ܣܶܦܪܳܐ ܕ݄ܒܪܺܝܬ̥ܳܐ 11
11
1ܘܗܰܘܝܳܐ ܗ̄ܺܝ ܐܰܪܥܳܐ ܟܽܘܠܰܗ ܚܰܕ̱ ܠܶܫܳܢܳܐ ܘܚܰܕ̱ ܡܰܐܡܪܳܐ. 2ܘܗܰܘܺܝ ܕܺܗ̄ܝ ܢܰܩܠܐ ܕܩܰܝܺܝܡܺܝ ܡܽܗ̄ܘ ܡܰܕ݄ܢܚܳܐ ܚܙܰܠّܶܗ ܡܰܕ̥݄ܒܪܳܐ ܒܺܗ̄ܝ ܐܰܪܥܳܐ ܕܣܶܢܥܳܪ، ܘܝܰܬܺܝܒ̥ܺܝ ܬܰܡܳܐ. 3ܘܐܡ݄ܪّܶܗ ܚܰܕ̱ ܠܽܗ̄ܘ ܚܰܒ̥ܪܰܝܕ̥ܶܗ: ”ܬܳܟ̥ܽܘ ܣܰܝܡܺܝܢܰܐ (ܪܳܡܺܝܢܰܐ) ܠܶܒܢ̈ܶܐ ܘܫܳܓ̥ܪܺܝܢܰܢّܶܗ ܒܺܗ̄ܝ ܢܽܘܪܳܐ.“ ܘܕܳܗ̄ܘܝܳܐ ܐܰܠّܶܗ ܗ̄ܺܝ ܠܶܒܢܳܐ ܡܶܢ̱ ܚܠܳܦ ܕܺܗ̄ܝ ܟܶܐܦܳܐ، ܘܽܗ̄ܘ ܟܰܠܫܳܐ ܗܳܘܰܠّܶܗ ܝܳܐ ܡܶܢ̱ ܚܠܳܦ ܕܽܗ̄ܘ ܫܰܝܥܳܐ. 4ܘܐܡ݄ܪّܶܗ: ”ܬܳܟ̥ܽܘ ܒܳܢܺܝܢܰܐ ܠܰܢ ܡܕ̥ܺܝܢ̱ܬܳܐ ܘܒܽܘܪܓܳܐ ܕܪܺܝܫܶܗ ܒܺܗ̄ܝ ܫܡܰܝܳܐ. ܘܣܰܝܡܺܝܢܰܐ ܠܰܢ ܐ݄ܫܡܳܐ ܕܠ݄ܐ ܐܙّܶܗ ܡܺܝܒܰܪܒܙܺܝܢܰܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ.“
5ܘܢܰܚ݄ܬ ܡܳܪܝܳܐ ܕܚܳܙܶܐ ܗ̄ܺܝ ܡܕ̥ܺܝܢ̱ܬܳܐ ܘܽܗ̄ܘ ܒܽܘܪܓܳܐ ܕ݄ܟܒܳܢ݄ܢ ܗ̄ܰܢ ܢܳܫ̈ܶܐ. 6ܘܐܡ݄ܪ ܠܶܗ ܡܳܪܝܳܐ: ”ܟܰܐܠܶܗ ܥܰܡܳܐ ܚܰܕ̱ ܘܠܶܫܳܢܳܐ ܚܰܕ̱ ܠܟܽܘܠّܶܗ. ܘܗܰܘܟ̥ܰܐ ܚܫܽܒّ̥ܶܗ ܕܣܰܝܡܺܝ. ܡܳܐܥܕܳܐ ܛܪܳܐ ܠܳܐ ܢܳܩ݄ܨ ܡ݄ܢّܶܗ ܟܘ̇ܠ ܡܶܕܶܐ ܕ݄ܚܫܽܒّ̥ܶܗ ܕܣܰܝܡܺܝ. 7ܬܳܟ̥ܽܘ ܢܳܚܬܺܝܢܰܐ ܘܦܳܠܓ̥ܺܝܢܰܐ ܬܰܡܳܐ ܗ̄ܰܠّܶܫܳܢ̈ܶܐ، ܕܠܳܐ ܫܳܡ݄ܥ ܚܰܕ̱ ܗ̄ܽܘ ܠܶܫܳܢܳܐ ܕܽܗ̄ܘ ܚܰܒ̥ܪܰܝܕ̥ܶܗ.“ 8ܘ݄ܡܒܰܪܒܙܺܝ ܠܶܗ ܡܳܪܝܳܐ ܡܶܢ̱ ܬܰܡܳܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ. ܘܟܰܠ݄ܢ ܡܽܗ̄ܘ ܒܢܳܝܳܐ ܕܺܗ̄ܝ ܡܕ̥ܺܝܢ̱ܬܳܐ. 9ܡܰܗ̄ܘܟ̥ܰܐ ܩܪܶܐ ܐ݄ܫܡܰܗ ܒܳܒܶܠ، ܡܺܐܝܕ̥ܶܗ ܕܬܰܡܳܐ ܡܳܪܝܳܐ ܡܒܰܠܒܶܠ ܠܶܗ ܗ̄ܰܠّܶܫܳܢ̈ܶܐ ܕܺܗ̄ܝ ܐܰܪܥܳܐ ܟܽܘܠܰܗ. ܘܡܶܢ̱ ܬܰܡܳܐ ܡܒܰܪܒܙܺܝ ܠܶܗ ܡܳܪܝܳܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ.
10ܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܫܺܝܡ: ܫܶܝܡ ܗܺܝّܶܗ ܐܰܒܪܶܗ ܕܡܳܐܐ ܐ݄ܫܢ̈ܶܐ ܡܰܘܠܰܕ ܠܶܗ ܠܰܐܪܦܰܟ̥ܫܳܪ ܬܰܪܬܶܝ ܐ݄ܫܢ̈ܶܐ ܒ݄ܬ̥݄ܪ ܡܽܗ̄ܘ ܛܰܘܦܳܢܳܐ. 11ܘܚܰܝܺܝ ܫܶܝܡ ܒ݄ܬ̥݄ܪ ܕܡܰܘܠܰܕ ܠܶܗ ܐܰܪܦܰܟ̥ܫܳܪ ܚܰܡّ݄ܫܡܳܐܐ ܐ݄ܫܢ̈ܶܐ، ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 12ܘܰܐܪܦܰܟܫܳܪ ܚܰܝܺܝ ܚܰܡّ݄ܫ ܘ݄ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܫܳܠܳܚ. 13ܘܚܰܝܺܝ ܐܰܪܦܰܟ̥ܫܳܪ ܒ݄ܬ̥݄ܪ ܕܡܰܘܠܰܕ ܠܶܗ ܫܳܠܳܚ ܐܰܪܒܰܥܡܳܐܐ ܘ݄ܬܠ݄ܬ̥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 14ܘܚܰܝܺܝ ܫܳܠܳܚ ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܥܳܒܳܪ. 15ܘܚܰܝܺܝ ܫܳܠܳܚ ܒ݄ܬ̥݄ܪ ܕܡܰܘܠܰܕ ܠܶܗ ܥܳܒܳܪ ܐܰܪܒܰܥܡܳܐܐ ܘ݄ܬܠ݄ܬ̥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 16ܘܚܰܝܺܝ ܥܳܒܳܪ ܐܰܪܒܰܥ ܘ݄ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܦܳܠܳܓ̥. 17ܘܚܰܝܺܝ ܥܳܒܳܪ ܒ݄ܬ̥݄ܪ ܕܡܰܘܠܰܕ ܠܶܗ ܦܳܠܳܓ̥ ܐܰܪܒܰܥܡܳܐܐ ܘ݄ܬܠܶܬ̥ܺܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 18ܘܚܰܝܺܝ ܦܳܠܳܓ̥ ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܳܐܪܥܽܘ. 19ܘܚܰܝܺܝ ܦܳܠܳܓ̥ ܒ݄ܬ̥݄ܪ ܕܡܰܘܠܰܕ ܠܶܗ ܠܳܐܪܥܽܘ ܡܰܐܬ̥ܶܝ ܘ݄ܬܫܰܥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 20ܘܚܰܝܺܝ ܐܳܪܥܽܘ ܬܰܪܬܶܝ ܘ݄ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܣܳܪܽܘܓ̥. 21ܘܚܰܝܺܝ ܐܳܪܥܽܘ ܒ݄ܬ̥݄ܪ ܕܡܰܘܠܰܕ ܠܶܗ ܠܣܳܪܽܘܓ̥ ܡܰܐܬ̥ܶܝ ܘ݄ܫܒ̥ܰܥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 22ܘܚܰܝܺܝ ܣܳܪܽܘܓ̥ ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܢܳܚܽܘܪ. 23ܘܚܰܝܺܝ ܣܳܪܽܘܓ̥ ܒ݄ܬ̥݄ܪ ܕܡܰܘܠܰܕ ܠܶܗ ܠܢܳܚܽܘܪ ܡܰܐܬ̥ܶܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 24ܘܚܰܝܺܝ ܢܳܚܽܘܪ ܬܫܰܥ ܘܥ݄ܣܪܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܬܰܪܚ. 25ܘܚܰܝܺܝ ܢܳܚܽܘܪ ܒ݄ܬ̥݄ܪ ܕܡܰܘܠܰܕ ܠܶܗ ܠܬܰܪܚ ܡܳܐܐ ܘ݄ܬܫܰܥܣܰܪ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 26ܘܚܰܝܺܝ ܬܰܪܚ ܚܰܡّ݄ܫ ܘܫܰܒ̥ܥܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܰܐܒܪܳܡ ܘܢܳܚܽܘܪ ܘܗܳܪܳܢ.
27ܘܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܬܰܪܰܚ: ܬܰܪܚ ܡܰܘܠܰܕ ܠܶܗ ܠܰܐܒܪܳܡ ܘ݄ܠܢܳܚܽܘܪ ܘ݄ܠܗܳܪܳܢ. ܘܗܳܪܳܢ ܡܰܘܠܰܕ ܠܶܗ ܠܠܽܘܛ. 28ܘܡܰܝ݄ܬ̥ ܗܳܪܳܢ ܘܗܶܫ ܬܰܪܚ ܗ̄ܽܘ ܒܰܒܳܐ ܒܰܚّܰܝ̈ܶܐ، ܒܺܗ̄ܝ ܐܰܪܥܳܐ ܕܡܰܘܠ݄ܕ̥ ܐܶܒܰܗ، ܒܽܐܘܪ ܕܰܟّܰܠܕ̈ܳܝܶܐ. 29ܘܰܐܒܪܳܡ ܘܢܳܚܽܘܪ ܡ݄ܕّܰܢّܶܗ ܢܶܫ̈ܶܐ (ܓܰܒ̥ܺܝܪܺܝ). ܐ݄ܫܡܰܗ ܕܺܗ̄ܝ ܐܰܢ̱ܬ̥ܬܳܐ ܕܰܐܒܪܳܡ ܣܰܪܰܝ، ܘ݄ܐܫܡܰܗ ܕܺܗ̄ܝ ܐܰܢ̱ܬ̥ܬܳܐ ܕܢܳܚܽܘܪ ܡܶܠܟܳܐ ܗ̄ܺܝ ܒܰܪܬ̥ܳܐ ܕܗܳܪܳܢ، ܗ̄ܽܘ ܒܰܒܳܐ ܕܡܶܠܟܳܐ ܘܽܗ̄ܘ ܒܰܒܳܐ ܕܰܐܣܟܳܐ. 30ܘܣܰܪܰܝ ܥܩܰܪܬ̥ܳܐ ܗ̄ܘܰܐ، ܘܠܳܐ ܗ̄ܘܶܐ ܗ̄ܘܰܝ ܠܰܗ ܐܰܒܢ̈ܶܐ. 31ܘܬܰܪܚ ܡ݄ܕ ܠܶܗ ܠܰܐܒܪܳܡ ܗ̄ܽܘ ܐܰܒܪܳܐ، ܘܠܽܘܛ ܗ̄ܽܘ ܐܰܒܪܳܐ ܕܗܳܪܳܢ، ܗ̄ܽܘ ܐܰܒܪܳܐ ܕܽܗ̄ܘ ܐܰܒܪܰܝܕ̥ܶܗ، ܘܣܰܪܰܝ ܗ̄ܺܝ ܟܰܠܰܝܕ̥ܶܗ ܗ̄ܺܝ ܐܰܢ̱ܬ̥ܬܳܐ ܕܰܐܒܪܳܡ ܗ̄ܽܘ ܐܰܒܪܰܝܕ̥ܶܗ، ܘܢܰܦ݄ܩ ܐܰܥܡܰܝّܶܗ ܡܶܢ̱ ܐܽܘܪ ܕܰܟّܰܠܕ̈ܳܝܶܐ ܕ݄ܐܙّ݄ܢ ܠܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥݄ܢ ܗ݄ܠ ܚܳܪܳܢ ܘܝܰܬܺܝܒ̥ܺܝ ܬܰܡܳܐ. 32ܘܗܰܘ݄ܢ ܗ̄ܰܝّܰܘܡ̈ܶܐ ܕܬܰܪܰܚ ܡܰܐܬ̥ܶܝ ܘܚܰܡّ݄ܫ ܐ݄ܫܢ̈ܶܐ. ܘܡܰܝ݄ܬ̥ ܬܰܪܚ ܒܚܳܪܳܢ.
Currently Selected:
ܣܶܦܪܳܐ ܕ݄ܒܪܺܝܬ̥ܳܐ 11: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܣܶܦܪܳܐ ܕ݄ܒܪܺܝܬ̥ܳܐ 11
11
1ܘܗܰܘܝܳܐ ܗ̄ܺܝ ܐܰܪܥܳܐ ܟܽܘܠܰܗ ܚܰܕ̱ ܠܶܫܳܢܳܐ ܘܚܰܕ̱ ܡܰܐܡܪܳܐ. 2ܘܗܰܘܺܝ ܕܺܗ̄ܝ ܢܰܩܠܐ ܕܩܰܝܺܝܡܺܝ ܡܽܗ̄ܘ ܡܰܕ݄ܢܚܳܐ ܚܙܰܠّܶܗ ܡܰܕ̥݄ܒܪܳܐ ܒܺܗ̄ܝ ܐܰܪܥܳܐ ܕܣܶܢܥܳܪ، ܘܝܰܬܺܝܒ̥ܺܝ ܬܰܡܳܐ. 3ܘܐܡ݄ܪّܶܗ ܚܰܕ̱ ܠܽܗ̄ܘ ܚܰܒ̥ܪܰܝܕ̥ܶܗ: ”ܬܳܟ̥ܽܘ ܣܰܝܡܺܝܢܰܐ (ܪܳܡܺܝܢܰܐ) ܠܶܒܢ̈ܶܐ ܘܫܳܓ̥ܪܺܝܢܰܢّܶܗ ܒܺܗ̄ܝ ܢܽܘܪܳܐ.“ ܘܕܳܗ̄ܘܝܳܐ ܐܰܠّܶܗ ܗ̄ܺܝ ܠܶܒܢܳܐ ܡܶܢ̱ ܚܠܳܦ ܕܺܗ̄ܝ ܟܶܐܦܳܐ، ܘܽܗ̄ܘ ܟܰܠܫܳܐ ܗܳܘܰܠّܶܗ ܝܳܐ ܡܶܢ̱ ܚܠܳܦ ܕܽܗ̄ܘ ܫܰܝܥܳܐ. 4ܘܐܡ݄ܪّܶܗ: ”ܬܳܟ̥ܽܘ ܒܳܢܺܝܢܰܐ ܠܰܢ ܡܕ̥ܺܝܢ̱ܬܳܐ ܘܒܽܘܪܓܳܐ ܕܪܺܝܫܶܗ ܒܺܗ̄ܝ ܫܡܰܝܳܐ. ܘܣܰܝܡܺܝܢܰܐ ܠܰܢ ܐ݄ܫܡܳܐ ܕܠ݄ܐ ܐܙّܶܗ ܡܺܝܒܰܪܒܙܺܝܢܰܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ.“
5ܘܢܰܚ݄ܬ ܡܳܪܝܳܐ ܕܚܳܙܶܐ ܗ̄ܺܝ ܡܕ̥ܺܝܢ̱ܬܳܐ ܘܽܗ̄ܘ ܒܽܘܪܓܳܐ ܕ݄ܟܒܳܢ݄ܢ ܗ̄ܰܢ ܢܳܫ̈ܶܐ. 6ܘܐܡ݄ܪ ܠܶܗ ܡܳܪܝܳܐ: ”ܟܰܐܠܶܗ ܥܰܡܳܐ ܚܰܕ̱ ܘܠܶܫܳܢܳܐ ܚܰܕ̱ ܠܟܽܘܠّܶܗ. ܘܗܰܘܟ̥ܰܐ ܚܫܽܒّ̥ܶܗ ܕܣܰܝܡܺܝ. ܡܳܐܥܕܳܐ ܛܪܳܐ ܠܳܐ ܢܳܩ݄ܨ ܡ݄ܢّܶܗ ܟܘ̇ܠ ܡܶܕܶܐ ܕ݄ܚܫܽܒّ̥ܶܗ ܕܣܰܝܡܺܝ. 7ܬܳܟ̥ܽܘ ܢܳܚܬܺܝܢܰܐ ܘܦܳܠܓ̥ܺܝܢܰܐ ܬܰܡܳܐ ܗ̄ܰܠّܶܫܳܢ̈ܶܐ، ܕܠܳܐ ܫܳܡ݄ܥ ܚܰܕ̱ ܗ̄ܽܘ ܠܶܫܳܢܳܐ ܕܽܗ̄ܘ ܚܰܒ̥ܪܰܝܕ̥ܶܗ.“ 8ܘ݄ܡܒܰܪܒܙܺܝ ܠܶܗ ܡܳܪܝܳܐ ܡܶܢ̱ ܬܰܡܳܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ. ܘܟܰܠ݄ܢ ܡܽܗ̄ܘ ܒܢܳܝܳܐ ܕܺܗ̄ܝ ܡܕ̥ܺܝܢ̱ܬܳܐ. 9ܡܰܗ̄ܘܟ̥ܰܐ ܩܪܶܐ ܐ݄ܫܡܰܗ ܒܳܒܶܠ، ܡܺܐܝܕ̥ܶܗ ܕܬܰܡܳܐ ܡܳܪܝܳܐ ܡܒܰܠܒܶܠ ܠܶܗ ܗ̄ܰܠّܶܫܳܢ̈ܶܐ ܕܺܗ̄ܝ ܐܰܪܥܳܐ ܟܽܘܠܰܗ. ܘܡܶܢ̱ ܬܰܡܳܐ ܡܒܰܪܒܙܺܝ ܠܶܗ ܡܳܪܝܳܐ ܥܰܠ ܦܳܬ̥ܰܗ ܕܺܗ̄ܝ ܐܰܪܥܳܐ ܟܽܘܠܰܗ.
10ܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܫܺܝܡ: ܫܶܝܡ ܗܺܝّܶܗ ܐܰܒܪܶܗ ܕܡܳܐܐ ܐ݄ܫܢ̈ܶܐ ܡܰܘܠܰܕ ܠܶܗ ܠܰܐܪܦܰܟ̥ܫܳܪ ܬܰܪܬܶܝ ܐ݄ܫܢ̈ܶܐ ܒ݄ܬ̥݄ܪ ܡܽܗ̄ܘ ܛܰܘܦܳܢܳܐ. 11ܘܚܰܝܺܝ ܫܶܝܡ ܒ݄ܬ̥݄ܪ ܕܡܰܘܠܰܕ ܠܶܗ ܐܰܪܦܰܟ̥ܫܳܪ ܚܰܡّ݄ܫܡܳܐܐ ܐ݄ܫܢ̈ܶܐ، ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 12ܘܰܐܪܦܰܟܫܳܪ ܚܰܝܺܝ ܚܰܡّ݄ܫ ܘ݄ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܫܳܠܳܚ. 13ܘܚܰܝܺܝ ܐܰܪܦܰܟ̥ܫܳܪ ܒ݄ܬ̥݄ܪ ܕܡܰܘܠܰܕ ܠܶܗ ܫܳܠܳܚ ܐܰܪܒܰܥܡܳܐܐ ܘ݄ܬܠ݄ܬ̥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 14ܘܚܰܝܺܝ ܫܳܠܳܚ ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܥܳܒܳܪ. 15ܘܚܰܝܺܝ ܫܳܠܳܚ ܒ݄ܬ̥݄ܪ ܕܡܰܘܠܰܕ ܠܶܗ ܥܳܒܳܪ ܐܰܪܒܰܥܡܳܐܐ ܘ݄ܬܠ݄ܬ̥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 16ܘܚܰܝܺܝ ܥܳܒܳܪ ܐܰܪܒܰܥ ܘ݄ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܦܳܠܳܓ̥. 17ܘܚܰܝܺܝ ܥܳܒܳܪ ܒ݄ܬ̥݄ܪ ܕܡܰܘܠܰܕ ܠܶܗ ܦܳܠܳܓ̥ ܐܰܪܒܰܥܡܳܐܐ ܘ݄ܬܠܶܬ̥ܺܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 18ܘܚܰܝܺܝ ܦܳܠܳܓ̥ ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܳܐܪܥܽܘ. 19ܘܚܰܝܺܝ ܦܳܠܳܓ̥ ܒ݄ܬ̥݄ܪ ܕܡܰܘܠܰܕ ܠܶܗ ܠܳܐܪܥܽܘ ܡܰܐܬ̥ܶܝ ܘ݄ܬܫܰܥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 20ܘܚܰܝܺܝ ܐܳܪܥܽܘ ܬܰܪܬܶܝ ܘ݄ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܣܳܪܽܘܓ̥. 21ܘܚܰܝܺܝ ܐܳܪܥܽܘ ܒ݄ܬ̥݄ܪ ܕܡܰܘܠܰܕ ܠܶܗ ܠܣܳܪܽܘܓ̥ ܡܰܐܬ̥ܶܝ ܘ݄ܫܒ̥ܰܥ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 22ܘܚܰܝܺܝ ܣܳܪܽܘܓ̥ ܬܠܶܬ̥ܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܢܳܚܽܘܪ. 23ܘܚܰܝܺܝ ܣܳܪܽܘܓ̥ ܒ݄ܬ̥݄ܪ ܕܡܰܘܠܰܕ ܠܶܗ ܠܢܳܚܽܘܪ ܡܰܐܬ̥ܶܝ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 24ܘܚܰܝܺܝ ܢܳܚܽܘܪ ܬܫܰܥ ܘܥ݄ܣܪܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܬܰܪܚ. 25ܘܚܰܝܺܝ ܢܳܚܽܘܪ ܒ݄ܬ̥݄ܪ ܕܡܰܘܠܰܕ ܠܶܗ ܠܬܰܪܚ ܡܳܐܐ ܘ݄ܬܫܰܥܣܰܪ ܐ݄ܫܢ̈ܶܐ. ܘܡܰܘܠܰܕ ܠܶܗ ܐܰܒܢ̈ܶܐ ܘ݄ܒܢ̈ܳܬ̥ܳܐ. 26ܘܚܰܝܺܝ ܬܰܪܚ ܚܰܡّ݄ܫ ܘܫܰܒ̥ܥܺܝ ܐ݄ܫܢ̈ܶܐ ܘܡܰܘܠܰܕ ܠܶܗ ܠܰܐܒܪܳܡ ܘܢܳܚܽܘܪ ܘܗܳܪܳܢ.
27ܘܗܰܢܺܝ ܢܶܝ ܗ̄ܰܝܠܺܝܕ̥̈ܶܐ (ܗ̄ܽܘ ܙܰܪܥܳܐ) ܕܬܰܪܰܚ: ܬܰܪܚ ܡܰܘܠܰܕ ܠܶܗ ܠܰܐܒܪܳܡ ܘ݄ܠܢܳܚܽܘܪ ܘ݄ܠܗܳܪܳܢ. ܘܗܳܪܳܢ ܡܰܘܠܰܕ ܠܶܗ ܠܠܽܘܛ. 28ܘܡܰܝ݄ܬ̥ ܗܳܪܳܢ ܘܗܶܫ ܬܰܪܚ ܗ̄ܽܘ ܒܰܒܳܐ ܒܰܚّܰܝ̈ܶܐ، ܒܺܗ̄ܝ ܐܰܪܥܳܐ ܕܡܰܘܠ݄ܕ̥ ܐܶܒܰܗ، ܒܽܐܘܪ ܕܰܟّܰܠܕ̈ܳܝܶܐ. 29ܘܰܐܒܪܳܡ ܘܢܳܚܽܘܪ ܡ݄ܕّܰܢّܶܗ ܢܶܫ̈ܶܐ (ܓܰܒ̥ܺܝܪܺܝ). ܐ݄ܫܡܰܗ ܕܺܗ̄ܝ ܐܰܢ̱ܬ̥ܬܳܐ ܕܰܐܒܪܳܡ ܣܰܪܰܝ، ܘ݄ܐܫܡܰܗ ܕܺܗ̄ܝ ܐܰܢ̱ܬ̥ܬܳܐ ܕܢܳܚܽܘܪ ܡܶܠܟܳܐ ܗ̄ܺܝ ܒܰܪܬ̥ܳܐ ܕܗܳܪܳܢ، ܗ̄ܽܘ ܒܰܒܳܐ ܕܡܶܠܟܳܐ ܘܽܗ̄ܘ ܒܰܒܳܐ ܕܰܐܣܟܳܐ. 30ܘܣܰܪܰܝ ܥܩܰܪܬ̥ܳܐ ܗ̄ܘܰܐ، ܘܠܳܐ ܗ̄ܘܶܐ ܗ̄ܘܰܝ ܠܰܗ ܐܰܒܢ̈ܶܐ. 31ܘܬܰܪܚ ܡ݄ܕ ܠܶܗ ܠܰܐܒܪܳܡ ܗ̄ܽܘ ܐܰܒܪܳܐ، ܘܠܽܘܛ ܗ̄ܽܘ ܐܰܒܪܳܐ ܕܗܳܪܳܢ، ܗ̄ܽܘ ܐܰܒܪܳܐ ܕܽܗ̄ܘ ܐܰܒܪܰܝܕ̥ܶܗ، ܘܣܰܪܰܝ ܗ̄ܺܝ ܟܰܠܰܝܕ̥ܶܗ ܗ̄ܺܝ ܐܰܢ̱ܬ̥ܬܳܐ ܕܰܐܒܪܳܡ ܗ̄ܽܘ ܐܰܒܪܰܝܕ̥ܶܗ، ܘܢܰܦ݄ܩ ܐܰܥܡܰܝّܶܗ ܡܶܢ̱ ܐܽܘܪ ܕܰܟّܰܠܕ̈ܳܝܶܐ ܕ݄ܐܙّ݄ܢ ܠܺܗ̄ܝ ܐܰܪܥܳܐ ܕ݄ܟܢܰܥܢ. ܘܰܐܬ̥݄ܢ ܗ݄ܠ ܚܳܪܳܢ ܘܝܰܬܺܝܒ̥ܺܝ ܬܰܡܳܐ. 32ܘܗܰܘ݄ܢ ܗ̄ܰܝّܰܘܡ̈ܶܐ ܕܬܰܪܰܚ ܡܰܐܬ̥ܶܝ ܘܚܰܡّ݄ܫ ܐ݄ܫܢ̈ܶܐ. ܘܡܰܝ݄ܬ̥ ܬܰܪܚ ܒܚܳܪܳܢ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation