ᓲᓗᒨᓂᐅᑉ ᐅᖃᓪᓚᖕᓂᖏᑦ 8
8
ᓯᓚᑐᓂᕐᒥᒃ ᓂᕐᑐᐃᓂᖅ
1 #
ᓲᓗᒨᓂ 1:20,21. ᓯᓚᑐᓂᖅ ᕾᖁᔨᓐᖏᓛᖅ?
ᑐᑭᓯᓂᕐᓗ ᑐᓴᕐᓴᐅᑎᓐᖏᓛᖅ ᓂᐱᖅᑯᕐᑐᓗᓂ?
2ᐳᕐᑐᓂᕐᓂ ᐊᖅᑯᑏᑦ ᖃᓂᒋᔭᖏᓐᓂ,
ᐊᖅᑯᑏᓪᓗ ᑲᑎᓐᓂᖏᓐᓂ ᓇᖏᕐᐳᖅ.
3ᐃᑎᕐᑕᕐᕖᑦ ᓴᓂᖏᓐᓂ ᐃᒡᓗᒐᓴᒡᔪᐊᑦ ᓯᕗᖏᓐᓂ,
ᐅᒃᑯᐊᖏᑕ ᓴᓂᐊᓂ ᓂᐱᖅᑯᕐᑐᓪᓗᓂ ᕾᖁᔨᕗᖅ:
4“ᐊᖑᑕᐅᔪᓯ ᐃᓕᑦᓯ ᕾᖁᕙᑦᓯ;
ᐃᓄᓕᒫᓪᓗ ᕾᖁᒋᕙᒃᑲ.
5ᓯᓔᑦᑐᓯ, ᐃᓕᓐᓂᐊᓕᕆᑦᓯ ᐅᑦᔨᕐᑐᑦᓯᐊᕈᓐᓇᕐᓯᖁᓪᓗᓯ;
ᓯᓔᑦᑐᓯᓗ, ᓈᓚᑦᓯᐊᓕᕆᑦᓯ.
6ᑐᓴᕆᑦᓯ, ᐅᖃᐅᓯᖃᕐᓂᐊᕋᒪ ᐊᑐᕆᐊᖃᒻᒪᕆᒃᑐᓂᒃ;
ᐅᖃᐅᓯᒃᑲᓗ ᓴᖅᑭᑎᑦᓯᓂᐊᕐᒪᑕ ᓇᓛᒎᕐᑐᒥᒃ.
7ᐅᖃᐅᓯᕆᔭᒃᑲ ᓴᖅᑭᑎᑦᓯᓂᐊᕐᐳᑦ ᓱᓕᔪᒥᒃ;
ᐱᐅᖏᑦᑐᓂᒃ ᐅᖃᐅᓯᖃᕐᓂᖅ ᖃᓂᓐᓄᑦ ᓇᕐᕈᓇᕐᒪᑦ.
8ᖃᓂᒃᑯᑦ ᐅᖃᐅᓯᕆᔭᓕᒫᒃᑲ ᓇᓛᒎᕐᓂᐅᕗᑦ;
ᓴᒡᓗᓂᕐᑕᖃᓐᖏᓚᑦ ᑕᒻᒪᕐᑎᑦᓯᓂᕐᑕᖃᕋᑎᒡᓗ.
9ᑐᑭᓯᓯᒪᔪᒧᑦ ᑐᑭᓯᓇᑦᓯᐊᕐᐳᑦ;
ᖃᐅᔨᒪᔪᒧᓪᓗ ᓱᓕᑦᓯᐊᕐᓗᑎᒃ.
10ᐅᖃᐅᑦᔪᐃᓂᒃᑲ ᐃᓚᓕᐅᖔᒃᑭᑦ ᓯᐅᓪᕕᕆ ᐱᓐᖏᖔᕐᓗᒍ;
ᖃᐅᔨᒪᓂᖅ ᐱᓯᒪᖔᕈᒃ ᒎᓗ ᐱᔪᒥᓇᕐᑐᖅ ᐱᓐᖏᖔᕐᓗᒍ.
11ᓯᓚᑐᓂᖅ ᐱᐅᓂᕐᓴᐅᕗᖅ ᐱᖁᑎᓂᑦ ᐱᐅᓴᐅᑎᓂᑦ;
ᐱᔪᒪᔭᓕᒫᕐᓂᒡᓗ ᐊᑦᔨᖃᕈᓐᓇᕋᓂ.
12ᐅᕙᖓ, ᓯᓚᑐᓂᐅᕗᖓ ᐃᓂᖃᕐᐳᖓ ᑲᒪᑦᓯᐊᕐᓂᕐᒥᒃ;
ᖃᐅᔨᒪᓂᕐᓗ ᓈᒻᒪᓈᑦᓯᐊᕐᓂᕐᓗ ᐱᓯᒪᕙᒃᑲ.
13ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ;
ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ
ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.
14ᐊᔪᕆᕐᑐᐃᓂᖅ ᓯᓚᑐᑦᓯᐊᕐᓂᕐᓗ,
ᑐᑭᓯᓯᒪᓂᕐᓗ ᐱᔪᓐᓇᕐᓂᕐᓗ ᐱᓯᒪᕙᒃᑲ.
15ᐅᕙᒃᑯᑦ ᐊᖓᔪᖅᑳᕐᔪᐊᑦ ᐊᐅᓚᑦᓯᕙᒃᐳᑦ,
ᐱᖁᔭᓕᐅᕈᓐᓇᕐᐸᒃᓗᑎᒡᓗ ᓈᒻᒪᓈᑦᓯᐊᕐᑐᓂᒃ.
16ᐅᕙᒃᑯᑦ ᐊᖓᔪᖅᑳᑦ ᐊᖓᔪᖅᑳᖑᕙᒃᐳᑦ,
ᐊᖓᔪᖅᑳᓪᓗ ᓄᓇᓕᖕᓂᒃ ᐊᐅᓚᑦᓯᕙᒃᓗᑎᒃ.
17ᐅᕙᓐᓂᒃ ᐱᓐᓈᕈᓱᒃᑐᑦ ᐱᓐᓈᕆᒋᒋᕙᒃᑲ;
ᐅᕙᓐᓂᒡᓗ ᕿᓂᓪᓚᕆᒃᑐᑦ ᓇᓂᓂᐊᕐᐹᖓ.
18ᐊᒃᓗᐃᓐᓂᖅ ᐅᐱᒋᔭᐅᑦᓯᐊᕐᓂᕐᓗ ᐅᕙᓐᓃᑉᐳᑦ,
ᐊᔪᕐᓴᖏᓐᓂᖅ ᐱᔪᓐᓇᑦᓯᐊᕐᓂᕐᓗ ᐅᕙᓐᓃᒃᑭᕗᑦ.
19ᕾᑕᒃᑲ ᒎᓗᒥᑦ ᐱᐅᓂᕐᓴᐅᕗᑦ, ᐊᒡᓛᑦ ᒎᓗᒥᑦ ᐃᓚᖃᖏᑦᑐᒥᑦ,
ᐱᐅᓂᕐᓴᐅᓪᓗᑎᒡᓗ ᓯᐅᓪᕕᕇᑦ ᐱᐅᓂᕐᐹᖓᓐᓂᑦ.
20ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ;
ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.
21ᐅᕙᓐᓂᒃ ᐱᓐᓈᕈᓱᒃᑐᑦ ᐊᔪᕐᓴᖏᑎᑉᐸᒃᑲ,
ᓇᔪᕐᑕᖏᓪᓗ ᐃᓗᓪᓕᕐᑐᕐᓗᒋᑦ ᐱᕕᐊᕐᓇᕐᑐᖁᑎᒃᓴᖏᓐᓂᒃ.
22 #
ᑕᑯᑎ 3:14. ᐊᑕᓂᐅᑉ ᐱᓐᖑᕐᑎᓚᐅᕐᐹᖓ ᓯᕗᓪᓕᕐᐹᖑᓪᓗᖓ,
ᐱᓐᖑᕐᑎᑦᓯᕙᓪᓕᐊᓕᕐᑎᓪᓗᒍ ᑍᑦᓱᒪᓂᐊᓗᒃ.
23ᐱᒋᐊᕐᑎᑕᐅᓚᐅᕐᓯᒪᕗᖓ ᐱᒋᐊᕐᓂᖓᓂᑦ,
ᓯᕗᓪᓕᕐᐸᐅᓪᓗᖓ ᓄᓇᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ.
24ᐱᒋᐊᕐᑎᑕᐅᓚᐅᕐᐳᖓ ᐃᑎᔪᓂᒃ ᐃᒪᕐᔪᐊᖃᓚᐅᕐᑎᓐᓇᒍ,
ᓄᓇᐅᓪᓗ ᐃᓗᐊᓂᑦ ᐱᔪᓂᒃ ᑰᒃᑐᖃᓕᓚᐅᕐᑎᓐᓇᒍ.
25ᖃᖅᑳᓗᐃᑦ ᐋᖅᑭᓚᐅᕐᑎᓐᓇᒋᑦ,
ᐱᖑᐃᓪᓗ ᓴᖅᑭᓚᐅᕐᑎᓐᓇᒋᑦ, ᐱᒋᐊᓚᐅᕐᐳᖓ.
26ᒎᑎᐅᓪᓗ ᓄᓇᕐᔪᐊᑉ ᓇᑎᕐᓇᖏᑦ ᓴᖅᑭᑎᓚᐅᕐᑎᓐᓇᓂᒋᑦ
ᓄᓇᑐᐃᓐᓇᕐᓘᓐᓃᑦ ᐱᕈᕐᓰᕕᒃᓴᖅ ᓴᖅᑭᑎᑕᐅᓚᐅᕐᑎᓐᓇᒍ.
27ᕿᓔᑦ ᐱᓐᖑᕐᑎᓕᕐᒪᒋᑦ, ᑕᕝᕙᓃᓚᐅᕐᐳᖓ,
ᐃᒪᕐᔪᐊᓪᓗ ᐊᖕᒪᓗᕐᓂᖓ ᐋᖅᑭᓕᕐᑎᓪᓗᓂᐅᒃ,
28ᓄᕗᔭᓪᓗ ᐃᓂᒃᓴᖏᓐᓅᖅᑲᓕᕐᑎᓪᓗᓂᒋᑦ ᕿᓚᖕᒥ,
ᐃᒪᕐᔪᐊᒥᓗ ᐃᑎᔪᒥ ᑯᕖᓐᓇᕐᑐᑦ ᓴᖅᑭᑎᓕᕐᑎᓪᓗᓂᒋᑦ.
29ᐃᒪᕕᐅᓪᓗ ᐃᑎᓂᕆᔭᕆᐊᖃᕐᑕᖏᑦ ᓈᒻᒪᒃᓯᓕᕐᑎᓪᓗᓂᒋᑦ,
ᐃᒪᕐᔪᐊᑉ ᐅᓕᖃᑦᑕᕐᓂᒃᓴᖓᑕ ᐃᓱᓕᑦᑕᕐᕕᒃᓴᖓ ᐅᖃᐅᓯᕆᑎᓪᓗᓂᐅᒃ,
ᓄᓇᕐᔪᐊᑉ ᑐᓐᖓᕕᒃᓴᖓ ᐋᖅᑭᒃᓱᓕᕐᑎᓪᓗᓂᐅᒃ ᑕᕝᕙᓃᓚᐅᕐᐳᖓ.
30ᑖᑦᓱᒪ ᓴᓂᐊᓃᓚᐅᕐᐳᖓ, ᓴᓇᔭᐅᔪᓂᒃ ᑲᒪᔨᒻᒪᕆᒃᑎᑐᑦ,
ᖃᐅᑕᒫᓪᓗ ᑖᑦᓱᒪ ᖁᕕᐊᓱᒍᓐᓇᐅᑎᒋᖃᑦᑕᓚᐅᕐᐹᖓ,
ᑖᑦᓱᒪᓗ ᓇᔪᕐᑕᖓᓂ ᖁᕕᐊᓱᐃᓐᓇᖃᑦᑕᕐᓗᖓ.
31ᖁᕕᐊᓲᑎᖃᕐᓗᖓ ᑖᑦᓱᒪ ᓄᓇᕐᔪᐊᖁᑎᖓᓂᒃ,
ᓈᒻᒪᒋᓪᓗᒋᓪᓗ ᖁᕕᐊᓲᑎᖃᕐᐳᖓ ᐃᓄᓕᒫᓂᒃ.
32ᒫᓐᓇᓕ, ᕿᑐᕐᖓᒃᑲ, ᐅᖃᐅᓯᒃᑲ ᓈᓚᒃᓯᒋᒃ;
ᖁᕕᐊᓱᒍᑎᒃᓴᖃᕐᐳᑦ ᐊᖅᑯᓯᓂᓐᓂᒃ ᒪᓕᒃᑐᑦ.
33ᐊᔪᕆᕐᑐᕐᑕᐅᑦᔪᑎᑎᑦ ᓈᓚᑭᑦ ᓯᓚᑐᓗᑎᓪᓗ ᑲᒪᒋᔪᓐᓃᕐᑍᓕᒃᑭᑦ.
34ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᐅᕙᓐᓂᒃ ᓈᓚᒃᑐᖅ;
ᐃᑎᕐᑕᕐᕕᖁᑎᓐᓂ ᖃᐅᑕᒫᑦ ᖃᐅᔨᓮᓐᓇᕐᑐᖅ,
ᐃᑎᕐᑕᕐᕕᖁᑎᒪ ᐅᒃᑯᐊᖓᑕ ᓴᓂᐊᓂ ᐅᑕᖅᑭᓗᓂ.
35ᐅᕙᓐᓂᒃ ᓇᓂᓯᔪᖅ ᐃᓅᓯᕐᒥᒃ ᓇᓂᓯᕗᖅ,
ᐊᑕᓂᒧᓪᓗ ᖁᕕᐊᒋᔭᐅᓂᕐᒥᒃ ᓇᓂᓯᓪᓗᓂ.
36ᐅᕙᓐᓂᒃ ᓇᓂᓯᖏᑦᑐᖅ ᓇᖕᒥᓂᖅ ᐋᓐᓂᐊᑎᑉᐳᖅ;
ᐅᕙᓐᓂᒃ ᐆᒥᓱᒃᑐᑦ ᑐᖁᒥᒃ ᐅᖓᕗᑦ.”
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 8: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᓲᓗᒨᓂᐅᑉ ᐅᖃᓪᓚᖕᓂᖏᑦ 8
8
ᓯᓚᑐᓂᕐᒥᒃ ᓂᕐᑐᐃᓂᖅ
1 #
ᓲᓗᒨᓂ 1:20,21. ᓯᓚᑐᓂᖅ ᕾᖁᔨᓐᖏᓛᖅ?
ᑐᑭᓯᓂᕐᓗ ᑐᓴᕐᓴᐅᑎᓐᖏᓛᖅ ᓂᐱᖅᑯᕐᑐᓗᓂ?
2ᐳᕐᑐᓂᕐᓂ ᐊᖅᑯᑏᑦ ᖃᓂᒋᔭᖏᓐᓂ,
ᐊᖅᑯᑏᓪᓗ ᑲᑎᓐᓂᖏᓐᓂ ᓇᖏᕐᐳᖅ.
3ᐃᑎᕐᑕᕐᕖᑦ ᓴᓂᖏᓐᓂ ᐃᒡᓗᒐᓴᒡᔪᐊᑦ ᓯᕗᖏᓐᓂ,
ᐅᒃᑯᐊᖏᑕ ᓴᓂᐊᓂ ᓂᐱᖅᑯᕐᑐᓪᓗᓂ ᕾᖁᔨᕗᖅ:
4“ᐊᖑᑕᐅᔪᓯ ᐃᓕᑦᓯ ᕾᖁᕙᑦᓯ;
ᐃᓄᓕᒫᓪᓗ ᕾᖁᒋᕙᒃᑲ.
5ᓯᓔᑦᑐᓯ, ᐃᓕᓐᓂᐊᓕᕆᑦᓯ ᐅᑦᔨᕐᑐᑦᓯᐊᕈᓐᓇᕐᓯᖁᓪᓗᓯ;
ᓯᓔᑦᑐᓯᓗ, ᓈᓚᑦᓯᐊᓕᕆᑦᓯ.
6ᑐᓴᕆᑦᓯ, ᐅᖃᐅᓯᖃᕐᓂᐊᕋᒪ ᐊᑐᕆᐊᖃᒻᒪᕆᒃᑐᓂᒃ;
ᐅᖃᐅᓯᒃᑲᓗ ᓴᖅᑭᑎᑦᓯᓂᐊᕐᒪᑕ ᓇᓛᒎᕐᑐᒥᒃ.
7ᐅᖃᐅᓯᕆᔭᒃᑲ ᓴᖅᑭᑎᑦᓯᓂᐊᕐᐳᑦ ᓱᓕᔪᒥᒃ;
ᐱᐅᖏᑦᑐᓂᒃ ᐅᖃᐅᓯᖃᕐᓂᖅ ᖃᓂᓐᓄᑦ ᓇᕐᕈᓇᕐᒪᑦ.
8ᖃᓂᒃᑯᑦ ᐅᖃᐅᓯᕆᔭᓕᒫᒃᑲ ᓇᓛᒎᕐᓂᐅᕗᑦ;
ᓴᒡᓗᓂᕐᑕᖃᓐᖏᓚᑦ ᑕᒻᒪᕐᑎᑦᓯᓂᕐᑕᖃᕋᑎᒡᓗ.
9ᑐᑭᓯᓯᒪᔪᒧᑦ ᑐᑭᓯᓇᑦᓯᐊᕐᐳᑦ;
ᖃᐅᔨᒪᔪᒧᓪᓗ ᓱᓕᑦᓯᐊᕐᓗᑎᒃ.
10ᐅᖃᐅᑦᔪᐃᓂᒃᑲ ᐃᓚᓕᐅᖔᒃᑭᑦ ᓯᐅᓪᕕᕆ ᐱᓐᖏᖔᕐᓗᒍ;
ᖃᐅᔨᒪᓂᖅ ᐱᓯᒪᖔᕈᒃ ᒎᓗ ᐱᔪᒥᓇᕐᑐᖅ ᐱᓐᖏᖔᕐᓗᒍ.
11ᓯᓚᑐᓂᖅ ᐱᐅᓂᕐᓴᐅᕗᖅ ᐱᖁᑎᓂᑦ ᐱᐅᓴᐅᑎᓂᑦ;
ᐱᔪᒪᔭᓕᒫᕐᓂᒡᓗ ᐊᑦᔨᖃᕈᓐᓇᕋᓂ.
12ᐅᕙᖓ, ᓯᓚᑐᓂᐅᕗᖓ ᐃᓂᖃᕐᐳᖓ ᑲᒪᑦᓯᐊᕐᓂᕐᒥᒃ;
ᖃᐅᔨᒪᓂᕐᓗ ᓈᒻᒪᓈᑦᓯᐊᕐᓂᕐᓗ ᐱᓯᒪᕙᒃᑲ.
13ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ;
ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ
ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.
14ᐊᔪᕆᕐᑐᐃᓂᖅ ᓯᓚᑐᑦᓯᐊᕐᓂᕐᓗ,
ᑐᑭᓯᓯᒪᓂᕐᓗ ᐱᔪᓐᓇᕐᓂᕐᓗ ᐱᓯᒪᕙᒃᑲ.
15ᐅᕙᒃᑯᑦ ᐊᖓᔪᖅᑳᕐᔪᐊᑦ ᐊᐅᓚᑦᓯᕙᒃᐳᑦ,
ᐱᖁᔭᓕᐅᕈᓐᓇᕐᐸᒃᓗᑎᒡᓗ ᓈᒻᒪᓈᑦᓯᐊᕐᑐᓂᒃ.
16ᐅᕙᒃᑯᑦ ᐊᖓᔪᖅᑳᑦ ᐊᖓᔪᖅᑳᖑᕙᒃᐳᑦ,
ᐊᖓᔪᖅᑳᓪᓗ ᓄᓇᓕᖕᓂᒃ ᐊᐅᓚᑦᓯᕙᒃᓗᑎᒃ.
17ᐅᕙᓐᓂᒃ ᐱᓐᓈᕈᓱᒃᑐᑦ ᐱᓐᓈᕆᒋᒋᕙᒃᑲ;
ᐅᕙᓐᓂᒡᓗ ᕿᓂᓪᓚᕆᒃᑐᑦ ᓇᓂᓂᐊᕐᐹᖓ.
18ᐊᒃᓗᐃᓐᓂᖅ ᐅᐱᒋᔭᐅᑦᓯᐊᕐᓂᕐᓗ ᐅᕙᓐᓃᑉᐳᑦ,
ᐊᔪᕐᓴᖏᓐᓂᖅ ᐱᔪᓐᓇᑦᓯᐊᕐᓂᕐᓗ ᐅᕙᓐᓃᒃᑭᕗᑦ.
19ᕾᑕᒃᑲ ᒎᓗᒥᑦ ᐱᐅᓂᕐᓴᐅᕗᑦ, ᐊᒡᓛᑦ ᒎᓗᒥᑦ ᐃᓚᖃᖏᑦᑐᒥᑦ,
ᐱᐅᓂᕐᓴᐅᓪᓗᑎᒡᓗ ᓯᐅᓪᕕᕇᑦ ᐱᐅᓂᕐᐹᖓᓐᓂᑦ.
20ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ;
ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.
21ᐅᕙᓐᓂᒃ ᐱᓐᓈᕈᓱᒃᑐᑦ ᐊᔪᕐᓴᖏᑎᑉᐸᒃᑲ,
ᓇᔪᕐᑕᖏᓪᓗ ᐃᓗᓪᓕᕐᑐᕐᓗᒋᑦ ᐱᕕᐊᕐᓇᕐᑐᖁᑎᒃᓴᖏᓐᓂᒃ.
22 #
ᑕᑯᑎ 3:14. ᐊᑕᓂᐅᑉ ᐱᓐᖑᕐᑎᓚᐅᕐᐹᖓ ᓯᕗᓪᓕᕐᐹᖑᓪᓗᖓ,
ᐱᓐᖑᕐᑎᑦᓯᕙᓪᓕᐊᓕᕐᑎᓪᓗᒍ ᑍᑦᓱᒪᓂᐊᓗᒃ.
23ᐱᒋᐊᕐᑎᑕᐅᓚᐅᕐᓯᒪᕗᖓ ᐱᒋᐊᕐᓂᖓᓂᑦ,
ᓯᕗᓪᓕᕐᐸᐅᓪᓗᖓ ᓄᓇᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ.
24ᐱᒋᐊᕐᑎᑕᐅᓚᐅᕐᐳᖓ ᐃᑎᔪᓂᒃ ᐃᒪᕐᔪᐊᖃᓚᐅᕐᑎᓐᓇᒍ,
ᓄᓇᐅᓪᓗ ᐃᓗᐊᓂᑦ ᐱᔪᓂᒃ ᑰᒃᑐᖃᓕᓚᐅᕐᑎᓐᓇᒍ.
25ᖃᖅᑳᓗᐃᑦ ᐋᖅᑭᓚᐅᕐᑎᓐᓇᒋᑦ,
ᐱᖑᐃᓪᓗ ᓴᖅᑭᓚᐅᕐᑎᓐᓇᒋᑦ, ᐱᒋᐊᓚᐅᕐᐳᖓ.
26ᒎᑎᐅᓪᓗ ᓄᓇᕐᔪᐊᑉ ᓇᑎᕐᓇᖏᑦ ᓴᖅᑭᑎᓚᐅᕐᑎᓐᓇᓂᒋᑦ
ᓄᓇᑐᐃᓐᓇᕐᓘᓐᓃᑦ ᐱᕈᕐᓰᕕᒃᓴᖅ ᓴᖅᑭᑎᑕᐅᓚᐅᕐᑎᓐᓇᒍ.
27ᕿᓔᑦ ᐱᓐᖑᕐᑎᓕᕐᒪᒋᑦ, ᑕᕝᕙᓃᓚᐅᕐᐳᖓ,
ᐃᒪᕐᔪᐊᓪᓗ ᐊᖕᒪᓗᕐᓂᖓ ᐋᖅᑭᓕᕐᑎᓪᓗᓂᐅᒃ,
28ᓄᕗᔭᓪᓗ ᐃᓂᒃᓴᖏᓐᓅᖅᑲᓕᕐᑎᓪᓗᓂᒋᑦ ᕿᓚᖕᒥ,
ᐃᒪᕐᔪᐊᒥᓗ ᐃᑎᔪᒥ ᑯᕖᓐᓇᕐᑐᑦ ᓴᖅᑭᑎᓕᕐᑎᓪᓗᓂᒋᑦ.
29ᐃᒪᕕᐅᓪᓗ ᐃᑎᓂᕆᔭᕆᐊᖃᕐᑕᖏᑦ ᓈᒻᒪᒃᓯᓕᕐᑎᓪᓗᓂᒋᑦ,
ᐃᒪᕐᔪᐊᑉ ᐅᓕᖃᑦᑕᕐᓂᒃᓴᖓᑕ ᐃᓱᓕᑦᑕᕐᕕᒃᓴᖓ ᐅᖃᐅᓯᕆᑎᓪᓗᓂᐅᒃ,
ᓄᓇᕐᔪᐊᑉ ᑐᓐᖓᕕᒃᓴᖓ ᐋᖅᑭᒃᓱᓕᕐᑎᓪᓗᓂᐅᒃ ᑕᕝᕙᓃᓚᐅᕐᐳᖓ.
30ᑖᑦᓱᒪ ᓴᓂᐊᓃᓚᐅᕐᐳᖓ, ᓴᓇᔭᐅᔪᓂᒃ ᑲᒪᔨᒻᒪᕆᒃᑎᑐᑦ,
ᖃᐅᑕᒫᓪᓗ ᑖᑦᓱᒪ ᖁᕕᐊᓱᒍᓐᓇᐅᑎᒋᖃᑦᑕᓚᐅᕐᐹᖓ,
ᑖᑦᓱᒪᓗ ᓇᔪᕐᑕᖓᓂ ᖁᕕᐊᓱᐃᓐᓇᖃᑦᑕᕐᓗᖓ.
31ᖁᕕᐊᓲᑎᖃᕐᓗᖓ ᑖᑦᓱᒪ ᓄᓇᕐᔪᐊᖁᑎᖓᓂᒃ,
ᓈᒻᒪᒋᓪᓗᒋᓪᓗ ᖁᕕᐊᓲᑎᖃᕐᐳᖓ ᐃᓄᓕᒫᓂᒃ.
32ᒫᓐᓇᓕ, ᕿᑐᕐᖓᒃᑲ, ᐅᖃᐅᓯᒃᑲ ᓈᓚᒃᓯᒋᒃ;
ᖁᕕᐊᓱᒍᑎᒃᓴᖃᕐᐳᑦ ᐊᖅᑯᓯᓂᓐᓂᒃ ᒪᓕᒃᑐᑦ.
33ᐊᔪᕆᕐᑐᕐᑕᐅᑦᔪᑎᑎᑦ ᓈᓚᑭᑦ ᓯᓚᑐᓗᑎᓪᓗ ᑲᒪᒋᔪᓐᓃᕐᑍᓕᒃᑭᑦ.
34ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᐅᕙᓐᓂᒃ ᓈᓚᒃᑐᖅ;
ᐃᑎᕐᑕᕐᕕᖁᑎᓐᓂ ᖃᐅᑕᒫᑦ ᖃᐅᔨᓮᓐᓇᕐᑐᖅ,
ᐃᑎᕐᑕᕐᕕᖁᑎᒪ ᐅᒃᑯᐊᖓᑕ ᓴᓂᐊᓂ ᐅᑕᖅᑭᓗᓂ.
35ᐅᕙᓐᓂᒃ ᓇᓂᓯᔪᖅ ᐃᓅᓯᕐᒥᒃ ᓇᓂᓯᕗᖅ,
ᐊᑕᓂᒧᓪᓗ ᖁᕕᐊᒋᔭᐅᓂᕐᒥᒃ ᓇᓂᓯᓪᓗᓂ.
36ᐅᕙᓐᓂᒃ ᓇᓂᓯᖏᑦᑐᖅ ᓇᖕᒥᓂᖅ ᐋᓐᓂᐊᑎᑉᐳᖅ;
ᐅᕙᓐᓂᒃ ᐆᒥᓱᒃᑐᑦ ᑐᖁᒥᒃ ᐅᖓᕗᑦ.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.