ᐃᓐᖏᕈᑎᑦ 42
42
ᐅᖃᓕᒫᒊᑦ ᐂᑉᐸᖏᑦ
ᐃᓐᖏᕈᑎᑦ 42ᒥᑦ—72ᒧᑦ
ᒎᑎᒧᑦ ᐅᖓᓂᖅ ᐅᖁᒤᒃᓴᕐᓂᖅ ᐱᑦᔪᑎᒋᓪᓗᒍ
ᐃᓐᖏᕐᑏᑦ ᑲᒪᔨᖓᓐᓄᑦ ᑰᕋᐅᑉ ᐃᕐᓂᖏᑕ ᐃᓐᖏᕈᑖ
1ᓲᕐᓗ ᑐᒃᑐ ᓂᓪᓕᐊᖕᒪᑦ ᑰᒐᓛᒥᑦ ᐃᒥᕈᒃᓗᓂ,
ᑍᒫᒃᑕᐅᖅ ᑕᕐᓂᕋ ᓂᓪᓕᐊᒋᕗᖅ ᐃᓕᖕᓄᑦ, ᒎᑏ.
2ᑕᕐᓂᕋ ᐃᒥᕈᕐᐳᖅ ᒎᑎᒥᒃ, ᒎᑎᒧᑦ ᐆᒪᔪᒧᑦ.
ᖃᖓᓕ ᓴᖅᑭᑦᓱᒫᕐᐳᖓ ᓵᖕᓂ ᒎᑏ?
3ᖁᕝᕕᒃᑲ ᓂᕿᒋᕙᒃᑲ ᐅᓪᓗᒃᑯᑦ ᐅᓐᓄᐊᒥᓗ,
ᑍᒪᓐᖓᑦ ᓂᓪᓕᐊᕕᒋᕚᖓ ᐅᖃᕐᓗᑎᒃ, “ᒎᑏᑦ ᓇᓃᑉᐸ?”
4ᐃᖅᑲᐅᒪᓕᕌᖓᒪ ᑕᒪᒃᑯᓂᖓ,
ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ.
ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ;
ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ,
ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ,
ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.
5ᑕᕐᓃᒃ, ᓱᖕᒪᑦ ᖁᕕᐊᓱᓐᖏᓚᑎᑦ?
ᓱᖕᒪᓪᓗ ᐃᓗᓐᓂ ᐃᓱᒪᔮᕐᐱᑦ?
ᒎᑏ ᓂᕆᐅᒡᕕᒋᒐᒃᑯ, ᓱᓕ ᓂᕐᑐᒃᑲᓐᓂᕈᒪᒐᒃᑯ,
ᑮᓇᕐᒥᓄᑦ ᐃᑲᔪᕐᓂᐊᕐᒪᖓ.
6ᒎᑎᒐ, ᑕᕐᓂᕋ ᕿᒃᓵᒃᐳᖅ ᐃᓗᓐᓂ;
ᑍᒤᒻᒪᑦ ᐃᖅᑲᐅᒪᔪᒪᕙᒋᑦ ᓄᓇᒥᑦ ᔪᐊᕐᑕᓂᒥᑦ,
ᕼᐊᕐᒪᓂᐅᑉ ᖄᖓᓂᑦ, ᒥᓴᕆᐅᑉ ᖃᖅᑲᖓᓂᑦ.
7ᐃᑎᔪᖅ ᓂᓪᓕᐊᕗᖅ ᐃᑎᔪᒧᑦ,
ᖁᕐᓗᕐᓂᖁᑎᕕᑦ ᓂᐱᕐᔪᐊᖓᓄᑦ;
ᒪᓕᒡᔪᐊᑦ ᐃᖏᐅᓕᒡᔪᐊᓪᓗ ᐅᓕᒃᓯᒪᕚᖓ.
8ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ;
ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ,
ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.
9ᒎᑎᓐᓄᑦ ᐅᖃᕈᒪᕗᖓ ᕾᕐᑐᕆᔭᓐᓄᑦ, “ᓲᖅ ᐳᐃᒍᕐᐱᖔ?
ᓱᖕᒪᓪᓗ ᕿᒃᓵᖏᓇᕐᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ?”
10ᓴᐅᓂᒃᑲ ᐋᓐᓂᐊᕗᑦ, ᐊᑭᕋᕐᑐᕐᑎᒪ ᐱᓕᕆᐊᕆᖕᒪᖓ,
ᐅᓪᓗᖅ ᓈᓪᓗᒍ ᐊᐱᕐᓱᕐᒪᖓ, “ᒎᑏᓪᓕ ᓇᐅᒃ?”
11ᑕᕐᓃᒃ, ᓱᖕᒪᑦ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ?
ᒎᑎ ᓂᕆᐅᒡᕕᒋᓚᐅᕈᒃ; ᑮᓇᕐᒪ ᐃᑲᔪᕐᑎᒋᖕᒪᒍ ᒎᑎᒋᓪᓗᒍᓗ.
Currently Selected:
ᐃᓐᖏᕈᑎᑦ 42: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
