ᐂᓮᐊᓯᐅᑉ ᐊᒡᓚᖏᑦ 4
4
1ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᕐᓁᑦ 7 ᐊᖑᒻᒥᒃ ᐊᑕᐅᓯᕐᒥᒃ ᑎᒍᓯᔪᒫᕐᐳᑦ, ᐅᖃᕐᓗᑎᒃ, “ᓇᖕᒥᓂᖅ ᓂᕿᒃᓴᖃᕐᑎᓐᓂᐊᕐᐳᒍᑦ ᓇᖕᒥᓂᕐᓗ ᐊᓐᓄᕌᖃᕐᑎᓪᓗᑕ; ᐊᑎᕐᓂᒃ ᑍᔭᐅᑦᔪᓯᕐᑖᕐᑎᓚᐅᕐᑎᒍᑦ; ᑲᓐᖑᓲᑎᕗᑦ ᐲᕐᑕᐅᖁᓪᓗᒍ.”
ᔨᕉᓴᓕᐅᑉ ᐱᐅᓯᕆᓚᐅᕐᑕᒥᓄᑦ ᐅᑎᕐᑎᑕᐅᔪᒫᕐᓂᖓ
2ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓇᐹᕐᑐᖁᑎᖓᑕ ᐊᕙᓚᖓᔪᖓ ᑕᑯᒥᓇᕐᑐᐊᓘᔪᒫᕐᐳᖅ ᐱᓐᓇᕐᓇᕐᑑᓗᓂ, ᓄᓇᐅᓪᓗ ᐱᕈᕐᑎᑕᖏᑦ ᐅᐱᓐᓇᕈᑕᐅᓗᑎᒃ ᓂᕐᑐᕐᓇᐅᑕᐅᔪᒫᕐᐳᑦ ᐃᓴᕆᐊᓕᒥ ᐊᒥᐊᒃᑰᔪᓄᑦ. 3ᓮᐅᓂᒥᓗ ᐊᒥᐊᒃᑯᑦ ᔨᕉᓴᓕᒦᖏᓐᓇᕐᑐᑦ ᑍᔭᐅᔪᒫᕐᐳᑦ ᐃᑦᔪᕐᓁᑦᑐᓂᒃ, ᑕᒪᕐᒥᑦᓯᐊᖅ ᑎᑎᕋᕐᑕᐅᓯᒪᔪᑦ ᔨᕉᓴᓕᒥ ᓄᓇᖃᕐᓂᕋᕐᑕᐅᔪᓕᒫᑦ, 4ᐊᑕᓂᐅᑉ ᓴᓗᒻᒪᕐᓴᕐᓯᒪᓕᕐᐸᒋᑦ ᓴᓗᒤᓐᓂᖏᓐᓂᑦ ᓮᐅᓂᐅᑉ ᐸᓂᖏᑦ ᐃᕐᕈᕐᑐᕐᐸᒋᓪᓗ ᐊᐅᖕᒥᑦ ᐃᑦᓴᒃᓯᒪᓂᖏᓐᓂᑦ ᔨᕉᓴᓕᒥᐅᑦ ᐃᖅᑲᕐᑐᕐᑕᐅᓂᐅᑉ ᐊᓂᕐᓂᖓᒍᑦ, ᐊᓂᕐᓂᒃᑯᓪᓗ ᐃᑯᐊᓪᓚᒃᑎᑦᓯᔪᒃᑯᑦ. 5#ᒨᓯᓯ ᐂᑉᐸᖏᑦ 13:21; 24:16.ᑕᕝᕙ ᐊᑕᓂᖅ ᓮᐅᓂᐅᑉ ᖃᖅᑲᖓᑕ ᖄᓕᒫᖓ ᐊᑕᖏᕐᓗᒍ ᑲᑎᒪᔪᖁᑎᖏᑕᓗ ᖁᓛᑦᑎᒍᑦ ᓄᕗᔭᒥᒃ ᐃᓯᕐᓗᒡᒥᒡᓗ ᐅᓪᓗᒃᑯᑦ ᓴᖅᑭᑎᑦᓯᔪᒫᕐᐳᖅ, ᐃᑯᐊᓚᔪᒥᒡᓗ ᖃᐅᒪᑎᑦᓯᔪᒥᒃ ᐅᓐᓄᒃᑯᑦ; ᐱᓐᓇᕐᓇᕐᑐᕐᔪᐊᖅ ᐅᓕᒃᓯᓯᒪᓗᓂ ᓴᐳᑦᔨᓯᒪᓗᓂᓗ. 6ᑖᓪᓖᖁᓪᓗᒍᓗ ᐅᓪᓗᒃᑯᑦ ᐅᖅᑰᓗᐊᖁᓇᒍ, ᕿᒫᕕᒃᓴᐅᖁᓪᓗᒍ, ᐅᖅᑯᐃᕝᕕᒃᓴᐅᓗᓂᓗ ᐊᓄᕆᑎᓪᓗᒍ ᓯᓚᓗᒃᑎᓪᓗᒍᓗ.
Currently Selected:
ᐂᓮᐊᓯᐅᑉ ᐊᒡᓚᖏᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
