ܣܶܦܪܳܐ ܕ݄ܒܪܺܝܬ̥ܳܐ 30
30
1ܘ݄ܚܙܶܐ ܠܰܗ ܪܳܚܶܝܠ ܕܠ݄ܐ ܓܡܰܘܠܕܳܐ ܠܝܰܥܩܽܘܒ، ܘ݄ܚܣ݄ܡ ܠܰܗ ܒܺܗ̄ܝ ܚܳܬ̥ܳܐ، ܘܐܡ݄ܪ ܠܰܗ ܠܝܰܥܩܽܘܒ: ”ܗܰܒ̥ ܠܺܝ ܐܰܒܢ̈ܶܐ ܘܶܐܠܳܐ ܓܡܰܝܬ̥ܳܐ ܐ̱ܢܳܐ.“ 2ܘܚܰܝ݄ܡ ܗ̄ܽܘ ܪܽܘܓ̥ܙܳܐ ܕܝܰܥܩܽܘܒ ܥܰܠ ܪܳܚܶܝܠ، ܘܐܡ݄ܪ ܠܶܗ ܠܰܗ: ”ܩܰܝ ܡܶܢ̱ ܚܠܳܦ ܐܰܠܳܗܳܐ ܐ̱ܢܳܐ ܕܡܰܟܠܶܐ ܠܶܗ ܡܶܢܰܟ̥ ܗ̄ܰܦّܺܐܪ̈ܶܐ ܕܽܗ̄ܘ ܟܰܪܣܳܐ؟“ 3ܘܐܡ݄ܪ ܠܰܗ ܠܶܗ: ”ܟܰܐܠܰܗ ܗ̄ܺܝ ܓܪܰܥܬܰܝܕ̥ܺܝ ܒܰܠܗܳܐ، ܥܒܰܪ ܐܰܥܠܰܗ، ܘ݄ܕܡܰܘܠܕܳܐ ܥܰܠ ܒܰܪ̈ܟܳܬ̥ܺܝ، ܘܡܺܝܗܰܢܝܳܐ ܐ̱ܢܳܐ ܐܳܢܳܐ ܣܬܶܝ ܡܶܢܰܗ.“ 4ܘܗܽܒ̥ ܠܰܗ ܠܶܗ ܒܰܠܗܳܐ ܗ̄ܺܝ ܓܪܰܥܬܰܝܕ̥ܰܗ ܐܰܢ̱ܬ̥ܬܳܐ، ܘܥܰܒ݄ܪ ܐܰܥܠܰܗ. 5ܘ݄ܒܛܺܝܢܳܐ ܒܰܠܗܳܐ ܘܡܰܘܠܰܕ ܠܰܗ ܠܝܰܥܩܽܘܒ ܐܰܒܪܳܐ. 6ܘܐܡ݄ܪ ܠܰܗ ܪܳܚܶܝܠ: ”ܕ݄ܢ ܠܶܗ ܠܺܝ ܐܰܠܳܗܳܐ ܘܫܰܡ݄ܥ ܠܺܝ، ܘܗܽܒ̥ ܠܶܗ ܠܺܝ ܐܰܒܪܳܐ.“ ܡܰܗ̄ܘܟ̥ܰܐ ܩܪܶܐ ܠܰܗ ܐ݄ܫܡܶܗ ܕܳܢ. 7ܘܢܰܩܠܐ ܚܪܶܬܳܐ ܒܛܺܝܢܳܐ ܒܰܠܗܳܐ ܗ̄ܺܝ ܓܪܰܥܬܳܐ ܕܪܳܚܶܝܠ، ܘܡܰܘܠܰܕ ܠܰܗ ܐܰܒܪܳܐ ܚܪܶܢܳܐ ܠܝܰܥܩܽܘܒ. 8ܘܐܡ݄ܪ ܠܰܗ ܪܳܚܶܝܠ: ”ܐܰܒܺܝܥܳܐ ܐ̱ܢܳܐ ܡܶܢ̱ ܡܳܪܝܳܐ، ܘ݄ܡܨܰܠܶܐ ܠܺܝ ܥܰܡ ܚܳܬ̥ܺܝ، ܘ݄ܚܙܶܐ ܠܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܢܰܦܬܳܠܺܝ.
9ܘ݄ܚܙܶܐ ܠܰܗ ܠܶܝܰܐ ܕܟܰܠܝܳܐ ܡܽܗ̄ܘ ܒܛܳܢܳܐ. ܘܡ݄ܕ ܠܰܗ ܠܙܶܠܦܳܐ ܗ̄ܺܝ ܓܪܰܥܬܰܝܕ̥ܰܗ ܘܗܺܝܒ̥ܳܐ ܠܰܗ ܐܰܢ̱ܬ̥ܬܳܐ ܠܝܰܥܩܽܘܒ. 10ܘܡܰܘܠܰܕ ܠܰܗ ܙܶܠܦܳܐ ܗ̄ܺܝ ܓܪܰܥܬܳܐ ܕܠܶܝܳܐ ܠܝܰܥܩܽܘܒ ܐܰܒܪܳܐ. 11ܘܐܡ݄ܪ ܠܰܗ ܠܶܝܰܐ: ”ܐܰܬ̥ܺܝ ܗ̄ܽܘ ܓܰܕܰܝܕ̥ܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܓܳܕ. 12ܘܡܰܘܠܰܕ ܠܰܗ ܙܶܠܦܳܐ ܗ̄ܺܝ ܓܪܰܥܬܳܐ ܕܠܶܝܳܐ ܗ̄ܽܘ ܐܰܒܪܳܐ ܕܰܬܪܶܝ ܠܝܰܥܩܽܘܒ. 13ܘܐܡ݄ܪ ܠܰܗ ܠܶܝܰܐ: ”ܒܺܗ̄ܝ ܦܨܺܝܚܽܘܬ̥ܰܝܕ̥ܺܝ ܗ̄ܰܒܢ̈ܳܬ̥ܳܐ ܡܫܰܒܰܚّܰܗ ܠܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܐܳܫܺܝܪ (ܬܶܫܒܽܘܚܬܳܐ).
14ܘܰܐܙّܶܗ ܪܽܘܒܶܝܠ ܒܰܝّܰܘܡ̈ܶܐ ܕܽܗ̄ܘ ܚܨܳܕܳܐ ܕܰܚّܶܛ̈ܶܐ ܘ݄ܚܙܶܐ ܠܶܗ ܝܰܒܪ̈ܽܘܚܶܐ (ܚܰܒܽܘܫ̈ܶܐ ܕܺܗ̄ܝ ܐܰܪܥܳܐ) ܒܺܗ̄ܝ ܚܰܩܠܳܐ، ܘܡܰܝܬܶܐ ܠܶܗ ܠܠܶܝܰܐ ܗ̄ܺܝ ܐܶܡܳܐ. ܘܐܡ݄ܪ ܠܰܗ ܪܳܚܶܝܠ ܠܠܶܝܰܐ: ”ܗܰܒ̥ ܠܺܝ ܡܰܢ̱ ܝܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܰܟ̥.“ 15ܘܠܶܝܰܐ ܐܡ݄ܪ ܠܰܗ: ”ܠܳܐ ܒܰܣ ܠܰܟ̥ ܝܳܐ ܕܡ݄ܕ ܠܰܟ̥ ܗ̄ܽܘ ܓܰܒ̥ܪܰܝܕ̥ܺܝ، ܘܳܐܥܕܳܐ ܓܡܰܝܕܰܬ ܗ̄ܰܝّܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܺܝ ܣܬܶܝ.“ ܘܐܡ݄ܪ ܠܰܗ ܪܳܚܶܝܠ: ”ܛܪܳܐ ܒܽܗ̄ܘ ܠܰܠܝܰܢܳܐ ܕܳܡ݄ܟ̥ ܐܰܥܡܰܟ̥ ܡܶܢ̱ ܚܠܳܦ ܕܰܝّܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܰܟ̥.“ 16ܘܰܐܬ̥ܺܝ ܝܰܥܩܽܘܒ ܡܺܗ̄ܝ ܚܰܩܠܳܐ ܒ݄ܓܢܰܝܬܶܗ ܕܝܰܘܡܳܐ. ܘܢܰܦܺܝܩܳܐ ܠܶܝܰܐ ܠܩܰܕ̱ܡܽܘܬ̥ܶܗ ܘܐܡ݄ܪ ܠܰܗ: ”ܠܣܺܝܕܺܝ ܓܥܳܒܪܰܬ ܥܰܠ ܕܺܝܓܳܪܳܐ ܝܺܓ݄ܪ ܠܺܝ ܠܳܟ̥ ܒܰܝّܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܺܝ.“ ܘܕܰܡ݄ܟ̥ ܐܰܥܡܰܗ ܒܽܗ̄ܘ ܠܰܠܝܰܘܳܐ. 17ܘܰܐܠܳܗܳܐ ܫܰܡ݄ܥ ܠܠܶܝܰܐ. ܘ݄ܒܛܺܝܢܳܐ، ܘܡܰܘܠܰܕ ܠܰܗ ܠܝܰܥܩܽܘܒ ܗ̄ܽܘ ܐܰܒܪܳܐ ܕܰܚّܰܡܫܳܐ. 18ܘܐܡ݄ܪ ܠܰܗ ܠܶܝܰܐ: ”ܗܽܒ̥ ܠܶܗ ܠܺܝ ܐܰܠܳܗܳܐ ܗ̄ܽܘ ܐܰܓ̥ܪܰܝܕ̥ܺܝ ܥܰܠ ܕܗܽܒ̥ ܠܺܝ ܗ̄ܺܝ ܓܪܰܥܬܰܝܕ̥ܺܝ ܠܽܗ̄ܘ ܓܰܒ̥ܪܰܝܕ̥ܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܐܺܝܣܳܟܳܪ. 19ܘܢܰܩܠܐ ܚܪܶܬܳܐ ܒܛܺܝܢܳܐ ܠܶܝܰܐ، ܘܡܰܘܠܰܕ ܠܰܗ ܐܰܒܪܳܐ ܕܰܗ̄ܢ ܐ݄ܫܬܳܐ ܠܝܰܥܩܽܘܒ. 20ܘܐܡ݄ܪ ܠܰܗ ܠܶܝܰܐ: ”ܗܽܒ̥ ܠܶܗ ܠܺܝ ܐܰܠܳܗܳܐ ܡܰܘܗܰܒܬ̥ܳܐ ܛܰܒ̥ܬܳܐ، ܗܶܕܺܝ ܓܕܳܗ̄ܘܶܐ ܠܶܒܶܗ ܕܽܗ̄ܘ ܓܰܒ̥ܪܰܝܕ̥ܺܝ ܐܰܥܡܺܝ ܥܰܠ ܕܡܰܘܠܰܕ ܠܺܝ ܠܶܗ ܐ݄ܫܬܳܐ ܐܰܒܢ̈ܶܐ.“ ܘ݄ܩܪܶܐ ܠܰܗ ܐ݄ܫܡܶܗ ܙܒܳܘܠܽܘܢ. 21ܘܒ݄ܬ̥݄ܪܟܶܐ ܡܰܘܠܰܕ ܠܰܗ ܒܰܪܬ̥ܳܐ ܘ݄ܩܪܶܐ ܠܰܗ ܐ݄ܫܡܰܗ ܕܺܝܢܳܐ. 22ܘ݄ܕ̥ܟ݄ܪ ܠܶܗ ܐܰܠܳܗܳܐ ܠܪܳܚܶܝܠ ܘܫܰܡ݄ܥ ܠܰܗ، ܘ݄ܦܬ݄ܚ ܠܶܗ ܟܰܪܣܰܗ. 23ܘ݄ܛܥܺܝܢܳܐ، ܘܡܰܘܠܰܕ ܠܰܗ ܐܰܒܪܳܐ ܘܐܡ݄ܪ ܠܰܗ: ”ܡܰܫܦ̊ܰܥ ܠܶܗ ܐܰܠܳܗܳܐ ܗ̄ܽܘ ܥܰܝܒܰܝܕ̥ܺܝ.“ 24ܘ݄ܩܪܶܐ ܠܰܗ ܐ݄ܫܡܶܗ ܝܰܘܣܶܦ ܘܐܡ݄ܪ ܠܰܗ: ”ܐܰܠܳܗܳܐ ܡܰܙ݄ܕ ܠܺܝ ܐܰܒܪܳܐ ܚܪܶܢܳܐ.“
25ܘܺܗ̄ܝ ܢܰܩܠܐ ܕܡܰܘܠܰܕ ܠܰܗ ܪܳܚܶܝܠ ܠܝܰܘܣܶܦ ܐܡ݄ܪ ܠܶܗ ܝܰܥܩܽܘܒ ܠܠܳܒܳܢ: ”ܡܫܰܕ݄ܪ ܠܺܝ ܕ݄ܐܙّܺܝ ܠܽܗ̄ܘ ܐܰܬ̥ܪܰܝܕ̥ܺܝ ܘܠܺܗ̄ܝ ܐܰܪܥܰܝܕ̥ܺܝ. 26ܗܰܒ̥ ܠܺܝ ܗ̄ܰܢ ܢܶܫ̈ܰܝܕ̥ܺܝ ܘܰܗ̄ܢ ܐܰܒܢ̈ܰܝܕ̥ܺܝ ܕ݄ܥܒ̥݄ܕ ܠܺܝ ܠܳܟ̥ ܐܰܒّܶܗ، ܘ݄ܓܕ݄ܐܙّܺܝ، ܥܰܠ ܕܟ݄ܐܕ̥ܥܰܬ ܗ̄ܽܘ ܥܒ̥ܳܕܳܐ ܕ݄ܥܒ̥݄ܕ ܠܺܝ ܓܰܒܳܟ̥.“ 27ܘܐܡ݄ܪ ܠܶܗ ܠܳܒܳܢ ܠܝܰܥܩܽܘܒ: ”ܐܶܢ ܚܙܶܐ ܠܺܝ ܪ̈ܰܚܡܶܐ ܒܥܰܝܢ̈ܳܬ̥ܳܟ̥ (ܦܘ̇ܫ ܓܰܒܺܝ)، ܡܢܰܣܶܐ ܠܺܝ ܘ݄ܡܒܰܪܰܟ̥ ܠܶܗ ܠܺܝ ܐܰܠܳܗܳܐ ܡܶܢ̱ ܦܳܬ̥ܳܟ̥.“ 28ܘܐܡ݄ܪ ܠܶܗ: ”ܡܰܚ݄ܬ ܗ̄ܽܘ ܐܰܓ̥ܪܰܝܕ̥ܳܟ̥ ܐܰܥܠܺܝ ܘ݄ܓܕܳܗ̄ܒܶܢܳܟ̥.“ 29ܝܰܥܩܽܘܒ ܐܡ݄ܪ ܠܶܗ: ”ܗܰܬ ܟ݄ܐܕ̥ܥܰܬ ܗ̄ܽܘ ܥܒ̥ܳܕܳܐ ܕ݄ܥܒ̥݄ܕ ܠܺܝ ܐܶܠܳܟ̥، ܘܡ݄ܩܰܐ ܗܰܘ݄ܢ ܗ̄ܰܩّܶܢܝܳܢ̈ܰܝܕ̥ܳܟ̥ ܐܰܥܡܺܝ. 30ܥܰܠ ܕ݄ܐܫܡܳܐ ܟ݄ܬ ܗ̄ܘܰܝ ܠܳܟ̥ ܡܶܩ݄ܕ̱ܡ ܡܶܢܺܝ، ܘܓ̥ܰܠܰܒܶܐ ܙܰܝ݄ܕ، ܘܡܳܪܝܳܐ ܡܒܰܪܰܟ̥ ܠܶܗ ܠܳܟ̥ ܠܰܫܰܢܺܝ، ܘܳܐܥܕܳܐ ܡ݄ܢ ܓܣܳܝܰܡ ܐ̱ܢܳܐ ܐܳܢܳܐ ܣܬܶܝ ܠܽܗ̄ܘ ܒܰܝܬܰܝܕ̥ܺܝ؟“ 31ܐܡ݄ܪ ܠܶܗ ܠܳܒܳܢ: ”ܡ݄ܢ ܗ̄ܳܒܶܢܳܟ̥؟“ ܝܰܥܩܽܘܒ ܐܡ݄ܪ ܠܶܗ: ”ܠܳܐ ܗ̄ܒܰܬ ܠܺܝ ܡܶܕܶܐ، ܐܶܢ ܕܣܰܝܡܰܬ ܠܺܝ ܗ̄ܽܘ ܡܰܐܡܪܰܢܳܐ ܕܳܐܡܰܪ ܐ̱ܢܳܐ ܠܳܟ̥، ܓܕܳܥܰܪ ܐ̱ܢܳܐ ܡܰܪܥܶܐ ܐ̱ܢܳܐ ܗ̄ܰܥܘܳܢ̈ܰܝܕ̥ܳܟ̥ ܘܢܳܛܰܪܢܰܢّܶܗ. 32ܐܰܕܝܰܘܡܰܐ ܓܥܳܒܰܪ ܐ̱ܢܳܐ ܒܰܝܢ ܟܽܘܠّܶܗ ܗ̄ܰܥܘܳܢ̈ܰܝܕ̥ܳܟ̥، ܘ݄ܓܦܳܪܰܫ ܐ̱ܢܳܐ ܠܺܝ ܡܶܢ̱ ܬܰܡܳܐ ܟܘ̇ܠ ܦܰܪܳܐ ܩܰܪܚܳܐ (ܕܠܳܐ ܩܰܪ̈ܢܶܐ) ܘܟܘ̇ܠ ܦܰܪܳܐ ܡܢܰܩܛܳܐ (ܥܰܠ ܓܽܘܫܡܶܗ ܢܽܘܩ̈ܛܶܐ)، ܘܟܘ̇ܠ ܦܰܪܳܐ ܕܟܺܝܒܶܗ ܢܽܘܩ̈ܛܶܐ ܟܳܡܳܐ ܒܽܗ̄ܘ ܚܶܘܳܪܳܐ، ܘܟܘ̇ܠ ܥܶܙܳܐ ܕܟ݄ܬ ܝܳܐ ܕܠܳܐ ܩܰܪ̈ܢܶܐ ܘ݄ܡܢܰܩܛܳܐ، ܛܪܳܐ ܗ̄ܘܶܐ ܗ̄ܽܘ ܐܰܓ̥ܪܰܝܕ̥ܺܝ. 33ܘ݄ܓܣܳܗܕܳܐ ܐܰܥܠܺܝ ܗ̄ܺܝ ܙܰܕܺܝܩܽܘܬ̥ܰܝܕ̥ܺܝ ܐܟ̥ ܕܰܐܕܝܰܘܡܰܐ، ܕܪܰܡܚ݄ܠ ܗ̄ܺܝ ܢܰܩܠܐ ܕܥܳܒܪܰܬ ܥܰܠ ܗ̄ܽܘ ܐܰܓ̥ܪܰܝܕ̥ܺܝ ܩܽܘܕ̱ܡܳܟ̥، ܟܘ̇ܠ ܥܶܙܳܐ ܕܠܰܝ̱ܬ ܠܰܗ ܩܰܪ̈ܢܶܐ ܐܰܘ ܡܢܰܩܰܛܬܳܐ، (ܘܟܘ̇ܠ ܦܰܪܳܐ) ܕܠܰܝ̱ܬ ܝܳܐ ܒܢܽܘܩ̈ܛܶܐ ܟܳܡ̈ܶܐ ܒܽܗ̄ܘ ܚܶܘܳܪܳܐ، ܓܢܺܝܒ̥ܳܐ ܝܳܐ ܓܰܒܺܝ.“ 34ܐܡ݄ܪ ܠܶܗ ܠܶܗ ܠܳܒܳܢ: ”ܐܺܝܢ ܛܪܳܐ ܗܳܘܶܐ ܐܟ̥ ܕܽܗ̄ܘ ܡܰܐܡܪܰܝܕ̥ܳܟ̥.“ 35ܘ݄ܦܪ݄ܫ ܠܶܗ ܒܽܗ̄ܘ ܝܰܘܡܰܘܳܐ ܗ̄ܰܬّܰܝܫ̈ܶܐ ܩܰܪ̈ܚܶܐ (ܕܠܳܐ ܩܰܪ̈ܢܶܐ) ܘܰܡܢܰܩ̈ܛܶܐ ܘܟܽܘܠّܶܗ ܗ̄ܰܥّܶܙ̈ܶܐ ܕܠܳܐ ܩܰܪ̈ܢܶܐ ܘܰܡܢܰܩ̈ܛܶܐ، ܘܟܘ̇ܠ ܚܰܕ̱ ܟܳܡܳܐ ܕܟܺܝܒܶܗ (ܢܽܘܩ̈ܛܶܐ) ܚܶܘܳܪ̈ܶܐ، ܘܟܘ̇ܠ ܚܰܕ̱ ܚܶܘܳܪܳܐ ܕܟܺܝܒܶܗ ܢܽܘܩ̈ܛܶܐ ܟܳܡ̈ܶܐ، ܘܗܺܝܒ̥ܺܝ ܠܶܗ ܒܺܐܝܕ̥ܶܗ ܕܰܗ̄ܢ ܐܰܒܢ̈ܰܝܕ̥ܶܗ. 36ܘܰܐܙّܶܗ ܪܰܚ݄ܩ ܡܶܢ̱ ܠܳܒܳܢ ܗܰܠܟ̥ܳܐ ܕ݄ܬܠܳܬ̥ܳܐ ܝܰܘܡ̈ܶܐ. ܘܝܰܥܩܽܘܒ ܡܰܪܥܶܐ ܗ̄ܘܰܐ ܗ̄ܰܥܘܳܢ̈ܶܐ ܕܠܳܒܳܢ ܗܰܢܺܝ ܕܦܰܝܺܝܫܺܝ.
37ܘܡ݄ܕ ܠܶܗ ܝܰܥܩܽܘܒ ܪ̈ܰܘܛܶܐ ܚܶܘܳܪ̈ܶܐ ܘܬܰܠܺܝ̈ܠܶܐ ܕܠܽܘܙܳܐ ܘ݄ܕܕܽܘܠܒܳܐ، ܘ݄ܩܠ݄ܦ ܠܶܗ ܐܰܒّܶܗ ܩܠܳܦ̈ܶܐ ܚܶܘܳܪ̈ܶܐ، ܘܡܰܘܦܰܩ ܠܶܗ ܗ̄ܽܘ ܚܶܘܳܪܳܐ ܕܒܰܚّܰܛܪ̈ܳܬ̥ܳܐ. 38ܘܡܰܩ݄ܡ ܠܶܗ ܗ̄ܰܚّܰܛܪ̈ܳܬ̥ܳܐ ܕ݄ܩܠܺܝܦܺܝ ܠܶܗ ܒܰܡّܰܝ̈ܶܐ، ܒܺܗ̄ܝ ܕܽܘܟܬ̥ܳܐ ܕܟܳܐܬ̥݄ܢ ܗ̄ܰܥܘܳܢ̈ܶܐ ܕܫܳܬ݄ܢ، ܡܩܰܒ݄ܠ ܕܰܥܘܳܢ̈ܶܐ. ܘ݄ܟܫܳܚܢܺܝ ܡ݄ܐ ܕܰܐܬ̥݄ܢ ܠܽܗ̄ܘ ܫܬܳܝܳܐ. 39ܘ݄ܟܫܳܚܢܺܝ ܗ̄ܰܥܘܳܢ̈ܶܐ ܥܰܠ ܗ̄ܰܪّܰܘ̈ܛܶܐ، ܘ݄ܟܡܰܘܠܕܺܝ ܥܘܳܢ̈ܶܐ ܩܰܪ̈ܚܶܐ ܘ݄ܡܢܰܩ̈ܛܶܐ. 40ܘ݄ܦܪ݄ܫ ܠܶܗ ܝܰܥܩܽܘܒ ܗ̄ܰܥܘܳܢ̈ܶܐ ܩܰܪ̈ܚܶܐ ܘܰܡܢܰܩ̈ܛܶܐ ܘܰܟّܳܡ̈ܶܐ ܕܗܰܘ݄ܢ ܡܰܢ̱ ܥܘܳܢ̈ܶܐ ܕܠܳܒܳܢ، ܘܣ݄ܡ ܠܶܗ ܠܶܗ ܩܰܛܥܳܐ ܠܪܽܘܚܶܗ. ܘܠܳܐ ܚܠܺܝܛܺܝ ܠܶܗ ܒܰܥܘܳܢ̈ܶܐ ܕܠܳܒܳܢ. 41ܘܟܘ̇ܠ ܫܰܢ̱ܬܳܐ ܕܫܳܚܢܺܝ ܗ̄ܘܰܘ̱ ܗ̄ܰܥܘܳܢ̈ܶܐ ܩܰܕ̱ܡܳܝ̈ܶܐ، ܡܰܚܰܬ ܗ̄ܘܰܐ ܝܰܥܩܽܘܒ ܗ̄ܰܚّܰܛܪ̈ܳܬ̥ܳܐ ܩ݄ܕ̱ܡ ܗ̄ܰܥܘܳܢ̈ܶܐ ܒܰܡّܰܝ̈ܶܐ ܠܰܫܰܢ ܫܳܚܢܺܝ ܡܰܢ̱ ܪّܰܘ̈ܛܶܐ. 42ܘܠܳܐ ܡܰܚܰܬ ܗ̄ܘܰܐ ܩ݄ܕ̱ܡ ܗ̄ܰܥܘܳܢ̈ܶܐ ܚܰܪ̈ܳܝܶܐ. ܘܗܳܘ݄ܢ ܗ̄ܰܚّܰܪ̈ܳܝܶܐ ܠܠܳܒܳܢ ܘܰܩّܰܕ̱ܡܳܝ̈ܶܐ ܠܝܰܥܩܽܘܒ. 43ܘܽܗ̄ܘ ܓܰܒ̥ܪܳܐ ܗܰܘܺܝ ܥܰܬܺܝܪܳܐ ܓ̥ܰܠܰܒܶܐ ܓ̥ܰܠܰܒܶܐ، ܘܗܰܘܺܝ ܠܶܗ ܥܘܳܢ̈ܶܐ ܓ̥ܰܠܰܒܶܐ، ܘ݄ܓܪ̈ܶܝܥܶܐ ܘ݄ܓܪ̈ܰܥܝܳܬ̥ܳܐ، ܘ݄ܚܡ݄ܪ̈ܝܳܬ̥ܳܐ ܘܓܰܡ̈ܠܶܐ ܘ݄ܚܡܳܪ̈ܶܐ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 30: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 30
30
1ܘ݄ܚܙܶܐ ܠܰܗ ܪܳܚܶܝܠ ܕܠ݄ܐ ܓܡܰܘܠܕܳܐ ܠܝܰܥܩܽܘܒ، ܘ݄ܚܣ݄ܡ ܠܰܗ ܒܺܗ̄ܝ ܚܳܬ̥ܳܐ، ܘܐܡ݄ܪ ܠܰܗ ܠܝܰܥܩܽܘܒ: ”ܗܰܒ̥ ܠܺܝ ܐܰܒܢ̈ܶܐ ܘܶܐܠܳܐ ܓܡܰܝܬ̥ܳܐ ܐ̱ܢܳܐ.“ 2ܘܚܰܝ݄ܡ ܗ̄ܽܘ ܪܽܘܓ̥ܙܳܐ ܕܝܰܥܩܽܘܒ ܥܰܠ ܪܳܚܶܝܠ، ܘܐܡ݄ܪ ܠܶܗ ܠܰܗ: ”ܩܰܝ ܡܶܢ̱ ܚܠܳܦ ܐܰܠܳܗܳܐ ܐ̱ܢܳܐ ܕܡܰܟܠܶܐ ܠܶܗ ܡܶܢܰܟ̥ ܗ̄ܰܦّܺܐܪ̈ܶܐ ܕܽܗ̄ܘ ܟܰܪܣܳܐ؟“ 3ܘܐܡ݄ܪ ܠܰܗ ܠܶܗ: ”ܟܰܐܠܰܗ ܗ̄ܺܝ ܓܪܰܥܬܰܝܕ̥ܺܝ ܒܰܠܗܳܐ، ܥܒܰܪ ܐܰܥܠܰܗ، ܘ݄ܕܡܰܘܠܕܳܐ ܥܰܠ ܒܰܪ̈ܟܳܬ̥ܺܝ، ܘܡܺܝܗܰܢܝܳܐ ܐ̱ܢܳܐ ܐܳܢܳܐ ܣܬܶܝ ܡܶܢܰܗ.“ 4ܘܗܽܒ̥ ܠܰܗ ܠܶܗ ܒܰܠܗܳܐ ܗ̄ܺܝ ܓܪܰܥܬܰܝܕ̥ܰܗ ܐܰܢ̱ܬ̥ܬܳܐ، ܘܥܰܒ݄ܪ ܐܰܥܠܰܗ. 5ܘ݄ܒܛܺܝܢܳܐ ܒܰܠܗܳܐ ܘܡܰܘܠܰܕ ܠܰܗ ܠܝܰܥܩܽܘܒ ܐܰܒܪܳܐ. 6ܘܐܡ݄ܪ ܠܰܗ ܪܳܚܶܝܠ: ”ܕ݄ܢ ܠܶܗ ܠܺܝ ܐܰܠܳܗܳܐ ܘܫܰܡ݄ܥ ܠܺܝ، ܘܗܽܒ̥ ܠܶܗ ܠܺܝ ܐܰܒܪܳܐ.“ ܡܰܗ̄ܘܟ̥ܰܐ ܩܪܶܐ ܠܰܗ ܐ݄ܫܡܶܗ ܕܳܢ. 7ܘܢܰܩܠܐ ܚܪܶܬܳܐ ܒܛܺܝܢܳܐ ܒܰܠܗܳܐ ܗ̄ܺܝ ܓܪܰܥܬܳܐ ܕܪܳܚܶܝܠ، ܘܡܰܘܠܰܕ ܠܰܗ ܐܰܒܪܳܐ ܚܪܶܢܳܐ ܠܝܰܥܩܽܘܒ. 8ܘܐܡ݄ܪ ܠܰܗ ܪܳܚܶܝܠ: ”ܐܰܒܺܝܥܳܐ ܐ̱ܢܳܐ ܡܶܢ̱ ܡܳܪܝܳܐ، ܘ݄ܡܨܰܠܶܐ ܠܺܝ ܥܰܡ ܚܳܬ̥ܺܝ، ܘ݄ܚܙܶܐ ܠܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܢܰܦܬܳܠܺܝ.
9ܘ݄ܚܙܶܐ ܠܰܗ ܠܶܝܰܐ ܕܟܰܠܝܳܐ ܡܽܗ̄ܘ ܒܛܳܢܳܐ. ܘܡ݄ܕ ܠܰܗ ܠܙܶܠܦܳܐ ܗ̄ܺܝ ܓܪܰܥܬܰܝܕ̥ܰܗ ܘܗܺܝܒ̥ܳܐ ܠܰܗ ܐܰܢ̱ܬ̥ܬܳܐ ܠܝܰܥܩܽܘܒ. 10ܘܡܰܘܠܰܕ ܠܰܗ ܙܶܠܦܳܐ ܗ̄ܺܝ ܓܪܰܥܬܳܐ ܕܠܶܝܳܐ ܠܝܰܥܩܽܘܒ ܐܰܒܪܳܐ. 11ܘܐܡ݄ܪ ܠܰܗ ܠܶܝܰܐ: ”ܐܰܬ̥ܺܝ ܗ̄ܽܘ ܓܰܕܰܝܕ̥ܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܓܳܕ. 12ܘܡܰܘܠܰܕ ܠܰܗ ܙܶܠܦܳܐ ܗ̄ܺܝ ܓܪܰܥܬܳܐ ܕܠܶܝܳܐ ܗ̄ܽܘ ܐܰܒܪܳܐ ܕܰܬܪܶܝ ܠܝܰܥܩܽܘܒ. 13ܘܐܡ݄ܪ ܠܰܗ ܠܶܝܰܐ: ”ܒܺܗ̄ܝ ܦܨܺܝܚܽܘܬ̥ܰܝܕ̥ܺܝ ܗ̄ܰܒܢ̈ܳܬ̥ܳܐ ܡܫܰܒܰܚّܰܗ ܠܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܐܳܫܺܝܪ (ܬܶܫܒܽܘܚܬܳܐ).
14ܘܰܐܙّܶܗ ܪܽܘܒܶܝܠ ܒܰܝّܰܘܡ̈ܶܐ ܕܽܗ̄ܘ ܚܨܳܕܳܐ ܕܰܚّܶܛ̈ܶܐ ܘ݄ܚܙܶܐ ܠܶܗ ܝܰܒܪ̈ܽܘܚܶܐ (ܚܰܒܽܘܫ̈ܶܐ ܕܺܗ̄ܝ ܐܰܪܥܳܐ) ܒܺܗ̄ܝ ܚܰܩܠܳܐ، ܘܡܰܝܬܶܐ ܠܶܗ ܠܠܶܝܰܐ ܗ̄ܺܝ ܐܶܡܳܐ. ܘܐܡ݄ܪ ܠܰܗ ܪܳܚܶܝܠ ܠܠܶܝܰܐ: ”ܗܰܒ̥ ܠܺܝ ܡܰܢ̱ ܝܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܰܟ̥.“ 15ܘܠܶܝܰܐ ܐܡ݄ܪ ܠܰܗ: ”ܠܳܐ ܒܰܣ ܠܰܟ̥ ܝܳܐ ܕܡ݄ܕ ܠܰܟ̥ ܗ̄ܽܘ ܓܰܒ̥ܪܰܝܕ̥ܺܝ، ܘܳܐܥܕܳܐ ܓܡܰܝܕܰܬ ܗ̄ܰܝّܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܺܝ ܣܬܶܝ.“ ܘܐܡ݄ܪ ܠܰܗ ܪܳܚܶܝܠ: ”ܛܪܳܐ ܒܽܗ̄ܘ ܠܰܠܝܰܢܳܐ ܕܳܡ݄ܟ̥ ܐܰܥܡܰܟ̥ ܡܶܢ̱ ܚܠܳܦ ܕܰܝّܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܰܟ̥.“ 16ܘܰܐܬ̥ܺܝ ܝܰܥܩܽܘܒ ܡܺܗ̄ܝ ܚܰܩܠܳܐ ܒ݄ܓܢܰܝܬܶܗ ܕܝܰܘܡܳܐ. ܘܢܰܦܺܝܩܳܐ ܠܶܝܰܐ ܠܩܰܕ̱ܡܽܘܬ̥ܶܗ ܘܐܡ݄ܪ ܠܰܗ: ”ܠܣܺܝܕܺܝ ܓܥܳܒܪܰܬ ܥܰܠ ܕܺܝܓܳܪܳܐ ܝܺܓ݄ܪ ܠܺܝ ܠܳܟ̥ ܒܰܝّܰܒܪ̈ܽܘܚܶܐ ܕܽܗ̄ܘ ܐܰܒܪܰܝܕ̥ܺܝ.“ ܘܕܰܡ݄ܟ̥ ܐܰܥܡܰܗ ܒܽܗ̄ܘ ܠܰܠܝܰܘܳܐ. 17ܘܰܐܠܳܗܳܐ ܫܰܡ݄ܥ ܠܠܶܝܰܐ. ܘ݄ܒܛܺܝܢܳܐ، ܘܡܰܘܠܰܕ ܠܰܗ ܠܝܰܥܩܽܘܒ ܗ̄ܽܘ ܐܰܒܪܳܐ ܕܰܚّܰܡܫܳܐ. 18ܘܐܡ݄ܪ ܠܰܗ ܠܶܝܰܐ: ”ܗܽܒ̥ ܠܶܗ ܠܺܝ ܐܰܠܳܗܳܐ ܗ̄ܽܘ ܐܰܓ̥ܪܰܝܕ̥ܺܝ ܥܰܠ ܕܗܽܒ̥ ܠܺܝ ܗ̄ܺܝ ܓܪܰܥܬܰܝܕ̥ܺܝ ܠܽܗ̄ܘ ܓܰܒ̥ܪܰܝܕ̥ܺܝ.“ ܘ݄ܩܪܶܐ ܠܰܗ ܐ݄ܫܡܶܗ ܐܺܝܣܳܟܳܪ. 19ܘܢܰܩܠܐ ܚܪܶܬܳܐ ܒܛܺܝܢܳܐ ܠܶܝܰܐ، ܘܡܰܘܠܰܕ ܠܰܗ ܐܰܒܪܳܐ ܕܰܗ̄ܢ ܐ݄ܫܬܳܐ ܠܝܰܥܩܽܘܒ. 20ܘܐܡ݄ܪ ܠܰܗ ܠܶܝܰܐ: ”ܗܽܒ̥ ܠܶܗ ܠܺܝ ܐܰܠܳܗܳܐ ܡܰܘܗܰܒܬ̥ܳܐ ܛܰܒ̥ܬܳܐ، ܗܶܕܺܝ ܓܕܳܗ̄ܘܶܐ ܠܶܒܶܗ ܕܽܗ̄ܘ ܓܰܒ̥ܪܰܝܕ̥ܺܝ ܐܰܥܡܺܝ ܥܰܠ ܕܡܰܘܠܰܕ ܠܺܝ ܠܶܗ ܐ݄ܫܬܳܐ ܐܰܒܢ̈ܶܐ.“ ܘ݄ܩܪܶܐ ܠܰܗ ܐ݄ܫܡܶܗ ܙܒܳܘܠܽܘܢ. 21ܘܒ݄ܬ̥݄ܪܟܶܐ ܡܰܘܠܰܕ ܠܰܗ ܒܰܪܬ̥ܳܐ ܘ݄ܩܪܶܐ ܠܰܗ ܐ݄ܫܡܰܗ ܕܺܝܢܳܐ. 22ܘ݄ܕ̥ܟ݄ܪ ܠܶܗ ܐܰܠܳܗܳܐ ܠܪܳܚܶܝܠ ܘܫܰܡ݄ܥ ܠܰܗ، ܘ݄ܦܬ݄ܚ ܠܶܗ ܟܰܪܣܰܗ. 23ܘ݄ܛܥܺܝܢܳܐ، ܘܡܰܘܠܰܕ ܠܰܗ ܐܰܒܪܳܐ ܘܐܡ݄ܪ ܠܰܗ: ”ܡܰܫܦ̊ܰܥ ܠܶܗ ܐܰܠܳܗܳܐ ܗ̄ܽܘ ܥܰܝܒܰܝܕ̥ܺܝ.“ 24ܘ݄ܩܪܶܐ ܠܰܗ ܐ݄ܫܡܶܗ ܝܰܘܣܶܦ ܘܐܡ݄ܪ ܠܰܗ: ”ܐܰܠܳܗܳܐ ܡܰܙ݄ܕ ܠܺܝ ܐܰܒܪܳܐ ܚܪܶܢܳܐ.“
25ܘܺܗ̄ܝ ܢܰܩܠܐ ܕܡܰܘܠܰܕ ܠܰܗ ܪܳܚܶܝܠ ܠܝܰܘܣܶܦ ܐܡ݄ܪ ܠܶܗ ܝܰܥܩܽܘܒ ܠܠܳܒܳܢ: ”ܡܫܰܕ݄ܪ ܠܺܝ ܕ݄ܐܙّܺܝ ܠܽܗ̄ܘ ܐܰܬ̥ܪܰܝܕ̥ܺܝ ܘܠܺܗ̄ܝ ܐܰܪܥܰܝܕ̥ܺܝ. 26ܗܰܒ̥ ܠܺܝ ܗ̄ܰܢ ܢܶܫ̈ܰܝܕ̥ܺܝ ܘܰܗ̄ܢ ܐܰܒܢ̈ܰܝܕ̥ܺܝ ܕ݄ܥܒ̥݄ܕ ܠܺܝ ܠܳܟ̥ ܐܰܒّܶܗ، ܘ݄ܓܕ݄ܐܙّܺܝ، ܥܰܠ ܕܟ݄ܐܕ̥ܥܰܬ ܗ̄ܽܘ ܥܒ̥ܳܕܳܐ ܕ݄ܥܒ̥݄ܕ ܠܺܝ ܓܰܒܳܟ̥.“ 27ܘܐܡ݄ܪ ܠܶܗ ܠܳܒܳܢ ܠܝܰܥܩܽܘܒ: ”ܐܶܢ ܚܙܶܐ ܠܺܝ ܪ̈ܰܚܡܶܐ ܒܥܰܝܢ̈ܳܬ̥ܳܟ̥ (ܦܘ̇ܫ ܓܰܒܺܝ)، ܡܢܰܣܶܐ ܠܺܝ ܘ݄ܡܒܰܪܰܟ̥ ܠܶܗ ܠܺܝ ܐܰܠܳܗܳܐ ܡܶܢ̱ ܦܳܬ̥ܳܟ̥.“ 28ܘܐܡ݄ܪ ܠܶܗ: ”ܡܰܚ݄ܬ ܗ̄ܽܘ ܐܰܓ̥ܪܰܝܕ̥ܳܟ̥ ܐܰܥܠܺܝ ܘ݄ܓܕܳܗ̄ܒܶܢܳܟ̥.“ 29ܝܰܥܩܽܘܒ ܐܡ݄ܪ ܠܶܗ: ”ܗܰܬ ܟ݄ܐܕ̥ܥܰܬ ܗ̄ܽܘ ܥܒ̥ܳܕܳܐ ܕ݄ܥܒ̥݄ܕ ܠܺܝ ܐܶܠܳܟ̥، ܘܡ݄ܩܰܐ ܗܰܘ݄ܢ ܗ̄ܰܩّܶܢܝܳܢ̈ܰܝܕ̥ܳܟ̥ ܐܰܥܡܺܝ. 30ܥܰܠ ܕ݄ܐܫܡܳܐ ܟ݄ܬ ܗ̄ܘܰܝ ܠܳܟ̥ ܡܶܩ݄ܕ̱ܡ ܡܶܢܺܝ، ܘܓ̥ܰܠܰܒܶܐ ܙܰܝ݄ܕ، ܘܡܳܪܝܳܐ ܡܒܰܪܰܟ̥ ܠܶܗ ܠܳܟ̥ ܠܰܫܰܢܺܝ، ܘܳܐܥܕܳܐ ܡ݄ܢ ܓܣܳܝܰܡ ܐ̱ܢܳܐ ܐܳܢܳܐ ܣܬܶܝ ܠܽܗ̄ܘ ܒܰܝܬܰܝܕ̥ܺܝ؟“ 31ܐܡ݄ܪ ܠܶܗ ܠܳܒܳܢ: ”ܡ݄ܢ ܗ̄ܳܒܶܢܳܟ̥؟“ ܝܰܥܩܽܘܒ ܐܡ݄ܪ ܠܶܗ: ”ܠܳܐ ܗ̄ܒܰܬ ܠܺܝ ܡܶܕܶܐ، ܐܶܢ ܕܣܰܝܡܰܬ ܠܺܝ ܗ̄ܽܘ ܡܰܐܡܪܰܢܳܐ ܕܳܐܡܰܪ ܐ̱ܢܳܐ ܠܳܟ̥، ܓܕܳܥܰܪ ܐ̱ܢܳܐ ܡܰܪܥܶܐ ܐ̱ܢܳܐ ܗ̄ܰܥܘܳܢ̈ܰܝܕ̥ܳܟ̥ ܘܢܳܛܰܪܢܰܢّܶܗ. 32ܐܰܕܝܰܘܡܰܐ ܓܥܳܒܰܪ ܐ̱ܢܳܐ ܒܰܝܢ ܟܽܘܠّܶܗ ܗ̄ܰܥܘܳܢ̈ܰܝܕ̥ܳܟ̥، ܘ݄ܓܦܳܪܰܫ ܐ̱ܢܳܐ ܠܺܝ ܡܶܢ̱ ܬܰܡܳܐ ܟܘ̇ܠ ܦܰܪܳܐ ܩܰܪܚܳܐ (ܕܠܳܐ ܩܰܪ̈ܢܶܐ) ܘܟܘ̇ܠ ܦܰܪܳܐ ܡܢܰܩܛܳܐ (ܥܰܠ ܓܽܘܫܡܶܗ ܢܽܘܩ̈ܛܶܐ)، ܘܟܘ̇ܠ ܦܰܪܳܐ ܕܟܺܝܒܶܗ ܢܽܘܩ̈ܛܶܐ ܟܳܡܳܐ ܒܽܗ̄ܘ ܚܶܘܳܪܳܐ، ܘܟܘ̇ܠ ܥܶܙܳܐ ܕܟ݄ܬ ܝܳܐ ܕܠܳܐ ܩܰܪ̈ܢܶܐ ܘ݄ܡܢܰܩܛܳܐ، ܛܪܳܐ ܗ̄ܘܶܐ ܗ̄ܽܘ ܐܰܓ̥ܪܰܝܕ̥ܺܝ. 33ܘ݄ܓܣܳܗܕܳܐ ܐܰܥܠܺܝ ܗ̄ܺܝ ܙܰܕܺܝܩܽܘܬ̥ܰܝܕ̥ܺܝ ܐܟ̥ ܕܰܐܕܝܰܘܡܰܐ، ܕܪܰܡܚ݄ܠ ܗ̄ܺܝ ܢܰܩܠܐ ܕܥܳܒܪܰܬ ܥܰܠ ܗ̄ܽܘ ܐܰܓ̥ܪܰܝܕ̥ܺܝ ܩܽܘܕ̱ܡܳܟ̥، ܟܘ̇ܠ ܥܶܙܳܐ ܕܠܰܝ̱ܬ ܠܰܗ ܩܰܪ̈ܢܶܐ ܐܰܘ ܡܢܰܩܰܛܬܳܐ، (ܘܟܘ̇ܠ ܦܰܪܳܐ) ܕܠܰܝ̱ܬ ܝܳܐ ܒܢܽܘܩ̈ܛܶܐ ܟܳܡ̈ܶܐ ܒܽܗ̄ܘ ܚܶܘܳܪܳܐ، ܓܢܺܝܒ̥ܳܐ ܝܳܐ ܓܰܒܺܝ.“ 34ܐܡ݄ܪ ܠܶܗ ܠܶܗ ܠܳܒܳܢ: ”ܐܺܝܢ ܛܪܳܐ ܗܳܘܶܐ ܐܟ̥ ܕܽܗ̄ܘ ܡܰܐܡܪܰܝܕ̥ܳܟ̥.“ 35ܘ݄ܦܪ݄ܫ ܠܶܗ ܒܽܗ̄ܘ ܝܰܘܡܰܘܳܐ ܗ̄ܰܬّܰܝܫ̈ܶܐ ܩܰܪ̈ܚܶܐ (ܕܠܳܐ ܩܰܪ̈ܢܶܐ) ܘܰܡܢܰܩ̈ܛܶܐ ܘܟܽܘܠّܶܗ ܗ̄ܰܥّܶܙ̈ܶܐ ܕܠܳܐ ܩܰܪ̈ܢܶܐ ܘܰܡܢܰܩ̈ܛܶܐ، ܘܟܘ̇ܠ ܚܰܕ̱ ܟܳܡܳܐ ܕܟܺܝܒܶܗ (ܢܽܘܩ̈ܛܶܐ) ܚܶܘܳܪ̈ܶܐ، ܘܟܘ̇ܠ ܚܰܕ̱ ܚܶܘܳܪܳܐ ܕܟܺܝܒܶܗ ܢܽܘܩ̈ܛܶܐ ܟܳܡ̈ܶܐ، ܘܗܺܝܒ̥ܺܝ ܠܶܗ ܒܺܐܝܕ̥ܶܗ ܕܰܗ̄ܢ ܐܰܒܢ̈ܰܝܕ̥ܶܗ. 36ܘܰܐܙّܶܗ ܪܰܚ݄ܩ ܡܶܢ̱ ܠܳܒܳܢ ܗܰܠܟ̥ܳܐ ܕ݄ܬܠܳܬ̥ܳܐ ܝܰܘܡ̈ܶܐ. ܘܝܰܥܩܽܘܒ ܡܰܪܥܶܐ ܗ̄ܘܰܐ ܗ̄ܰܥܘܳܢ̈ܶܐ ܕܠܳܒܳܢ ܗܰܢܺܝ ܕܦܰܝܺܝܫܺܝ.
37ܘܡ݄ܕ ܠܶܗ ܝܰܥܩܽܘܒ ܪ̈ܰܘܛܶܐ ܚܶܘܳܪ̈ܶܐ ܘܬܰܠܺܝ̈ܠܶܐ ܕܠܽܘܙܳܐ ܘ݄ܕܕܽܘܠܒܳܐ، ܘ݄ܩܠ݄ܦ ܠܶܗ ܐܰܒّܶܗ ܩܠܳܦ̈ܶܐ ܚܶܘܳܪ̈ܶܐ، ܘܡܰܘܦܰܩ ܠܶܗ ܗ̄ܽܘ ܚܶܘܳܪܳܐ ܕܒܰܚّܰܛܪ̈ܳܬ̥ܳܐ. 38ܘܡܰܩ݄ܡ ܠܶܗ ܗ̄ܰܚّܰܛܪ̈ܳܬ̥ܳܐ ܕ݄ܩܠܺܝܦܺܝ ܠܶܗ ܒܰܡّܰܝ̈ܶܐ، ܒܺܗ̄ܝ ܕܽܘܟܬ̥ܳܐ ܕܟܳܐܬ̥݄ܢ ܗ̄ܰܥܘܳܢ̈ܶܐ ܕܫܳܬ݄ܢ، ܡܩܰܒ݄ܠ ܕܰܥܘܳܢ̈ܶܐ. ܘ݄ܟܫܳܚܢܺܝ ܡ݄ܐ ܕܰܐܬ̥݄ܢ ܠܽܗ̄ܘ ܫܬܳܝܳܐ. 39ܘ݄ܟܫܳܚܢܺܝ ܗ̄ܰܥܘܳܢ̈ܶܐ ܥܰܠ ܗ̄ܰܪّܰܘ̈ܛܶܐ، ܘ݄ܟܡܰܘܠܕܺܝ ܥܘܳܢ̈ܶܐ ܩܰܪ̈ܚܶܐ ܘ݄ܡܢܰܩ̈ܛܶܐ. 40ܘ݄ܦܪ݄ܫ ܠܶܗ ܝܰܥܩܽܘܒ ܗ̄ܰܥܘܳܢ̈ܶܐ ܩܰܪ̈ܚܶܐ ܘܰܡܢܰܩ̈ܛܶܐ ܘܰܟّܳܡ̈ܶܐ ܕܗܰܘ݄ܢ ܡܰܢ̱ ܥܘܳܢ̈ܶܐ ܕܠܳܒܳܢ، ܘܣ݄ܡ ܠܶܗ ܠܶܗ ܩܰܛܥܳܐ ܠܪܽܘܚܶܗ. ܘܠܳܐ ܚܠܺܝܛܺܝ ܠܶܗ ܒܰܥܘܳܢ̈ܶܐ ܕܠܳܒܳܢ. 41ܘܟܘ̇ܠ ܫܰܢ̱ܬܳܐ ܕܫܳܚܢܺܝ ܗ̄ܘܰܘ̱ ܗ̄ܰܥܘܳܢ̈ܶܐ ܩܰܕ̱ܡܳܝ̈ܶܐ، ܡܰܚܰܬ ܗ̄ܘܰܐ ܝܰܥܩܽܘܒ ܗ̄ܰܚّܰܛܪ̈ܳܬ̥ܳܐ ܩ݄ܕ̱ܡ ܗ̄ܰܥܘܳܢ̈ܶܐ ܒܰܡّܰܝ̈ܶܐ ܠܰܫܰܢ ܫܳܚܢܺܝ ܡܰܢ̱ ܪّܰܘ̈ܛܶܐ. 42ܘܠܳܐ ܡܰܚܰܬ ܗ̄ܘܰܐ ܩ݄ܕ̱ܡ ܗ̄ܰܥܘܳܢ̈ܶܐ ܚܰܪ̈ܳܝܶܐ. ܘܗܳܘ݄ܢ ܗ̄ܰܚّܰܪ̈ܳܝܶܐ ܠܠܳܒܳܢ ܘܰܩّܰܕ̱ܡܳܝ̈ܶܐ ܠܝܰܥܩܽܘܒ. 43ܘܽܗ̄ܘ ܓܰܒ̥ܪܳܐ ܗܰܘܺܝ ܥܰܬܺܝܪܳܐ ܓ̥ܰܠܰܒܶܐ ܓ̥ܰܠܰܒܶܐ، ܘܗܰܘܺܝ ܠܶܗ ܥܘܳܢ̈ܶܐ ܓ̥ܰܠܰܒܶܐ، ܘ݄ܓܪ̈ܶܝܥܶܐ ܘ݄ܓܪ̈ܰܥܝܳܬ̥ܳܐ، ܘ݄ܚܡ݄ܪ̈ܝܳܬ̥ܳܐ ܘܓܰܡ̈ܠܶܐ ܘ݄ܚܡܳܪ̈ܶܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation