ᓇᕼᐅᒥᐅᑉ ᐊᒡᓚᖏᑦ 2
2
ᓂᓂᕕᒥᐅᑦ ᐊᓯᕈᖅᑕᐅᓂᖓᑦ
1ᓯᖁᑦᑎᕆᔨ ᐃᓕᑦᓯᓐᓄᑦ ᒪᔪᕋᓕᖅᐳᖅ.
ᐊᕙᓗᕐᔪᐊᓯ ᖃᐅᔨᓴᖅᑎᖃᓕᖅᓕᑦ;
ᐊᖅᑯᑏᑦ ᐅᑦᔨᖅᑐᓕᖅᓯᒋᒃ;
ᐅᓇᑕᕐᖕᓂᕐᖕᒧᑦ ᐊᑐᐃᓐᓇᕈᓕᕆᑦᓯ;
ᓴᓐᖏᒃᑎᓴᓕᕆᑦᓯ ᓄᑭᖃᑦᓯᐊᖁᓪᓗᓯ.
2(ᐊᑕᓂᐅᑉ ᐅᑎᖅᑎᑦᓱᒫᓕᕐᖕᒪᒍ ᔧᑰᑉ ᐅᐱᓐᓇᕐᖕᓂᖓ ᐃᓴᕆᐊᓕᐅᑉ ᐅᐱᓐᓇᕐᖕᓂᖓ ᐅᑎᖅᑎᓪᓗᒍ, ᓄᖑᕅᔨᓄᑦ ᓄᖑᕈᑦᔭᐅᓚᐅᕋᓗᐊᖅᑎᓪᓗᒋᑦ ᕔᓂᒃᓴᖏᑕᓗ ᐊᕙᓚᖓᔪᖏᑦ ᓱᒃᑯᑕᐅᓚᐅᕋᓗᐊᖅᑎᓪᓗᒋᑦ.)
3ᐅᓇᑕᖅᑐᒃᓴᖁᑎᖏᑕ ᓴᐴᓗᑕᖏᑦ ᐊᐅᐸᖅᐳᑦ,
ᐊᓐᓄᕌᖃᖅᓗᑎᒡᓗ ᐊᐅᐸᓪᓚᕆᒃᑐᓂᒃ.
ᕿᒧᒃᓯᐅᑏᑦ ᐊᒃᓴᓗᐊᓖᑦ ᕿᓪᓛᒋᔭᕐᖕᓂᖏᑦ ᐃᑯᐊᓚᔪᑎᑐᑦ ᑍᒤᑉᐳᑦ;
ᐅᓇᑕᕆᐊᕐᖕᓂᕐᖕᒧᑦ ᐃᓄᒋᐊᒃᑐᕐᔪᐊᑦ ᐸᕐᖕᓇᓕᖅᑎᓪᓗᒋᑦ;
ᕿᒻᒥᕐᔪᐊᖏᑦ ᓂᒪᔮᓕᖅᐳᑦ ᕿᑲᕈᓐᓁᓪᓕᓪᓗᑎᒃ!
4ᕿᒧᒃᓯᐅᑎᖏᑦ ᐊᒃᓴᓗᐊᓖᑦ ᐃᖏᕐᕋᑲᑕᒃᐳᑦ ᐊᖅᑯᑎᑎᒍᑦ ᓱᒃᑲᓕᕋᖅᓗᑎᒃ,
ᐃᒡᓗᒐᓮᓪᓗ ᐊᖅᑯᑎᖏᑕ ᐱᕕᑐᓂᖏᑎᒍᑦ ᓂᓐᓂᐅᕋᐅᑎᕗᑦ ᓇᓕᐊᖕᓄᕋᖅᑐᑦ;
ᓇᓂᕈᐊᑎᑐᑦ ᑍᒤᑉᐳᑦ, ᖃᐅᒻᒪᓪᓚᒃᑎᑐᑦ ᓱᒃᑲᑦᑑᖃᑦᑕᖅᓱᑎᒃ.
5ᐅᓇᑕᖅᑐᒃᓴᖏᑕ ᐊᖓᔪᖅᑳᖏᑦ ᕾᖁᔭᐅᕗᑦ,
ᓯᕗᒻᒧᐊᓕᖅᓗᑎᒃ ᐹᓪᓚᒃᐳᑦ.
ᑐᐊᕕᖅᓗᑎᒃ ᐃᒡᓗᒐᓮᑦ ᐊᕙᓗᕐᔪᐊᖓᓄᐊᖅᐳᑦ,
ᓴᐴᓗᑦᓯᖅᓗᑎᒡᓗ ᓴᐴᓗᑕᕐᔪᐊᓂᒃ.
6ᑰᒑᓘᓪᓕ ᓯᒥᖏᑦ ᒪᑐᐃᕐᖕᒪᑕ,
ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᓱᐱᕕᐅᕗᖅ.
7ᑯᐃᓐ ᐊᕐᖕᓇᖅ ᓵᓚᐅᒐᒥ ᐊᐅᓪᓚᕈᑦᔭᐅᓕᖅᐳᖅ;
ᑖᑦᓱᒪᓗ ᐱᔨᖏᑦ ᓂᐹᓕᖅᐳᑦ ᐅᒡᒍᐊᕐᖕᓂᕐᖕᒧᑦ ᑑᕕᑎᑐᑦ,
ᓴᒡᕕᖕᒥᖕᓂᒃ ᑎᒡᓗᐊᖅᓗᑎᒃ.
8ᓂᓂᕕ ᑕᓯᓕᐊᖑᓯᒪᔪᑎᑐᑦ ᑍᒤᑉᐳᖅ,
ᐃᒪᖓᑕ ᑰᓕᕐᖕᓂᖓᑐᑦ ᕾᒐᓛᖅᑐᑲᖅᐳᖅ.
“ᓄᖅᑲᕆᑦᓯ! ᓄᖅᑲᕆᑦᓯ!”
ᑭᓯᐊᓂᓕ ᐅᑎᕆᐊᖅᑐᖃᓐᖏᓚᖅ.
9ᓯᐅᓪᕕᕆᓂᒃ ᓇᒡᕚᖅᑕᓕᕆᑦᓯ,
ᒎᓗᓂᒃ ᓇᒡᕚᖅᑕᓕᕆᑦᓯ!
ᐱᓐᓇᕐᖕᓇᖅᑐᑦ ᓇᓂᑐᐃᓐᓈᖅᐳᑦ,
ᐊᔪᖅᓴᖏᑦᔪᑎᒃᓴᑦ ᐱᐅᔫᑎᐊᓗᐃᑦ ᓇᓂᑐᐃᓐᓈᓕᖅᐳᑦ.
10ᓱᓁᕈᑎᕗᖅ, ᕿᒪᒃᑕᐅᓯᒪᓕᖅᐳᖅ, ᐊᓯᕈᖅᑕᐅᓪᓗᓂᓗ;
ᐆᒻᒪᑏᑦ ᓄᑮᕈᑎᕗᑦ ᑲᑉᐱᐊᓱᖕᓂᕐᖕᒧᑦ;
ᓰᖅᑯᐃᑦ ᓴᔪᓕᖅᐳᑦ ᓄᑭᖃᕈᓐᓃᖅᓗᑎᒡᓗ;
ᑮᓇᖏᓪᓗ ᖃᒃᑯᑑᓕᖅᓱᑎᒃ.
11ᓇᐅᒡᓕ ᐃᒡᓗᒐᓮᑦ ᓛᔭᓄᑦ ᓯᑎᖃᕐᕕᐅᓚᐅᖅᑐᑦ?
ᓛᔭᓄᓪᓗ ᐃᓅᓱᒃᑐᓄᑦ ᓂᕆᕕᐅᕙᓚᐅᖅᑐᑦ,
ᓇᐅᒡᓕ ᓛᔭᓄᑦ ᐊᖑᓴᓪᓗᕐᖕᓄᑦ ᐊᕐᖕᓇᓪᓗᖕᓄᓪᓗ
ᕿᒫᕕᐅᕙᓚᐅᖅᑐᖅ ᕿᑐᕐᖓᖏᑕ ᐊᑦᑕᕐᖕᓇᖏᑦᑐᒦᕝᕕᒋᓂᐊᕐᖕᒪᒋᑦ?
12ᓛᔭ ᓂᕿᒃᓴᒥᓂᒃ ᐊᓕᒃᑐᐃᕗᖅ ᕿᑐᕐᖓᖏᑕ ᓈᒻᒪᒋᔭᖏᓐᓂᒃ
ᑐᖁᑦᓯᓪᓗᓂᓗ ᐊᕐᖕᓇᓪᓗᖁᑎᖏᑕ ᓂᕿᒃᓴᖏᓐᓂᒃ;
ᓯᑎᓂᓗ ᐆᒪᔪᕕᓂᕐᖕᓂᒃ ᐊᓕᒃᑐᖅᓯᒪᔪᓂᒃ ᐃᓗᓪᓕᖅᑐᖅᐹ.
13ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᖅᐳᖅ, “ᐊᑭᕋᖅᑐᖅᓗᑎᑦ ᓵᓕᖅᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᖅᐸᒃᑲ ᐳᔫᓕᖅᓗᑎᒃ, ᐅᓇᑕᖅᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᖅᑕᐅᔪᒫᖅᐳᑦ ᐅᓇᑕᖅᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᖅᑕᓕᒫᑎᑦ ᓄᖅᑲᖅᑎᑦᓱᒫᖅᐸᒃᑲ, ᐅᖃᕆᐊᖅᑐᖅᑎᑕᓯᓗ ᑐᓴᖅᓴᐅᖃᑦᑕᕐᖕᓂᐊᕈᓐᓃᖅᐳᖅ.
Currently Selected:
ᓇᕼᐅᒥᐅᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᓇᕼᐅᒥᐅᑉ ᐊᒡᓚᖏᑦ 2
2
ᓂᓂᕕᒥᐅᑦ ᐊᓯᕈᖅᑕᐅᓂᖓᑦ
1ᓯᖁᑦᑎᕆᔨ ᐃᓕᑦᓯᓐᓄᑦ ᒪᔪᕋᓕᖅᐳᖅ.
ᐊᕙᓗᕐᔪᐊᓯ ᖃᐅᔨᓴᖅᑎᖃᓕᖅᓕᑦ;
ᐊᖅᑯᑏᑦ ᐅᑦᔨᖅᑐᓕᖅᓯᒋᒃ;
ᐅᓇᑕᕐᖕᓂᕐᖕᒧᑦ ᐊᑐᐃᓐᓇᕈᓕᕆᑦᓯ;
ᓴᓐᖏᒃᑎᓴᓕᕆᑦᓯ ᓄᑭᖃᑦᓯᐊᖁᓪᓗᓯ.
2(ᐊᑕᓂᐅᑉ ᐅᑎᖅᑎᑦᓱᒫᓕᕐᖕᒪᒍ ᔧᑰᑉ ᐅᐱᓐᓇᕐᖕᓂᖓ ᐃᓴᕆᐊᓕᐅᑉ ᐅᐱᓐᓇᕐᖕᓂᖓ ᐅᑎᖅᑎᓪᓗᒍ, ᓄᖑᕅᔨᓄᑦ ᓄᖑᕈᑦᔭᐅᓚᐅᕋᓗᐊᖅᑎᓪᓗᒋᑦ ᕔᓂᒃᓴᖏᑕᓗ ᐊᕙᓚᖓᔪᖏᑦ ᓱᒃᑯᑕᐅᓚᐅᕋᓗᐊᖅᑎᓪᓗᒋᑦ.)
3ᐅᓇᑕᖅᑐᒃᓴᖁᑎᖏᑕ ᓴᐴᓗᑕᖏᑦ ᐊᐅᐸᖅᐳᑦ,
ᐊᓐᓄᕌᖃᖅᓗᑎᒡᓗ ᐊᐅᐸᓪᓚᕆᒃᑐᓂᒃ.
ᕿᒧᒃᓯᐅᑏᑦ ᐊᒃᓴᓗᐊᓖᑦ ᕿᓪᓛᒋᔭᕐᖕᓂᖏᑦ ᐃᑯᐊᓚᔪᑎᑐᑦ ᑍᒤᑉᐳᑦ;
ᐅᓇᑕᕆᐊᕐᖕᓂᕐᖕᒧᑦ ᐃᓄᒋᐊᒃᑐᕐᔪᐊᑦ ᐸᕐᖕᓇᓕᖅᑎᓪᓗᒋᑦ;
ᕿᒻᒥᕐᔪᐊᖏᑦ ᓂᒪᔮᓕᖅᐳᑦ ᕿᑲᕈᓐᓁᓪᓕᓪᓗᑎᒃ!
4ᕿᒧᒃᓯᐅᑎᖏᑦ ᐊᒃᓴᓗᐊᓖᑦ ᐃᖏᕐᕋᑲᑕᒃᐳᑦ ᐊᖅᑯᑎᑎᒍᑦ ᓱᒃᑲᓕᕋᖅᓗᑎᒃ,
ᐃᒡᓗᒐᓮᓪᓗ ᐊᖅᑯᑎᖏᑕ ᐱᕕᑐᓂᖏᑎᒍᑦ ᓂᓐᓂᐅᕋᐅᑎᕗᑦ ᓇᓕᐊᖕᓄᕋᖅᑐᑦ;
ᓇᓂᕈᐊᑎᑐᑦ ᑍᒤᑉᐳᑦ, ᖃᐅᒻᒪᓪᓚᒃᑎᑐᑦ ᓱᒃᑲᑦᑑᖃᑦᑕᖅᓱᑎᒃ.
5ᐅᓇᑕᖅᑐᒃᓴᖏᑕ ᐊᖓᔪᖅᑳᖏᑦ ᕾᖁᔭᐅᕗᑦ,
ᓯᕗᒻᒧᐊᓕᖅᓗᑎᒃ ᐹᓪᓚᒃᐳᑦ.
ᑐᐊᕕᖅᓗᑎᒃ ᐃᒡᓗᒐᓮᑦ ᐊᕙᓗᕐᔪᐊᖓᓄᐊᖅᐳᑦ,
ᓴᐴᓗᑦᓯᖅᓗᑎᒡᓗ ᓴᐴᓗᑕᕐᔪᐊᓂᒃ.
6ᑰᒑᓘᓪᓕ ᓯᒥᖏᑦ ᒪᑐᐃᕐᖕᒪᑕ,
ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᓱᐱᕕᐅᕗᖅ.
7ᑯᐃᓐ ᐊᕐᖕᓇᖅ ᓵᓚᐅᒐᒥ ᐊᐅᓪᓚᕈᑦᔭᐅᓕᖅᐳᖅ;
ᑖᑦᓱᒪᓗ ᐱᔨᖏᑦ ᓂᐹᓕᖅᐳᑦ ᐅᒡᒍᐊᕐᖕᓂᕐᖕᒧᑦ ᑑᕕᑎᑐᑦ,
ᓴᒡᕕᖕᒥᖕᓂᒃ ᑎᒡᓗᐊᖅᓗᑎᒃ.
8ᓂᓂᕕ ᑕᓯᓕᐊᖑᓯᒪᔪᑎᑐᑦ ᑍᒤᑉᐳᖅ,
ᐃᒪᖓᑕ ᑰᓕᕐᖕᓂᖓᑐᑦ ᕾᒐᓛᖅᑐᑲᖅᐳᖅ.
“ᓄᖅᑲᕆᑦᓯ! ᓄᖅᑲᕆᑦᓯ!”
ᑭᓯᐊᓂᓕ ᐅᑎᕆᐊᖅᑐᖃᓐᖏᓚᖅ.
9ᓯᐅᓪᕕᕆᓂᒃ ᓇᒡᕚᖅᑕᓕᕆᑦᓯ,
ᒎᓗᓂᒃ ᓇᒡᕚᖅᑕᓕᕆᑦᓯ!
ᐱᓐᓇᕐᖕᓇᖅᑐᑦ ᓇᓂᑐᐃᓐᓈᖅᐳᑦ,
ᐊᔪᖅᓴᖏᑦᔪᑎᒃᓴᑦ ᐱᐅᔫᑎᐊᓗᐃᑦ ᓇᓂᑐᐃᓐᓈᓕᖅᐳᑦ.
10ᓱᓁᕈᑎᕗᖅ, ᕿᒪᒃᑕᐅᓯᒪᓕᖅᐳᖅ, ᐊᓯᕈᖅᑕᐅᓪᓗᓂᓗ;
ᐆᒻᒪᑏᑦ ᓄᑮᕈᑎᕗᑦ ᑲᑉᐱᐊᓱᖕᓂᕐᖕᒧᑦ;
ᓰᖅᑯᐃᑦ ᓴᔪᓕᖅᐳᑦ ᓄᑭᖃᕈᓐᓃᖅᓗᑎᒡᓗ;
ᑮᓇᖏᓪᓗ ᖃᒃᑯᑑᓕᖅᓱᑎᒃ.
11ᓇᐅᒡᓕ ᐃᒡᓗᒐᓮᑦ ᓛᔭᓄᑦ ᓯᑎᖃᕐᕕᐅᓚᐅᖅᑐᑦ?
ᓛᔭᓄᓪᓗ ᐃᓅᓱᒃᑐᓄᑦ ᓂᕆᕕᐅᕙᓚᐅᖅᑐᑦ,
ᓇᐅᒡᓕ ᓛᔭᓄᑦ ᐊᖑᓴᓪᓗᕐᖕᓄᑦ ᐊᕐᖕᓇᓪᓗᖕᓄᓪᓗ
ᕿᒫᕕᐅᕙᓚᐅᖅᑐᖅ ᕿᑐᕐᖓᖏᑕ ᐊᑦᑕᕐᖕᓇᖏᑦᑐᒦᕝᕕᒋᓂᐊᕐᖕᒪᒋᑦ?
12ᓛᔭ ᓂᕿᒃᓴᒥᓂᒃ ᐊᓕᒃᑐᐃᕗᖅ ᕿᑐᕐᖓᖏᑕ ᓈᒻᒪᒋᔭᖏᓐᓂᒃ
ᑐᖁᑦᓯᓪᓗᓂᓗ ᐊᕐᖕᓇᓪᓗᖁᑎᖏᑕ ᓂᕿᒃᓴᖏᓐᓂᒃ;
ᓯᑎᓂᓗ ᐆᒪᔪᕕᓂᕐᖕᓂᒃ ᐊᓕᒃᑐᖅᓯᒪᔪᓂᒃ ᐃᓗᓪᓕᖅᑐᖅᐹ.
13ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᖅᐳᖅ, “ᐊᑭᕋᖅᑐᖅᓗᑎᑦ ᓵᓕᖅᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᖅᐸᒃᑲ ᐳᔫᓕᖅᓗᑎᒃ, ᐅᓇᑕᖅᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᖅᑕᐅᔪᒫᖅᐳᑦ ᐅᓇᑕᖅᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᖅᑕᓕᒫᑎᑦ ᓄᖅᑲᖅᑎᑦᓱᒫᖅᐸᒃᑲ, ᐅᖃᕆᐊᖅᑐᖅᑎᑕᓯᓗ ᑐᓴᖅᓴᐅᖃᑦᑕᕐᖕᓂᐊᕈᓐᓃᖅᐳᖅ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.