ᐃᓯᑭᐊᓕᐅᑉ ᐊᒡᓚᖏᑦ 2
2
1ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᓂᑯᕕᓕᕆᑦ, ᐅᖃᐅᓯᒃᓴᖃᕐᕕᒋᒐᒃᑭᑦ.” 2ᐅᖃᓪᓚᒃᑎᓪᓗᒍ ᓱᓕ, ᒎᑎᐅᑉ ᐊᓂᕐᓂᖓᓄᑦ ᐃᑎᕐᕕᐅᓪᓗᖓ ᓂᑯᕕᑎᑕᐅᕗᖓ; ᑐᓵᕙᕋᓗ ᐅᕙᓐᓄᑦ ᐅᖃᓪᓚᒃᑎᓪᓗᒍ. 3ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑎᓕᕙᒋᑦ ᐃᓴᕆᐊᓕᒥᐅᓄᑦ, ᐃᓅᖃᑎᒌᒡᔪᐊᓄᑦ ᐊᑭᕋᕐᑐᕐᑎᓄᑦ, ᐅᕙᓐᓂᒃ ᐊᑭᕋᕐᑐᕐᑎᑐᖃᐅᒐᒥᒃ; ᑖᒃᑯᐊᓗ ᓯᕗᓕᕕᓂᖏᓪᓗ ᐅᕙᓐᓄᑦ ᐱᐅᖏᑦᑐᓕᓯᒪᕗᑦ ᐅᓪᓗᒥᒧᑦ ᐊᒡᓛᑦ ᑎᑭᓪᓗᒍ. 4ᓯᑎᔪᓄᑦ ᑐᓵᖏᑦᑐᓄᓪᓗ: ᑖᒃᑯᓄᖓ ᑎᓕᕙᒋᑦ; ᑖᒃᑯᓄᖓ ᐅᖃᕐᑐᒃᓴᐅᕗᑎᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ.’ 5ᓈᓚᖕᓂᐊᕐᐸᑕ ᓈᓚᖕᓂᐊᖏᑉᐸᑕᓘᓐᓃᑦ ᐊᑭᕋᕐᑐᕐᑎᐅᓂᕐᒥᖕᓄᑦ ᖃᐅᔨᔪᒫᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᑎᑭᑕᐅᕐᓯᒪᔪᕕᓂᐅᓂᕐᒥᖕᓂᒃ.
6“ᐃᕝᕕᓪᓕ, ᐃᓅᑉ ᐃᕐᓂᖓ, ᑲᑉᐱᐊᒋᓂᐊᕐᓇᒋᑦ, ᐅᖃᐅᓯᖏᓪᓗ ᓯᕘᕋᒋᓇᒋᑦ, ᑲᑭᓪᓚᕐᓇᕐᑐᑎᑐᑦ ᑲᐱᔭᐅᓐᓇᕐᑐᑎᑐᓪᓗ ᓯᑯᐊᕐᐱᐅᓃᑦ ᐊᑯᓐᓂᖓᓃᑦᑐᑎᑐᑦ ᑍᒤᑦᑑᖃᑦᑕᕐᓂᐊᕐᐳᑎᑦ, ᑍᒤᒃᑲᓗᐊᕐᐸᑕ ᑲᑉᐱᐊᒋᑦᑍᓕᒃᑭᑦ ᐅᖃᐅᓯᖏᓪᓘᓐᓃᑦ ᓯᕘᕋᒋᑦᑍᓕᓗᒋᑦ, ᑕᐅᑦᑐᖏᓐᓄᑦ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ. 7ᐅᖃᕐᑕᐅᖁᔭᓂᒃ ᐅᖃᐅᓯᖃᕐᑐᒃᓴᐅᕗᑎᑦ, ᓈᓚᒃᑕᐅᓂᐊᕈᕕᑦ ᓈᓚᒃᑕᐅᔮᖏᒃᑯᕕᓪᓘᓐᓃᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.
8“ᐃᕝᕕᓪᓕ ᐃᓅᑉ ᐃᕐᓂᖓ, ᐃᓕᖕᓄᑦ ᐅᖃᐅᓯᕆᔭᒃᑲ ᓈᓚᒃᑭᑦ; ᑍᒃᑯᑎᑐᓇᖅ ᐊᑭᕋᕐᑐᕐᑐᑎᑐᑦ ᐊᑭᕋᕐᑐᕐᑍᓕᒋᑦ; ᖃᓃᑦ ᐂᑦᑕᓕᕈᒃ, ᓂᕆᓂᐊᕋᕕᑦ ᑐᓂᔭᓐᓂᒃ.” 9#ᑕᑯᑎ 5:1.ᑕᑯᓴᕋᒪ, ᑕᑯᒋᑦ ᐊᒡᒐᓂᒃ ᑕᑯᓕᕐᐳᖓ ᐅᕙᓐᓄᑦ ᑐᓂᒻᒥᔪᓂᒃ, ᑎᒍᒥᐊᕐᓗᑎᒃ ᐊᒡᓚᖕᓂᒃ ᐃᒧᓯᒪᔪᓂᒃ; 10ᓯᕗᕋᓐᓄᑦ ᐃᓯᕕᒻᒪᒋᑦ; ᐃᒡᓗᒃᑐᑦ ᑎᑎᕋᕐᕕᒋᓯᒪᕗᑦ, ᑕᕝᕙᓂᓗ ᑎᑎᕋᕐᓯᒪᕗᑦ ᐅᒡᒍᐊᕐᓂᖅ, ᕿᒃᓵᒃᓗᑎᒃ ᕿᐊᓂᖅ, ᑲᑉᐱᐊᓱᖕᓂᕐᓗ.
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 2: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
