ᓲᓗᒨᓂᐅᑉ ᐅᖃᓪᓚᖕᓂᖏᑦ 7
7
1ᐃᕐᓃᒃ, ᐅᖃᐅᓯᒃᑲ ᐳᐃᒍᕐᑍᓕᒃᑭᑦ,
ᐱᖁᔭᒃᑲᓗ ᐊᓐᓂᕆᓗᒋᑦ ᐃᓗᒥᐅᑕᕆᒃᑭᑦ.
2ᐱᖁᔭᒃᑲ ᐱᓯᒪᒍᕕᒋᑦ ᑕᕝᕙ ᐃᓅᓂᐊᕐᐳᑎᑦ,
ᐃᓕᓮᑦᔪᑎᒋᔭᒃᑲ ᐱᓯᒪᑦᓯᐊᒃᑭᑦ ᐱᓐᓇᕆᓂᕐᐹᕆᓗᒋᑦ.
3ᕿᑎᕐᓯᕐᒥᐅᑕᑎᑐᑦ ᐊᑎᓯᒪᒃᑭᑦ ᐊᒡᒐᖕᓂ,
ᐆᒻᒪᑎᒃᑯᑦ ᑎᑎᕋᕐᓗᒋᑦ ᐅᔭᖅᑲᒧᑦ ᐃᑎᕐᓴᓕᐅᕈᑎᓯᒪᔪᑎᑐᑦ.
4ᓯᓚᑐᓂᖅ ᐅᖃᐅᑎᒍᒃ, “ᓇᔭᒋᕙᒋᑦ,”
ᑐᑭᓯᑎᑕᐅᓂᕐᓗ ᑍᓗᒍ ᐃᓚᓐᓇᕆᔭᕐᓂᒃ.
5ᓴᐳᑦᔨᔨᒋᓂᐊᕋᕕᒋᑦ ᐊᕐᓇᓂᑦ ᐅᐃᓕᖕᓂᑦ,
ᓴᐳᑦᔨᔨᒋᓗᒋᑦ ᐊᕐᓇᐅᑉ ᐅᖃᐅᓯᕐᒥᒍᑦ ᐱᔪᒥᓇᕐᓴᕋᓲᑎᖏᓐᓂᑦ.
ᐊᕐᓇᖅ ᐊᓯᓐᓂᐊᕐᑎ
6ᐃᒡᓗᒪ ᐃᒐᓛᖓᒍᑦ ᐃᑦᓱᐊᕋᒪ
ᐳᑐᒐᓛᖏᑎᒍᑦ ᑕᑯᓐᓈᕐᑎᓪᓗᖓ,
7ᑕᑯᓚᐅᕐᐳᖓ ᐊᖑᒻᒥᒃ ᐃᓅᓱᒃᑐᑦ ᐃᓚᖓᓐᓂᒃ,
ᑖᑦᓱᒥᖓ ᐃᓅᓱᒃᑐᒥᒃ ᐅᑦᔨᕈᓱᓕᕐᐳᖓ ᓯᓔᑦᑐᒥᒃ.
8ᑖᓐᓇ ᐱᓱᓚᐅᕐᐳᖅ ᐊᖅᑯᑎᒃᑯᑦ ᐊᕐᓇᐅᑉ ᐃᒡᓗᖓᑕ ᓴᓂᐊᒍᑦ,
ᐊᖅᑯᑎᒃᑯᑦ ᐊᕐᓇᐅᑉ ᐃᒡᓗᖓᓄᑦ ᑐᕌᕐᑐᒃᑯᑦ
9ᐅᓐᓄᒃᑯᑦ ᑖᕐᓯᓕᕐᑎᓪᓗᒍ,
ᑍᑦᓱᒪᓂ ᐅᓐᓄᒃᑲᒥ ᑖᕐᑑᓕᓚᐅᕐᐳᖅ.
10ᑕᑯᒋᓪᓗ, ᐊᕐᓇᐅᑉ ᐅᐸᒃᐹ, ᐊᖑᓐᓂᐊᕐᑎᑎᑐᑦ ᐊᓐᓄᕌᕐᓯᒪᓪᓗᓂ
ᐊᑐᕈᒪᔭᒥᓂᒡᓗ ᐋᖅᑭᒃᓯᔭᕇᕐᓯᒪᓪᓗᓂ.
11ᓂᐱᖅᑯᕐᑐᓪᓗᓂ ᐅᐃᒪᔮᕐᓗᓂᓗ ᐃᑎᒐᖏᑦ ᐊᖏᕐᕋᕐᓯᒪᔪᒪᖏᑦᑐᑦ;
12ᐊᖅᑯᑎᒦᓕᕐᑐᖅ, ᓂᐅᕕᕐᕕᖕᓂᓗ, ᐊᖅᑯᑏᓪᓗ ᑎᕆᖅᑯᖏᓐᓂ ᐅᑕᖅᑭᐅᕐᐸᒃᑐᖅ.
13ᐊᕐᓇᐅᑉ ᐊᖑᑦ ᐃᕿᓪᓗᒍ ᑯᓂᒃᐹ, ᑕᑯᓴᓪᓗᐊᕐᓗᒍᓗ ᐅᖃᐅᑎᕚ:
14“ᑐᓂᕐᕈᓯᕆᐊᖃᖅᑲᐅᒐᒪ, ᐅᓪᓗᒥ ᐊᖏᕈᑎᒃᑲ ᐊᑭᓕᖅᑲᐅᕙᒃᑲ.
15ᐊᓂᖅᑲᐅᕗᖓ ᕿᓂᕆᐊᕐᓗᑎᑦ, ᑕᑯᔪᒪᓪᓚᕆᒃᓗᑎᑦ ᐊᓱᐃᓛᒃ ᓇᓂᕙᒋᑦ.
16ᓯᓂᒡᕕᒐᓗ ᕿᐱᓕᖅᑲᐅᕙᕋ, ᑕᕐᓴᖃᐅᑦᓯᐊᕐᑐᒥᒃ ᓯᓂᒡᕕᐅᑉ ᐅᓕᖓᓂᒃ ᐄᑦᔨᑉᑎᒥᑦ ᐱᓯᒪᔪᒥᒃ;
17ᒪᒪᕐᓴᐅᑖᖅᑲᐅᕙᕋᓗ ᐱᖓᓱᐃᓄᑦ ᒫᕐᒧᑦ, ᐋᓘᒧᑦ ᓯᓂᒪᓐᒧᓪᓗ.
18ᕾᓕᕆᑦ, ᐃᓐᓇᖓᖃᑎᒌᖕᓂᐊᕋᓐᓄᒃ ᐅᓪᓛᒧᑦ ᑎᑭᓪᓗᒍ;
ᖁᕕᐊᓱᖕᓂᐊᕋᓐᓄᒃ ᐃᕿᒻᒥᖃᑦᑕᐅᑎᓗᓄᒃ ᓇᒡᓕᖕᓂᒃᑯᑦ.
19ᐅᐃᒐ ᐊᖏᕐᕋᕐᓯᒪᖏᒻᒪᑦ, ᐊᐅᓪᓚᕐᓯᒪᖕᒪᑦ ᐅᖓᓯᒃᑐᒧᑦ.
20ᑮᓇᐅᔭᓂᒃ ᐅᓄᕐᑐᓂᒃ ᓇᒃᓴᓚᐅᕋᒥ;
ᑕᖅᑭᖅ ᐃᓗᐃᑦᑑᓕᕐᐸᑦ ᑭᓯᐊᓂ ᐅᑎᕈᒫᕐᐳᖅ.”
21ᐱᔪᒥᓇᕐᓴᕐᓂᕐᒥᓄᑦ ᐅᐃᕕᕐᕆᕚ ᐅᖃᐅᓯᖏᓐᓄᓪᓗ ᓵᓚᐅᕗᖅ;
ᐅᖃᐅᓯᑦᓯᐊᕙᖕᒥᓄᑦ ᐊᖏᕐᑎᑉᐹ.
22ᐊᕐᓇᖅ ᑕᕝᕔᓐᓇᖅ ᒪᓕᒃᓴᕐᐹ,
ᐊᖑᓴᓪᓗᕐᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᔪᑎᑐᑦ,
ᑐᒃᑑᔭᕐᑐᑎᑐᓪᓗ ᑎᒍᔭᐅᕕᒃᓴᒥᓄᓐᖓᐅᔪᑎᑐᑦ.
23ᐃᕐᕋᕕᖕᒥᒍᑦ ᐱᓯᒃᑕᐅᔪᑐᑦ ᑍᒤᑉᐳᖅ;
ᑎᖕᒥᐊᑐᓪᓗ ᑲᑦᓱᖎᑦᑐᒥᒃ ᓄᓗᐊᓄᑦ ᐂᔪᑐᑦ;
ᖃᐅᔨᒪᓇᓂ ᑐᖁᑕᐅᓂᐊᓕᕐᓂᕐᒥᓂᒃ.
24ᒫᓐᓇ, ᐃᕐᓃᒃᑲᒃ ᓈᓚᒃᓯᓐᖓ, ᐅᖃᐅᓯᕆᔭᒃᑲᓗ ᑐᓵᑦᓯᐊᕐᓗᒋᑦ,
25ᐆᒻᒪᑏᑦ ᐊᕐᓇᒧᑦ ᑍᒤᑦᑑᑉ ᐱᓂᐊᕐᓂᖏᓐᓄᑦ ᓴᖑᑎᑕᐅᑦᑍᓕᓕ;
ᑕᒻᒪᕐᑍᓕᒋᑦ ᐊᖅᑯᑎᖏᓐᓄᑦ;
26ᑍᒤᑦᑐᑦ ᐅᓄᕐᑐᓄᑦ ᐊᓯᕈᕐᑕᐅᑦᔪᑕᐅᓯᒪᕗᑦ;
ᐃᓛᒃ, ᑐᖁᑎᑕᐅᓯᒪᔪᑦ ᑍᒤᑦᑐᓄᑦ ᐊᔪᖏᑦᑐᐊᓗᐃᑦ ᐅᓄᕐᐳᑦ.
27ᐊᕐᓇᐅᑉ ᑍᒤᑦᑑᑉ ᐃᒡᓗᖓ ᐃᓗᕕᕐᑕᐅᕕᖕᒧᑦ ᑐᕌᕐᐳᖅ,
ᑐᖁᖓᔪᓪᓗ ᐃᓂᖓᓄᐊᕐᓂᕐᒧᑦ ᑐᕅᓐᓇᕈᑕᐅᓪᓗᓂ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 7: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᓲᓗᒨᓂᐅᑉ ᐅᖃᓪᓚᖕᓂᖏᑦ 7
7
1ᐃᕐᓃᒃ, ᐅᖃᐅᓯᒃᑲ ᐳᐃᒍᕐᑍᓕᒃᑭᑦ,
ᐱᖁᔭᒃᑲᓗ ᐊᓐᓂᕆᓗᒋᑦ ᐃᓗᒥᐅᑕᕆᒃᑭᑦ.
2ᐱᖁᔭᒃᑲ ᐱᓯᒪᒍᕕᒋᑦ ᑕᕝᕙ ᐃᓅᓂᐊᕐᐳᑎᑦ,
ᐃᓕᓮᑦᔪᑎᒋᔭᒃᑲ ᐱᓯᒪᑦᓯᐊᒃᑭᑦ ᐱᓐᓇᕆᓂᕐᐹᕆᓗᒋᑦ.
3ᕿᑎᕐᓯᕐᒥᐅᑕᑎᑐᑦ ᐊᑎᓯᒪᒃᑭᑦ ᐊᒡᒐᖕᓂ,
ᐆᒻᒪᑎᒃᑯᑦ ᑎᑎᕋᕐᓗᒋᑦ ᐅᔭᖅᑲᒧᑦ ᐃᑎᕐᓴᓕᐅᕈᑎᓯᒪᔪᑎᑐᑦ.
4ᓯᓚᑐᓂᖅ ᐅᖃᐅᑎᒍᒃ, “ᓇᔭᒋᕙᒋᑦ,”
ᑐᑭᓯᑎᑕᐅᓂᕐᓗ ᑍᓗᒍ ᐃᓚᓐᓇᕆᔭᕐᓂᒃ.
5ᓴᐳᑦᔨᔨᒋᓂᐊᕋᕕᒋᑦ ᐊᕐᓇᓂᑦ ᐅᐃᓕᖕᓂᑦ,
ᓴᐳᑦᔨᔨᒋᓗᒋᑦ ᐊᕐᓇᐅᑉ ᐅᖃᐅᓯᕐᒥᒍᑦ ᐱᔪᒥᓇᕐᓴᕋᓲᑎᖏᓐᓂᑦ.
ᐊᕐᓇᖅ ᐊᓯᓐᓂᐊᕐᑎ
6ᐃᒡᓗᒪ ᐃᒐᓛᖓᒍᑦ ᐃᑦᓱᐊᕋᒪ
ᐳᑐᒐᓛᖏᑎᒍᑦ ᑕᑯᓐᓈᕐᑎᓪᓗᖓ,
7ᑕᑯᓚᐅᕐᐳᖓ ᐊᖑᒻᒥᒃ ᐃᓅᓱᒃᑐᑦ ᐃᓚᖓᓐᓂᒃ,
ᑖᑦᓱᒥᖓ ᐃᓅᓱᒃᑐᒥᒃ ᐅᑦᔨᕈᓱᓕᕐᐳᖓ ᓯᓔᑦᑐᒥᒃ.
8ᑖᓐᓇ ᐱᓱᓚᐅᕐᐳᖅ ᐊᖅᑯᑎᒃᑯᑦ ᐊᕐᓇᐅᑉ ᐃᒡᓗᖓᑕ ᓴᓂᐊᒍᑦ,
ᐊᖅᑯᑎᒃᑯᑦ ᐊᕐᓇᐅᑉ ᐃᒡᓗᖓᓄᑦ ᑐᕌᕐᑐᒃᑯᑦ
9ᐅᓐᓄᒃᑯᑦ ᑖᕐᓯᓕᕐᑎᓪᓗᒍ,
ᑍᑦᓱᒪᓂ ᐅᓐᓄᒃᑲᒥ ᑖᕐᑑᓕᓚᐅᕐᐳᖅ.
10ᑕᑯᒋᓪᓗ, ᐊᕐᓇᐅᑉ ᐅᐸᒃᐹ, ᐊᖑᓐᓂᐊᕐᑎᑎᑐᑦ ᐊᓐᓄᕌᕐᓯᒪᓪᓗᓂ
ᐊᑐᕈᒪᔭᒥᓂᒡᓗ ᐋᖅᑭᒃᓯᔭᕇᕐᓯᒪᓪᓗᓂ.
11ᓂᐱᖅᑯᕐᑐᓪᓗᓂ ᐅᐃᒪᔮᕐᓗᓂᓗ ᐃᑎᒐᖏᑦ ᐊᖏᕐᕋᕐᓯᒪᔪᒪᖏᑦᑐᑦ;
12ᐊᖅᑯᑎᒦᓕᕐᑐᖅ, ᓂᐅᕕᕐᕕᖕᓂᓗ, ᐊᖅᑯᑏᓪᓗ ᑎᕆᖅᑯᖏᓐᓂ ᐅᑕᖅᑭᐅᕐᐸᒃᑐᖅ.
13ᐊᕐᓇᐅᑉ ᐊᖑᑦ ᐃᕿᓪᓗᒍ ᑯᓂᒃᐹ, ᑕᑯᓴᓪᓗᐊᕐᓗᒍᓗ ᐅᖃᐅᑎᕚ:
14“ᑐᓂᕐᕈᓯᕆᐊᖃᖅᑲᐅᒐᒪ, ᐅᓪᓗᒥ ᐊᖏᕈᑎᒃᑲ ᐊᑭᓕᖅᑲᐅᕙᒃᑲ.
15ᐊᓂᖅᑲᐅᕗᖓ ᕿᓂᕆᐊᕐᓗᑎᑦ, ᑕᑯᔪᒪᓪᓚᕆᒃᓗᑎᑦ ᐊᓱᐃᓛᒃ ᓇᓂᕙᒋᑦ.
16ᓯᓂᒡᕕᒐᓗ ᕿᐱᓕᖅᑲᐅᕙᕋ, ᑕᕐᓴᖃᐅᑦᓯᐊᕐᑐᒥᒃ ᓯᓂᒡᕕᐅᑉ ᐅᓕᖓᓂᒃ ᐄᑦᔨᑉᑎᒥᑦ ᐱᓯᒪᔪᒥᒃ;
17ᒪᒪᕐᓴᐅᑖᖅᑲᐅᕙᕋᓗ ᐱᖓᓱᐃᓄᑦ ᒫᕐᒧᑦ, ᐋᓘᒧᑦ ᓯᓂᒪᓐᒧᓪᓗ.
18ᕾᓕᕆᑦ, ᐃᓐᓇᖓᖃᑎᒌᖕᓂᐊᕋᓐᓄᒃ ᐅᓪᓛᒧᑦ ᑎᑭᓪᓗᒍ;
ᖁᕕᐊᓱᖕᓂᐊᕋᓐᓄᒃ ᐃᕿᒻᒥᖃᑦᑕᐅᑎᓗᓄᒃ ᓇᒡᓕᖕᓂᒃᑯᑦ.
19ᐅᐃᒐ ᐊᖏᕐᕋᕐᓯᒪᖏᒻᒪᑦ, ᐊᐅᓪᓚᕐᓯᒪᖕᒪᑦ ᐅᖓᓯᒃᑐᒧᑦ.
20ᑮᓇᐅᔭᓂᒃ ᐅᓄᕐᑐᓂᒃ ᓇᒃᓴᓚᐅᕋᒥ;
ᑕᖅᑭᖅ ᐃᓗᐃᑦᑑᓕᕐᐸᑦ ᑭᓯᐊᓂ ᐅᑎᕈᒫᕐᐳᖅ.”
21ᐱᔪᒥᓇᕐᓴᕐᓂᕐᒥᓄᑦ ᐅᐃᕕᕐᕆᕚ ᐅᖃᐅᓯᖏᓐᓄᓪᓗ ᓵᓚᐅᕗᖅ;
ᐅᖃᐅᓯᑦᓯᐊᕙᖕᒥᓄᑦ ᐊᖏᕐᑎᑉᐹ.
22ᐊᕐᓇᖅ ᑕᕝᕔᓐᓇᖅ ᒪᓕᒃᓴᕐᐹ,
ᐊᖑᓴᓪᓗᕐᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᔪᑎᑐᑦ,
ᑐᒃᑑᔭᕐᑐᑎᑐᓪᓗ ᑎᒍᔭᐅᕕᒃᓴᒥᓄᓐᖓᐅᔪᑎᑐᑦ.
23ᐃᕐᕋᕕᖕᒥᒍᑦ ᐱᓯᒃᑕᐅᔪᑐᑦ ᑍᒤᑉᐳᖅ;
ᑎᖕᒥᐊᑐᓪᓗ ᑲᑦᓱᖎᑦᑐᒥᒃ ᓄᓗᐊᓄᑦ ᐂᔪᑐᑦ;
ᖃᐅᔨᒪᓇᓂ ᑐᖁᑕᐅᓂᐊᓕᕐᓂᕐᒥᓂᒃ.
24ᒫᓐᓇ, ᐃᕐᓃᒃᑲᒃ ᓈᓚᒃᓯᓐᖓ, ᐅᖃᐅᓯᕆᔭᒃᑲᓗ ᑐᓵᑦᓯᐊᕐᓗᒋᑦ,
25ᐆᒻᒪᑏᑦ ᐊᕐᓇᒧᑦ ᑍᒤᑦᑑᑉ ᐱᓂᐊᕐᓂᖏᓐᓄᑦ ᓴᖑᑎᑕᐅᑦᑍᓕᓕ;
ᑕᒻᒪᕐᑍᓕᒋᑦ ᐊᖅᑯᑎᖏᓐᓄᑦ;
26ᑍᒤᑦᑐᑦ ᐅᓄᕐᑐᓄᑦ ᐊᓯᕈᕐᑕᐅᑦᔪᑕᐅᓯᒪᕗᑦ;
ᐃᓛᒃ, ᑐᖁᑎᑕᐅᓯᒪᔪᑦ ᑍᒤᑦᑐᓄᑦ ᐊᔪᖏᑦᑐᐊᓗᐃᑦ ᐅᓄᕐᐳᑦ.
27ᐊᕐᓇᐅᑉ ᑍᒤᑦᑑᑉ ᐃᒡᓗᖓ ᐃᓗᕕᕐᑕᐅᕕᖕᒧᑦ ᑐᕌᕐᐳᖅ,
ᑐᖁᖓᔪᓪᓗ ᐃᓂᖓᓄᐊᕐᓂᕐᒧᑦ ᑐᕅᓐᓇᕈᑕᐅᓪᓗᓂ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.