ᓴᑲᕅᐊᐅᑉ ᐊᒡᓚᖏᑦ 1
1
ᐊᑕᓂᐅᑉ ᐃᓄᖁᑎᒥᓂᒃ ᕾᖁᔨᓂᖓ ᐃᒻᒥᓄᑦ ᐅᑎᖁᓪᓗᒋᑦ
1 #
ᐄᓱᕋ 4:24—5:1; 6:14. ᑍᕉᓯ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᕐᕌᒎᖕᓂᒃ ᒪᕐᕉᖕᓂᒃ, ᑕᖅᑭᓂᒡᓗ ᓯᑕᒪᐅᔪᕐᑐᓂᒃ, ᐊᑕᓂᖅ ᐅᖃᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᓴᑲᕅᐊᒃᑯᑦ ᐱᕆᑬᐊᐅᑉ ᐃᕐᓂᖓᒍᑦ, ᐃᑑᑉ ᐃᕐᖑᑕᖓᒍᑦ, ᐅᖃᕐᓗᓂ, 2ᐊᑕᓂᖅ ᓯᕗᓕᕕᓂᑦᓯᓐᓄᑦ ᓂᓐᖓᐅᒪᕕᒡᔪᐊᓚᐅᕐᐳᖅ. 3ᑕᒪᓐᓇ ᐱᓪᓗᒍ ᐃᓄᐃᑦ ᐅᖃᐅᑎᒃᑭᑦ ᐃᒫᒃ: “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᐅᕙᓐᓄᑦ ᐅᑎᓕᕆᑦᓯ, ᑕᕝᕙ ᐃᓕᑦᓯᓐᓄᑦ ᐅᑎᕐᓂᐊᕆᕗᖓ.” ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, 4“ᓯᕗᓕᕕᓂᑦᓯᑐᑦ ᐱᖁᓐᖏᓚᑦᓯ, ᑍᒃᑯᐊ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐅᖃᕐᕕᐅᕙᓚᐅᕐᐳᑦ ᐃᒫᒃ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑐᕐᓂᕐᓗᒃᑕᑦᓯᓐᓂᑦ ᖃᕿᐊᓕᕆᑦᓯ ᐱᐅᖏᑦᑐᓕᓂᕆᕙᒃᑕᑦᓯᓐᓂᓪᓗ.’ ᑍᒫᒃ ᑐᓴᕋᓗᐊᕋᒥᒃ ᓈᓚᓚᐅᓐᖏᓚᑦ ᒪᓕᒍᒪᓚᐅᓐᖏᓚᓪᓘᓐᓃᑦ. 5ᓇᐅᒡᓕ ᑍᒪ ᓯᕗᓕᕕᓂᕐᓯ? ᓇᐅᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᕕᓂᖏ? ᑍᒃᑯᐊ ᐃᓱᖃᖏᑦᑐᒧᑦ ᐃᓅᕚᑦ? 6ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᑦ, ᐅᖃᐅᑎᕙᓚᐅᕐᐸᒃᑲ, ᒪᓕᒐᒃᓴᓂᒃ ᐃᓂᕐᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᓇᕐᑐᒧᑦ ᑎᑭᖃᑦᑕᓚᐅᕐᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᕐᐳᑦ ᐅᖃᓕᕐᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᕐᐹᑎᒍᑦ ᓱᒋᐊᕐᑕᐅᔭᕆᐊᖃᕐᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᓂᕋᕐᓗᓂ ᐅᖃᕐᓯᒪᒐᒥ.”
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑕᑯᑎᑕᐅᓂᖓ ᕿᒧᒃᓯᐅᑎᒥᒃ
7ᑍᕉᓯᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖓᑕ ᐂᑉᐸᖓᓂ, ᑕᕿᖓᑕᓗ 11ᖓᓂ, (ᑕᖅᑭᖅ ᓯᐹᑎᒥᒃ ᑍᔭᐅᔪᖅ) ᐅᓪᓗᖓᑕᓗ 24ᖓᓂ, ᐊᑕᓂᖅ ᐅᖃᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᓴᑲᕅᐊᒃᑯᑦ, ᐱᕆᑬᐊᐅᑉ ᐃᕐᓂᖓᒍᑦ ᐃᑑᓪᓗ ᐃᕐᖑᑕᖓᒍᑦ. 8#ᑕᑯᑎ 6:4; ᑕᑯᑎ 6:2.ᐅᓐᓄᐊᒃᑯᑦ ᑕᑯᑎᑕᐅᓪᓗᖓ, ᑕᑯᕗᖓ ᐂᖏᓕᒥᒃ ᕿᒻᒥᕐᔪᐊᒥ ᐊᐅᐸᕐᑐᒥ ᐃᑭᒪᔪᒥᒃ, ᓄᖅᑲᖓᓪᓗᓂᓗ ᓇᐹᕐᑐᐃᑦ ᒨᕐᑐᓂᒃ ᐊᑎᖃᕐᑐᑦ ᓇᕐᓴᒦᑐᑦ ᐊᑯᓐᓂᖓᓐᓂ, ᑐᓄᐊᓃᑦᑐᖃᕆᕗᖅ ᕿᒻᒥᕐᔪᐊᓂᒃ ᐊᓯᖏᓐᓂᒃ, ᕿᒻᒥᕐᔪᐊᓂᒃ ᐊᐅᐸᕐᑐᓂᒃ, ᕿᒻᒥᕐᔪᐊᓂᒡᓗ ᖁᑦᔪᕐᓂᒃ, ᕿᒻᒥᕐᔪᐊᓂᒡᓗ ᐅᑭᓕᕆᐊᓂᒃ. 9ᐊᐱᕆᕗᖓᓗ, “ᐊᑕᓃᖅ, ᓱᓁᓄᑯᐊ?”
ᐂᖏᓪᓕᐅᑉᓗ ᐅᖃᓪᓚᖃᑎᒋᔭᒪ ᑭᐅᕚᖓ “ᓱᓇᒥᒃ ᑐᑭᖃᕐᒪᖔᑕ ᖃᐅᔨᑎᓐᓂᐊᕐᐸᒋᑦ.” 10ᐊᖑᓪᓗ ᓇᐹᕐᑐᑦ ᒨᕐᑐᐃᑦ ᐊᑯᓐᓂᖓᓃᑦᑐᖅ ᐃᒫᒃ ᓇᓗᓁᕐᓯᕗᖅ “ᐅᑯᐊ ᐊᑕᓂᐅᑉ ᓄᓇᕐᔪᐊᓕᒫᒧᑦ ᑎᓕᓯᒪᔭᖏᑦ ᖃᐅᔨᓴᕆᐊᕐᑐᖁᓪᓗᒋᑦ.”
11ᑖᒃᑯᐊᓗ ᕿᒻᒥᕐᔪᐊᒦᑦᑐᑦ ᐅᓂᒃᑳᕐᐳᑦ ᐊᑕᓂᐅᑉ ᐂᖏᓕᖓᓄᑦ, ᓇᐹᕐᑐᑦ ᒨᕐᑐᓂᒃ ᑍᔭᐅᔪᑦ ᐊᑯᓐᓂᖓᓃᑦᑐᒧᑦ, ᐅᖃᕐᓗᑎᒃ, “ᓄᓇᕐᔪᐊᕐᒥᒃ ᓈᔧᔭᕇᕐᐳᒍᑦ, ᖃᐅᔨᓪᓗᑕᓗ ᓄᓇᕐᔪᐊᕐᒥᐅᑦ ᓄᖅᑲᖓᖕᒪᑕ ᓮᓕᑦᓯᐊᕐᒪᑕᓗ.”
12ᐊᑕᓂᐅᑉ ᐂᖏᓕᖓ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ? ᓂᑲᒍᓱᖕᓂᐊᓐᖏᓚᑎ ᔨᕉᓴᓕᒻᒥᒃ, ᔫᑕᒥᓗ ᓄᓇᖃᕐᑐᓂᒃ, ᑖᒃᑯᐊ ᐊᕐᕌᒍᓂᒃ 70ᓂᒃ ᓂᓐᖓᒡᕕᒋᓯᒪᒐᕕᒋᑦ.”
13ᑍᒤᒻᒪᑦ ᐊᑕᓂᖅ ᐅᖃᕐᐳᖅ ᐂᖏᓕᒧᑦ ᐅᖃᖃᑎᒋᔭᓐᓄᑦ, ᐱᑦᓯᐊᕐᑐᓂᒃ ᓮᒪᓇᕐᑐᓂᒡᓗ ᐅᖃᐅᓯᖃᕐᓗᓂ. 14ᐂᖏᓕᓗ ᐅᕙᓐᓂᒃ ᐅᖃᖃᑎᖃᕐᑐᖅ ᐃᒫᒃ ᐅᖃᕐᐳᖅ, “ᐃᒫᒃ ᓂᓪᓕᐊᑦᔪᑎᖃᕆᑦ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ‘ᔨᕉᓴᓕᒻ ᓮᐅᓂᓗ ᐊᒃᓱᐊᓗᒃ ᓯᖕᓇᒋᕚᒃᑲᒃ. 15ᐊᒃᓱᒻᒪᕆᐊᓗᒃ ᓂᓐᖓᐅᒪᕕᖃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᓂ ᓮᓕᓇᕐᑐᒦᑦᑐᓂᒃ. ᓂᓐᖓᐅᒪᓗᐊᓚᐅᓐᖏᒃᑲᓗᐊᕐᐳᖓ ᐃᓄᖁᑎᓐᓄᑦ, ᔫᑎᐅᖏᑦᑐᓪᓕ ᐅᖁᒤᒃᓴᕐᑎᑦᓯᕙᓪᓕᐊᓚᐅᕐᐳᑦ ᑖᒃᑯᓂᖓ. 16ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑍᒤᒻᒪᑦ ᔨᕉᓴᓕᒧᑦ ᐅᑎᓕᕐᐳᖓ ᑕᕝᕙᓂ ᓄᓇᖃᕐᑐᑦ ᓂᑲᒍᓱᖕᓂᓐᓂᒃ ᑕᑯᖁᓪᓗᒋᑦ, ᑐᒃᓯᐊᕐᕕᒡᔪᐊᖁᑎᒐ ᓴᓇᔭᐅᒃᑲᓐᓂᕐᓂᐊᕐᐳᖅ ᐃᒡᓗᒐᓴᒡᔪᐊᓪᓗ ᓴᓇᔭᐅᖕᒥᓗᑎᒃ.
17“‘ᐂᖏᓕᐅᓪᓗ ᑖᑦᓱᒪ ᐅᖃᐅᑎᕚᖓ ᐅᖃᖁᓪᓗᖓ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖓ ᐊᔪᕐᓴᕈᓐᓁᕈᒫᕆᕗᖅ ᐊᑕᓂᐅᓪᓗ ᓮᐅᓂ ᓮᒻᒪᕐᑎᓕᕈᒫᕆᕚ ᔨᕉᓴᓕᒻᓗ ᓇᖕᒥᓂᕆᓂᕋᓕᕐᓗᓂᒋᑦ.’”
ᓇᒡᔪᖕᓂᒃ ᑕᑯᑎᑕᐅᓂᖅ ᖃᓄᖅ ᑐᑭᖃᕐᒪᖔᑦ
18ᖁᒻᒧᑦ ᑕᑯᓴᕋᒪ ᑕᑯᕗᖓ ᓇᒡᔪᖕᓂᒃ ᓯᑕᒪᓂᒃ. 19ᐊᐱᕆᕗᖓᓗ ᐂᖏᓕᒧᑦ ᐅᖃᓪᓚᒡᕕᒋᔨᓐᓄᑦ, “ᐅᑯᐊ ᓇᒡᔪᐃᑦ ᓱᓇᒥᒃ ᑐᑭᖃᕐᐸᑦ?”
ᑖᓐᓇᓗ ᑭᐅᕗᖅ, “ᐅᑯᐊ ᑐᑭᖃᕐᑐᑦ ᓯᓚᕐᔪᐊᕐᒥᐅᑦ ᐱᔪᓐᓇᕐᓂᖏᓐᓂᒃ, ᓯᐊᒻᒪᒃᑎᑦᓯᓯᒪᓂᖏᓐᓂᒡᓗ ᐃᓄᖕᓂᒃ ᔫᑕᒥ ᓄᓇᖃᕐᑐᓂᒃ, ᐃᓴᕆᐊᓕᒥᓗ ᓄᓇᖃᕐᑐᓂᒃ, ᔨᕉᓴᓕᒥᐅᓂᒡᓗ.” 20ᐊᒻᒪ ᓱᓕ ᐊᑕᓂᐅᑉ ᑕᑯᑎᒃᑭᕚᖓ ᓯᑕᒪᓂᒃ ᐃᒡᓗᓕᐅᕐᑎᓂᒃ. 21ᐊᐱᕆᕗᖓᓗ, “ᐊᖑᑎᑦ ᐅᑯᐊ ᓱᓇᒥ ᑕᒪᐅᖓ ᓴᓇᔭᕐᑐᕐᓯᒪᕙᑦ?”
ᑭᐅᕚᖓ, “ᐅᑯᐊ ᑕᕝᕙ ᑲᑉᐱᐊᓱᒃᑎᑦᓯᔭᕐᑐᕐᑐᑦ ᓵᓚᖃᕆᐊᑐᕐᓗᑎᒡᓗ ᐃᓅᖃᑎᒌᒡᔪᐊᓂᒃ ᓵᓚᖃᕐᓯᒪᔪᓂᒃ ᓯᐊᒻᒪᒃᑎᑦᓯᓯᒪᔪᓂᒃ ᔫᑕᒥ ᓄᓇᖃᕐᑐᓂᒃ.”
Currently Selected:
ᓴᑲᕅᐊᐅᑉ ᐊᒡᓚᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
