ᔪᐊᓇᓯᐅᑉ ᐊᒡᓚᖏᑦ 17
17
ᔩᓱᓯᐅᑉ ᑐᒃᓯᐅᑦᔨᓂᖓ ᐃᓕᓐᓂᐊᖅᑎᒥᓂᒃ
1ᔩᓱᓯ ᑕᒪᒃᑯᓂᖓ ᐅᖃᕇᕋᒥ, ᕿᓚᖕᒧᑦ ᑕᑯᓴᕐᓗᓂ ᐅᖃᖅᐳᖅ, “ᐊᑖᑖᒃ, ᐃᑲᕐᕋᖅ ᓇᓪᓕᐅᑎᕗᖅ; ᐃᕐᖕᓃᑦ ᓂᖅᑐᕐᖕᓇᖅᓯᑎᓕᕈᒃ, ᓂᖅᑐᕐᖕᓇᖅᑎᑕᐅᖁᓪᓗᑎᑦᑕᐅᖅ ᐃᕐᖕᓂᕐᖕᓄᑦ. 2ᐃᕐᖕᓃᑦ ᑐᓂᓯᕕᒋᓯᒪᒐᕕᐅᒃ ᐱᔪᓐᓇᕐᖕᓂᕐᖕᒥᒃ ᐃᓄᓕᒫᓄᑦ, ᐃᓅᓯᕐᖕᒥᒃ ᓄᖑᓱᐃᑦᑐᒥᒃ ᑐᓂᓯᖁᓪᓗᒍ ᑐᓂᓯᒪᔭᓕᒫᕐᖕᓄᑦ ᑖᑦᓱᒧᖓ. 3ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᖕᓂᒃ, ᑎᓕᓚᐅᖅᑕᕐᖕᓂᒡᓗ ᔩᓱᓯ ᙭ᔅᑑᓯᒥᒃ. 4ᓂᖅᑐᕐᖕᓇᖅᑎᓚᐅᖅᐸᒋᑦ ᓄᓇᕐᔪᐊᕐᖕᒥ, ᐱᓂᐊᕐᖕᓃᓪᓗ ᐱᓇᓱᐊᖅᑕᐅᖁᓚᐅᖅᑕᓕᒫᑎᑦ ᐅᕙᓐᓄᑦ ᐱᔭᕇᓚᐅᖅᐸᒃᑲ; 5ᒫᓐᓇ, ᐊᑖᑖᒃ ᓂᖅᑐᕐᖕᓇᖅᑎᓚᐅᓐᖓ ᓇᖕᒥᓂᖅ ᓇᔫᑎᓂᕐᖕᓄᑦ ᐱᒋᓚᐅᖅᑕᓐᓄᑦ ᐃᓕᖕᓂ ᓇᔫᑎᑎᓪᓗᖓ ᓯᓚᕐᔪᐊᖅ ᓴᓇᔭᐅᓚᐅᖄᖅᑎᓐᓇᒍ.
6“ᖃᐅᔨᔭᐅᑎᓚᐅᖅᐸᒋᑦ ᐃᓄᖕᓄᑦ ᐅᕙᓐᓄᑦ ᑐᓂᓚᐅᖅᑕᕐᖕᓄᑦ ᓯᓚᕐᔪᐊᕐᖕᒥᐅᓂᑦ; ᑖᒃᑯᐊ ᐱᒋᓚᐅᕋᕕᒋᑦ, ᐅᕙᓐᓄᑦ ᑐᓂᓚᐅᖅᐸᑎᑦ, ᐅᖃᐅᓯᖅᑎᑦ ᓈᓚᓚᐅᖅᐰᑦ. 7ᒫᓐᓇᓗ ᖃᐅᔨᕗᑦ ᐅᕙᓐᓄᑦ ᑐᓂᓚᐅᖅᑕᓕᒫᑎᑦ ᐃᓕᖕᓂᑦ ᐱᓯᒪᖕᒪᑕ; 8ᐅᖃᐅᓰᑦ ᑐᓂᓚᐅᖅᑕᑎᑦ ᐅᕙᓐᓄᑦ ᑖᒃᑯᓄᖓ ᐅᖃᐅᓯᕆᓚᐅᖅᐸᒃᑲ, ᑖᒃᑯᐊᓗ ᐃᓚᓕᐅᓚᐅᖅᐰᑦ ᓱᓕᔪᒥᒃ ᖃᐅᔨᓪᓗᑎᒃ ᐃᓕᖕᓂᑦ ᐱᓯᒪᓂᓐᓂᒃ; ᐅᒃᐱᓕᕐᓗᑎᒡᓗ ᑎᓕᓚᐅᕋᕕᖓ.
9“ᑖᒃᑯᐊ ᑐᒃᓯᐅᑎᕙᒃᑲ; ᓯᓚᕐᔪᐊᕐᖕᒥᐅᑦ ᑐᒃᓯᐅᑎᓇᒋᑦ ᑖᒃᑯᐊᓕ ᑭᓯᒥ ᑐᓂᓚᐅᖅᑕᑎᑦ ᐅᕙᓐᓄᑦ ᑐᒃᓯᐅᑎᕙᒃᑲ, ᑖᒃᑯᐊ ᐱᒋᒐᕕᒋᑦ. 10ᐱᒋᔭᓕᒫᒃᑲ ᐱᒋᕙᑎᑦ, ᐱᒋᔭᑎᓪᓗ ᐱᒋᕙᒃᑲ, ᓂᖅᑐᕐᖕᓇᖅᓯᑎᑕᐅᕗᖓᓗ ᑕᒪᒃᑯᑎᒎᓇᖅ. 11ᓯᓚᕐᔪᐊᕐᖕᒦᑦᑐᓐᓃᖅᐳᖓ, ᑖᒃᑯᐊᓕ ᓱᓕ ᓯᓚᕐᔪᐊᕐᖕᒦᑉᐳᑦ, ᒫᓐᓇ ᐃᓕᖕᓄᑦ ᕾᕗᖓ. ᐊᑖᑖᒃ ᐃᑦᔪᕐᖕᓁᑦᑐᑎᑦ, ᓴᐳᑎᓯᒪᓚᐅᒃᑭᑦ ᐱᔪᓐᓇᕐᖕᓂᕐᖕᓄᑦ, ᑖᒃᑯᐊ ᑐᓂᓚᐅᖅᑕᑎᑦ ᐅᕙᓐᓄᑦ ᐊᑕᐅᓯᐅᖁᓪᓗᒋᑦ, ᓲᕐᓗ ᐅᕙᒍᒃ ᐊᑕᐅᓯᐅᒐᓐᓄᒃ. 12#ᐃᓐᖏᕈᑦ 41:9; ᔪᐊᓇᓯ 13:18.ᑖᒃᑯᓇᓂ ᓇᔫᑎᓂᓐᓂ, ᓴᐳᑎᓯᒪᓚᐅᖅᐸᒃᑲ ᐱᔪᓐᓇᕐᖕᓂᕐᖕᓄᑦ, ᑖᒃᑯᐊ ᑐᓂᓚᐅᖅᑕᑎᑦ ᐅᕙᓐᓄᑦ; ᓴᐳᑎᓯᒪᓚᐅᖅᐸᒃᑲ, ᐊᑕᐅᓯᕐᖕᒥᒡᓘᓐᓃᑦ ᐊᓯᐅᔪᖃᓐᖏᓚᖅ ᑖᓐᓇ ᑭᓯᒥ ᐊᓯᐅᔪᒃᓴᐅᓯᒪᔪᖅ ᐊᓯᐅᔪᑑᕗᖅ, ᐊᒡᓔᑦ ᓇᓚᐅᑦᓯᖁᓪᓗᒋᑦ. 13ᒫᓐᓇᓕ ᐃᓕᖕᓄᑦ ᕾᕗᖓ; ᑍᒫᒡᓗ ᐅᖃᖅᐳᖓ ᓯᓚᕐᔪᐊᕐᖕᒦᑎᓪᓗᖓ, ᖁᕕᐊᓱᖕᓂᕋ ᑖᒃᑯᓇᓐᖓᑦ ᐃᓗᒥᐅᑕᕆᔭᐅᓗᓂ ᓈᒻᒪᒃᓯᑦᓯᐊᖁᓪᓗᒍ. 14ᐅᖃᐅᓯᖅᑎᑦ ᑐᓴᖅᑕᐅᑎᓚᐅᖅᐸᒃᑲ ᑖᒃᑯᓄᖓ; ᓯᓚᕐᔪᐊᕐᖕᒥᐅᓂᑦ ᐆᒥᒋᔭᐅᕗᑦ ᓯᓚᕐᔪᐊᕐᖕᒥᐅᓂᑦ ᐱᒋᔭᐅᖏᓐᓇᒥᒃ, ᐅᕙᖓᑦᑕᐅᖅ ᓯᓚᕐᔪᐊᕐᖕᒥᐅᑦ ᐱᒋᖏᒻᒪᖓ. 15ᑐᒃᓯᐊᓐᖏᓚᖓ ᑖᒃᑯᓂᖓ ᓯᓚᕐᔪᐊᕐᖕᒥᑦ ᐲᖅᑕᐅᖁᔨᓗᖓ, ᓴᐳᑦᔨᓯᒪᖁᓪᓗᑎᓪᓕ ᑖᒃᑯᓂᖓ ᐱᐅᖏᑦᑐᒥᑦ ᓵᑖᓇᓯᒥᑦ. 16ᓯᓚᕐᔪᐊᕐᖕᒥᐅᑦ ᑖᒃᑯᐊ ᐱᒋᖏᒻᒪᒋᑦ, ᐅᕙᖓᑦᑕᐅᖅ ᓯᓚᕐᔪᐊᕐᖕᒥᐅᑦ ᐱᒋᖏᒻᒪᖓ. 17ᐃᑦᔪᕐᖕᓁᑎᒃᑭᑦ ᓱᓕᓂᕐᖕᓄᑦ; ᐅᖃᐅᓯᖅᑎᑦ ᓱᓕᖕᒪᑕ. 18ᓯᓚᕐᔪᐊᕐᖕᒧᑦ ᑎᓕᓚᐅᕋᕕᖓ, ᑍᒫᒃᑕᐅᖅ ᓯᓚᕐᔪᐊᕐᖕᒧᑦ ᑎᓕᕙᒃᑲ. 19ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.
20“ᑖᒃᑯᐊᑐᐊᕐᓕ ᑐᒃᓯᐅᑎᓐᖏᓚᒃᑲ, ᑍᒃᑯᐊᓕᑦᑕᐅᖅ ᐅᖃᐅᓯᖏᓐᓄᑦ ᐅᒃᐱᓕᕈᒫᖅᑐᑦ ᐅᕙᓐᓄᑦ ᑐᒃᓯᐅᑎᕙᒃᑲ. 21ᑐᒃᓯᐊᖅᐳᖓ ᑖᒃᑯᐊᓕᒫᑦ ᐊᑕᐅᓯᐅᖁᓪᓗᒋᑦ; ᐃᕝᕕᑦᑕᐅᖅ ᐊᑖᑖᒃ, ᐃᓗᓐᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑖᒃᑯᐊᑦᑕᐅᖅ ᐃᓗᑦᑎᓐᓃᖁᓪᓗᒋᑦ, ᓯᓚᕐᔪᐊᕐᖕᒥᐅᑦ ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ. 22ᓂᖅᑐᕐᖕᓇᕐᖕᓂᖅ ᐅᕙᓐᓄᑦ ᑐᓂᓚᐅᖅᑍᑦ ᑐᓂᓚᐅᖅᐸᕋ ᑖᒃᑯᓄᖓ, ᑖᒃᑯᐊ ᐊᑕᐅᓯᐅᖁᓪᓗᒋᑦ ᐅᕙᑦᑎᑐᑦ, 23ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᖕᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᖅᑐᑦ.
24“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᖅᑕᑎᑦ, ᐅᕙᓐᓃᖁᓪᓗᒋᑦ ᓇᔪᖅᑕᓐᓂ, ᓂᖅᑐᕐᖕᓇᕐᖕᓂᕐᖕᒥᒡᓗ ᐅᕙᓐᓄᑦ ᑐᓂᓚᐅᖅᑕᕐᖕᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᖕᓄᑦ ᓯᓚᕐᔪᐊᖅ ᐱᓐᖑᖅᑎᑕᐅᓚᐅᖅᑳᖅᑎᓐᓇᒍ. 25ᓈᓛᒎᖅᑐᑎᑦ ᐊᑖᑖᒃ, ᓯᓚᕐᔪᐊᕐᖕᒥᐅᑦ ᖃᐅᔨᒪᓐᖏᒻᒪᑕ ᐃᓕᖕᓂᒃ, ᐅᕙᖓᓕ ᖃᐅᔨᒪᕙᒋᑦ; ᑖᒃᑯᐊᓗ ᖃᐅᔨᕗᑦ ᑎᓕᓚᐅᕋᕕᖓ. 26ᑖᒃᑯᓄᖓ ᖃᐅᔨᔭᐅᑎᑉᐸᒋᑦ, ᓱᓕ ᖃᐅᔨᑎᑉᐸᓕᐊᔪᒪᕙᒃᑲ, ᓇᒡᓕᖕᓂᖅ ᓇᒡᓕᖕᓂᕆᔧᑦ ᐅᕙᓐᓄᑦ ᐃᓗᖏᓐᓃᖁᓪᓗᒍ, ᐅᕙᖓᓗ ᐃᓗᖏᓐᓃᓪᓗᖓ.”
Currently Selected:
ᔪᐊᓇᓯᐅᑉ ᐊᒡᓚᖏᑦ 17: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.