ᐋᐴᓯᑕᓖᑦ ᐱᓂᐊᕐᖕᓂᖏᑦ 1
1
ᔩᓱᓯᐅᑉ ᐃᓕᓐᓂᐊᖅᑎᒥᓂᒃ ᑲᑎᒪᒃᓯᓱᖓᕐᖕᓂᖓ
1 #
ᓘᑲᓯ 1:1-4. ᑎᐅᐱᓘᓰ, ᑎᑎᕋᓚᐅᖅᑕᓐᓂ ᓯᕗᓪᓕᕐᖕᓂ, ᑎᑎᕋᐅᓯᖃᓚᐅᖅᐳᖓ ᔩᓱᓯᐅᑉ ᐱᓂᐊᕐᖕᓂᕆᓚᐅᖅᑕᓕᒫᖏᓐᓂᒃ ᐊᔪᕆᖅᑐᐃᑦᔪᑎᒋᓚᐅᖅᑕᖏᓐᓂᒡᓗ, ᐱᒋᐊᓕᕐᖕᓂᕐᖕᒥᓂᑦ, 2ᐅᓪᓗᖅ ᑍᓐᓇ ᕿᓚᓕᐊᕐᖕᓂᖓ ᑎᑭᓪᓗᒍ, ᕿᓚᓕᐊᓚᐅᖏᓐᓂᕐᖕᒥᓂ, ᐊᑐᖅᑕᐅᖁᔭᒥᓂᒃ ᐅᖃᓚᐅᕐᖕᒪᑦ ᐊᓂᕐᖕᓂᒃᑯᑦ ᐃᑦᔪᕐᖕᓁᑦᑐᒃᑯᑦ ᐋᐴᓯᑕᓕᖕᓄᑦ ᓂᕈᐊᖅᓯᒪᔭᒥᓄᑦ. 3ᐋᓐᓂᐊᑎᑕᐅᓂᕐᖕᒥ ᑭᖑᓂᖓᓂ ᐅᓪᓗᓂᒃ 40ᓂᒃ ᓴᖅᑭᖃᑦᑕᓚᐅᖅᐳᖅ ᑖᒃᑯᓄᖓ ᐅᓄᖅᑐᐃᖅᓱᕐᓗᓂ, ᒪᑭᓯᒪᓪᓚᕆᖕᓂᕐᖕᒥᓂᒃ ᖁᓚᖏᑦᓯᐊᓕᕈᑎᒃᓮᑦ ᐊᑐᕐᓗᒋᑦ, ᐅᖃᖃᑎᒋᓪᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ. 4#ᓘᑲᓯ 24:49.ᑲᑎᒪᖃᑎᒋᒐᒥᒋᑦ#1:4 ᑐᑭᖃᕈᓐᓇᕐᖕᒥᔪᖅ ᓂᕆᖃᑎᒋᓪᓗᒋᑦ ᐅᖃᐅᑎᓪᓚᕆᒃᐰᑦ ᐊᐅᓪᓚᖁᓇᒋᑦ ᔨᕉᓴᓕᒻᒥᑦ, “ᐅᑕᖅᑭᒋᑦᓯ ᐊᑖᑕᒪ ᑐᓂᓂᐊᕐᖕᓂᕋᖅᓯᒪᔭᖓᓂᒃ ᐅᖃᐅᑎᒋᓚᐅᖅᑕᓐᓂᒃ ᐃᓕᑦᓯᓐᓄᑦ. 5#ᒫᑎᐅᓯ 3:11; ᒫᑯᓯ 1:8; ᓘᑲᓯ 3:16; ᔪᐊᓇᓯ 1:33.ᔪᐊᓇᓯ ᐹᑉᑎᑦᓯᓚᐅᖅᐳᖅ ᐃᒥᕐᖕᒧᑦ, ᐅᓪᓗᐃᑦ ᒪᒃᑯᐊ ᐅᓄᖏᑦᑐᑦ ᑭᖑᓂᖓᑦᑎᒍᑦ ᐹᑉᑎᑕᐅᓛᖅᐳᓯ ᐊᓂᕐᖕᓂᕐᖕᒧᑦ ᐃᑦᔪᕐᖕᓁᑦᑐᒧᑦ.”
ᔩᓱᓯᐅᑉ ᕿᓚᓕᐊᕐᖕᓂᖓ
6ᐋᐴᓯᑕᓖᑦ ᑲᑎᒪᒐᒥᒃ ᔩᓱᓯᒥᒃ ᐃᓚᖃᕐᓗᑎᒃ ᐊᐱᕆᕚᑦ, “ᐊᑕᓃᖅ ᒫᓐᓇᐅᔪᖅ ᐃᓴᕆᐊᓕᒥᐅᑦ ᐊᖓᔪᖅᑲᐅᕕᖓ ᐱᒋᐊᖅᑎᒃᑲᓐᓂᕐᖕᓂᐊᖅᐱᐅᒃ?”
7ᔩᓱᓯᐅᑉ ᑭᐅᕔᑦ, “ᐃᓕᑦᓯ ᑕᒪᑐᒥᖓ ᖃᐅᔨᒪᔭᕆᐊᖃᓐᖏᓚᓯ ᐱᕕᒃᓴᒥᒃ ᓇᓪᓕᐅᑎᕕᒃᓴᓂᒡᓗ ᐊᑖᑕᒪ ᑕᒪᒃᑯᐊ ᐱᔪᓐᓇᕐᖕᓂᕐᖕᒥᓄᑦ ᐋᖅᑭᒃᓯᒪᖕᒪᒋᑦ. 8#ᒫᑎᐅᓯ 28:19; ᒫᑯᓯ 16:15; ᓘᑲᓯ 24:47,48.ᐱᔪᓐᓇᕐᖕᓂᕐᖕᒥᒡᓕ ᐱᑎᑕᐅᓛᖅᐳᓯ ᐊᓂᕐᖕᓂᕐᖕᒧᑦ ᐃᑦᔪᕐᖕᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᖅᓯᔨᒋᓛᖅᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.” 9#ᒫᑯᓯ 16:19; ᓘᑲᓯ 24:50,51.ᑍᒫᒃ ᐅᖃᕇᕋᒥ, ᑖᒃᑯᐊ ᑕᑯᓐᓇᖅᑎᓪᓗᒋᑦ ᖁᒻᒧᐊᒃᑎᑕᐅᓕᖅᐳᖅ ᕿᓚᓕᐊᓕᕐᓗᓂ, ᓄᕗᔭᒧᑦ ᑕᑯᒃᓴᐅᔪᓐᓃᕐᓗᓂ ᑖᒃᑯᓄᖓ.
10ᑖᒃᑯᐊ ᕿᓚᖕᒧᑦ ᓱᓕ ᐋᕐᓗᖓᑎᓪᓗᒋᑦ ᖁᒻᒧᐊᒃᑎᑕᐅᕕᒋᔭᖓᓄᑦ, ᑕᑯᒋᑦ, ᐊᖑᑏᒃ ᒪᕐᕉᒃ ᖃᑯᖅᑖᖕᓂᒃ ᐊᓐᓄᕌᓖᒃ ᑖᒃᑯᐊ ᓴᓂᐊᓂ ᓇᖏᓕᖅᐴᒃ, 11ᐅᖃᕐᓗᑎᒃ, “ᒐᓕᓕᐊᒥᐅᖑᔪᓯ, ᓲᖅ ᕿᓚᖕᒧᑦ ᐋᕐᓗᖓᕕᓰ? ᑖᓐᓇ ᔩᓱᓯ, ᑕᑯᓐᓇᖅᑕᓯ ᕿᓚᖕᒧᐊᖅᑎᓪᓗᒍ, ᐅᑎᓛᕆᕗᖅ ᑍᒫᑦᓮᓐᓇᖅ ᑕᑯᓐᓇᕋᑖᕋᑦᓯᐅᒃ ᖁᒻᒧᐊᒃᑎᓪᓗᒍ ᕿᓚᖕᒧᑦ.”
ᔫᑕᓯᐅᑉ ᐃᓇᖏᖅᑎᖓ
12ᑕᕝᕙ ᐋᐴᓯᑕᓖᑦ ᔨᕉᓴᓕᒻᒧᑦ ᐅᑎᖅᐳᑦ ᖃᖅᑲᒥᑦ ᐸᐅᕐᖕᒐᖃᖅᑐᒥᑦ ᐅᖅᓱᒃᓴᐅᓕᕈᓐᓇᖅᑐᓂᒃ ᓇᐹᖅᑐᓕᖕᒥᑦ, ᔨᕉᓴᓕᐅᑉ ᖃᓂᒋᔭᖓᓃᑦᑐᒥᑦ 1ᒤᓕᐅᑉ ᕿᑎᖅᑲᖓᓂᒃ ᐅᖓᓯᖕᓂᖃᖅᑐᒥᑦ. 13#ᒫᑎᐅᓯ 10:2-4; ᒫᑯᓯ 3:16-19; ᓘᑲᓯ 6:14-16.ᐃᒡᓗᒐᓴᒡᔪᐊᓄᑦ ᐃᑎᕋᒥᒃ, ᐃᒡᓘᑉ ᖁᓛᓃᑦᑐᒧᑦ ᓇᔪᒐᕐᖕᒥᖕᓄᑦ ᐃᑎᖅᐳᑦ, ᐲᑦᑐᕉᓯ ᔪᐊᓇᓯ ᔧᒥᓯ ᐋᓐᑐᕉᓗ, ᐱᓕᑉᐴᓯ ᑑᒪᓯᓗ, ᐸᑎᐅᓗᒥᐅ ᒫᑎᐅᓯᓗ, ᔧᒥᓯᓗ ᐊᐅᓪᐱᐊᓯᐅᑉ ᐃᕐᖕᓂᖓ ᓮᒨᓂᓗ ᕉᒪᒥᐅᓂᒃ ᐊᑭᓂᐊᖅᑎᒥᒃ ᑍᔭᐅᔪᖅ, ᔫᑕᓯᓗ ᔧᒥᓯᐅᑉ ᐃᕐᖕᓂᖓ. 14ᐊᑕᖏᕐᓗᑎᒃ ᐊᑕᐅᓯᐅᓕᖅᑲᖓᑦᓯᐊᕐᓗᑎᒃ ᑲᑦᓱᖕᒊᖅᓯᒪᑦᓯᐊᕐᓗᑎᒃ ᑐᒃᓯᐊᖃᑦᑕᓚᐅᖅᐳᑦ, ᐊᕐᖕᓁᑦ ᐃᓚᒋᓪᓗᒋᑦ ᒥᐊᕆᓗ ᔩᓱᓯᐅᑉ ᐊᓈᓇᖓ, ᖃᑕᓐᖑᑎᖏᓪᓗ.
15ᐅᒃᐱᖅᑐᑦ ᐊᑕᖏᕐᓗᑎᒃ 120 ᖃᓂᒋᔭᖓᓃᓚᐅᖅᐳᑦ, ᐅᓪᓗᐃᑦ ᐃᓚᖓᓐᓂ ᑲᑎᒪᑎᓪᓗᒋᑦ ᐲᑦᑐᕉᓯ ᓂᑯᕕᑉᐳᖅ ᐅᖃᕐᓗᓂ, 16“ᐃᓅᖃᑎᒃᑲ, ᐊᒡᓔᑦ ᓇᓚᐅᑦᓯᔭᕆᐊᖃᓚᐅᕐᖕᒪᑕ, ᐊᓂᕐᖕᓂᐅᑉ ᐃᑦᔪᕐᖕᓁᑦᑑᑉ ᐅᖃᐅᓯᕆᓯᒪᔭᖏᑦ ᑍᕕᑎᒃᑯᑦ, ᓇᓚᐅᑦᑍᑦᔪᑕᐅᓯᒪᔪᑦ ᔫᑕᓯᒥᒃ, ᑖᓐᓇ ᑕᓯᐅᖅᑎᐅᓚᐅᕐᖕᒪᑦ ᔩᓱᓯᒥᒃ ᑎᒍᓯᓚᐅᖅᑐᓄᑦ. 17ᑖᓐᓇ ᐃᓚᒋᓚᐅᖅᐸᕗᑦ, ᓂᕈᐊᖅᑕᐅᖃᑎᒋᓚᐅᖅᐸᕗᓪᓗ ᐱᓇᓱᐊᕐᖕᓂᑦᑎᓐᓂᒃ ᐱᓇᓱᐊᖃᑎᒋᓪᓗᑎᒍ.”
18 #
ᒫᑎᐅᓯ 27:3-8. (ᑖᑦᓱᒪ ᔫᑕᓯᐅᑉ ᐊᔪᖅᑐᓕᓂᕆᓚᐅᖅᑕᒥ ᐊᑭᖓᓄᑦ ᐱᕈᖅᓰᕕᖕᒥᒃ ᓂᐅᕕᓚᐅᖅᐳᖅ; ᑕᕝᕙᓂ ᐃᔪᒃᑲᕋᒥ ᑐᖁᓚᐅᖅᐳᖅ, ᖄᕐᓗᓂ ᐃᕐᕋᕕᓕᒫᖏᓪᓗ ᐊᓂᓚᐅᖅᐳᑦ. 19ᔨᕉᓴᓕᒻᒥᐅᓕᒫᑦ ᑕᒪᑐᒥᖓ ᖃᐅᔨᒪᓕᖅᐳᑦ, ᐅᖃᐅᓯᕐᖕᒥᒃᑎᒍᑦ ᐊᑎᖃᖅᑎᓕᖅᐹᑦ ᐊᑭᓪᑕᒪᒥᒃ, ᑐᑭᖃᖅᑐᖅ ᐱᕈᖅᓰᕕᒃ ᐊᐅᒃᑕᓕᒃ.)
20 #
ᐃᓐᖏᕈᑦ 69:25;
ᐃᓐᖏᕈᑦ 109:8. “ᑍᕕᑎᐅᑉ ᐃᓐᖏᕈᑎᖏᓐᓂ ᑎᑎᕋᖅᓯᒪᖕᒪᑦ,
‘ᑖᑦᓱᒪ ᐃᒡᓗᖓ ᐃᓄᖃᕈᓐᓃᕐᓕ,
ᑕᕝᕙᓂ ᐃᒡᓗᖃᖅᑐᖃᕈᓐᓃᕐᓕ;’
ᐊᒻᒪᓗ ᐅᖃᖅᓯᒪᔪᖃᒃᑲᓐᓂᕆᕗᖅ,
‘ᐱᓇᓱᐊᕐᖕᓂᖓ ᐊᓯᐊᓄᑦ ᐃᓇᖏᖅᑕᐅᓕᕐᓕ.’
21 #
ᒫᑎᐅᓯ 3:16; ᒫᑯᓯ 1:9; ᓘᑲᓯ 3:21;
ᒫᑯᓯ 16:19; ᓘᑲᓯ 24:51. “ᑍᒤᒻᒪᑦ ᐊᑲᐅᓈᕋᔭᖅᐳᖅ ᓂᕈᐊᕈᑦᑕ ᐊᖑᑏᑦ ᐃᓚᖓᓐᓂᒃ ᑍᒪᓐᖓᑦ ᐃᓚᒋᖃᑦᑕᖅᓯᒪᔭᑦᑎᓐᓂᒃ ᐊᑕᓂᖅ ᔩᓱᓯ ᐃᖏᕐᕋᖃᑎᒋᓪᓗᑎᒍ ᑎᑭᑉᐸᒃᓗᑕ ᐊᐅᓪᓚᖅᐸᒃᓗᑕᓗ, 22ᐱᒋᐊᖃᑕᐅᓯᒪᔪᒥᒃ ᔪᐊᓇᓯᐅᑉ ᐹᑦᑎᑦᓯᖃᑦᑕᓕᕐᖕᓂᖓᓂᑦ ᔩᓱᓯᐅᑉ ᕿᓚᓕᐊᖅᑎᑕᐅᓂᖓ ᑎᑭᓪᓗᒍ, ᑍᒤᑦᑐᒥᒃ ᐃᓚᑖᕆᐊᖃᖅᐳᒍᑦ ᖃᐅᔨᓯᒪᔭᑦᑎᓐᓂᒃ ᓇᓗᓁᖅᓯᔨᐅᖃᑕᐅᖁᓪᓗᒍ ᔩᓱᓯᐅᑉ ᒪᑭᓯᒪᓂᖓᓂᒃ.”
23ᑖᒃᑯᐊ ᓂᕈᐊᒐᒃᓴᓕᐅᖅᐳᑦ ᒪᕐᕉᖕᓂᒃ, ᔫᓯᐱᒥᒃ ᐹᕐᓴᐸᓯᒥᒃ ᑍᔭᐅᔪᒥᒃ ᐊᑎᖃᒃᑲᓐᓂᖅᑐᒥᒃ ᔭᔅᑕᓯᒥᒃ, ᐊᒻᒪᓗ ᒪᑍᐊᓯᒥᒃ. 24ᑖᒃᑯᐊ ᑐᒃᓯᐊᓕᕋᒥᒃ ᐅᖃᖅᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᖅᓯᕕᒋᓚᐅᖅᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᖕᒪᖔᖅᐱᑦ. 25ᐃᓇᖏᐅᑎᓂᐊᖅᑐᒥᒃ ᑕᒪᑐᒧᖓ ᐱᓇᓱᐊᕐᖕᓂᕐᖕᒧᑦ ᐋᐴᓯᑕᓕᐅᓂᕐᖕᒧᑦ ᔫᑕᓯᐅᑉ ᕿᒪᓚᐅᖅᑕᖓᓄᑦ, ᑖᓐᓇ ᓇᖕᒥᓂᖅ ᐂᕕᒋᓂᐊᖅᑕᒥᓄᑦ ᐂᓯᒪᓕᕐᖕᒪᑦ.” 26ᓇᓚᐅᑦᓵᓕᕋᒥᒃ, ᒪᑍᐊᓯ ᓇᓚᐅᑕᐅᕗᖅ; ᐃᓚᓕᐅᑎᔭᐅᓪᓗᓂᓗ ᐋᐴᓯᑕᓕᖕᓄᑦ 11ᓄᑦ.
Currently Selected:
ᐋᐴᓯᑕᓖᑦ ᐱᓂᐊᕐᖕᓂᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.