Maluko Ulongozi
Ulongozi
Usenga Unogile kama vuwandikigwe na Maluko Usenga Unogile wandikigwe na Maluko ni chitabu chimwe mvitabu vine vili mdilagano da sambi visimulila mbuli za ugima wa Yesu Kilisito. Chila chimwe chokemigwa “usenga unogile,” manake “lagano da sambi.” Vandikigwa na Matayo na Maluko na Luka na Yohana haja viyadanganike Yesu. Usenga Unogile wandikigwe na Maluko uo mguhi ng'hani kubita usenga wandikigwe na waja wane wamwenga. Ivija yolongeka kua iyoilongole kwandikigwa mwa waja wose wane wandike, baho kama milao sitini na mitano mbaka sabidi kulawa mvumbuka ya Kilisito. Weli na ilimu wengi wotogola kua yandikigwa Loma kwambuli ya kuwagela moyo wajalusona wa Kilisito weli Loma. Maluko, ivija komanyika kama Yohana Maluko, iyo kakala mbwiga wa Mtumigwa Paulo na Banabasi mbali waihasanya na Mtumigwa Paulo ivo wailongoza na Banaba mmiyanza yao ya misheni (Sang'hano 13:13). Hamwande chidogo waita kaidi na Banaba (Sang'hano 15:37-39). Maluko ivija kakala yailumbile ng'hani na Petulo (1 Petulo 5:13). Hata kama Maluko hauonile goya ugima wa Yesu, mbali weli na ilimu wotogola kua Maluko iyo yandikile mbuli nyingi ziyaonile Petulo na kusimulila, na uwo uwo msingi mkulu wa chitabu cha Maluko. Muusenga Unogile, Maluko kagangamiza muujalusona na ufundaji wa Yesu wa chikomelezo. Chilaguso: 1. Maluko kochilongelela chitabu Lwivi 1:1-13. 2. Amala Maluko kolongelela sang'hano za Yesu viyakalile Galilaya muulwivi 1:14-8-21. 3. Labaho Maluko kalongelela mbuli ya mwanza wa Yesu kuita Yelusalemu (8:22-10-52). 4. Maluko kakomeleza kwandika mbuli za Yesu viyakalile uko Yelusalemu, hamwe na ifa na kuzilibuka kwake (11:1-16-8).
Currently Selected:
Maluko Ulongozi: KBV
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.