ᐃᓐᖏᕈᑎᑦ 4
4
ᐅᓐᓄᒃᑯᑦ ᑐᒃᓯᐊᕐᓂᖅ ᐃᑲᔪᕐᑕᐅᔪᒪᓂᕐᒧᑦ
ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ
1ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ,
ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ!
ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ,
ᑐᒃᓯᐊᕐᓂᕋᓗ ᑐᓴᕐᓗᒍ.
2ᐃᓄᐃᑦ ᕿᑐᕐᖓᖏᑦ ᖃᓄᖅ ᐊᑯᓂᐅᑎᒋᔪᒥᒃ,
ᓂᕐᑐᕐᑕᐅᔪᒃᓴᐅᓂᕋ ᑲᓐᖑᓇᕐᑎᓐᓂᐊᕐᐱᓯᐅᒃ?
ᖃᓄᖅ ᐊᑯᓂᐅᑎᒋᔪᒥᒃ ᐊᑐᖏᑦᑐᓂᒃ ᐅᖓᒋᔭᖃᕐᓂᐊᕐᐱᓰ?
ᓱᓕᖏᑦᑐᓂᒡᓗ ᒎᑎᐅᖏᑦᑐᓂᒃ ᕿᓂᕐᓂᐊᕐᐱᓰ? ᓰᓚ
3ᖃᐅᔨᓕᕆᑦᓯ ᐊᑕᓂᐅᑉ, ᒎᑎᖃᕐᑐᑦ
ᐃᒻᒥᓄᑦ ᐱᒋᔪᒪᓪᓗᒋᑦ ᓴᓂᕐᕙᒃᑎᑉᐰᑦ;
ᐊᑕᓂᐅᓪᓗ ᑐᓴᕐᓂᐊᕐᐹᖓ ᓂᓪᓕᐊᕕᒋᒍᒃᑯ.
4 #
ᐃᐱᓯ 4:26. ᓂᓐᖓᐅᒪᓕᕆᑦᓯ, ᐊᔪᕐᑐᓕᑦᑍᓕᓗᓯᓕ;
ᐆᒻᒪᑎᑦᓯᓐᓂ ᓂᐱᖃᖏᓪᓗᓯ ᐃᓱᒪᒃᓴᕐᓯᐅᓕᕆᑦᓯ,
ᐃᓐᓇᖓᕕᑦᓯᓐᓂ ᐊᒡᓛᑦ ᓂᐱᖃᖏᓪᓗᓯ. ᓰᓚ
5ᑐᓂᕐᕈᓯᕆᑦᓯ ᑐᓂᕐᕈᑎᒃᓴᓂᒃ ᐃᓱᐊᕐᑐᓂᒃ,
ᐊᑕᓂᕐᒥᒡᓗ ᑕᑎᖃᓕᕆᑦᓯ.
6ᐅᓄᕐᑐᑦ ᐅᖃᕐᒪᑕ, “ᑭᐊ ᐱᐅᔪᒥᒃ ᑕᑯᑎᓐᓂᐊᕐᐹᑎᒎᑦ?”
ᐊᑕᓃᖅ ᑮᓇᕐᐱᑦ ᖃᐅᒪᓂᖓᓂᒃ ᑕᑯᑎᓚᐅᕐᑎᒍᑦ.
7ᖁᕕᐊᓱᖕᓂᕐᒥᒃ ᐃᓕᓯᕗᑎᑦ ᐆᒻᒪᑎᓐᓄᑦ,
ᑲᑎᕐᓱᕐᑕᐅᔪᑦ ᓂᐊᖂᔭᒃᓮᑦ ᕔᓂᒃᓮᓪᓗ ᐅᓄᓗᐊᓕᕐᓂᖏᑕ ᖁᕕᐊᓇᖅᑭᔭᖓᓂᒃ.
8ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ;
ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ.
Currently Selected:
ᐃᓐᖏᕈᑎᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
