ᔪᐊᓇᓯᐅᑉ ᑕᑯᑎᑕᐅᓂᖏᑦ 21

ᕿᓚᒃ ᓄᑖᖅ ᓄᓇᓗ ᓄᑖᖅ

1 # ᐂᓮᐊᓯ 65:17; 66:22; 2 ᐲᑦᑐᕉᓯ 3:13. ᑕᕝᕙ ᑕᑯᒋᕗᖓ ᕿᓚᖕᒥᒃ ᓄᑖᒥᒃ ᓄᓇᒥᒡᓗ ᓄᑖᒥᒃ; ᕿᓚᒃ ᓯᕗᓪᓕᖅ ᓄᓇᓗ ᓯᕗᓪᓕᖅ ᑕᒪᕐᒥᒃ ᐱᑕᖃᕈᓐᓃᕐᐳᒃ, ᐃᒪᕐᔪᐊᕐᓗ ᐱᑕᖃᕈᓐᓃᕆᕗᖅ. 2#ᐂᓮᐊᓯ 52:1; ᑕᑯᑎ 3:12; ᐂᓮᐊᓯ 61:10.ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ. 3#ᐃᓯᑭᐊᓕ 37:27; ᒨᓯᓯ ᐱᖓᔪᖏᑦ 26:11,12.ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ. 4#ᐂᓮᐊᓯ 25:8; ᐂᓮᐊᓯ 35:10; 65:19.ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”

5ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕙᔪᖅ ᐅᖃᕐᐳᖅ, “ᑕᑯᒋᑦ ᓱᓇᓕᒫᓂᒃ ᓄᑖᓐᖑᕐᑎᑦᓯᕗᖓ.” ᐅᖃᒃᑲᓐᓂᕐᐳᕐᓗ, “ᐅᑯᐊ ᑎᑎᕋᒃᑭᑦ, ᐅᖃᐅᓰᑦ ᑖᒃᑯᐊ ᐅᒃᐱᕆᔭᒃᓴᐅᕗᑦ ᓱᓕᓪᓗᑎᒡᓗ.” 6#ᐂᓮᐊᓯ 55:1.ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ. 7#ᓴᒧᐃᓕ ᐂᑉᐸᖏᑦ 7:14; ᐃᓐᖏᕈᑦ 89:26,27.ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ. 8ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔨᕉᓴᓕᒻ ᓄᑖᖅ

9ᐂᖏᓖᓪᓗ 7ᐅᓚᐅᕐᑐᑦ ᖃᓪᓗᑎᓂᒃ 7ᓂᒃ ᑎᒍᒥᐊᕐᓗᑎᒃ ᑲᑉᐱᐊᓇᕐᑐᕐᔪᐊᓂᒃ 7ᓂᒃ ᐃᒪᖃᕐᑐᓂᒃ, ᐃᓚᖓᑦᑕ ᕾᓪᓗᓂ ᐅᖃᐅᑎᕚᖓ, “ᕾᒋᑦ, ᓄᓕᐊᒃᓴᒥᒃ ᑕᑯᑎᓐᓂᐊᕋᒃᑭᑦ, ᓄᕐᕋᐅᔭᐅᑉ ᓄᓕᐊᒃᓴᖓᓂᒃ.” 10#ᐃᓯᑭᐊᓕ 40:2.ᐊᓂᕐᓂᒃᑯᓪᓗ ᐊᐅᓪᓚᕈᑎᕚᖓ ᖃᖅᑲᕐᔪᐊᕐᒧᑦ, ᐳᕐᑐᔪᕐᔪᐊᒧᑦ, ᑕᑯᑎᑉᐹᖓᓗ ᔨᕉᓴᓕᒥᒃ ᐃᑦᔪᕐᓁᑦᑐᓂᒃ ᐃᒡᓗᒐᓴᒡᔪᐊᓂᒃ ᕿᓚᖕᒥᑦ ᐊᖅᑲᕐᑐᓂᒃ ᒎᑎᒥᑦ, 11ᒎᑎᐅᓪᓗ ᐱᓐᓇᕐᓇᕐᓂᕐᔪᐊᖓᓄᑦ ᖃᐅᒪᕗᑦ, ᕿᓪᓕᕐᐳᑦ ᐅᔭᕋᒃᑎᑐᑦ ᐱᐅᓂᕐᐹᑎᑐᑦ, ᔮᓯᐸᕆᑐᑦ,#21:11 ᔮᓯᐸᕆ ᐅᔭᕋᒃ ᓯᑎᔪᖅ ᐱᐅᔪᐊᓗᒃ ᐊᓕᒍᕐᑎᑐᓪᓗ ᕿᓪᓚᕆᒃᑐᑎᑐᑦ. 12#ᐃᓯᑭᐊᓕ 48:30-35.ᐳᕐᑐᔪᒥᒃ ᐊᖏᔪᕐᔪᐊᒥᒡᓗ ᐊᕙᓗᕐᔪᐊᖃᕐᐳᖅ, 12ᓂᒃ ᐃᑎᕐᑕᕐᕕᖃᕐᓗᑎᒃ, ᐃᑎᕐᑕᕐᕕᖏᓪᓗ ᐂᖏᓕᑕᖃᕐᐳᑦ 12ᓂᒃ, ᐃᑎᕐᑕᕐᕖᓪᓗ ᐃᓴᕆᐊᓕᒥᐅᑦ ᑭᖑᕚᖏᑕ ᐊᑎᖏᓐᓂᒃ 12ᓂᒃ ᑎᑎᕋᕐᕕᒋᓯᒪᕗᑦ. 13ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐃᑎᕐᑕᕐᕖᑦ ᐱᖓᓲᕗᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᑎᕐᑕᕐᕖᑦ ᐱᖓᓲᕗᑦ, ᐅᓪᓗᓪᓗᐊᑉ ᓇᓛᓃᑦᑐᑦ ᐃᑎᕐᑕᕐᕖᑦ ᐱᖓᓲᕗᑦ, ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐃᑎᕐᑕᕐᕖᑦ ᐱᖓᓲᒋᕗᑦ. 14ᐃᒡᓗᒐᓴᒡᔪᐊᓪᓗ ᐊᕙᓗᕐᔪᐊᖓ ᑐᓐᖓᕕᖃᕐᐳᖅ 12ᓂᒃ, ᑐᓐᖓᕕᖏᓪᓗ ᑎᑎᕋᕐᓯᒪᒋᕗᑦ ᓄᕐᕋᐅᔭᐅᑉ ᐋᐴᓯᑕᓕᖏᑕ ᐊᑎᖏᓐᓂᒃ 12ᓂᒃ.

15 # ᐃᓯᑭᐊᓕ 40:3. ᐂᖏᓕᓗ ᐅᕙᓐᓄᑦ ᐅᖃᓪᓚᒃᑐᖅ ᐆᒃᑐᕋᐅᑎᖃᕐᐳᖅ ᒎᓗᒥᒃ ᑕᒪᑐᒧᖓ ᐃᒡᓗᒐᓴᒡᔪᐊᑦ ᐆᒃᑐᕋᕐᐰᑦ ᐃᑎᕐᑕᕐᕕᖏᑦ ᐊᕙᓗᕐᔪᐊᖏᓪᓗ. 16ᐃᒡᓗᒐᓴᒡᔪᐊᓪᓗ ᓯᒃᑭᑕᓪᓗᐊᑦᓯᐊᖑᕗᑦ, ᑕᑭᓂᖓᓗ ᓯᓕᖕᓂᖓᓗ ᐊᑦᔨᒌᒃᐳᒃ; ᐃᒡᓗᒐᓴᒡᔪᐊᓪᓗ ᐆᒃᑐᕋᐅᑎᒥᓄᑦ ᐆᒃᑐᕋᕐᒪᒍ, ᑕᑭᓂᖃᕐᐳᖅ 1,500ᒤᓕᓂᒃ.#21:16 2,400ᑭᓛᒥᑕᓂᒃ ᓯᓕᖕᓂᖓᓗ ᑕᑭᓂᖓᓗ ᐳᕐᑐᓂᖓᓗ ᑕᒪᕐᒥᒃ ᐊᑦᔨᒌᒃᐳᑦ. 17ᐂᖏᓕᐅᓪᓗ ᐊᕙᓗᕐᔪᐊᖅ ᐆᒃᑐᕋᕆᕚ, ᐃᑎᒐᖕᓂᒃ 216ᓂᒃ ᐃᑦᔪᓂᖃᕐᐳᖅ, ᐆᒃᑐᕋᐅᓯᐅᕙᒃᑐᑦ ᒪᓕᒡᓗᒋᑦ#21:17 ᐅᕝᕙᓗ ᑕᓕᕐᑐᑦ ᐃᒡᓗᐃᓐᓇᕐᑐᑦ 144ᓂᒃ ᐃᑦᔪᓂᖃᕐᐳᖅ ᐂᖏᓕᐅᑉ ᐆᒃᑐᕋᕐᒪᒍ. 18#ᐂᓮᐊᓯ 54:11,12.ᐊᕙᓗᕐᔪᐊᕐᓗ ᔮᓯᐸᕆᐅᕗᖅ,#21:18 ᔮᓯᐸᕆ ᐅᔭᕋᒃ ᓯᑎᔪᖅ ᐱᐅᔪᐊᓗᒃ ᐃᒡᓗᒐᓴᒡᔪᐊᓪᓗ ᒎᓗᐃᓐᓇᐅᕗᑦ, ᐊᓕᒍᕐᑎᑐᓪᓗ#21:18 ᐅᕝᕙᓗ ᐃᒐᓛᑎᑐᓪᓗ ᑕᑯᒃᓴᐅᑦᓯᐊᕐᓇᕐᑎᒋᓪᓗᑎᒃ. 19ᐊᕙᓗᕐᔪᐊᓪᓗ ᑐᓐᖓᕕᖏᑦ ᐱᐅᓴᕐᓯᒪᕗᑦ ᐅᔭᕋᖕᓄᑦ ᐱᐅᔪᐊᓗᖕᓄᑦ; ᓯᕗᓪᓕᕐᐹᖅ ᑐᓐᖓᕕᖓ ᔮᓯᐸᕆᐅᕗᖅ, ᑐᖓᓕᖓ ᓴᐰᕋᐅᕗᖅ, ᐱᖓᔪᖓᑦ ᐊᒊᑎᐅᕗᖅ,#21:19 ᐊᒊᑎ ᑕᕐᓴᖏᑦ ᐊᑦᔨᒌᖏᑦᑐᑦ ᓯᑎᔪᐊᓗᒃ ᓯᑕᒪᖓᑦ ᐃᒪᕆᐅᓪᑎᐅᕗᖅ, 20ᑕᓪᓕᒪᖓᑦ ᓴᕐᑑᓂᒃᓯᐅᕗᖅ, ᐱᖓᓲᔪᕐᑐᖓᑦ ᑳᕐᓃᓕᐊᖑᕗᖅ, 7ᖓᑦ ᑯᕌᓱᓔᑎᐅᕗᖅ, ᓯᑕᒪᐅᔪᕐᑐᖓᑦ ᐱᕅᓕᐅᕗᖅ, 9ᖓᑦ ᑑᐹᑦᓯᐅᕗᖅ, ᖁᓕᖓᑦ ᑯᕅᓱᐸᕅᓯᐅᕗᖅ, 11ᖓᑦ ᔮᓯᓂᑎᐅᕗᖅ, 12ᖓᑦ ᐋᒥᑎᔅᑎᐅᕗᖅ. 21ᐃᑎᕐᑕᕐᕕᖏᓪᓗ 12 ᓴᐸᖓᒃᓴᔭᐅᕗᑦ ᐃᒫᓂᑦ ᐱᓯᒪᔪᑦ, ᐃᑎᕐᑕᕐᕖᑦ ᐊᑐᓂᑦ ᐊᑕᐅᓯᕐᒥᑦ ᓴᐸᖓᒃᓴᔭᒥᑦ ᓴᓇᓯᒪᓪᓗᑎᒃ, ᐃᒡᓗᒐᓴᒡᔪᐊᓪᓗ ᐊᖅᑯᑎᖏᑦ ᒎᓘᕗᑦ ᐃᓚᓯᒪᓇᑎᒃ, ᐊᓕᒍᕐᑎᑐᑦ#21:21 ᐅᕝᕙᓗ ᐃᒐᓛᑎᑐᑦ ᑕᑯᒃᓴᐅᓇᑦᓯᐊᕐᓗᑎᒃ.

22ᐃᒡᓗᒐᓴᒡᔪᐊᓂᓗ ᑕᕝᕙᓂ ᑐᒃᓯᐊᕐᕕᒡᔪᐊᕐᒥᒃ ᑕᑯᓐᖏᓚᖓ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ ᓄᕐᕋᐅᔭᕐᓗ ᑐᒃᓯᐊᕐᕕᒡᔪᐊᕆᔭᐅᖕᒪᑦ. 23#ᐂᓮᐊᓯ 60:19,20.ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ. 24#ᐂᓮᐊᓯ 60:3.ᐃᓄᒐᓴᒡᔪᐊᑦ ᑖᑦᓱᒪ ᖃᐅᒪᑎᑦᓯᓂᖓᒍᑦ ᐃᓅᔪᒫᕐᐳᑦ; ᓄᓇᕐᔪᐊᕐᒥᐅᓪᓗ ᐊᖓᔪᖅᑳᕐᔪᐊᖏᑕ ᐱᓐᓇᕐᓇᕐᑐᖁᑎᑎᒃ ᑕᕝᕗᓐᖓᐅᑎᔪᒫᕐᐰᑦ. 25#ᐂᓮᐊᓯ 60:11.ᐃᑎᕐᑕᕐᕕᖏᓪᓗ ᐅᒃᑯᐊᓚᐅᕐᓯᒪᓂᐊᓐᖏᓚᑦ ᐅᓪᓗᒃᑯᑦ; ᑕᕝᕙᓂᓗ ᐅᓐᓄᐊᖃᕈᒫᕋᓂ; 26ᐃᓅᖃᑎᒌᒡᔪᐊᑦ ᐱᓐᓇᕐᓇᕐᓂᑎᒃ ᐅᐱᓐᓇᕐᓂᑎᒡᓗ ᑕᕝᕗᖓ ᓇᒃᓴᕈᒫᕐᐰᑦ. 27#ᐂᓮᐊᓯ 52:1; ᐃᓯᑭᐊᓕ 44:9.ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.

Currently Selected:

ᔪᐊᓇᓯᐅᑉ ᑕᑯᑎᑕᐅᓂᖏᑦ 21: EAIB

Highlight

Copy