ᔨᐸᓁᐊᐅᑉ ᐊᒡᓚᖏᑦ 3
3
ᔨᕉᓴᓕᐅᑉ ᐊᔪᖅᑐᓕᓂᖓ ᐅᑎᖅᑎᑕᐅᓂᖓᓗ
1ᑲᑉᐱᐊᓐᓇᒦᒃ ᑍᓐᓇ ᐃᒡᓗᒐᓴᒃ ᐊᑭᕋᖅᑐᖅᑐᖅ ᓇᕐᕈᓇᖅᓯᔪᕐᓗ, ᐱᐅᖏᑦᑐᒥᓪᓗ ᑕᑕᑦᑐᖅ! 2ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᖅᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᖕᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ. 3ᑖᑦᓱᒪ ᕿᑐᕐᖓᖏᑦ ᓛᔭᑎᑐᑦ ᐃᖅᓯᓵᖅᐳᑦ, ᐊᐅᓚᑦᓯᔨᖏᓪᓗ ᐊᒪᕈᖅᑎᑑᖅᐳᑦ, ᐅᓪᓛᒧᑦ ᐊᒥᐊᒃᑯᖏᑦᑐᑦ. 4ᓇᓚᐅᑦᑍᔨᖁᑎᖏᑦ ᐅᖃᐅᓯᖅᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᖅᑎᑦᓯᔨᖏᑦ ᓇᕐᕈᓇᖅᓯᑎᑦᓯᕗᑦ ᐃᑦᔪᕐᖕᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᖕᓂᖅᓗᒃᐳᑦ. 5ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᖅᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᖅᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᖕᒥᒃ.
6“ᐃᓅᖃᑎᒌᒡᔪᐊᓕᒫᑦ ᓄᖑᑎᑉᐸᒃᑲ, ᓲᖑᑦᔪᑎᒋᔭᖏᓪᓗ ᓱᕋᒃᐸᒃᑲ; ᐊᖅᑯᑎᖏᓪᓗ ᐃᓄᖃᕈᓐᓁᖅᑎᑉᐸᒃᑲ, ᐊᖅᑯᓵᑕᐅᓂᐊᕈᓐᓁᖅᐳᓪᓗ, ᐃᒡᓗᒐᓴᖏᓪᓗ ᐊᓯᕈᖅᑕᐅᕗᑦ, ᐃᓄᖃᕐᖕᓂᐊᕈᓐᓁᖅᐳᖅ ᓄᓇᒋᔭᐅᔪᓐᓁᖅᓗᓂᓗ. 7ᐅᖃᓚᐅᖅᐳᖓᓗ, ‘ᐃᒻᒪᖄᓕ ᓯᕘᕋᒋᓂᐊᓕᖅᐸᑦᓯᓐᖓ ᓈᒻᒪᒋᔭᐅᓂᐊᖅᐳᓪᓗ ᐊᖅᑭᒋᐊᖅᓯᓂᒃᑲ ᐃᓂᒋᔭᖏᓪᓗ ᓄᖑᑎᓐᓂᐊᓐᖏᓚᒃᑲ.’ ᓱᒋᐊᓚᐅᕋᓗᐊᕋᒃᑭᓪᓗ, ᐅᑎᑦᓴᐅᑎᒋᓚᐅᖅᐳᑦ ᐱᓂᐊᕐᖕᓂᖃᓕᖅᓗᑎᒡᓗ ᐱᐅᖏᑦᑐᓂᒃ.
8“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᖅᐳᖅ, ᐅᓪᓗᕐᖕᒧᑦ ᓇᓗᓁᖅᓯᕕᒋᔪᒫᖅᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᖅᑕᐅᔪᒫᖅᐳᖅ ᐃᑯᒪᒧᑦ.
9“ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᖅᓴᕐᖕᓂᐊᖅᐸᒃᑲ ᐅᖃᐅᓯᖅᑖᖅᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᖅᑐᖅᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ. 10ᐃᑎᐅᐱᐊᒥᐅᑉ ᑰᖓᑕ ᐅᖓᑖᓂᑦ ᐃᓄᖁᑎᒃᑲ ᓯᐊᒻᒪᖅᓯᒪᔪᑦ ᓱᓕᔪᒥᒃ ᑐᒃᓯᐊᕐᖕᓂᖃᕈᒫᖅᐳᑦ ᑐᓂᕐᕈᓯᕈᒫᖅᐳᓪᓗ ᐅᕙᓐᓄᑦ. 11ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᖕᓂᕆᓚᐅᖅᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᖕᒥᒃ ᓄᖑᑎᑦᓱᒫᖅᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᖅᓯᒪᓂᐊᕈᓐᓁᖅᐳᓯ ᖃᖅᑲᖁᑎᓐᓂ ᐃᑦᔪᕐᖕᓁᑦᑐᒥ. 12ᑍᒃᑯᐊ ᐊᒥᐊᒃᑰᑎᓐᓂᐊᖅᐸᒃᑲ ᒥᑭᒡᓕᑎᖅᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᖅᑐᑦ ᐊᑕᓂᐅᑉ ᐊᑎᖓᓂᒃ. 13#ᑕᑯᑎ 14:5.ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᖅᐳᑦ ᓴᒡᓗᓂᐊᕈᓐᓁᖅᐳᓪᓗ, ᐅᖃᖏᑕᓗ ᐅᖃᕐᖕᓂᖅᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᖅᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᖅᐳᑦ ᐱᕙᓪᓕᐊᑦᓯᐊᖅᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᖅᐳᑦ.”
ᖁᕕᐊᓱᖕᓂᕐᖕᒧᑦ ᐃᓐᖏᐅᑦ
14ᐃᓐᖏᕆᑦ, ᓮᐅᓂᐅᑉ ᐸᓂᖓ!
ᕾᒐᓛᕆᑦ ᐃᓴᕆᐊᓖ!
ᖁᕕᐊᓱᒋᑦ ᓯᕆᓗᑎᓪᓗ ᐆᒻᒪᑎᒃᑯᑦ ᐃᓗᖏᖅᑐᖅᓗᑎᑦ,
ᔨᕉᓴᓕᐅᑉ ᐸᓂᖓ!
15ᐊᑕᓂᐅᑉ ᐃᖅᑲᖅᑐᐃᓂᓂ ᐲᖅᑎᒻᒪᒍ,
ᐊᑭᕋᓯᓗ ᐃᒋᓯᒪᖕᒪᒋᑦ.
ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ,
ᐊᑕᓂᖅ, ᐊᑯᓐᓇᑦᓯᓐᓃᑉᐳᖅ;
ᑲᑉᐱᐊᓱᒃᑎᑕᐅᓚᐅᖅᓯᒪᓂᐊᕈᓐᓁᖅᐳᑎᑦ.
16ᑍᑲᓂ ᐅᓪᓗᒥ ᔨᕉᓴᓕᒻ ᐅᖃᐅᑦᔭᐅᔪᒫᖅᐳᖅ,
“ᑲᑉᐱᐊᓱᖏᓪᓗᑎᑦ, ᓮᐅᓂᐅᑉ ᐃᒡᓗᒐᓴᖓ,
ᐊᒡᒐᓯ ᓴᓐᖐᑦᑑᑎᑦᑍᓕᓯᐅᒃ.
17ᐊᑕᓂᐅᑉ ᒎᑎᑦᓯ ᐃᓚᒋᕚᓯ,
ᐊᔪᒐᖃᖏᑦᑐᑐᐊᑉ ᐱᐅᓕᔪᒫᖅᐹᓯ.
ᖁᕕᐊᓲᑎᒋᔪᒫᖅᐹᓯ, ᓂᐸᖏᖅᑎᑦᓱᒫᖅᐹᓯ ᓇᒡᓕᖕᓂᕐᖕᒥᓄᑦ,
ᖁᕕᐊᓲᑎᒋᔪᒫᖅᐹᓯ ᐃᓐᖏᖅᓗᓂ.
18ᕿᒃᓵᖕᓇᖅᑐᑦ ᓇᓪᓕᐅᕐᖕᓂᖅᓯᐅᕐᖕᓃᑦ ᐲᖅᑎᓐᓂᐊᖅᐸᒃᑲ,
ᓯᕘᕋᓵᕈᑎᒋᔭᒃᑲ ᐲᖅᑎᓐᓂᐊᖅᐸᒃᑲ.
19ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ
ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᖅᐸᒃᑲ,
ᑐᓯᐊᑦᑐᑦ ᐱᐅᓕᓂᐊᖅᐸᒃᑲ.
ᑲᑎᑎᑦᓱᒫᖅᐸᒃᑲᓗ ᓯᐊᒻᒪᖅᑎᑕᐅᓯᒪᔪᑦ,
ᑎᓕᔪᒫᖅᐸᒃᑲᓗ ᓂᖅᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᖅᑎᓪᓗᒋᓪᓗ,
ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᖅᑐᑦ.
20ᑍᑲᓂ ᓇᓪᓕᐅᑦᑐᒥ ᐅᑎᖅᑎᑦᓱᒫᖅᐸᑦᓯ!
ᑲᑎᖅᓱᐃᓕᕈᒪᓗ ᓂᖅᑐᕐᖕᓇᖅᓯᑎᑦᓱᒫᖅᐸᑦᓯ
ᖃᐅᔨᒪᔭᐅᑦᓯᐊᖅᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ.
ᑎᒍᔭᐅᓯᒪᔪᑦ ᐅᑎᖅᑎᑦᓱᒫᖅᐸᒃᑲ ᑕᑯᓐᓇᖅᑎᓪᓗᓯ,”
ᐊᑕᓂᖅ ᐅᖃᖅᐳᖅ.
Currently Selected:
ᔨᐸᓁᐊᐅᑉ ᐊᒡᓚᖏᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᔨᐸᓁᐊᐅᑉ ᐊᒡᓚᖏᑦ 3
3
ᔨᕉᓴᓕᐅᑉ ᐊᔪᖅᑐᓕᓂᖓ ᐅᑎᖅᑎᑕᐅᓂᖓᓗ
1ᑲᑉᐱᐊᓐᓇᒦᒃ ᑍᓐᓇ ᐃᒡᓗᒐᓴᒃ ᐊᑭᕋᖅᑐᖅᑐᖅ ᓇᕐᕈᓇᖅᓯᔪᕐᓗ, ᐱᐅᖏᑦᑐᒥᓪᓗ ᑕᑕᑦᑐᖅ! 2ᓈᓚᓚᐅᖏᒻᒪᑦ ᐊᑕᓂᐅᑉ ᓂᐱᖓᓂᒃ, ᐋᖅᑭᒋᐊᖅᑕᐅᔪᒪᓚᐅᖏᒻᒪᓗ, ᑕᑎᖃᓚᐅᖏᒻᒪ ᐊᑕᓂᕐᖕᒥᒃ, ᒎᑎᒥᓄᑦ ᖃᓪᓕᒋᐊᓚᐅᖏᒻᒪᑦ. 3ᑖᑦᓱᒪ ᕿᑐᕐᖓᖏᑦ ᓛᔭᑎᑐᑦ ᐃᖅᓯᓵᖅᐳᑦ, ᐊᐅᓚᑦᓯᔨᖏᓪᓗ ᐊᒪᕈᖅᑎᑑᖅᐳᑦ, ᐅᓪᓛᒧᑦ ᐊᒥᐊᒃᑯᖏᑦᑐᑦ. 4ᓇᓚᐅᑦᑍᔨᖁᑎᖏᑦ ᐅᖃᐅᓯᖅᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᖅᑎᑦᓯᔨᖏᑦ ᓇᕐᕈᓇᖅᓯᑎᑦᓯᕗᑦ ᐃᑦᔪᕐᖕᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᖕᓂᖅᓗᒃᐳᑦ. 5ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᖅᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᖅᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᖕᒥᒃ.
6“ᐃᓅᖃᑎᒌᒡᔪᐊᓕᒫᑦ ᓄᖑᑎᑉᐸᒃᑲ, ᓲᖑᑦᔪᑎᒋᔭᖏᓪᓗ ᓱᕋᒃᐸᒃᑲ; ᐊᖅᑯᑎᖏᓪᓗ ᐃᓄᖃᕈᓐᓁᖅᑎᑉᐸᒃᑲ, ᐊᖅᑯᓵᑕᐅᓂᐊᕈᓐᓁᖅᐳᓪᓗ, ᐃᒡᓗᒐᓴᖏᓪᓗ ᐊᓯᕈᖅᑕᐅᕗᑦ, ᐃᓄᖃᕐᖕᓂᐊᕈᓐᓁᖅᐳᖅ ᓄᓇᒋᔭᐅᔪᓐᓁᖅᓗᓂᓗ. 7ᐅᖃᓚᐅᖅᐳᖓᓗ, ‘ᐃᒻᒪᖄᓕ ᓯᕘᕋᒋᓂᐊᓕᖅᐸᑦᓯᓐᖓ ᓈᒻᒪᒋᔭᐅᓂᐊᖅᐳᓪᓗ ᐊᖅᑭᒋᐊᖅᓯᓂᒃᑲ ᐃᓂᒋᔭᖏᓪᓗ ᓄᖑᑎᓐᓂᐊᓐᖏᓚᒃᑲ.’ ᓱᒋᐊᓚᐅᕋᓗᐊᕋᒃᑭᓪᓗ, ᐅᑎᑦᓴᐅᑎᒋᓚᐅᖅᐳᑦ ᐱᓂᐊᕐᖕᓂᖃᓕᖅᓗᑎᒡᓗ ᐱᐅᖏᑦᑐᓂᒃ.
8“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᖅᐳᖅ, ᐅᓪᓗᕐᖕᒧᑦ ᓇᓗᓁᖅᓯᕕᒋᔪᒫᖅᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᖅᑕᐅᔪᒫᖅᐳᖅ ᐃᑯᒪᒧᑦ.
9“ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᖅᓴᕐᖕᓂᐊᖅᐸᒃᑲ ᐅᖃᐅᓯᖅᑖᖅᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᖅᑐᖅᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ. 10ᐃᑎᐅᐱᐊᒥᐅᑉ ᑰᖓᑕ ᐅᖓᑖᓂᑦ ᐃᓄᖁᑎᒃᑲ ᓯᐊᒻᒪᖅᓯᒪᔪᑦ ᓱᓕᔪᒥᒃ ᑐᒃᓯᐊᕐᖕᓂᖃᕈᒫᖅᐳᑦ ᑐᓂᕐᕈᓯᕈᒫᖅᐳᓪᓗ ᐅᕙᓐᓄᑦ. 11ᑍᑲᓂ ᐅᓪᓗᒥ ᑲᓐᖑᓱᒃᑎᑕᐅᔪᒫᓐᖏᓚᓯ ᑕᒻᒪᕐᖕᓂᕆᓚᐅᖅᑕᓯ ᐅᕙᓐᓄᑦ ᐱᓪᓗᒋᑦ, ᑍᒃᑯᐊ ᐊᑯᓐᓇᑦᓯᓐᓃᑦᑐᑦ ᖁᕕᐊᓲᑎᓖᑦ ᐱᐅᔪᕆᓂᕐᖕᒥᒃ ᓄᖑᑎᑦᓱᒫᖅᐸᒃᑲ. ᐃᒻᒥᓂᒃ ᐊᖏᒡᓕᑎᓚᐅᖅᓯᒪᓂᐊᕈᓐᓁᖅᐳᓯ ᖃᖅᑲᖁᑎᓐᓂ ᐃᑦᔪᕐᖕᓁᑦᑐᒥ. 12ᑍᒃᑯᐊ ᐊᒥᐊᒃᑰᑎᓐᓂᐊᖅᐸᒃᑲ ᒥᑭᒡᓕᑎᖅᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᖅᑐᑦ ᐊᑕᓂᐅᑉ ᐊᑎᖓᓂᒃ. 13#ᑕᑯᑎ 14:5.ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᖅᐳᑦ ᓴᒡᓗᓂᐊᕈᓐᓁᖅᐳᓪᓗ, ᐅᖃᖏᑕᓗ ᐅᖃᕐᖕᓂᖅᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᖅᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᖅᐳᑦ ᐱᕙᓪᓕᐊᑦᓯᐊᖅᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᖅᐳᑦ.”
ᖁᕕᐊᓱᖕᓂᕐᖕᒧᑦ ᐃᓐᖏᐅᑦ
14ᐃᓐᖏᕆᑦ, ᓮᐅᓂᐅᑉ ᐸᓂᖓ!
ᕾᒐᓛᕆᑦ ᐃᓴᕆᐊᓖ!
ᖁᕕᐊᓱᒋᑦ ᓯᕆᓗᑎᓪᓗ ᐆᒻᒪᑎᒃᑯᑦ ᐃᓗᖏᖅᑐᖅᓗᑎᑦ,
ᔨᕉᓴᓕᐅᑉ ᐸᓂᖓ!
15ᐊᑕᓂᐅᑉ ᐃᖅᑲᖅᑐᐃᓂᓂ ᐲᖅᑎᒻᒪᒍ,
ᐊᑭᕋᓯᓗ ᐃᒋᓯᒪᖕᒪᒋᑦ.
ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ,
ᐊᑕᓂᖅ, ᐊᑯᓐᓇᑦᓯᓐᓃᑉᐳᖅ;
ᑲᑉᐱᐊᓱᒃᑎᑕᐅᓚᐅᖅᓯᒪᓂᐊᕈᓐᓁᖅᐳᑎᑦ.
16ᑍᑲᓂ ᐅᓪᓗᒥ ᔨᕉᓴᓕᒻ ᐅᖃᐅᑦᔭᐅᔪᒫᖅᐳᖅ,
“ᑲᑉᐱᐊᓱᖏᓪᓗᑎᑦ, ᓮᐅᓂᐅᑉ ᐃᒡᓗᒐᓴᖓ,
ᐊᒡᒐᓯ ᓴᓐᖐᑦᑑᑎᑦᑍᓕᓯᐅᒃ.
17ᐊᑕᓂᐅᑉ ᒎᑎᑦᓯ ᐃᓚᒋᕚᓯ,
ᐊᔪᒐᖃᖏᑦᑐᑐᐊᑉ ᐱᐅᓕᔪᒫᖅᐹᓯ.
ᖁᕕᐊᓲᑎᒋᔪᒫᖅᐹᓯ, ᓂᐸᖏᖅᑎᑦᓱᒫᖅᐹᓯ ᓇᒡᓕᖕᓂᕐᖕᒥᓄᑦ,
ᖁᕕᐊᓲᑎᒋᔪᒫᖅᐹᓯ ᐃᓐᖏᖅᓗᓂ.
18ᕿᒃᓵᖕᓇᖅᑐᑦ ᓇᓪᓕᐅᕐᖕᓂᖅᓯᐅᕐᖕᓃᑦ ᐲᖅᑎᓐᓂᐊᖅᐸᒃᑲ,
ᓯᕘᕋᓵᕈᑎᒋᔭᒃᑲ ᐲᖅᑎᓐᓂᐊᖅᐸᒃᑲ.
19ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ
ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᖅᐸᒃᑲ,
ᑐᓯᐊᑦᑐᑦ ᐱᐅᓕᓂᐊᖅᐸᒃᑲ.
ᑲᑎᑎᑦᓱᒫᖅᐸᒃᑲᓗ ᓯᐊᒻᒪᖅᑎᑕᐅᓯᒪᔪᑦ,
ᑎᓕᔪᒫᖅᐸᒃᑲᓗ ᓂᖅᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᖅᑎᓪᓗᒋᓪᓗ,
ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᖅᑐᑦ.
20ᑍᑲᓂ ᓇᓪᓕᐅᑦᑐᒥ ᐅᑎᖅᑎᑦᓱᒫᖅᐸᑦᓯ!
ᑲᑎᖅᓱᐃᓕᕈᒪᓗ ᓂᖅᑐᕐᖕᓇᖅᓯᑎᑦᓱᒫᖅᐸᑦᓯ
ᖃᐅᔨᒪᔭᐅᑦᓯᐊᖅᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ.
ᑎᒍᔭᐅᓯᒪᔪᑦ ᐅᑎᖅᑎᑦᓱᒫᖅᐸᒃᑲ ᑕᑯᓐᓇᖅᑎᓪᓗᓯ,”
ᐊᑕᓂᖅ ᐅᖃᖅᐳᖅ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.