ᐃᓐᖏᕈᑎᑦ 62
62
ᐅᑕᖅᑭᓂᖅ ᒎᑎᐅᑉ ᐱᐅᓕᒃᓯᓂᖓᓂᒃ ᔨᑐᑕᓐᑯᓐᓄᑦ
ᑍᕕᑎᐅᑉ ᐃᓐᖏᕈᑖ
1ᑕᕐᓂᕋ ᓂᐱᖃᕋᓂ ᐅᑕᖅᑭᕗᖅ ᒎᑎᑐᐊᒥᒃ;
ᐱᐅᓕᔭᐅᓂᕋ ᑖᑦᓱᒪᓐᖓᑦ ᐱᖕᒪᑦ.
2ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ;
ᓴᐳᑦᔨᔨᒋᕙᕋ, ᑕᕝᕙᓐᖓᑦ ᐊᐅᓚᑦᔭᒃᑎᑕᐅᓂᐊᓐᖏᓚᖓ.
3ᖃᓄᖅ ᐊᑯᓂᐅᑎᒋᔪᖅ ᐃᓄᖕᒥᒃ ᐊᑭᕋᕐᑐᕐᓂᐊᕐᐱᓰ?
ᑕᒪᑦᓯ ᑐᖁᑕᐅᔪᒫᕐᐳᓯ, ᐊᕙᓗᕐᔪᐊᑐᑦ ᐅᕐᕈᓕᒑᔪᑐᑦ, ᓮᒍᑎᑐᓪᓗ ᐊᐅᓚᔪᑐᑦ.
4ᐱᔮᕆᓗᑎᒃ ᐳᕐᑐᔪᒥᑦ ᐃᓂᖓᓂᑦ ᑲᑕᒃᑎᑦᓱᒪᓪᓗᒍ;
ᖁᕕᐊᒋᔭᖃᕐᐳᑦ ᓴᒡᓗᓂᕐᒥᒃ,
ᖃᓂᕐᒥᖕᓄᑦ ᓮᒻᒪᕐᑎᑦᓯᕗᑦ, ᐆᒻᒪᑎᒥᒍᓪᓕ ᐅᖃᕐᓂᕐᓗᒃᓗᑎᒃ. ᓰᓚ
5ᑕᕐᓂᕋ ᒎᑎᒥᒃ ᑖᑦᓱᒥᖓᑐᐊᖅ ᐅᑕᖅᑭᕗᖅ ᕿᓄᐃᓵᕐᓗᓂ,
ᑖᑦᓱᒪᓐᖓᑦ ᓂᕆᐅᒋᔭᖃᕋᒪ.
6ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ;
ᓴᐳᑦᔨᔨᒋᕙᕋ; ᑕᕝᕙᓐᖓᑦ ᐊᐅᓚᑎᑕᐅᓂᐊᓐᖏᓚᖓ.
7ᒎᑎᒥᑦ ᐱᐅᓕᔭᐅᓂᕋ ᐱᓐᓇᕐᓇᕐᑎᑕᐅᓂᕋᓗ ᐱᖕᒪᑎᒃ;
ᕾᕐᑐᕆᕙᕋ ᐊᔪᖏᑦᑐᕐᔪᐊᖅ, ᕿᒫᕕᒋᔭᕋ ᒎᑎ.
8ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ;
ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ
9ᐃᓄᐃᑦ ᐃᒻᒥᖕᓂᒃ ᓱᓇᐅᔪᕆᖏᑦᑐᑦ ᐳᔪᑐᐃᓐᓇᐅᕗᑦ,
ᐃᓄᐃᓪᓗ ᐃᒻᒥᖕᓂᒃ ᓱᓇᐅᔪᕆᓗᐊᕐᑐᑦ ᓴᒡᓗᓂᑐᐃᓐᓇᐅᕗᑦ;
ᐅᖁᒤᓐᓂᕐᓯᐅᕐᑕᐅᒃᐸᑕ; ᑲᑎᓪᓗᒋᑦ ᐳᔪᕐᒥᑦ ᐅᕿᓐᓂᕐᓴᐅᒐᔭᕐᐳᑦ.
10ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ,
ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ;
ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.
11ᐊᑕᐅᓯᐊᑐᐃᓐᓇᕐᓇᒍ ᒎᑎ ᐅᖃᕐᑐᖅ ᑐᓴᕐᓯᒪᕙᕋ,
ᒪᕐᕈᐊᕐᑎᕐᓗᒍ ᑐᓴᓚᐅᕐᐸᕋ ᐃᒫᒃ: ᐊᔪᒐᖃᖏᓐᓂᖅ ᒎᑎᐅᑉ ᐱᒋᕚ.
12 #
ᔫᐱ 34:11; ᔨᕆᒤᐊ 17:10; ᒫᑎᐅᓯ 16:27; ᕉᒪᒥᐅᓄᑦ 2:6; ᑕᑯᑎ 2:23. ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ.
ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.
Currently Selected:
ᐃᓐᖏᕈᑎᑦ 62: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
