ᑍᑑᓯᒧᑦ 1
1
ᐱᒋᐊᕈᑎᖏᑦ
1ᐸᐅᓗᓯᒥᑦ, ᒎᑎᐅᑉ ᐱᔨᖓᓂᑦ ᔩᓱᓯᐅᓪᓗ ᙭ᔅᑑᓯᐅᑉ ᐋᐴᓯᑕᓕᖓᓂᑦ, ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓱᓕᔪᒥᒡᓗ ᖃᐅᔨᓯᒪᔪᓄᑦ ᐊᑕᐅᓯᐅᓕᖓᑎᑦᓯᔪᒧᑦ ᐅᒃᐱᕐᓂᑦᑎᓐᓄᓪᓗ. 2ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ, 3ᓇᓪᓕᐅᓐᓂᕐᒥᓗ ᓈᒻᒪᓈᑦᓯᐊᓕᕐᑎᓪᓗᒍ ᓇᓗᓁᓚᐅᕐᐹ ᐅᖃᐅᓯᕐᒥᒍᑦ ᑕᒪᑐᒥᖓᓗ ᐱᖁᔭᐅᕗᖓ ᐊᔪᕆᕐᑐᐃᖁᓪᓗᖓ ᒎᑎᐅᑉ ᐱᐅᓕᔨᑦᑕ ᐱᖁᔨᓂᖓᒍᑦ.
4 #
2 ᑯᕆᓐᑎ 8:23; ᒐᓔᑎ 2:3; 2 ᑎᒧᑎ 4:10. ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ.
ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.
ᑍᑑᓯᐅᑉ ᐱᓇᓱᐊᕐᓂᖓ ᕿᑭᕐᑕᒥ ᑯᕇᑦᒥ
5ᑍᒤᒻᒪᑦ ᕿᑭᕐᑕᒥᐅᓄᑦ ᑯᕇᑎᒧᑦ ᕿᒪᓚᐅᕐᐸᒋᑦ, ᐱᓇᓱᐊᒃᑲᓐᓂᕆᐊᓕᖕᓂᒃ ᐋᖅᑭᒃᓱᐃᖁᓪᓗᑎᑦ, ᐅᒃᐱᕐᑑᖃᑎᒌᒃᑐᓂᓗ ᓯᕗᓕᕐᑎᐅᓂᐊᕐᑐᓂᒃ ᑎᓕᓯᖁᓪᓗᑎᑦ ᓄᓇᓕᓕᒫᓂ ᑍᒫᒃ ᐱᖁᓚᐅᕋᒃᑭᑦ, 6#1 ᑎᒧᑎ 3:2-7.ᐅᒃᐱᕐᑑᖃᑎᒌᓂ ᓯᕗᓕᕐᑎ ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ, ᐊᑕᐅᓯᕐᒥᒃ ᓄᓕᐊᖃᕐᓗᓂ, ᕿᑐᕐᖓᖏᓪᓗ ᐅᒃᐱᕐᑑᓗᑎᒃ ᓇᒻᒪᓐᖏᑦᑐᓂᒃ ᐱᓇᓱᐊᕐᑐᓂᒃ ᐱᖃᑕᐅᕙᓐᖏᑦᑐᓂᒃ ᓈᓚᑦᓯᐊᕈᓐᓇᕐᓗᑎᒡᓗ. 7ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᑲᒪᔨᐅᒐᒥ ᒎᑎᐅᑉ ᐱᓇᓱᐊᕐᓂᖓᓄᑦ, ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ; ᐱᔪᒪᔭᑐᐃᓐᓇᕐᒥᓂᒃ ᐱᓇᓱᐊᕐᑐᒃᓴᐅᒃᖏᓚ ᓂᓐᖓᒃᓴᕅᑦᑐᒃᓴᐅᓇᓂᓗ, ᐋᖓᔮᕐᑎᐅᔪᒃᓴᐅᓐᖏᓚᖅ, ᐃᓕᕋᓇᕋᓱᐊᕐᑎᐅᓇᓂᓗ ᐱᔪᒪᓗᐊᕐᓂᕐᒧᑦ ᑮᓇᐅᔭᕐᓂᐊᕐᑐᒃᓴᐅᓐᖏᓚᖅ. 8ᓯᓂᒃᑕᕐᕕᐅᔪᓐᓇᕐᓗᓂ, ᐱᐅᔪᒥᒃ ᖁᕕᐊᒋᔭᖃᕐᓗᓂ, ᐃᒻᒥᓂᒃ ᐊᐅᓚᑦᓯᐊᕈᓐᓇᕐᓗᓂ, ᐃᓅᓯᕐᒥᒍᑦ ᒪᑭᑕᑦᓯᐊᕐᓗᓂ, ᐃᑦᔪᕐᓁᓪᓗᓂ, ᐃᓅᓯᕐᒥᓂᒃ ᐱᓯᒪᑦᓯᐊᕈᓐᓇᕐᓗᓂ; 9ᐅᖃᐅᓰᑦ ᐊᔪᕆᕐᑑᑕᐅᕙᒃᑐᖅ ᑐᑭᓯᐅᒪᑦᓯᐊᕐᓗᒋᑦ ᐱᔭᕆᐊᖃᕐᐳᖅ, ᑕᕝᕙ ᑍᒤᓕᐅᕐᓗᓂ ᐃᓅᖃᑎᒥᓂᒃ ᑲᔪᖏᕐᓮᑦᓯᐊᕈᓐᓇᕋᔭᕐᐳᖅ ᐊᔪᕆᕐᑐᐃᓂᕐᒧᑦ ᓱᓕᔪᒧᑦ ᓇᓗᓁᕐᓯᔪᓐᓇᕐᓗᓂᓗ ᑕᒪᑐᒥᖓ ᐊᑭᕋᕐᑐᕐᑐᑦ ᑕᒻᒪᕐᓂᖏᓐᓂᒃ.
10ᐅᓄᕐᒪᑕ ᐊᑭᕋᕐᑐᕐᑐᑦ ᑕᒪᑐᒥᖓ, ᐊᓯᒥᖕᓂᒃ ᓱᓕᒐᑎᒃ ᐅᖃᐅᓯᕐᓄᑦ ᑕᒻᒪᕐᑎᑦᓯᔪᑦ, ᑭᐱᓯᒪᔪᑦ ᐱᓗᐊᕐᓗᒋᑦ; 11ᐅᖃᓪᓚᖃᑦᑕᕐᓂᖏᑦ ᓄᖅᑲᕐᑎᑕᐅᔭᕆᐊᖃᕐᐳᑦ, ᐃᒡᓗᒥᐅᖃᑎᒌᓂᒃ ᐃᓚᒌᑦᓯᐊᕈᓐᓃᕐᑎᑦᓯᖕᒪᑕ ᐊᔪᕆᕐᑐᐃᓂᕐᒥᖕᓄᑦ ᑮᓇᐅᔭᓕᐅᕈᑎᖃᕋᓱᐊᕐᑐᑦ ᐊᔪᕆᕐᑐᐃᑦᔪᑎᒃᓴᐅᖏᑦᑐᓂᒃ ᐱᓇᓱᐊᕐᓗᑎᒃ. 12ᑖᒃᑯᐊ ᑯᕇᑕᒥᐅᑦ ᐃᓚᖓᑦ, ᓇᖕᒥᓂᖅ ᓇᓚᐅᑦᑍᔪᖁᑎᖓᑦ ᓱᓕᓪᓗᓂ ᐅᖃᓚᐅᕐᐳᖅ, “ᑯᕇᑕᒥᐅᑦ ᓴᒡᓗᑐᔪᕗᑦ, ᓇᒡᓕᖕᓂᖃᕋᑎᒃ, ᐃᕿᐊᑕᐅᓪᓗᑎᒡᓗ, ᓂᕆᔪᐊᓗᑐᐃᓐᓁᑦ.” 13ᑍᒤᒻᒪᑦ ᐊᒃᓱᕉᑎᓗᒋᑦ ᐃᓂᕐᑎᒻᒪᕆᒋᐊᖃᕐᐸᑎᑦ, ᓱᓕᔪᒥᒃ ᐅᒃᐱᕐᓂᖃᑦᓯᐊᖁᓪᓗᒋᑦ. 14ᔫᑎᑦ ᐅᓂᒃᑳᕐᑐᐊᖏᓐᓂᒃ ᑐᓐᖓᕕᖃᕈᓐᓃᕐᓗᑎᒃ, ᐃᓄᑐᐃᓐᓁᓪᓗ ᐋᖅᑭᒃᓯᒪᔭᖏᓐᓂᒃ ᓱᓕᓂᕐᒥᒃ ᖁᔭᓈᕐᓯᓯᒪᔪᓂᒃ. 15ᓱᓇᓕᒫᑦ ᐃᑦᔪᕐᓁᑉᐳᑦ ᐃᒻᒥᖕᓂᒃ ᐃᑦᔪᕐᓁᑎᑦᑐᓄᑦ, ᓇᕐᕈᓇᕐᑐᓕᔪᓄᓪᓕ ᐅᒃᐱᖏᑦᑐᓄᓪᓗ ᓱᓇᓕᒫᑦ ᐃᑦᔪᕐᓁᑦᑐᖃᓐᖏᓚᑦ; ᐃᓱᒪᖏᑦ ᐃᒃᐱᒋᓂᖏᓪᓗ ᓱᒃᑯᑕᐅᓯᒪᖕᒪᑕ. 16ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.
Currently Selected:
ᑍᑑᓯᒧᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
