܶܡܬܳܐ، ܘ݄ܢܕ̥݄ܪ ܠܳܟ̥ ܠܺܝ ܬܰܡܳܐ ܢܶܕ̥ܪܳܐ. ܐܳܥܕܳܐ ܩܘ̇ܡ ܢܦܰܩ ܡܺܗ̄ܝ ܐܰܪܥܰܬ̥ܶܐ، ܘ݄ܕܥܰܪ ܠܺܗ̄ܝ ܐܰܪܥܳܐ ܕܡܰܘܠܕ̥ܰܬ ܐܶܒܰܗ.“
14ܘܡܰܕܥܰܪّܶܗ ܪܳܚܶܝܠ ܘܠܶܝܰܐ ܘܐܡ݄ܪّܰܗ ܠܶܗ: ”ܘܰܐܚܢܰܐ ܣܬܶܝ ܠܰܝ̱ܬ ܠܰܢ ܡܢܳܬ̥ܳܐ ܘܝܳܪܬܽܘܬ̥ܳܐ ܒܽܗ̄ܘ ܒܰܝܬܳܐ ܕܒܰܒܰܢ؟ 15ܟܰܐܠܶܗ ܐܟ̥ ܕܢܽܘܟ̥ܪ̈ܳܝܶܐ ܚܫܽܒ̥ ܠܶܗ ܠܰܢ، ܥܰܠ ܕ݄ܡܙܰܒܰܢ ܠܶܗ ܠܰܢ ܘܰܐܟ̥ܺܝܠ ܠܶܗ ܣܬܶܝ ܗ̄ܽܘ ܟܶܣܦܰܝܕ̥ܰܢ (ܗ̄ܰܙّܽܘ̈ܙܰܝܕ̥ܰܢ). 16ܥܰܠ ܕܟܽܘܠܶܗ ܗ̄ܽܘ ܥܽܘܬ̥ܪܳܐ ܕ݄ܦܪ݄ܫ ܠܶܗ ܐܰܠܳܗܳܐ ܡܶܢ̱ ܕܒܰܒܰܢ ܕܺܝܕ̥ܰܢ ܘܕܰܗ̄ܢ ܐܰܒܢ̈ܰܝܕ̥ܰܢ ܝܳܐ. ܘܳܐܥܕܳܐ ܟܘ̇ܠ ܕܳܐܡܰܪ ܠܳܟ̥ ܡܳܪܝܳܐ ܣܘ̇ܡ.“
17ܘܩܰܝ݄ܡ ܝܰܥܩܽܘܒ ܘܡܰܪܒ̥ܰܟ̥ ܠܶܗ ܗ̄ܰܢ ܐܰܒܢ̈ܰܝܕ̥ܶܗ ܘܰܗ̄ܢ ܢܶܫ̈ܰܝܕ̥ܶܗ ܥܰܠ ܗ̄ܰܓّܰܡ̈ܠܶܐ. 18ܘܡܰܘܒܶܠ ܠܶܗ ܟܽܘܠّܶܗ ܗ̄ܰܚّܰܝ̈ܘܳܬ̥ܰܝܕ̥ܶܗ ܘܟܽܘܠّܶܗ ܗ̄ܰܩّܰܢܝܳܢ̈ܰܝܕ̥ܶܗ ܕ݄ܩܢܶܐ ܠܶܗ (ܕܗܰܘܺܝ ܠܶܗ) ܒܦܳܕܳܢ ܕܳܐܪܳܡ ܕܳܐܬ̥ܶܐ ܓܰܒ ܐܺܝܣܚܳܩ ܗ̄ܽܘ ܒܰܒܳܐ، ܠܺܗ̄ܝ ܐܰܪܥܳܐ ܕ݄ܟܢܰܥܢ. 19ܘܠܳܒܳܢ ܐܰܙّܶܗ ܕܓܳܙܶܐ (ܕܩܳܝ݄ܨ ܗ̄ܽܘ ܥܰܡܪܳܐ) ܗ̄ܰܥܘܳܢ̈ܰܝܕ̥ܶܗ. ܘܪܳܚܶܝܠ ܓܢܽܒ̥ ܠܰܗ ܗ̄ܰܨّܰܠܡ̈ܶܐ ܕܽܗ̄ܘ ܒܰܒܳܐ. 20ܘܝܰܥܩܽܘܒ ܬܒ̥݄ܪ ܠܶܗ ܠܶܒܶܗ ܕܠܳܒܳܢ ܗ̄ܽܘ ܐܳܪܳܡܳܝܳܐ ܥܰܠ ܕܠܳܐ ܡܰܘܕ̥ܰܥ ܠܶܗ ܠܶܗ ܕܓ݄ܐܙّܶܗ. 21ܘܥܰܪ݄ܩ ܗܺܝّܶܗ ܘܟܘ̇ܠ ܕܟ݄ܬ ܠܶܗ. ܘܩܰܝ݄ܡ ܘܥܰܒ݄ܪ ܗ̄ܽܘ ܢܰܗܪܳܐ، ܘܗܽܒ̥ ܠܶܗ ܦܳܬ̥ܶܗ ܕ݄ܐܙّܶܗ ܠܽܗ̄ܘ ܛܽܘܪܳܐ ܕܓܶܠܥܳܕ.
22ܘܐܡܺܝܪ ܠܠܳܒܳܢ ܒܽܗ̄ܘ ܝܰܘܡܳܐ ܕܰܬܠܳܬ̥ܳܐ ܕܥܰܪ݄ܩ ܝܰܥܩܽܘܒ. 23ܘܡ݄ܕ ܠܶܗ ܗ̄ܰܢ ܐܰܚ̈ܽܘܢܳܢܶܐ ܐܰܥܡܶܗ ܘ݄ܫܕܶܐ ܠܶܗ ܒ݄ܬ̥ܪܶܗ ܗܰܠܟ̥ܳܐ ܕܫܰܒ̥ܥܳܐ ܝܰܘܡ̈ܶܐ، ܘܡܰܛܺܝ ܠܶܗ ܒܽܗ̄ܘ ܛܽܘܪܳܐ ܕܓܶܠܥܳܕ. 24ܘܰܐܬ̥ܺܝ ܐܰܠܳܗܳܐ ܥܰܠ ܠܳܒܳܢ ܗ̄ܽܘ ܐܳܪܳܡܳܝܳܐ ܒܽܗ̄ܘ ܚ݄ܠܡܳܐ ܕܽܗ̄ܘ ܠܰܠܝܳܐ، ܘܐܡ݄ܪ ܠܶܗ ܠܶܗ: ”ܚܙܰܝ ܕܠ݄ܐ ܐܙّܶܗ ܡ݄ܫܓ̥ܳܠܰܬ ܥܰܡ ܝܰܥܩܽܘܒ ܡܶܕܶܐ ܛܳܒ̥ܳܐ ܐܰܘ ܚܰܪܒܳܐ.“ 25ܘܡܰܛܺܝ ܠܳܒܳܢ ܠܝܰܥܩܽܘܒ. ܘܝܰܥܩܽܘܒ ܡܰܚ݄ܬ ܠܶܗ ܗ̄ܽܘ ܡܰܫܟܢܰܝܕ̥ܶܗ ܒܽܗ̄ܘ ܛܽܘܪܳܐ. ܘܠܳܒܳܢ ܣ݄ܡ ܠܶܗ ܡܰܫܪܺܝܬ̥ܳܐ ܥܰܡ ܗ̄ܰܢ ܐܰܚ̈ܽܘܢܳܢܶܐ ܒܽܗ̄ܘ ܛܽܘܪܳܐ ܕܓܶܠܥܳܕ.
26ܘܐܡ݄ܪ ܠܶܗ ܠܳܒܳܢ ܠܝܰܥܩܽܘܒ: ”ܡ݄ܢ ܣ݄ܡ ܠܺܝ ܠܳܟ̥ ܕ݄ܬܒ̥݄ܪ ܠܳܟ̥ ܠܶܒܺܝ ܘܡܰܘܒܶܠ ܠܳܟ̥ ܗ̄ܰܒܢ̈ܳܬ̥ܰܝܕ̥ܺܝ ܐܟ̥ ܕܝܰܣܺܝܪ̈ܶܐ ܕܽܗ̄ܘ ܩܪܳܒܳܐ؟ 27ܠܡ݄ܢ ܒ݄ܓܢܽܒ̥ܢ̈ܶܐ ܥܰܪܺܝܩܰܬ، ܘ݄ܓܢܽܒ̥ ܠܳܟ̥ ܪܽܘܚܳܟ̥ ܡܶܢܺܝ ܘܠܳܐ ܡܰܚܘܶܐ ܠܳܟ̥ ܠܺܝ ܕ݄ܡܫܰܕܰܪܢܳܟ̥ ܒ݄ܦܨܺܝܚܽܘܬ̥ܳܐ ܘܒ݄ܙܡܳܪܳܐ ܘ݄ܒܟܶܢܳܪ̈ܶܐ ܘܒ݄ܦܠܰܓ̈ܶܐ؟ 28ܘܠܳܐ ܛܪܶܐ ܠܳܟ̥ ܕܢܳܫܰܩ ܐ̱ܢܳܐ ܠܰܗ̄ܢ ܐܰܒܢ̈ܰܝܕ̥ܺܝ ܘܠܰܒܢ̈ܳܬ̥ܰܝܕ̥ܺܝ؟ ܐܳܥܕܳܐ ܚܰܛܰܬ ܒܽܗ̄ܘ ܡܶܕܶܐ ܕܣ݄ܡ ܠܳܟ̥. 29ܐܳܬ̥ܝܳܐ ܗ̄ܘܰܐ ܒܺܐܝܕ̥ܺܝ ܕܣܳܝܰܡ ܐ̱ܢܳܐ ܠܟ̥ܽܘ ܚܰܪܒܽܘܬ̥ܳܐ، ܐܶܠܳܐ ܐܰܠܳܗܳܐ ܕܽܗ̄ܘ ܒܰܒܰܬ̥ܟ̥ܽܘ ܒܪܰܡܫ݄ܠ ܐܡ݄ܪ ܠܶܗ ܠܺܝ: ܚܙܰܝ ܕܠ݄ܐ ܐܙّܶܗ ܡ݄ܫܓ̥ܳܠܰܬ ܥܰܡ ܝܰܥܩܽܘܒ ܛܳܒ̥ܳܐ ܐܰܘ ܚܰܪܒܳܐ. 30ܘܳܐܥܕܳܐ ܟܰܐܠܶܗ ܡܰܐܙܠܳܐ ܓܕ݄ܐܙّܳܟ̥ ܥܰܠ ܕܪܶܓܬ̥ܳܐ ܪܰܝ݄ܓ ܠܳܟ̥ ܠܒܰܝܬܶܗ ܕܒܰܒܳܟ̥. ܠܡ݄ܢ ܓܢܽܒ̥ ܠܳܟ̥ ܗ̄ܰܢ ܐܰܠܳܗ̈ܰܝܕ̥ܺܝ؟“
31ܘܡܰܕܥܰܪ ܠܶܗ ܝܰܥܩܽܘܒ ܘܐܡ݄ܪ ܠܶܗ ܠܠܳܒܳܢ: ”ܥܰܠ ܕܙܰܝ݄ܥ ܐ̱ܢܳܐ ܘܐܡ݄ܪ ܠܺܝ ܕܠ݄ܐ ܐܙّܶܗ ܫܳܩܠܰܬ ܗ̄ܰܒܢ̈ܳܬ̥ܰܝܕ̥ܳܟ̥ ܡܶܢܺܝ. 32ܐܶܠܳܐ ܥܰܡ ܡܰܢ ܕܡ݄ܚܙ݄ܢ ܗ̄ܰܢ ܐܰܠܳܗ̈ܰܝܕ̥ܳܟ̥ ܗܰܘܳܐ ܛܪܳܐ ܠܳܐ ܚܳܝܶܐ. ܩ݄ܕ̱ܡ ܐܰܚ̈ܽܘܢܳܢܰܢ ܚܙܰܝ ܘܺܝܕ̥ܰܥ ܗܰܢܺܝ ܕܕܺܝܕ̥ܳܟ̥، ܡ݄ܢ ܟܺܝܬ ܣܺܝܕܺܝ، ܘܡܽܘܕܶܗ ܐܶܠܳܟ̥.“ ܘܝܰܥܩܽܘܒ ܠܰܐ ܐܕ̥݄ܥ ܕܪܳܚܶܝܠ ܓܢܺܝܒ̥ܺܝ ܠܰܗ.
33ܘܥܰܒ݄ܪ ܠܳܒܳܢ ܠܽܗ̄ܘ ܡܰܫܟܢܳܐ ܕܝܰܥܩܽܘܒ ܘܠܽܗ̄ܘ ܡܰܫܟܢܳܐ ܕܠܶܝܳܐ ܘܠܽܗ̄ܘ ܡܰܫܟܢܳܐ ܕܰܬّܰܪܬܶܝ ܓܪ̈ܰܥܝܳܬ̥ܳܐ ܘܠܳܐ ܚܙܶܐ ܠܶܗ ܡܶܕܶܐ. ܘܢܰܦ݄ܩ ܡܽܗ̄ܘ ܡܰܫܟܢܳܐ ܕܠܶܝܳܐ ܘܥܰܒ݄ܪ ܠܽܗ̄ܘ ܡܰܫܟܢܳܐ ܕܪܳܚܶܝܠ. 34ܘܪܳܚܶܝܠ ܡ݄ܕ ܠܰܗ ܗ̄ܰܨّܰܠܡ̈ܶܐ ܘܡܰܚܬܺܝ ܠܰܗ ܬܰܚܬ ܗ̄ܽܘ ܣܰܪܓܳܐ ܕܽܗ̄ܘ ܓܰܡܠܳܐ ܘܝܰܬܺܝܒ̥ܳܐ ܐܰܥܠܰܝّܶܗ. ܘܟܰܪ݄ܟ̥ ܠܳܒܳܢ ܟܽܘܠܶܗ ܗ̄ܽܘ ܡܰܫܟܢܳܐ ܘܠܳܐ ܚܙܶܐ ܠܶܗ. 35ܘܐܡ݄ܪ ܠܰܗ ܪܳܚܶܝܠ ܠܽܗ̄ܘ ܒܰܒܳܐ: ”ܠܳܐ ܥܳܝܰܩ ܠܳܟ̥، ܡܳܪܝ̱، ܡܶܢܺܝ، ܥܰܠ ܕܠܰܝܒܺܝ ܩܰܝܡܳܐ ܐ̱ܢܳܐ ܡܶܢ̱ ܩܽܘܕ̱ܡܳܟ̥ ܥܰܠ ܕܟ݄ܬ ܠܺܝ ܥܝܳܕ̥ܳܐ ܕܰܗ̄ܢ ܢܶܫ̈ܶܐ (ܒܺܗ̄ܝ ܬܶܫ݄ܓ̥ܬܳܐ ܐ̱ܢܳܐ).“ ܘ݄ܡܒܰܥܰܛ ܠܶܗ ܘܠܳܐ ܚܙܶܐ ܠܶܗ ܗ̄ܰܨّܰܠܡ̈ܶܐ.
36ܘ݄ܪܓ̥ܺܝܙ ܝܰܥܩܽܘܒ ܘܩܰܝ݄ܡ ܠܠܳܒܳܢ، ܘܐܡ݄ܪ ܠܶܗ: ”ܡ݄ܢܝܳܐ ܗ̄ܺܝ ܚܰܪܒܽܘܬ̥ܰܝܕ̥ܺܝ ܘܡ݄ܢܝܳܐ ܗ̄ܺܝ ܚܛܺܝܬ̥ܰܝܕ̥ܺܝ ܕ݄ܫܕܶܐ ܠܳܟ̥ ܒ݄ܬ̥ܪܺܝ؟ 37ܟܰܐܠܶܗ ܟܰܪܺܝܟ̥ܰܬ ܒܟܽܘܠّܶܗ ܗ̄ܰܣّܶܦܳܩ̈ܰܝܕ̥ܺܝ، ܡ݄ܢ ܚܙܶܐ ܠܳܟ̥ ܡܰܢ̱ ܣّܶܦܳܩ̈ܶܐ ܟܽܘܠّܶܗ ܕܽܗ̄ܘ ܒܰܝܬܰܝܕ̥ܳܟ̥؟ ܡܰܚܘܰܝ ܗܰܪܟܶܐ ܩ݄ܕ̱ܡ ܐܰܚ̈ܽܘܢܳܢܺܝ ܘܰܐܚ̈ܽܘܢܳܢܳܟ̥ ܘ݄ܛܪܳܐ ܕܰܝܢܺܝ ܒܰܝܢ ܗ̄ܰܬܪܰܝܢܰܐ. 38ܗܰܢܺܝ ܥ݄ܣܪܺܝ ܐ݄ܫܢ̈ܶܐ ܐܰܥܡܳܟ̥ ܐ̱ܢܳܐ. ܗ̄ܰܥܘܳܢ̈ܰܝܕ̥ܳܟ̥ ܘܰܥّܶܙܰܝ̈ܕ̥ܳܟ̥ ܠܳܐ ܩܛܺܝܥܺܝ ܡܶܢ̱ ܕܡܰܘܠܕܺܝ، ܘܰܦّܰܪ̈ܶܐ ܕܰܥܘܳܢ̈ܰܝܕ̥ܳܟ̥ ܠܰܐ ܐܟ̥ܺܝܠ ܠܺܝ. 39ܘܠܳܐ ܛܪܶܐ ܠܺܝ ܕܶܒ̥ܳܐ ܕ݄ܡܩܰܕܰܡّܶܗ، ܐܳܢܳܐ ܢܳܛܰܪ ܗ̄ܘܰܝܢܰܢّܶܗ، ܥܰܠ ܕܡܶܢܺܝ ܕܳܐܒܥܰܬ ܗ̄ܘܰܐ ܠّܶܗ، ܕܡ݄ܓܢܽܒ̥ ܒܺܐܝܡܳܡܳܐ ܐܰܘ ܕܡ݄ܓܢܽܒ̥ ܒܠܰܠܝܳܐ. 40ܗ̄ܽܘ ܚܶܡܳܐ ܐܰܟ̥ܺܝܠ ܠܶܗ ܠܺܝ ܒܺܐܝܡܳܡܳܐ، ܘܽܗ̄ܘ ܓܠܺܝܕ̥ܳܐ ܒܠܰܠܝܳܐ، ܛܰܝܺܝܪܳܐ ܗ̄ܺܝ ܫܰܢܬ̥ܰܝܕ̥ܺܝ ܡܶܢ̱ ܥܰܝܢ̈ܺܝ. 41ܟܰܐܠܶܗ ܗܰܘܺܝ ܠܺܝ ܥ݄ܣܪܺܝ ܐ݄ܫܢ̈ܶܐ ܒܽܗ̄ܘ ܒܰܝܬܰܝܕ̥ܳܟ̥. ܥܒ̥݄ܕ ܠܺܝ ܠܳܟ̥ ܐܰܪܒܰܥܣܰܪ ܐ݄ܫܢ̈ܶܐ ܒܰܬّܰܪܬܶܝ ܒܢ̈ܳܬ̥ܰܝܕ̥ܳܟ̥، ܘܫܶܬ̥ ܐ݄ܫܢ̈ܶܐ ܒܰܥܘܳܢ̈ܰܝܕ̥ܳܟ̥. ܘ݄ܡܚܰܠܰܦ ܠܳܟ̥ ܗ̄ܽܘ ܐܰܓ̥ܪܰܝܕ̥ܺܝ ܥܣܰܪ ܟܳܪ̈ܶܐ. 42ܘ݄ܕܠܳܐ ܗ̄ܘܶܐ ܗ̄ܘܰܐ ܡܰܢ̱ ܐܠܳܗܳܐ ܕܒܰܒܺܝ، ܐܰܠܳܗܳܐ ܕܰܐܒܪܳܗܳܡ، ܘܺܗ̄ܝ ܙܽܘܥܬ̥ܳܐ ܕܺܐܝܣܚܳܩ ܕܠܳܐ ܗ̄ܽܘܝܳܐ ܗ̄ܘܰܐ ܐܰܥܡܺܝ، ܐܳܥܕܳܐ ܣܦܺܝܩܳܐ (ܕܠܳܐ ܡܶܕܶܐ) ܡܫܰܕܪܰܬ ܗ̄ܘܰܝ ܠܺܝ. ܐܶܠܳܐ ܐܰܠܳܗܳܐ ܚܙܶܐ ܠܶܗ ܗ̄ܽܘ ܥܰܡܠܰܝܕ̥ܺܝ ܘܽܗ̄ܘ ܒܛܳܠܰܝܕ̥ܺܝ، ܘܡܰܙ݄ܥ ܠܶܗ ܠܳܟ̥ ܒܪܰܡܫ݄ܠ.“
43ܘܡܰܕܥܰܪ ܠܶܗ ܠܳܒܳܢ ܘܐܡ݄ܪ ܠܶܗ ܠܝܰܥܩܽܘܒ: ”ܗ̄ܰܒܢ̈ܳܬ̥ܳܐ ܗ̄ܰܒܢ̈ܳܬ̥ܰܝܕ̥ܺܝ ܢܶܝ، ܘܰܗ̄ܢ ܐܰܒܢ̈ܶܐ ܗ̄ܰܢ ܐܰܒܢ̈ܰܝܕ̥ܺܝ ܢܶܝ، ܘܰܥܘܳܢ̈ܶܐ ܗ̄ܰܥܘܳܢ̈ܰܝܕ̥ܺܝ ܢܶܝ، ܘܟܘ̇ܠ ܕܟܳܚܳܙܰܬ ܕܺܝܕ̥ܺܝ ܝܳܐ. ܘܠܰܒܢ̈ܳܬ̥ܰܝܕ̥ܺܝ ܗܰܢܺܝ ܡ݄ܢ ܣܳܝܰܡ ܐ̱ܢܳܐ ܐܰܠّܶܗ ܐܰܕܝܰܘܡܰܐ ܐܰܘ ܠܰܗ̄ܢ ܐܰܒܢ̈ܰܬّ̥ܶܗ ܕܡܰܘܠܰܕّ̥ܶܗ؟ 44ܘܳܐܥܕܳܐ ܬܳܟ̥ ܡܰܩܺܝܡܺܝܢܰܐ ܩܝܳܡܳܐ ܐܳܢܳܐ ܘܗܰܬ، ܘ݄ܓܕܳܗ̄ܘܶܐ ܣܳܗܕܳܐ ܒܰܝܢ ܐܶܠܺܝ ܘܶܐܠܳܟ̥.“
45ܘܡ݄ܕ ܠܶܗ ܝܰܥܩܽܘܒ ܟܶܐܦܳܐ ܘܡܰܩܺܝܡܳܐ ܠܶܗ ܩܳܝܶܡܬܳܐ. 46ܘܐܡ݄ܪ ܠܶܗ ܝܰܥܩܽܘܒ ܠܰܗ̄ܢ ܐܰܚ̈ܽܘܢܳܢܰܝܕ̥ܶܗ: ”ܡܰܠܬܶܡܽܘ ܟܶܐܦ̈ܶܐ.“ ܘܡ݄ܕّܶܗ ܟܶܐܦ̈ܶܐ ܘܣ݄ܡّܶܗ ܟܳܫܺܝܬ̥ܳܐ (ܝܰܓܪܳܐ). ܘܰܐܟ̥݄ܠّܶܗ ܬܰܡܳܐ ܥܰܠ ܗ̄ܺܝ ܟܳܫܺܝܬ̥ܳܐ (ܝܰܓܪܳܐ). 47ܘܠܳܒܳܢ ܩܪܶܐ ܠܶܗ ܐ݄ܫܡܶܗ ”ܝܰܓܪܳܐ ܕܣܳܗܕܽܘܬ̥ܳܐ.“ ܘܝܰܥܩܽܘܒ ܩܪܶܐ ܠܶܗ ”ܓܶܠܥܳܕ.“ 48ܘܐܡ݄ܪ ܠܶܗ ܠܳܒܳܢ: ”ܗ̄ܽܘ ܝܰܓܪܰܢܳܐ ܣܳܗ݄ܕ ܒܰܝܢ ܐܶܠܺܝ ܘܶܐܠܳܟ̥ ܐܰܕܝܰܘܡܰܐ.“ ܡܰܗ̄ܘܟ̥ܰܐ ܩܪܶܐ ܐ݄ܫܡܶܗ ”ܓܶܠܥܳܕ“ 49”ܘܚܰܙܳܝܳܐ،“ ܡܺܐܝܕ̥ܶܗ ܕܐܡ݄ܪ ܠܶܗ: ”ܕܚܳܙܶܐ ܡܳܪܝܳܐ ܒܰܝܢ ܐܶܠܺܝ ܘܶܐܠܳܟ̥ ܥܰܠ ܕ݄ܓܡ݄ܦܪܳܫܺܝܢܰܐ ܚܰܕ̱ ܡܽܗ̄ܘ ܐܰܚܽܘܢܳܐ. 50ܐܶܢ ܕ݄ܡܨܰܥܪܰܬ ܠܰܒܢ̈ܳܬ̥ܰܝܕ̥ܺܝ، ܘܶܐܢ ܕܡܰܝܕܰܬ ܢܶܫ̈ܶܐ ܥܰܠ ܗ̄ܰܒܢ̈ܳܬ̥ܰܝܕ̥ܺܝ. ܠܰܝܬ ܢܳܫܳܐ ܐܰܥܡܰܢ، ܚܙܰܝ، ܕܰܐܠܳܗܳܐ ܟܳܣܳܗ݄ܕ ܒܰܝܢ ܐܶܠܺܝ ܘܶܐܠܳܟ̥.“ 51ܘܐܡ݄ܪ ܠܶܗ ܠܳܒܳܢ ܠܝܰܥܩܽܘܒ: ”ܟܰܐܠܶܗ ܗ̄ܽܘ ܝܰܓܪܰܢܳܐ، ܘܟܰܐܠܰܗ ܗ̄ܺܝ ܩܳܝܶܡܬܰܬ̥ܶܐ ܕܡܰܩ݄ܡ ܠܺܝ ܒܰܝܢ ܐܶܠܺܝ ܘܶܐܠܳܟ̥. 52ܟܳܣܳܗ݄ܕ ܗ̄ܽܘ ܝܰܓܪܰܢܳܐ ܘܟܳܣܳܗܕܳܐ ܗ̄ܺܝ ܩܳܝܶܡܬܰܬ̥ܶܐ ܕܳܐܢܳܐ ܠܳܐ ܥܳܒܰܪ ܐ̱ܢܳܐ ܥܰܠ ܗ̄ܽܘ ܝܰܓܪܰܢܳܐ، ܘܗܰܬ ܣܬܶܝ ܕܠܳܐ ܥܳܒܪܰܬ ܐܰܥܠܺܝ ܗ̄ܽܘ ܝܰܓܪܰܢܳܐ ܘܺܗ̄ܝ ܩܳܝܶܡܬܰܬ̥ܶܐ ܠܡܶܕܶܐ ܒܺܝܫܳܐ. 53ܐܰܠܳܗܳܐ ܕܰܐܒܪܳܗܳܡ ܘܰܐܠܳܗܳܐ ܕܢܳܚܽܘܪ ܛܪܳܐ ܕܳܝ݄ܢ ܒܰܝܢܳܬ̥ܰܢ، ܐܰܠܳܗܳܐ ܕܰܒّܰܒܳܢ̈ܰܝܕ̥ܰܢ.“ ܘܺܝܡܶܐ ܠܶܗ ܝܰܥܩܽܘܒ ܒܺܗ̄ܝ ܙܽܘܥܬ̥ܳܐ ܕܽܗ̄ܘ ܒܰܒܰܝܕ̥ܶܗ ܐܺܝܣܚܳܩ. 54ܘ݄ܕܒ݄ܚ ܠܶܗ ܝܰܥܩܽܘܒ ܕܶܒܚܬ̥ܳܐ ܒܽܗ̄ܘ ܛܽܘܪܳܐ، ܘ݄ܩܪܶܐ ܠܶܗ ܠܰܗ̄ܢ ܐܰܚ̈ܽܘܢܳܢܶܐ ܕܳܐܟ̥ܠܺܝ ܠܰܚܡܳܐ. ܘܰܐܟ̥݄ܠّܶܗ ܠܰܚܡܳܐ ܘܕܰܡܺܝܟ̥ܺܝ ܗ̄ܽܘ ܠܰܠܝܳܐ ܒܽܗ̄ܘ ܛܽܘܪܳܐ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 31: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 31
31
1ܘܫܰܡ݄ܥ ܝܰܥܩܽܘܒ ܗ̄ܰܡّܰܐܡܪ̈ܶܐ ܕܰܗ̄ܢ ܐܰܒܢ̈ܶܐ ܕܠܳܒܳܢ ܕܟܳܐܡّܺܪ̱ܝ: ”ܡ݄ܕ ܠܶܗ ܝܰܥܩܽܘܒ ܟܘ̇ܠ ܡܶܕܶܐ ܕܟ݄ܬ ܗ̄ܘܰܐ ܠܒܰܒܰܢ. ܘܡܶܢ̱ ܕܒܰܒܰܢ ܩܢܶܐ ܠܶܗ ܗ̄ܽܘ ܩܰܢܝܳܢܰܢܳܐ ܟܽܘܠܶܗ.“ 2ܘ݄ܚܙܶܐ ܠܶܗ ܝܰܥܩܽܘܒ ܕܦܳܬ̥ܶܗ ܕܠܳܒܳܢ ܠܰܝ̱ܬ ܝܳܐ ܦܨܺܝܚܰܝܬܳܐ ܐܰܥܡܶܗ ܐܟ̥ ܕܰܐܬ̥ܡ݄ܠ ܘܒܽܗ̄ܘ ܝܰܘܡܳܐ ܚܪܶܢܳܐ. 3ܘܐܡ݄ܪ ܠܶܗ ܡܳܪܝܳܐ ܠܝܰܥܩܽܘܒ: ”ܕܥܰܪ ܠܺܗ̄ܝ ܐܰܪܥܳܐ ܕܒܰܒܳܢ̈ܳܟ̥ ܘܠܺܗ̄ܝ ܕܽܘܟܬ̥ܳܐ ܕܡܰܘܠܕ̥ܰܬ، ܘ݄ܓܕܳܗ̄ܘܶܐ ܐ̱ܢܳܐ ܐܰܥܡܳܟ̥.“
4ܘ݄ܡܫܰܕܰܪ ܠܶܗ ܝܰܥܩܽܘܒ ܩܪܶܐ ܠܶܗ ܠܪܳܚܶܝܠ ܘ݄ܠܠܶܝܰܐ ܠܺܗ̄ܝ ܚܰܩܠܳܐ ܠܓܰܒ ܗ̄ܰܥܘܳܢ̈ܰܝܕ̥ܶܗ. 5ܘܐܡ݄ܪ ܠܰܗ ܠّܶܗ: ”ܟܚܳܙܶܐ ܐ̱ܢܳܐ ܕܒܰܒܰܝܟ̥ܽܘ ܠ݄ܐ ܟܳܗ̄ܒܶܐ ܠܺܝ ܦܳܬ̥ܳܐ ܐܟ̥ ܕܰܐܬ̥ܡ݄ܠ ܘܒܽܗ̄ܘ ܝܰܘܡܳܐ ܚܪܶܢܳܐ. ܘܰܐܠܳܗܳܐ ܕܒܰܒܺܝ ܐܰܥܡܺܝ ܝܳܐ. 6ܘܗܰܬܽܘ ܟܳܐܕ̥ܥܺܝܬܽܘ ܕ݄ܒܟܽܘܠܶܗ ܗ̄ܽܘ ܚܰܝܠܰܝܕ̥ܺܝ ܥܒ̥݄ܕ ܠܺܝ ܠܒܰܒܰܝܟ̥ܽܘ. 7ܘܒܰܒܰܝܟ̥ܽܘ ܡܕܰܓܶܠ ܠܶܗ ܐܰܥܠܺܝ، ܘ݄ܡܚܰܠܰܦ ܠܶܗ ܗ̄ܽܘ ܐܰܓ̥ܪܰܝܕ̥ܺܝ ܥܣܰܪ ܟܳܪ̈ܶܐ. ܘܰܐܠܳܗܳܐ ܠܳܐ ܛܪܶܐ ܠܶܗ ܕܣܳܝ݄ܡ ܡܶܕܶܐ ܒܺܝܫܳܐ ܐܶܒܺܝ. 8ܐܶܢ ܗܰܘܟ̥ܰܐ ܕܳܐܡ݄ܪ: ܕܩܰܪ̈ܚܶܐ ܗܳܘܶܐ ܗ̄ܽܘ ܐܰܓ̥ܪܰܝܕ̥ܳܟ̥، ܓܡܰܘܠܕܺܝ ܟܽܘܠّܶܗ ܗ̄ܰܥܘܳܢ̈ܶܐ ܩܰܪ̈ܚܶܐ، ܘܶܐܢ ܕܳܐܡ݄ܪ: ܕ݄ܡܢܰܩ̈ܛܶܐ ܗܳܘܶܐ ܗ̄ܽܘ ܐܰܓ̥ܪܰܝܕ̥ܳܟ̥ ܓܡܰܘܠܕܺܝ ܟܽܘܠّܶܗ ܗ̄ܰܥܘܳܢ̈ܶܐ ܡܢܰܩ̈ܛܶܐ. 9ܘ݄ܦܪ݄ܫ ܠܶܗ ܐܰܠܳܗܳܐ ܡܽܗ̄ܘ ܩܶܢܝܳܢܳܐ ܕܒܰܒܰܝܟ̥ܽܘ ܘܗܽܒ̥ ܠܶܗ ܠܺܝ. 10ܘܒܽܗ̄ܘ ܙܰܒܢܳܐ ܕܚܰܝܡܺܝ ܗ̄ܰܥܘܳܢ̈ܶܐ، ܡܰܥܠܶܐ ܠܺܝ ܥܰܝܢ̈ܳܬ̥ܺܝ ܘ݄ܚܙܶܐ ܠܺܝ ܒܽܗ̄ܘ ܚ݄ܠܡܳܐ ܘܟܰܐܠܶܗ ܗ̄ܰܬّܰܝܫ̈ܶܐ ܟܳܣܳܠܩܺܝ ܥܰܠ ܗ̄ܰܥّܶܙ̈ܶܐ ܩܰܪ̈ܚܶܐ ܘܰܗ̄ܢ ܢܩܺܝܫ̈ܶܐ (ܚܶܘܳܪ̈ܶܐ ܘܟܳܡ̈ܶܐ) ܘܰܡّܰܩܘܫ̈ܶܐ. 11ܘܐܡ݄ܪ ܠܶܗ ܠܺܝ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ ܒܽܗ̄ܘ ܚ݄ܠܡܳܐ: ܝܰܥܩܽܘܒ. ܘܐܡ݄ܪ ܠܺܝ: ܟܰܐܠܺܝ ܐ̱ܢܳܐ. 12ܘܐܡ݄ܪ ܠܶܗ ܠܺܝ: ܡܰܥܠܰܝ ܥܰܝܢ̈ܳܬ̥ܳܟ̥ ܘ݄ܚܙܰܝ ܟܽܘܠّܶܗ ܗ̄ܰܬّܰܝܫ̈ܶܐ ܕܟܳܣܳܠܩܺܝ ܥܰܠ ܗ̄ܰܥܘܳܢ̈ܶܐ ܩܰܪ̈ܚܶܐ ܘܰܡܢܰܩ̈ܛܶܐ ܘܰܡّܰܩܽܘܫ̈ܶܐ، ܡܺܐܝܕ̥ܶܗ ܕ݄ܚܙܶܐ ܠܺܝ ܟܘ̇ܠ ܡܶܕܶܐ ܕܣ݄ܡ ܠܶܗ ܐܶܒܳܟ̥ ܠܳܒܳܢ. 13ܐܳܢܳܐ ܐ̱ܢܳܐ ܐܰܠܳܗܳܐ ܕܒܶܝܬ̥ ܐܺܝܠ ܕ݄ܡܫ݄ܚ ܠܳܟ̥ ܠܺܝ ܬܰܡܳܐ ܩܳܝܶܡܬܳܐ، ܘ݄ܢܕ̥݄ܪ ܠܳܟ̥ ܠܺܝ ܬܰܡܳܐ ܢܶܕ̥ܪܳܐ. ܐܳܥܕܳܐ ܩܘ̇ܡ ܢܦܰܩ ܡܺܗ̄ܝ ܐܰܪܥܰܬ̥ܶܐ، ܘ݄ܕܥܰܪ ܠܺܗ̄ܝ ܐܰܪܥܳܐ ܕܡܰܘܠܕ̥ܰܬ ܐܶܒܰܗ.“
14ܘܡܰܕܥܰܪّܶܗ ܪܳܚܶܝܠ ܘܠܶܝܰܐ ܘܐܡ݄ܪّܰܗ ܠܶܗ: ”ܘܰܐܚܢܰܐ ܣܬܶܝ ܠܰܝ̱ܬ ܠܰܢ ܡܢܳܬ̥ܳܐ ܘܝܳܪܬܽܘܬ̥ܳܐ ܒܽܗ̄ܘ ܒܰܝܬܳܐ ܕܒܰܒܰܢ؟ 15ܟܰܐܠܶܗ ܐܟ̥ ܕܢܽܘܟ̥ܪ̈ܳܝܶܐ ܚܫܽܒ̥ ܠܶܗ ܠܰܢ، ܥܰܠ ܕ݄ܡܙܰܒܰܢ ܠܶܗ ܠܰܢ ܘܰܐܟ̥ܺܝܠ ܠܶܗ ܣܬܶܝ ܗ̄ܽܘ ܟܶܣܦܰܝܕ̥ܰܢ (ܗ̄ܰܙّܽܘ̈ܙܰܝܕ̥ܰܢ). 16ܥܰܠ ܕܟܽܘܠܶܗ ܗ̄ܽܘ ܥܽܘܬ̥ܪܳܐ ܕ݄ܦܪ݄ܫ ܠܶܗ ܐܰܠܳܗܳܐ ܡܶܢ̱ ܕܒܰܒܰܢ ܕܺܝܕ̥ܰܢ ܘܕܰܗ̄ܢ ܐܰܒܢ̈ܰܝܕ̥ܰܢ ܝܳܐ. ܘܳܐܥܕܳܐ ܟܘ̇ܠ ܕܳܐܡܰܪ ܠܳܟ̥ ܡܳܪܝܳܐ ܣܘ̇ܡ.“
17ܘܩܰܝ݄ܡ ܝܰܥܩܽܘܒ ܘܡܰܪܒ̥ܰܟ̥ ܠܶܗ ܗ̄ܰܢ ܐܰܒܢ̈ܰܝܕ̥ܶܗ ܘܰܗ̄ܢ ܢܶܫ̈ܰܝܕ̥ܶܗ ܥܰܠ ܗ̄ܰܓّܰܡ̈ܠܶܐ. 18ܘܡܰܘܒܶܠ ܠܶܗ ܟܽܘܠّܶܗ ܗ̄ܰܚّܰܝ̈ܘܳܬ̥ܰܝܕ̥ܶܗ ܘܟܽܘܠّܶܗ ܗ̄ܰܩّܰܢܝܳܢ̈ܰܝܕ̥ܶܗ ܕ݄ܩܢܶܐ ܠܶܗ (ܕܗܰܘܺܝ ܠܶܗ) ܒܦܳܕܳܢ ܕܳܐܪܳܡ ܕܳܐܬ̥ܶܐ ܓܰܒ ܐܺܝܣܚܳܩ ܗ̄ܽܘ ܒܰܒܳܐ، ܠܺܗ̄ܝ ܐܰܪܥܳܐ ܕ݄ܟܢܰܥܢ. 19ܘܠܳܒܳܢ ܐܰܙّܶܗ ܕܓܳܙܶܐ (ܕܩܳܝ݄ܨ ܗ̄ܽܘ ܥܰܡܪܳܐ) ܗ̄ܰܥܘܳܢ̈ܰܝܕ̥ܶܗ. ܘܪܳܚܶܝܠ ܓܢܽܒ̥ ܠܰܗ ܗ̄ܰܨّܰܠܡ̈ܶܐ ܕܽܗ̄ܘ ܒܰܒܳܐ. 20ܘܝܰܥܩܽܘܒ ܬܒ̥݄ܪ ܠܶܗ ܠܶܒܶܗ ܕܠܳܒܳܢ ܗ̄ܽܘ ܐܳܪܳܡܳܝܳܐ ܥܰܠ ܕܠܳܐ ܡܰܘܕ̥ܰܥ ܠܶܗ ܠܶܗ ܕܓ݄ܐܙّܶܗ. 21ܘܥܰܪ݄ܩ ܗܺܝّܶܗ ܘܟܘ̇ܠ ܕܟ݄ܬ ܠܶܗ. ܘܩܰܝ݄ܡ ܘܥܰܒ݄ܪ ܗ̄ܽܘ ܢܰܗܪܳܐ، ܘܗܽܒ̥ ܠܶܗ ܦܳܬ̥ܶܗ ܕ݄ܐܙّܶܗ ܠܽܗ̄ܘ ܛܽܘܪܳܐ ܕܓܶܠܥܳܕ.
22ܘܐܡܺܝܪ ܠܠܳܒܳܢ ܒܽܗ̄ܘ ܝܰܘܡܳܐ ܕܰܬܠܳܬ̥ܳܐ ܕܥܰܪ݄ܩ ܝܰܥܩܽܘܒ. 23ܘܡ݄ܕ ܠܶܗ ܗ̄ܰܢ ܐܰܚ̈ܽܘܢܳܢܶܐ ܐܰܥܡܶܗ ܘ݄ܫܕܶܐ ܠܶܗ ܒ݄ܬ̥ܪܶܗ ܗܰܠܟ̥ܳܐ ܕܫܰܒ̥ܥܳܐ ܝܰܘܡ̈ܶܐ، ܘܡܰܛܺܝ ܠܶܗ ܒܽܗ̄ܘ ܛܽܘܪܳܐ ܕܓܶܠܥܳܕ. 24ܘܰܐܬ̥ܺܝ ܐܰܠܳܗܳܐ ܥܰܠ ܠܳܒܳܢ ܗ̄ܽܘ ܐܳܪܳܡܳܝܳܐ ܒܽܗ̄ܘ ܚ݄ܠܡܳܐ ܕܽܗ̄ܘ ܠܰܠܝܳܐ، ܘܐܡ݄ܪ ܠܶܗ ܠܶܗ: ”ܚܙܰܝ ܕܠ݄ܐ ܐܙّܶܗ ܡ݄ܫܓ̥ܳܠܰܬ ܥܰܡ ܝܰܥܩܽܘܒ ܡܶܕܶܐ ܛܳܒ̥ܳܐ ܐܰܘ ܚܰܪܒܳܐ.“ 25ܘܡܰܛܺܝ ܠܳܒܳܢ ܠܝܰܥܩܽܘܒ. ܘܝܰܥܩܽܘܒ ܡܰܚ݄ܬ ܠܶܗ ܗ̄ܽܘ ܡܰܫܟܢܰܝܕ̥ܶܗ ܒܽܗ̄ܘ ܛܽܘܪܳܐ. ܘܠܳܒܳܢ ܣ݄ܡ ܠܶܗ ܡܰܫܪܺܝܬ̥ܳܐ ܥܰܡ ܗ̄ܰܢ ܐܰܚ̈ܽܘܢܳܢܶܐ ܒܽܗ̄ܘ ܛܽܘܪܳܐ ܕܓܶܠܥܳܕ.
26ܘܐܡ݄ܪ ܠܶܗ ܠܳܒܳܢ ܠܝܰܥܩܽܘܒ: ”ܡ݄ܢ ܣ݄ܡ ܠܺܝ ܠܳܟ̥ ܕ݄ܬܒ̥݄ܪ ܠܳܟ̥ ܠܶܒܺܝ ܘܡܰܘܒܶܠ ܠܳܟ̥ ܗ̄ܰܒܢ̈ܳܬ̥ܰܝܕ̥ܺܝ ܐܟ̥ ܕܝܰܣܺܝܪ̈ܶܐ ܕܽܗ̄ܘ ܩܪܳܒܳܐ؟ 27ܠܡ݄ܢ ܒ݄ܓܢܽܒ̥ܢ̈ܶܐ ܥܰܪܺܝܩܰܬ، ܘ݄ܓܢܽܒ̥ ܠܳܟ̥ ܪܽܘܚܳܟ̥ ܡܶܢܺܝ ܘܠܳܐ ܡܰܚܘܶܐ ܠܳܟ̥ ܠܺܝ ܕ݄ܡܫܰܕܰܪܢܳܟ̥ ܒ݄ܦܨܺܝܚܽܘܬ̥ܳܐ ܘܒ݄ܙܡܳܪܳܐ ܘ݄ܒܟܶܢܳܪ̈ܶܐ ܘܒ݄ܦܠܰܓ̈ܶܐ؟ 28ܘܠܳܐ ܛܪܶܐ ܠܳܟ̥ ܕܢܳܫܰܩ ܐ̱ܢܳܐ ܠܰܗ̄ܢ ܐܰܒܢ̈ܰܝܕ̥ܺܝ ܘܠܰܒܢ̈ܳܬ̥ܰܝܕ̥ܺܝ؟ ܐܳܥܕܳܐ ܚܰܛܰܬ ܒܽܗ̄ܘ ܡܶܕܶܐ ܕܣ݄ܡ ܠܳܟ̥. 29ܐܳܬ̥ܝܳܐ ܗ̄ܘܰܐ ܒܺܐܝܕ̥ܺܝ ܕܣܳܝܰܡ ܐ̱ܢܳܐ ܠܟ̥ܽܘ ܚܰܪܒܽܘܬ̥ܳܐ، ܐܶܠܳܐ ܐܰܠܳܗܳܐ ܕܽܗ̄ܘ ܒܰܒܰܬ̥ܟ̥ܽܘ ܒܪܰܡܫ݄ܠ ܐܡ݄ܪ ܠܶܗ ܠܺܝ: ܚܙܰܝ ܕܠ݄ܐ ܐܙّܶܗ ܡ݄ܫܓ̥ܳܠܰܬ ܥܰܡ ܝܰܥܩܽܘܒ ܛܳܒ̥ܳܐ ܐܰܘ ܚܰܪܒܳܐ. 30ܘܳܐܥܕܳܐ ܟܰܐܠܶܗ ܡܰܐܙܠܳܐ ܓܕ݄ܐܙّܳܟ̥ ܥܰܠ ܕܪܶܓܬ̥ܳܐ ܪܰܝ݄ܓ ܠܳܟ̥ ܠܒܰܝܬܶܗ ܕܒܰܒܳܟ̥. ܠܡ݄ܢ ܓܢܽܒ̥ ܠܳܟ̥ ܗ̄ܰܢ ܐܰܠܳܗ̈ܰܝܕ̥ܺܝ؟“
31ܘܡܰܕܥܰܪ ܠܶܗ ܝܰܥܩܽܘܒ ܘܐܡ݄ܪ ܠܶܗ ܠܠܳܒܳܢ: ”ܥܰܠ ܕܙܰܝ݄ܥ ܐ̱ܢܳܐ ܘܐܡ݄ܪ ܠܺܝ ܕܠ݄ܐ ܐܙّܶܗ ܫܳܩܠܰܬ ܗ̄ܰܒܢ̈ܳܬ̥ܰܝܕ̥ܳܟ̥ ܡܶܢܺܝ. 32ܐܶܠܳܐ ܥܰܡ ܡܰܢ ܕܡ݄ܚܙ݄ܢ ܗ̄ܰܢ ܐܰܠܳܗ̈ܰܝܕ̥ܳܟ̥ ܗܰܘܳܐ ܛܪܳܐ ܠܳܐ ܚܳܝܶܐ. ܩ݄ܕ̱ܡ ܐܰܚ̈ܽܘܢܳܢܰܢ ܚܙܰܝ ܘܺܝܕ̥ܰܥ ܗܰܢܺܝ ܕܕܺܝܕ̥ܳܟ̥، ܡ݄ܢ ܟܺܝܬ ܣܺܝܕܺܝ، ܘܡܽܘܕܶܗ ܐܶܠܳܟ̥.“ ܘܝܰܥܩܽܘܒ ܠܰܐ ܐܕ̥݄ܥ ܕܪܳܚܶܝܠ ܓܢܺܝܒ̥ܺܝ ܠܰܗ.
33ܘܥܰܒ݄ܪ ܠܳܒܳܢ ܠܽܗ̄ܘ ܡܰܫܟܢܳܐ ܕܝܰܥܩܽܘܒ ܘܠܽܗ̄ܘ ܡܰܫܟܢܳܐ ܕܠܶܝܳܐ ܘܠܽܗ̄ܘ ܡܰܫܟܢܳܐ ܕܰܬّܰܪܬܶܝ ܓܪ̈ܰܥܝܳܬ̥ܳܐ ܘܠܳܐ ܚܙܶܐ ܠܶܗ ܡܶܕܶܐ. ܘܢܰܦ݄ܩ ܡܽܗ̄ܘ ܡܰܫܟܢܳܐ ܕܠܶܝܳܐ ܘܥܰܒ݄ܪ ܠܽܗ̄ܘ ܡܰܫܟܢܳܐ ܕܪܳܚܶܝܠ. 34ܘܪܳܚܶܝܠ ܡ݄ܕ ܠܰܗ ܗ̄ܰܨّܰܠܡ̈ܶܐ ܘܡܰܚܬܺܝ ܠܰܗ ܬܰܚܬ ܗ̄ܽܘ ܣܰܪܓܳܐ ܕܽܗ̄ܘ ܓܰܡܠܳܐ ܘܝܰܬܺܝܒ̥ܳܐ ܐܰܥܠܰܝّܶܗ. ܘܟܰܪ݄ܟ̥ ܠܳܒܳܢ ܟܽܘܠܶܗ ܗ̄ܽܘ ܡܰܫܟܢܳܐ ܘܠܳܐ ܚܙܶܐ ܠܶܗ. 35ܘܐܡ݄ܪ ܠܰܗ ܪܳܚܶܝܠ ܠܽܗ̄ܘ ܒܰܒܳܐ: ”ܠܳܐ ܥܳܝܰܩ ܠܳܟ̥، ܡܳܪܝ̱، ܡܶܢܺܝ، ܥܰܠ ܕܠܰܝܒܺܝ ܩܰܝܡܳܐ ܐ̱ܢܳܐ ܡܶܢ̱ ܩܽܘܕ̱ܡܳܟ̥ ܥܰܠ ܕܟ݄ܬ ܠܺܝ ܥܝܳܕ̥ܳܐ ܕܰܗ̄ܢ ܢܶܫ̈ܶܐ (ܒܺܗ̄ܝ ܬܶܫ݄ܓ̥ܬܳܐ ܐ̱ܢܳܐ).“ ܘ݄ܡܒܰܥܰܛ ܠܶܗ ܘܠܳܐ ܚܙܶܐ ܠܶܗ ܗ̄ܰܨّܰܠܡ̈ܶܐ.
36ܘ݄ܪܓ̥ܺܝܙ ܝܰܥܩܽܘܒ ܘܩܰܝ݄ܡ ܠܠܳܒܳܢ، ܘܐܡ݄ܪ ܠܶܗ: ”ܡ݄ܢܝܳܐ ܗ̄ܺܝ ܚܰܪܒܽܘܬ̥ܰܝܕ̥ܺܝ ܘܡ݄ܢܝܳܐ ܗ̄ܺܝ ܚܛܺܝܬ̥ܰܝܕ̥ܺܝ ܕ݄ܫܕܶܐ ܠܳܟ̥ ܒ݄ܬ̥ܪܺܝ؟ 37ܟܰܐܠܶܗ ܟܰܪܺܝܟ̥ܰܬ ܒܟܽܘܠّܶܗ ܗ̄ܰܣّܶܦܳܩ̈ܰܝܕ̥ܺܝ، ܡ݄ܢ ܚܙܶܐ ܠܳܟ̥ ܡܰܢ̱ ܣّܶܦܳܩ̈ܶܐ ܟܽܘܠّܶܗ ܕܽܗ̄ܘ ܒܰܝܬܰܝܕ̥ܳܟ̥؟ ܡܰܚܘܰܝ ܗܰܪܟܶܐ ܩ݄ܕ̱ܡ ܐܰܚ̈ܽܘܢܳܢܺܝ ܘܰܐܚ̈ܽܘܢܳܢܳܟ̥ ܘ݄ܛܪܳܐ ܕܰܝܢܺܝ ܒܰܝܢ ܗ̄ܰܬܪܰܝܢܰܐ. 38ܗܰܢܺܝ ܥ݄ܣܪܺܝ ܐ݄ܫܢ̈ܶܐ ܐܰܥܡܳܟ̥ ܐ̱ܢܳܐ. ܗ̄ܰܥܘܳܢ̈ܰܝܕ̥ܳܟ̥ ܘܰܥّܶܙܰܝ̈ܕ̥ܳܟ̥ ܠܳܐ ܩܛܺܝܥܺܝ ܡܶܢ̱ ܕܡܰܘܠܕܺܝ، ܘܰܦّܰܪ̈ܶܐ ܕܰܥܘܳܢ̈ܰܝܕ̥ܳܟ̥ ܠܰܐ ܐܟ̥ܺܝܠ ܠܺܝ. 39ܘܠܳܐ ܛܪܶܐ ܠܺܝ ܕܶܒ̥ܳܐ ܕ݄ܡܩܰܕܰܡّܶܗ، ܐܳܢܳܐ ܢܳܛܰܪ ܗ̄ܘܰܝܢܰܢّܶܗ، ܥܰܠ ܕܡܶܢܺܝ ܕܳܐܒܥܰܬ ܗ̄ܘܰܐ ܠّܶܗ، ܕܡ݄ܓܢܽܒ̥ ܒܺܐܝܡܳܡܳܐ ܐܰܘ ܕܡ݄ܓܢܽܒ̥ ܒܠܰܠܝܳܐ. 40ܗ̄ܽܘ ܚܶܡܳܐ ܐܰܟ̥ܺܝܠ ܠܶܗ ܠܺܝ ܒܺܐܝܡܳܡܳܐ، ܘܽܗ̄ܘ ܓܠܺܝܕ̥ܳܐ ܒܠܰܠܝܳܐ، ܛܰܝܺܝܪܳܐ ܗ̄ܺܝ ܫܰܢܬ̥ܰܝܕ̥ܺܝ ܡܶܢ̱ ܥܰܝܢ̈ܺܝ. 41ܟܰܐܠܶܗ ܗܰܘܺܝ ܠܺܝ ܥ݄ܣܪܺܝ ܐ݄ܫܢ̈ܶܐ ܒܽܗ̄ܘ ܒܰܝܬܰܝܕ̥ܳܟ̥. ܥܒ̥݄ܕ ܠܺܝ ܠܳܟ̥ ܐܰܪܒܰܥܣܰܪ ܐ݄ܫܢ̈ܶܐ ܒܰܬّܰܪܬܶܝ ܒܢ̈ܳܬ̥ܰܝܕ̥ܳܟ̥، ܘܫܶܬ̥ ܐ݄ܫܢ̈ܶܐ ܒܰܥܘܳܢ̈ܰܝܕ̥ܳܟ̥. ܘ݄ܡܚܰܠܰܦ ܠܳܟ̥ ܗ̄ܽܘ ܐܰܓ̥ܪܰܝܕ̥ܺܝ ܥܣܰܪ ܟܳܪ̈ܶܐ. 42ܘ݄ܕܠܳܐ ܗ̄ܘܶܐ ܗ̄ܘܰܐ ܡܰܢ̱ ܐܠܳܗܳܐ ܕܒܰܒܺܝ، ܐܰܠܳܗܳܐ ܕܰܐܒܪܳܗܳܡ، ܘܺܗ̄ܝ ܙܽܘܥܬ̥ܳܐ ܕܺܐܝܣܚܳܩ ܕܠܳܐ ܗ̄ܽܘܝܳܐ ܗ̄ܘܰܐ ܐܰܥܡܺܝ، ܐܳܥܕܳܐ ܣܦܺܝܩܳܐ (ܕܠܳܐ ܡܶܕܶܐ) ܡܫܰܕܪܰܬ ܗ̄ܘܰܝ ܠܺܝ. ܐܶܠܳܐ ܐܰܠܳܗܳܐ ܚܙܶܐ ܠܶܗ ܗ̄ܽܘ ܥܰܡܠܰܝܕ̥ܺܝ ܘܽܗ̄ܘ ܒܛܳܠܰܝܕ̥ܺܝ، ܘܡܰܙ݄ܥ ܠܶܗ ܠܳܟ̥ ܒܪܰܡܫ݄ܠ.“
43ܘܡܰܕܥܰܪ ܠܶܗ ܠܳܒܳܢ ܘܐܡ݄ܪ ܠܶܗ ܠܝܰܥܩܽܘܒ: ”ܗ̄ܰܒܢ̈ܳܬ̥ܳܐ ܗ̄ܰܒܢ̈ܳܬ̥ܰܝܕ̥ܺܝ ܢܶܝ، ܘܰܗ̄ܢ ܐܰܒܢ̈ܶܐ ܗ̄ܰܢ ܐܰܒܢ̈ܰܝܕ̥ܺܝ ܢܶܝ، ܘܰܥܘܳܢ̈ܶܐ ܗ̄ܰܥܘܳܢ̈ܰܝܕ̥ܺܝ ܢܶܝ، ܘܟܘ̇ܠ ܕܟܳܚܳܙܰܬ ܕܺܝܕ̥ܺܝ ܝܳܐ. ܘܠܰܒܢ̈ܳܬ̥ܰܝܕ̥ܺܝ ܗܰܢܺܝ ܡ݄ܢ ܣܳܝܰܡ ܐ̱ܢܳܐ ܐܰܠّܶܗ ܐܰܕܝܰܘܡܰܐ ܐܰܘ ܠܰܗ̄ܢ ܐܰܒܢ̈ܰܬّ̥ܶܗ ܕܡܰܘܠܰܕّ̥ܶܗ؟ 44ܘܳܐܥܕܳܐ ܬܳܟ̥ ܡܰܩܺܝܡܺܝܢܰܐ ܩܝܳܡܳܐ ܐܳܢܳܐ ܘܗܰܬ، ܘ݄ܓܕܳܗ̄ܘܶܐ ܣܳܗܕܳܐ ܒܰܝܢ ܐܶܠܺܝ ܘܶܐܠܳܟ̥.“
45ܘܡ݄ܕ ܠܶܗ ܝܰܥܩܽܘܒ ܟܶܐܦܳܐ ܘܡܰܩܺܝܡܳܐ ܠܶܗ ܩܳܝܶܡܬܳܐ. 46ܘܐܡ݄ܪ ܠܶܗ ܝܰܥܩܽܘܒ ܠܰܗ̄ܢ ܐܰܚ̈ܽܘܢܳܢܰܝܕ̥ܶܗ: ”ܡܰܠܬܶܡܽܘ ܟܶܐܦ̈ܶܐ.“ ܘܡ݄ܕّܶܗ ܟܶܐܦ̈ܶܐ ܘܣ݄ܡّܶܗ ܟܳܫܺܝܬ̥ܳܐ (ܝܰܓܪܳܐ). ܘܰܐܟ̥݄ܠّܶܗ ܬܰܡܳܐ ܥܰܠ ܗ̄ܺܝ ܟܳܫܺܝܬ̥ܳܐ (ܝܰܓܪܳܐ). 47ܘܠܳܒܳܢ ܩܪܶܐ ܠܶܗ ܐ݄ܫܡܶܗ ”ܝܰܓܪܳܐ ܕܣܳܗܕܽܘܬ̥ܳܐ.“ ܘܝܰܥܩܽܘܒ ܩܪܶܐ ܠܶܗ ”ܓܶܠܥܳܕ.“ 48ܘܐܡ݄ܪ ܠܶܗ ܠܳܒܳܢ: ”ܗ̄ܽܘ ܝܰܓܪܰܢܳܐ ܣܳܗ݄ܕ ܒܰܝܢ ܐܶܠܺܝ ܘܶܐܠܳܟ̥ ܐܰܕܝܰܘܡܰܐ.“ ܡܰܗ̄ܘܟ̥ܰܐ ܩܪܶܐ ܐ݄ܫܡܶܗ ”ܓܶܠܥܳܕ“ 49”ܘܚܰܙܳܝܳܐ،“ ܡܺܐܝܕ̥ܶܗ ܕܐܡ݄ܪ ܠܶܗ: ”ܕܚܳܙܶܐ ܡܳܪܝܳܐ ܒܰܝܢ ܐܶܠܺܝ ܘܶܐܠܳܟ̥ ܥܰܠ ܕ݄ܓܡ݄ܦܪܳܫܺܝܢܰܐ ܚܰܕ̱ ܡܽܗ̄ܘ ܐܰܚܽܘܢܳܐ. 50ܐܶܢ ܕ݄ܡܨܰܥܪܰܬ ܠܰܒܢ̈ܳܬ̥ܰܝܕ̥ܺܝ، ܘܶܐܢ ܕܡܰܝܕܰܬ ܢܶܫ̈ܶܐ ܥܰܠ ܗ̄ܰܒܢ̈ܳܬ̥ܰܝܕ̥ܺܝ. ܠܰܝܬ ܢܳܫܳܐ ܐܰܥܡܰܢ، ܚܙܰܝ، ܕܰܐܠܳܗܳܐ ܟܳܣܳܗ݄ܕ ܒܰܝܢ ܐܶܠܺܝ ܘܶܐܠܳܟ̥.“ 51ܘܐܡ݄ܪ ܠܶܗ ܠܳܒܳܢ ܠܝܰܥܩܽܘܒ: ”ܟܰܐܠܶܗ ܗ̄ܽܘ ܝܰܓܪܰܢܳܐ، ܘܟܰܐܠܰܗ ܗ̄ܺܝ ܩܳܝܶܡܬܰܬ̥ܶܐ ܕܡܰܩ݄ܡ ܠܺܝ ܒܰܝܢ ܐܶܠܺܝ ܘܶܐܠܳܟ̥. 52ܟܳܣܳܗ݄ܕ ܗ̄ܽܘ ܝܰܓܪܰܢܳܐ ܘܟܳܣܳܗܕܳܐ ܗ̄ܺܝ ܩܳܝܶܡܬܰܬ̥ܶܐ ܕܳܐܢܳܐ ܠܳܐ ܥܳܒܰܪ ܐ̱ܢܳܐ ܥܰܠ ܗ̄ܽܘ ܝܰܓܪܰܢܳܐ، ܘܗܰܬ ܣܬܶܝ ܕܠܳܐ ܥܳܒܪܰܬ ܐܰܥܠܺܝ ܗ̄ܽܘ ܝܰܓܪܰܢܳܐ ܘܺܗ̄ܝ ܩܳܝܶܡܬܰܬ̥ܶܐ ܠܡܶܕܶܐ ܒܺܝܫܳܐ. 53ܐܰܠܳܗܳܐ ܕܰܐܒܪܳܗܳܡ ܘܰܐܠܳܗܳܐ ܕܢܳܚܽܘܪ ܛܪܳܐ ܕܳܝ݄ܢ ܒܰܝܢܳܬ̥ܰܢ، ܐܰܠܳܗܳܐ ܕܰܒّܰܒܳܢ̈ܰܝܕ̥ܰܢ.“ ܘܺܝܡܶܐ ܠܶܗ ܝܰܥܩܽܘܒ ܒܺܗ̄ܝ ܙܽܘܥܬ̥ܳܐ ܕܽܗ̄ܘ ܒܰܒܰܝܕ̥ܶܗ ܐܺܝܣܚܳܩ. 54ܘ݄ܕܒ݄ܚ ܠܶܗ ܝܰܥܩܽܘܒ ܕܶܒܚܬ̥ܳܐ ܒܽܗ̄ܘ ܛܽܘܪܳܐ، ܘ݄ܩܪܶܐ ܠܶܗ ܠܰܗ̄ܢ ܐܰܚ̈ܽܘܢܳܢܶܐ ܕܳܐܟ̥ܠܺܝ ܠܰܚܡܳܐ. ܘܰܐܟ̥݄ܠّܶܗ ܠܰܚܡܳܐ ܘܕܰܡܺܝܟ̥ܺܝ ܗ̄ܽܘ ܠܰܠܝܳܐ ܒܽܗ̄ܘ ܛܽܘܪܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation