ᐃᓐᖏᕈᑎᑦ 7
7
ᑐᒃᓯᐊᕐᓂᖅ ᓂᕐᑐᐃᓂᕐᓗ ᐊᑭᕋᕐᑐᕐᑎᓂᑦ ᓴᐳᑎᔭᐅᓂᖅ ᐱᓪᓗᒍ
ᑍᕕᑎᐅᑉ ᐃᓐᖏᕈᑎᒋᓪᓗᒍ ᑐᒃᓯᐊᕐᓂᖓ
1ᐊᑕᓃᖅ ᒎᑎᒐ, ᐃᓕᖕᓂᒃ ᑕᑎᖃᕐᐳᖓ,
ᐱᐅᓕᓚᐅᓐᖓ ᐅᕙᓐᓂᒃ ᓵᓚᖃᕋᓱᐊᕐᑐᓂᑦ ᑕᒤᓐᓂᑦ, ᓴᐳᑎᓗᖓᓗ.
2ᓛᔭᑎᑐᑦ ᐅᕙᓐᓂᒃ ᐊᓕᒃᑐᕐᓯᖁᓇᒋᑦ,
ᑎᒥᒐ ᐊᒡᒍᕐᑕᐅᖁᓇᒍ, ᓴᐳᑦᔨᔨᒃᓴᖃᕐᑎᓐᓇᖓ.
3ᐊᑕᓃᖅ ᒎᑎᒐ, ᐅᑯᓂᖓ ᐱᓚᐅᕐᓂᕈᒪ;
ᐊᒡᒐᓐᓂ ᐱᐅᖏᑦᑐᓕᓂᕐᑕᖃᕐᐸᑦ,
4ᐃᓅᖃᑎᓐᓂᒃ ᐊᑭᓂᐊᕐᓯᒪᒍᒪ ᐱᐅᖏᑦᑐᒥᒃ ᐅᕙᓐᓂᒃ ᖃᓄᐃᓕᐅᖏᑦᑐᒥᒃ;
ᐊᑭᕋᕐᑐᕐᑎᓐᓂᒡᓘᓐᓃᑦ ᑎᒡᓕᒐᕐᕕᖃᕐᓯᒪᒍᒪ ᐱᑦᔪᑎᒃᓴᖃᖏᓪᓗᖓ,
5ᑕᕝᕙ ᐊᑭᕋᕐᑐᕐᑎᓐᓂᑦ ᒪᓕᒃᑕᐅᓕᕐᓚᖓ ᓵᓚᒋᔭᐅᓗᖓᓗ;
ᐃᓅᓯᕋ ᓄᓇᒧᑦ ᐅᕐᕈᑎᑕᐅᓕᕐᓕ, ᐊᔪᖏᓐᓂᕋ ᓄᓇᒥ ᒪᓂᖅᑲᒥ
ᓇᓚᑐᐃᓐᓇᓕᕐᓕ. ᓰᓚ
6ᐊᑕᓃᖅ, ᓂᓐᖓᐅᒪᓂᕐᒥᑦ ᒪᑭᓕᕆᑦ,
ᐃᓕᖕᓂᒃ ᒪᑭᑎᓕᕆᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ ᐱᑦᔪᑎᒋᓪᓗᒋᑦ.
ᒪᑭᓕᕆᑦ, ᐅᕙᖓ ᐱᓪᓗᖓ ᐃᖅᑲᕐᑐᐃᖁᓪᓗᑎᑦ ᐱᖁᔨᓯᒪᒐᕕᑦ.
7ᐃᓄᖁᑎᑎᑦ ᐊᕙᑎᖕᓂ ᑲᑎᓕᕐᓕᑦ;
ᑖᒃᑯᐊᓗ ᐱᑦᔪᑎᒋᓪᓗᒋᑦ, ᐅᑎᓕᕆᑦ ᖁᑦᓯᒃᑐᒧᑦ.
8ᐊᑕᓂᐅᑉ ᐃᓄᐃᑦ ᐃᖅᑲᕐᑐᕈᒫᕐᐰᑦ;
ᐊᑕᓃᖅ ᐃᖅᑲᕐᑐᓚᐅᓐᖓ, ᐃᓱᐊᕐᑐᓕᓂᕋ ᐱᑦᔪᑎᒋᓪᓗᒍ.
9 #
ᑕᑯᑎ 2:23. ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ,
ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ;
ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.
10ᓴᐳᑦᔭᐅᓂᕋ ᒎᑎᒥᑦ ᐱᕗᖅ;
ᑖᑦᓱᒪ ᐆᒻᒪᑏᑦ ᓱᓕᔪᑦ ᓴᐳᑎᖕᒪᒋᑦ.
11ᒎᑎ ᐃᖅᑲᕐᑐᐃᔨᑦᓯᐊᖑᕗᖅ,
ᒎᑎᐅᓪᓗ ᐱᐅᖏᑦᑐᓕᔪᑦ ᖃᐅᑕᒫᑦ ᓂᓐᖓᐅᑎᓯᒪᕔᑦ;
12ᓵᒋᐊᖏᑦᑐᖃᕐᐸᑦ, ᒎᑎᐅᑉ ᓴᕕᒡᔪᐊᓂ ᐃᐱᒃᓴᕐᓂᐊᕐᐹ;
ᐱᑎᒃᓯᓂᓗ ᕿᓗᕚ ᐅᑕᖅᑭᓕᕐᓗᓂᓗ.
13ᐸᕐᓁᕐᓯᒪᒋᕗᕐᓗ ᓱᒋᐅᑎᓂᒃ ᑐᖁᑦᓯᔪᓐᓇᕐᑐᓂᒃ,
ᖃᕐᔪᓂᓗ ᐃᑯᒪᔪᓐᖑᕐᑎᑉᐰᑦ.
14ᑕᑯᒋᑦ ᐱᐅᖏᑦᑐᓕᔪᖅ ᓴᖅᑭᑎᑦᓯᕗᖅ ᓈᓚᖏᓐᓂᕐᒥᒃ;
ᐃᓛᒃ, ᓇᑦᔨᓕᕐᐳᖅ ᐃᓱᐊᖏᑦᑐᒥᒃ ᕿᑐᕐᖓᕐᑖᕐᓗᓂᓗ ᓴᒡᓗᓂᕐᒥᒃ.
15ᐃᑎᕐᓴᓕᐅᕐᐳᖅ ᐊᒡᒐᒡᓗᒍᓗ,
ᐃᑎᕐᓴᒧᓪᓗ ᑲᑕᓕᕐᐳᖅ ᓴᓇᓚᐅᕐᑕᒥᓄᑦ.
16ᐃᓱᐊᖏᑦᑐᓕᐊᒥᓄᑦ ᓇᖕᒥᓂᕐᒥᓄᑦ ᐅᑎᕐᕕᐅᓂᐊᕆᕗᖅ;
ᐃᓅᖃᑎᒥᓄᑦ ᐱᑦᓯᐊᖏᓐᓂᕐᒥᓄᑦ ᐱᓂᐊᕐᓂᕆᓯᒪᔭᖏᑕ,
ᓂᐊᖁᕐᒥᒍᑦ ᓇᖕᒥᓂᕐᒥᒍᑦ ᑲᑕᒡᕕᐅᓂᐊᕆᕗᖅ.
17ᐊᑕᓂᖅ ᓂᕐᑐᕈᒪᕙᕋ ᐃᓱᐊᕐᑐᓕᓂᖓ ᐱᑦᔪᑎᒋᓪᓗᒍ,
ᐃᓐᖏᕈᒪᕗᖓᓗ ᓂᕐᑐᕈᑎᓂᒃ ᐊᑕᓂᐅᑉ ᖁᑦᓯᖕᓂᕐᐹᑉ ᐊᑎᖓᓄᑦ.
Currently Selected:
ᐃᓐᖏᕈᑎᑦ 7: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
