ᐃᓐᖏᕈᑎᑦ 69
69
ᕿᓚᒥᒻᒪᕆᒃ ᐃᑲᔪᕐᑕᐅᔪᒪᓂᖅ ᐅᖁᒤᑦᑐᒥᑦ
ᑍᕕᑎᐅᑉ ᐃᓐᖏᕈᑖ
1ᒎᑏ, ᐱᐅᓕᓚᐅᓐᖓ!
ᐃᒪᖅ ᖁᖓᓯᓐᓄᑦ ᑎᑭᐅᑎᓯᒪᓕᕐᒪᑦ.
2ᑭᕕᓕᕋᒪ ᐃᑎᔪᒥ ᐊᕿᑦᑐᒥ, ᑐᓪᓕᕐᕕᒃᓴᖃᖏᑦᑐᒥ;
ᐃᒪᕐᒧᑦ ᐃᑎᔪᒧᑦ ᑎᑭᓯᒪᓕᕋᒪ,
ᖄᒥᑉᐸᓪᓕᐊᔪᒧᑦ ᐅᓗᑦᔭᐅᓕᕋᒪ.
3ᑕᖃᓯᒪᓕᕐᐳᖓ ᕿᐊᓂᕐᒧᑦ; ᐃᒡᒋᐊᕋᓗ ᐸᓂᓕᕐᓗᓂ.
ᐃᔩᒃᑲᒃ ᐅᐃᑕᓂᖅ ᐊᔪᓕᕐᒪᑎᒃ, ᒎᑎᓐᓂᒃ ᕿᓂᕐᓂᕐᒧᑦ.
4 #
ᐃᓐᖏᕈᑦ 35:19; ᔪᐊᓇᓯ 15:25. ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ
ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ;
ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ,
ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ.
ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?
5ᒎᑏ, ᓯᓔᓐᓂᕋ ᖃᐅᔨᒪᕙᑦ;
ᐊᔪᕐᑐᓕᓂᒃᑲ ᐃᓕᖕᓄᑦ ᐃᔨᕐᓯᒪᓐᖏᓚᑦ.
6ᐊᑕᓃᖅ, ᕿᓚᖕᒥᐅᒐᓴᒃᔪᐃᑦ ᒎᑎᖓᑦ,
ᐃᓕᖕᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᑦᑍᓕᓕᑦ ᐱᑦᔪᑎᒋᓗᖓ;
ᐃᓕᖕᓂᒃ ᕿᓂᕐᑐᑦ ᓇᓗᓕᕐᑍᓕᓕᑦ ᐱᑦᔪᑎᒋᓗᖓ,
ᒎᑎᐅᔪᑎᑦ ᐃᓴᕆᐊᓕᒧᑦ.
7ᐱᑦᔪᑎᒋᓪᓗᑎᑦ ᓱᐊᒃᑕᐅᓂᕐᒥᒃ ᐊᑐᕋᒪ,
ᑲᓐᖑᓱᖕᓂᕐᒥᒃ ᑮᓇᕋ ᐅᓕᒃᓯᒪᕗᖅ.
8ᑕᑯᓕᒪᓇᖏᑦᑑᓕᕐᐳᖓ ᖃᑕᓐᖑᑎᓐᓄᑦ,
ᐃᓚᒋᔭᐅᖏᑦᑐᑎᑐᑦ ᑍᒤᓕᕐᐳᖓ ᐊᓈᓇᒪ ᕿᑐᕐᖓᖏᓐᓄᑦ.
9 #
ᔪᐊᓇᓯ 2:17;
ᕉᒪᒥᐅᓄᑦ 15:3. ᐃᒡᓗᖕᓂᒃ ᑲᔪᖏᕈᑎᖃᕐᓂᕐᒧᑦ ᑕᖃᑎᑕᐅᕗᖓ,
ᐃᓕᖕᓂᒃ ᐅᖃᕐᓂᕐᓘᑎᖃᕐᑐᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.
10ᒥᑭᒡᓕᑎᕌᖓᒪ ᑕᕐᓂᒃᑯᑦ ᓂᕆᑦᑍᓕᓪᓗᖓ,
ᒥᑕᐅᑕᐅᓂᕐᒥᒃ ᐊᑐᕆᐊᖃᕐᐸᒃᐳᖓ.
11ᐊᓐᓄᕌᒥᒃ ᖃᕿᐊᓕᕐᑐᕐᓯᐅᒻᒥᒃ ᐊᑎᔭᕌᖓᒪ,
ᐃᓄᐃᑦ ᐃᔪᕆᕙᒃᐹᖓ.
12ᐃᑎᕐᑕᕐᕕᖕᓂ ᐃᒃᓯᕙᔪᑦ ᓂᓪᓕᐊᕙᒃᐳᑦ ᐊᑭᕋᕐᑐᕐᓗᖓ,
ᐋᖓᔮᕐᑎᓂᓪᓗ ᐃᓐᖏᐅᑎᓕᐊᖑᓯᒪᓪᓗᖓ.
13ᐅᕙᖓᓕ, ᑐᒃᓯᐊᕐᓂᕋ ᐃᓕᖕᓄᑦ ᑐᕌᕐᐳᖅ, ᐊᑕᓃᖅ.
ᐱᕕᒃᓴᖅ ᓇᓪᓕᐅᑎᒃᐸᑦ, ᒎᑏ,
ᓇᒡᓕᖕᓂᕕᑦ ᓱᖁᓯᔪᐃᑦᑑᓂᖓᓄᑦ ᑭᐅᓚᐅᓐᖓ.
ᐱᐅᓕᒃᓯᓂᕐᐱᑦ ᑲᔪᓯᑦᓯᐊᕐᓂᖓᓄᑦ.
14ᓴᐳᑎᓚᐅᓐᖓ ᑭᕕᓐᓇᕐᑐᒥᑦ ᒪᕐᕋᕐᒥᒃ;
ᓴᐳᑦᔭᐅᑎᓚᐅᓐᖓ ᐅᕙᓐᓂᒃ ᐆᒥᓱᒃᑐᓂᑦ,
ᐃᒫᓂᓪᓗ ᐃᑎᔪᕐᔪᐊᒥᑦ.
15ᐃᒪᕐᒧᑦ ᖄᒥᑦᑐᒧᑦ ᐅᓗᑦᔭᐅᑎᓐᓂᐊᕐᓇᖓ,
ᐃᑎᔪᕐᔪᐊᒧᓪᓗ ᐄᔭᐅᑎᑦᑍᓕᓐᖓ;
ᐃᑎᕐᓵᓘᓪᓗ ᐹᖓ ᖁᓕᓐᓂ ᒪᑐᑎᑦᑍᓕᒍᒃ.
16ᐊᑕᓃᖅ, ᑐᓴᓚᐅᓐᖓ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᐅᔫᖕᒪᑦ;
ᓵᕝᕕᖏᓚᐅᓐᖓ ᓂᑲᒍᓱᖕᓂᕐᔪᐊᑦ ᒪᓕᒡᓗᒍ.
17ᑮᓁᑦ ᐃᔨᕐᓂᐊᕐᓇᒍ ᐱᔨᖕᓄᑦ,
ᐃᓱᐊᖏᑦᑐᒦᒃᑲᒪ, ᑐᐊᕕᕐᓗᑎᑦ ᑐᓴᓚᐅᓐᖓ.
18ᑕᕐᓂᓐᓄᑦ ᖃᒡᓕᓗᑎᑦ, ᓴᐳᑎᓚᐅᓐᖓ,
ᐱᐅᓕᓚᐅᓐᖓ ᐊᑭᕋᕐᑐᕐᑎᓐᓂᑦ.
19ᓇᕐᕈᓇᕐᓂᕋ ᖃᐅᔨᒪᕙᑦ, ᑲᓐᖑᓇᕐᑐᒦᓐᓂᕋᓗ,
ᐅᐱᒋᔭᐅᖏᓐᓂᕋᓗ; ᐊᑭᕋᕐᑐᕐᑎᓕᒫᒃᑲ ᓵᖕᓃᑉᐳᑦ.
20ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ.
ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ;
ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.
21 #
ᒫᑎᐅᓯ 27:48; ᒫᑯᓯ 15:36; ᓘᑲᓯ 23:26; ᔪᐊᓇᓯ 19:28,29. ᑳᓕᕐᑎᓪᓗᖓ ᓂᕆᓂᐊᕐᑕᒃᑲ ᓱᖓᕐᒥᒃ ᐃᓚᕔᑦ,
ᐃᒥᕈᓕᕋᒪᓗ ᕕᓂᒐᒥᒃ ᐃᒥᕐᑎᑉᐹᖓ.
22 #
ᕉᒪᒥᐅᓄᑦ 11:9,10. ᓂᕆᕕᖓᑦ ᓵᖓᓐᓂ ᓂᒐᓐᖑᓕᕐᓕ;
ᓂᕆᕕᒃᔪᐊᖃᑎᒌᖕᓂᖓᓪᓗ ᑖᒃᑯᓄᖓ ᒥᑭᒋᐊᖑᓕᕐᓕ.
23ᐃᔨᖏᑦ ᑖᕐᑐᕐᓯᐅᓕᕐᓕᑦ, ᑕᑯᖁᓇᒋᑦ;
ᕿᒥᕐᓗᖏᓪᓗ ᓴᓐᖐᑦᑑᖏᓐᓇᓕᕐᓕᑦ.
24ᓂᓐᖓᐅᒪᓃᑦ ᓈᕕᓕᕈᒃ ᑖᒃᑯᓄᖓ,
ᓂᓐᖓᐅᒪᕕᒃᔪᐊᕐᓂᕕᓪᓗ ᓵᓚᒋᓕᒋᑦ.
25 #
ᐋᐴᓯᑕᓖᑦ 1:20. ᐊᖏᕐᕋᖏᑦ ᐃᓄᖃᕈᓐᓃᕐᓕᑦ;
ᑐᐱᖏᓐᓂᓗ ᐊᖏᕐᕋᖃᕐᑐᖃᕈᓐᓃᕐᓕ.
26ᐊᓇᐅᓚᐅᕐᑍᑦ ᐊᑭᕋᕐᑐᕐᐹᑦ,
ᐃᑭᓕᓚᐅᕐᑍᓪᓗ, ᐅᖁᒤᒃᓴᕐᑎᒋᐊᓪᓚᐹᑦ.
27ᐸᓯᔭᒃᓴᐅᓂᖏᑕ ᖄᖓᒍᑦ ᐸᓯᔭᒃᓴᐅᑎᒃᑲᓐᓂᒃᑭᑦ,
ᐱᐅᓕᒃᓯᓂᕐᓄᓪᓗ ᐃᑎᕐᑎᑦᑍᓕᓗᒋᑦ.
28 #
ᒨᓯᓯ ᐂᑉᐸᖏᑦ 32:32; ᑕᑯᑎ 3:5; 13:8; 17:8. ᐃᓅᔪᑦ ᐊᒡᓚᖁᑎᖏᓐᓂᑦ ᐲᔭᓚᐅᒃᑭᑦ,
ᐃᓱᐊᕐᑐᓪᓗ ᑎᑎᕋᕐᓯᒪᕕᖏᓐᓂ ᐃᓚᐅᖏᓪᓗᑎᒃ.
29ᐋᓐᓂᐊᖃᕐᐳᖓᓕ ᐅᖁᒤᒃᓴᕐᓗᖓᓗ,
ᒎᑏ, ᐱᐅᓕᒃᓯᓂᕐᐱᑦ ᖁᑦᓯᒃᑐᒧᑦ ᐂᑎᓪᓛᖓ.
30ᒎᑎᐅᑉ ᐊᑎᖓ ᓂᕐᑐᕐᓂᐊᕐᐸᕋ ᐃᓐᖏᕈᓯᕐᒧᑦ,
ᐊᖏᔪᕈᕐᑎᓐᓂᐊᕐᐸᕋᓗ ᖁᔭᓕᓂᕐᒧᑦ.
31ᑕᒪᓐᓇᓗ ᐊᑕᓂᐅᑉ ᖁᕕᐊᒋᓂᕐᓴᕆᓂᐊᕐᐹ
ᐆᒪᔪᒥᑦ ᐃᒻᒧᒃᓯᐅᒐᐅᓪᓘᓐᓃᑦ ᐊᖑᓴᓪᓗᖓᓂᑦ,
ᓇᒡᔪᖃᕐᑐᒥᑦ ᑯᑭᖃᕐᑐᒥᓪᓗ.
32ᒥᑭᒡᓕᑎᕐᓯᒪᔪᑦ ᑕᒪᓐᓇ ᑕᑯᔪᒫᕐᐹᑦ ᖁᕕᐊᓱᒡᓗᑎᒡᓗ;
ᐃᓕᑦᓯᓗ ᒎᑎᒥᒃ ᕿᓂᕐᑐᓯ, ᐆᒻᒪᑎᓯ ᐃᓅᔪᒫᕐᐳᑦ.
33ᐊᑕᓂᐅᒃ ᐊᔪᕐᓴᕐᑐᑦ ᑐᓵᖕᒪᒋᑦ,
ᑎᒍᔭᐅᓯᒪᔪᖁᑎᓂᓗ ᓇᕐᕈᒋᓐᖏᓔᑦ.
34ᕿᓚᐅᑉ ᓄᓇᕐᔪᐊᓪᓗ ᓂᕐᑐᕐᓕᑦᔪᒃ,
ᐃᒪᕐᔪᐊᑦ ᐃᓗᖏᓐᓂᓗ ᐃᖏᕐᕋᔪᑦ ᑕᒪᕐᒥᒃ.
35ᒎᑎᐅᑉ ᓮᐅᓂ ᐱᐅᓕᔪᒫᐹ ᔫᑕᐅᓪᓗ ᐃᒡᓗᒐᓴᖏᑦ ᓴᓇᔪᒫᕐᐰᑦ;
ᑕᕝᕙᓂ ᐱᔨᖏᑦ ᐃᓂᖃᖁᓪᓗᒋᑦ ᓇᖕᒥᓂᕆᓗᒋᓪᓗ.
36ᐱᔨᖏᑕᓗ ᑭᖑᕚᖏᑕ ᐱᑖᕆᔪᒫᕆᕚᑦ,
ᐊᑎᖓᓂᒡᓗ ᓇᒡᓕᒍᓱᒃᑐᑦ ᐃᓂᒋᔪᒫᕐᐹᑦ.
Currently Selected:
ᐃᓐᖏᕈᑎᑦ 69: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
