Matayo 4
4
Yesu Kogezigwa
Maluko 1:12-23; Luka 4:1-13
1Amala Yesu kalongozigwa na Muhe wa Mulungu mbaka kuchiwala ili yagezigwe na Mwenembago. 2Yesu kafunga kwa mazua alubaini hadile hebu kung'wa misi na chilo hachikomelezo kaona nzala. 3Baho Mgezaji keza kamulongela,“Uhawa gweye iyo Mwana wa Mulungu, galongele mabwe gano gageluke migate.”
4Baho Yesu kamwidika, “Yandikigwa, ‘Munhu hakala kwa migate iiyeka, mbali na kila usenga ulawa kwa Mulungu.’”
5Labaho Mwenembago kamsola Yesu mbaka isi inang'hane ya Yelusalemu na kumwika kuchahna mwa Ng'anda ya Mulungu, 6na kamulongela, “Yahawa gweye iyo Mwana wa Mulungu, ibwanhe hasi, manake yandikigwa mmayandiko ga Mulungu, ‘Mulungu kokulagizila watumigwa wa kumwake, wokusola mmakono gao, seke uikwale mmabwe.’”
7Yesu kamwidika, “Mayandiko ivija galonga, ‘Seke umgeze Mndewa Mulungu wako.’”
8Amala Mgezaji kamgala Yesu mbaka kulugongo lutali, kamulagusila ufaume wose wa isi na unovu wake, 9Labaho kamulongela, “Nokwing'ha vino vose kama wahatumbala mavindi na kunifugamila.” 10Baho Yesu kamlongela, “Halawe hano Mwenembago gweye! Yandikigwa mmayandiko ga Mulungu,
‘Komfugamila Mndewa Mulungu wako na kumsang'hanila iyo yaiyeka.’”
11Baho, Mwenembago kamleka, na watumigwa wa kwa Mulungu weza, na kumsang'hanila.
Yesu kasonga sang'hano uko Galilaya
Maluko 1:14,15; Luka 4:14,15
12Yesu viyahulike kua Yohana Mbatizi kafungigwa mdigeleza, yeye kaita Galilaya.
13Yesu hakalile Nazaleti, kasegela kaita Kapelinaumu, kae ili behi na lamba da Galilaya, muimhaka ya isi ya Zebuloni na isi ya Nafutali, kakala uko. 14Gano galawilila kugangamiza ukweli kwa gaja gayalongile Mlagusi wa Mulungu Isaya, viyalongile,
15“Isi ya zabuloni na isi ya Nafutali, kubitila kudilamba umwambu mwa lwanda lwa Yolodani, Galilaya isi ya wanhu haweli Wayahudi!
16Wanhu wakalile muiisi ili na bung'hukila ng'hulu wadiona bung'hulo kulu. Nao wakalile muiisi ya ziza na bung'hukila ya ifa, bung'hulo diwa bung'hukila!”
17Kulawa chipindi icho, Yesu kasonga kuligula usenga wake yolonga, “Hindukeni na kuleka malozo genu manake ufaume wa kuulanga kwa Mulungu wammabehi!”
Yesu kowakema wavula somba wanne
Maluko 1:16-20; Luka 5:1-11
18Yesu viyakalile yogenda mugwazogwazo mwa lamba da Galilaya, kawaona wanhu waidi wa lukolo lumwe, Simoni yokemigwa Petulo na miage Andulea, wakala wovula somba na nyavu mdilamba. 19Baho, Yesu kawalongela, “Niwinzeni, nie nomtendani muwagale wanhu kwa Mulungu badili ya somba.” 20Bahaja wazileka nyavu zao wamuwinza Yesu. 21Viyagendile hamwande chidogo, kawaona wanhu wamwenga waidi wa lukolo lumwe, Yakobo na Yohana wana Zebedayo. Wano wakala mui ngalawa wosasala nyavu zao hamwe na tati yao Zebedayo. Baho Yesu kawakema, 22bahaja nao waleka nyavu zao na tati yao muingalawa, wamuwinza Yesu.
Yesu kofunda wanhu na kuhonya watamu
Luka 6:17-19
23Nayo Yesu kakala yogenda chila hanhu mui Galilaya, yofunda mzi ng'anda za kuiting'hanila Wayahudi na kuligula Usenga Unogile kwa mbuli ya ufaume wa Mulungu. Kahonya vitamu vao kwavija vivili na utamu wa chila munhu yeli nao. 24Mbuli zake zenela chila hanhu muiisi ya Silia, watamu wose weli na vitamu vovose na waja wogazigwa na madununzo ga chila namna. Waja wambule chinyamkela, weli na utamu wa kugwa na waja waholole lukuli, wagaligwa kumwake, nayo kawahonya wose. 25Mabumbila makulu ga wanhu kulawa isi ya Galilaya na Dekapoli na Yelusalemu na Yudea na umwambu mwa lwanda lwa Yolodani, wamuwinza.
Currently Selected:
Matayo 4: KBV
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Matayo 4
4
Yesu Kogezigwa
Maluko 1:12-23; Luka 4:1-13
1Amala Yesu kalongozigwa na Muhe wa Mulungu mbaka kuchiwala ili yagezigwe na Mwenembago. 2Yesu kafunga kwa mazua alubaini hadile hebu kung'wa misi na chilo hachikomelezo kaona nzala. 3Baho Mgezaji keza kamulongela,“Uhawa gweye iyo Mwana wa Mulungu, galongele mabwe gano gageluke migate.”
4Baho Yesu kamwidika, “Yandikigwa, ‘Munhu hakala kwa migate iiyeka, mbali na kila usenga ulawa kwa Mulungu.’”
5Labaho Mwenembago kamsola Yesu mbaka isi inang'hane ya Yelusalemu na kumwika kuchahna mwa Ng'anda ya Mulungu, 6na kamulongela, “Yahawa gweye iyo Mwana wa Mulungu, ibwanhe hasi, manake yandikigwa mmayandiko ga Mulungu, ‘Mulungu kokulagizila watumigwa wa kumwake, wokusola mmakono gao, seke uikwale mmabwe.’”
7Yesu kamwidika, “Mayandiko ivija galonga, ‘Seke umgeze Mndewa Mulungu wako.’”
8Amala Mgezaji kamgala Yesu mbaka kulugongo lutali, kamulagusila ufaume wose wa isi na unovu wake, 9Labaho kamulongela, “Nokwing'ha vino vose kama wahatumbala mavindi na kunifugamila.” 10Baho Yesu kamlongela, “Halawe hano Mwenembago gweye! Yandikigwa mmayandiko ga Mulungu,
‘Komfugamila Mndewa Mulungu wako na kumsang'hanila iyo yaiyeka.’”
11Baho, Mwenembago kamleka, na watumigwa wa kwa Mulungu weza, na kumsang'hanila.
Yesu kasonga sang'hano uko Galilaya
Maluko 1:14,15; Luka 4:14,15
12Yesu viyahulike kua Yohana Mbatizi kafungigwa mdigeleza, yeye kaita Galilaya.
13Yesu hakalile Nazaleti, kasegela kaita Kapelinaumu, kae ili behi na lamba da Galilaya, muimhaka ya isi ya Zebuloni na isi ya Nafutali, kakala uko. 14Gano galawilila kugangamiza ukweli kwa gaja gayalongile Mlagusi wa Mulungu Isaya, viyalongile,
15“Isi ya zabuloni na isi ya Nafutali, kubitila kudilamba umwambu mwa lwanda lwa Yolodani, Galilaya isi ya wanhu haweli Wayahudi!
16Wanhu wakalile muiisi ili na bung'hukila ng'hulu wadiona bung'hulo kulu. Nao wakalile muiisi ya ziza na bung'hukila ya ifa, bung'hulo diwa bung'hukila!”
17Kulawa chipindi icho, Yesu kasonga kuligula usenga wake yolonga, “Hindukeni na kuleka malozo genu manake ufaume wa kuulanga kwa Mulungu wammabehi!”
Yesu kowakema wavula somba wanne
Maluko 1:16-20; Luka 5:1-11
18Yesu viyakalile yogenda mugwazogwazo mwa lamba da Galilaya, kawaona wanhu waidi wa lukolo lumwe, Simoni yokemigwa Petulo na miage Andulea, wakala wovula somba na nyavu mdilamba. 19Baho, Yesu kawalongela, “Niwinzeni, nie nomtendani muwagale wanhu kwa Mulungu badili ya somba.” 20Bahaja wazileka nyavu zao wamuwinza Yesu. 21Viyagendile hamwande chidogo, kawaona wanhu wamwenga waidi wa lukolo lumwe, Yakobo na Yohana wana Zebedayo. Wano wakala mui ngalawa wosasala nyavu zao hamwe na tati yao Zebedayo. Baho Yesu kawakema, 22bahaja nao waleka nyavu zao na tati yao muingalawa, wamuwinza Yesu.
Yesu kofunda wanhu na kuhonya watamu
Luka 6:17-19
23Nayo Yesu kakala yogenda chila hanhu mui Galilaya, yofunda mzi ng'anda za kuiting'hanila Wayahudi na kuligula Usenga Unogile kwa mbuli ya ufaume wa Mulungu. Kahonya vitamu vao kwavija vivili na utamu wa chila munhu yeli nao. 24Mbuli zake zenela chila hanhu muiisi ya Silia, watamu wose weli na vitamu vovose na waja wogazigwa na madununzo ga chila namna. Waja wambule chinyamkela, weli na utamu wa kugwa na waja waholole lukuli, wagaligwa kumwake, nayo kawahonya wose. 25Mabumbila makulu ga wanhu kulawa isi ya Galilaya na Dekapoli na Yelusalemu na Yudea na umwambu mwa lwanda lwa Yolodani, wamuwinza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.