ᐃᓐᖏᕈᑎᑦ 98
98
ᐊᑕᓂᕐᒥᒃ ᓂᕐᑐᐃᓂᖅ ᐱᐅᓕᒃᓯᓂᖓ ᐋᖅᑭᒃᓱᐃᓂᖓᓗ ᐱᓪᓗᒋᑦ
ᐃᓐᖏᕈᓯᖅ
1ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ;
ᑖᓐᓇ ᐊᖏᔪᒥᒃ ᑲᒪᓇᕐᑐᓕᓯᒪᖕᒪᑦ!
ᑕᓕᕐᒥᓄᑦ ᑕᓕᕐᐱᖕᒥᓄᓪᓗ ᐃᑦᔪᕐᓁᑦᑐᒧᑦ ᓵᓚᖃᕐᐳᖅ.
2ᐊᑕᓂᐅᑉ ᓵᓚᖃᕐᓂᓂ ᖃᐅᔨᔭᐅᑎᑉᐹ,
ᐱᐅᓕᒃᓯᓂᓂᓗ ᓴᖅᑭᑎᑉᐹ ᐃᓅᖃᑎᒌᒡᔪᐊᓄᑦ.
3ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ
ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ;
ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.
4ᓄᓇᕐᔪᐊᕐᒥᐅᓕᒫᖑᔪᓯ ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ;
ᐃᓐᖏᕆᑦᓯ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓗᓯ ᓂᕐᑐᐃᓗᓯᓗ!
5ᐃᓐᖏᕐᓗᓯ ᐊᑕᓂᖅ ᓂᕐᑐᕐᓯᐅᒃ ᑯᑭᑦᑕᐸᐅᑎᓄᑦ ᓔᕆᓄᑦ,
ᑯᑭᑦᑕᐹᓄᑦ ᓔᕆᓄᑦ ᐃᓐᖏᕐᓂᕐᒧᓪᓗ ᑐᓴᕐᓂᕐᑐᓄᑦ!
6ᑎᑦᑐᓚᐅᑎᓄᑦ ᓱᐴᒐᕐᓄᓪᓗ ᓇᒡᔪᕕᓂᕐᓄᑦ
ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ ᐊᖓᔪᖅᑳᕐᔪᐊᖅ, ᐊᑕᓂᖅ!
7ᐃᒪᕕᒃ ᐃᒃᑐᑑᕐᓕ, ᐃᒪᕕᖕᒥᐅᑕᓕᒫᓪᓗ:
ᓄᓇᕐᔪᐊᖅ, ᓄᓇᕐᔪᐊᕐᒥᐅᑕᓕᒫᓪᓗ!
8ᑰᑦ ᐃᖏᕐᕋᓂᖏᑦ ᐸᑦᑕᒃᑐᕐᓕᑦ;
ᖃᖅᑬᑦ ᐊᑕᐅᑦᓯᒃᑯᑦ ᐃᓐᖏᕐᓕᑦ ᖁᕕᐊᓱᒡᓗᑎᒃ ᐊᑕᓂᐅᑉ ᓵᖓᓂ,
9ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ.
ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ,
ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.
Currently Selected:
ᐃᓐᖏᕈᑎᑦ 98: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
