ᓂᕼᐃᒤᐊᐅᑉ ᐊᒡᓚᖏᑦ 1
1
ᓂᕼᐃᒤᐊᐅᑉ ᐃᓱᒫᓘᑎᖃᕐᖕᓂᖓ ᔨᕉᓴᓕᒥᒃ
1ᐅᑯᐊ ᓂᕼᐃᒤᐊᐅᑉ ᐅᖃᐅᓯᕆᓚᐅᖅᐰᑦ ᕼᐊᑲᓔᐊᐅᑉ ᐃᕐᖕᓂᖓᑕ. ᑕᒪᓐᓇ ᐊᑐᓚᐅᖅᐳᖅ ᑕᖅᑭᖅ ᑭᓯᓕᕝ ᐊᑐᓕᖅᑎᓪᓗᒍ, ᐊᕐᕌᒎᑉ 12ᒋᓕᖅᑕᖓᓂ ᐊᖓᔪᖅᑳᒃᑯᕕᖕᒦᓐᓂᕐᖕᒪ ᓄᓇᒥ ᓲᓴᒥ. 2ᕼᐊᓇᓁ ᖃᑕᓐᖑᑎᒪ ᐃᓚᖓᑦ, ᐊᖑᑎᓂᒃ ᐃᓚᖃᖅᓗᓂ ᔫᑕᒥᑦ ᑎᑭᒻᒪᑕ; ᐊᐱᕆᓚᐅᖅᐸᒃᑲ ᔫᑎᑦ ᐅᑎᖅᓯᒪᓕᖅᑐᑦ ᖃᓄᐃᒻᒪᖔᑕ ᐹᐱᓘᓂᒧᑦ ᐊᐅᓪᓚᕈᑦᔭᐅᓯᒪᓚᐅᖅᑐᑦ, ᔨᕉᓴᓕᒻᓗ ᖃᓄᐃᒻᒪᖔᑦ. 3ᑖᒃᑯᐊ ᐅᖃᐅᑎᕚᖓ, “ᑖᒃᑯᐊ ᐅᑎᖅᓯᒪᓕᖅᑐᑦ ᑕᕝᕗᖓ ᐊᐅᓪᓚᕈᑦᔭᐅᓯᒪᓚᐅᖅᑐᓂᑦ ᐅᑯᒤᒃᓴᖅᑐᒻᒪᕆᐊᓘᕗᑦ ᑲᓐᖑᓇᖅᑐᒦᓪᓗᑎᒡᓗ; ᔨᕉᓴᓕᐅᓪᓗ ᐊᕙᓗᕐᔪᐊᖓ ᓱᕋᒃᓯᒪᓪᓗᓂ, ᐃᑎᖅᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᕗᑦ.” 4ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᖅᐳᖓ.
ᐅᓪᓗᓂᒃ ᐅᓄᖅᑐᓂᒃ ᕿᒃᓵᕕᒡᔪᐊᕈᑎᒋᓚᐅᖅᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᖅᐳᖓ ᒎᑎᒧᑦ ᕿᓚᖕᒦᑦᑐᒧᑦ. 5ᐅᖃᖅᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᖅᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᖕᓂᒃ ᓇᒡᓕᒍᓱᖕᓂᕐᖕᓂᒡᓗ ᑲᔪᓯᑎᑦᓯᖃᑦᑕᖅᑐᑎᑦ ᐃᓕᖕᓂᒃ ᐅᖓᒋᔭᖃᖅᑐᓄᑦ ᐱᖁᔭᕐᖕᓂᒡᓗ ᒪᓕᒃᑐᓄᑦ. 6ᓯᐅᑏᒃᑭᒃ ᑐᓵᓚᐅᖅᓕᒃ, ᐃᔩᒃᑭᒡᓗ ᐅᐃᑕᓗᑎᒃ, ᑐᓴᕈᓐᓇᖁᓪᓗᑎᑦ ᐱᔨᕕᑦ ᑐᒃᓯᐊᕐᖕᓂᖓᓂ ᒫᓐᓇ ᐃᓕᖕᓄᑦ ᑐᒃᓯᐊᕈᑎᒋᔭᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐱᔨᑎᑦ ᐃᓴᕆᐊᓕᑎᑦ ᐱᓪᓗᒋᑦ, ᐃᓕᖕᓄᑦ ᐊᔪᖅᑐᓕᓯᒪᒐᑦᑕ ᖃᕿᐊᓕᖅᐳᒍᑦ, ᐅᕙᖓᓗ ᐊᑖᑕᒪᓗ ᐃᒡᓗᒥᐅᖃᑎᖏᑦ ᐊᔪᖅᑐᓕᓯᒪᖓᑦᑕ. 7ᐃᓕᖕᓄᑦ ᐱᐅᖏᑦᑐᐊᓗᖕᓂᒃ ᐱᓇᓱᐊᖅᓯᒪᒐᑦᑕ, ᐱᖁᔭᕐᖕᓂᒃ ᒪᓕᓚᐅᖏᓐᓇᑦᑕ, ᐊᑐᖅᑕᐅᖁᔭᑎᓪᓗ ᐊᑐᓚᐅᕐᖕᓇᒋᑦ, ᐱᖁᔭᓕᐊᕆᓚᐅᖅᑕᑎᓪᓗ ᒨᓯᓯᒃᑯᑦ ᒪᓕᓚᐅᓐᖏᓚᕗᑦ. 8#ᒨᓯᓯ ᐱᖓᔪᖏᑦ 26:33.ᐃᖅᑬᓚᐅᕆᑦ ᑐᒃᓯᐊᖅᐳᖓ, ᐅᖃᐅᓰᑦ ᐱᖁᔨᑦᔪᑎᒋᓚᐅᖅᑕᑎᑦ ᐱᔨᖕᓄᑦ ᒨᓯᓯᒧᑦ, ᐅᖃᖅᓗᑎᑦ, ‘ᐱᖁᔭᓐᓂᒃ ᒪᓕᖕᓂᐊᖏᒃᑯᑦᓯ, ᓄᓇᓖᑦ ᐊᓯᖏᓐᓄᑦ ᐊᐅᓪᓚᖅᑎᓪᓗᓯ ᓯᐊᒻᒪᖅᑎᑦᓱᒫᖅᐸᑦᓯ; 9#ᒨᓯᓯ ᑕᓪᓕᒪᖏᑦ 30:1-5.ᐅᕙᓐᓄᓪᓕ ᐅᑎᕈᑦᓯ ᐱᖁᔭᒃᑲᓗ ᒪᓕᒡᓗᒋᑦ ᐊᑐᓕᕈᑦᓯᒋᒃ, ᐅᖓᓯᒃᑐᐊᓗᖕᒧᑦ ᐊᐅᓪᓚᕈᑦᔭᐅᓯᒪᓕᕋᓗᐊᕈᑦᓯ, ᑕᕝᕙ ᓇᑭᑐᐃᓐᓇᖅ ᑲᑎᖅᓱᕈᒫᖅᐸᑦᓯ, ᐱᑎᓪᓗᓯᓗ ᑕᕝᕗᖓ ᓂᕈᐊᖅᓯᒪᔭᓐᓄᑦ, ᑕᕝᕙᓂ ᐊᑎᕋ ᑕᕝᕙᓃᖁᓪᓗᒍ.’
10“ᑖᒃᑯᐊ ᐱᔨᒋᒐᕕᒋᑦ ᐃᓄᖁᑎᒋᓪᓗᒋᓪᓗ, ᐱᔪᓐᓇᕐᖕᓂᕐᔪᐊᕐᖕᓄᑦ ᐱᐅᓕᓚᐅᕋᕕᒋᑦ, ᓴᓐᖏᓂᕐᔪᐊᕐᖕᓄᓪᓗ. 11ᐊᑕᓃᖅ, ᑐᒃᓯᐊᖅᐳᖓ, ᓯᐅᑏᒃᑭᒃ ᓈᓚᓚᐅᖅᓕᒃ ᐱᔨᕕᑦ ᑐᒃᓯᐊᕐᖕᓂᖓᓂᒃ, ᐱᔨᕕᓪᓗ ᑐᒃᓯᐊᕐᖕᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᖅᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᖅᑕᐅᔪᓐᓇᖅᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᖕᒧᑦ.”
ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᖕᒧᑦ ᕔᓂᑐᖅᑎᑦᓯᔨᒋᔭᐅᓚᐅᕋᒪ.
Currently Selected:
ᓂᕼᐃᒤᐊᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.