ᔪᐊᓇᓯᐅᑉ ᐊᒡᓚᖏᑦ 8
8
ᐊᕐᖕᓇᖅ ᐊᖑᓐᓂᐊᖅᑎᓪᓗᒍ ᐊᖑᔭᐅᔪᖅ
1ᔩᓱᓯᓕ ᖃᖅᑲᒧᑦ ᒪᔪᐊᖅᐳᖅ ᐅᖅᓱᒃᓴᐅᔪᓐᓇᖅᑐᓂᒃ ᐸᐅᕐᖓᖃᓲᓂᒃ ᓇᐹᖅᑐᓕᖕᒧᑦ. 2ᐅᓪᓛᒪᕆᒃᑯᓪᓕ ᑐᒃᓯᐊᕐᕕᒡᔪᐊᕐᖕᒧᐊᕆᕗᖅ; ᐃᓄᐃᓪᓗ ᔩᓱᓯᐅᑉ ᐊᕙᑖᓄᑦ ᑲᑎᕗᑦ, ᐃᖏᓪᓗᓂ ᐊᔪᕆᖅᑐᓕᖅᐰᑦ. 3ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ ᐊᕐᖕᓇᒥᒃ ᑕᕝᕗᓐᖓᐅᑦᔨᕗᑦ ᐊᓯᓐᓂᐊᖅᑎᓪᓗᒍ ᐊᖑᔭᐅᔪᒥᒃ, ᐃᓄᒋᐊᒃᑐᑦ ᐊᑯᕐᖓᓐᓄᐊᕈᑎᕚᑦ. 4ᔩᓱᓯᒧᑦ ᐅᖃᖅᐳᑦ, “ᐊᔪᕆᖅᑐᐃᔩ, ᐅᓇ ᐊᕐᖕᓇᖅ ᐊᓯᓐᓂᐊᖅᑎᓪᓗᒍ ᐊᖑᔭᐅᖕᒪᑦ. 5#ᒨᓯᓯ ᐱᖓᔪᖏᑦ 20:10; ᒨᓯᓯ ᑕᓪᓕᒪᖏᑦ 22:22-24.ᐱᑯᔭᑦᑎᓐᓂ ᒨᓯᓯᐅᑉ ᐱᖁᕚᑎᒍᑦ ᐊᕐᖕᓇᖅ ᑍᒤᑦᑐᖅ ᒥᓪᓗᖅᑕᐅᓗᓂ ᑐᖁᑕᐅᔭᕆᐊᖃᕐᖕᓂᕋᖅᖢᒍ. ᐃᕝᕕᓪᓕ ᖃᓄᐃᓕᔭᐅᖁᕐᖕᒪᖔᖅᐱᐅᒃ?” 6ᑍᒤᓕᕗᓪᓕ ᔩᓱᓯᒥᒃ ᐆᒃᑐᕋᓱᐊᕐᓗᑎᒃ, ᐸᓯᔭᒃᓴᓐᖑᖅᑎᑦᓯᔪᒪᓪᓗᑎᒃ ᑖᑦᓱᒥᖓ. ᔩᓱᓯᓕ ᐅᑯᓪᓗᓂ ᑎᑭᕐᖕᒥᓄᑦ ᓄᓇᒃᑯᑦ ᑎᑎᕋᓕᖅᐳᖅ. 7ᐊᐱᖅᓱᒃᑲᓐᓂᓕᕐᖕᒪᑕ ᓂᑯᕕᓪᓗᓂ ᐅᖃᐅᑎᕔᑦ, “ᓇᓪᓕᓯ ᐊᔪᖅᑐᓕᓚᐅᖅᓯᒪᖏᑦᑑᑉ ᐅᔭᖅᑲᒧᑦ ᒥᓗᕆᐊᖅᑳᓚᐅᕐᓕᐅᒃ.” 8ᐊᒻᒪ ᐅᑯᒋᓪᓗᓂ ᓄᓇᒃᑯᑦ ᑎᑎᕋᓕᕆᕗᖅ. 9ᑕᒪᑐᒥᖓᓕ ᑐᓴᕋᒥᒃ, ᕿᒪᕉᑎᓕᖅᐳᑦ, ᐊᑕᐅᓯᐅᓈᖅᑎᕐᓗᑎᒃ, ᐃᓄᑐᖃᐅᓛᓂᑦ ᐱᒋᐊᖅᑳᕐᓗᑎᒃ. ᔩᓱᓯᓗ ᕿᒪᒃᑕᐅᕗᖅ ᐃᓄᑑᓕᕐᓗᓂ, ᐊᕐᖕᓇᕐᓗ ᓇᖏᖅᑐᖅ ᐱᖃᑎᑐᐊᕆᓕᖅᐹ. 10ᔩᓱᓯᐅᓪᓕ ᑕᑯᓴᕐᓗᓂᐅᒃ ᐊᕐᖕᓇᖅ ᐅᖃᐅᑎᕚ, “ᐊᕐᖕᓈᖅ, ᓇᒧᓐᖓᖅᑐᓪᓖᒃᑯᐊ? ᐅᕙᓃᑦᑐᖃᕈᓐᓃᖅᐹ ᐃᓕᖕᓂᒃ ᓱᒋᐊᖅᑕᐅᖁᔨᔪᒥᒃ?”
11ᐊᕐᖕᓇᐅᑉ ᑭᐅᕚ, “ᐊᑕᓃᖅ ᑕᕝᕙᓃᑦᑐᖃᕈᓐᓃᖅᐳᖅ.”
ᔩᓱᓯᐅᑉ ᐅᖃᐅᑎᕚ, “ᐅᕙᖓᑦᑕᐅᖅ ᓱᒋᐊᒐᒃᓴᐅᑎᑦᓱᓐᓃᖅᐸᒋᑦ; ᑕᒫᓐᖓᑦ ᓅᓕᕆᑦ, ᑭᖑᕐᖓᒍᓪᓗ ᐊᔪᖅᑐᓕᒃᑲᓐᓂᖅᑍᓕᓕᕆᑦ.”
ᔩᓱᓯ ᓯᓚᕐᔪᐊᕐᖕᒧᑦ ᖃᐅᒪᓂᐅᕗᖅ
12 #
ᒫᑎᐅᓯ 5:14; ᔪᐊᓇᓯ 9:5. ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᖅᐰᑦ, “ᓯᓚᕐᔪᐊᕐᖕᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᖅᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᖅᐳᖅ.”
13 #
ᔪᐊᓇᓯ 5:31. ᑕᕝᕙ ᐹᕆᓯᑦ ᐅᖃᐅᑎᕚᑦ, “ᐃᓕᖕᓂᒃ ᑕᕝᕙ ᓇᓗᓁᓕᕗᑎᑦ; ᓇᓗᓁᔭᕈᑏᑦ ᑕᒪᓐᓇ ᓱᓕᓐᖏᓚᖅ.”
14ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓇᓗᓁᕋᓗᐊᕈᒪ, ᓇᓗᓁᔭᕐᖕᓂᕋ ᓱᓕᕗᖅ, ᖃᐅᔨᒪᒐᒪ ᓇᑭᑦ ᐱᓯᒪᖕᒪᖔᕐᖕᒪ ᓇᒧᓪᓗ ᐂᓂᐊᕐᖕᒪᖔᕐᖕᒪ, ᐃᓕᑦᓯᓕ ᖃᐅᔨᒪᓐᖏᓚᓯ ᓇᑭᑦ ᐱᖕᒪᖔᕐᖕᒪ ᓇᒧᓪᓗ ᐂᓂᐊᕐᖕᒪᖔᕐᖕᒪ. 15ᑎᒥᐅᑉ ᐃᓕᖅᑯᓯᖓ ᒪᓕᒡᓗᒍ ᐃᖅᑲᖅᑐᐃᕗᓯ, ᐅᕙᖓᓕ ᐃᖅᑲᖅᑐᐃᓐᖏᓚᖓ ᑭᓇᒥᒡᓘᓐᓃᑦ. 16ᐃᓛᒃ ᐃᖅᑲᖅᑐᐃᒍᒪ, ᐃᖅᑲᖅᑐᐃᓂᕋ ᓱᓕᕗᖅ, ᐃᓄᑑᑦᔨᖏᓐᓇᒪ ᐃᖅᑲᖅᑐᐃᓂᕐᖕᒥᒃ, ᐊᑖᑕᐅᓪᓕ ᑎᓕᔨᒪ ᐃᓚᒋᕚᖓ. 17#ᒨᓯᓯ ᑕᓪᓕᒪᖏᑦ 19:15.ᐱᖁᔭᑦᓯᓐᓂ ᑎᑎᕋᖅᓯᒪᔪᖃᖅᐳᖅ ᐃᓅᒃ ᒪᕐᕉᒃ ᖃᐅᔨᓯᒪᓂᖏᒃ ᓱᓕᕘᒃ; 18ᐅᕙᖓ ᐅᕙᓐᓂᒃ ᓇᓗᓁᖅᐳᖓ, ᐊᑖᑕᒐᓗ ᑎᓕᔨᒐ ᓇᓗᓁᔧᒋᕗᖅ ᐅᕙᓐᓂᒃ.”
19ᑍᒤᒻᒪᑦ ᑕᕝᕙ ᐊᐱᕆᕚᑦ, “ᓇᐅᒃᑍᒪ ᐊᑖᑍᑦ?”
ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᐊᑖᑕᒥᒡᓘᓐᓃᑦ ᖃᐅᔨᒪᓐᖏᓚᓯ; ᐅᕙᓐᓂᒃ ᖃᐅᔨᒪᒍᑦᓯ, ᐊᑖᑕᒐ ᖃᐅᔨᒪᒐᔭᕆᕙᓯ.”
20ᐅᖃᐅᓰᑦ ᔩᓱᓯᐅᑉ ᐅᖃᐅᓯᕆᕔᑦ ᑐᒃᓯᐊᕐᕕᒡᔪᐊᕐᖕᒥ, ᑐᓂᕐᕈᑎᓂᒃ ᐴᖅᑬᕕᐅᑉ ᓴᓂᐊᓃᓪᓗᓂ; ᑎᒍᓯᔪᖃᓐᖏᓚᕐᓕ ᑖᑦᓱᒥᖓ, ᐱᔭᐅᕕᒃᓴᖓ ᓱᓕ ᓇᓪᓕᐅᑎᓯᒪᖏᒻᒪᑦ.
ᐅᐸᖕᓂᐊᖅᑕᓐᓄᑦ ᐅᐸᒍᑎᔪᓐᓇᓐᖏᓚᓯ
21ᑕᕝᕙ ᔩᓱᓯᐅᑉ ᐅᖃᐅᑎᒃᑲᓐᓂᖅᐰᑦ, “ᐊᐅᓪᓚᕐᖕᓂᐊᖅᐳᖓ, ᕿᓂᕈᒫᖅᐸᑦᓯᓐᖓᓗ ᑐᖁᔪᒫᖅᐳᓯᓗ ᐊᔪᕐᖕᓂᑦᓯᓐᓃᖏᓐᓇᕐᓗᓯ; ᐅᐸᖕᓂᐊᖅᑕᓐᓄᑦ ᐂᔪᓐᓇᖏᓐᓇᑦᓯ.”
22ᑕᕝᕙ ᔫᑎᑦ ᐅᖃᖅᐳᑦ, “ᐅᐸᖕᓂᐊᖅᑕᖓᓄᒡᒎᖅ ᐂᔪᓐᓇᖏᓐᓇᑦᑕ, ᐅᓈ ᐃᒻᒥᓂᒃ ᑐᖁᑦᓱᒪᓕᕋᒥ ᑍᒫᒃ ᐅᖃᖅᐸ?”
23ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᒫᓐᖓᑦ ᐱᕗᓯ, ᐅᕙᖓᓕ ᑕᑉᐹᓐᖓᑦ ᐱᕗᖓ; ᐃᓕᑦᓯ ᓯᓚᕐᔪᐊᕐᖕᒥᑦ ᑕᒪᑐᒪᓐᖓᑦ ᐱᕗᓯ, ᐅᕙᖓᓕ ᓯᓚᕐᔪᐊᕐᖕᒥᑦ ᑕᒪᑐᒪᓐᖓᑦ ᐱᓐᖏᓚᖓ. 24ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᖕᓂᕋᕐᓗᓯ ᐊᔪᕐᖕᓂᑦᓯᓐᓃᓪᓗᓯ, ᑐᖁᔪᒫᖅᐳᓯ ᐊᔪᕐᖕᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”
25ᑕᕝᕙ ᐅᖃᐅᑎᕚᑦ, “ᑭᓇᐅᕖᑦ?”
ᔩᓱᓯᐅᑉ ᐅᖃᐅᑎᕔᑦ, “ᐅᖃᐅᑎᓯᒪᓚᐅᖅᐸᑦᓯ ᑍᒪᓐᖓᑦ ᐱᒋᐊᓕᓵᕐᖕᓂᓐᓂᑦ. 26ᐊᒥᓱᓂᒃ ᐅᖃᐅᓯᒃᓴᖃᖅᐳᖓ ᐃᓕᑦᓯᓐᓄᑦ ᐃᖅᑲᖅᑐᐃᑦᔪᑎᒃᓴᖃᕐᓗᖓᓗ; ᑎᓕᔨᒐᓕ ᓱᓕᔫᕗᖅ, ᓯᓚᕐᔪᐊᕐᖕᒥᐅᓪᓗ ᐅᖃᐅᑎᕙᒃᑲ ᑖᑦᓱᒪᓐᖓᑦ ᑐᓴᓚᐅᖅᑕᓐᓂᒃ.”
27ᑐᑭᓯᓐᖏᓚᓪᓕ ᔩᓱᓯᐅᑉ ᐅᖃᐅᓯᕆᔭᖓᓂᒃ ᐊᑖᑕᒥᒃ. 28ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐃᓅᑉ ᐃᕐᖕᓂᖓ ᓇᑉᐸᐅᑎᒍᑦᓯᐅᒃ, ᑐᑭᓯᓛᖅᐳᓯ ᐅᕙᖓᐅᒐᒪ, ᑐᑭᓯᓗᓯᓗ ᐅᕙᓐᓂᒃ ᐱᓇᓱᐊᖅᓯᒪᖏᓐᓂᓐᓂᒃ ᐅᖃᐅᓯᖃᕋᒪᓕ ᐊᑖᑕᐅᑉ ᐅᕙᓐᓄᑦ ᐊᔪᕆᖅᑑᑎᒋᓚᐅᖅᑕᖏᓐᓂᒃ. 29ᑎᓕᔨᒪᓗ ᐃᓚᒋᕚᖓ; ᐃᓄᑑᑎᓐᖏᓛᖓ, ᑖᑦᓱᒪ ᖁᕕᐊᒋᔭᖓᓂᒃ ᐱᓇᓱᐊᑦᓮᓐᓇᕋᒪ.”
30ᔩᓱᓯ ᑖᒃᑯᓂᖓ ᐅᖃᖅᑎᓪᓗᒍ, ᐊᒥᓱᑦ ᐅᒃᐱᓕᖅᐳᑦ ᑖᑦᓱᒥᖓ.
ᐂᑉᕋᕼᐋᒻ ᕿᑐᕐᖓᖏᑦ
31ᑕᕝᕙ ᔩᓱᓯᐅᑉ ᔫᑎᑦ ᐅᒃᐱᕆᔨᓂ ᐅᖃᐅᑎᕔᑦ, “ᐅᖃᐅᓯᒃᑲ ᒪᓕᑦᓮᓐᓇᓕᕈᑦᓯᒋᒃ, ᓱᓕᔪᒥᒃ ᐃᓕᓐᓂᐊᖅᑎᒋᓕᖅᐸᑦᓯ, 32ᓱᓕᔪᖅ ᖃᐅᔨᓂᐊᖅᐸᓯ, ᓱᓕᔫᓪᓗ ᕿᓚᕈᑦᔮᕐᖕᓂᐊᖅᐹᓯ.”
33 #
ᒫᑎᐅᓯ 3:9; ᓘᑲᓯ 3:8. ᑕᕝᕙ ᑭᐅᕚᑦ, “ᐂᑉᕋᕼᐋᒻ ᑭᖑᕚᕆᕚᑎᒍᑦ, ᓇᓪᓕᐊᓐᓅᓪᓘᓐᓃᑦ ᓯᐊᓛᕆᔭᐅᓚᐅᖅᓯᒪᓐᖏᓚᒍᑦ. ᖃᓄᖅ ᑐᑭᓕᖕᒥᒃ ᐅᖃᖅᐲᑦ, ‘ᕿᓚᕈᑦᔮᕐᖕᓂᐊᖅᐹᓯ’?”
34ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐊᔪᖅᑐᓕᔪᖅ ᐊᔪᓕᖅᑎᑕᐅᓯᒪᕗᖅ ᐊᔪᕐᖕᓂᕐᖕᒧᑦ. 35ᐊᔪᕐᖕᓂᕐᖕᒧᑦ ᕿᓚᒃᓱᖅᑕᐅᓯᒪᔪᖅ ᐃᒡᓗᒦᑦᓮᓐᓇᕈᓐᓇᓐᖏᓚᖅ; ᐃᕐᖕᓂᕐᓕ ᑕᕝᕙᓃᑦᓮᓐᓇᕐᖕᓂᐊᖅᐳᖅ. 36ᐃᕐᖕᓂᐅᑉ ᕿᓚᕈᑦᔮᖅᐸᓯ, ᑕᕝᕙ ᕿᓚᕈᑦᔮᖅᓯᒪᓪᓚᕆᖕᓂᐊᖅᐳᓯ. 37ᖃᐅᔨᒪᕗᖓ ᐂᑉᕋᕼᐋᒻ ᑭᖑᕚᕆᖕᒪᓯ; ᑐᖁᓐᓇᓱᐊᖅᐸᑦᓯᓐᖓᓕ, ᐅᖃᐅᓯᒃᑲ ᐃᑎᕐᕕᒃᓴᖃᖏᒻᒪᑕ ᐃᓕᑦᓯᓐᓄᑦ. 38ᐅᖃᓪᓚᒃᐳᖓ ᐊᑖᑕᓐᓂᑦ ᑕᑯᓚᐅᖅᑕᓐᓂᒃ, ᑍᒤᓕᐅᕆᕗᓯ ᑐᓴᓚᐅᖅᑕᑦᓯᓐᓂᒃ ᐊᑖᑕᑦᓯᓐᓂ.”
39ᑖᒃᑯᐊ ᑭᐅᕚᑦ, “ᐂᑉᕋᕼᐋᒻ ᐊᑖᑕᒋᕙᕗᑦ.”
ᔩᓱᓯᐅᑉ ᐅᖃᐅᑎᕔᑦ, “ᐂᑉᕋᕼᐋᑉ ᕿᑐᕐᖓᕆᒃᐸᓯ, ᐂᑉᕋᕼᐋᒻ ᐱᓂᐊᓚᐅᖅᑕᖏᑦ ᐱᓇᓱᐊᕋᔭᕆᕙᓯ, 40ᒫᓐᓇᓕ ᑐᖁᓐᓇᓱᐊᖅᐸᑦᓯᓐᖓ, ᓱᓕᔪᒥᒃ ᐅᖃᓪᓚᒃᑎᓪᓗᖓ ᒎᑎᒥᑦ ᑐᓴᓚᐅᖅᑕᓐᓂᒃ; ᐂᑉᕋᕼᐋᒻᓕ ᑍᒤᓕᐅᓚᐅᓐᖏᓚᖅ. 41ᐊᑖᑕᑦᓯ ᐱᓂᐊᓚᐅᖅᑕᖏᓐᓂᒃ ᐱᓇᓱᐊᖅᐳᓯ.”
ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᖕᓂᕐᖕᒧᑦ ᕿᑐᕐᖓᖅᑖᖑᓯᒪᓐᖏᓚᒍᑦ; ᐊᑕᐅᓯᕐᖕᒥᒃ ᐊᑖᑕᖃᖅᐳᒍᑦ ᒎᑎᒥᒃ.”
42ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᖅᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᖅᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᖅᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᖅᐹᖓ. 43ᓱᖕᒪᑦ ᐅᖃᐅᓯᕆᔭᒃᑲ ᑐᑭᓯᖏᑉᐱᓯᐅᒃ? ᐅᖃᐅᓯᒃᑲ ᓈᓚᒍᒪᖏᓐᓇᑦᓯᒋᒃ ᑐᓵᔪᒪᓇᒋᓪᓗ. 44ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᖕᓂᖓᓂᑦ ᐃᓄᐊᖅᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᖅᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᖅᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ. 45ᐅᕙᖓᓕ ᓱᓕᔪᒥᒃ ᐅᖃᓪᓚᒃᑲᒪ, ᐅᒃᐱᕆᓐᖏᓚᑦᓯᓐᖓ. 46ᓇᓪᓕᓯ ᐊᔪᖅᑐᓕᓂᓐᓂᒃ ᓇᓗᓁᖅᓯᔪᓐᓇᖅᐹ ᓱᓕᔪᒥᒡᓕ ᐅᖃᓪᓚᒃᑯᒪ, ᓱᖕᒪᑦ ᐅᒃᐱᕆᓐᖏᓚᑦᓯᓐᖓ? 47ᒎᑎᒥᑦ ᐱᔫᑉ ᒎᑎᐅᑉ ᐅᖃᐅᓯᖏᑦ ᑐᓴᖅᐰᑦ; ᑍᒤᒻᒪᑦ ᒎᑎᒥᑦ ᐱᖏᓐᓇᑦᓯ, ᑐᓴᕈᓐᓇᓐᖏᓚᓯ.”
ᔩᓱᓯᓗ ᐂᑉᕋᕼᐋᒻᓗ
48ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᖅᑎᓪᓗᑕ ᓴᒥᐊᕆᐊᕐᖕᒥᐅᑕᐅᕗᑎᑦ ᐊᓂᕐᖕᓂᕐᓗᖕᒥᒡᓗ ᐃᓗᒻᒥᖅᑕᐅᓯᒪᓪᓗᑎᑦ?”
49ᔩᓱᓯᐅᑉ ᑭᐅᕔᑦ, “ᐊᓂᕐᖕᓂᕐᓗᖕᒥᒃ ᐃᓗᒻᒥᖅᑕᐅᓯᒪᓐᖏᓚᖓ; ᐊᑖᑕᒐᓕ ᐅᐱᒋᕙᕋ, ᐃᓕᑦᓯᓕ ᓇᕐᕈᒋᕙᑦᓯᓐᖓ. 50ᓂᖅᑐᖅᑕᐅᓂᒃᓴᕋ ᕿᓂᓐᖏᓚᕋ; ᑕᒪᑐᒥᖓᓕ ᕿᓂᖅᑐᖃᕇᖅᐳᖅ ᑖᓐᓇᓗ ᐃᖅᑲᖅᑐᐃᔪᒫᖅᐳᖅ. 51ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ, ᑖᓐᓇ ᑐᖁᓂᐊᓐᖏᓚᖅ.”
52ᑕᕝᕙ ᔫᑎᑦ ᐅᖃᐅᑎᕚᑦ, “ᒫᓐᓇ ᖁᓚᕐᖕᓇᖏᑦᑐᒥᒃ ᑐᑭᓯᕗᒍᑦ ᐊᓂᕐᖕᓂᕐᓗᖕᒥᒃ ᐃᓗᒻᒥᖅᑕᐅᓯᒪᒐᕕᑦ. ᐂᑉᕋᕼᐋᒻ ᑐᖁᓚᐅᖅᐳᖅ, ᓇᓚᐅᑦᑍᔪᓪᓗ ᑐᖁᓚᐅᕆᕗᑦ; ᐃᕝᕕᓪᓕ ᐅᖃᖅᐳᑎᑦ, ‘ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ ᑖᓐᓇ ᑐᖁᓂᐊᓐᖏᓚᖅ.’ 53ᐂᑉᕋᕼᐋᒻᒥᑦ ᐊᑖᑕᑦᑎᓐᓂᑦ ᐊᖏᓂᖅᓴᐅᕖᑦ, ᑐᖁᓚᐅᖅᑐᒥᑦ? ᓇᓚᐅᑦᑍᔪᓪᓗ ᑐᖁᓚᐅᕆᕗᑦ! ᐃᓕᖕᓃᒃ ᓱᓇᐅᑎᓐᓇᓱᒃᐲᑦ?”
54ᔩᓱᓯᐅᑉ ᑭᐅᕔᑦ, “ᐅᕙᓐᓂᒃ ᓂᖅᑑᑎᒍᒪ, ᓂᖅᑑᑎᓂᕋ ᐊᑐᕋᔭᓐᖏᓚᖅ; ᐊᑖᑕᒐᓕ ᑖᓐᓇᐅᕗᖅ ᐅᕙᓐᓂᒃ ᓂᖅᑐᕐᖕᓇᖅᑎᑦᓯᔪᖅ, ᑖᓐᓇ ᒎᑎᒋᓂᕋᖅᑕᓯ. 55ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᖅᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ. 56ᐂᑉᕋᕼᐋᒻ ᐊᑖᑕᓯ ᖁᕕᐊᓱᓚᐅᖅᐳᖅ ᑕᑯᔪᒫᓕᕋᒥ ᐅᓪᓗᕆᔪᒫᖅᑕᓐᓂᒃ; ᑕᑯᒐᒥᐅᒃᓗ ᖁᕕᐊᓱᓚᐅᖅᐳᖅ.”
57ᑕᕝᕙ ᔫᑎᑦ ᐅᖃᐅᑎᕚᑦ, “50ᓂᒡᓘᓐᓃᑦ ᓱᓕ ᐊᕐᕌᒍᖃᓐᖏᓚᑎᑦ, ᐂᑉᕋᕼᐋᒻᓗ ᑕᑯᓚᐅᖅᓯᒪᕕᐅᒃ?”
58ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐂᑉᕋᕼᐋᒻ ᐃᓅᓚᐅᖅᑎᓐᓇᒍ, ᑕᑉᕙᐅᓚᐅᖅᐳᖓ.”
59ᑕᕝᕙ ᐅᔭᖅᑲᓂᒃ ᑎᒍᓯᕗᑦ ᒥᓪᓗᕈᒪᓪᓗᒍ; ᔩᓱᓯᓕ ᐃᔨᖅᐳᖅ, ᐊᓂᓪᓗᓂᓗ ᑐᒃᓯᐊᕐᕕᒡᔪᐊᕐᖕᒥᑦ.
Currently Selected:
ᔪᐊᓇᓯᐅᑉ ᐊᒡᓚᖏᑦ 8: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.