Yohana Wandɨɨlyo
Wandɨɨlyo
Namolɨ
TONGEELA a Nkani ni Nza anga niyandɨkilwe nʉ Yohana. Nkani ni Nza anga niyandɨkilwe nʉ Yohana ingɨ mbugulu ɨng’wɨao mʉ mbugulu innɨ nɨ Yilago Nipya niyiganʉe ʉlikalo lang’wa Yesʉ Kilisito. Mʉʉng’wɨao mʉ mbugulu izi itangwa “Injili,” lʉkani ʉlʉ lʉkete ndogoelyo a “nkani ni nza.” Mbugulu izi aɨyandɨkilwe naɨakɨla ɨnsha ang’wa Yesʉ nʉ Matayo nʉ Maliko nʉ Lʉka nʉ Yohana. Nkani ni nza anga nɨyandɨkilwe nʉ Yohana, aɨyandɨkilwe mʉ ʉʉlɨnkɨɨlo nʉwa ng’waka tisini kʉpumɨɨla nʉashɨla ʉ Yesʉ Kilisito. Palʉng’wɨ nʉkʉtula imbugulu ɨyɨ shanga ɨkʉmʉʉe kɨna ʉ Yohana yʉyo aɨʉandɨkile, ʉandɨki nʉʉtʉmɨwe wimpyani nʉʉandɨkwi nʉa mabada ang’wa Yohana nɨla 1 Yohana nɨlɨ nɨla 2 Yohana, nɨlɨ nɨla 3 Yohana. Andɨki ang’wɨ nɨa kalɨ akʉmʉganʉla ʉ kɨna matungo nanso Yohana aɨwishiɨ mʉ kɨsalɨ ka Epeso, kʉlʉlo ihumɨkile ɨmbugulu ɨyɨ ɨandɨkɨwe kʉ Epeso.
Yohana ʉkʉganʉla kɨhenga kɨna isɨgo nɨla mbugulu ɨyɨ ingɨ kʉaaɨɨlya antʉ ahume kʉhʉɨɨla ʉ Yesu Kilisito, Ng’wana wang’wi Itunda 20:31. Kʉhʉɨɨla itɨ kɨlija ʉpanga mʉng’wakwe. Mbugulu ɨyɨ ɨandɨkilwe kʉnsoko aasomi a Kiyahudi nawo nɨshanga Ayahudi. Nkani ni nza niyang’wa Yohana kʉnzɨla ngɨɨza yisa ni nkani ni nza nzuya izo niitaatu. Yohana aɨʉkomangɨɨe mɨʉkʉɨlwa Yesʉ naɨʉitumile, hangɨ shanga nɨdʉ mʉnkani ni ntambʉ nimpyani naɨʉipumilye ʉYesu. Makani maʉya nɨmakʉlʉ anga ikani nɨla kʉbadisigwa ʉ Yesʉ nʉ kʉgeng’wa kʉ ng’wakwe mʉwɨɨ nizo ga shanga yandɨkilwe mʉ nkani izi ni nza.
Kɨkupɨ kakwe:
Yohana anaianza ʉkandɨɨlya nkani izi ni nza, mʉlango nʉwa 1:1-18.
Sʉnga wandɨkile mɨʉkʉɨlwa mɨʉya Yesʉ naɨwitʉmile mʉlango nʉwa 1:19-12-50.
Naɨakɨla nanso ʉkʉganʉla makani ɨdʉ mʉlikalo lang’wa Yesʉ naɨaletekeeye ɨnsha akwe nʉ wiʉki, mʉlango nʉwa 13:1-20-31.
Yohana ʉkʉmalɨnkɨɨlya nkani ni nza niyakwe mʉmʉlango nʉwa 21 wazeganʉla itungo lɨng’wi Yesʉ naɨwigeelekile kʉ antʉ naakɨla kʉnsha nʉ kiʉka kʉng’wakwe; sʉnga ʉkʉganʉla nsoko akwe nakʉandɨka ɨmbugulu ɨyɨ.
Currently Selected:
Yohana Wandɨɨlyo: IBV
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved