ܥܒܳܕ̥̈ܶܐ ܕܰܫܠܺܝܚ̈ܶܐ 28
28
ܦܰܘܠܳܘܣ ܒܡܺܝܠܶܛܶܐ
1ܘܒ݄ܬ̥݄ܪܟܶܐ ܝܰܠܺܝܦܺܝܢܰܐ ܕܺܗ̄ܝ ܓܙܺܝܪܬܰܝܳܐ ܟܡ݄ܩܪܳܝܳܐ ܡܺܝܠܶܛܶܐ. 2ܘܰܒّܰܪܒܪ̈ܳܝܶܐ ܕܥܳܡܪܺܝ ܗ̄ܘܰܘ̱ ܐܶܒܰܗ ܡܰܚܘܰܠّܰܗ ܠܰܢ ܪ̈ܰܚܡܶܐ ܓ̥ܰܠܰܒܶܐ، ܘܡܰܕܠܰܩّܶܗ ܢܽܘܪܳܐ ܘ݄ܩܪܰܠّܶܗ ܠܟܽܘܠܰܢ ܕ݄ܡܫܰܚܢܺܝܢܰܐ، ܥܰܠ ܕܟ݄ܬ ܗ̄ܘܰܐ ܡܰܛܪܳܐ ܘܩܽܘܪܳܐ ܓ̥ܰܠܰܒܶܐ. 3ܘܦܰܘܠܳܘܣ ܡ݄ܕ ܠܶܗ ܩ݄ܦܠܳܐ ܕܩܰܝܣ̈ܶܐ ܘܡܰܚܰܬ ܠܶܗ ܥܰܠ ܗ̄ܺܝ ܢܽܘܪܳܐ، ܘܢܰܦܺܝܩܳܐ ܡ݄ܢّܶܗ ܟܽܘܪܦܳܐ، ܡܺܗ̄ܝ ܫܚܰܢܬܳܐ ܕܺܗ̄ܝ ܢܽܘܪܳܐ، ܘ݄ܢܟ݄ܬ ܠܰܗ ܐܺܝܕ̥ܶܗ. 4ܘܺܗ̄ܝ ܢܰܩܠܐ ܕ݄ܚܙܰܠّܶܗ ܗ̄ܰܒّܰܪܒܪ̈ܳܝܶܐ ܕ݄ܡܥܰܠܩܳܐ ܒܺܐܝܕ̥ܶܗ، ܐܡ݄ܪّܶܗ: ”ܟܳܗ̄ܘܶܐ ܕܽܗ̄ܘ ܓܰܒ̥ܪܰܢܳܐ ܩܰܛܳܠܳܐ ܝܳܐ، ܕܺܗ̄ܝ ܢܰܩܠܐ ܕܦܰܠ݄ܛ ܡܽܗ̄ܘ ܝܰܡܳܐ، ܗ̄ܺܝ ܟܺܐܢܽܘܬ̥ܳܐ ܠܳܐ ܛܪܶܐ ܠܰܗ ܕܚܳܝܶܐ.“
5ܘܗܺܝّܶܗ ܦܰܘܠܳܘܣ ܢܦ݄ܨ ܠܶܗ ܐܺܝܕ̥ܶܗ ܘ݄ܡܚܰܠܰܩ ܠܶܗ ܗ̄ܺܝ ܟܽܘܪܦܳܐ ܒܺܗ̄ܝ ܢܽܘܪܳܐ، ܘܡܶܕܶܐ ܚܰܪܒܳܐ ܠܰܐ ܗ̄ܘܺܝ ܠܶܗ. 6ܘܰܒّܰܪܒܪ̈ܳܝܶܐ ܚܫܽܒّ̥ܶܗ ܕܒܺܗ̄ܝ ܫܳܥܬ̥ܰܝܕ̥ܰܗ ܓܡ݄ܢܦ݄̊ܚ ܘ݄ܓܢܳܦ݄ܠ ܡܺܝܬ̥ܳܐ ܥܰܠ ܗ̄ܺܝ ܐܰܪܥܳܐ. ܘܒ݄ܬ̥݄ܪ ܕ݄ܢܛ݄ܪّܶܗ ܙܰܒܢܳܐ ܝܰܪܺܝܟ̥ܳܐ ܚܙܰܠّܶܗ ܕܡܶܕܶܐ ܚܰܪܒܳܐ ܠܰܐ ܗ̄ܘܺܝ ܠܶܗ، ܡܚܰܠܰܦّܶܗ ܗ̄ܽܘ ܡܰܐܡܪܰܬّ̥ܶܗ ܘܐܡ݄ܪّܶܗ: ”ܐܰܠܳܗܳܐ ܝܳܐ!“
7ܘܟ݄ܬ ܗ̄ܘܰܐ ܩ݄ܪ̈ܝܰܘܳܬ̥ܳܐ ܒܽܗ̄ܘ ܐܰܬ̥ܪܰܘܳܐ ܠܚܰܕ̱ ܓܰܒ̥ܪܳܐ ܕ݄ܐܫܡܶܗ ܦܳܘܦ̊ܠܺܝܳܘܣ، ܗܺܝّܶܗ ܗ̄ܘܰܐ ܗ̄ܽܘ ܪܺܝܫܳܐ ܕܺܗ̄ܝ ܓܙܺܝܪܬܳܐ، ܘܡܰܩܒܶܠ ܠܶܗ ܠܰܢ ܒܽܗ̄ܘ ܒܰܝܬܰܝܕ̥ܶܗ ܬܠܳܬ̥ܳܐ ܝܰܘܡ̈ܶܐ ܒ݄ܦܨܺܝܚܽܘܬ̥ܳܐ. 8ܘܽܗ̄ܘ ܒܰܒܳܐ ܕܦܳܘܦ̊ܠܺܝܳܘܣ ܟܰܐܺܝܒ̥ܳܐ ܗ̄ܘܰܐ ܒܺܗ̄ܝ ܚܶܡܬܳܐ ܘ݄ܒܟܶܐܒ̥ܳܐ ܕܰܡّܶܥ̈ܘܳܬ̥ܳܐ. ܘܥܰܒ݄ܪ ܠܣܺܝܕ̥ܶܗ ܦܰܘܠܳܘܣ ܘ݄ܡܨܰܠܶܐ ܠܶܗ ܘܡܰܚܰܬ ܠܶܗ ܐܺܝܕ̥ܶܗ ܐܰܥܠܶܗ ܘܡܰܢ݄ܚ ܠܶܗ. 9ܘܺܗ̄ܝ ܢܰܩܠܐ ܕܗܰܘܝܳܐ ܗܰܬ̥ܶܐ، ܗ̄ܰܟّܰܐܺܝܒ̥̈ܶܐ ܚܪ̈ܶܢܶܐ ܐܰܝܢܰܐ ܕܒܺܗ̄ܝ ܓܙܺܝܪܬܳܐ ܡܩܰܕܡܺܝ ܗ̄ܘܰܘ̱ ܠܣܺܝܕ̥ܶܗ ܘܢܳܝܰܚ ܗ̄ܘܰܘ̱ ܠّܶܗ. 10ܘܺܐܝܩܳܪܳܐ ܪܰܒܳܐ ܡܝܰܩܰܪّܰܗ ܠܰܢ، ܘܺܗ̄ܝ ܢܰܩܠܐ ܕܢܰܦܺܝܩܺܝܢܰܐ ܡܶܢ̱ ܬܰܡܳܐ ܙܘܳܕ̈ܶܐ ܗܽܒّ̥ܰܗ ܠܰܢ.
ܡܶܢ̱ ܡܺܝܠܶܛܶܐ ܠܪܽܘܡܺܝ
11ܘܒ݄ܬ̥݄ܪ ܬܠܳܬ̥ܳܐ ܝܰܪ̈ܚܶܐ، ܢܰܦܺܝܩܺܝܢܰܐ ܘܰܐܙّܰܢ ܒܺܗ̄ܝ ܣܦܺܝܢ̱ܬܳܐ ܐܰܠܶܟܣܰܢܕܪܰܝܬܳܐ ܕܦܰܝܺܝܫܳܐ ܗ̄ܘܰܐ ܗ̄ܽܘ ܣܰܬ̥ܘܳܐ ܒܺܗ̄ܝ ܓܙܺܝܪܬܳܐ، ܘܟ݄ܬ ܗ̄ܘܰܐ ܐܰܥܠܰܗ ܐܳܬ̥ܳܐ ܕܬܳܐܡ̈ܶܐ (ܕ݄ܬܪܶܝ ܐܰܠܳܗ̈ܶܐ).
12ܘܰܐܬ̥ܺܝܢܰܐ ܠܺܗ̄ܝ ܡܕ̥ܺܝܢ̱ܬܳܐ ܕܣܽܪܰܩܳܘܣܰܐ، ܘܦܰܝܺܝܫܺܝܢܰܐ ܬܰܡܳܐ ܬܠܳܬ̥ܳܐ ܝܰܘܡ̈ܶܐ. 13ܘܡܶܢ̱ ܬܰܡܳܐ ܟܰܪܺܝܟ̥ܺܝܢܰܐ ܘܡܰܛܺܝܢܰܐ ܠܺܗ̄ܝ ܡܕ̥ܺܝܢ̱ܬܳܐ ܕܪܶܓ̥ܺܝܳܘܢ. ܘܒ݄ܬ̥݄ܪ ܚܰܕ̱ ܝܰܘܡܳܐ ܩܰܝܺܝܡܳܐ ܐܰܥܠܰܢ ܗܰܘܰܐ ܕܽܗ̄ܘ ܬܰܝܡܢܳܐ. ܘܒ݄ܬ̥݄ܪ ܬܪܶܝ ܝܰܘܡ̈ܶܐ ܡܰܛܺܝܢܰܐ ܠܺܗ̄ܝ ܡܕ̥ܺܝܢ̱ܬܳܐ ܕܦܳܘܛܺܝܰܐܠܳܣ ܕܺܐܝܛܰܠܺܝܰܐ. 14ܘܬܰܡܳܐ ܚܙܶܐ ܠܰܢ ܠܰܗ̄ܢ ܐܰܚ̈ܽܘܢܳܢܶܐ، ܘܰܐܒܺܝܥܺܝ ܡܶܢܰܢ، ܘܦܰܝܺܝܫܺܝܢܰܐ ܓܰܒܰܝّܶܗ ܫܰܒ̥ܥܳܐ ܝܰܘܡ̈ܶܐ، ܘܒ݄ܬ̥݄ܪ ܐܰܙّܰܢ ܠܪܽܘܡܺܝ. 15ܘܺܗ̄ܝ ܢܰܩܠܐ ܕܫܰܡܺܝܥܺܝ ܗ̄ܰܢ ܐܰܚ̈ܽܘܢܳܢܶܐ ܕܬܰܡܳܐ، ܢܰܦܺܝܩܺܝ ܠܩܰܕ̱ܡܽܘܬ̥ܰܝܢܰܐ ܗܳܠ ܠܺܗ̄ܝ ܫܽܘܩܳܐ ܕ݄ܟܡ݄ܩܪܳܝܳܐ ܐܰܦܺ̊ܝܳܘܣ ܦܳܘܪܳܘܣ ܘܗܳܠ ܠܰܬܠܳܬ̥ܳܐ ܕ̈ܽܘܟܰܢܶܐ. ܘܺܗ̄ܝ ܢܰܩܠܐ ܕܦܰܘܠܳܘܣ ܚܙܰܠّܶܗ، ܡܰܘܕܶܐ ܠܶܗ ܠܰܐܠܳܗܳܐ ܘܗܰܘܺܝ ܒܚܰܝܠܳܐ. 16ܘܥܰܒܺܝܪܺܝܢܰܐ ܠܪܽܘܡܺܝ. ܘܽܗ̄ܘ ܩܶܢܛܪܽܘܢܳܐ ܛܪܶܐ ܠܶܗ ܠܦܰܘܠܳܘܣ ܕܝܳܬܽܒ̥ ܐܰܝܟܳܐ ܕܟܳܐܒ݄ܥ ܥܰܡ ܚܰܕ̱ ܪܽܘܡܳܝܳܐ ܗܰܘܳܐ ܕܢܳܛܰܪ ܗ̄ܘܰܝ ܠܶܗ.
ܦܰܘܠܳܘܣ ܒܪܽܘܡܺܝ
17ܘܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܦܰܘܠܳܘܣ ܡܫܰܕܰܪ ܠܶܗ ܩܪܶܐ ܠܶܗ ܠܰܪّܺܝܫܳܢ̈ܶܐ ܕܰܝّܽܘܕ̥̈ܳܝܶܐ. ܘܺܗ̄ܝ ܢܰܩܠܐ ܕܠܰܬܺܝܡܺܝ، ܐܡ݄ܪ ܠܰܗ ܠّܶܗ: ”ܝܰܐ ܓܰܒܪ̈ܶܐ ܐܰܚ̈ܽܘܢܳܢܶܐ، ܐܳܢܳܐ ܥܰܡ ܕܠܳܐ ܩܰܝ݄ܡ ܐ̱ܢܳܐ ܒܡܶܕܶܐ ܡܩܰܒ݄ܠ ܕܽܗ̄ܘ ܥܰܡܳܐ ܘܕܽܗ̄ܘ ܢܳܡܽܘܣܳܐ ܕܰܒّܰܒܳܢ̈ܰܝܕ̥ܺܝ، ܒܰܗ̄ܢ ܐܰܣܽܘܪ̈ܶܐ ܡܰܫܠܰܡ ܐ̱ܢܳܐ (ܡܬܰܫܠܰܡ ܐ̱ܢܳܐ) ܡܶܢ̱ ܐܽܘܪܶܫܠܶܡ ܒܺܐܝܕ̥ܶܗ ܕܰܪّܽܘܡܳܝ̈ܶܐ. 18ܘܗ݄ܢّܶܝ ܗ̄ܺܝ ܢܰܩܠܐ ܕ݄ܡܫܰܐܶܠّܰܗ ܠܺܝ ܐܰܒܺܝܥܺܝ ܕܡܰܪܦ݄ܢ ܠܺܝ ܥܰܠ ܕܠܳܐ ܚܙܰܠّܶܗ ܐܰܥܠܺܝ ܚܛܳܗܳܐ ܕܫܳܘܶܐ ܠܽܗ̄ܘ ܡܰܘܬܳܐ. 19ܘܺܗ̄ܝ ܢܰܩܠܐ ܕܰܝّܽܘܕ̥̈ܳܝܶܐ ܩܰܝܡܺܝ ܗ̄ܘܰܘ̱ ܐܰܥܠܺܝ، ܥܨ݄ܪ ܐ̱ܢܳܐ ܕܩܳܪܶܐ ܐ̱ܢܳܐ ܠܽܗ̄ܘ ܣܽܘܬܳܪܳܐ ܕܩܶܣܰܪ، ܠܳܐ ܠܰܫܰܢ ܕܡܰܫܟܶܐ ܐ̱ܢܳܐ ܡܶܕܶܐ ܥܰܠ ܗ̄ܽܘ ܥܰܡܰܝܕ̥ܺܝ. 20ܡܰܗ̄ܘܟ̥ܰܐ ܐܰܒ݄ܥ ܐ̱ܢܳܐ ܡ݄ܢܟ̥ܽܘ ܕܳܐܬ̥ܺܝܬܽܘ، ܘܚܳܙܶܐ ܐ̱ܢܳܐ ܠܟ̥ܽܘ ܘܡ݄ܫܓ̥ܰܠ ܐ̱ܢܳܐ ܠܟ̥ܽܘ ܥܰܠ ܗܰܢܺܝ، ܡܺܐܝܕ̥ܶܗ ܕܥܰܠ ܗ̄ܽܘ ܣܰܒܪܳܐ ܕܺܐܝܣܪܳܐܶܝܠ ܡܰܐܣܪܳܐ ܐ̱ܢܳܐ ܒܺܗ̄ܝ ܫܺܝܫܰܠܬܰܬ̥ܶܐ.“ 21ܗ݄ܢّܶܝ ܐܡ݄ܪّܰܗ ܠܶܗ: ”ܐܰܚܢܰܐ ܠܳܐ ܡܰܛܺܝ ܠܰܢ ܐܶܓܰܪܬ̥ܳܐ ܡܶܢ̱ ܝܺܗܽܘܕ̥ ܐܰܥܠܳܟ̥، ܘܠܳܐ ܢܳܫܳܐ ܡܰܗ̄ܢ ܐܰܚ̈ܽܘܢܳܢܶܐ ܕܰܐܬ̥݄ܢ ܡܶܢ̱ ܐܽܘܪܶܫܠܶܡ ܐܡ݄ܪ ܠܶܗ ܠܰܢ ܡܶܕܶܐ ܒܺܝܫܳܐ ܐܰܥܠܳܟ̥. 22ܘܟ݄ܐܒܥܺܝܢܰܐ ܕܫܳܡܥܺܝܢܰܐ ܡܶܢܳܟ̥ ܗ̄ܽܘ ܡܶܕܶܐ ܕܟ݄ܐܒܥܰܬ ܠܶܗ، ܡܺܐܝܕ̥ܶܗ ܕܟܳܐܕ̥ܥܺܝܢܰܐ ܕܽܗ̄ܘ ܝܽܘܠܦܳܢܰܢܳܐ ܢܳܫܳܐ ܠ݄ܐ ܟܡܰܩܒܶܠ ܠܶܗ.“
23ܘ݄ܡܥܰܝܰܢّܰܗ ܠܶܗ ܝܰܘܡܳܐ، ܘܠܰܬܺܝܡܺܝ ܘܰܐܬ̥݄ܢ ܠܓܰܒܶܗ ܐܰܝܟܳܐ ܕܝܳܬܰܒ̥ ܗ̄ܘܰܐ. ܘܡܰܚܘܶܐ ܠܰܗ ܠّܶܗ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ، ܘܗܺܝّܶܗ ܟܣܳܗ݄ܕ ܘܡܰܘܠܰܦّܶܗ ܥܰܠ ܝܶܫܽܘܥ ܡܽܗ̄ܘ ܢܳܡܽܘܣܳܐ ܕܡܽܘܫܶܐ ܘܡܰܗ̄ܢ ܢܒܺܝ̈ܶܐ، ܡܶܢ̱ ܨܰܦܪܰܝܬܳܐ ܗܳܠ ܓܢܰܝܬܶܗ ܕܽܗ̄ܘ ܝܰܘܡܳܐ. 24ܘܢܳܫ̈ܶܐ ܡ݄ܢّܶܗ ܡܰܩܒܠܺܝ ܗ̄ܘܰܘ̱ ܠܽܗ̄ܘ ܡܰܐܡܪܰܝܕ̥ܶܗ، ܘ݄ܚܪ̈ܶܢܶܐ ܠܳܐ ܡܰܩܒܠܺܝ ܗ̄ܘܰܘ̱. 25ܘܢܰܦܺܝܩܺܝ ܡܶܢ̱ ܓܰܒܶܗ ܘܗ݄ܢّܶܝ ܦܠܺܝܓ̥̈ܶܐ ܥܰܠ ܚܕ̥ܳܕ̥̈ܶܐ. ܘܦܰܘܠܳܘܣ ܐܡ݄ܪ ܠܰܗ ܠّܶܗ ܗ̄ܽܘ ܡܰܐܡܪܰܢܳܐ: ”ܛܳܒ̥ܳܐ ܫܓ̥ܺܝܠ ܪܽܘܚܳܐ ܕܩܽܘܕܫܳܐ ܒܦܶܡܶܗ ܕܶܐܫܰܥܝܳܐ ܗ̄ܽܘ ܢܒܺܝܳܐ ܡܩܰܒ݄ܠ ܕܰܒّܰܒܳܢ̈ܰܬ̥ܟ̥ܽܘ، 26ܘܗܺܝّܶܗ ܟܳܐܡ݄ܪ ’ܙܳܟ̥ ܓܰܒ ܗ̄ܽܘ ܥܰܡܰܢܳܐ ܘܰܐܡܰܪ ܐܰܠّܶܗ، ܫܡܳܥܳܐ ܟܫ݄ܡܥܺܝܬܽܘ ܘܠ݄ܐ ܟ݄ܐܕ̥ܥܺܝܬܽܘ، ܘ݄ܟܚܰܝܪܺܝܬܽܘ ܘܠ݄ܐ ܟܚܳܙܺܝܬܽܘ. 27ܡܺܐܝܕ̥ܶܗ ܕܩܰܫܺܝ ܠܶܒܶܗ ܕܽܗ̄ܘ ܥܰܡܰܢܳܐ، ܘ݄ܣܟ̥݄ܪّܶܗ ܐܰܕ̥̈ܢܳܬ̥ܰܝّܶܗ ܘ݄ܡܥܰܡܰܨّܶܗ ܥܰܝܢ̈ܳܬ̥ܰܝّܶܗ ܕܠܳܐ ܚܳܙ݄ܢ ܒܥܰܝܢ̈ܳܬ̥ܰܝّܶܗ ܘܫ݄ܡܥܺܝ ܒܰܐܕ̥̈ܢܰܝّܶܗ ܘ݄ܐܕ̥ܥܺܝ ܒܠܶܒܰܝّܶܗ، ܘܬܰܝܒܺܝ ܠܓܰܒܺܝ ܘܳܗ̄ܒܺܝܢܰܢّܶܗ ܫܽܘܒܩܳܢܳܐ.‘ 28ܗܰܢ ܢܰܩܠܐ ܛܪܳܐ ܗ̄ܘܝܳܐ ܗܰܬ̥ܶܐ ܝܕ̥ܺܝܥܬܳܐ ܐܰܠܟ̥ܽܘ: ܠܰܥّܰܡ̈ܶܐ ܡܫܰܕ݄ܪ ܗ̄ܽܘ ܦܽܘܪܩܳܢܰܢܳܐ ܕܰܐܠܳܗܳܐ، ܡܺܐܝܕ̥ܶܗ ܕܗ݄ܢّܶܝ ܣܬܶܝ ܟܫ݄ܡܥܺܝ ܠܶܗ.“
29ܘܺܗ̄ܝ ܢܰܩܠܐ ܕܐܡ݄ܪ ܠܶܗ ܗܰܢܺܝ، ܢܰܦܺܝܩܺܝ ܗ̄ܰܝّܽܘܕ̥̈ܳܝܶܐ ܘܓ̥ܰܠܰܒܶܐ ܕܳܪܫܺܝ ܗ̄ܘܰܘ̱ ܥܰܡ ܚܕ̥ܳܕ̥̈ܶܐ. 30ܘܦܰܘܠܳܘܣ ܝܺܓ̥݄ܪ ܠܶܗ ܒܰܝܬܳܐ ܥܰܠ ܗ̄ܽܘ ܚܫܳܒ̥ܰܝܕ̥ܶܗ، ܘܦܰܝ݄ܫ ܐܶܒܶܗ ܬܰܪܬܶܝ ܐ݄ܫܢ̈ܶܐ، ܘܡܰܩܒܰܠ ܗ̄ܘܰܐ ܬܰܡܳܐ ܠܟܘ̇ܠّܶܗ ܐܰܝܢܰܐ ܕܳܐܬ̥݄ܢ ܗ̄ܘܰܘ̱ ܠܣܺܝܕ̥ܶܗ. 31ܘܟܳܪܰܙ ܗ̄ܘܰܐ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ، ܘܡܰܘܠܰܦ ܗ̄ܘܰܐ ܒܓܰܠܝܳܐ ܥܰܠ ܡܳܪܰܢ ܝܶܫܽܘܥ ܡܫܺܝܚܳܐ ܕܠܳܐ ܟܠܳܝܳܐ.
Currently Selected:
ܥܒܳܕ̥̈ܶܐ ܕܰܫܠܺܝܚ̈ܶܐ 28: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܥܒܳܕ̥̈ܶܐ ܕܰܫܠܺܝܚ̈ܶܐ 28
28
ܦܰܘܠܳܘܣ ܒܡܺܝܠܶܛܶܐ
1ܘܒ݄ܬ̥݄ܪܟܶܐ ܝܰܠܺܝܦܺܝܢܰܐ ܕܺܗ̄ܝ ܓܙܺܝܪܬܰܝܳܐ ܟܡ݄ܩܪܳܝܳܐ ܡܺܝܠܶܛܶܐ. 2ܘܰܒّܰܪܒܪ̈ܳܝܶܐ ܕܥܳܡܪܺܝ ܗ̄ܘܰܘ̱ ܐܶܒܰܗ ܡܰܚܘܰܠّܰܗ ܠܰܢ ܪ̈ܰܚܡܶܐ ܓ̥ܰܠܰܒܶܐ، ܘܡܰܕܠܰܩّܶܗ ܢܽܘܪܳܐ ܘ݄ܩܪܰܠّܶܗ ܠܟܽܘܠܰܢ ܕ݄ܡܫܰܚܢܺܝܢܰܐ، ܥܰܠ ܕܟ݄ܬ ܗ̄ܘܰܐ ܡܰܛܪܳܐ ܘܩܽܘܪܳܐ ܓ̥ܰܠܰܒܶܐ. 3ܘܦܰܘܠܳܘܣ ܡ݄ܕ ܠܶܗ ܩ݄ܦܠܳܐ ܕܩܰܝܣ̈ܶܐ ܘܡܰܚܰܬ ܠܶܗ ܥܰܠ ܗ̄ܺܝ ܢܽܘܪܳܐ، ܘܢܰܦܺܝܩܳܐ ܡ݄ܢّܶܗ ܟܽܘܪܦܳܐ، ܡܺܗ̄ܝ ܫܚܰܢܬܳܐ ܕܺܗ̄ܝ ܢܽܘܪܳܐ، ܘ݄ܢܟ݄ܬ ܠܰܗ ܐܺܝܕ̥ܶܗ. 4ܘܺܗ̄ܝ ܢܰܩܠܐ ܕ݄ܚܙܰܠّܶܗ ܗ̄ܰܒّܰܪܒܪ̈ܳܝܶܐ ܕ݄ܡܥܰܠܩܳܐ ܒܺܐܝܕ̥ܶܗ، ܐܡ݄ܪّܶܗ: ”ܟܳܗ̄ܘܶܐ ܕܽܗ̄ܘ ܓܰܒ̥ܪܰܢܳܐ ܩܰܛܳܠܳܐ ܝܳܐ، ܕܺܗ̄ܝ ܢܰܩܠܐ ܕܦܰܠ݄ܛ ܡܽܗ̄ܘ ܝܰܡܳܐ، ܗ̄ܺܝ ܟܺܐܢܽܘܬ̥ܳܐ ܠܳܐ ܛܪܶܐ ܠܰܗ ܕܚܳܝܶܐ.“
5ܘܗܺܝّܶܗ ܦܰܘܠܳܘܣ ܢܦ݄ܨ ܠܶܗ ܐܺܝܕ̥ܶܗ ܘ݄ܡܚܰܠܰܩ ܠܶܗ ܗ̄ܺܝ ܟܽܘܪܦܳܐ ܒܺܗ̄ܝ ܢܽܘܪܳܐ، ܘܡܶܕܶܐ ܚܰܪܒܳܐ ܠܰܐ ܗ̄ܘܺܝ ܠܶܗ. 6ܘܰܒّܰܪܒܪ̈ܳܝܶܐ ܚܫܽܒّ̥ܶܗ ܕܒܺܗ̄ܝ ܫܳܥܬ̥ܰܝܕ̥ܰܗ ܓܡ݄ܢܦ݄̊ܚ ܘ݄ܓܢܳܦ݄ܠ ܡܺܝܬ̥ܳܐ ܥܰܠ ܗ̄ܺܝ ܐܰܪܥܳܐ. ܘܒ݄ܬ̥݄ܪ ܕ݄ܢܛ݄ܪّܶܗ ܙܰܒܢܳܐ ܝܰܪܺܝܟ̥ܳܐ ܚܙܰܠّܶܗ ܕܡܶܕܶܐ ܚܰܪܒܳܐ ܠܰܐ ܗ̄ܘܺܝ ܠܶܗ، ܡܚܰܠܰܦّܶܗ ܗ̄ܽܘ ܡܰܐܡܪܰܬّ̥ܶܗ ܘܐܡ݄ܪّܶܗ: ”ܐܰܠܳܗܳܐ ܝܳܐ!“
7ܘܟ݄ܬ ܗ̄ܘܰܐ ܩ݄ܪ̈ܝܰܘܳܬ̥ܳܐ ܒܽܗ̄ܘ ܐܰܬ̥ܪܰܘܳܐ ܠܚܰܕ̱ ܓܰܒ̥ܪܳܐ ܕ݄ܐܫܡܶܗ ܦܳܘܦ̊ܠܺܝܳܘܣ، ܗܺܝّܶܗ ܗ̄ܘܰܐ ܗ̄ܽܘ ܪܺܝܫܳܐ ܕܺܗ̄ܝ ܓܙܺܝܪܬܳܐ، ܘܡܰܩܒܶܠ ܠܶܗ ܠܰܢ ܒܽܗ̄ܘ ܒܰܝܬܰܝܕ̥ܶܗ ܬܠܳܬ̥ܳܐ ܝܰܘܡ̈ܶܐ ܒ݄ܦܨܺܝܚܽܘܬ̥ܳܐ. 8ܘܽܗ̄ܘ ܒܰܒܳܐ ܕܦܳܘܦ̊ܠܺܝܳܘܣ ܟܰܐܺܝܒ̥ܳܐ ܗ̄ܘܰܐ ܒܺܗ̄ܝ ܚܶܡܬܳܐ ܘ݄ܒܟܶܐܒ̥ܳܐ ܕܰܡّܶܥ̈ܘܳܬ̥ܳܐ. ܘܥܰܒ݄ܪ ܠܣܺܝܕ̥ܶܗ ܦܰܘܠܳܘܣ ܘ݄ܡܨܰܠܶܐ ܠܶܗ ܘܡܰܚܰܬ ܠܶܗ ܐܺܝܕ̥ܶܗ ܐܰܥܠܶܗ ܘܡܰܢ݄ܚ ܠܶܗ. 9ܘܺܗ̄ܝ ܢܰܩܠܐ ܕܗܰܘܝܳܐ ܗܰܬ̥ܶܐ، ܗ̄ܰܟّܰܐܺܝܒ̥̈ܶܐ ܚܪ̈ܶܢܶܐ ܐܰܝܢܰܐ ܕܒܺܗ̄ܝ ܓܙܺܝܪܬܳܐ ܡܩܰܕܡܺܝ ܗ̄ܘܰܘ̱ ܠܣܺܝܕ̥ܶܗ ܘܢܳܝܰܚ ܗ̄ܘܰܘ̱ ܠّܶܗ. 10ܘܺܐܝܩܳܪܳܐ ܪܰܒܳܐ ܡܝܰܩܰܪّܰܗ ܠܰܢ، ܘܺܗ̄ܝ ܢܰܩܠܐ ܕܢܰܦܺܝܩܺܝܢܰܐ ܡܶܢ̱ ܬܰܡܳܐ ܙܘܳܕ̈ܶܐ ܗܽܒّ̥ܰܗ ܠܰܢ.
ܡܶܢ̱ ܡܺܝܠܶܛܶܐ ܠܪܽܘܡܺܝ
11ܘܒ݄ܬ̥݄ܪ ܬܠܳܬ̥ܳܐ ܝܰܪ̈ܚܶܐ، ܢܰܦܺܝܩܺܝܢܰܐ ܘܰܐܙّܰܢ ܒܺܗ̄ܝ ܣܦܺܝܢ̱ܬܳܐ ܐܰܠܶܟܣܰܢܕܪܰܝܬܳܐ ܕܦܰܝܺܝܫܳܐ ܗ̄ܘܰܐ ܗ̄ܽܘ ܣܰܬ̥ܘܳܐ ܒܺܗ̄ܝ ܓܙܺܝܪܬܳܐ، ܘܟ݄ܬ ܗ̄ܘܰܐ ܐܰܥܠܰܗ ܐܳܬ̥ܳܐ ܕܬܳܐܡ̈ܶܐ (ܕ݄ܬܪܶܝ ܐܰܠܳܗ̈ܶܐ).
12ܘܰܐܬ̥ܺܝܢܰܐ ܠܺܗ̄ܝ ܡܕ̥ܺܝܢ̱ܬܳܐ ܕܣܽܪܰܩܳܘܣܰܐ، ܘܦܰܝܺܝܫܺܝܢܰܐ ܬܰܡܳܐ ܬܠܳܬ̥ܳܐ ܝܰܘܡ̈ܶܐ. 13ܘܡܶܢ̱ ܬܰܡܳܐ ܟܰܪܺܝܟ̥ܺܝܢܰܐ ܘܡܰܛܺܝܢܰܐ ܠܺܗ̄ܝ ܡܕ̥ܺܝܢ̱ܬܳܐ ܕܪܶܓ̥ܺܝܳܘܢ. ܘܒ݄ܬ̥݄ܪ ܚܰܕ̱ ܝܰܘܡܳܐ ܩܰܝܺܝܡܳܐ ܐܰܥܠܰܢ ܗܰܘܰܐ ܕܽܗ̄ܘ ܬܰܝܡܢܳܐ. ܘܒ݄ܬ̥݄ܪ ܬܪܶܝ ܝܰܘܡ̈ܶܐ ܡܰܛܺܝܢܰܐ ܠܺܗ̄ܝ ܡܕ̥ܺܝܢ̱ܬܳܐ ܕܦܳܘܛܺܝܰܐܠܳܣ ܕܺܐܝܛܰܠܺܝܰܐ. 14ܘܬܰܡܳܐ ܚܙܶܐ ܠܰܢ ܠܰܗ̄ܢ ܐܰܚ̈ܽܘܢܳܢܶܐ، ܘܰܐܒܺܝܥܺܝ ܡܶܢܰܢ، ܘܦܰܝܺܝܫܺܝܢܰܐ ܓܰܒܰܝّܶܗ ܫܰܒ̥ܥܳܐ ܝܰܘܡ̈ܶܐ، ܘܒ݄ܬ̥݄ܪ ܐܰܙّܰܢ ܠܪܽܘܡܺܝ. 15ܘܺܗ̄ܝ ܢܰܩܠܐ ܕܫܰܡܺܝܥܺܝ ܗ̄ܰܢ ܐܰܚ̈ܽܘܢܳܢܶܐ ܕܬܰܡܳܐ، ܢܰܦܺܝܩܺܝ ܠܩܰܕ̱ܡܽܘܬ̥ܰܝܢܰܐ ܗܳܠ ܠܺܗ̄ܝ ܫܽܘܩܳܐ ܕ݄ܟܡ݄ܩܪܳܝܳܐ ܐܰܦܺ̊ܝܳܘܣ ܦܳܘܪܳܘܣ ܘܗܳܠ ܠܰܬܠܳܬ̥ܳܐ ܕ̈ܽܘܟܰܢܶܐ. ܘܺܗ̄ܝ ܢܰܩܠܐ ܕܦܰܘܠܳܘܣ ܚܙܰܠّܶܗ، ܡܰܘܕܶܐ ܠܶܗ ܠܰܐܠܳܗܳܐ ܘܗܰܘܺܝ ܒܚܰܝܠܳܐ. 16ܘܥܰܒܺܝܪܺܝܢܰܐ ܠܪܽܘܡܺܝ. ܘܽܗ̄ܘ ܩܶܢܛܪܽܘܢܳܐ ܛܪܶܐ ܠܶܗ ܠܦܰܘܠܳܘܣ ܕܝܳܬܽܒ̥ ܐܰܝܟܳܐ ܕܟܳܐܒ݄ܥ ܥܰܡ ܚܰܕ̱ ܪܽܘܡܳܝܳܐ ܗܰܘܳܐ ܕܢܳܛܰܪ ܗ̄ܘܰܝ ܠܶܗ.
ܦܰܘܠܳܘܣ ܒܪܽܘܡܺܝ
17ܘܒ݄ܬ̥݄ܪ ܬܠܳܬ̥ܳܐ ܝܰܘܡ̈ܶܐ، ܦܰܘܠܳܘܣ ܡܫܰܕܰܪ ܠܶܗ ܩܪܶܐ ܠܶܗ ܠܰܪّܺܝܫܳܢ̈ܶܐ ܕܰܝّܽܘܕ̥̈ܳܝܶܐ. ܘܺܗ̄ܝ ܢܰܩܠܐ ܕܠܰܬܺܝܡܺܝ، ܐܡ݄ܪ ܠܰܗ ܠّܶܗ: ”ܝܰܐ ܓܰܒܪ̈ܶܐ ܐܰܚ̈ܽܘܢܳܢܶܐ، ܐܳܢܳܐ ܥܰܡ ܕܠܳܐ ܩܰܝ݄ܡ ܐ̱ܢܳܐ ܒܡܶܕܶܐ ܡܩܰܒ݄ܠ ܕܽܗ̄ܘ ܥܰܡܳܐ ܘܕܽܗ̄ܘ ܢܳܡܽܘܣܳܐ ܕܰܒّܰܒܳܢ̈ܰܝܕ̥ܺܝ، ܒܰܗ̄ܢ ܐܰܣܽܘܪ̈ܶܐ ܡܰܫܠܰܡ ܐ̱ܢܳܐ (ܡܬܰܫܠܰܡ ܐ̱ܢܳܐ) ܡܶܢ̱ ܐܽܘܪܶܫܠܶܡ ܒܺܐܝܕ̥ܶܗ ܕܰܪّܽܘܡܳܝ̈ܶܐ. 18ܘܗ݄ܢّܶܝ ܗ̄ܺܝ ܢܰܩܠܐ ܕ݄ܡܫܰܐܶܠّܰܗ ܠܺܝ ܐܰܒܺܝܥܺܝ ܕܡܰܪܦ݄ܢ ܠܺܝ ܥܰܠ ܕܠܳܐ ܚܙܰܠّܶܗ ܐܰܥܠܺܝ ܚܛܳܗܳܐ ܕܫܳܘܶܐ ܠܽܗ̄ܘ ܡܰܘܬܳܐ. 19ܘܺܗ̄ܝ ܢܰܩܠܐ ܕܰܝّܽܘܕ̥̈ܳܝܶܐ ܩܰܝܡܺܝ ܗ̄ܘܰܘ̱ ܐܰܥܠܺܝ، ܥܨ݄ܪ ܐ̱ܢܳܐ ܕܩܳܪܶܐ ܐ̱ܢܳܐ ܠܽܗ̄ܘ ܣܽܘܬܳܪܳܐ ܕܩܶܣܰܪ، ܠܳܐ ܠܰܫܰܢ ܕܡܰܫܟܶܐ ܐ̱ܢܳܐ ܡܶܕܶܐ ܥܰܠ ܗ̄ܽܘ ܥܰܡܰܝܕ̥ܺܝ. 20ܡܰܗ̄ܘܟ̥ܰܐ ܐܰܒ݄ܥ ܐ̱ܢܳܐ ܡ݄ܢܟ̥ܽܘ ܕܳܐܬ̥ܺܝܬܽܘ، ܘܚܳܙܶܐ ܐ̱ܢܳܐ ܠܟ̥ܽܘ ܘܡ݄ܫܓ̥ܰܠ ܐ̱ܢܳܐ ܠܟ̥ܽܘ ܥܰܠ ܗܰܢܺܝ، ܡܺܐܝܕ̥ܶܗ ܕܥܰܠ ܗ̄ܽܘ ܣܰܒܪܳܐ ܕܺܐܝܣܪܳܐܶܝܠ ܡܰܐܣܪܳܐ ܐ̱ܢܳܐ ܒܺܗ̄ܝ ܫܺܝܫܰܠܬܰܬ̥ܶܐ.“ 21ܗ݄ܢّܶܝ ܐܡ݄ܪّܰܗ ܠܶܗ: ”ܐܰܚܢܰܐ ܠܳܐ ܡܰܛܺܝ ܠܰܢ ܐܶܓܰܪܬ̥ܳܐ ܡܶܢ̱ ܝܺܗܽܘܕ̥ ܐܰܥܠܳܟ̥، ܘܠܳܐ ܢܳܫܳܐ ܡܰܗ̄ܢ ܐܰܚ̈ܽܘܢܳܢܶܐ ܕܰܐܬ̥݄ܢ ܡܶܢ̱ ܐܽܘܪܶܫܠܶܡ ܐܡ݄ܪ ܠܶܗ ܠܰܢ ܡܶܕܶܐ ܒܺܝܫܳܐ ܐܰܥܠܳܟ̥. 22ܘܟ݄ܐܒܥܺܝܢܰܐ ܕܫܳܡܥܺܝܢܰܐ ܡܶܢܳܟ̥ ܗ̄ܽܘ ܡܶܕܶܐ ܕܟ݄ܐܒܥܰܬ ܠܶܗ، ܡܺܐܝܕ̥ܶܗ ܕܟܳܐܕ̥ܥܺܝܢܰܐ ܕܽܗ̄ܘ ܝܽܘܠܦܳܢܰܢܳܐ ܢܳܫܳܐ ܠ݄ܐ ܟܡܰܩܒܶܠ ܠܶܗ.“
23ܘ݄ܡܥܰܝܰܢّܰܗ ܠܶܗ ܝܰܘܡܳܐ، ܘܠܰܬܺܝܡܺܝ ܘܰܐܬ̥݄ܢ ܠܓܰܒܶܗ ܐܰܝܟܳܐ ܕܝܳܬܰܒ̥ ܗ̄ܘܰܐ. ܘܡܰܚܘܶܐ ܠܰܗ ܠّܶܗ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ، ܘܗܺܝّܶܗ ܟܣܳܗ݄ܕ ܘܡܰܘܠܰܦّܶܗ ܥܰܠ ܝܶܫܽܘܥ ܡܽܗ̄ܘ ܢܳܡܽܘܣܳܐ ܕܡܽܘܫܶܐ ܘܡܰܗ̄ܢ ܢܒܺܝ̈ܶܐ، ܡܶܢ̱ ܨܰܦܪܰܝܬܳܐ ܗܳܠ ܓܢܰܝܬܶܗ ܕܽܗ̄ܘ ܝܰܘܡܳܐ. 24ܘܢܳܫ̈ܶܐ ܡ݄ܢّܶܗ ܡܰܩܒܠܺܝ ܗ̄ܘܰܘ̱ ܠܽܗ̄ܘ ܡܰܐܡܪܰܝܕ̥ܶܗ، ܘ݄ܚܪ̈ܶܢܶܐ ܠܳܐ ܡܰܩܒܠܺܝ ܗ̄ܘܰܘ̱. 25ܘܢܰܦܺܝܩܺܝ ܡܶܢ̱ ܓܰܒܶܗ ܘܗ݄ܢّܶܝ ܦܠܺܝܓ̥̈ܶܐ ܥܰܠ ܚܕ̥ܳܕ̥̈ܶܐ. ܘܦܰܘܠܳܘܣ ܐܡ݄ܪ ܠܰܗ ܠّܶܗ ܗ̄ܽܘ ܡܰܐܡܪܰܢܳܐ: ”ܛܳܒ̥ܳܐ ܫܓ̥ܺܝܠ ܪܽܘܚܳܐ ܕܩܽܘܕܫܳܐ ܒܦܶܡܶܗ ܕܶܐܫܰܥܝܳܐ ܗ̄ܽܘ ܢܒܺܝܳܐ ܡܩܰܒ݄ܠ ܕܰܒّܰܒܳܢ̈ܰܬ̥ܟ̥ܽܘ، 26ܘܗܺܝّܶܗ ܟܳܐܡ݄ܪ ’ܙܳܟ̥ ܓܰܒ ܗ̄ܽܘ ܥܰܡܰܢܳܐ ܘܰܐܡܰܪ ܐܰܠّܶܗ، ܫܡܳܥܳܐ ܟܫ݄ܡܥܺܝܬܽܘ ܘܠ݄ܐ ܟ݄ܐܕ̥ܥܺܝܬܽܘ، ܘ݄ܟܚܰܝܪܺܝܬܽܘ ܘܠ݄ܐ ܟܚܳܙܺܝܬܽܘ. 27ܡܺܐܝܕ̥ܶܗ ܕܩܰܫܺܝ ܠܶܒܶܗ ܕܽܗ̄ܘ ܥܰܡܰܢܳܐ، ܘ݄ܣܟ̥݄ܪّܶܗ ܐܰܕ̥̈ܢܳܬ̥ܰܝّܶܗ ܘ݄ܡܥܰܡܰܨّܶܗ ܥܰܝܢ̈ܳܬ̥ܰܝّܶܗ ܕܠܳܐ ܚܳܙ݄ܢ ܒܥܰܝܢ̈ܳܬ̥ܰܝّܶܗ ܘܫ݄ܡܥܺܝ ܒܰܐܕ̥̈ܢܰܝّܶܗ ܘ݄ܐܕ̥ܥܺܝ ܒܠܶܒܰܝّܶܗ، ܘܬܰܝܒܺܝ ܠܓܰܒܺܝ ܘܳܗ̄ܒܺܝܢܰܢّܶܗ ܫܽܘܒܩܳܢܳܐ.‘ 28ܗܰܢ ܢܰܩܠܐ ܛܪܳܐ ܗ̄ܘܝܳܐ ܗܰܬ̥ܶܐ ܝܕ̥ܺܝܥܬܳܐ ܐܰܠܟ̥ܽܘ: ܠܰܥّܰܡ̈ܶܐ ܡܫܰܕ݄ܪ ܗ̄ܽܘ ܦܽܘܪܩܳܢܰܢܳܐ ܕܰܐܠܳܗܳܐ، ܡܺܐܝܕ̥ܶܗ ܕܗ݄ܢّܶܝ ܣܬܶܝ ܟܫ݄ܡܥܺܝ ܠܶܗ.“
29ܘܺܗ̄ܝ ܢܰܩܠܐ ܕܐܡ݄ܪ ܠܶܗ ܗܰܢܺܝ، ܢܰܦܺܝܩܺܝ ܗ̄ܰܝّܽܘܕ̥̈ܳܝܶܐ ܘܓ̥ܰܠܰܒܶܐ ܕܳܪܫܺܝ ܗ̄ܘܰܘ̱ ܥܰܡ ܚܕ̥ܳܕ̥̈ܶܐ. 30ܘܦܰܘܠܳܘܣ ܝܺܓ̥݄ܪ ܠܶܗ ܒܰܝܬܳܐ ܥܰܠ ܗ̄ܽܘ ܚܫܳܒ̥ܰܝܕ̥ܶܗ، ܘܦܰܝ݄ܫ ܐܶܒܶܗ ܬܰܪܬܶܝ ܐ݄ܫܢ̈ܶܐ، ܘܡܰܩܒܰܠ ܗ̄ܘܰܐ ܬܰܡܳܐ ܠܟܘ̇ܠّܶܗ ܐܰܝܢܰܐ ܕܳܐܬ̥݄ܢ ܗ̄ܘܰܘ̱ ܠܣܺܝܕ̥ܶܗ. 31ܘܟܳܪܰܙ ܗ̄ܘܰܐ ܥܰܠ ܗ̄ܺܝ ܡܰܠܟܽܘܬ̥ܳܐ ܕܰܐܠܳܗܳܐ، ܘܡܰܘܠܰܦ ܗ̄ܘܰܐ ܒܓܰܠܝܳܐ ܥܰܠ ܡܳܪܰܢ ܝܶܫܽܘܥ ܡܫܺܝܚܳܐ ܕܠܳܐ ܟܠܳܝܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation