ܣܶܦܪܳܐ ܕ݄ܒܪܺܝܬ̥ܳܐ 12
12
1ܘܐܡ݄ܪ ܠܶܗ ܡܳܪܝܳܐ ܠܰܐܒܪܳܡ: ”ܙܳܠܳܟ̥ ܡܺܗ̄ܝ ܐܰܪܥܰܝܕ̥ܳܟ̥، ܘܡܺܗ̄ܝ ܕܽܘܟܬ̥ܳܐ ܕܡܰܘܠܕ̥ܰܬ، ܘܡܽܗ̄ܘ ܒܰܝܬܳܐ ܕܒܰܒܳܟ̥ ܠܺܗ̄ܝ ܐܰܪܥܳܐ ܕ݄ܓܡܰܚܘܶܢܳܟ̥. 2ܘ݄ܓܣܳܝܰܡܢܳܟ̥ ܥܰܡܳܐ ܪܰܒܳܐ، ܘܓ݄ܡܒܰܪܰܟ̥ܢܳܟ̥ ܘܡܰܘܪܰܒ̥ ܐ̱ܢܳܐ ܐ݄ܫܡܳܟ̥، ܘ݄ܗܘܰܝ ܡܒܰܪܟ̥ܳܐ. 3ܘܓ݄ܡܒܰܪܰܟ̥ ܐ̱ܢܳܐ ܗ̄ܰܡܒܰܪ̈ܟ̥ܳܢܰܝܕ̥ܳܟ̥، ܘ݄ܓܠܳܝܰܛ ܐ̱ܢܳܐ ܗ̄ܰܠّܰܝ̈ܳܛܰܝܕ̥ܳܟ̥. ܘ݄ܓܡܺܝܒܰܪܟ̥ܺܝ ܐܶܒܳܟ̥ ܟܽܘܠّܶܗ ܗ̄ܰܫّܰܪ̈ܒܳܬ̥ܳܐ ܕܺܗ̄ܝ ܐܰܪܥܳܐ، ܘܒܽܗ̄ܘ ܙܰܪܥܰܝܕ̥ܳܟ̥.“ 4ܘܣ݄ܡ ܠܶܗ ܐܰܒܪܳܡ ܐܟ̥ ܕܐܡ݄ܪ ܠܶܗ ܠܶܗ ܡܳܪܝܳܐ. ܘܰܐܙّܶܗ ܐܰܥܡܶܗ ܠܽܘܛ. ܘܰܐܒܪܳܡ ܐܰܒܪܶܗ ܕܚܰܡّ݄ܫ ܘܫܰܒ̥ܥܺܝ ܐ݄ܫܢ̈ܶܐ ܗ̄ܘܰܐ ܗ̄ܺܝ ܢܰܩܠܐ ܕܢܰܦ݄ܩ ܡܶܢ̱ ܚܳܪܳܢ. 5ܘܡ݄ܕ ܠܶܗ ܐܰܒܪܳܡ ܣܰܪܰܝ ܗ̄ܺܝ ܐܰܢ̱ܬ̥ܬܰܝܕ̥ܶܗ ܘܠܽܘܛ ܗ̄ܽܘ ܐܰܒܪܳܐ ܕܽܗ̄ܘ ܐܰܚܽܘܢܳܐ، ܘܟܽܘܠّܶܗ ܗ̄ܰܩّܶܢ̈ܝܳܢܶܐ ܕ݄ܩܢܰܠّܶܗ ܘܰܗ̄ܢ ܢܰܦܫ̈ܳܬ̥ܳܐ ܕܰܗ̄ܘ݄ܢ ܐܰܠّܶܗ ܒܚܳܪܳܢ. ܘܢܰܦܺܝܩܺܝ ܕ݄ܐܙّ݄ܢ ܠܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥݄ܢ ܠܺܗ̄ܝ ܐܰܪܥܳܐ ܕ݄ܟܢܰܥܢ.
6ܘܥܰܒ݄ܪ ܐܰܒܪܳܡ ܒܺܗ̄ܝ ܐܰܪܥܳܐ ܗ݄ܠ ܠܽܗ̄ܘ ܐܰܬ̥ܪܳܐ ܕ݄ܫܟܺܝܡ، ܘܗ݄ܠ ܠܒܰܠܽܘܛܳܐ ܕܡܰܡܪܶܐ. ܘܰܟܢܰܥܢܳܝ̈ܶܐ ܗܶܫ ܝܳܬܒ̥ܺܝ ܗ̄ܘܰܘ̱ ܒܺܗ̄ܝ ܐܰܪܥܳܐ. 7ܘ݄ܓܠܶܐ ܡܳܪܝܳܐ ܥܰܠ ܐܰܒܪܳܡ ܘܐܡ݄ܪ ܠܶܗ ܠܶܗ: ”ܠܽܗ̄ܘ ܙܰܪܥܰܝܕ̥ܳܟ̥ ܓܕܳܗ̄ܒܶܐ ܐ̱ܢܳܐ ܗ̄ܺܝ ܐܰܪܥܰܬ̥ܶܐ.“ ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ ܠܡܳܪܝܳܐ ܕ݄ܓܠܶܐ ܐܰܥܠܶܗ. 8ܘܰܐܙّܶܗ ܡܶܢ̱ ܬܰܡܳܐ ܠܽܗ̄ܘ ܛܽܘܪܳܐ ܡܽܗ̄ܘ ܡܰܕ݄ܢܚܳܐ ܠܒܶܝܬ̥ ܐܺܝܠ، ܘܡܰܩ݄ܡ ܠܶܗ ܗ̄ܽܘ ܡܰܫܟܢܰܝܕ̥ܶܗ، ܒܶܝܬ̥ ܐܺܝܠ ܡܽܗ̄ܘ ܡܰܥܪܒܳܐ ܘܥܳܝ ܡܽܗ̄ܘ ܡܰܕ݄ܢܚܳܐ. ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ ܠܡܳܪܝܳܐ، ܘ݄ܩܪܶܐ ܠܶܗ ܒ݄ܐܫܡܶܗ ܕܡܳܪܝܳܐ. 9ܘܡܰܛܥܰܢ ܠܶܗ ܐܰܒܪܳܡ ܘܰܐܙّܶܗ ܠܰܐܦ ܗ̄ܽܘ ܬܰܝܡܢܳܐ.
10ܘܗܰܘܺܝ ܟܰܦܢܳܐ ܒܺܗ̄ܝ ܐܰܪܥܳܐ، ܘܢܰܚ݄ܬ ܐܰܒܪܳܡ ܠܡܶܨܪܶܝܢ ܕܚܳܝܶܐ ܬܰܡܳܐ. ܡܺܐܝܕ̥ܶܗ ܕܟܰܦܢܳܐ ܪܰܒܳܐ ܗܰܘܺܝ ܒܺܗ̄ܝ ܐܰܪܥܳܐ. 11ܘܺܗ̄ܝ ܢܰܩܠܐ ܕ݄ܡܩܰܪܰܒ̥ ܗ̄ܘܰܝ ܠܶܗ ܕܥܳܒ݄ܪ ܠܡܶܨܪܶܝܢ ܐܡ݄ܪ ܠܶܗ ܠܣܰܪܰܝ ܗ̄ܺܝ ܐܰܢ̱ܬ̥ܬܰܝܕ̥ܶܗ: ”ܟܰܐܠܶܗ ܟܳܐܕ̥ܰܥ ܐ̱ܢܳܐ ܕܰܐܢ̱ܬ̥ܬܳܐ ܫܰܦ݄ܪܬܳܐ ܗܰܬ ܒܺܗ̄ܝ ܚܙܰܝܬܳܐ. 12ܘܺܗ̄ܝ ܢܰܩܠܐ ܕܚܳܙ݄ܢ ܠܰܟ̥ ܗ̄ܰܡّܶܨܪ̈ܳܝܶܐ ܓܕ݄ܐܡّܺܪ̱ܝ: ܗܰܬ̥ܶܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܝܳܐ. ܘܓ݄ܕܩܳܛܠܺܝ ܠܺܝ، ܘܗܰܬ ܓܛܳܪ݄ܢ ܠܰܟ̥ ܒܰܚّܰܝ̈ܶܐ. 13ܐܰܡܰܪ ܕܚܳܬ̥ܶܗ ܐ̱ܢܳܐ. ܠܰܫܰܢ ܗܳܘܶܐ ܠܺܝ ܛܳܒ̥ܽܘܬ̥ܳܐ ܥܰܠ ܦܳܬ̥ܰܟ̥، ܘܦܰܝܫܳܐ ܗ̄ܺܝ ܢܰܦܫܰܝܕ̥ܺܝ ܒܰܚّܰܝ̈ܶܐ ܠܰܫܰܢܰܟ̥.“
14ܘܗܰܘܺܝ ܕܺܗ̄ܝ ܢܰܩܠܐ ܕܥܰܒ݄ܪ ܐܰܒܪܳܡ ܠܡܶܨܪܶܝܢ، ܗ̄ܰܡّܶܨܪ̈ܳܝܶܐ ܚܙܰܠّܶܗ ܗ̄ܺܝ ܐܰܢ̱ܬ̥ܬܰܝܕ̥ܶܗ ܕܫܰܦ݄ܪܬܳܐ ܝܳܐ ܓ̥ܰܠܰܒܶܐ. 15ܘܚ݄ܙܝܰܠّܶܗ ܗ̄ܰܪّܺܝܫܳܢ̈ܶܐ ܕܦܶܪܥܽܘܢ، ܘ݄ܡܫܰܒܚܰܠّܶܗ ܩ݄ܕ̱ܡ ܦܶܪܥܽܘܢ. ܘܡܰܘܒܠܳܐ ܗ̄ܺܝ ܐܰܢ̱ܬ̥ܬܳܐ ܠܽܗ̄ܘ ܒܰܝܬܳܐ ܕܦܶܪܥܽܘܢ. 16ܘܛܳܒ̥ܽܘܬ̥ܳܐ ܗܰܘܺܝ ܠܰܐܒܪܳܡ ܥܰܠ ܦܳܬ̥ܰܗ. ܘܗܰܘܺܝ ܠܶܗ ܥܘܳܢ̈ܶܐ ܘܬܰܘܪ̈ܶܐ ܘ݄ܚܡܳܪ̈ܶܐ ܘ݄ܓܪ̈ܶܝܥܶܐ ܘ݄ܓܪ̈ܰܥܝܳܬ̥ܳܐ ܘ݄ܚܡ݄ܪ̈ܝܳܬ̥ܳܐ ܘܓܰܡ̈ܠܶܐ. 17ܘ݄ܡܚܶܐ ܠܶܗ ܡܳܪܝܳܐ ܠܦܶܪܥܽܘܢ ܡܚ̈ܰܝܬܳܬ̥ܳܐ ܪ̈ܰܒܶܐ، ܐܶܠܶܗ ܘܠܰܗ̄ܢ ܐܰܒܢ̈ܶܐ ܕܽܗ̄ܘ ܒܰܝܬܰܝܕ̥ܶܗ، ܡܶܢ̱ ܦܳܬ̥ܰܗ ܕܣܰܪܰܝ ܗ̄ܺܝ ܐܰܢ̱ܬ̥ܬܳܐ ܕܰܐܒܪܳܡ. 18ܘ݄ܩܪܶܐ ܠܶܗ ܦܶܪܥܽܘܢ ܠܰܐܒܪܳܡ ܘܐܡ݄ܪ ܠܶܗ ܠܶܗ: ”ܡ݄ܢܝܳܐ ܗܰܢܳܐ ܕܣ݄ܡ ܠܳܟ̥ ܐܶܒܺܝ؟ ܠܡ݄ܢ ܠܳܐ ܡܰܘܕ̥ܰܥ ܠܳܟ̥ ܠܺܝ ܕܟ݄ܬ ܝܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥؟ 19ܘ݄ܠܡ݄ܢ ܐܡ݄ܪ ܠܳܟ̥ ܕܚܳܬ̥ܺܝ ܝܳܐ؟ ܘܳܐܢܳܐ ܡܺܝܕܳܐ ܠܺܝ ܐܰܢ̱ܬ̥ܬܳܐ ܐܶܠܺܝ. ܐܳܥܕܳܐ ܟܰܐܠܰܗ ܗ̄ܺܝ ܐܰܢ̱ܬ̥ܬܰܝܕ̥ܳܟ̥. ܡܰܘܒܶܠ ܠܰܗ ܘܙܳܟ̥.“ 20ܘܦܶܪܥܽܘܢ ܡܰܩܘܶܐ ܠܶܗ ܥܰܠ ܗ̄ܰܢ ܢܳܫ̈ܰܝܕ̥ܶܗ ܕܗܳܘ݄ܢ ܠܶܗ ܡܳܪܳܐ، ܘ݄ܡܫܰܕܰܪ ܠܶܗ ܗܺܝّܶܗ ܘܺܗ̄ܝ ܐܰܢ̱ܬ̥ܬܳܐ ܘܟܘ̇ܠ ܕܟ݄ܬ ܠܶܗ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 12: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 12
12
1ܘܐܡ݄ܪ ܠܶܗ ܡܳܪܝܳܐ ܠܰܐܒܪܳܡ: ”ܙܳܠܳܟ̥ ܡܺܗ̄ܝ ܐܰܪܥܰܝܕ̥ܳܟ̥، ܘܡܺܗ̄ܝ ܕܽܘܟܬ̥ܳܐ ܕܡܰܘܠܕ̥ܰܬ، ܘܡܽܗ̄ܘ ܒܰܝܬܳܐ ܕܒܰܒܳܟ̥ ܠܺܗ̄ܝ ܐܰܪܥܳܐ ܕ݄ܓܡܰܚܘܶܢܳܟ̥. 2ܘ݄ܓܣܳܝܰܡܢܳܟ̥ ܥܰܡܳܐ ܪܰܒܳܐ، ܘܓ݄ܡܒܰܪܰܟ̥ܢܳܟ̥ ܘܡܰܘܪܰܒ̥ ܐ̱ܢܳܐ ܐ݄ܫܡܳܟ̥، ܘ݄ܗܘܰܝ ܡܒܰܪܟ̥ܳܐ. 3ܘܓ݄ܡܒܰܪܰܟ̥ ܐ̱ܢܳܐ ܗ̄ܰܡܒܰܪ̈ܟ̥ܳܢܰܝܕ̥ܳܟ̥، ܘ݄ܓܠܳܝܰܛ ܐ̱ܢܳܐ ܗ̄ܰܠّܰܝ̈ܳܛܰܝܕ̥ܳܟ̥. ܘ݄ܓܡܺܝܒܰܪܟ̥ܺܝ ܐܶܒܳܟ̥ ܟܽܘܠّܶܗ ܗ̄ܰܫّܰܪ̈ܒܳܬ̥ܳܐ ܕܺܗ̄ܝ ܐܰܪܥܳܐ، ܘܒܽܗ̄ܘ ܙܰܪܥܰܝܕ̥ܳܟ̥.“ 4ܘܣ݄ܡ ܠܶܗ ܐܰܒܪܳܡ ܐܟ̥ ܕܐܡ݄ܪ ܠܶܗ ܠܶܗ ܡܳܪܝܳܐ. ܘܰܐܙّܶܗ ܐܰܥܡܶܗ ܠܽܘܛ. ܘܰܐܒܪܳܡ ܐܰܒܪܶܗ ܕܚܰܡّ݄ܫ ܘܫܰܒ̥ܥܺܝ ܐ݄ܫܢ̈ܶܐ ܗ̄ܘܰܐ ܗ̄ܺܝ ܢܰܩܠܐ ܕܢܰܦ݄ܩ ܡܶܢ̱ ܚܳܪܳܢ. 5ܘܡ݄ܕ ܠܶܗ ܐܰܒܪܳܡ ܣܰܪܰܝ ܗ̄ܺܝ ܐܰܢ̱ܬ̥ܬܰܝܕ̥ܶܗ ܘܠܽܘܛ ܗ̄ܽܘ ܐܰܒܪܳܐ ܕܽܗ̄ܘ ܐܰܚܽܘܢܳܐ، ܘܟܽܘܠّܶܗ ܗ̄ܰܩّܶܢ̈ܝܳܢܶܐ ܕ݄ܩܢܰܠّܶܗ ܘܰܗ̄ܢ ܢܰܦܫ̈ܳܬ̥ܳܐ ܕܰܗ̄ܘ݄ܢ ܐܰܠّܶܗ ܒܚܳܪܳܢ. ܘܢܰܦܺܝܩܺܝ ܕ݄ܐܙّ݄ܢ ܠܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥݄ܢ ܠܺܗ̄ܝ ܐܰܪܥܳܐ ܕ݄ܟܢܰܥܢ.
6ܘܥܰܒ݄ܪ ܐܰܒܪܳܡ ܒܺܗ̄ܝ ܐܰܪܥܳܐ ܗ݄ܠ ܠܽܗ̄ܘ ܐܰܬ̥ܪܳܐ ܕ݄ܫܟܺܝܡ، ܘܗ݄ܠ ܠܒܰܠܽܘܛܳܐ ܕܡܰܡܪܶܐ. ܘܰܟܢܰܥܢܳܝ̈ܶܐ ܗܶܫ ܝܳܬܒ̥ܺܝ ܗ̄ܘܰܘ̱ ܒܺܗ̄ܝ ܐܰܪܥܳܐ. 7ܘ݄ܓܠܶܐ ܡܳܪܝܳܐ ܥܰܠ ܐܰܒܪܳܡ ܘܐܡ݄ܪ ܠܶܗ ܠܶܗ: ”ܠܽܗ̄ܘ ܙܰܪܥܰܝܕ̥ܳܟ̥ ܓܕܳܗ̄ܒܶܐ ܐ̱ܢܳܐ ܗ̄ܺܝ ܐܰܪܥܰܬ̥ܶܐ.“ ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ ܠܡܳܪܝܳܐ ܕ݄ܓܠܶܐ ܐܰܥܠܶܗ. 8ܘܰܐܙّܶܗ ܡܶܢ̱ ܬܰܡܳܐ ܠܽܗ̄ܘ ܛܽܘܪܳܐ ܡܽܗ̄ܘ ܡܰܕ݄ܢܚܳܐ ܠܒܶܝܬ̥ ܐܺܝܠ، ܘܡܰܩ݄ܡ ܠܶܗ ܗ̄ܽܘ ܡܰܫܟܢܰܝܕ̥ܶܗ، ܒܶܝܬ̥ ܐܺܝܠ ܡܽܗ̄ܘ ܡܰܥܪܒܳܐ ܘܥܳܝ ܡܽܗ̄ܘ ܡܰܕ݄ܢܚܳܐ. ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ ܠܡܳܪܝܳܐ، ܘ݄ܩܪܶܐ ܠܶܗ ܒ݄ܐܫܡܶܗ ܕܡܳܪܝܳܐ. 9ܘܡܰܛܥܰܢ ܠܶܗ ܐܰܒܪܳܡ ܘܰܐܙّܶܗ ܠܰܐܦ ܗ̄ܽܘ ܬܰܝܡܢܳܐ.
10ܘܗܰܘܺܝ ܟܰܦܢܳܐ ܒܺܗ̄ܝ ܐܰܪܥܳܐ، ܘܢܰܚ݄ܬ ܐܰܒܪܳܡ ܠܡܶܨܪܶܝܢ ܕܚܳܝܶܐ ܬܰܡܳܐ. ܡܺܐܝܕ̥ܶܗ ܕܟܰܦܢܳܐ ܪܰܒܳܐ ܗܰܘܺܝ ܒܺܗ̄ܝ ܐܰܪܥܳܐ. 11ܘܺܗ̄ܝ ܢܰܩܠܐ ܕ݄ܡܩܰܪܰܒ̥ ܗ̄ܘܰܝ ܠܶܗ ܕܥܳܒ݄ܪ ܠܡܶܨܪܶܝܢ ܐܡ݄ܪ ܠܶܗ ܠܣܰܪܰܝ ܗ̄ܺܝ ܐܰܢ̱ܬ̥ܬܰܝܕ̥ܶܗ: ”ܟܰܐܠܶܗ ܟܳܐܕ̥ܰܥ ܐ̱ܢܳܐ ܕܰܐܢ̱ܬ̥ܬܳܐ ܫܰܦ݄ܪܬܳܐ ܗܰܬ ܒܺܗ̄ܝ ܚܙܰܝܬܳܐ. 12ܘܺܗ̄ܝ ܢܰܩܠܐ ܕܚܳܙ݄ܢ ܠܰܟ̥ ܗ̄ܰܡّܶܨܪ̈ܳܝܶܐ ܓܕ݄ܐܡّܺܪ̱ܝ: ܗܰܬ̥ܶܐ ܗ̄ܺܝ ܐܰܢ̱ܬ̥ܬܰܝܕ̥ܶܗ ܝܳܐ. ܘܓ݄ܕܩܳܛܠܺܝ ܠܺܝ، ܘܗܰܬ ܓܛܳܪ݄ܢ ܠܰܟ̥ ܒܰܚّܰܝ̈ܶܐ. 13ܐܰܡܰܪ ܕܚܳܬ̥ܶܗ ܐ̱ܢܳܐ. ܠܰܫܰܢ ܗܳܘܶܐ ܠܺܝ ܛܳܒ̥ܽܘܬ̥ܳܐ ܥܰܠ ܦܳܬ̥ܰܟ̥، ܘܦܰܝܫܳܐ ܗ̄ܺܝ ܢܰܦܫܰܝܕ̥ܺܝ ܒܰܚّܰܝ̈ܶܐ ܠܰܫܰܢܰܟ̥.“
14ܘܗܰܘܺܝ ܕܺܗ̄ܝ ܢܰܩܠܐ ܕܥܰܒ݄ܪ ܐܰܒܪܳܡ ܠܡܶܨܪܶܝܢ، ܗ̄ܰܡّܶܨܪ̈ܳܝܶܐ ܚܙܰܠّܶܗ ܗ̄ܺܝ ܐܰܢ̱ܬ̥ܬܰܝܕ̥ܶܗ ܕܫܰܦ݄ܪܬܳܐ ܝܳܐ ܓ̥ܰܠܰܒܶܐ. 15ܘܚ݄ܙܝܰܠّܶܗ ܗ̄ܰܪّܺܝܫܳܢ̈ܶܐ ܕܦܶܪܥܽܘܢ، ܘ݄ܡܫܰܒܚܰܠّܶܗ ܩ݄ܕ̱ܡ ܦܶܪܥܽܘܢ. ܘܡܰܘܒܠܳܐ ܗ̄ܺܝ ܐܰܢ̱ܬ̥ܬܳܐ ܠܽܗ̄ܘ ܒܰܝܬܳܐ ܕܦܶܪܥܽܘܢ. 16ܘܛܳܒ̥ܽܘܬ̥ܳܐ ܗܰܘܺܝ ܠܰܐܒܪܳܡ ܥܰܠ ܦܳܬ̥ܰܗ. ܘܗܰܘܺܝ ܠܶܗ ܥܘܳܢ̈ܶܐ ܘܬܰܘܪ̈ܶܐ ܘ݄ܚܡܳܪ̈ܶܐ ܘ݄ܓܪ̈ܶܝܥܶܐ ܘ݄ܓܪ̈ܰܥܝܳܬ̥ܳܐ ܘ݄ܚܡ݄ܪ̈ܝܳܬ̥ܳܐ ܘܓܰܡ̈ܠܶܐ. 17ܘ݄ܡܚܶܐ ܠܶܗ ܡܳܪܝܳܐ ܠܦܶܪܥܽܘܢ ܡܚ̈ܰܝܬܳܬ̥ܳܐ ܪ̈ܰܒܶܐ، ܐܶܠܶܗ ܘܠܰܗ̄ܢ ܐܰܒܢ̈ܶܐ ܕܽܗ̄ܘ ܒܰܝܬܰܝܕ̥ܶܗ، ܡܶܢ̱ ܦܳܬ̥ܰܗ ܕܣܰܪܰܝ ܗ̄ܺܝ ܐܰܢ̱ܬ̥ܬܳܐ ܕܰܐܒܪܳܡ. 18ܘ݄ܩܪܶܐ ܠܶܗ ܦܶܪܥܽܘܢ ܠܰܐܒܪܳܡ ܘܐܡ݄ܪ ܠܶܗ ܠܶܗ: ”ܡ݄ܢܝܳܐ ܗܰܢܳܐ ܕܣ݄ܡ ܠܳܟ̥ ܐܶܒܺܝ؟ ܠܡ݄ܢ ܠܳܐ ܡܰܘܕ̥ܰܥ ܠܳܟ̥ ܠܺܝ ܕܟ݄ܬ ܝܳܐ ܗ̄ܺܝ ܐܰܢ̱ܬ̥ܬܰܝܕ̥ܳܟ̥؟ 19ܘ݄ܠܡ݄ܢ ܐܡ݄ܪ ܠܳܟ̥ ܕܚܳܬ̥ܺܝ ܝܳܐ؟ ܘܳܐܢܳܐ ܡܺܝܕܳܐ ܠܺܝ ܐܰܢ̱ܬ̥ܬܳܐ ܐܶܠܺܝ. ܐܳܥܕܳܐ ܟܰܐܠܰܗ ܗ̄ܺܝ ܐܰܢ̱ܬ̥ܬܰܝܕ̥ܳܟ̥. ܡܰܘܒܶܠ ܠܰܗ ܘܙܳܟ̥.“ 20ܘܦܶܪܥܽܘܢ ܡܰܩܘܶܐ ܠܶܗ ܥܰܠ ܗ̄ܰܢ ܢܳܫ̈ܰܝܕ̥ܶܗ ܕܗܳܘ݄ܢ ܠܶܗ ܡܳܪܳܐ، ܘ݄ܡܫܰܕܰܪ ܠܶܗ ܗܺܝّܶܗ ܘܺܗ̄ܝ ܐܰܢ̱ܬ̥ܬܳܐ ܘܟܘ̇ܠ ܕܟ݄ܬ ܠܶܗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation