ᐃᓐᖏᕈᑎᑦ 57
57
ᑐᒃᓯᐊᕐᓂᖅ ᒎᑎᒥᒃ ᑕᑎᖃᕐᓂᕐᒧᑦ
ᑍᕕᑎᐅᑉ ᐃᓐᖏᕈᑖ, ᓴᐅᓕᒥᒃ ᕿᒫᒐᒥ ᕾᕈᓱᖕᒧᑦ
1ᓂᑲᒋᓚᐅᓐᖓ ᒎᑏ, ᓂᑲᒋᓚᐅᓐᖓ!
ᑕᕐᓂᕐᒪ ᕿᒫᕕᒋᖕᒪᑎᑦ;
ᐃᓴᕈᕐᐱᑦ ᑕᕐᕋᓕᓂᖏᒃᑕ ᐊᑖᓂ ᕿᒫᓯᒪᔪᒪᕗᖓ,
ᑕᒪᒃᑯᐊ ᖃᓄᐃᓐᓇᕐᑐᑦ ᐊᓂᒍᓚᐅᖏᓐᓂᖏᓐᓂ.
2ᓂᓪᓕᐊᕗᖓ ᒎᑎᒧᑦ ᖁᑦᓯᖕᓂᕐᐹᖑᔪᒧᑦ,
ᒎᑎᒧᑦ ᐱᓇᓱᐊᕐᑐᒧᑦ ᐱᑦᔪᑎᒃᓴᕆᔭᒥᓂᒃ ᐅᕙᓐᓄᑦ.
3ᑎᓕᓯᓂᐊᕐᐳᖅ ᕿᓚᖕᒥᑦ ᐱᐅᓕᓗᖓᓗ,
ᓵᓚᒋᓂᐊᕐᐰᓪᓗ ᐅᕙᓐᓂᒃ ᑐᖁᑦᓯᓇᓱᐊᕐᑐᑦ. ᓰᓚ
ᒎᑎᐅᑉ ᓇᒡᓕᖕᓂᓂ ᓱᖁᓯᔪᐃᑑᓂᓂᓗ ᑎᓕᓂᐊᕐᐹᒃ.
4ᓛᔭᑦ ᐊᑯᓐᓂᖓᓂ ᓇᓚᕗᖓ
ᐃᓄᐃᑦ ᕿᑐᕐᖓᖏᑕ ᐊᑯᕐᖓᓐᓂ ᓛᔭᑎᑐᑦ ᑳᒃᑐᑎᑐᑦ;
ᑖᒃᑯᐊ ᑭᒍᑎᖃᕐᐳᑦ ᓇᐅᒃᑯᑎᓂᒃ ᖃᕐᔪᓂᒡᓗ,
ᐅᖃᖃᕐᐳᓪᓗ ᓴᕕᒡᔪᐊᓂᒃ ᐃᐱᒃᑐᓂᒃ.
5ᐊᖏᔪᕈᕐᑎᑕᐅᓕᕆᑦ, ᒎᑏ, ᕿᓔᑦ ᖁᓛᓄᑦ;
ᓂᕐᑐᕐᓇᕐᓃᑦ ᐅᓕᒃᓯᓕᕐᓕ ᓄᓇᕐᔪᐊᕐᒥᒃ.
6ᐱᓱᒡᕕᒋᓂᐊᕐᑕᓐᓄᑦ ᓄᓗᐊᓂᒃ ᐃᓕᓯᕗᑦ;
ᑕᕐᓂᕋ ᐅᑯᖓᓕᕐᐳᖅ ᕿᒃᓵᓂᕐᒧᑦ.
ᐃᑎᕐᓴᓕᐅᓚᐅᕐᐳᑦ ᐊᖅᑯᑎᒋᓂᐊᕐᑕᓐᓂ,
ᓇᖕᒥᓂᕐᓕ ᐃᑎᕐᓴᓕᐅᓚᐅᕐᑕᒥᓄᑦ ᐃᔪᒃᑲᕐᐳᑦ. ᓰᓚ
7ᐆᒻᒪᑎᒐ ᑲᔪᓰᓐᓇᕐᐳᖅ, ᒎᑏ,
ᐆᒻᒪᑎᒐ ᑲᔪᓰᓐᓇᕐᐳᖅ!
ᐃᓐᖏᕐᓂᐊᕐᐳᖓ ᓂᑦᔭᐅᓯᔭᕐᓗᖓᓗ.
8ᑕᕐᓃᒃ, ᑐᐸᓕᕆᑦ!
ᑐᐸᓕᕆᑦᓯ, ᓂᓪᓕᐊᑦᔪᑎᑦ ᕼᐋᕐᐱ ᓔᕆᓪᓗ!
ᐅᓪᓚᒃᑯᑦ ᖃᐅᒻᒪᓕᓵᕐᑐᖅ ᑐᐹᕐᓴᕈᒪᕙᕋ.
9ᐊᑕᓃᖅ, ᖁᔭᒋᔪᒪᕙᒋᑦ, ᐃᓅᖃᑎᒌᒡᔪᐃᑦ ᐊᑯᕐᖓᓐᓂ;
ᐃᓄᐃᑦ ᐊᑯᕐᖓᓐᓂ ᓂᕐᑐᕐᓗᑎᑦ ᐃᓐᖏᕐᕕᒋᔪᒪᕙᒋᑦ.
10ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᖏᔫᕗᖅ ᕿᓚᖕᓄᑦ ᑎᑭᐅᒪᔪᖅ;
ᓱᖁᓯᔪᐃᑦᑑᓃᓪᓗ ᓄᕗᔭᓄᑦ ᑎᑭᐅᑎᓯᒪᓪᓗᓂ.
11ᒎᑏ, ᐊᖏᔪᕈᕐᑎᑕᐅᓕᕆᑦ, ᕿᓔᑦ ᐅᖓᑖᓄᑦ;
ᓂᕐᑐᕐᓇᕐᓃᑦ ᓄᓇᕐᔪᐊᕐᒥᒃ ᐅᓕᒃᓯᓕ!
Currently Selected:
ᐃᓐᖏᕈᑎᑦ 57: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
