Yohana 5
5
Yesʉ ʉkʉmʉkomya kɨtele lʉhikʉ nʉla kʉsupya Ayahudi
1Naɨyakɨla makani nanso aɨlɨkolɨ iloelya nɨla Ayahudi, Yesʉ nʉyo wɨkalongola kiloeelya nɨlanso kʉ Yelusalemu. 2Kʉng’wanso kʉ Yelusalemu pakupɨ nʉ mʉmpita wankolo, aɨlɨmolɨ ilambo, Aebulania ɨlitanga Betizata, aɨlɨpilimɨkɨɨgwe niianda itaano. 3Mʉng’wanso mʉianda aɨamolɨ alwae ɨdʉ naɨalambae, Apoku nɨakɨtele nao nɨapoiye. ‘Aɨalindɨɨe mazɨ atɨgɨntʉlwe,’ 4kʉnsoko lɨkolɨ itungo malaɨka wang’wi Itunda nʉa kigʉlʉ aɨwɨsima mʉmazɨ nʉkʉmatɨgɨntʉla. Mʉntʉ wɨhi nʉkʉtongela kingɨla mʉmazɨ nanso natɨgɨntʉwe, wɨkomya ʉlwae wɨhi nʉʉkete. 5Ɨtɨ gwa, pang’wanso aɨʉkolɨ mʉntʉ ʉng’wɨ naɨwalwae kitungo lamyaka salasini namʉnana. 6Yesʉ naɨwamʉona mʉntʉ nʉwanso ʉlae pangwanso, kʉnʉ waze ʉlɨngile kɨna wikae pang’wanso kitungo ilɨpu, wikamʉkolya, “Itɨɨ, ʉloilwene ʉkomye?” 7Mʉlwae nʉwanso wɨkasʉkɨɨlya, “Ʉwe Mʉkʉlʉ, ʉnene nɨmʉgila anga mʉntʉ nʉwa kʉningɨlya mʉmazɨ anga atɨgɨtʉlwe. Hangɨ anga ngeme kingɨla mʉmazɨ, mʉntʉ mʉngɨɨza wɨntangʉlya.” 8Yesʉ wɨkamʉɨla, “Ʉka, hola kɨpalatʉ kako ʉgende.”
9Papo paapo mʉntʉ nʉwanso wɨkakomya, wɨkahola kɨpalatʉ kakwe wɨkatula genda. Ikani ɨlɨ aɨlɨtendekile lʉhikʉ nʉla kʉsupya. 10Kʉlʉlo Ayahudi angɨɨza ɨkamʉɨla mʉntʉ ʉyo naɨʉkomigwe, “Lelɨyɨ ingɨ lʉhikʉ nʉla kʉsupya, ilagɨɨlyo lɨgiiye kʉkenka kɨpalatʉ kako.”
11Mʉntʉ nʉwanso wɨkaasʉkɨɨlya, “Ʉyo nʉnkomilye ng’wenso ʉmbɨɨe, ‘Hola kɨpalatʉ kako ʉgende.’”
12Nɨenso ɨkamʉkolya, “Mʉntʉ kɨɨ nʉwanso naza ʉkʉɨe ʉhole kɨpalatʉ kako, ʉgende?”
13Ingɨ mʉntʉ ʉyʉ naɨʉkomigwe shanga aɨʉmʉlɨngile mʉntʉ naɨ ʉmʉkomilye, kʉnsoko Yesʉ aɨwahega pang’wanso nʉkihanja nʉmilʉndo nʉwa antʉ.
14Panyambele mʉntʉ nʉwanso naɨʉkomigwe, Yesʉ wɨkamʉhanga Mʉnyʉmba ang’wi Itunda, wɨkamʉɨla, “Itungo ɨlɨ wakomya, ʉleke kitʉma hangɨ mɨlandʉ, lɨleke kʉʉhanga ikani nibɨ kʉkɨla ɨlɨ.
15Mʉntʉ nʉwanso wɨkalongola, wɨkaatambʉɨla atongeeli a Ayahudi kɨna Yesʉ yʉyo aɨʉmʉkomilye. 16Kʉlʉlo Ayahudi ɨkandya kʉmʉnyoma Yesʉ, kʉnsoko aɨwitʉmile ikani nɨlanso mʉlʉhikʉ nʉla kʉsupya Ayahudi. 17Ingɨ Yesʉ wɨkaaɨla, “Tata nʉwane witʉma mɨlɨmo mahikʉ ɨhi nɨtungo ɨlɨ, nʉnene ga kitʉma mʉlɨmo.”
18Kʉnsoko nanso atongeeli a Ayahudi ɨkatakigwa nɨ nkani yang’wa Yesʉ, ɨkatuladuma nzɨla akʉmʉbʉlaga, shanga kʉnsoko aɨʉbunangile ilagɨɨlyo nɨla lʉhikʉ nʉla kʉsupya, ingɨ kʉnsoko akʉmitanga Itunda Tata wakwe, kʉlʉlo ʉkimpyania ni Itunda.
Ʉkʉlʉ nʉwa Ng’wana wang’wi Itunda
19Yesʉ wɨkalongoleka kʉaɨla, “Kʉmʉɨla ɨtai taai, Ng’wana shanga ʉhumile kitʉma ikani lɨhi wing’wene, ʉhumile kitʉma ɨko nʉmʉine Ihe ʉkituma. Kʉnsoko kɨhi nɨkanso nʉkituma Ihe, Ng’wana nʉyo ʉkitʉma kɨko. 20Tata ʉmʉloilwe Ng’wana, hangɨ wɨmʉlagɨɨla maintʉ ɨhi nɨwɨtʉmaa, hangɨ ʉkʉmʉlagɨɨla makani makʉlʉ kʉkɨla aya itɨ, nʉnyenye mʉhume kʉkʉɨlwa. 21Anga Tata nʉwɨiʉsha ashii nʉkʉapa ʉpanga, ʉʉgwa nʉ Ng’wana wakwe ʉkʉapa ʉpanga awo ɨhi nʉtakile. 22Tata shanga wɨmʉpɨsɨɨlya mʉntʉ wɨhi, ingɨ ʉkʉlʉ nʉwa kʉpɨsɨɨlya wamʉlekee Ng’wana, 23ingɨ antʉ ɨhi amʉkʉlye ʉ Ng’wana anga itɨ nɨɨza amʉkʉɨye ʉ Tata. Mʉntʉ wɨhi nɨshanga ʉmʉkʉiye ʉ Ng’wana shanga ʉkʉmʉkʉlya nʉ Tata nʉmʉlagɨɨye.
24“Kʉmʉɨla ɨtai taai, mʉntʉ wɨhi nʉʉkija ʉlʉkani lane, nʉkʉmʉhʉɨɨla ʉyo nʉntʉmile, ʉkete ʉpanga nʉwa kalɨ na kalɨ. Kwe shanga ʉkʉpɨsɨligwa, ingɨ ʉkʉtula wakɨla kʉpuma mʉnsha nʉkingɨla mʉʉpanga. 25Kʉmʉɨla ɨtai taai, matungo apembilye, hangɨ apika, nɨashi akija lʉli nʉla Ng’wana wang’wi Itunda, nawo nɨakija, akɨshiɨ. 26Anga ʉ Tata nɨng’wandyo nʉwa ʉpanga, ʉʉgwa ʉmʉpee nʉ Ng’wana wakwe kʉtula ng’wandyo nʉwa ʉpanga. 27Hangɨ Itunda ʉmʉpee Ng’waakwe ʉhumi nʉwa kʉlamʉla kʉnsoko yʉyo mʉntʉ Itunda nʉmʉtʉmile. 28Leki kʉkʉɨlwa ikani ɨlɨ, kʉnsoko itungo lɨpembilye awo ɨhi nɨamoli mʉibɨɨla akija lʉli lakwe, 29ɨhi akɨʉkigwa. Awo naɨatendile nɨmaza akʉlija upanga nʉwa kalɨ na kalɨ, nawo naɨatendile ʉʉbɨ akiʉkigwa nʉkʉpɨsɨɨligwa.
Nɨakʉtanantya nkani yang’wa Yesʉ
30“Ʉnene shanga nɨhumile kitʉma kɨntʉ kɨhi kʉʉhumi wane. Ʉnene kʉlamʉla anga nɨnigulye kʉpuma kʉng’wa Tata, nʉʉlamʉli wane ingɨ wa tai. Shanga nɨduma kituma anga nɨntakile ʉnene, ingɨ nʉtakile ʉyo nʉndagɨɨye.
31Anga nitambʉle iza ʉnene, witambʉli wane shanga ʉkʉgombwa kɨna watai. 32Ingɨ ʉkolɨ mʉngɨɨza nʉkʉntambʉla, nɨngile kɨna ɨhi nʉkʉntambʉla ingɨ aɨtai. 33Ʉnyenye aɨmʉatʉmile antʉ kʉng’wa Yohana nʉyo wɨkantambʉla ɨtai. 34Ʉnene shanga nsanilye antʉ antabule iza, kʉtambula makani aya ingɨ mʉhume kʉgunwa. 35Yohana aɨwɨhanga lʉmʉlɨ nʉlakɨɨe nʉkelya, nʉnyenye aɨmiloeeye nzelya akwe kɨtungo ʉdu. 36Ingɨ ʉnene nkete ʉkʉɨɨli nʉʉkʉlʉ kʉkɨla nʉang’wa Yohana. Mɨlɨmo ɨyo nɨkitʉma, ɨkʉnkumʉsha ʉnene, mɨlɨmo ɨyo ʉ Tata nʉmpee nimɨkondannɨlye, ilɨngasɨɨlyo izo nɨkitʉma zizo yɨnkumʉshilye kɨna ʉ Tata yʉyo ʉndagɨɨye. 37Tata naɨʉndagɨɨye yʉyo ʉkʉntambʉla. Ʉnyenye ɨzamʉkɨlɨ kija lʉli lakwe, ang’wɨ kʉʉona iɨlɨgano lakwe, 38nʉnyenye shanga mʉhʉɨɨe aya nʉkʉmʉɨla, kʉnsoko shanga mʉmʉhʉɨɨe ʉyo nʉlagɨigwe. 39Ʉnyenye mʉkʉdumɨɨla Mʉandɨkwa mʉsɨgile kɨna mʉkatɨ akwe ʉkolɨ ʉpanga nʉwa kalɨ na kalɨ, ingɨ ʉandɨkwa wʉwo ʉkʉntambʉla ʉnene! 40Nɨitɨga, ʉnyenye shanga mʉtakile kɨza kʉng’wane mʉhume kʉpantɨka ʉpanga.
41“Ʉnene shanga kʉsɨngɨɨlya ikʉlyo kʉpuma kʉantʉ. 42Ingɨ nʉmʉlɨngile kɨna mɨagila ʉʉlowa wang’wi Itunda mʉnkolo yanyu. 43Ʉnene nazaa kʉʉhumi wang’wi Tata wane, ʉnyenye shanga mʉnsɨngɨɨye, ingɨ mʉntʉ mʉngɨɨza anga waze kʉʉhumi nʉwakwe, nʉanso mʉkʉmʉsɨngɨɨlya. 44Mʉhumile ʉlɨ kʉhʉɨɨla, kʉnʉ mɨlowa kikʉlya ʉnyenye, ikʉlyo kʉpuma kʉng’wi Itunda ʉdu shanga mʉlɨloilwe? 45Leki kʉsɨgi kɨna ʉnene kʉmʉsemela kʉng’wa Tata. Musa nɨmʉmʉhʉɨɨe ʉnyenye nʉanso yʉyo ʉkʉmʉsemela. 46Anga ɨze tai aɨmʉmʉhʉɨɨe ʉ Musa, aɨmʉzenihɨɨla nʉnene, kʉnsoko Musa aɨʉandɨkile mpola yane. 47Ingɨ anga ɨze shanga mʉhʉɨɨe ayo Musa naɨ ʉandɨkile, mʉkʉhʉɨɨla ʉlɨ aya nɨkʉtambʉla?”
Currently Selected:
Yohana 5: IBV
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved
Yohana 5
5
Yesʉ ʉkʉmʉkomya kɨtele lʉhikʉ nʉla kʉsupya Ayahudi
1Naɨyakɨla makani nanso aɨlɨkolɨ iloelya nɨla Ayahudi, Yesʉ nʉyo wɨkalongola kiloeelya nɨlanso kʉ Yelusalemu. 2Kʉng’wanso kʉ Yelusalemu pakupɨ nʉ mʉmpita wankolo, aɨlɨmolɨ ilambo, Aebulania ɨlitanga Betizata, aɨlɨpilimɨkɨɨgwe niianda itaano. 3Mʉng’wanso mʉianda aɨamolɨ alwae ɨdʉ naɨalambae, Apoku nɨakɨtele nao nɨapoiye. ‘Aɨalindɨɨe mazɨ atɨgɨntʉlwe,’ 4kʉnsoko lɨkolɨ itungo malaɨka wang’wi Itunda nʉa kigʉlʉ aɨwɨsima mʉmazɨ nʉkʉmatɨgɨntʉla. Mʉntʉ wɨhi nʉkʉtongela kingɨla mʉmazɨ nanso natɨgɨntʉwe, wɨkomya ʉlwae wɨhi nʉʉkete. 5Ɨtɨ gwa, pang’wanso aɨʉkolɨ mʉntʉ ʉng’wɨ naɨwalwae kitungo lamyaka salasini namʉnana. 6Yesʉ naɨwamʉona mʉntʉ nʉwanso ʉlae pangwanso, kʉnʉ waze ʉlɨngile kɨna wikae pang’wanso kitungo ilɨpu, wikamʉkolya, “Itɨɨ, ʉloilwene ʉkomye?” 7Mʉlwae nʉwanso wɨkasʉkɨɨlya, “Ʉwe Mʉkʉlʉ, ʉnene nɨmʉgila anga mʉntʉ nʉwa kʉningɨlya mʉmazɨ anga atɨgɨtʉlwe. Hangɨ anga ngeme kingɨla mʉmazɨ, mʉntʉ mʉngɨɨza wɨntangʉlya.” 8Yesʉ wɨkamʉɨla, “Ʉka, hola kɨpalatʉ kako ʉgende.”
9Papo paapo mʉntʉ nʉwanso wɨkakomya, wɨkahola kɨpalatʉ kakwe wɨkatula genda. Ikani ɨlɨ aɨlɨtendekile lʉhikʉ nʉla kʉsupya. 10Kʉlʉlo Ayahudi angɨɨza ɨkamʉɨla mʉntʉ ʉyo naɨʉkomigwe, “Lelɨyɨ ingɨ lʉhikʉ nʉla kʉsupya, ilagɨɨlyo lɨgiiye kʉkenka kɨpalatʉ kako.”
11Mʉntʉ nʉwanso wɨkaasʉkɨɨlya, “Ʉyo nʉnkomilye ng’wenso ʉmbɨɨe, ‘Hola kɨpalatʉ kako ʉgende.’”
12Nɨenso ɨkamʉkolya, “Mʉntʉ kɨɨ nʉwanso naza ʉkʉɨe ʉhole kɨpalatʉ kako, ʉgende?”
13Ingɨ mʉntʉ ʉyʉ naɨʉkomigwe shanga aɨʉmʉlɨngile mʉntʉ naɨ ʉmʉkomilye, kʉnsoko Yesʉ aɨwahega pang’wanso nʉkihanja nʉmilʉndo nʉwa antʉ.
14Panyambele mʉntʉ nʉwanso naɨʉkomigwe, Yesʉ wɨkamʉhanga Mʉnyʉmba ang’wi Itunda, wɨkamʉɨla, “Itungo ɨlɨ wakomya, ʉleke kitʉma hangɨ mɨlandʉ, lɨleke kʉʉhanga ikani nibɨ kʉkɨla ɨlɨ.
15Mʉntʉ nʉwanso wɨkalongola, wɨkaatambʉɨla atongeeli a Ayahudi kɨna Yesʉ yʉyo aɨʉmʉkomilye. 16Kʉlʉlo Ayahudi ɨkandya kʉmʉnyoma Yesʉ, kʉnsoko aɨwitʉmile ikani nɨlanso mʉlʉhikʉ nʉla kʉsupya Ayahudi. 17Ingɨ Yesʉ wɨkaaɨla, “Tata nʉwane witʉma mɨlɨmo mahikʉ ɨhi nɨtungo ɨlɨ, nʉnene ga kitʉma mʉlɨmo.”
18Kʉnsoko nanso atongeeli a Ayahudi ɨkatakigwa nɨ nkani yang’wa Yesʉ, ɨkatuladuma nzɨla akʉmʉbʉlaga, shanga kʉnsoko aɨʉbunangile ilagɨɨlyo nɨla lʉhikʉ nʉla kʉsupya, ingɨ kʉnsoko akʉmitanga Itunda Tata wakwe, kʉlʉlo ʉkimpyania ni Itunda.
Ʉkʉlʉ nʉwa Ng’wana wang’wi Itunda
19Yesʉ wɨkalongoleka kʉaɨla, “Kʉmʉɨla ɨtai taai, Ng’wana shanga ʉhumile kitʉma ikani lɨhi wing’wene, ʉhumile kitʉma ɨko nʉmʉine Ihe ʉkituma. Kʉnsoko kɨhi nɨkanso nʉkituma Ihe, Ng’wana nʉyo ʉkitʉma kɨko. 20Tata ʉmʉloilwe Ng’wana, hangɨ wɨmʉlagɨɨla maintʉ ɨhi nɨwɨtʉmaa, hangɨ ʉkʉmʉlagɨɨla makani makʉlʉ kʉkɨla aya itɨ, nʉnyenye mʉhume kʉkʉɨlwa. 21Anga Tata nʉwɨiʉsha ashii nʉkʉapa ʉpanga, ʉʉgwa nʉ Ng’wana wakwe ʉkʉapa ʉpanga awo ɨhi nʉtakile. 22Tata shanga wɨmʉpɨsɨɨlya mʉntʉ wɨhi, ingɨ ʉkʉlʉ nʉwa kʉpɨsɨɨlya wamʉlekee Ng’wana, 23ingɨ antʉ ɨhi amʉkʉlye ʉ Ng’wana anga itɨ nɨɨza amʉkʉɨye ʉ Tata. Mʉntʉ wɨhi nɨshanga ʉmʉkʉiye ʉ Ng’wana shanga ʉkʉmʉkʉlya nʉ Tata nʉmʉlagɨɨye.
24“Kʉmʉɨla ɨtai taai, mʉntʉ wɨhi nʉʉkija ʉlʉkani lane, nʉkʉmʉhʉɨɨla ʉyo nʉntʉmile, ʉkete ʉpanga nʉwa kalɨ na kalɨ. Kwe shanga ʉkʉpɨsɨligwa, ingɨ ʉkʉtula wakɨla kʉpuma mʉnsha nʉkingɨla mʉʉpanga. 25Kʉmʉɨla ɨtai taai, matungo apembilye, hangɨ apika, nɨashi akija lʉli nʉla Ng’wana wang’wi Itunda, nawo nɨakija, akɨshiɨ. 26Anga ʉ Tata nɨng’wandyo nʉwa ʉpanga, ʉʉgwa ʉmʉpee nʉ Ng’wana wakwe kʉtula ng’wandyo nʉwa ʉpanga. 27Hangɨ Itunda ʉmʉpee Ng’waakwe ʉhumi nʉwa kʉlamʉla kʉnsoko yʉyo mʉntʉ Itunda nʉmʉtʉmile. 28Leki kʉkʉɨlwa ikani ɨlɨ, kʉnsoko itungo lɨpembilye awo ɨhi nɨamoli mʉibɨɨla akija lʉli lakwe, 29ɨhi akɨʉkigwa. Awo naɨatendile nɨmaza akʉlija upanga nʉwa kalɨ na kalɨ, nawo naɨatendile ʉʉbɨ akiʉkigwa nʉkʉpɨsɨɨligwa.
Nɨakʉtanantya nkani yang’wa Yesʉ
30“Ʉnene shanga nɨhumile kitʉma kɨntʉ kɨhi kʉʉhumi wane. Ʉnene kʉlamʉla anga nɨnigulye kʉpuma kʉng’wa Tata, nʉʉlamʉli wane ingɨ wa tai. Shanga nɨduma kituma anga nɨntakile ʉnene, ingɨ nʉtakile ʉyo nʉndagɨɨye.
31Anga nitambʉle iza ʉnene, witambʉli wane shanga ʉkʉgombwa kɨna watai. 32Ingɨ ʉkolɨ mʉngɨɨza nʉkʉntambʉla, nɨngile kɨna ɨhi nʉkʉntambʉla ingɨ aɨtai. 33Ʉnyenye aɨmʉatʉmile antʉ kʉng’wa Yohana nʉyo wɨkantambʉla ɨtai. 34Ʉnene shanga nsanilye antʉ antabule iza, kʉtambula makani aya ingɨ mʉhume kʉgunwa. 35Yohana aɨwɨhanga lʉmʉlɨ nʉlakɨɨe nʉkelya, nʉnyenye aɨmiloeeye nzelya akwe kɨtungo ʉdu. 36Ingɨ ʉnene nkete ʉkʉɨɨli nʉʉkʉlʉ kʉkɨla nʉang’wa Yohana. Mɨlɨmo ɨyo nɨkitʉma, ɨkʉnkumʉsha ʉnene, mɨlɨmo ɨyo ʉ Tata nʉmpee nimɨkondannɨlye, ilɨngasɨɨlyo izo nɨkitʉma zizo yɨnkumʉshilye kɨna ʉ Tata yʉyo ʉndagɨɨye. 37Tata naɨʉndagɨɨye yʉyo ʉkʉntambʉla. Ʉnyenye ɨzamʉkɨlɨ kija lʉli lakwe, ang’wɨ kʉʉona iɨlɨgano lakwe, 38nʉnyenye shanga mʉhʉɨɨe aya nʉkʉmʉɨla, kʉnsoko shanga mʉmʉhʉɨɨe ʉyo nʉlagɨigwe. 39Ʉnyenye mʉkʉdumɨɨla Mʉandɨkwa mʉsɨgile kɨna mʉkatɨ akwe ʉkolɨ ʉpanga nʉwa kalɨ na kalɨ, ingɨ ʉandɨkwa wʉwo ʉkʉntambʉla ʉnene! 40Nɨitɨga, ʉnyenye shanga mʉtakile kɨza kʉng’wane mʉhume kʉpantɨka ʉpanga.
41“Ʉnene shanga kʉsɨngɨɨlya ikʉlyo kʉpuma kʉantʉ. 42Ingɨ nʉmʉlɨngile kɨna mɨagila ʉʉlowa wang’wi Itunda mʉnkolo yanyu. 43Ʉnene nazaa kʉʉhumi wang’wi Tata wane, ʉnyenye shanga mʉnsɨngɨɨye, ingɨ mʉntʉ mʉngɨɨza anga waze kʉʉhumi nʉwakwe, nʉanso mʉkʉmʉsɨngɨɨlya. 44Mʉhumile ʉlɨ kʉhʉɨɨla, kʉnʉ mɨlowa kikʉlya ʉnyenye, ikʉlyo kʉpuma kʉng’wi Itunda ʉdu shanga mʉlɨloilwe? 45Leki kʉsɨgi kɨna ʉnene kʉmʉsemela kʉng’wa Tata. Musa nɨmʉmʉhʉɨɨe ʉnyenye nʉanso yʉyo ʉkʉmʉsemela. 46Anga ɨze tai aɨmʉmʉhʉɨɨe ʉ Musa, aɨmʉzenihɨɨla nʉnene, kʉnsoko Musa aɨʉandɨkile mpola yane. 47Ingɨ anga ɨze shanga mʉhʉɨɨe ayo Musa naɨ ʉandɨkile, mʉkʉhʉɨɨla ʉlɨ aya nɨkʉtambʉla?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Isanzu @The Word for The World International and Isanzu Language translation. All rights reserved