ᐂᓮᐊᓯᐅᑉ ᐊᒡᓚᖏᑦ 47
47
ᐹᐱᓘᓂᒥᐅᑦ ᐃᖅᑲᕐᑐᕐᑕᐅᓂᖓᑦ
1 #
ᐂᓮᐊᓯ 13:1—14:23; ᔨᕆᒤᐊ 50:1—51:64. “ᐊᖅᑲᕐᓗᑎᑦ ᒪᓂᖅᑲᒥ ᐃᒃᓯᕚᓕᕆᑦ, ᐹᐱᓘᓂᐅᑉ ᐸᓂᖓ ᐅᐃᒡᒐᓱᒃ; ᒪᓂᖅᑲᒥ ᐃᒃᓯᕚᓕᕆᑦ ᐃᒃᓯᕙᐅᑕᕐᔪᐊᕐᒥᐅᖏᑦᑐᖅ, ᑲᐅᓪᑎᐊᒥᐅᑦ ᐸᓂᖓ! ᑍᔭᐅᓂᐊᕈᓐᓃᕋᕕᑦ ᐋᓐᓂᕐᓴᕅᑦᑐᒥᒃ ᓂᑲᓇᕐᑐᒥᒡᓗ. 2ᓯᖃᓪᓕᓯᐅᑎ ᓂᐊᖂᔭᒃᓴᒥᒃ ᑎᒍᓕᕈᒃ, ᓂᐊᖂᔭᒃᓴᓂᒡᓗ ᓯᖁᑦᑎᕆᓕᕆᑦ, ᑮᓇᕐᐱᑦ ᒪᑐᐊᖓ ᐲᓕᕈᒃ, ᐊᓐᓄᕌᑎᑦ ᐱᐅᔪᑦ ᐲᔭᕐᓗᒋᑦ, ᓂᐅᒃᑭᒃ ᓴᖅᑭᑎᒃᑭᒃ, ᑰᖕᒥᒡᓗ ᐃᑳᓕᕆᑦ. 3ᐊᓐᓄᕅᓐᖔᕐᑎᓪᓗᑎᑦ ᑕᑯᔭᐅᔪᒫᓕᕐᐳᑎᑦ, ᑲᓐᖑᓇᕐᓃᓪᓗ ᐅᓕᒃᓯᒪᔪᒫᓐᖏᓚᖅ; ᐊᑭᓂᐊᕈᒫᕋᒪ ᑭᓇᒥᒡᓘᓐᓃᑦ ᓂᑲᒍᓱᖕᓂᐊᕐᓇᖓ. 4ᓂᐅᕕᐊᕆᓪᓗᑕ ᐅᑎᕐᑎᑦᓯᔨᕗᑦ, ᐊᑎᖃᕐᐳᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ, ᑖᓐᓇ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ. 5ᓂᐱᖃᖏᓪᓗᑎᑦ ᐃᒃᓯᕙᓕᕆᑦ, ᑖᕐᑐᒦᓪᓗᑎᓪᓗ, ᑲᐅᓪᑎᐊᒥᐅᑦ ᐸᓂᖓ; ᑍᔭᐅᓂᐊᕈᓐᓃᕋᕕᑦ ᐊᖓᔪᖅᑳᕐᔪᐊᖃᕐᕕᐅᑉ ᐊᕐᓇᖁᑎᖓᓂᒃ. 6ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ. 7ᐅᖃᓚᐅᕐᐳᑎᑦ, ‘ᐃᓱᖃᖏᑦᑐᒧᑦ ᐊᕐᓇᖁᑎᒋᔭᐅᖏᓐᓇᕐᓂᐊᕐᐳᖓ,’ ᑕᒪᒃᑯᐊ ᐆᒻᒪᒻᒥᐅᑕᕐᑖᕆᓚᐅᓐᖏᓚᑎᑦ, ᐃᓱᒪᒃᓴᕐᓯᐅᕈᑎᒋᓇᒋᓪᓗ ᑭᖑᓂᒃᓴᖏᑦ. 8#ᑕᑯᑎ 18:7,8.ᒫᓐᓇᓕ ᑍᒤᒻᒪᑦ ᑐᓵᓕᕆᑦ, ᖁᕕᐊᒋᔭᖃᕐᑐᑎᑦ ᐊᓕᐊᓁᒍᓱᖕᓂᕐᒥᒃ, ᐃᒃᓯᕙᑦᓯᐊᕐᑐᑎᑦ, ᐆᒻᒪᑎᖕᓂ ᐅᖃᕐᐸᒃᑐᑎᑦ, ‘ᐅᕙᖓᑑᕗᖓ ᐊᓯᖃᕐᓇᖓᓗ; ᐅᐃᒡᒐᓲᓗᖓ ᐃᒃᓯᕙᓂᐊᓐᖏᓚᖓ, ᕿᑐᕐᖎᕐᓂᕐᒥᒡᓗ ᖃᐅᔨᓂᐊᕐᓇᖓ’; 9ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ. 10ᑲᑉᐱᐊᓇᕐᑐᒦᓐᓇᓱᒋᖏᒃᑲᓗᕐᐳᓯ ᐱᐅᖏᑦᑐᓂᒃ ᐃᓕᖅᑯᓯᖃᕐᑎᓪᓗᓯ, ᐅᖃᕐᓗᓯ, ‘ᑭᓇᒧᑦ ᑕᑯᓐᓇᕐᑕᐅᓐᖏᓚᖓ’; ᓯᓚᑐᓂᑦᓯ ᖃᐅᔨᒪᓂᑦᓯᓗ ᑕᒻᒪᕐᑎᓚᐅᕐᐹᓯ; ᐆᒻᒪᑎᑦᓯᒍᑦ ᐅᖃᓚᐅᕋᑦᓯ, ‘ᐅᕙᖓᑑᕗᖓ ᐊᓯᖃᕐᓇᖓᓗ.’ 11ᐱᐅᖏᑦᑐᐊᓗᖕᒧᑦ ᑎᑭᑕᐅᔪᒫᕐᐳᓯ, ᐊᖓᒃᑯᖁᑎᑦᓯᒍᑦ ᐊᔪᕐᑕᑦᓯᓐᓂᒃ; ᐊᓯᕈᕐᑕᐅᓇᕐᑐᒧᑦ ᑎᑭᑲᓪᓚᒡᕕᐅᔪᒫᕋᑦᓯ ᓴᖑᑎᑦᓱᓐᓇᓐᖏᑕᑦᓯᓐᓄᑦ. ᓱᒃᑯᑕᐅᓂᕐᒧᑦ ᑎᑭᑕᐅᔪᒫᕋᑦᓯ ᑕᕝᕔᓐᓇᖅ ᓂᕆᐅᒋᓚᐅᓐᖏᑕᑦᓯᓐᓄᑦ. 12ᐃᓕᓰᕐᓯᓇᓱᖕᓂᕐᒥᒃ ᑲᔪᓯᑐᐃᓐᓇᕆᑦᓯ, ᐊᖓᒃᑰᓵᕐᓂᕐᓂᒡᓗ ᐅᓄᕐᑐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᓄᑕᕋᐅᓂᑦᓯᓐᓂᑦ; ᑕᒪᒃᑯᓂᖓ ᐃᒻᒪᖄ ᓵᓚᖃᕈᒫᕐᐳᓯ, ᐃᒻᒪᖄ ᑲᑉᐱᐊᓇᕐᑐᒥᒃ ᓴᖑᑎᑦᓯᔪᒫᕐᐳᓯ. 13ᐅᖃᐅᑦᔪᕐᑕᐅᓂᕐᒥᒃ ᐃᕿᐊᓐᖑᕐᓯᒪᓕᕐᐳᓯ; ᑍᒃᑯᓄᖓ ᓇᖏᕐᓗᑎᒃ ᓴᐳᑎᔭᐅᓕᕆᑦᓯ, ᐅᓪᓗᕆᐊᑎᒍᑦ ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᑦᓯᓐᓄᑦ, ᐅᓪᓗᕆᐊᓪᓗ ᐋᖅᑭᒃᓯᒪᓂᖏᑎᒍᑦ ᑐᑭᓯᐅᒪᔪᓐᓇᕐᑐᖁᑎᑦᓯᓐᓄᑦ, ᑕᖅᑭᐅᑉ ᓴᖅᑭᔮᕐᓂᖓᒍᑦ ᓇᓚᐅᑦᑍᕙᒃᑐᓄᑦ ᖃᓄᐃᑦᑐᖃᕐᓂᐊᕐᒪᖔᑦ. 14ᑕᑯᒋᑦ, ᐃᕕᒃᓱᒐᕐᑎᑐᑦ ᐸᓂᕐᑐᑎᑐᑦ ᑍᒤᑦᓱᒫᕐᐳᑦ, ᐃᑯᒪᒧᑦ ᓄᖑᑕᐅᔪᑎᑐᑦ; ᐃᒻᒥᖕᓂᒡᓗ ᓴᐳᑎᔪᓐᓇᕈᒫᓐᖏᓚᑦ ᐃᑯᐊᓚᔪᖅ ᐊᖏᓗᐊᕈᒫᕐᒪᑦ; ᐃᑯᒪ ᐅᖅᑰᓯᑦᑎᕐᕕᒃᓴᑐᐃᓐᓇᐅᔪᒫᖏᒻᒪᑦ, ᓴᓂᐊᓂᓗ ᐃᒃᓯᕙᕕᒃᓴᐅᔪᒫᕋᓂ. 15ᑕᒪᒃᑯᐊ ᑍᒤᑦᓱᒫᕐᐳᑦ ᐊᒃᓱᕈᕐᓗᓯ ᐱᓇᓱᐊᕐᓯᒪᔭᓯ, ᓄᓇᖃᕐᑐᑦ ᐊᓯᑦᓯᓐᓂᑦ ᓂᐅᕕᐊᕆᓯᒪᔭᓯ ᐃᓅᓱᖕᓂᑦᓯᓐᓂᑦ; ᐃᖏᕐᕋᕙᖕᒪᑕ ᓇᖕᒥᓂᖅ ᐅᐸᒍᒪᔭᒥᖕᓄᑦ; ᑖᒃᑯᐊᓕ ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓛᓯ.”
Currently Selected:
ᐂᓮᐊᓯᐅᑉ ᐊᒡᓚᖏᑦ 47: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
