ܥܒܳܕ̥̈ܶܐ ܕܰܫܠܺܝܚ̈ܶܐ 14
14
ܦܰܘܠܳܘܣ ܘܒܰܪܢܰܒܰܐ ܒܺܐܝܩܢܳܘܢ
1ܘܰܐܬ̥݄ܢ ܘܥܰܒܺܝܪܺܝ ܠܺܗ̄ܝ ܟ̥ܢܽܘܫܬܳܐ ܕܰܝّܽܘܕ̥̈ܳܝܶܐ، ܘܗܰܘܟ̥ܰܐ ܫܓ̥ܺܝܠܺܝ ܐܰܥܡܰܝّܶܗ ܗܳܠ ܕ݄ܡܗܰܝܡܰܢّܶܗ ܓ̥ܰܠܰܒܶܐ ܡܰܢ̱ ܝّܽܘܕ̥̈ܳܝܶܐ ܘܡܰܢ̱ ܝّܰܘܢܳܝ̈ܶܐ. 2ܐܶܠܳܐ ܗ̄ܰܝّܽܘܕ̥̈ܳܝܶܐ ܗܰܢ݄ܟ ܕܠܳܐ ܡܗܰܝܡܢܺܝ ܗ̄ܘܰܘ̱ ܡܰܩ݄ܡّܶܗ ܠܰܥّܰܡ̈ܶܐ ܕܡܰܟܺܝܒ̥ܺܝ ܠܰܗ̄ܢ ܐܰܚ̈ܽܘܢܳܢܶܐ. 3ܘܗ݄ܢّܶܝ (ܦܰܘܠܳܘܣ ܘܒܰܪܢܰܒܰܐ) ܦܰܝܺܝܫܺܝ ܬܰܡܳܐ ܙܰܒܢܳܐ ܝܰܪܺܝܟ̥ܳܐ، ܘ݄ܒܓܰܠܝܳܐ ܡ݄ܫܓ̥ܳܠܺܝ ܗ̄ܘܰܘ̱ ܥܰܠ ܡܳܪܝܳܐ. ܘܗܺܝّܶܗ (ܡܳܪܝܳܐ) ܣܳܗܰܕ ܗ̄ܘܰܐ ܥܰܠ ܗ̄ܺܝ ܡܶܠܬ̥ܳܐ ܕܺܗ̄ܝ ܛܰܝܒܽܘܬ̥ܰܝܕ̥ܶܗ ܒܰܗ̄ܢ ܐܳܬ̥ܘ̈ܳܬ̥ܳܐ ܘܰܬّܶܕ݄ܡܪ̈ܳܬ̥ܳܐ ܕܣܳܝܰܡ ܗ̄ܘܰܐ ܒܺܐܝܕ̥̈ܳܬ̥ܰܝّܶܗ. 4ܘܰܗ̄ܢ ܢܳܫ̈ܶܐ ܟܽܘܠّܶܗ ܕܺܗ̄ܝ ܡܕ̥ܺܝܢ̱ܬܳܐ ܦܠܺܝܓ̥ܺܝ، ܗ݄ܢ ܡ݄ܢّܶܗ ܦܰܝܺܝܫܺܝ ܥܰܡ ܗ̄ܰܝّܽܘܕ̥̈ܳܝܶܐ ܘܗ݄ܢ ܡܰܛ݄ܢ ܗ̄ܘܰܘ̱ ܠܰܫܠܺܝܚ̈ܶܐ. 5ܘܗܰܘܺܝ ܐܰܥܠܰܝّܶܗ ܩܛܳܥܳܐ (ܓܙܳܡܳܐ) ܡܰܢ̱ ܥّܰܡ̈ܶܐ ܘܡܰܢ̱ ܝّܽܘܕ̥̈ܳܝܶܐ ܘܰܪّܺܝܫ̈ܳܢܰܬّ̥ܶܗ ܕ݄ܡܨܰܥܪ݄ܢّܶܗ ܘܪ݄ܓܡ݄ܢّܶܗ ܒܰܟّܶܐܦ̈ܶܐ. 6ܘܺܗ̄ܝ ܢܰܩܠܐ ܕܰܐܕ̥ܺܝܥܺܝ، ܐܰܙّ݄ܢ ܡܶܢ̱ ܬܰܡܳܐ ܘܰܐܬ̥݄ܢ ܕܡܰܣܬܪܺܝ ܪܽܘܚܰܝّܶܗ ܒܰܡܕ̥ܺܝܢ̈ܳܬ̥ܳܐ ܕܠܽܘܩܳܢܺܝܰܐ ܘܠܽܘܣܛܪܰܐ ܘܕܶܪܒܺܝ ܘܒܰܩّ݄ܪ̈ܝܰܘܳܬ̥ܳܐ ܕܚܶܕ̥ܳܪܰܝّܶܗ. 7ܘܬܰܡܳܐ ܡܣܰܒܪܺܝ ܗ̄ܘܰܘ̱.
ܗ̄ܽܘ ܬܢܳܚܳܐ ܕܽܗ̄ܘ ܚܓ̥ܺܝܪܳܐ ܘܽܗ̄ܘ ܫܓ̥ܽܘܫܝܳܐ ܕ݄ܒܠܽܘܣܛܪܰܐ
8ܘܟ݄ܬ ܗ̄ܘܰܐ ܓܰܒ̥ܪܳܐ ܚܰܕ̱ ܝܳܬܰܒ̥ ܗ̄ܘܰܐ ܒܺܗ̄ܝ ܡܕ̥ܺܝܢ̱ܬܳܐ ܕܠܽܘܣܛܪܰܐ ܟܰܐܺܝܒ̥ܳܐ ܡܶܢ̱ ܪ̈ܰܓ̥ܠܳܬ̥ܶܗ، ܚܓ̥ܺܝܪܳܐ ܡܽܗ̄ܘ ܟܰܪܣܳܐ ܕܺܗ̄ܝ ܐܶܡܳܐ ܕܒܰܚّܰܝ̈ܰܝܕ̥ܶܗ ܠܳܐ ܡܗܰܠܰܟ̥ ܠܶܗ. 9ܗܰܢܳܐ ܫܰܡ݄ܥ ܦܰܘܠܳܘܣ ܟܳܡ݄ܫܓ̥݄ܠ. ܘܺܗ̄ܝ ܢܰܩܠܐ ܕܦܰܘܠܳܘܣ ܚܙܶܐ ܠܶܗ ܘܰܐܕ̥݄ܥ ܕܟܺܝܬ ܐܶܒܶܗ ܗܰܝܡܳܢܽܘܬ̥ܳܐ ܕܚܳܝܶܐ، 10ܐܡ݄ܪ ܠܶܗ ܠܶܗ ܒܩܳܠܳܐ ܥܶܠܳܝܳܐ: ”ܐܶܠܳܟ̥ ܟܳܐܡܰܪ ܐ̱ܢܳܐ، ܒ݄ܐܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ، ܩܘܿܡ ܥܰܠ ܪ̈ܰܓ̥ܠܳܬ̥ܳܟ̥!“ ܘܩܰܣ݄ܦ ܩܰܝ݄ܡ ܘ݄ܡܗܰܠܰܟ̥ ܠܶܗ. 11ܘܰܗ̄ܢ ܢܳܫ̈ܶܐ، ܗ̄ܺܝ ܢܰܩܠܐ ܕ݄ܚܙܰܠّܶܗ ܗ̄ܽܘ ܡܶܕܶܐ ܕܣ݄ܡ ܠܶܗ ܦܰܘܠܳܘܣ، ܡܰܥܠܰܠّܶܗ ܩܳܠܰܝّܶܗ، ܒܽܗ̄ܘ ܠܶܫܳܢܳܐ ܕܽܗ̄ܘ ܐܰܬ̥ܪܳܐ، ܘܐܡ݄ܪّܶܗ: ”ܗ̄ܰܢ ܐܰܠܳܗ̈ܶܐ ܡܕܰܡ݄ܢ ܒܰܗ̄ܢ ܢܳܫ̈ܶܐ، ܘܢܰܚܺܝܬܺܝ ܓܰܒܰܢ.“ 12ܘ݄ܡܫܰܡܰܗّܶܗ ܒܰܪܢܰܒܰܐ ܡܳܪܶܐ ܐܰܠܳܗ̈ܶܐ ܘܦܰܘܠܳܘܣ ܗܶܪܡܺܝܣ، ܥܰܠ ܕܗܺܝّܶܗ ܡܫܰܪܶܐ ܗ̄ܘܰܐ ܒܽܗ̄ܘ ܡܰܡܠܠܳܐ. 13ܘܽܗ̄ܘ ܟܽܘܡܪܳܐ ܕܡܳܪܶܐ ܐܰܠܳܗ̈ܶܐ، ܗܰܘܳܐ ܕܟ݄ܬ ܗ̄ܘܰܐ ܠܰܪܒ̥ܰܠ ܡܺܗ̄ܝ ܡܕ̥ܺܝܢ̱ܬܳܐ، ܡܰܝܬܶܐ ܠܶܗ ܬܰܘܪ̈ܶܐ ܘ݄ܟ̈ܠܺܝܠܶܐ ܠܰܬّܰܪ̈ܥܶܐ ܕܺܗ̄ܝ ܕܳܪܬܳܐ، ܐܰܝܟܳܐ ܕܢܰܚܺܝܬܺܝ ܗ̄ܘܰܘ̱ (ܗ̄ܰܫܠܺܝܚ̈ܶܐ)، ܘܳܐܒܰܥ ܗ̄ܘܰܐ ܕ݄ܡܩܰܪܰܒّ̥ܶܗ ܕܶܒܚܳܐ. 14ܐܶܠܳܐ ܒܰܪܢܰܒܰܐ ܘܦܰܘܠܳܘܣ، ܗ̄ܺܝ ܢܰܩܠܐ ܕܫܰܡܺܝܥܺܝ، ܩܛ݄ܥّܶܗ ܗ̄ܰܠܒܽܘܫ̈ܰܬّ̥ܶܗ ܘܩܰܣܺܝܦܺܝ ܘܢܰܦܺܝܩܺܝ ܓܰܒ ܗ̄ܰܢ ܢܳܫ̈ܶܐ ܘܡܰܙܥܩܺܝ ܗ̄ܘܰܘ̱ ܐܰܥܠܰܝّܶܗ 15ܘ݄ܐܡّܺܪ̱ܝ ܗ̄ܘܰܘ̱: ”ܝܰܐ ܓܰܒ̥ܪ̈ܶܐ، ܡ݄ܢ ܟܣܰܝܡܺܝܬܽܘ؟ ܐܰܚܢܰܐ ܣܬܶܝ ܢܳܫ̈ܶܐ ܢܰܐ ܡܚܺܝ̈ܠܶܐ ܐ̱ܟ̥݄ܕܘܳܬ̥ܰܝܟ̥ܽܘ، ܐܰܬ̥ܺܝܢܰܐ ܕ݄ܡܣܰܒܪܺܝܢܰܐ ܠܟ̥ܽܘ ܠܰܫܰܢ ܕܕܳܥܪܺܝܬܽܘܢ ܡܰܢ̱ ܡّܶܕ̈ܳܢܰܢܺܝ ܗ̄ܰܒّܰܛܺܝ̈ܠܶܐ ܠܓܰܒ ܐܰܠܳܗܳܐ ܗ̄ܽܘ ܚܰܝܳܐ، ܗܰܘܳܐ ܕܣ݄ܡ ܠܶܗ ܗ̄ܺܝ ܫܡܰܝܳܐ ܘܺܗ̄ܝ ܐܰܪܥܳܐ ܘܰܝّܰܡ̈ܶܐ ܘܟܽܘܠ ܡܶܕܶܐ ܕܟܺܝܬ ܐܰܒّܶܗ. 16ܗܰܘܳܐ ܕܒܰܕّܳܪ̈ܶܐ ܩܰܕ̱ܡܳܝ̈ܶܐ ܛܪܶܐ ܠܶܗ ܟܽܘܠّܶܗ ܗ̄ܰܥّܰܡ̈ܶܐ ܕ݄ܐܙّ݄ܢ ܒܰܕّܰܪ̈ܒܳܢܶܐ ܕܟ݄ܐܒܥܺܝ. 17ܐܶܠܳܐ ܠܳܐ ܛܪܶܐ ܠܶܗ ܪܽܘܚܶܗ ܕܠܳܐ ܣܳܗܕܽܘܬ̥ܳܐ: ܗ̄ܳܒܶܐ ܗ̄ܘܰܐ ܠّܶܗ ܛܳܒ̥̈ܳܬ̥ܳܐ ܡܺܗ̄ܝ ܫܡܰܝܳܐ ܡܰܢܚܰܬ ܗ̄ܘܰܐ ܠّܶܗ ܡܰܛܪܳܐ، ܘ݄ܡܪܰܒܶܐ ܗ̄ܘܰܐ ܗ̄ܰܦّܺܐܪ̈ܶܐ ܒܽܗ̄ܘ ܙܰܒܢܰܬّ̥ܶܗ، ܘܡܳܠܶܐ ܗ̄ܘܰܐ ܠܶܒܰܝّܶܗ ܡܽܐܘܟܠܳܐ ܘܒܽܘܣܳܡܳܐ.“ 18ܘܗܰܢܺܝ ܐܡّܺܪ̱ܝ ܗ̄ܘܰܘ̱، ܘ݄ܒܥܰܣܩܽܘܬ̥ܳܐ ܡܰܟܠܰܠّܶܗ ܗ̄ܽܘ ܥܰܡܳܐ ܕܢܳܫܳܐ ܠܳܐ ܡܩܰܪܽܒ̥ ܕܶܒܚܳܐ ܐܰܠّܶܗ. 19ܘܰܐܬ̥݄ܢ ܝܽܘܕ̥̈ܳܝܶܐ ܠܬܰܡܳܐ ܡܶܢ̱ ܐܺܝܩܳܢܺܘܳܢ ܘܡܶܢ̱ ܐܰܢܛܺܝܳܟ̥ܺܝܰܐ، ܘܡܰܩ݄ܡّܶܗ ܗ̄ܽܘ ܥܰܡܳܐ ܐܰܥܠܰܝّܶܗ، ܘ݄ܪܓ݄ܡّܶܗ ܠܦܰܘܠܳܘܣ ܘ݄ܡܓܰܪܓܰܫّܶܗ ܠܰܪܒ̥ܰܠ ܡܺܗ̄ܝ ܡܕ̥ܺܝܢ̱ܬܳܐ ܥܰܠ ܕܚܳܫܒ̥ܺܝ ܗ̄ܘܰܘ̱ ܕܡܰܝ݄ܬ̥. 20ܘܰܐܬ̥݄ܢ ܗ̄ܰܬّܰܠܡܺܝܕ̥̈ܶܐ ܠܰܐܦ ܐܶܠܶܗ، ܘܩܰܝ݄ܡ ܥܰܒ݄ܪ ܠܺܗ̄ܝ ܡܕ̥ܺܝܢ̱ܬܳܐ. ܘܒܽܗ̄ܘ ܝܰܘܡܳܐ ܚܪܶܢܳܐ ܢܰܦ݄ܩ ܡܶܢ̱ ܬܰܡܳܐ ܥܰܡ ܒܰܪܢܰܒܰܐ ܘܰܐܬ̥݄ܢ ܠܺܗ̄ܝ ܡܕ̥ܺܝܢ̱ܬܳܐ ܕܕܶܪܒܺܝ.
ܗ̄ܽܘ ܕܥܳܪܳܐ ܕܡܺܗ̄ܝ ܣܒܰܪܬ̥ܳܐ
21ܘܗ݄ܢّܶܝ ܡܣܰܒܪܺܝ ܗ̄ܘܰܘ̱ ܠܰܗ̄ܢ ܐܰܒܢ̈ܶܐ ܕܺܗ̄ܝ ܡܕ̥ܺܝܢ̱ܬܰܝܳܐ، ܡܬܰܠܡܰܕّ̥ܶܗ ܠܓ̥ܰܠܰܒܶܐ. ܘܕܰܥܺܝܪܺܝ ܐܰܬ̥݄ܢ ܠܺܗ̄ܝ ܡܕ̥ܺܝܢ̱ܬܳܐ ܕܠܽܘܣܛܪܰܐ ܘܠܺܐܝܩܳܢܺܘܳܢ ܘܠܰܐܢܛܺܝܳܟ̥ܺܝܰܐ، 22ܘܚܰܝܨܺܝ ܗ̄ܘܰܘ̱ ܗ̄ܰܢ ܢܰܦܫ̈ܳܬ̥ܳܐ ܕܰܬّܰܠܡܺܝܕ̥̈ܶܐ، ܘ݄ܐܒܥܺܝ ܗ̄ܘܰܘ̱ ܡ݄ܢّܶܗ ܕܦܰܝܫܺܝ ܒܺܗ̄ܝ ܗܰܝܡܳܢܽܘܬ̥ܳܐ ܘ݄ܐܡّܺܪ̱ܝ ܗ̄ܘܰܘ̱ ܢّܶܗ: ”ܒܡܰܥܺܝܩܽܘܬ̥ܳܐ ܓ̥ܰܠܰܒܶܐ ܟܳܐܒܰܥ ܠܰܢ ܕܥܳܒܪܺܝܢܰܐ ܠܺܗ̄ܝ ܡܰܠܟܽܘܬ̥ܳܐ ܕܰܐܠܳܗܳܐ.“
23ܘܡܰܩ݄ܡّܰܢّܶܗ ܒܟܽܘܠ ܥܺܕ̱ܬܳܐ ܩܰܫ̈ܶܐ، ܘܨܰܝܡܺܝ ܗ̄ܘܰܘ̱ ܐܰܥܡܰܝّܶܗ ܘ݄ܡܨܰܠ݄ܢ ܗ̄ܘܰܘ̱، ܘܡܰܫܠܡ݄ܢ ܗ̄ܘܰܘ̱ ܢّܶܝ ܠܡܳܪܰܢ ܗܰܘܳܐ ܕ݄ܡܗܰܝܡܰܢّܶܗ ܐܶܒܶܗ. 24ܘܺܗ̄ܝ ܢܰܩܠܐ ܕܟܰܪܺܝܟ̥ܺܝ ܒܽܗ̄ܘ ܐܰܬ̥ܪܳܐ ܕܦܺܝܣܺܝܕ̥ܺܝܰܐ ܐܰܬ̥݄ܢ ܠܦܰܡܦܽܘܠܺܝܰܐ. 25ܘܒ݄ܬ̥݄ܪ ܕ݄ܫܓ̥ܺܝܠܺܝ ܗ̄ܺܝ ܡܶܠܬ̥ܳܐ ܕܰܐܠܳܗܳܐ ܒܺܗ̄ܝ ܡܕ̥ܺܝܢ̱ܬܳܐ ܕܦܶ̊ܪܓܺܝ، ܢܰܚܺܝܬܺܝ ܠܺܐܝܛܰܠܺܝܰܐ. 26ܘܡܶܢ̱ ܬܰܡܳܐ ܐܰܙّ݄ܢ ܒܽܗ̄ܘ ܝܰܡܳܐ ܘܰܐܬ̥݄ܢ ܠܰܐܢܛܺܝܳܟ̥ܺܝܰܐ، ܡܺܐܝܕ̥ܶܗ ܕܡܶܢ̱ ܬܰܡܳܐ ܡܰܫܠܡܺܝ ܗ̄ܘܰܘ̱ ܠܺܗ̄ܝ ܛܰܝܒܽܘܬ̥ܳܐ ܕܡܳܪܝܳܐ ܠܽܗ̄ܘ ܥܒ̥ܳܕ̥ܰܘܳܐ ܕܣ݄ܡّܶܗ. 27ܘܺܗ̄ܝ ܢܰܩܠܐ ܕܡܰܠܬܰܡّܶܗ ܗ̄ܺܝ ܥܺܕ̱ܬܳܐ ܟܽܘܠܰܗ، ܫܓ̥ܺܝܠܺܝ ܟܽܘܠ ܡܶܕܶܐ ܕܣ݄ܡ ܠܶܗ ܐܰܥܡܰܝّܶܗ ܐܰܠܳܗܳܐ، ܘܰܐܝܕܰܪܒܳܐ ܦܬ݄ܚ ܠܶܗ ܗ̄ܽܘ ܬܰܪܥܳܐ ܕܺܗ̄ܝ ܗܰܝܡܳܢܽܘܬ̥ܳܐ ܠܰܥّܰܡ̈ܶܐ. 28ܘܦܰܝܺܝܫܺܝ ܬܰܡܳܐ ܓܰܒ ܗ̄ܰܬّܰܠܡܺܝܕ̥̈ܶܐ ܙܰܒܢܳܐ ܝܰܪܺܝܟ̥ܳܐ.
Currently Selected:
ܥܒܳܕ̥̈ܶܐ ܕܰܫܠܺܝܚ̈ܶܐ 14: ܟܬܒܐ
Highlight
Share
Copy
Want to have your highlights saved across all your devices? Sign up or sign in
Suryoyo Bible © 2024 Aramaic Bible Translation
