ᒨᓯᓯ ᓯᕗᓪᓖᑦ 32
32
ᔧᑰᑉ ᐅᐸᓗᖕᒊᔭᕐᓂᖓ ᐄᓴᒥᒃ ᑲᑎᓯᓂᒃᓴᒥᓂᒃ
1ᔧᑯᓗ ᐊᐅᓪᓚᓕᕐᑎᓪᓗᒍ, ᒎᑎᐅᑉ ᐂᖏᓕᖏᓐᓄᑦ ᐅᐸᒃᑕᐅᕗᖅ. 2ᔧᑰᓪᓗ ᑕᑯᒐᒥᒋᑦ ᐅᖃᕐᐳᖅ, “ᐅᑯᐊ ᒎᑎᐅᑉ ᐅᓇᑕᕐᑐᒃᓴᖁᑎᖏᑦ”; ᑍᒤᒻᒪᑦ ᑖᓐᓇ ᐊᑦᓯᕐᐹ ᒪᕼᐊᓁᒥᒃ.
3ᔧᑯᓗ ᑎᓕᓯᕗᖅ ᓯᕗᓂᕐᒥᓂ ᐅᖃᕆᐊᕐᑐᕐᑐᖃᖁᓪᓗᒍ ᐊᖓᔪᒥᓄᑦ ᐄᓴᒧᑦ ᓄᓇᒧᑦ ᓰᐊᕆᒧᑦ ᐄᑐᒥᒦᑦᑐᒧᑦ. 4ᐃᒫᒡᓗ ᐅᖃᖁᕔᑦ: “ᐊᖓᔪᖅᑳᕋ ᐄᓴ ᐅᖃᐅᑎᓯᐅᒃ; ‘ᔧᑯ ᐱᔩᑦ ᐅᖃᖁᔨᖕᒪᑦ, ᓔᐸᓂᒥ ᐊᑯᓂ ᓇᔫᑎᓚᐅᕋᒪ, ᒫᓐᓇᓕ ᐊᐅᓪᓚᕈᓐᓇᕐᓯᑍᓐᓇᕐᐳᖓ; 5ᐆᒪᔪᖁᑎᖃᕐᐳᖓ ᐃᒻᒧᒃᓯᐅᒐᕐᓂᒃ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᐱᔨᖃᕐᓗᖓᓗ ᐊᖑᑎᓂᒃ ᐊᕐᓇᓂᒡᓗ; ᐃᓕᖕᓄᑦ ᐅᖃᕆᐊᕐᑐᕐᑎᑦᓯᕗᖓ ᐊᖓᔪᖅᑳᓐᓄᑦ, ᓂᕆᐅᒍᒪᓪᓗᖓ ᖁᕕᐊᒋᔭᐅᓂᕐᒥᒃ.’”
6ᐅᖃᕆᐊᕐᑐᕐᑎᑕᐅᓯᒪᔪᓪᓕ ᔧᑯᒧᑦ ᐅᑎᕋᒥᒃ ᐅᖃᕐᐳᑦ, “ᐊᖓᔪᖕᓄᐊᓚᐅᕐᐳᒍᑦ ᐄᓴᒧᑦ, ᒫᓐᓇᓕ ᑕᒪᐅᓐᖓᐅᓯᕗᖅ ᐃᓕᖕᓄᑦ ᐸᕐᕆᐊᕈᒪᓪᓗᓂ, ᐃᓚᖃᕐᓗᓂ ᐊᖑᑎᓂᒃ 400ᓂᒃ.” 7ᔧᑯᓕ ᑲᑉᐱᐊᓱᒃᑐᐊᓘᓕᕐᐳᖅ ᐃᓱᒪᔮᓕᕐᓗᓂᓗ; ᐃᓚᒋᔭᓕᒫᓂᓗ ᐊᕕᒃᐰᑦ, ᓰᐱᖁᑎᓂᓗ, ᒎᑦᓰᓪᓗ, ᐃᒻᒧᒃᓯᐅᒊᓪᓗ, ᑳᒥᓖᓪᓗᑦᑕᐅᖅ.#32:7 ᑳᒥᓕᒃ ᐅᕝᕙᓗ ᐱᑯᓕᒃ ᕿᒻᒥᕐᔪᐊᕆᔭᐅᕙᒃᑐᑦ ᓯᐅᕅᓐᓇᕐᒥ ᕿᑎᒥᒍᑦ ᐱᑯᓖᑦ 8ᐃᓱᒪᖃᓚᐅᕋᒥ, “ᐄᓴ ᑎᑭᒃᑯᓂ ᑐᖁᕅᓯᒃᐸᑦ ᐊᕕᒃᓯᒪᔪᑦ ᐂᑉᐸᖏᓐᓄᑦ, ᑕᕝᕙ ᐂᑉᐸᖏᑦ ᕿᒫᔪᓐᓇᕐᓯᒐᔭᕆᐊᖏᓐᓂᒃ.”
9ᑕᕝᕙ ᔧᑯ ᑐᒃᓯᐊᕐᐳᖅ, “ᐊᑖᑕᒪ ᐂᑉᕋᕼᐋᒻ ᒎᑎᖓ ᐊᑖᑕᒪᓗ ᐂᓴᑭᐅᑉ ᒎᑎᖓ, ᐊᑕᓃᖅ, ᐅᖃᐅᑎᓚᐅᕋᕕᖓ, ‘ᓄᓇᑐᖃᓐᓄᑦ ᐅᑎᕆᑦ ᐃᓚᖕᓄᑦ, ᐱᐅᔪᒥᒡᓗ ᐱᓂᐊᕐᕕᒋᓂᐊᕐᐸᒋᑦ.’ 10ᓂᑲᒋᔭᒃᓴᐅᖏᒃᑲᓗᐊᕐᑎᓪᓗᖓ ᐱᑦᓯᐊᕐᕕᒋᓯᒪᒐᕕᖓ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ, ᑲᔪᓯᑦᓮᓐᓇᕐᓂᕐᓂᒃ ᐱᔩᑦ ᑕᑯᑎᓯᒪᒐᕕᐅᒃ, ᑰᒃ ᔪᐊᕐᑕᓂ ᐃᑳᓚᐅᕐᓯᒪᕙᕋ ᐊᔭᐅᑉᐱᐊᓕᔭᑐᐃᓐᓇᕐᓗᖓ, ᒫᓐᓇᓕ ᐅᑎᓕᕐᐳᖓ ᒪᕐᕈᐃᓕᖓᔪᓂᒃ ᐃᓚᖃᓕᕐᓗᖓ. 11ᐃᓕᖕᓄᑦ ᑐᒃᓯᐊᕐᐳᖓ, ᓴᐳᑎᔭᐅᔪᒪᓪᓗᖓ, ᐊᖓᔪᓐᓂᑦ ᐄᓴᒥᑦ, ᑲᑉᐱᐊᒋᒐᒃᑯ, ᑲᑉᐱᐊᓱᒃᑲᒪ ᑎᑭᑉᐸᑦ ᐅᕙᓐᓂᒃ ᑐᖁᑦᓯᓂᐊᕋᓱᒋᓪᓗᒍ ᐊᓈᓇᐅᔪᓂᒃ ᕿᑐᕐᖓᖏᓐᓂᒡᓗ. 12#ᒨᓯᓯ ᓯᕗᓪᓖᑦ 22:17.ᐅᖃᓚᐅᕐᐳᑎᓪᓕ, ‘ᐱᐅᔪᒥᒃ ᐱᓂᐊᕐᕕᒋᓂᐊᕐᐸᒋᑦ, ᑭᖑᕚᒃᓴᑎᓪᓗ ᐃᒪᐅᑉ ᑭᒡᓕᖓᓂ ᓯᐅᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᐃᓄᒋᐊᓗᐊᕐᓂᕐᒧᑦ ᓈᓴᕐᑕᐅᔪᓐᓇᖏᓪᓗᑎᒃ.’”
13ᐅᓐᓄᐊᒥᓗ ᑕᕝᕙᓂ ᓯᓂᒃᑕᓚᐅᕐᐳᖅ, ᓂᕈᐊᕐᓗᓂᓗ ᐱᑯᑎᒥᓂᑦ ᑐᓂᔭᒃᓴᕆᓂᐊᕐᑕᒥᓂᒃ ᐊᖓᔪᒥᓄᑦ ᐄᓴᒧᑦ, 14200ᓂᒃ ᒎᑦᓯᓂᒃ ᐊᕐᓇᓪᓗᖕᓂᒃ, 20ᓂᒡᓗ ᒎᑦᓯᓂᒃ ᐊᖑᓴᓪᓗᕐᓂᒃ, ᓰᐱᓂᒡᓗ ᐊᕐᓇᓪᓗᖕᓂᒃ 200ᓂᒃ, ᓰᐱᓂᒡᓗ ᐊᖑᓴᓪᓗᕐᓂᒃ 20ᓂᒃ, 1530ᓂᒡᓗ ᑳᒥᓕᖕᓂᒃ ᓄᕐᕋᖃᕐᑐᓂᒃ ᓄᕐᕋᖏᓐᓂᒡᓗ, ᐃᒻᒧᒃᓯᐅᒐᕐᓂᒡᓗ 40ᓂᒃ ᐊᕐᓇᓪᓗᖕᓂᒃ, ᐊᖑᓴᓪᓗᖏᓐᓂᖏᓗ 10ᓂᒃ, ᓯᐅᑎᖅᑯᕐᑐᔪᓂᒡᓗ ᐊᕐᓇᓪᓗᖕᓂᒃ 20ᓂᒃ, ᐊᖑᓴᓪᓗᖏᓐᓂᒡᓗ 10ᓂᒃ. 16ᐱᔨᓂᓗ ᑲᒪᒋᔭᖃᕐᑎᑉᐰᑦ, ᐊᑐᓂᑦ ᐆᒪᔪᓂᒃ ᐊᑦᔨᒌᓂᒃ ᑲᒪᒋᔭᖃᕐᑎᓪᓗᒋᑦ, ᐅᖃᐅᑎᓪᓗᒋᓪᓗ, “ᓯᕗᓂᓐᓃᓐᓂᐊᕐᐳᓯ, ᑕᒪᒃᑯᐊ ᐃᒻᒥᒎᕐᑐᑦ ᐊᑐᓂᑦ ᐊᑯᓐᓂᖃᐅᕐᑎᓪᓗᒋᑦ.” 17ᓯᕗᓪᓕᕐᐹᕐᓗ ᐱᔨᓂ ᑲᒪᔨ ᐅᖃᐅᑎᓪᓗᒍ, “ᐊᖓᔪᒪ ᐄᓴᐅᑉ ᑲᑎᒃᐸᑎᑦ, ᐊᐱᕆᒃᐸᑎᓪᓗ, ‘ᑭᓇᒥᒃ ᐊᖓᔪᖅᑳᖃᕐᐲᑦ? ᓇᒧᓐᖓᐅᕕᓪᓗ? ᑭᐊᓗ ᐆᒪᔪᖁᑎᒋᕔᑦ ᐱᓯᒪᔭᑎᑦ?’ 18ᐃᒫᒃ ᑭᐅᔪᒫᕐᐳᓯ, ‘ᐅᑯᐊ ᐱᒋᔭᐅᔪᑦ ᐱᔨᖕᓄᑦ ᔧᑯᒧᑦ; ᐅᑯᐊ ᓇᒃᓯᐅᑎᔭᖏᑦ ᐊᖓᔪᖅᑳᒥᓄᑦ ᐄᓴᒧᑦ; ᔧᑯᓗ ᑍᒪ ᑭᖑᓂᑦᓯᐊᑦᑎᓐᓃᑉᐳᖅ.’” 19ᐊᒻᒪᑦᑕᐅᖅ ᐱᔨᓂ ᑭᖑᓪᓕᖅ ᑍᒫᑦᓮᓐᓇᖅ ᐅᖃᖁᒋᕚ, ᐱᖓᔪᖓᓪᓗ ᑍᒫᑦᓮᓐᓇᕐᑕᐅᖅ ᐆᒪᔪᓄᑦ ᐃᒻᒥᒍᑦ ᑲᑎᓯᒪᔪᓄᑦ ᑲᒪᔨᓂ ᑕᒪᕐᒥᒃ ᐱᖁᒋᕔᑦ: “ᑍᒫᑦᓮᓐᓇᖅ ᐅᖃᕐᑐᒃᓴᐅᕗᓯ ᐄᓴ ᑲᑎᒍᑦᓯᐅᒃ; 20ᐃᒤᓕᓗᓯ, ‘ᓱᓕ ᔧᑯ ᐱᔩᑦ ᑭᖑᓂᑦᑎᓐᓃᑉᐳᖅ.’” ᔧᑯ ᐃᓱᒪᖃᓚᐅᕋᒥ, “ᐱᑦᓯᐊᓕᕐᑎᒍᓐᓇᖅᑰᕐᑕᕋ ᑐᓂᕐᕈᑎᓄᑦ ᓯᕗᓂᓐᓃᑦᑐᓄᑦ, ᑭᖑᓂᖓᒍᓪᓗ ᑕᑯᒍᒃᑯ; ᐃᒻᒪᖄ ᐃᓚᓕᐅᕐᓂᐊᕐᐹᖓ.” 21ᑐᓂᕐᕈᑎᖏᑦ ᓯᕗᓪᓕᐅᓪᓗᑎᒃ ᐊᐅᓪᓚᓚᐅᕐᐳᑦ; ᐃᒻᒥᓂᒡᓕ ᐅᓐᓄᐊᒥ ᑕᕝᕙᓂ ᑕᖕᒫᕐᓯᒪᕕᖕᓂ ᓯᓂᒃᑕᕐᐳᖅ.
ᔧᑰᑉ ᐅᓇᑕᖃᑎᖃᕐᓂᖓ ᐱᓂᐅᓪᒥ
22ᑕᒪᑐᒪᓂ ᐅᓐᓄᐊᒥ ᔧᑯ ᒪᑭᑉᐳᖅ, ᓄᓕᐊᖕᓂᓗ ᒪᕐᕉᒃ, ᐱᔩᖕᓂᓗ ᐊᕐᓈᒃ ᒪᕐᕉᒃ, ᕿᑐᕐᖓᓂᓗ 11ᐅᔪᑦ, ᑰᖕᒥᒃ ᔭᐴᑉ ᑰᖓᓂᒃ ᐃᑳᕐᓯᕗᑦ ᐃᑳᕐᑎᕐᕕᖓᒍᑦ. 23ᑖᒃᑯᐊᓗ ᐃᑳᕐᑎᑦᓴᕇᕋᒥᒋᑦ ᑰᑉ ᐊᑭᐊᓄᑦ, ᐱᖁᑎᓕᒫᓂᑦᑕᐅᖅ ᐃᑳᕐᑎᒃᑭᕔᑦ, 24#ᕼᐆᓯᐊ 12:3,4.ᔧᑯᓕ ᕿᒪᒃᑕᐅᓪᓗᓂ, ᐃᓄᑑᓕᓚᐅᕐᐳᖅ.
ᑕᕝᕙ ᐊᖑᒻᒥᒃ ᐅᓇᑕᖃᑎᖃᓕᕐᐳᖅ, ᖃᐅᓕᕐᓂᖓᓄᑦ ᑎᑭᓪᓗᒍ. 25ᑖᓐᓇᓗ ᐊᖑᑦ ᖃᐅᔨᓕᕋᒥ ᓵᓚᖃᕈᓐᓇᖏᓐᓂᕐᒥᓂᒃ, ᔧᑯ ᓯᕝᕕᐊᖓᒍᑦ ᑎᒡᓗᒃᐹ; ᔧᑰᓪᓗ ᓯᕝᕕᐊᖓ ᐱᒡᓗᐃᕗᖅ ᐅᓇᑕᕐᓗᑎᒃ. 26ᐊᖑᓪᓗ ᐅᖃᕐᐳᖅ, “ᓴᒃᑯᓕᓐᖓ, ᖃᐅᒻᒪᓕᕐᒪᑦ.”
ᔧᑰᓪᓗ ᑭᐅᕚ, “ᓴᒃᑯᓐᓂᐊᓐᖏᓚᒋᑦ, ᓮᒻᒪᕐᑎᓐᖏᑐᐊᕈᕕᖓ.”
27ᐊᖑᑎᐅᓪᓗ ᐊᐱᕆᕚ, “ᑭᓇᐅᕕᑦ?”
ᑖᑦᓱᒪ ᑭᐅᕚ, “ᔧᑰᕗᖓ.”
28 #
ᒨᓯᓯ ᓯᕗᓪᓖᑦ 35:10. ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”
29 #
ᐃᓗᐊᕐᓮᔩᑦ 13:17,18. ᔧᑰᓪᓗ ᐅᖃᐅᑎᕚ, “ᐅᖃᐅᑎᓚᐅᓐᖓ ᑭᓇᐅᖕᒪᖔᕐᐱᑦ.”
ᑖᑦᓱᒪᓕ ᑭᐅᕚ, “ᓱᖕᒪ ᖃᐅᔨᔪᒪᕕᑦ ᑭᓇᐅᖕᒪᖔᕐᒪ?” ᑕᕝᕙᓂᓗ ᔧᑯ ᓮᒻᒪᕐᑎᑉᐹ.
30ᔧᑰᓪᓗ ᓄᓇ ᑖᓐᓇ ᐊᑦᓯᕐᐹ ᐱᓂᐅᓪᒥᒃ ᐅᖃᕋᒥ, “ᒎᑎ ᑕᑯᓯᒪᕙᕋ ᑮᓇᕐᒥᑦ ᑮᓇᕐᒧᑦ, ᓱᓕᓕ ᐃᓅᓪᓗᖓ.” 31ᓯᕿᓂᕐᓗ ᖁᑦᑎᒃᓯᓚᐅᕐᐳᖅ ᔧᑯ ᑕᕝᕙᓐᖓᑦ ᐱᓄᐃᓕᒥᑦ ᕿᒪᕉᑎᓕᕐᑎᓪᓗᒍ, ᑐᓯᐊᓕᓚᐅᕐᐳᕐᓗ ᓯᕝᕕᐊᓂ ᐱᑦᔪᑎᒋᓪᓗᒍ. 32ᑍᒤᒻᒪᑦ ᐅᓪᓗᒥᒧᑦ ᑎᑭᓪᓗᒍ ᐃᓴᕆᐊᓕᐅᑉ ᑭᖑᕚᖏᑦ ᓯᕝᕕᐊᑉ ᓴᐅᓂᖓᑕ ᐃᓗᐊᓃᑦᑐᒥᒃ ᓄᑭᖕᒥᒃ ᓂᕆᔪᓐᓇᓐᖏᓚᑦ, ᔧᑯ ᓯᕝᕕᐊᖓᑕ ᐃᑎᕐᓴᖓᑕ ᓄᑭᖓ ᑎᒡᓗᓚᐅᕐᒪᒍ.
Currently Selected:
ᒨᓯᓯ ᓯᕗᓪᓖᑦ 32: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
