ᔪᐊᓇᓯᐅᑉ ᐊᒡᓚᖏᑦ 21
21
ᔩᓱᓯᐅᑉ ᓴᖅᑭᓐᓂᖓ ᐃᓕᓐᓂᐊᖅᑎᓄᑦ 7ᓄᑦ
1ᑕᒪᑐᒪ ᑭᖑᕐᖓᒍᑦ ᔩᓱᓯ ᓴᖅᑭᒃᑲᓐᓂᓚᐅᕆᕗᖅ ᐃᓕᓐᓂᐊᖅᑎᒥᓄᑦ ᑍᐱᐅᕆᐊᓯᐅᑉ ᑕᓯᕐᔪᐊᖓᑕ ᓴᓂᐊᓂ; ᐃᒫᒃ ᐱᓂᐊᕐᖕᓂᖃᕐᓗᓂ ᓴᖅᑭᓚᐅᖅᐳᖅ. 2ᑲᑎᓐᖓᓚᐅᖅᐳᑦ ᐅᑯᐊ ᓮᒨᓂ ᐲᑦᑐᕉᓯ, ᑑᒪᓯᓗ ᒪᕐᕈᓕᐊᕕᓂᕐᖕᒥᒃ ᑍᔭᖅ, ᓈᑕᓁᓗ ᑬᓇᒥᑦ ᒐᓕᓕᐊᒦᑦᑐᒥᑦ ᐱᓯᒪᔪᖅ, ᓯᐱᑎᐅᓪᓗ ᐃᕐᖕᓂᖏᒃ ᒪᕐᕉᒃ, ᐊᓯᖏᒡᓗ ᒪᕐᕉᒃ ᔩᓱᓯᐅᑉ ᐃᓕᓐᓂᐊᖅᑎᖏᒃ. 3#ᓘᑲᓯ 5:5.ᓮᒨᓂ ᐲᑦᑐᕉᓯᐅᑉ ᐃᓚᓂ ᐅᖃᐅᑎᕔᑦ, “ᐃᖃᓪᓕᐊᓕᕋᒪ.”
ᑖᒃᑯᐊ ᐅᖃᐅᑎᕚᑦ, “ᐃᓚᒋᓂᐊᖅᐸᑦᑎᒋᑦ.” ᐊᓂᒐᒥᒡᓗ ᐅᒥᐊᒧᐊᖅᐳᑦ; ᐅᓐᓄᐊᒥᓕ ᑕᒪᑐᒪᓂ ᐃᖃᓗᓚᐅᓐᖏᓚᑦ. 4ᐅᓪᓛᒃᑯᑦ ᖃᐅᒻᒪᓕᖅᑎᓪᓗᒍ, ᔩᓱᓯ ᑕᓯᐅᑉ ᓯᓈᓂ ᓇᖏᖅᐳᖅ; ᐃᓕᓐᓂᐊᖅᑎᑦ ᖃᐅᔨᒪᓐᖏᓚᑦ ᔩᓱᓯᐅᓂᖓᓂᒃ. 5ᔩᓱᓯᐅᑉ ᐊᐱᕆᕔᑦ, “ᕿᑐᕐᖎᑦ, ᐃᖃᓗᓚᐅᓐᖏᓚᓰ?”
ᑖᒃᑯᐊ ᑭᐅᕚᑦ, “ᐃᖃᓗᓚᐅᓐᖏᓚᒍᑦ.”
6 #
ᓘᑲᓯ 5:6. ᑕᕝᕙ ᐅᖃᐅᑎᕔᑦ, “ᓄᓗᐊᓯ ᓂᖏᑎᓚᐅᖅᓯᐅᒃ ᐅᒥᐊᑉ ᑕᓕᖅᐱᐊᓄᑦ, ᑕᕝᕙ ᐃᖃᓗᖕᓂᐊᖅᐳᓯ.” ᑕᕝᕙ ᓄᓗᐊᑎᒃ ᓂᖏᑎᑉᐰᑦ, ᐊᒧᐊᕈᓐᓇᕈᓐᓁᕐᓗᒋᑦ, ᐃᖃᓗᐃᑦ ᐅᓄᕐᖕᓂᖏᓐᓄᑦ.
7ᑕᕝᕙ ᐃᓕᓐᓂᐊᖅᑎᐅᑉ ᔩᓱᓯᐅᑉ ᓇᒡᓕᒋᔭᖓᑕ ᐲᑦᑐᕉᓯ ᐅᖃᐅᑎᕚ, “ᐊᑕᓂᐅᕗᖅ!” ᓮᒨᓂᓕ ᐲᑦᑐᕉᓯ ᑐᓴᕋᒥ ᐊᑕᓂᐅᖕᒪᑦ, ᐊᓐᓄᕌᓂ ᓯᓚᓪᓕᖅ ᐊᑎᕚ ᐲᖅᓯᒪᓚᐅᕋᒥᐅᒃ ᐱᓇᓱᐊᕐᓗᓂ, ᐃᒫᓄᓪᓗ ᒥᓯᒃᐳᖅ. 8ᐃᓕᓐᓂᐊᖅᑏᓪᓕ ᓄᓇᓕᐊᖅᐳᑦ ᐅᒥᐊᒃᑯᑦ, ᓄᓗᐊᒥᖕᓂᒃ ᑲᓕᓪᖢᑎᒃ ᐃᖃᓗᖕᓂᒃ ᑕᑕᑦᑐᓂᒃ, ᓄᓇᒧᑦ ᐅᖓᓯᖏᓐᓇᒥᒃ, ᐆᒃᑐᑎᓂᒃ 100ᓂᒃ ᐅᖓᓯᖕᓂᖃᕋᒥᒃ ᓄᓇᒧᑦ. 9ᓄᓇᒧᑦ ᓂᐅᒐᒥᒃ, ᑕᑯᕗᑦ ᕿᔪᒃᓴᓂᒃ ᐃᑯᒪᔪᓂᒃ, ᐃᖃᓗᖕᓂᒡᓗ ᐃᒐᔭᐅᔪᓂᒃ, ᓂᐊᖂᔭᓂᒡᓗ. 10ᔩᓱᓯᐅᑉ ᐅᖃᐅᑎᕔᑦ, “ᐃᖃᓗᕋᑖᖅᑕᑦᓯᓐᓂᒃ ᑕᒪᐅᓐᖕᒊᒋᑦᓯ.”
11ᑕᕝᕙ ᓮᒨᓂ ᐲᑦᑐᕉᓯ ᐅᒥᐊᒧᑦ ᐃᑭᓪᓗᓂ ᓄᓗᐊᑦ ᓄᓇᒧᑦ ᐅᓂᐊᖅᐰᑦ, ᐃᖃᓗᖕᓂᒃ ᐊᖏᔫᑎᓂᒃ ᑕᑕᑦᑐᑦ, 153ᓂᒃ; ᐃᖃᓗᐃᑦ ᑍᒫᒃ ᐅᓄᖅᑎᒋᒐᓗᐊᕐᖕᒪᑕ, ᓄᓗᐊᑦ ᐊᓕᒃᑕᐅᓐᖏᓚᑦ. 12ᔩᓱᓯᐅᑉ ᐅᖃᐅᑎᕔᑦ, “ᕾᓗᓯ ᓂᕆᓕᕆᑦᓯ.” ᐃᓕᓐᓂᐊᖅᑏᓪᓗ ᓇᓪᓕᐊᑦᑕᓘᓐᓃᑦ ᐊᐱᕆᔪᒪᓐᖏᓛ, “ᑭᓇᐅᕕᑦ” ᖃᐅᔨᒪᒐᒥᒃ ᐊᑕᓂᐅᖕᒪᑦ. 13ᔩᓱᓯ ᕾᒐᒥ ᓂᐊᖂᔭᖅ ᑎᒍᕚ ᑖᒃᑯᓄᖓ ᑐᓂᓪᓗᒍ, ᑍᒤᓕᐅᕆᕗᖅᑕᐅᖅ ᐃᖃᓗᖕᓂᒃ.
14ᑕᒪᑦᔭ ᔩᓱᓯᐅᑉ ᐱᖓᔪᖓᓐᓂᒃ ᓴᖅᑭᓐᓂᕆᓚᐅᖅᑕᖓ ᐃᓕᓐᓂᐊᖅᑎᒥᓄᑦ ᑐᖁᖓᔪᓂᑦ ᒪᑭᓐᓂᖓᑕ ᑭᖑᕐᖓᓂ.
ᔩᓱᓯᐅᑉ ᐲᑦᑐᕉᓯᐅᓪᓗ ᐅᖃᖃᑎᒌᖕᓂᖓᒃ
15ᓂᕆᔭᕇᕋᒥᒡᓕ, ᔩᓱᓯ ᐅᖃᖅᐳᖅ ᓮᒨᓂ ᐲᑦᑐᕉᓯᒧᑦ, “ᓮᒨᓃ ᔪᐊᓇᓯᐅᑉ ᐃᕐᖕᓂᖓ, ᐅᑯᓇᖔᑦ ᐱᓐᓇᕆᓂᖅᓴᕆᕕᖔ?”
ᐲᑦᑐᕉᓯᐅᑉ ᑭᐅᕚ, “ᐃᓛᒃ ᐊᑕᓃᖅ; ᖃᐅᔨᒪᕗᑎᑦ ᓇᒡᓕᒋᒐᒃᑭ.”
ᔩᓱᓯᐅᑉ ᐅᖃᐅᑎᕚ, “ᓰᐱᓛᖁᑎᒃᑲ ᓂᕆᑎᓐᓂᐊᒃᑭᑦ.” 16ᐂᑉᐸᖓᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᖕᓂᖓ, ᐱᓐᓈᕆᕕᖔ?”
ᑖᑦᓱᒪ ᑭᐅᕚ, “ᐃᓛᒃ ᐊᑕᓃᖅ, ᖃᐅᔨᒪᕗᑎᑦ ᓇᒡᓕᒋᒐᒃᑭᑦ.”
ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᐰᕆᓂᐊᒃᑭᑦ.” 17ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᖕᓂᖓ, ᓇᒡᓕᒋᕕᖔ?”
ᐲᑦᑐᕉᓯᓕ ᕿᒃᓵᓕᖅᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᖅᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᖕᒪ ᓇᒡᓕᒋᒐᒃᑭᑦ.”
ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ. 18ᓱᓕᔪᒥᒃ ᐅᖃᐅᑎᕙᒋᑦ, ᐃᓅᓱᒃᑑᑎᓪᓗᑎᑦ, ᐃᓕᖕᓂᒃ ᑕᑦᓯᕈᓯᕐᓗᑎᑦ ᐂᕙᓚᐅᖅᐳᑎᑦ ᐂᕕᒋᔪᒪᔭᕐᖕᓄᑦ; ᐃᑦᑑᓕᕈᕕᓪᓕ ᑕᓖᒃᑭᒃ ᐃᓴᒍᒫᖅᐹᒃᑭᒃ, ᐊᓯᕕᓪᓗ ᑕᑦᓯᕈᓯᕈᒫᖅᐹᑎᑦ ᐂᑎᓪᓗᑎᑦ ᐂᕕᒋᔪᒪᓐᖏᑕᕐᖕᓄᑦ.” 19ᔩᓱᓯ ᑕᒪᑐᒥᖓ ᐅᖃᓚᐅᖅᐳᖅ, ᐲᑦᑐᕉᓯᐅᑉ ᑐᖁᑕᐅᓗᓂ ᒎᑎᐅᑉ ᓂᖅᑐᕐᖕᓇᖅᑎᑕᐅᓂᕆᓛᖅᑕᖓᓂᒃ ᐅᖃᐅᓯᖃᕐᓗᓂ. ᑕᒪᑐᒪ ᑭᖑᕐᖓᒍᑦ ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.”
ᔩᓱᓯ ᐃᓕᓐᓂᐊᖅᑎᓗ
20 #
ᔪᐊᓇᓯ 13:25. ᐲᑦᑐᕉᓯᓕ ᑐᓄᒻᒧᑦ ᕿᕕᐊᕋᒥ ᑐᓄᒥᓃᑦᑐᒥᒃ ᑕᑯᕗᖅ ᐃᓕᓐᓂᐊᖅᑎᒥᒃ ᔩᓱᓯᐅᑉ ᓇᒡᓕᒋᔭᖓᓂᒃ, ᑖᓐᓇ ᐅᓐᓄᒃᓯᐅᑎᒥᒃ ᓂᕆᓪᓗᑎᒃ ᔩᓱᓯᒧᑦ ᐄᒐᖓᓚᐅᖅᑐᖅ ᐊᐱᕆᓚᐅᖅᑐᕐᓗ, “ᐊᑕᓃᖅ, ᓇᓪᓕᐊᑦᑕ ᐱᔭᐅᑎᓐᓂᐊᖅᐹᑏᑦ?” 21ᐲᑦᑐᕉᓯᐅᑉ ᑕᑯᒐᒥᐅᒃ, ᔩᓱᓯ ᐅᖃᐅᑎᕚ, “ᐊᑕᓃᖅ ᐅᓇᓕ ᐊᖑᑦ ᖃᓄᐃᓕᖓᓂᐊᖅᐹ?”
22ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”
23ᑕᕝᕙ ᔩᓱᓯᐅᑉ ᒪᓕᒃᑎᖏᑦ ᐅᖃᖃᑦᑕᐅᑎᓕᖅᐳᑦ ᐅᓇ ᐃᓕᓐᓂᐊᖅᑎ ᑐᖁᓂᐊᓐᖏᓚᖅ; ᔩᓱᓯ ᐅᖃᓚᐅᓐᖏᓚᖅ ᑐᖁᓂᐊᖏᓐᓂᕋᕐᓗᓂᐅᒃ; ᐅᖃᓚᐅᖅᐳᕐᓕ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ.”
24ᑖᓐᓇᐅᕗᖅ ᐃᓕᓐᓂᐊᖅᑎ ᑕᒪᒃᑯᓂᖓ ᐅᖃᐅᓯᖃᖅᑐᖅ, ᑕᒪᒃᑯᐊ ᑎᑎᕋᓚᐅᖅᐰᑦ; ᖃᐅᔨᒪᕗᒍᓪᓗ ᐅᖃᐅᓯᕆᔭᖏᑦ ᓱᓕᖕᒪᑕ.
ᐅᖃᐅᓰᑦ ᑭᖑᓪᓕᖅᐹᑦ
25ᐊᓯᖏᓐᓂᒃᑕᐅᖅ ᔩᓱᓯ ᐊᒥᓱᓂᒃ ᐱᓂᐊᕐᖕᓂᖃᓚᐅᖅᐳᖅ; ᐱᓂᐊᕐᖕᓂᕆᓚᐅᖅᑕᖏᓪᓕ ᐊᑕᖏᕐᓗᑎᒃ ᑎᑎᕋᖅᑕᐅᒐᔭᖅᐸᑕ ᑭᖑᓕᕇᒃᑕᕐᖕᓂᖏᑦ ᒪᓕᒡᓗᒋᑦ, ᓯᓚᕐᔪᐊᕐᖕᒥᐅᑦ ᑖᒃᑯᓂᖓ ᑎᑎᕋᖅᓯᒪᔪᓂᒃ ᐱᓯᒪᔪᓐᓇᕋᓱᒋᓐᖏᓚᒃᑲ.
Currently Selected:
ᔪᐊᓇᓯᐅᑉ ᐊᒡᓚᖏᑦ 21: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.