ᐃᓯᑭᐊᓕᐅᑉ ᐊᒡᓚᖏᑦ 6
6
ᐊᑕᓂᐅᑉ ᓱᒋᐊᕐᓯᔪᒪᓂᖓ ᒎᑎᓐᖑᐊᓕᖕᓂᒃ
1ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ: 2“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᖃᖅᑲᖏᓐᓄᑦ ᓵᓐᖓᓗᑎᑦ, ᓇᓪᓕᐅᑎᔪᒫᕐᑐᓂᒃ ᐅᖃᐅᑦᔪᒃᑭᑦ. 3ᐅᖃᐅᑎᓗᒋᓪᓗ, ᐃᓴᕆᐊᓕᒥᐅᑦ ᖃᖅᑲᖏᑦ ᑐᓴᖁᓪᓗᒋᑦ ᐊᑕᓂᐅᑉ ᒎᑎᐅᑉ ᐅᖃᐅᓯᕆᔭᖏᓐᓂᒃ, ᐅᖃᐅᑦᔪᐃᒋᑦ ᖃᖅᑲᓂᒃ, ᐱᖑᕐᓂᒃ, ᑰᕈᕐᓂᒃ, ᓇᕐᓴᓂᒡᓗ: ᑕᑯᒋᑦ, ᐅᕙᖓ ᓇᖕᒥᓂᖅ, ᑎᓕᓯᔪᒫᕐᐳᖓ ᐅᓇᑕᕐᑎᓂᒃ, ᐊᓯᕈᐃᖁᓪᓗᒋᑦ ᒎᑎᓐᖑᐊᓂᒃ. 4ᑐᓂᕐᕈᓯᕐᕕᖁᑎᓯ ᕿᒪᒃᑕᐅᔪᒫᕐᐳᑦ, ᐳᔫᕐᑎᑦᓯᕕᓯᓗᑦᑕᐅᖅ ᓯᖁᑦᑎᕐᑕᐅᓗᑎᒃ; ᑐᖁᑕᐅᔨᐊᓯᓗ ᒎᑎᓐᖑᐊᖁᑎᑦᓯ ᓵᖓᓄᑦ ᐃᒋᑦᓱᒫᕐᐸᒃᑲ. 5ᐃᓴᕆᐊᓕᒥᐅᑦ ᑎᒥᕕᓂᖏᑦ ᒎᑎᓐᖑᐊᖏᑕ ᓵᖓᓄᐊᕐᑎᑦᓱᒫᕐᐸᒃᑲ; ᓴᐅᓂᕕᓂᖏᓪᓗ ᑐᓂᕐᕈᓯᕐᕕᖏᑕ ᐊᕙᑖᓄᑦ ᓯᐊᒻᒪᒃᑎᓪᓗᒋᑦ. 6ᓇᓂᑐᐃᓐᓇᖅ ᐃᒡᓗᒐᓴᒡᔪᐊᑦ ᐃᓂᒋᔭᓯ ᐊᓯᕈᕐᑕᐅᔪᒫᕐᐳᑦ ᒎᑎᓐᖑᐊᒃᑯᕕᓯᓗ, ᑐᓂᕐᕈᓯᕐᕕᖁᑎᓯᓗ ᓯᖁᑦᑎᕐᑕᐅᔪᒫᕐᐳᑦ, ᒎᑎᓐᖑᐊᖁᑎᓯ ᓯᖁᒥᑕᐅᔪᒫᕐᐳᑦ ᐊᓯᕈᕐᑕᐅᓗᑎᒡᓗ, ᐃᓯᕐᓗᐊᕐᓂᑎᑦᓯᕕᖕᒧᑦ ᑐᓂᕐᕈᓯᕐᕕᖁᑎᓯ ᐅᕐᕈᑎᑕᐅᓗᑎᒃ, ᓴᓇᓯᒪᔭᓯᓗ ᓄᖑᑕᐅᓗᑎᒃ. 7ᑐᖁᑕᐅᔪᖃᖃᑦᑕᕈᒫᕐᐳᑦ ᐊᑯᓐᓇᑦᓯᓐᓂ, ᖃᐅᔨᖁᓪᓗᓯ ᐊᑕᓂᐅᒐᒪ.
8“ᐊᒥᐊᒃᑯᖃᕐᑎᑦᓱᒫᕐᐸᑦᓯᓕ. ᐃᓚᖏᑦ ᓴᕕᒡᔪᐊᒥᑦ ᐊᓐᓇᒃᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᓂ, ᓯᐊᒻᒪᒃᑎᓪᓗᓯᓗ ᓄᓇᓕᒡᔪᐊᓄᑦ.
9“ᐃᓕᑦᓯ ᐊᓐᓇᒃᓯᒪᔪᓯ ᐃᖅᑲᕈᒫᕐᐸᑦᓯᓐᖓ ᐃᓅᖃᑎᒌᒡᔪᐊᓃᓕᕐᑎᓪᓗᓯ ᐊᐅᓪᓚᕈᑦᔭᐅᓯᒪᕕᒋᔭᑦᓯᓐᓂ, ᐃᓱᒪᕐᓱᕈᒪᓂᓯ ᓯᖁᒥᑎᒍᒃᑭᑦ ᐅᕙᓐᓂᒃ ᕿᒤᑦᔪᑎᒋᓚᐅᕐᑕᓯ, ᑕᐅᑐᖏᑦᔪᑎᒋᓚᐅᕐᑕᑦᓯᓐᓂᒡᓗ ᒎᑎᓐᖑᐊᖃᕈᒪᓂᕐᒧᑦ; ᐃᓕᑦᓯᓐᓄᑦ ᓇᕐᕈᓇᕐᓯᔪᒫᕐᒪᑕ ᐊᒡᓛᑦ ᑕᑯᑐᐃᓐᓇᕐᓗᒋᑦ ᐊᔪᕐᑐᓕᑦᔪᑎᒋᓯᒪᔭᓯ, ᒎᑎᒧᓪᓗ ᑕᒪᕐᒥᒃ ᓇᕐᕈᓇᕐᑑᓂᖏᓐᓂᒃ. 10ᖃᐅᔨᔪᒫᕐᐳᑦ ᐊᑕᓂᐅᓂᓐᓂᒃ; ᓯᕘᕋᓵᕆᑐᐃᓐᓇᕐᓗᖓᓗ ᐱᐅᖏᑦᑐᒥᒃ ᐱᓂᐊᕐᕕᒋᓯᒪᖏᓐᓇᒃᑭᑦ.”
11ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ, “ᐸᑦᑕᒋᑦᓯ, ᐃᑎᒐᓯᓗ ᑐᒃᑲᕐᓗᒋᑦ, ᐅᖃᕐᓗᓯᓗ, ᐊᓱᐃᓛᒃ! ᐱᐅᖏᑦᑐᓄᑦ ᒎᑎᒧᓪᓗ ᓇᕐᕈᓇᕐᑐᓄᑦ ᐃᓴᕆᐊᓕᐅᑉ ᑭᖑᕚᖏᓐᓃᑦᑐᓄᑦ; ᑍᒤᓕᐅᕐᑐᑦ ᓴᕕᒡᔪᐊᕐᒧᑦ ᑐᖁᔪᒃᓴᐅᖕᒪᑕ, ᑳᖕᓇᕐᑐᕐᔪᐊᒧᓪᓗ, ᐋᓐᓂᐊᓇᕐᑐᓄᓪᓗ. 12ᐅᖓᓯᒃᑐᒦᑦᑐᖅ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᖅ; ᖃᓂᑦᑐᒦᑦᑐᕐᓗ ᓴᕕᒡᔪᐊᕐᒧᑦ ᑐᖁᓗᓂ, ᐊᒥᐊᒃᑰᔪᕐᓗ ᑳᖕᓇᕐᑐᕐᔪᐊᕐᒧᑦ ᐱᕐᓕᕐᓗᓂ. ᑍᒫᒃ ᓂᓐᖓᐅᒪᕕᒡᔪᐊᕐᓂᓐᓄᑦ ᐱᓇᓱᐊᕈᒫᕐᐳᖓ ᑖᒃᑯᓄᖓ. 13ᖃᐅᔨᔪᒫᕐᐳᓯᓗ ᐅᕙᖓ ᐊᑕᓂᐅᒐᒪ, ᑐᖁᖓᔪᑦ ᒎᑎᓐᖑᐊᖃᕐᕕᖕᓂ ᑐᓂᕐᕈᓯᕐᕕᖕᓂᓗ ᓯᐊᒻᒪᕐᓯᒪᓕᕐᐸᑕ, ᐱᖑᕐᓂᓗ ᐳᕐᑐᔪᓕᒫᓂ, ᖃᖅᑬᓪᓗ ᖄᖏᓐᓂ, ᓇᐹᕐᑐᐃᓪᓗ ᑐᖑᔪᕐᑐᑦ ᐊᑖᓂ, ᓇᐹᕐᑐᕐᔪᐊᓪᓗ ᐅᖃᐅᔭᖅᑯᕐᑐᔪᑦ ᐊᑖᓂ, ᓇᓂᑐᐃᓐᓇᕐᓗ ᒎᑎᓐᖑᐊᓕᒫᓄᑦ ᒪᒪᕐᑐᓂᒃ ᑐᓂᕐᕈᓯᕐᕕᖏᓐᓂ. 14ᐱᔪᓐᓇᕐᓂᓐᓄᑦ ᓄᓇᒋᔭᖓ ᐱᒋᐊᕈᒫᕐᐸᕋ, ᐃᓄᖃᕈᓐᓃᕐᑎᓪᓗᒍ ᐊᑐᕐᑐᒃᓴᐅᔪᓐᓃᕐᑎᓪᓗᒍᓗ, ᓄᓇᒋᔭᓕᒫᖏᓐᓂ, ᐃᓄᖃᖏᑦᑐᒥᑦ ᕆᑉᓚᒧᑦ ᑎᑭᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᒐᒪ.”
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 6: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
