ܥܒܳܕ̥̈ܶܐ ܕܰܫܠܺܝܚ̈ܶܐ 27
27
ܦܰܘܠܳܘܣ ܒܽܗ̄ܘ ܒܕܰܪܒܳܐ ܕܪܽܗ̄ܘܡܺܝ
1ܘܦܺܗܣܛܳܘܣ ܗܽܒ̥ ܠܶܗ ܦܽܘܩܕܳܢܳܐ ܕܡܺܝܫܰܕ݄ܪ ܠܓܰܒ ܩܶܣܰܪ ܠܺܐܝܛܰܠܺܝܰܐ، ܘܡܰܫܠܰܡ ܠܶܗ ܠܦܰܘܠܳܘܣ ܘܠܰܝّܰܣܺܝܪ̈ܶܐ ܚܪ̈ܶܢܶܐ ܐܰܥܡܶܗ ܠܚܰܕ̱ ܩܶܢܛܪܽܘܢܳܐ ܡܺܗ̄ܝ ܓܽܘܕܳܐ ܕܺܗ̄ܝ ܡܰܠܟܽܘܬ̥ܳܐ ܕ݄ܐܫܡܶܗ ܝܽܘܠܺܝܳܘܣ. 2ܘܺܗ̄ܝ ܢܰܩܠܐ ܕܗܰܘܺܝ ܗ̄ܽܘ ܙܰܒܢܳܐ ܕ݄ܐܙّܰܢ، ܢܰܚܺܝܬܺܝܢܰܐ ܠܺܗ̄ܝ ܣܦܺܝܢ̱ܬܳܐ ܕܟ݄ܬ ܗ̄ܘܰܐ ܡܺܗ̄ܝ ܡܕ̥ܺܝܢ̱ܬܳܐ ܕܰܐܕ̥݄ܪܡܢܽܛܳܘܣ ܘܰܐܙܳܠܬܳܐ ܗ̄ܘܰܐ ܠܽܗ̄ܘ ܐܰܬ̥ܪܳܐ ܕܰܐܣܺܝܰܐ. ܘܥܰܒ݄ܪ ܐܰܥܡܰܢ ܠܺܗ̄ܝ ܣܦܺܝܢ̱ܬܳܐ ܐܰܪܺܣܛܰܪܟ̥ܳܘܣ ܡܰܩܶܕܳܘܢܳܝܳܐ ܕܟ݄ܬ ܝܳܐ ܡܺܗ̄ܝ ܡܕ̥ܺܝܢ̱ܬܳܐ ܕܬܶܣܰܠܳܘܢܺܝܩܺܝ. 3ܘܒܽܗ̄ܘ ܝܰܘܡܳܐ ܚܪܶܢܳܐ ܡܰܛܺܝܢܰܐ ܠܨܰܝܕܳܢ. ܘܽܗ̄ܘ ܩܶܢܛܪܽܘܢܳܐ ܡܰܚܘܶܐ ܠܶܗ ܡܪܰܚܡܳܢܽܘܬ̥ܳܐ ܠܦܰܘܠܳܘܣ، ܘ݄ܛܪܶܐ ܠܶܗ ܕ݄ܐܙّܶܗ ܓܰܒ ܗ̄ܰܪّܳܚ̈ܡܰܝܕ̥ܶܗ ܘܡ݄ܬ̥ܢ݄ܚ. 4ܘܡܶܢ̱ ܬܰܡܳܐ ܡܗܰܠܰܟ̥ ܠܰܢ. ܘܡܺܐܝܕ̥ܶܗ ܕܺܗ̄ܝ ܗܰܘܰܐ ܒܦܳܬ̥ܰܝܢܰܐ ܗ̄ܘܰܐ، ܟܰܪܺܝܟ̥ܺܝܢܰܐ ܚܶܕ̥ܳܪ ܩܽܘܦܪܳܘܣ. 5ܘ݄ܩܛ݄ܥ ܠܰܢ ܗ̄ܽܘ ܝܰܡܳܐ ܕܩܺܝܠܺܝܩܺܝܰܐ ܘ݄ܕܦܰܡܦܽܘܠܺܝܰܐ ܘܡܰܛܺܝܢܰܐ ܠܡܽܘܪܰܐ ܗ̄ܺܝ ܡܕ̥ܺܝܢ̱ܬܳܐ ܕܠܽܘܩܺܝܰܐ. 6ܘ݄ܚܙܶܐ ܠܶܗ ܗ̄ܽܘ ܩܶܢܛܪܽܘܢܳܐ ܬܰܡܳܐ ܣܦܺܝܢ̱ܬܳܐ ܡܶܢ̱ ܐܰܠܶܟܣܰܢܕܪܺܝܰܐ ܐܰܙܳܠܬܳܐ ܠܺܐܝܛܰܠܺܝܰܐ، ܘܡܰܘܬܰܒ̥ ܠܶܗ ܠܰܢ ܐܶܒܰܗ. 7ܘܥܰܠ ܕܝܰܩܽܘܪܳܐ ܡܗܰܠܟ̥ܳܐ ܗ̄ܘܰܐ ܗ̄ܺܝ ܣܦܺܝܢ̱ܬܳܐ، ܒܥܰܣܩܽܘܬ̥ܳܐ ܡܰܛܺܝܢܰܐ ܡܩܰܒ݄ܠ ܗ̄ܺܝ ܓܙܺܝܪܬܳܐ ܕ݄ܩܢܺܝܕܳܘܣ. ܘܡܺܐܝܕ̥ܶܗ ܕܺܗ̄ܝ ܗܰܘܰܐ ܠ݄ܐ ܛ݄ܪܝܳܐ ܗ̄ܘܰܐ ܕ݄ܐܙّܰܢ ܬܪܺܝܨܳܐ (ܡܣܰܘܝܳܐ)، ܟܰܪܺܝܟ̥ܺܝܢܰܐ ܥ݄ܠ ܡܶܢ̱ ܩܪܺܝܛܺܝ ܡܩܰܒ݄ܠ ܗ̄ܺܝ ܡܕ̥ܺܝܢ̱ܬܳܐ ܕܣܰܠܡܳܘܢܺܝ. 8ܘ݄ܒܥܰܣܩܽܘܬ̥ܳܐ ܘܰܐܚܢܰܐ ܟ݄ܐܙّܰܢ ܚܶܕ̥ܳܪܰܗ ܡܰܛܺܝܢܰܐ ܠܕܽܘܟܬ̥ܳܐ ܕ݄ܟܡ݄ܩܪܳܝܳܐ ܠܡܺܐܢ̈ܶܐ ܫܰܦܺܝܪ̈ܶܐ، ܘܩܰܪܽܒ̥ܬܳܐ ܗ̄ܘܰܐ ܐܶܠܰܗ ܡܕ̥ܺܝܢ̱ܬܳܐ ܐ݄ܫܡܰܗ ܠܰܐܣܶܐܰܐ.
ܥܰܠܥܳܠܳܐ ܪܰܒܳܐ ܒܽܗ̄ܘ ܝܰܡܳܐ
9ܘܬܰܡܳܐ ܦܰܝܺܝܫܺܝܢܰܐ ܙܰܒܢܳܐ ܝܰܪܺܝܟ̥ܳܐ ܗܳܠ ܕܫܰܦ݄̊ܥ ܗ̄ܽܘ ܝܰܘܡܳܐ ܕܽܗ̄ܘ ܨܰܘܡܳܐ ܕܰܝّܽܘܕ̥̈ܳܝܶܐ، ܘܗܰܘܺܝ ܗ̄ܘܰܐ ܩܶܢܛܳܐ (ܙܽܘܥܬ̥ܳܐ) ܕܢܳܫܳܐ ܐ݄ܙّܶܗ ܒܽܗ̄ܘ ܝܰܡܳܐ. ܘܦܰܘܠܳܘܣ ܡܢܰܒܰܗ ܗ̄ܘܰܐ ܠّܶܗ 10ܘܳܐܡܰܪ ܗ̄ܘܰܐ: ”ܝܰܐ ܓܰܒ̥ܪ̈ܶܐ، ܟܚܳܙܶܐ ܐ̱ܢܳܐ ܒܥܺܝܩܽܘܬ̥ܳܐ ܘܚܽܘܣܪܳܢܳܐ ܓ̥ܰܠܰܒܶܐ ܟܳܗ̄ܘܶܐ ܗ̄ܽܘ ܡܰܐܙܠܰܝܕ̥ܰܢ، ܠܳܐ ܥܰܠ ܗ̄ܽܘ ܛܰܥܢܳܐ ܕܒܺܗ̄ܝ ܣܦܺܝܢ̱ܬܳܐ ܒܶܠܚܽܘܕ̥ܶܗ، ܐܶܠܳܐ ܘܥܰܠ ܗ̄ܰܚّܰܝ̈ܰܝܕ̥ܰܢ ܣܬܶܝ.“ 11ܐܶܠܳܐ ܗ̄ܽܘ ܩܶܢܛܪܽܘܢܳܐ ܫܳܡܰܥ ܗ̄ܘܰܐ ܠܽܗ̄ܘ ܡܕܰܒܪܳܢܳܐ ܕܺܗ̄ܝ ܣܦܺܝܢ̱ܬܳܐ ܘܠܽܗ̄ܘ ܡܳܪܰܝܕ̥ܰܗ ܙ݄ܕ ܡܽܗ̄ܘ ܡܰܐܡܪܳܐ ܕܦܰܘܠܳܘܣ. 12ܘܡܺܐܝܕ̥ܶܗ ܕܺܗ̄ܝ ܕܽܘܟܬ̥ܰܬ̥ܶܐ ܕܽܗ̄ܘ ܠܡܺܐܢܳܐ ܠܰܝ̱ܬ ܗ̄ܘܰܐ ܛܰܒ̥ܬܳܐ ܕܢܳܫܳܐ ܡܰܫܦ݄̊ܥ ܗ̄ܽܘ ܣܰܬ̥ܘܳܐ ܐܶܒܰܗ، ܓ̥ܰܠܰܒܶܐ ܡܶܢܰܢ ܐ݄ܒܥܺܝ ܗ̄ܘܰܘ̱ ܕ݄ܐܙّܰܢ ܡܶܢ̱ ܬܰܡܳܐ ܒܣܰܒܪܳܐ ܕܡܳܛ݄ܢ ܠ݄ܠܡܺܐܢܳܐ ܚܪܶܢܳܐ ܒ݄ܩܪܺܝܛܺܝ، ܘܡ݄ܩܪܶܐ ܗ̄ܘܰܐ ܦ̊ܽܘܢܺܟܣ، ܚܳܝܰܪ ܗ̄ܘܰܐ ܠܽܗ̄ܘ ܬܰܝܡܢܳܐ. 13ܘܺܗ̄ܝ ܢܰܩܠܐ ܕ݄ܡܚܶܐ ܠܰܗ ܗ̄ܺܝ ܗܰܘܰܐ ܕܽܗ̄ܘ ܬܰܝܡܢܳܐ، ܘ݄ܚܫܽܒّ̥ܶܗ ܕܓ݄ܕܡܳܛ݄ܢ ܐܟ̥ ܕܰܐܒܺܝܥܺܝ، ܦܰܝ݄ܫ ܟܳܟ݄ܪܟ̥ܺܝ ܚܶܕ̥ܳܪ ܩܪܺܝܛܺܝ. 14ܘܒ݄ܬ̥݄ܪ ܫܰܘܛܳܐ، ܩܰܝ݄ܡ ܐܰܥܠܰܢ ܥܰܠܥܳܠܳܐ ܕ݄ܟܡ݄ܩܪܶܐ: ܛܽܘܦܳܢܺܝܩܳܘܣ ܐܰܘܪܰܩܠܺܝܕ̥ܳܘܢ (ܕܽܗ̄ܘ ܓܰܪܒܝܳܐ ܡܰܕ̥݄ܢܚܳܐ). 15ܘ݄ܢܬܺܝܫܳܐ ܗ̄ܺܝ ܣܦܺܝܢ̱ܬܳܐ ܘܠܳܐ ܩܰܕܺܝܪܳܐ ܕܩܰܝܡܳܐ ܡܩܰܒ݄ܠ ܕܺܗ̄ܝ ܗܰܘܰܐ، ܘܡܰܫܠܰܡ ܠܰܢ (ܪܽܘܚܰܝܢܰܐ) ܠܽܗ̄ܘ ܡܶܕܶܐ ܕܳܗ̄ܘܶܐ. 16ܘܺܗ̄ܝ ܢܰܩܠܐ ܕ݄ܩܛ݄ܥ ܠܰܢ ܗ̄ܺܝ ܓܙܺܝܪܬܳܐ ܕܡ݄ܩܪܳܝܳܐ ܩܽܘܕ̥ܰܐ، ܒܥܰܣܩܽܘܬ̥ܳܐ ܩܰܕܺܝܪܺܝܢܰܐ ܕܙܳܒܛܺܝܢܰܐ ܠܽܗ̄ܘ ܩܰܪܩܽܘܪܳܐ. 17ܘܺܗ̄ܝ ܢܰܩܠܐ ܕܡܰܥܠܶܐ ܠܰܢ، ܡܰܐܣ݄ܪ ܠܰܢ ܘܚ݄ܨ ܠܰܢ ܗ̄ܺܝ ܣܦܺܝܢ̱ܬܳܐ. ܘܥܰܠ ܕܙܰܝܥܺܝ ܗ̄ܘܰܝܢܰܐ ܕܢܳܦܠܺܝܢܰܐ ܒܥܽܘܡܩܶܗ ܕܽܗ̄ܘ ܝܰܡܳܐ، ܡܰܢܚܰܬ ܠܰܢ ܗ̄ܰܣّܰܬܪ̈ܶܐ ܕܺܗ̄ܝ ܣܦܺܝܢ̱ܬܳܐ ܘܗܰܘܟ̥ܰܐ ܐ݄ܙّܰܢ ܗ̄ܘܰܝܢܰܐ. 18ܘܒܽܗ̄ܘ ܝܰܘܡܳܐ ܚܪܶܢܳܐ، ܗ̄ܺܝ ܢܰܩܠܐ ܕܩܰܝ݄ܡ ܐܰܥܠܰܢ ܥܰܠܥܳܠܳܐ ܩܰܫܝܳܐ، ܡܚܰܠܰܩ ܠܰܢ ܗ̄ܰܛّܰܥ̈ܢܰܝܕ̥ܰܢ ܒܽܗ̄ܘ ܝܰܡܳܐ. 19ܘܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܗ̄ܰܣّܶܦܳܩ̈ܶܐ ܕܺܗ̄ܝ ܣܦܺܝܢ̱ܬܳܐ ܒܺܐܝܕ̥̈ܳܬ̥ܰܢ ܡܚܰܠܩܺܝ ܠܰܢ.
20ܘܺܗ̄ܝ ܢܰܩܠܐ ܕܚܺܝܨ ܗ̄ܽܘ ܣܰܬ̥ܘܳܐ ܝܰܘܡ̈ܶܐ ܓ̥ܰܠܰܒܶܐ، ܘܠܳܐ ܗ̄ܺܝ ܫܶܡܫܳܐ ܡ݄ܚܙܳܝܳܐ ܗ̄ܘܰܐ، ܘܠܳܐ ܗ̄ܽܘ ܣܰܗܪܳܐ ܘܠܳܐ ܗ̄ܰܟّܽܘܟܒ̥̈ܶܐ، ܗ̄ܽܘ ܣܰܒܪܳܐ ܕܰܚّܰܝ̈ܰܝܕ̥ܰܢ ܒ݄ܚܕ̥ܳܐ ܢܰܩܠܐ ܩܛ݄ܥ ܗ̄ܘܰܐ. 21ܘܺܗ̄ܝ ܢܰܩܠܐ ܕܢܳܫܳܐ ܡ݄ܢّܶܗ ܠܳܐ ܐܟ̥ܰܠ ܗ̄ܘܰܐ ܡܶܕܶܐ، ܗܶܕܺܝ ܩܰܝ݄ܡ ܦܰܘܠܳܘܣ ܒܰܝܢܳܬ̥ܰܝّܶܗ ܘܐܡ݄ܪ ܠܶܗ: ”ܝܰܐ ܓܰܒܪ̈ܶܐ، ܕܫܳܡܥܺܝܬܽܘ ܗ̄ܘܰܝ ܠܺܝ، ܠܳܐ ܐܙّܰܢ ܗ̄ܘܰܝܢܰܐ ܡܶܢ̱ ܩܪܺܝܛܺܝ، ܘ݄ܓܡ݄ܢܛܳܪܺܝ ܗ̄ܘܰܝܢܰܐ ܡܽܗ̄ܘ ܚܽܘܣܪܳܢܳܐ ܘܡܺܗ̄ܝ ܥܺܝܩܽܘܬ̥ܰܬ̥ܶܐ. 22ܘܳܐܥܕܳܐ ܟܳܐܡܰܪ ܐ̱ܢܳܐ (ܘܡܳܠ݄ܟ̥ ܐ̱ܢܳܐ) ܠܟ̥ܽܘ ܕܠܳܐ ܗ̄ܘܺܝܬܽܘ ܒܥܳܩܬ̥ܳܐ، ܥܰܠ ܕܢܰܦܫܳܐ ܡ݄ܢܟ̥ܽܘ ܠ݄ܐ ܟܡܺܝܣܰܟܪܳܐ، ܐܶܠܳܐ ܗ̄ܺܝ ܣܦܺܝܢ̱ܬܳܐ ܠܚܽܘܕ̥ܰܗ. 23ܡܺܐܝܕ̥ܶܗ ܕܒܽܗ̄ܘ ܠܰܠܝܰܢܳܐ ܚܙܶܐ ܐܶܠܺܝ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ، ܗܰܘܳܐ ܕܟ݄ܬ ܐ̱ܢܳܐ ܕܺܝܕ̥ܶܗ، ܘܶܐܠܶܗ ܟܥܳܒܰܕ ܐ̱ܢܳܐ، 24ܘܐܡ݄ܪ ܠܶܗ ܠܺܝ: ’ܠܳܐ ܙܰܝܥ݄ܬ، ܝܰܐ ܦܰܘܠܶܐ، ܓ݄ܕܩܰܝܡܰܬ ܩ݄ܕ̱ܡ ܩܶܣܰܪ، ܘܟܰܐܠܶܗ ܐܰܠܳܗܳܐ ܗܽܒ̥ ܠܶܗ ܠܳܟ̥ ܡܰܘܗܰܒܬܳܐ ܟܽܘܠّܶܗ ܗܰܢܺܝ ܕܟ݄ܐܙّ݄ܢ ܐܰܥܡܳܟ̥.‘ 25ܡܰܗ̄ܘܟ̥ܰܐ، ܝܰܐ ܓܰܒܪ̈ܶܐ، ܚܽܘܨܽܘ ܪܽܘܚܰܝܟ̥ܽܘ، ܥܰܠ ܕܟ݄ܡܗܰܝܡܰܢ ܐ̱ܢܳܐ ܒܰܐܠܳܗܳܐ ܕܗܰܘܟ̥ܰܐ ܓܕܳܗ̄ܘܶܐ ܐܟ̥ ܕ݄ܫܓ̥ܺܝܠ ܐܰܥܡܺܝ. 26ܐܶܠܳܐ ܠ݄ܓܙܺܝܪܬܳܐ ܚܕ̥ܳܐ ܓ݄ܕܡܳܛܺܝܢܰܐ.“
ܦܽܘܪܩܳܢܳܐ ܡܽܗ̄ܘ ܚܢܳܩܳܐ ܒܽܗ̄ܘ ܝܰܡܳܐ
27ܘܡܶܢ̱ ܒ݄ܬ̥݄ܪ ܐܰܪܒܰܥܣܰܪ ܝܰܘܡ̈ܶܐ ܘܰܐܚܢܰܐ ܛܰܥܝ̈ܶܐ ܘܒܰܛܺܝ̈ܠܶܐ ܒܽܗ̄ܘ ܝܰܡܳܐ ܕܗܰܕܪܺܝܰܘܣ، ܒܦܰܠܓܶܗ ܕܠܰܠܝܳܐ، ܗ̄ܰܡّܰܠܳܚ̈ܶܐ (ܗ̄ܰܩّܰܠܳܥ̈ܶܐ ܕܺܗ̄ܝ ܣܦܺܝܢ̱ܬܳܐ) ܚܫܽܒّ̥ܶܗ ܕ݄ܡܩܰܪܰܒّ̥ܶܗ ܠܺܗ̄ܝ ܐܰܪܥܳܐ. 28ܘܡܰܢܚܰܬّܶܗ ܗ̄ܰܟّܰܝ̈ܠܶܐ ܕܡܰܟܺܝܠܺܝ ܗ̄ܽܘ ܥܽܘܡܩܳܐ، ܘ݄ܚܙܰܠّܶܗ ܕܟ݄ܬ ܝܳܐ ܐܰܪܒܥܺܝ ܡܶܬܪ̈ܶܐ (ܥ݄ܣܪܺܝ ܩܰܘܡ̈ܳܬ̥ܳܐ). ܘ݄ܐܫܡܳܐ ܚܪܶܢܳܐ ܐܰܙّ݄ܢ ܘ݄ܚܙܰܠّܶܗ ܕܟ݄ܬ ܝܳܐ ܬܠܶܬ̥ܺܝ ܡܶܬܪ̈ܶܐ. 29ܘܰܐܚܢܰܐ ܙܰܝܳܥ̈ܶܐ ܕܠ݄ܐ ܐܙّܶܗ ܢܳܦ݄ܩ ܩܽܘܕ̱ܡܰܝܢܰܐ ܕ̈ܽܘܟܳܬ̥ܳܐ ܕܟܺܝܬ ܐܰܒّܶܗ ܫܽܘܥ̈ܶܐ، ܡܚܰܠܰܩّܶܗ ܡܺܗ̄ܝ ܚܰܪܰܝܬܳܐ ܕܺܗ̄ܝ ܣܦܺܝܢ̱ܬܳܐ ܐܰܪܒܥܳܐ ܟܰܝ̈ܠܶܐ، ܘ݄ܡܨܰܠ݄ܢ ܗ̄ܘܰܘ̱ ܕܢܳܦ݄ܩ ܗ̄ܽܘ ܝܰܘܡܳܐ. 30ܘܰܡّܰܠܳܚ̈ܶܐ ܐܰܒܺܝܥܺܝ ܕܥܳܪܩܺܝ ܡܺܗ̄ܝ ܣܦܺܝܢ̱ܬܳܐ، ܘܡܰܢܚܰܬّܶܗ ܡܶܢܰܗ ܗ̄ܽܘ ܩܰܪܩܽܘܪܳܐ ܠܽܗ̄ܘ ܝܰܡܳܐ ܘܐܡ݄ܪّܶܗ ܕܟ݄ܐܒܥܺܝ ܐ݄ܙّ݄ܢ ܡܰܐܣܪܺܝ ܗ̄ܺܝ ܣܦܺܝܢ̱ܬܳܐ ܒܺܗ̄ܝ ܐܰܪܥܳܐ. 31ܘܺܗ̄ܝ ܢܰܩܠܐ ܕ݄ܚܙܶܐ ܠܶܗ ܦܰܘܠܳܘܣ، ܐܡ݄ܪ ܠܶܗ ܠܽܗ̄ܘ ܩܶܢܛܪܽܘܢܳܐ ܘܠܰܪّܽܘܡܳܝ̈ܶܐ: ”ܐܶܢ ܗܰܢܺܝ ܕܠܳܐ ܦܰܝܫܺܝ ܒܺܗ̄ܝ ܣܦܺܝܢ̱ܬܳܐ، ܗܰܬܽܘ ܠܰܒܟ̥ܽܘ ܦܰܝܫܺܝܬܽܘ ܒܰܚّܰܝ̈ܶܐ.“
32ܗ̄ܺܝ ܢܰܩܠܝܳܐ، ܗ̄ܰܪّܽܘܡܳܝ̈ܶܐ ܩܛ݄ܥّܶܗ ܗ̄ܰܚّܰܒ̥̈ܠܶܐ ܕܽܗ̄ܘ ܩܰܪܩܽܘܪܳܐ ܡܺܗ̄ܝ ܣܦܺܝܢ̱ܬܳܐ، ܘ݄ܛܪܰܠّܶܗ ܕܡܺܝܣܰܟ݄ܪ. 33ܘܗܺܝّܶܗ ܦܰܘܠܳܘܣ ܗܳܠ ܕܗܰܘܺܝ ܨܰܦܪܳܐ، ܐܳܒܰܥ ܗ̄ܘܰܐ ܡܶܢ̱ ܟܽܘܠّܶܗ ܕܳܐܟ̥ܠܺܝ ܡܽܐܘܟܠܳܐ، ܘܳܐܡܰܪ ܗ̄ܘܰܐ ܠّܶܗ: ”ܐܰܕܝܰܘܡܰܐ ܗܰܘ݄ܠܟ̥ܽܘ ܐܰܪܒܰܥܣܰܪ ܝܰܘܡ̈ܶܐ ܡܺܗ̄ܝ ܙܽܘܥܬ̥ܳܐ ܡܶܕܶܐ ܠܰܐ ܐܟ̥݄ܠܟ̥ܽܘ. 34ܡܰܗ̄ܘܟ̥ܰܐ ܟܳܐܒܰܥ ܐ̱ܢܳܐ ܡ݄ܢܟ̥ܽܘ ܕܳܐܟ̥ܠܺܝܬܽܘ ܠܰܫܰܢ ܕܦܰܝܫܺܝܬܽܘ ܒܰܚّܰܝ̈ܶܐ. ܡܺܐܝܕ̥ܶܗ ܕܡܰܢܬ̥ܳܐ ܚܕ̥ܳܐ ܡܶܢ̱ ܪܺܝܫܳܐ ܕܚܰܕ̱ ܡ݄ܢܟ̥ܽܘ ܠ݄ܐ ܟܡܺܝܣܰܟܪܳܐ.“
35ܘܺܗ̄ܝ ܢܰܩܠܐ ܕܐܡ݄ܪ ܠܶܗ ܗܰܢܺܝ، ܡ݄ܕ ܠܶܗ ܠܰܚܡܳܐ، ܘ݄ܡܫܰܒܰܚ ܠܶܗ ܠܰܐܠܳܗܳܐ ܩ݄ܕ̱ܡ ܟܽܘܠّܶܗ، ܘ݄ܩܨܶܐ ܠܶܗ ܘ݄ܡܫܰܪܶܐ ܠܶܗ ܕܳܐܟ̥݄ܠ. 36ܘܟܽܘܠّܶܗ ܚܺܝܨ ܠܶܒܰܝّܶܗ ܘܰܐܟ̥݄ܠّܶܗ. 37ܘ݄ܕܟ݄ܬ ܗ̄ܘܰܝܢܰܐ ܒܺܗ̄ܝ ܣܦܺܝܢ̱ܬܳܐ ܡܰܐܬ̥ܶܝ ܘܫܶܬ̥ ܘܫܰܒ̥ܥܺܝ ܢܰܦܫ̈ܳܬ̥ܳܐ. 38ܘܺܗ̄ܝ ܢܰܩܠܐ ܕܣܰܒ̥ܺܝܥܺܝ، ܡܰܢܩܰܨّܶܗܗ ܗ̄ܽܘ ܛܰܥܢܳܐ ܕܰܚّܶܛ̈ܶܐ ܡܺܗ̄ܝ ܣܦܺܝܢ̱ܬܳܐ ܠܰܫܰܢ ܕܗܳܘܝܳܐ ܩܰܠ݄ܠܬܳܐ. 39ܘܒܽܗ̄ܘ ܣܠܳܩܶܗ ܕܝܰܘܡܳܐ، ܗ̄ܰܡّܰܠܳܚ̈ܶܐ ܠܰܐ ܐܕ̥ܺܝܥܺܝ ܠܰܐܝܢܰܐ ܐܰܪܥܳܐ ܡܰܛ݄ܢ، ܐܶܠܳܐ ܚܙܰܠّܶܗ ܥܰܠ ܓܰܒܳܐ ܕܺܗ̄ܝ ܐܰܪܥܳܐ ܟܶܢܦܳܐ ܚܰܕ̱ ܕܽܗ̄ܘ ܝܰܡܳܐ، ܘ݄ܠܬܰܡܳܐ ܚܫܽܒّ̥ܶܗ ܐܶܢ ܕܳܐܬ̥ܶܐ ܡ݄ܢّܶܗ ܕܬ݄ܦܟܺܝ ܗ̄ܺܝ ܣܦܺܝܢ̱ܬܳܐ. 40ܘ݄ܩܛ݄ܥّܶܗ ܗ̄ܰܟّܰܝ̈ܠܶܐ ܡܺܗ̄ܝ ܣܦܺܝܢ̱ܬܳܐ ܘܡܰܪܦ݄ܢّܶܗ ܒܽܗ̄ܘ ܝܰܡܳܐ، ܘ݄ܫܪܰܠّܶܗ ܗ̄ܰܚّܰܒ̥̈ܠܶܐ ܕܰܣّܰܘܟܳܢ̈ܶܐ، ܘܡܰܥܠܰܠّܶܗ ܣܰܬܪܳܐ ܢܰܥܺܝܡܳܐ ܠܺܗ̄ܝ ܗܰܘܰܐ ܕܡܳܚܝܳܐ ܐܶܒܶܗ، ܘ݄ܐܙّ݄ܢ ܗ̄ܘܰܘ̱ ܠܰܐܦ ܗ̄ܺܝ ܐܰܪܥܳܐ. 41ܘ݄ܡܚܶܐ ܠܰܗ ܗ̄ܺܝ ܣܦܺܝܢ̱ܬܳܐ ܒܕܽܘܟܬ̥ܳܐ ܥܶܠܰܝܬܳܐ ܒܰܝܢ ܬܪܶܝ ܥܽܘܡܩ̈ܶܐ، ܘܥܰܒܺܝܪܳܐ ܘܥܰܨܝܳܐ ܗ̄ܺܝ ܩܰܕ̱ܡܰܝܬܳܐ ܕܺܗ̄ܝ ܣܦܺܝܢ̱ܬܳܐ ܘܠܳܐ ܪܳܡܫܳܐ ܗ̄ܘܰܐ. ܘܽܗ̄ܘ ܓܰܒܰܝܕ̥ܰܗ ܗ̄ܽܘ ܚܰܪܳܝܳܐ ܬܒ̥ܺܝܪ ܡܽܗ̄ܘ ܚܰܝܠܳܐ ܕ̈ܰܓّܰܠܶܐ. 42ܘܰܪّܽܘܡܳܝ̈ܶܐ ܐܰܒܺܝܥܺܝ ܕܩܳܛܠܺܝ ܗ̄ܰܝّܰܣܺܝܪ̈ܶܐ ܕܠܳܐ ܐ݄ܙّܶܗ ܡܚܰܠܩܺܝ ܪܽܘܚܰܝّܶܗ ܣܳܚ݄ܢ ܘܥ݄ܪܩܺܝ ܡ݄ܢّܶܗ. 43ܐܶܠܳܐ ܗ̄ܽܘ ܩܶܢܛܪܽܘܢܳܐ ܡܰܟܠܰܠّܶܗ ܡܰܗ̄ܬ̥ܶܐ ܥܰܠ ܕܳܐܒܰܥ ܗ̄ܘܰܐ ܕܛܳܪܶܐ ܦܰܘܠܳܘܣ ܒܰܚّܰܝ̈ܶܐ. ܘܠܰܐܝܢܰܐ ܕܟ݄ܒّܶܗ ܣܳܚ݄ܢ، ܗܽܒ̥ ܠܰܗ ܠّܶܗ ܦܽܘܩܕܳܢܳܐ ܕܣܳܚ݄ܢ ܒܺܗ̄ܝ ܩܰܕ̱ܡܰܝܬܳܐ ܘ݄ܐܙّ݄ܢ ܠܺܗ̄ܝ ܐܰܪܥܳܐ. 44ܘܠܰܚܪ̈ܶܢܶܐ ܥܰܠ ܕܰܦ̈ܶܐ ܘܩܰܝܣ̈ܶܐ ܡܰܢ̱ ܦّܰܠܩ̈ܶܐ ܕܺܗ̄ܝ ܣܦܺܝܢ̱ܬܳܐ ܡܰܫ݄ܦ̊ܥܺܝ ܠܶܗ. ܘܗܰܘܟ̥ܰܐ ܟܽܘܠّܶܗ ܡܰܛ݄ܢ ܠܺܗ̄ܝ ܐܰܪܥܳܐ ܒ݄ܫܠܳܡܳܐ.
Currently Selected:
ܥܒܳܕ̥̈ܶܐ ܕܰܫܠܺܝܚ̈ܶܐ 27: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
ܥܒܳܕ̥̈ܶܐ ܕܰܫܠܺܝܚ̈ܶܐ 27
27
ܦܰܘܠܳܘܣ ܒܽܗ̄ܘ ܒܕܰܪܒܳܐ ܕܪܽܗ̄ܘܡܺܝ
1ܘܦܺܗܣܛܳܘܣ ܗܽܒ̥ ܠܶܗ ܦܽܘܩܕܳܢܳܐ ܕܡܺܝܫܰܕ݄ܪ ܠܓܰܒ ܩܶܣܰܪ ܠܺܐܝܛܰܠܺܝܰܐ، ܘܡܰܫܠܰܡ ܠܶܗ ܠܦܰܘܠܳܘܣ ܘܠܰܝّܰܣܺܝܪ̈ܶܐ ܚܪ̈ܶܢܶܐ ܐܰܥܡܶܗ ܠܚܰܕ̱ ܩܶܢܛܪܽܘܢܳܐ ܡܺܗ̄ܝ ܓܽܘܕܳܐ ܕܺܗ̄ܝ ܡܰܠܟܽܘܬ̥ܳܐ ܕ݄ܐܫܡܶܗ ܝܽܘܠܺܝܳܘܣ. 2ܘܺܗ̄ܝ ܢܰܩܠܐ ܕܗܰܘܺܝ ܗ̄ܽܘ ܙܰܒܢܳܐ ܕ݄ܐܙّܰܢ، ܢܰܚܺܝܬܺܝܢܰܐ ܠܺܗ̄ܝ ܣܦܺܝܢ̱ܬܳܐ ܕܟ݄ܬ ܗ̄ܘܰܐ ܡܺܗ̄ܝ ܡܕ̥ܺܝܢ̱ܬܳܐ ܕܰܐܕ̥݄ܪܡܢܽܛܳܘܣ ܘܰܐܙܳܠܬܳܐ ܗ̄ܘܰܐ ܠܽܗ̄ܘ ܐܰܬ̥ܪܳܐ ܕܰܐܣܺܝܰܐ. ܘܥܰܒ݄ܪ ܐܰܥܡܰܢ ܠܺܗ̄ܝ ܣܦܺܝܢ̱ܬܳܐ ܐܰܪܺܣܛܰܪܟ̥ܳܘܣ ܡܰܩܶܕܳܘܢܳܝܳܐ ܕܟ݄ܬ ܝܳܐ ܡܺܗ̄ܝ ܡܕ̥ܺܝܢ̱ܬܳܐ ܕܬܶܣܰܠܳܘܢܺܝܩܺܝ. 3ܘܒܽܗ̄ܘ ܝܰܘܡܳܐ ܚܪܶܢܳܐ ܡܰܛܺܝܢܰܐ ܠܨܰܝܕܳܢ. ܘܽܗ̄ܘ ܩܶܢܛܪܽܘܢܳܐ ܡܰܚܘܶܐ ܠܶܗ ܡܪܰܚܡܳܢܽܘܬ̥ܳܐ ܠܦܰܘܠܳܘܣ، ܘ݄ܛܪܶܐ ܠܶܗ ܕ݄ܐܙّܶܗ ܓܰܒ ܗ̄ܰܪّܳܚ̈ܡܰܝܕ̥ܶܗ ܘܡ݄ܬ̥ܢ݄ܚ. 4ܘܡܶܢ̱ ܬܰܡܳܐ ܡܗܰܠܰܟ̥ ܠܰܢ. ܘܡܺܐܝܕ̥ܶܗ ܕܺܗ̄ܝ ܗܰܘܰܐ ܒܦܳܬ̥ܰܝܢܰܐ ܗ̄ܘܰܐ، ܟܰܪܺܝܟ̥ܺܝܢܰܐ ܚܶܕ̥ܳܪ ܩܽܘܦܪܳܘܣ. 5ܘ݄ܩܛ݄ܥ ܠܰܢ ܗ̄ܽܘ ܝܰܡܳܐ ܕܩܺܝܠܺܝܩܺܝܰܐ ܘ݄ܕܦܰܡܦܽܘܠܺܝܰܐ ܘܡܰܛܺܝܢܰܐ ܠܡܽܘܪܰܐ ܗ̄ܺܝ ܡܕ̥ܺܝܢ̱ܬܳܐ ܕܠܽܘܩܺܝܰܐ. 6ܘ݄ܚܙܶܐ ܠܶܗ ܗ̄ܽܘ ܩܶܢܛܪܽܘܢܳܐ ܬܰܡܳܐ ܣܦܺܝܢ̱ܬܳܐ ܡܶܢ̱ ܐܰܠܶܟܣܰܢܕܪܺܝܰܐ ܐܰܙܳܠܬܳܐ ܠܺܐܝܛܰܠܺܝܰܐ، ܘܡܰܘܬܰܒ̥ ܠܶܗ ܠܰܢ ܐܶܒܰܗ. 7ܘܥܰܠ ܕܝܰܩܽܘܪܳܐ ܡܗܰܠܟ̥ܳܐ ܗ̄ܘܰܐ ܗ̄ܺܝ ܣܦܺܝܢ̱ܬܳܐ، ܒܥܰܣܩܽܘܬ̥ܳܐ ܡܰܛܺܝܢܰܐ ܡܩܰܒ݄ܠ ܗ̄ܺܝ ܓܙܺܝܪܬܳܐ ܕ݄ܩܢܺܝܕܳܘܣ. ܘܡܺܐܝܕ̥ܶܗ ܕܺܗ̄ܝ ܗܰܘܰܐ ܠ݄ܐ ܛ݄ܪܝܳܐ ܗ̄ܘܰܐ ܕ݄ܐܙّܰܢ ܬܪܺܝܨܳܐ (ܡܣܰܘܝܳܐ)، ܟܰܪܺܝܟ̥ܺܝܢܰܐ ܥ݄ܠ ܡܶܢ̱ ܩܪܺܝܛܺܝ ܡܩܰܒ݄ܠ ܗ̄ܺܝ ܡܕ̥ܺܝܢ̱ܬܳܐ ܕܣܰܠܡܳܘܢܺܝ. 8ܘ݄ܒܥܰܣܩܽܘܬ̥ܳܐ ܘܰܐܚܢܰܐ ܟ݄ܐܙّܰܢ ܚܶܕ̥ܳܪܰܗ ܡܰܛܺܝܢܰܐ ܠܕܽܘܟܬ̥ܳܐ ܕ݄ܟܡ݄ܩܪܳܝܳܐ ܠܡܺܐܢ̈ܶܐ ܫܰܦܺܝܪ̈ܶܐ، ܘܩܰܪܽܒ̥ܬܳܐ ܗ̄ܘܰܐ ܐܶܠܰܗ ܡܕ̥ܺܝܢ̱ܬܳܐ ܐ݄ܫܡܰܗ ܠܰܐܣܶܐܰܐ.
ܥܰܠܥܳܠܳܐ ܪܰܒܳܐ ܒܽܗ̄ܘ ܝܰܡܳܐ
9ܘܬܰܡܳܐ ܦܰܝܺܝܫܺܝܢܰܐ ܙܰܒܢܳܐ ܝܰܪܺܝܟ̥ܳܐ ܗܳܠ ܕܫܰܦ݄̊ܥ ܗ̄ܽܘ ܝܰܘܡܳܐ ܕܽܗ̄ܘ ܨܰܘܡܳܐ ܕܰܝّܽܘܕ̥̈ܳܝܶܐ، ܘܗܰܘܺܝ ܗ̄ܘܰܐ ܩܶܢܛܳܐ (ܙܽܘܥܬ̥ܳܐ) ܕܢܳܫܳܐ ܐ݄ܙّܶܗ ܒܽܗ̄ܘ ܝܰܡܳܐ. ܘܦܰܘܠܳܘܣ ܡܢܰܒܰܗ ܗ̄ܘܰܐ ܠّܶܗ 10ܘܳܐܡܰܪ ܗ̄ܘܰܐ: ”ܝܰܐ ܓܰܒ̥ܪ̈ܶܐ، ܟܚܳܙܶܐ ܐ̱ܢܳܐ ܒܥܺܝܩܽܘܬ̥ܳܐ ܘܚܽܘܣܪܳܢܳܐ ܓ̥ܰܠܰܒܶܐ ܟܳܗ̄ܘܶܐ ܗ̄ܽܘ ܡܰܐܙܠܰܝܕ̥ܰܢ، ܠܳܐ ܥܰܠ ܗ̄ܽܘ ܛܰܥܢܳܐ ܕܒܺܗ̄ܝ ܣܦܺܝܢ̱ܬܳܐ ܒܶܠܚܽܘܕ̥ܶܗ، ܐܶܠܳܐ ܘܥܰܠ ܗ̄ܰܚّܰܝ̈ܰܝܕ̥ܰܢ ܣܬܶܝ.“ 11ܐܶܠܳܐ ܗ̄ܽܘ ܩܶܢܛܪܽܘܢܳܐ ܫܳܡܰܥ ܗ̄ܘܰܐ ܠܽܗ̄ܘ ܡܕܰܒܪܳܢܳܐ ܕܺܗ̄ܝ ܣܦܺܝܢ̱ܬܳܐ ܘܠܽܗ̄ܘ ܡܳܪܰܝܕ̥ܰܗ ܙ݄ܕ ܡܽܗ̄ܘ ܡܰܐܡܪܳܐ ܕܦܰܘܠܳܘܣ. 12ܘܡܺܐܝܕ̥ܶܗ ܕܺܗ̄ܝ ܕܽܘܟܬ̥ܰܬ̥ܶܐ ܕܽܗ̄ܘ ܠܡܺܐܢܳܐ ܠܰܝ̱ܬ ܗ̄ܘܰܐ ܛܰܒ̥ܬܳܐ ܕܢܳܫܳܐ ܡܰܫܦ݄̊ܥ ܗ̄ܽܘ ܣܰܬ̥ܘܳܐ ܐܶܒܰܗ، ܓ̥ܰܠܰܒܶܐ ܡܶܢܰܢ ܐ݄ܒܥܺܝ ܗ̄ܘܰܘ̱ ܕ݄ܐܙّܰܢ ܡܶܢ̱ ܬܰܡܳܐ ܒܣܰܒܪܳܐ ܕܡܳܛ݄ܢ ܠ݄ܠܡܺܐܢܳܐ ܚܪܶܢܳܐ ܒ݄ܩܪܺܝܛܺܝ، ܘܡ݄ܩܪܶܐ ܗ̄ܘܰܐ ܦ̊ܽܘܢܺܟܣ، ܚܳܝܰܪ ܗ̄ܘܰܐ ܠܽܗ̄ܘ ܬܰܝܡܢܳܐ. 13ܘܺܗ̄ܝ ܢܰܩܠܐ ܕ݄ܡܚܶܐ ܠܰܗ ܗ̄ܺܝ ܗܰܘܰܐ ܕܽܗ̄ܘ ܬܰܝܡܢܳܐ، ܘ݄ܚܫܽܒّ̥ܶܗ ܕܓ݄ܕܡܳܛ݄ܢ ܐܟ̥ ܕܰܐܒܺܝܥܺܝ، ܦܰܝ݄ܫ ܟܳܟ݄ܪܟ̥ܺܝ ܚܶܕ̥ܳܪ ܩܪܺܝܛܺܝ. 14ܘܒ݄ܬ̥݄ܪ ܫܰܘܛܳܐ، ܩܰܝ݄ܡ ܐܰܥܠܰܢ ܥܰܠܥܳܠܳܐ ܕ݄ܟܡ݄ܩܪܶܐ: ܛܽܘܦܳܢܺܝܩܳܘܣ ܐܰܘܪܰܩܠܺܝܕ̥ܳܘܢ (ܕܽܗ̄ܘ ܓܰܪܒܝܳܐ ܡܰܕ̥݄ܢܚܳܐ). 15ܘ݄ܢܬܺܝܫܳܐ ܗ̄ܺܝ ܣܦܺܝܢ̱ܬܳܐ ܘܠܳܐ ܩܰܕܺܝܪܳܐ ܕܩܰܝܡܳܐ ܡܩܰܒ݄ܠ ܕܺܗ̄ܝ ܗܰܘܰܐ، ܘܡܰܫܠܰܡ ܠܰܢ (ܪܽܘܚܰܝܢܰܐ) ܠܽܗ̄ܘ ܡܶܕܶܐ ܕܳܗ̄ܘܶܐ. 16ܘܺܗ̄ܝ ܢܰܩܠܐ ܕ݄ܩܛ݄ܥ ܠܰܢ ܗ̄ܺܝ ܓܙܺܝܪܬܳܐ ܕܡ݄ܩܪܳܝܳܐ ܩܽܘܕ̥ܰܐ، ܒܥܰܣܩܽܘܬ̥ܳܐ ܩܰܕܺܝܪܺܝܢܰܐ ܕܙܳܒܛܺܝܢܰܐ ܠܽܗ̄ܘ ܩܰܪܩܽܘܪܳܐ. 17ܘܺܗ̄ܝ ܢܰܩܠܐ ܕܡܰܥܠܶܐ ܠܰܢ، ܡܰܐܣ݄ܪ ܠܰܢ ܘܚ݄ܨ ܠܰܢ ܗ̄ܺܝ ܣܦܺܝܢ̱ܬܳܐ. ܘܥܰܠ ܕܙܰܝܥܺܝ ܗ̄ܘܰܝܢܰܐ ܕܢܳܦܠܺܝܢܰܐ ܒܥܽܘܡܩܶܗ ܕܽܗ̄ܘ ܝܰܡܳܐ، ܡܰܢܚܰܬ ܠܰܢ ܗ̄ܰܣّܰܬܪ̈ܶܐ ܕܺܗ̄ܝ ܣܦܺܝܢ̱ܬܳܐ ܘܗܰܘܟ̥ܰܐ ܐ݄ܙّܰܢ ܗ̄ܘܰܝܢܰܐ. 18ܘܒܽܗ̄ܘ ܝܰܘܡܳܐ ܚܪܶܢܳܐ، ܗ̄ܺܝ ܢܰܩܠܐ ܕܩܰܝ݄ܡ ܐܰܥܠܰܢ ܥܰܠܥܳܠܳܐ ܩܰܫܝܳܐ، ܡܚܰܠܰܩ ܠܰܢ ܗ̄ܰܛّܰܥ̈ܢܰܝܕ̥ܰܢ ܒܽܗ̄ܘ ܝܰܡܳܐ. 19ܘܒܽܗ̄ܘ ܝܰܘܡܳܐ ܕܰܬܠܳܬ̥ܳܐ، ܗ̄ܰܣّܶܦܳܩ̈ܶܐ ܕܺܗ̄ܝ ܣܦܺܝܢ̱ܬܳܐ ܒܺܐܝܕ̥̈ܳܬ̥ܰܢ ܡܚܰܠܩܺܝ ܠܰܢ.
20ܘܺܗ̄ܝ ܢܰܩܠܐ ܕܚܺܝܨ ܗ̄ܽܘ ܣܰܬ̥ܘܳܐ ܝܰܘܡ̈ܶܐ ܓ̥ܰܠܰܒܶܐ، ܘܠܳܐ ܗ̄ܺܝ ܫܶܡܫܳܐ ܡ݄ܚܙܳܝܳܐ ܗ̄ܘܰܐ، ܘܠܳܐ ܗ̄ܽܘ ܣܰܗܪܳܐ ܘܠܳܐ ܗ̄ܰܟّܽܘܟܒ̥̈ܶܐ، ܗ̄ܽܘ ܣܰܒܪܳܐ ܕܰܚّܰܝ̈ܰܝܕ̥ܰܢ ܒ݄ܚܕ̥ܳܐ ܢܰܩܠܐ ܩܛ݄ܥ ܗ̄ܘܰܐ. 21ܘܺܗ̄ܝ ܢܰܩܠܐ ܕܢܳܫܳܐ ܡ݄ܢّܶܗ ܠܳܐ ܐܟ̥ܰܠ ܗ̄ܘܰܐ ܡܶܕܶܐ، ܗܶܕܺܝ ܩܰܝ݄ܡ ܦܰܘܠܳܘܣ ܒܰܝܢܳܬ̥ܰܝّܶܗ ܘܐܡ݄ܪ ܠܶܗ: ”ܝܰܐ ܓܰܒܪ̈ܶܐ، ܕܫܳܡܥܺܝܬܽܘ ܗ̄ܘܰܝ ܠܺܝ، ܠܳܐ ܐܙّܰܢ ܗ̄ܘܰܝܢܰܐ ܡܶܢ̱ ܩܪܺܝܛܺܝ، ܘ݄ܓܡ݄ܢܛܳܪܺܝ ܗ̄ܘܰܝܢܰܐ ܡܽܗ̄ܘ ܚܽܘܣܪܳܢܳܐ ܘܡܺܗ̄ܝ ܥܺܝܩܽܘܬ̥ܰܬ̥ܶܐ. 22ܘܳܐܥܕܳܐ ܟܳܐܡܰܪ ܐ̱ܢܳܐ (ܘܡܳܠ݄ܟ̥ ܐ̱ܢܳܐ) ܠܟ̥ܽܘ ܕܠܳܐ ܗ̄ܘܺܝܬܽܘ ܒܥܳܩܬ̥ܳܐ، ܥܰܠ ܕܢܰܦܫܳܐ ܡ݄ܢܟ̥ܽܘ ܠ݄ܐ ܟܡܺܝܣܰܟܪܳܐ، ܐܶܠܳܐ ܗ̄ܺܝ ܣܦܺܝܢ̱ܬܳܐ ܠܚܽܘܕ̥ܰܗ. 23ܡܺܐܝܕ̥ܶܗ ܕܒܽܗ̄ܘ ܠܰܠܝܰܢܳܐ ܚܙܶܐ ܐܶܠܺܝ ܗ̄ܽܘ ܡܰܠܰܐܟ̥ܳܐ ܕܰܐܠܳܗܳܐ، ܗܰܘܳܐ ܕܟ݄ܬ ܐ̱ܢܳܐ ܕܺܝܕ̥ܶܗ، ܘܶܐܠܶܗ ܟܥܳܒܰܕ ܐ̱ܢܳܐ، 24ܘܐܡ݄ܪ ܠܶܗ ܠܺܝ: ’ܠܳܐ ܙܰܝܥ݄ܬ، ܝܰܐ ܦܰܘܠܶܐ، ܓ݄ܕܩܰܝܡܰܬ ܩ݄ܕ̱ܡ ܩܶܣܰܪ، ܘܟܰܐܠܶܗ ܐܰܠܳܗܳܐ ܗܽܒ̥ ܠܶܗ ܠܳܟ̥ ܡܰܘܗܰܒܬܳܐ ܟܽܘܠّܶܗ ܗܰܢܺܝ ܕܟ݄ܐܙّ݄ܢ ܐܰܥܡܳܟ̥.‘ 25ܡܰܗ̄ܘܟ̥ܰܐ، ܝܰܐ ܓܰܒܪ̈ܶܐ، ܚܽܘܨܽܘ ܪܽܘܚܰܝܟ̥ܽܘ، ܥܰܠ ܕܟ݄ܡܗܰܝܡܰܢ ܐ̱ܢܳܐ ܒܰܐܠܳܗܳܐ ܕܗܰܘܟ̥ܰܐ ܓܕܳܗ̄ܘܶܐ ܐܟ̥ ܕ݄ܫܓ̥ܺܝܠ ܐܰܥܡܺܝ. 26ܐܶܠܳܐ ܠ݄ܓܙܺܝܪܬܳܐ ܚܕ̥ܳܐ ܓ݄ܕܡܳܛܺܝܢܰܐ.“
ܦܽܘܪܩܳܢܳܐ ܡܽܗ̄ܘ ܚܢܳܩܳܐ ܒܽܗ̄ܘ ܝܰܡܳܐ
27ܘܡܶܢ̱ ܒ݄ܬ̥݄ܪ ܐܰܪܒܰܥܣܰܪ ܝܰܘܡ̈ܶܐ ܘܰܐܚܢܰܐ ܛܰܥܝ̈ܶܐ ܘܒܰܛܺܝ̈ܠܶܐ ܒܽܗ̄ܘ ܝܰܡܳܐ ܕܗܰܕܪܺܝܰܘܣ، ܒܦܰܠܓܶܗ ܕܠܰܠܝܳܐ، ܗ̄ܰܡّܰܠܳܚ̈ܶܐ (ܗ̄ܰܩّܰܠܳܥ̈ܶܐ ܕܺܗ̄ܝ ܣܦܺܝܢ̱ܬܳܐ) ܚܫܽܒّ̥ܶܗ ܕ݄ܡܩܰܪܰܒّ̥ܶܗ ܠܺܗ̄ܝ ܐܰܪܥܳܐ. 28ܘܡܰܢܚܰܬّܶܗ ܗ̄ܰܟّܰܝ̈ܠܶܐ ܕܡܰܟܺܝܠܺܝ ܗ̄ܽܘ ܥܽܘܡܩܳܐ، ܘ݄ܚܙܰܠّܶܗ ܕܟ݄ܬ ܝܳܐ ܐܰܪܒܥܺܝ ܡܶܬܪ̈ܶܐ (ܥ݄ܣܪܺܝ ܩܰܘܡ̈ܳܬ̥ܳܐ). ܘ݄ܐܫܡܳܐ ܚܪܶܢܳܐ ܐܰܙّ݄ܢ ܘ݄ܚܙܰܠّܶܗ ܕܟ݄ܬ ܝܳܐ ܬܠܶܬ̥ܺܝ ܡܶܬܪ̈ܶܐ. 29ܘܰܐܚܢܰܐ ܙܰܝܳܥ̈ܶܐ ܕܠ݄ܐ ܐܙّܶܗ ܢܳܦ݄ܩ ܩܽܘܕ̱ܡܰܝܢܰܐ ܕ̈ܽܘܟܳܬ̥ܳܐ ܕܟܺܝܬ ܐܰܒّܶܗ ܫܽܘܥ̈ܶܐ، ܡܚܰܠܰܩّܶܗ ܡܺܗ̄ܝ ܚܰܪܰܝܬܳܐ ܕܺܗ̄ܝ ܣܦܺܝܢ̱ܬܳܐ ܐܰܪܒܥܳܐ ܟܰܝ̈ܠܶܐ، ܘ݄ܡܨܰܠ݄ܢ ܗ̄ܘܰܘ̱ ܕܢܳܦ݄ܩ ܗ̄ܽܘ ܝܰܘܡܳܐ. 30ܘܰܡّܰܠܳܚ̈ܶܐ ܐܰܒܺܝܥܺܝ ܕܥܳܪܩܺܝ ܡܺܗ̄ܝ ܣܦܺܝܢ̱ܬܳܐ، ܘܡܰܢܚܰܬّܶܗ ܡܶܢܰܗ ܗ̄ܽܘ ܩܰܪܩܽܘܪܳܐ ܠܽܗ̄ܘ ܝܰܡܳܐ ܘܐܡ݄ܪّܶܗ ܕܟ݄ܐܒܥܺܝ ܐ݄ܙّ݄ܢ ܡܰܐܣܪܺܝ ܗ̄ܺܝ ܣܦܺܝܢ̱ܬܳܐ ܒܺܗ̄ܝ ܐܰܪܥܳܐ. 31ܘܺܗ̄ܝ ܢܰܩܠܐ ܕ݄ܚܙܶܐ ܠܶܗ ܦܰܘܠܳܘܣ، ܐܡ݄ܪ ܠܶܗ ܠܽܗ̄ܘ ܩܶܢܛܪܽܘܢܳܐ ܘܠܰܪّܽܘܡܳܝ̈ܶܐ: ”ܐܶܢ ܗܰܢܺܝ ܕܠܳܐ ܦܰܝܫܺܝ ܒܺܗ̄ܝ ܣܦܺܝܢ̱ܬܳܐ، ܗܰܬܽܘ ܠܰܒܟ̥ܽܘ ܦܰܝܫܺܝܬܽܘ ܒܰܚّܰܝ̈ܶܐ.“
32ܗ̄ܺܝ ܢܰܩܠܝܳܐ، ܗ̄ܰܪّܽܘܡܳܝ̈ܶܐ ܩܛ݄ܥّܶܗ ܗ̄ܰܚّܰܒ̥̈ܠܶܐ ܕܽܗ̄ܘ ܩܰܪܩܽܘܪܳܐ ܡܺܗ̄ܝ ܣܦܺܝܢ̱ܬܳܐ، ܘ݄ܛܪܰܠّܶܗ ܕܡܺܝܣܰܟ݄ܪ. 33ܘܗܺܝّܶܗ ܦܰܘܠܳܘܣ ܗܳܠ ܕܗܰܘܺܝ ܨܰܦܪܳܐ، ܐܳܒܰܥ ܗ̄ܘܰܐ ܡܶܢ̱ ܟܽܘܠّܶܗ ܕܳܐܟ̥ܠܺܝ ܡܽܐܘܟܠܳܐ، ܘܳܐܡܰܪ ܗ̄ܘܰܐ ܠّܶܗ: ”ܐܰܕܝܰܘܡܰܐ ܗܰܘ݄ܠܟ̥ܽܘ ܐܰܪܒܰܥܣܰܪ ܝܰܘܡ̈ܶܐ ܡܺܗ̄ܝ ܙܽܘܥܬ̥ܳܐ ܡܶܕܶܐ ܠܰܐ ܐܟ̥݄ܠܟ̥ܽܘ. 34ܡܰܗ̄ܘܟ̥ܰܐ ܟܳܐܒܰܥ ܐ̱ܢܳܐ ܡ݄ܢܟ̥ܽܘ ܕܳܐܟ̥ܠܺܝܬܽܘ ܠܰܫܰܢ ܕܦܰܝܫܺܝܬܽܘ ܒܰܚّܰܝ̈ܶܐ. ܡܺܐܝܕ̥ܶܗ ܕܡܰܢܬ̥ܳܐ ܚܕ̥ܳܐ ܡܶܢ̱ ܪܺܝܫܳܐ ܕܚܰܕ̱ ܡ݄ܢܟ̥ܽܘ ܠ݄ܐ ܟܡܺܝܣܰܟܪܳܐ.“
35ܘܺܗ̄ܝ ܢܰܩܠܐ ܕܐܡ݄ܪ ܠܶܗ ܗܰܢܺܝ، ܡ݄ܕ ܠܶܗ ܠܰܚܡܳܐ، ܘ݄ܡܫܰܒܰܚ ܠܶܗ ܠܰܐܠܳܗܳܐ ܩ݄ܕ̱ܡ ܟܽܘܠّܶܗ، ܘ݄ܩܨܶܐ ܠܶܗ ܘ݄ܡܫܰܪܶܐ ܠܶܗ ܕܳܐܟ̥݄ܠ. 36ܘܟܽܘܠّܶܗ ܚܺܝܨ ܠܶܒܰܝّܶܗ ܘܰܐܟ̥݄ܠّܶܗ. 37ܘ݄ܕܟ݄ܬ ܗ̄ܘܰܝܢܰܐ ܒܺܗ̄ܝ ܣܦܺܝܢ̱ܬܳܐ ܡܰܐܬ̥ܶܝ ܘܫܶܬ̥ ܘܫܰܒ̥ܥܺܝ ܢܰܦܫ̈ܳܬ̥ܳܐ. 38ܘܺܗ̄ܝ ܢܰܩܠܐ ܕܣܰܒ̥ܺܝܥܺܝ، ܡܰܢܩܰܨّܶܗܗ ܗ̄ܽܘ ܛܰܥܢܳܐ ܕܰܚّܶܛ̈ܶܐ ܡܺܗ̄ܝ ܣܦܺܝܢ̱ܬܳܐ ܠܰܫܰܢ ܕܗܳܘܝܳܐ ܩܰܠ݄ܠܬܳܐ. 39ܘܒܽܗ̄ܘ ܣܠܳܩܶܗ ܕܝܰܘܡܳܐ، ܗ̄ܰܡّܰܠܳܚ̈ܶܐ ܠܰܐ ܐܕ̥ܺܝܥܺܝ ܠܰܐܝܢܰܐ ܐܰܪܥܳܐ ܡܰܛ݄ܢ، ܐܶܠܳܐ ܚܙܰܠّܶܗ ܥܰܠ ܓܰܒܳܐ ܕܺܗ̄ܝ ܐܰܪܥܳܐ ܟܶܢܦܳܐ ܚܰܕ̱ ܕܽܗ̄ܘ ܝܰܡܳܐ، ܘ݄ܠܬܰܡܳܐ ܚܫܽܒّ̥ܶܗ ܐܶܢ ܕܳܐܬ̥ܶܐ ܡ݄ܢّܶܗ ܕܬ݄ܦܟܺܝ ܗ̄ܺܝ ܣܦܺܝܢ̱ܬܳܐ. 40ܘ݄ܩܛ݄ܥّܶܗ ܗ̄ܰܟّܰܝ̈ܠܶܐ ܡܺܗ̄ܝ ܣܦܺܝܢ̱ܬܳܐ ܘܡܰܪܦ݄ܢّܶܗ ܒܽܗ̄ܘ ܝܰܡܳܐ، ܘ݄ܫܪܰܠّܶܗ ܗ̄ܰܚّܰܒ̥̈ܠܶܐ ܕܰܣّܰܘܟܳܢ̈ܶܐ، ܘܡܰܥܠܰܠّܶܗ ܣܰܬܪܳܐ ܢܰܥܺܝܡܳܐ ܠܺܗ̄ܝ ܗܰܘܰܐ ܕܡܳܚܝܳܐ ܐܶܒܶܗ، ܘ݄ܐܙّ݄ܢ ܗ̄ܘܰܘ̱ ܠܰܐܦ ܗ̄ܺܝ ܐܰܪܥܳܐ. 41ܘ݄ܡܚܶܐ ܠܰܗ ܗ̄ܺܝ ܣܦܺܝܢ̱ܬܳܐ ܒܕܽܘܟܬ̥ܳܐ ܥܶܠܰܝܬܳܐ ܒܰܝܢ ܬܪܶܝ ܥܽܘܡܩ̈ܶܐ، ܘܥܰܒܺܝܪܳܐ ܘܥܰܨܝܳܐ ܗ̄ܺܝ ܩܰܕ̱ܡܰܝܬܳܐ ܕܺܗ̄ܝ ܣܦܺܝܢ̱ܬܳܐ ܘܠܳܐ ܪܳܡܫܳܐ ܗ̄ܘܰܐ. ܘܽܗ̄ܘ ܓܰܒܰܝܕ̥ܰܗ ܗ̄ܽܘ ܚܰܪܳܝܳܐ ܬܒ̥ܺܝܪ ܡܽܗ̄ܘ ܚܰܝܠܳܐ ܕ̈ܰܓّܰܠܶܐ. 42ܘܰܪّܽܘܡܳܝ̈ܶܐ ܐܰܒܺܝܥܺܝ ܕܩܳܛܠܺܝ ܗ̄ܰܝّܰܣܺܝܪ̈ܶܐ ܕܠܳܐ ܐ݄ܙّܶܗ ܡܚܰܠܩܺܝ ܪܽܘܚܰܝّܶܗ ܣܳܚ݄ܢ ܘܥ݄ܪܩܺܝ ܡ݄ܢّܶܗ. 43ܐܶܠܳܐ ܗ̄ܽܘ ܩܶܢܛܪܽܘܢܳܐ ܡܰܟܠܰܠّܶܗ ܡܰܗ̄ܬ̥ܶܐ ܥܰܠ ܕܳܐܒܰܥ ܗ̄ܘܰܐ ܕܛܳܪܶܐ ܦܰܘܠܳܘܣ ܒܰܚّܰܝ̈ܶܐ. ܘܠܰܐܝܢܰܐ ܕܟ݄ܒّܶܗ ܣܳܚ݄ܢ، ܗܽܒ̥ ܠܰܗ ܠّܶܗ ܦܽܘܩܕܳܢܳܐ ܕܣܳܚ݄ܢ ܒܺܗ̄ܝ ܩܰܕ̱ܡܰܝܬܳܐ ܘ݄ܐܙّ݄ܢ ܠܺܗ̄ܝ ܐܰܪܥܳܐ. 44ܘܠܰܚܪ̈ܶܢܶܐ ܥܰܠ ܕܰܦ̈ܶܐ ܘܩܰܝܣ̈ܶܐ ܡܰܢ̱ ܦّܰܠܩ̈ܶܐ ܕܺܗ̄ܝ ܣܦܺܝܢ̱ܬܳܐ ܡܰܫ݄ܦ̊ܥܺܝ ܠܶܗ. ܘܗܰܘܟ̥ܰܐ ܟܽܘܠّܶܗ ܡܰܛ݄ܢ ܠܺܗ̄ܝ ܐܰܪܥܳܐ ܒ݄ܫܠܳܡܳܐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation