ᐃᓐᖏᕈᑎᑦ 96
96
ᓄᑖᒥᒃ ᐃᓐᖏᕈᑎᖃᕐᓂᖅ ᐊᑕᓂᕐᒧᑦ
ᑯᕉᓂᑲ ᓯᕗᓪᓖᑦ 16:23-33
1ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ;
ᓄᓇᕐᔪᐊᕐᒥᐅᓕᒫᑦ ᐊᑕᓂᖅ ᐃᓐᖏᕐᕕᒋᓯᐅᒃ!
2ᐊᑕᓂᖅ ᐃᓐᖏᕐᕕᒋᓯᐅᒃ, ᐊᑎᖓ ᓂᕐᑐᕐᓗᒍ;
ᐱᐅᓕᔭᐅᕕᒃᓴᖃᕐᑎᑦᓯᓂᖓ ᑐᓴᕈᒥᓇᕐᑐᖅ ᖃᐅᑕᒫᑦ ᐅᖃᐅᑎᒋᓯᐅᒃ.
3ᑖᑦᓱᒪ ᓂᕐᑐᕐᓇᕐᓂᖓ ᐃᓅᖃᑎᒌᒡᔪᐊᓄᑦ ᐅᖃᐅᑎᒋᓯᐅᒃ,
ᑲᒪᓇᕐᑐᓕᓂᖏᓪᓗ ᐃᓅᖃᑎᒌᒡᔪᐊᓕᒫᓄᑦ!
4ᐊᑕᓂᖅ ᐊᖏᔫᖕᒪᑦ, ᐊᖏᔪᒥᒃ ᓂᕐᑐᕐᑕᐅᔪᒃᓴᐅᕗᖅ;
ᓯᕘᕋᒋᔭᐅᔪᒃᓴᐅᕗᖅ ᐊᖏᓂᕐᓴᒥᒃ ᒎᑎᒋᔭᐅᔪᓕᒫᓂᑦ.
5ᐃᓄᖕᓄᑦ ᒎᑎᒋᔭᐅᔪᓕᒫᑦ ᒎᑎᓐᖑᐊᖑᕗᑦ;
ᐊᑕᓂᐅᓪᓕ ᕿᓔᑦ ᓴᓇᓚᐅᕐᐰᑦ.
6ᓂᕐᑐᕐᓇᕐᓂᖅ ᐊᖓᔪᖅᑳᕐᔪᐊᖑᓂᕐᓗ ᑖᑦᓱᒪᓃᑉᐳᑦ;
ᓴᓐᖏᓂᖅ ᐃᓂᖁᓇᕐᓂᕐᓗ ᑖᑦᓱᒪ ᐃᑦᔪᕐᓁᑦᑐᕕᖁᑎᖓᓃᑉᐳᑦ.
7 #
ᐃᓐᖏᕈᑦ 29:1,2. ᐊᑕᓂᖅ ᑐᓂᓯᕕᒋᓯᐅᒃ, ᐃᓚᒌᖑᔪᓯ ᐃᓅᖃᑎᒌᒡᔪᐊᓂ,
ᐊᑕᓂᖅ ᑐᓂᓯᕕᒋᓯᐅᒃ ᓂᕐᑐᕐᓇᕐᓂᕐᒥᒃ ᓴᓐᖏᓂᕐᒥᒡᓗ!
8ᐊᑕᓂᖅ ᑐᓂᓯᕕᒋᓯᐅᒃ ᐊᑎᖓᑕ ᓂᕐᑐᕐᓇᕐᓂᖓᓂᒃ;
ᑐᓂᕐᕈᓯᕐᕕᒋᓯᐅᒃ ᑐᒃᓯᐊᕐᕕᒃᔪᐊᑉ ᐱᕕᑐᓂᖓᓄᐊᕐᓗᓯ!
9ᐊᑕᓂᖅ ᑐᒃᓯᐊᕐᕕᒋᓯᐅᒃ ᐃᑦᔪᕐᓁᓐᓂᐅᑉ ᐱᐅᔫᓂᖓᒍᑦ;
ᓄᓇᕐᔪᐊᕐᒥᐅᓕᒫᑦ ᑖᑦᓱᒥᖓ ᓯᕘᕋᔪᒃᓴᐅᕗᑦ!
10ᔫᑎᐅᖏᑦᑐᓄᑦ ᐅᖃᕆᑦᓯ, “ᐊᑕᓂᖅ ᐊᖓᔪᖅᑳᕐᔪᐊᖑᕗᖅ!
ᐄᓛᒃ, ᓄᓇᕐᔪᐊᖅ ᐊᐅᓚᖏᑦᑐᒥᒃ ᐋᖅᑭᒃᑕᐅᓯᒪᕗᖅ, ᐊᐅᓚᑦᔭᒃᑕᐅᔪᓐᓇᕋᓂᓗ;
ᑖᑦᓱᒪ ᐃᓅᖃᑎᒌᒡᔪᐊᑦ ᐋᖅᑭᒃᓱᕐᓂᐊᕐᐰᑦ ᓈᒻᒪᓈᕐᑐᒥᒃ.”
11ᕿᓔᑦ ᐊᓕᐊᓁᒍᓱᒡᓕᑦ, ᓄᓇᕐᔪᐊᕐᓗ ᖁᕕᐊᓱᒻᒪᕆᒡᓗᓂ;
ᐃᒪᕐᔪᐊᖅ ᐃᒃᑐᑑᕐᓕᑦ, ᑕᕝᕙᓂᒥᐅᑕᓕᒫᓪᓗ;
12ᐱᕈᕐᓰᕖᑦ ᖁᕕᐊᓱᒡᓕᑦ, ᐱᕈᕐᓰᕕᖕᒦᑦᑐᓕᒫᓪᓗ!
ᑕᕝᕙ ᓇᐹᕐᑐᐃᑦ ᕿᔪᓕᒫᓪᓗ ᐃᓐᖏᕈᒫᕐᐳᑦ ᖁᕕᐊᓱᒡᓗᑎᒃ;
13ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ.
ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ,
ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.
Currently Selected:
ᐃᓐᖏᕈᑎᑦ 96: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
