ᐃᓐᖏᕈᑎᑦ 83
83
ᑐᒃᓯᐊᕐᓂᖅ ᐃᓴᕆᐊᓕᑎᓂᒃ ᐊᑭᕋᕐᑐᕐᑐᑦ ᓵᓚᒋᔭᐅᖁᓪᓗᒋᑦ
ᐊᓴᐸᐅᑉ ᐃᓐᖏᕈᑖ
1ᒎᑏ, ᓂᐰᑦᑑᓂᐊᕐᓇᒃ;
ᓱᖁᑎᒃᓴᖏᑦᑑᖏᓪᓗᑎᑦ ᓄᖅᑲᖓᑐᐃᓐᓇᕐᓂᐊᕐᓇᒃ, ᒎᑏᒃ!
2ᑕᑯᒋᑦ, ᐊᑭᕋᕐᑐᕐᑎᑎᑦ ᐊᑐᐃᓐᓇᕈᕐᑎᓕᕐᐳᑦ;
ᐃᓕᖕᓂᒡᓗ ᐆᒥᓱᒃᑐᑦ ᐸᕐᓇᓕᕐᐳᑦ ᐃᓱᒪᒃᓴᕐᓯᐅᓕᕐᓗᑎᒃ.
3ᐃᔨᕋᕐᑐᕐᓗᑎᒃ ᐋᖅᑭᒃᓱᐃᓕᕐᐳᑦ ᐃᓄᖁᑎᑎᑦ ᐊᑭᕋᕐᑐᕐᓗᒋᑦ;
ᐃᒻᒥᖕᓄᑦ ᐅᖃᖃᑎᒌᒃᐳᑦ ᓴᐳᑎᓯᒪᔭᕐᓂᒃ ᐊᑭᕋᕐᑐᕈᒪᓪᓗᑎᒃ.
4ᐅᖃᕐᓗᑎᒃ, “ᐊᑍ ᓄᖑᓚᐅᕐᓚᕗᑦ ᐃᓅᖃᑎᒌᒡᔪᐊᖑᔪᓐᓃᖁᓪᓗᒋᑦ;
ᐃᓴᕆᐊᓕᑏᑦ ᐊᑎᖓ ᐃᖅᑲᐅᒪᔭᐅᔪᓐᓃᖁᓪᓗᒍ!”
5ᐃᒻᒥᖕᓄᑦ ᐅᖃᖃᑎᒌᒃᓗᑎᒃ ᐊᖏᖃᑎᒌᒃᓯᒪᕗᑦ ᐃᓱᒪᖃᑎᒌᓕᕐᓗᑎᒃ;
ᐋᖅᑭᒃᓱᐃᓯᒪᕗᑦ ᐊᖏᖃᑎᒌᒍᑎᓕᐅᕐᓗᑎᒃ ᐃᓕᖕᓂᒃ ᐊᑭᕋᕐᑐᕈᒪᓪᓗᑎᒃ:
6ᐄᑐᒥᒥᐅᑦ ᐃᓄᖏᑦ ᐃᓯᒤᓕᒥᐅᓪᓗ;
ᒧᐊᐱᒥᐅᑦ ᕼᐊᒐᕅᒥᐅᓪᓗ;
7ᒋᐸᐅᓕᒥᐅᑦ ᐊᒧᓁᒥᐅᓪᓗ ᐊᒫᓕᑬᒥᐅᓪᓗ,
ᐱᓕᔅᑎᐊᒥᐅᓪᓗ ᑍᕆᒥᐅᓂᒃ ᐃᓚᖃᕐᓗᑎᒃ;
8ᐊᓯᕆᐊᒥᐅᑦᑕᐅᖅ ᑖᒃᑯᓄᖓ ᐃᓚᓕᐅᑎᕗᑦ;
ᑖᒃᑯᐊ ᐱᔪᓐᓇᕐᑐᕐᔪᐊᖑᔪᑦ ᓘᑎᐅᑉ ᕿᑐᕐᖓᖏᑦ ᐃᑲᔪᕐᓗᒋᑦ. ᓰᓚ
9 #
ᐃᓗᐊᕐᓮᔩᑦ 7:1-23;
ᐃᓗᐊᕐᓮᔩᑦ 4:6-22. ᐱᓇᓱᐊᕐᕕᒋᓚᐅᒃᑭᑦ ᒥᑎᐊᓂᒥᐅᑎᑐᑦ, ᓯᓰᕋᒥᐅᑎᑐᓪᓗ,
ᔮᐱᓂᒥᐅᑎᑐᓪᓗ ᑭᓲᓂᐅᑉ ᑰᖓᓂᒥᐅᑕᑎᑐᑦ,
10ᑖᒃᑯᐊ ᓄᖑᑕᐅᓚᐅᕐᒪᑕ ᓄᓇᒥ ᐃᓐ-ᑐᐊᕆᒥ,
ᐊᓇᓐᖑᕐᓗᑎᒡᓗ ᓄᓇᒥ.
11 #
ᐃᓗᐊᕐᓮᔩᑦ 7:25;
ᐃᓗᐊᕐᓮᔩᑦ 8:12. ᐊᖓᔪᖅᑳᖏᑦ ᐅᕆᑉᑐᑦ ᔩᐱᑎᑐᓪᓗ ᑍᒤᓕᑎᒃᑭᑦ,
ᐊᖓᔪᖅᑳᕐᔪᐊᓕᒫᖏᓪᓗ ᔩᐸᑐᑦ ᔮᓪᒨᓐᓇᑎᑐᓪᓗ ᑍᒤᑎᓪᓗᒋᑦ.
12ᐅᖃᓚᐅᕐᑐᑎᑐᑦ, “ᒎᑎᐅᑉ ᑲᒪᒋᔭᖏᑦ ᓇᖕᒥᓂᖅ ᐱᑖᕆᓚᐅᕐᓚᕗᑦ.”
13ᒎᑏᒃ, ᐳᔪᕋᕐᑎᑐᑦ ᐅᓚᔪᔭᕐᒧᑦ ᐊᐅᓚᑕᐅᔪᑎᑐᑦ ᑍᒤᑎᒃᑭᑦ,
ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᓪᓗᒋᑦ.
14ᓲᕐᓗ ᐃᑯᒪᐅᒃ ᓇᐹᕐᑐᑦ ᐃᑭᑎᒻᒪᒋᑦ,
ᓲᕐᓗᑦᑕᐅᖅ ᐃᑯᐊᓚᔪᒧᑦ ᖃᖅᑬᑦ ᐃᑭᑎᑕᐅᕙᖕᒪᑕ,
15ᓂᓐᖓᐅᒪᓂᕐᓄᑦ ᒪᓕᓚᐅᒃᑭᑦ
ᑲᑉᐱᐊᓱᒃᑎᓪᓗᒋᓪᓗ ᐅᓚᔪᔭᕐᔪᐊᖁᑎᖕᓄᑦ!
16ᑮᓇᖏᑦ ᑲᓐᖑᓇᕐᑐᒧᐊᕐᑎᓚᐅᒃᑭᑦ,
ᐊᑎᕐᓂᒃ ᕿᓂᓕᖁᓪᓗᒋᑦ, ᐊᑕᓃᖅ.
17ᑲᓐᖑᓇᕐᑐᒧᐊᕐᑎᓚᐅᒃᑭᑦ ᓴᐱᓕᕐᑎᓪᓗᒋᓪᓗ ᐃᓱᖃᖏᑦᑐᒧᑦ;
ᐊᑍ ᓄᖑᑕᐅᓚᐅᕐᓕᑦ ᓵᓚᐅᓪᓚᕆᒃᓗᑎᒃ.
18ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ,
ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ,
ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.
Currently Selected:
ᐃᓐᖏᕈᑎᑦ 83: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
