ᐂᓮᐊᓯᐅᑉ ᐊᒡᓚᖏᑦ 49
49
ᐃᓴᕆᐊᓕᒥᐅᑦ ᖃᐅᒻᒪᖅᑯᑎᒃᓴᐅᓂᖓ ᐃᓅᖃᑎᒌᒡᔪᐊᓄᑦ
1 #
ᔨᕆᒤᐊ 1:5. “ᓈᓚᒃᓯᓐᖓ, ᐃᒪᐅᑉ ᓯᓈᓂᒥᐅᑕᐅᔪᓯ, ᑐᓴᑦᓯᐊᕐᓗᓯᓗ ᐅᖓᓯᒃᑐᒥ ᓄᓇᖃᕐᑐᓯ, ᐊᑕᓂᐅᑉ ᕾᖁᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᓱᓕ; ᐊᓈᓇᒪ ᑎᒥᖓᓃᑎᓪᓗᖓ ᐊᑎᕐᑖᕐᑎᓚᐅᕐᐹᖓ. 2#ᐄᑉᕈᐃᓄᑦ 4:12; ᑕᑯᑎ 1:16.ᖃᓂᕋᓗ ᐃᐱᒃᑑᑎᓚᐅᕐᐹ ᓴᕕᒡᔪᐊᑎᑐᑦ, ᐊᒡᒐᖕᒥᓗ ᑕᕐᕋᓕᓂᖓᓄᑦ ᐃᔨᕐᓯᒪᓚᐅᕐᐹᖓ; ᕿᓪᓚᕆᒃᓴᕐᓗᓂᖓᓗ ᖃᕐᔪᑎᑐᑦ, ᖃᕐᔪᖃᐅᑎᒥᓄᓪᓗ ᐴᓚᐅᕐᐹᖓ. 3ᐅᖃᐅᑎᓪᓗᖓᓗ, ‘ᐃᓴᕆᐊᓪ ᐱᔨᒋᕙᒋᑦ, ᐊᖅᑯᑎᒋᓗᑎᑦ ᓂᕐᑐᕐᑕᐅᔪᒫᕐᐳᖓ.’ 4ᐅᖃᐅᑎᕙᕋᓕ, ‘ᐱᓇᓱᐊᕐᓂᒃᑲ ᐊᑐᕐᓇᕐᑐᖃᓐᖏᓚᑦ, ᐱᔪᓐᓇᕐᓂᓐᓄᑦ ᐱᓇᓱᐊᕐᓯᒪᔭᒃᑲ ᓱᓇᐅᓐᖏᓚᑦ ᐊᑐᕐᓇᕐᑐᖃᕋᑎᒡᓗ; ᓈᒻᒪᓈᕐᑐᑦ ᐱᔭᕆᐊᖃᕐᑕᒃᑲ ᐊᑕᓂᕐᒦᑉᐳᑦ, ᐊᑭᓕᕐᑕᐅᓂᒃᓴᕋᓗ ᒎᑎᓐᓃᓪᓗᓂ.’ 5ᒫᓐᓇᓗ ᐊᑕᓂᖅ ᐅᖃᕐᐳᖅ, ᑖᑦᓱᒪ ᓴᓇᓚᐅᕐᐹᖓ ᐃᒡᓕᐊᑉ ᐃᓗᐊᓃᑎᓪᓗᖓ ᐱᔨᒋᔪᒪᓪᓗᓂᖓ, ᔧᑯᒃᑯᑦ ᐃᒻᒥᓄᑦ ᐅᑎᕐᑎᑕᐅᖁᓪᓗᒋᑦ, ᐃᓴᕆᐊᓕᒥᐅᓪᓗ ᑲᑎᑕᐅᖁᓪᓗᒋᑦ ᑖᑦᓱᒧᖓ, ᐅᐱᒋᔭᐅᔪᒃᓴᐅᖁᓪᓗᖓ ᐊᑕᓂᐅᑉ ᐃᔨᖏᒃᑕ ᓵᖓᓂ, ᒎᑎᒐᓗ ᐱᔪᓐᓇᐅᑎᒋᔪᒫᕐᐸᕋ. 6#ᐂᓮᐊᓯ 42:6; ᓘᑲᓯ 2:32; ᐋᐴᓯᑕᓖᑦ 26:23; ᐋᐴᓯᑕᓖᑦ 13:47.ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’” 7ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”
ᔨᕉᓴᓕᐅᑉ ᐋᖅᑭᒃᓱᕐᑕᐅᒃᑲᓐᓂᕐᓂᖓ
8 #
2 ᑯᕆᓐᑎ 6:2. ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ. 9ᐅᖃᐅᑦᔨᖁᓪᓗᑎᑦ ᑎᒍᔭᐅᓯᒪᕕᖕᒦᑦᑐᓄᑦ, ‘ᐊᓂᓕᕆᑦᓯ,’ ᑖᕐᓂᕐᐸᖓᓃᑦᑐᓄᓪᓗ, ‘ᓴᖅᑭᓕᕆᑦᓯ.’ ᐊᖅᑯᑎᓂ ᓂᕆᕕᒃᓴᕐᓯᐊᕈᒫᕐᐳᑦ, ᐱᖑᕐᓂᓗ ᐱᕈᕐᑐᖃᖏᑦᑐᓂ ᓂᕆᓇᓱᐊᕐᕕᖃᓕᕈᒫᕐᐳᑦ. 10#ᑕᑯᑎ 7:16,17.ᑳᒍᓐᓃᕈᒫᕐᐳᑦ ᐃᒥᕈᒍᓐᓃᕐᓗᑎᒡᓗ, ᐊᓄᕆᒧᑦ ᐆᓇᕐᑐᒧᑦ ᓯᕿᓂᕐᒧᓪᓗ ᐆᑎᑕᐅᔪᒫᓐᖏᓚᑦ; ᑖᒃᑯᓂᖓ ᓂᑲᒍᓱᒃᑑᑉ ᑕᓯᐅᕈᒫᕐᐰᑦ, ᓄᓇᐅᑉ ᐃᓗᐊᓂᑦ ᑰᖃᕐᑐᒃᑯᑦ ᑕᓯᐅᕈᒫᕐᒪᒋᑦ. 11ᖃᖅᑲᖁᑎᓕᒫᒃᑲ ᐊᖅᑯᑎᓐᖑᕐᑎᑦᓱᒫᕐᐸᒃᑲ, ᐊᖅᑯᑎᓪᓚᕆᖁᑎᒃᑲᓗ ᐳᕐᑐᓯᒋᐊᕐᓗᒋᑦ. 12ᑕᑯᒋᑦ, ᐅᖓᓯᒃᑐᓂᑦ ᑖᒃᑯᐊ ᐱᔪᒫᕐᐳᑦ; ᐃᓚᖏᓪᓗ ᐅᓐᓄᐊᓪᓗᐊᑉ ᓇᓛᓂᑦ, ᐃᓚᖏᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓂᑦ, ᐃᓚᖏᓪᓗᑦᑕᐅᖅ ᓄᓇᒥᑦ ᓮᓂᒥᑦ.” 13ᕿᓚᐅᔪᓯ ᐃᓐᖏᕆᑦᓯ ᖁᕕᐊᓱᖕᓂᕐᒧᑦ! ᓄᓇᕐᔪᐊᖅ ᐃᕝᕕᓪᓗ ᖁᕕᐊᓱᖏᑦ! ᖃᖅᑲᐅᔪᓯ ᓂᐱᖃᓕᕆᑦᓯ ᐃᓐᖏᕐᓗᓯ! ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᒻᒪᒋᑦ, ᐅᖁᒤᒃᓴᓚᐅᕐᑐᓪᓗ ᓂᑲᒋᓂᐊᕐᒪᒋᑦ. 14ᓮᐅᓂᓕ ᐅᖃᕐᐳᖅ, “ᐊᑕᓂᐅᑉ ᕿᒪᖕᒪᖓ, ᐊᑕᓂᕐᒪᓗ ᐳᐃᒍᕐᓗᓂᖓ.” 15“ᐊᕐᓇᐅᑉ ᕿᑐᕐᖓᓂ ᐊᒫᒪᒃᑎᑕᓂ ᐳᐃᒍᕈᓐᓇᕐᐸᐅᒃ? ᐃᕐᓂᐊᕆᓚᐅᕐᑕᓂ ᓇᒡᓕᒋᖏᑦᓱᓐᓇᕐᐸᐅᒃ? ᐊᒡᓛᑦ ᐳᐃᒍᑐᐃᓇᕆᐊᖃᕐᐳᑦ, ᐅᕙᖓᓕ ᐳᐃᒍᕐᓂᐊᓐᖏᓚᒋᑦ. 16ᑕᑯᒋᑦ, ᐃᑎᒪᒃᑯᑦ ᑎᑎᕋᐅᔭᕐᓯᒪᕙᒋᑦ; ᐊᕙᓗᕐᔪᐊᑎᑦ ᐳᐃᒍᕈᓐᓇᓐᖏᓚᒃᑲ. 17ᐃᒡᓗᓕᐅᕐᑏᑦ ᓯᕗᓪᓕᐅᔪᒫᕐᐳᑦ ᐃᓕᑦᓯᓐᓂᒃ ᐊᓯᕈᐃᔪᒪᔪᓂᑦ, ᐃᓕᑦᓯᓐᓂᒡᓗ ᓱᓇᖃᕈᓐᓃᕐᑎᑦᓯᓚᐅᕐᑐᑦ ᕿᒤᓗᑎᒃ ᐊᐅᓪᓚᕈᒫᕐᐳᑦ. 18ᑕᑯᓴᓕᕆᑦ ᐊᕙᒻᒧᓪᓗ ᕿᓂᕐᓗᑎᑦ; ᑕᒪᕐᒥᒃ ᐃᒻᒥᖕᓄᑦ ᑲᑎᕐᓱᓕᕐᐳᑦ ᐃᓕᖕᓄᓪᓗ ᕾᓕᕐᓗᑎᒃ, ᐆᒪᒐᒪ, ᐊᑕᓂᖅ ᐅᖃᕐᐳᖅ, ᐊᓐᓄᕌᑎᑐᑦ ᑕᑯᒥᓇᕐᓯᑦᔪᑎᒋᔪᒫᕐᐸᑎᑦ, ᑲᑎᑎᑕᐅᔪᓪᓗ ᐱᐅᓴᐅᑎᖏᑎᑐᑦ ᐊᑎᔪᒫᕐᐸᑎᑦ. 19ᓄᓇᖁᑎᓯ ᓯᖁᑦᑎᕐᑕᐅᓯᒪᔪᖅ ᐃᓄᖃᕈᓐᓃᕐᓯᒪᔪᕐᓗ, ᓱᓇᒃᓴᐅᔪᓐᓃᕐᑎᑕᐅᓯᒪᓪᓗᓂ, ᓄᓇᑖᕐᑐᕐᑐᓄᑦ ᓄᓇᑭᒃᓴᓕᕈᒫᕐᐳᓯ; ᐃᓕᑦᓯᓐᓂᒡᓗ ᓄᖑᕈᑦᔨᓚᐅᕐᑐᑦ ᐅᖓᓯᒃᑐᐊᓗᖕᒦᓕᕈᒫᕐᐳᑦ. 20ᕿᑐᕐᖓᓯ ᖁᕕᐊᓇᖏᑦᑐᕐᓯᐅᕐᑎᓪᓗᓯ ᐃᓅᓯᒪᔪᑦ, ᑐᓵᑎᓪᓗᓯ ᐅᖃᕈᒫᕐᐳᑦ: ‘ᓄᓇᖁᑎᑦᑎᓐᓂᒃ ᒥᑭᒃᓴᓗᐊᓕᕋᑦᑕ; ᓄᓇᑖᕐᑎᑕᐅᒃᑲᓐᓂᓚᐅᕐᑕ ᐃᒡᓗᖃᕐᕕᒃᓴᑦᑎᓐᓂᒃ.’ 21ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’” 22ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐃᓅᖃᑎᒌᒡᔪᐊᓄᑦ ᑕᓕᕋ ᐃᓵᒍᒫᕐᐸᕋ, ᓇᓗᓁᒃᑯᑕᕋᓗ ᓇᑉᐸᕐᑎᓪᓗᒍ ᐃᓄᖕᓄᑦ; ᑖᒃᑯᐊ ᐃᓕᑦᓯᓐᓄᑦ ᕾᔪᒫᕐᐳᑦ ᐃᕐᓂᓯ ᐊᒡᔭᕐᓗᒋᑦ, ᐸᓂᓯᓗ ᑲᑲᒡᓗᒋᑦ. 23ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.” 24ᓴᓐᖏᔪᕐᔪᐊᖅ ᐱᖏᓐᓂᒃ ᐊᕐᓵᕐᑕᐅᔪᓐᓇᕐᐹ? ᐅᕝᕙᓗ ᑲᑉᐱᐊᒋᔭᖃᖏᑦᑐᓄᑦ ᐊᐅᓪᓚᕈᑦᔭᐅᓯᒪᔪᑦ ᐂᔭᐅᑐᐃᓐᓇᕈᓐᓇᕐᐹᑦ? 25ᐊᑕᓂᕐᓕ ᐃᒫᒃ ᐅᖃᕐᐳᖅ: “ᓴᓐᖏᔪᕐᔪᐊᓄᑦ ᑎᒍᔭᐅᓯᒪᔪᑦ ᐊᐅᓪᓚᕈᑦᔭᐅᔪᒫᕐᐳᑦ, ᑲᑉᐱᐊᒋᔭᖃᖏᑦᑐᓪᓗ ᐱᓯᒪᔭᖏᑦ ᓴᐳᑎᔭᐅᔪᒫᕐᐳᑦ; ᐃᓕᑦᓯᓐᓂᒃ ᐊᑭᕋᕐᑐᕐᑐᑦ ᐊᑭᕋᕐᑐᕐᓂᐊᕆᕙᒃᑲ, ᕿᑐᕐᖓᓯᓗ ᐱᐅᓕᔪᒫᕐᐸᒃᑲ. 26ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᑦ ᓇᖕᒥᓂᖅ ᐅᕕᓂᖕᒥᖕᓂᒃ ᓂᕆᔪᒫᕐᐳᑦ, ᐊᐅᖕᒥᖕᓂᒡᓗ ᐃᒥᕐᓗᑎᒃ ᐋᖓᔮᕈᒫᕐᐳᑦ ᕔᓂᑐᕐᑐᑎᑐᑦ, ᐃᓅᓕᒫᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᐅᒐᒪ ᐱᐅᓕᔨᓯ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᔧᑯᒃᑯᑦ ᐊᔪᒐᖃᖏᑦᑐᖁᑎᖓᑦ.”
Currently Selected:
ᐂᓮᐊᓯᐅᑉ ᐊᒡᓚᖏᑦ 49: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
