ᐃᓐᖏᕈᑎᑦ 111
111
ᐊᑕᓂᕐᒥᒃ ᓂᕐᑐᐃᓂᖅ
1ᐊᑕᓂᖅ ᓂᕐᑐᕐᑕᐅᓕ!
ᐊᑕᓂᖅ ᖁᔭᒋᓂᐊᕐᐸᕋ ᐱᔪᓐᓇᕐᓂᓕᒫᓐᓄᑦ,
ᐃᓅᑦᓯᐊᕐᑐᑦ ᑲᑎᒪᓂᖏᓐᓂ, ᐃᓚᒌᒃᑐᓂᓗ.
2ᐊᑕᓂᐅᑉ ᐱᓂᐊᕐᓂᖏᑦ ᐊᖏᔪᕐᔪᐊᖑᕗᑦ,
ᑕᒪᑐᒥᖓ ᖁᕕᐊᒋᔭᓕᓕᒫᑦ ᑐᑭᓯᓇᓱᐊᖃᑦᑕᕐᐳᑦ.
3ᑖᑦᓱᒪ ᐱᓇᓱᐊᕐᓂᖓ ᐅᐱᒋᔭᒃᓴᐅᕗᖅ ᓂᕐᑐᕐᓇᕐᑑᓪᓗᓂᓗ,
ᐃᓱᐊᕐᓂᖓᓗ ᓱᕐᕋᖕᓂᐊᓐᖏᓚᖅ ᐃᓱᖃᖏᑦᑐᒧᑦ.
4ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ;
ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.
5ᓂᕿᒃᓴᓂᒃ ᑐᓂᓯᖃᑦᑕᕐᐳᖅ ᓯᕘᕋᒋᔨᒥᓄᑦ;
ᐊᖏᖃᑎᒌᒍᑎᒋᓯᒪᔭᒥᓂᒃ ᐃᖅᑲᐅᒪᑦᓮᓐᓇᕐᐳᖅ.
6ᐃᓄᖁᑎᒥᓄᑦ ᐱᔪᓐᓇᕐᓂᓂ ᓴᖅᑭᑎᓯᒪᕚ ᐱᓇᓱᐊᕐᓂᕐᒥᒍᑦ,
ᑐᓂᓯᕕᒋᓪᓗᒋᑦ ᐃᓅᖃᑎᒌᒡᔪᐊᑦ ᓄᓇᖏᓐᓂᒃ ᑭᖑᕐᖑᑦᔨᖁᓪᓗᒋᑦ.
7ᐊᒡᒐᖏᑕ ᐱᓇᓱᐊᕐᓂᖏᑦ ᓱᖁᓯᔪᐃᑦᑑᕗᑦ ᓈᒻᒪᓈᑦᓯᐊᕐᓯᒪᓪᓗᑎᒡᓗ;
ᐱᖁᔭᓕᒫᖏᓪᓗ ᐅᒃᐱᕆᔭᒃᓴᐅᓪᓗᑎᒃ.
8ᓱᖁᓯᕐᓂᐊᓐᖏᓚᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ,
ᓱᓕᓂᒃᑯᑦ ᐱᓇᓱᐊᕐᓂᐅᖕᒪᑕ ᐋᖅᑭᒃᓯᒪᑦᓯᐊᕐᑐᒃᑯᓪᓗ.
9ᐃᓄᖁᑎᒥᓄᑦ ᐱᐅᓕᔭᐅᑦᔪᑎᒃᓴᖅ ᑎᓕᒃᓯᐅᑎᒋᓚᐅᕐᐹ;
ᐃᓱᖃᖏᑦᑐᒧᓪᓗ ᑐᕌᖓᔪᒥᒃ ᐊᖏᖃᑎᒌᒍᑎᖃᕐᕕᒋᓪᓗᒋᑦ.
ᑖᑦᓱᒪ ᐊᑎᖓ ᐃᔪᕐᓁᑦᑑᕗᖅ ᐅᐱᓐᓇᕐᑐᕐᔪᐊᖑᓪᓗᓂᓗ.
10 #
ᔫᐱ 28:28; ᓲᓗᒨᓂ 1:7; 9:10. ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ;
ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ.
ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!
Currently Selected:
ᐃᓐᖏᕈᑎᑦ 111: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
