ᐃᔅᑕᐅᑉ ᐊᒡᓚᖏᑦ 4
4
ᒧᐊᑎᑬᑉ ᐃᔅᑕᕐᒧᑦ ᐃᑲᔪᕐᑕᐅᔪᒪᓂᖓ
1ᑕᕝᕙ ᒧᐊᑎᑬ ᑕᒪᑐᒥᖓ ᐱᓇᓱᐊᕐᑕᐅᔪᒥᒃ ᖃᐅᔨᒐᒥ, ᐊᓐᓄᕌᓂ ᐊᓕᒃᐰᑦ ᐳᑐᕐᓛᒥᒡᓗ ᐊᑎᓪᓗᓂ ᐃᒻᒥᓂᒃ ᐊᕐᔭᓕᓂᕐᑎᕐᐳᖅ, ᐃᒡᓗᒐᓮᓪᓗ ᕿᑎᖓᓄᐊᕐᓗᓂ, ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ ᐅᒡᒍᐊᕐᓂᕐᒧᑦ ᓂᐹᔪᐊᓘᓪᓗᓂ; 2ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᑕ ᓴᓂᐊᓄᐊᓚᐅᕐᐳᖅ, ᓇᓪᓕᐊᓪᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕆᖃᓚᐅᓐᖏᒻᒪᑦ ᐳᑐᕐᓛᓂᒃ ᐊᓐᓄᕌᕐᓯᒪᓗᓂ. 3ᓄᓇᓕᓕᒫᓂ ᐊᕕᒃᑐᕐᓯᒪᔪᓂ ᐊᖓᔪᖅᑳᕐᔪᐊᑉ ᐱᖁᔭᓕᐊᕆᔭᖓᓄᑦ ᑎᑭᑕᐅᔪᑦ, ᔫᑎᑦ ᕿᒃᓵᒻᒪᕆᒃᓗᑎᒃ ᕿᐊᓚᐅᕐᐳᑦ, ᓂᕆᑦᑍᓕᓪᓗᑎᒃ, ᖁᕝᕕᐅᕐᓗᑎᒡᓗ, ᐅᒡᒍᐊᕐᓂᕐᒧᑦ; ᐅᓄᕐᑐᓪᓗ ᐳᑐᕐᓛᓂᒃ ᐊᓐᓄᕌᕐᓯᒪᕗᖅ ᐊᕐᔭᓕᓂᕐᑎᕐᓯᒪᓪᓗᑎᒡᓗ.
4ᑕᕝᕙ ᐃᔅᑕᐅᑉ ᐱᔨᖏᑦ ᐊᕐᓁᑦ ᐊᖑᑎᓪᓗ ᐊᕐᓇᕐᓂᐊᕈᓐᓁᓪᓕᑎᑕᐅᓯᒪᔪᑦ ᐃᔅᑕᕐᒧᐊᕐᐳᑦ ᑕᒪᑐᒥᖓᓗ ᐅᖃᐅᑎᓪᓗᒍ, ᑕᕝᕙ ᑯᐃᓐ ᐃᓱᒪᔮᕐᑐᐊᓘᓕᕐᐳᖅ; ᐊᓐᓄᕌᓂᒡᓗ ᒧᐊᑎᑬᑉ ᐊᑎᔭᒃᓴᖏᓐᓂᒃ ᑐᓂᓯᕕᐅᖁᕚ ᐊᓐᓄᕌᖏᑦ ᐳᑐᕐᓛᑦ ᐲᕐᑕᐅᖁᓪᓗᒋᑦ, ᒧᐊᑎᑬᓕ ᐊᖏᓐᖏᓚᖅ. 5ᑕᕝᕙ ᐃᔅᑕᐅᑉ ᕼᐊᑕᒃ ᕾᖁᕚ, ᑖᓐᓇ ᐊᖓᔪᖅᑳᕐᔪᐊᑉ ᐱᔨᖓ ᑎᓕᓯᒪᔭᖓ ᐃᔅᑕᕐᒧᑦ ᐱᔨᐅᖁᓪᓗᒍ ᐊᕐᓇᕐᓂᐊᕈᓐᓁᓪᓕᑎᑕᐅᓯᒪᔪᖅ, ᐃᔅᑕᐅᑉ ᑎᓕᕚ ᖃᐅᔨᓇᓱᐊᑦᓯᐊᖁᓪᓗᒍ ᒧᐊᑎᑬᒥᒃ, ᓱᖕᒪᑦ ᖃᓄᐃᒻᒪᓪᓗ ᑍᒤᓕᐅᕐᒪᖔᑦ. 6ᑕᕝᕙ ᕼᐊᑕᒃ ᒧᐊᑎᑬᒧᐊᕐᐳᖅ ᐃᒡᓗᒐᓮᑦ ᐊᖅᑯᓯᓂᖓᓃᑎᓪᓗᒍ ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓᑕ ᐃᑎᕐᑕᕐᕕᖓᑕ ᓯᕗᕌᓂ. 7ᒧᐊᑎᑬᓪᓗ ᐅᖃᐅᑎᕚ ᖃᓄᐃᓕᐅᕐᑕᐅᓂᕆᔭᓕᒫᒥᓂᒃ, ᖃᑦᓯᓂᒡᓗ ᑮᓇᐅᔭᓂᒃ ᕼᐂᒪᓂ ᐊᑭᓖᔪᒪᓯᒪᓂᖓᓂᒃ ᐊᖓᔪᖅᑳᕐᔪᐊᑉ ᑮᓇᐅᔭᒃᑯᕕᖓᓄᑦ ᑐᓂᔭᐅᓂᐊᕐᑐᓂᒃ ᔫᑎᑦ ᑐᖁᕋᕐᑕᐅᒃᐸᑕ. 8ᐱᖁᔭᓕᐊᕆᔭᐅᔫᓪᓗ ᐅᖃᐅᓯᕐᑕᖏᑕ ᐊᑦᔨᖏᓐᓂᒃ ᕼᐊᑕᒃ ᑐᓂᓯᕕᒋᕚ ᓲᓴᒥ ᓴᖅᑭᑎᑕᐅᓯᒪᔪᓂᒃ, ᔫᑎᑦ ᑐᖁᕋᕐᑕᐅᖁᓪᓗᒋᑦ, ᑖᒃᑯᐊᓗ ᐃᔅᑕᕐᒧᑦ ᑕᑯᔭᐅᖁᕔᑦ ᑕᒪᑐᒥᖓᓗ ᑐᑭᓯᑎᑕᐅᖁᕚ, ᐊᖓᔪᖅᑳᕐᔪᐊᕐᒧᐊᕈᓐᓇᕐᒪᖔᓪᓗ ᐃᓗᖏᕐᑐᕐᓗᓂ ᕿᓄᕕᖃᖁᓪᓗᒍ ᐊᖓᔪᖅᑳᕐᔪᐊᕐᒥᒃ ᓴᐳᑦᔭᐅᖁᔨᓗᓂᓗ ᐃᓅᖃᑎᒥᓂᒃ. 9ᕼᐊᑕᒃᓗ ᐃᔅᑕᕐᒧᐊᕋᒥ ᑕᒪᒃᑯᓂᖓ ᒧᐊᑎᑬᑉ ᐅᖃᐅᓯᖏᓐᓂᒃ ᐅᖃᐅᑎᕚ. 10ᑕᕝᕙ ᐃᔅᑕᕐ ᕼᐊᑕᒃᒧᑦ ᐅᖃᕐᐳᖅ, ᒧᐊᑎᑬᒧᓪᓗ ᐅᖃᖁᓪᓗᓂᐅᒃ: 11“ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᓄᓕᒫᓪᓗ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᖃᐅᔨᒪᕗᑦ ᓇᓪᓕᐊᑦ ᐊᖑᑦ ᐊᕐᓇᕐᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᕙᓗᐊᑕ ᐃᓗᐊᓄᐊᕋᔭᕐᐸᑦ, ᐊᖓᔪᖅᑳᕐᔪᐊᕐᒧᑦ ᕾᖁᔭᐅᓯᒪᖏᓪᓗᓂ, ᐊᖓᔪᖅᑳᕐᔪᐊᖅ ᐱᖁᔭᖃᕐᐳᖅ ᑕᒪᑐᒧᖓ ᐊᑕᐅᓯᕐᒥᒃ: ᑍᒤᑦᑐᑦ ᑐᖁᑕᐅᔭᕆᐊᖃᕐᒪᑕ, ᓇᓪᓕᐊᓪᓕ ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓᓂᒃ ᒎᓗᒥᒃ ᐊᒃᑐᕐᓯᑎᑕᐅᔪᖅ, ᑭᓯᒥ ᐃᓅᑎᑕᐅᔪᓐᓇᕐᐳᖅ. ᐅᕙᖓᓕ ᓱᓕ ᕾᖁᔭᐅᓯᒪᓐᖏᓚᖓ ᐊᖓᔪᖅᑳᕐᔪᐊᕐᒧᑦ ᐃᑎᖁᓗᖓ ᑖᒃᑯᓇᓂ ᐅᓪᓗᓂ 30ᓂ.”
12ᐃᔅᑕᕐᐅᓪᓗ ᐅᖃᐅᓯᕆᔭᖏᑦ ᒧᐊᑎᑬᒧᑦ ᐅᖃᐅᓯᕆᔭᐅᕗᑦ. 13ᒧᐊᑎᑬᓪᓗ ᐃᔅᑕᕐ ᑭᐅᔭᐅᖁᕚ ᐃᒫᒃ: “ᐃᓗᒃᑯᑦ ᐃᓱᒪᖃᕐᑍᓕᒋᑦ ᔫᑎᐅᖃᑎᓕᒫᕐᓂᑦ ᐊᑦᑕᕐᓇᖏᑦᑐᒦᓐᓂᕐᓴᐅᓇᓱᒋᓗᑎᑦ ᐊᖓᔪᖅᑳᕐᔪᐊᑉ ᐃᒡᓗᖓᓂᒥᐅᑕᐅᓂᕐᓄᑦ. 14ᒫᓐᓇᐅᔪᕐᓕ ᓂᓪᓕᐊᓂᐊᖏᒃᑯᕕᑦ, ᑕᕝᕙ ᔫᑎᑦ ᐊᓯᖕᓂᑦ ᐃᑲᔪᕐᑕᐅᓂᐊᕐᐳᑦ, ᐃᕝᕕᓪᓕ ᐊᑖᑕᒃᑯᑎᓪᓗ ᑐᖁᑕᐅᓛᕐᐳᓯ. ᖃᐅᔨᒪᓇᓐᖏᓚᖅ; ᐃᒻᒪᖄᓕ ᑕᒪᓐᓇ ᐱᓂᐊᕐᓂᐅᓕᕐᑐᖅ ᐱᑦᔪᑎᒋᓪᓗᒍ ᐊᖓᔪᖅᑳᕐᔪᐊᖃᕐᕕᖕᒦᓚᕿᕗᑎᑦ.”
15ᑕᕝᕙ ᐃᔅᑕᐅᑉ ᐅᖃᐅᑎᕔᑦ ᒧᐊᑎᑬᒧᑦ ᑭᐅᖁᓪᓗᒋᑦ ᐃᒫᒃ: 16“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”
17ᑕᕝᕙ ᒧᐊᑎᑬ ᐊᓂᕗᖅ ᐱᓇᓱᐊᓕᕐᓗᓂᓗ ᐃᔅᑕᐅᑉ ᐱᖁᔨᑦᔪᑎᒋᔭᓕᒫᖏᓐᓂ.
Currently Selected:
ᐃᔅᑕᐅᑉ ᐊᒡᓚᖏᑦ 4: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᔅᑕᐅᑉ ᐊᒡᓚᖏᑦ 4
4
ᒧᐊᑎᑬᑉ ᐃᔅᑕᕐᒧᑦ ᐃᑲᔪᕐᑕᐅᔪᒪᓂᖓ
1ᑕᕝᕙ ᒧᐊᑎᑬ ᑕᒪᑐᒥᖓ ᐱᓇᓱᐊᕐᑕᐅᔪᒥᒃ ᖃᐅᔨᒐᒥ, ᐊᓐᓄᕌᓂ ᐊᓕᒃᐰᑦ ᐳᑐᕐᓛᒥᒡᓗ ᐊᑎᓪᓗᓂ ᐃᒻᒥᓂᒃ ᐊᕐᔭᓕᓂᕐᑎᕐᐳᖅ, ᐃᒡᓗᒐᓮᓪᓗ ᕿᑎᖓᓄᐊᕐᓗᓂ, ᓂᐱᖅᑯᕐᑐᓪᓗᓂᓗ ᕿᐊᓕᕐᐳᖅ ᐅᒡᒍᐊᕐᓂᕐᒧᑦ ᓂᐹᔪᐊᓘᓪᓗᓂ; 2ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᑕ ᓴᓂᐊᓄᐊᓚᐅᕐᐳᖅ, ᓇᓪᓕᐊᓪᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓄᐊᕆᖃᓚᐅᓐᖏᒻᒪᑦ ᐳᑐᕐᓛᓂᒃ ᐊᓐᓄᕌᕐᓯᒪᓗᓂ. 3ᓄᓇᓕᓕᒫᓂ ᐊᕕᒃᑐᕐᓯᒪᔪᓂ ᐊᖓᔪᖅᑳᕐᔪᐊᑉ ᐱᖁᔭᓕᐊᕆᔭᖓᓄᑦ ᑎᑭᑕᐅᔪᑦ, ᔫᑎᑦ ᕿᒃᓵᒻᒪᕆᒃᓗᑎᒃ ᕿᐊᓚᐅᕐᐳᑦ, ᓂᕆᑦᑍᓕᓪᓗᑎᒃ, ᖁᕝᕕᐅᕐᓗᑎᒡᓗ, ᐅᒡᒍᐊᕐᓂᕐᒧᑦ; ᐅᓄᕐᑐᓪᓗ ᐳᑐᕐᓛᓂᒃ ᐊᓐᓄᕌᕐᓯᒪᕗᖅ ᐊᕐᔭᓕᓂᕐᑎᕐᓯᒪᓪᓗᑎᒡᓗ.
4ᑕᕝᕙ ᐃᔅᑕᐅᑉ ᐱᔨᖏᑦ ᐊᕐᓁᑦ ᐊᖑᑎᓪᓗ ᐊᕐᓇᕐᓂᐊᕈᓐᓁᓪᓕᑎᑕᐅᓯᒪᔪᑦ ᐃᔅᑕᕐᒧᐊᕐᐳᑦ ᑕᒪᑐᒥᖓᓗ ᐅᖃᐅᑎᓪᓗᒍ, ᑕᕝᕙ ᑯᐃᓐ ᐃᓱᒪᔮᕐᑐᐊᓘᓕᕐᐳᖅ; ᐊᓐᓄᕌᓂᒡᓗ ᒧᐊᑎᑬᑉ ᐊᑎᔭᒃᓴᖏᓐᓂᒃ ᑐᓂᓯᕕᐅᖁᕚ ᐊᓐᓄᕌᖏᑦ ᐳᑐᕐᓛᑦ ᐲᕐᑕᐅᖁᓪᓗᒋᑦ, ᒧᐊᑎᑬᓕ ᐊᖏᓐᖏᓚᖅ. 5ᑕᕝᕙ ᐃᔅᑕᐅᑉ ᕼᐊᑕᒃ ᕾᖁᕚ, ᑖᓐᓇ ᐊᖓᔪᖅᑳᕐᔪᐊᑉ ᐱᔨᖓ ᑎᓕᓯᒪᔭᖓ ᐃᔅᑕᕐᒧᑦ ᐱᔨᐅᖁᓪᓗᒍ ᐊᕐᓇᕐᓂᐊᕈᓐᓁᓪᓕᑎᑕᐅᓯᒪᔪᖅ, ᐃᔅᑕᐅᑉ ᑎᓕᕚ ᖃᐅᔨᓇᓱᐊᑦᓯᐊᖁᓪᓗᒍ ᒧᐊᑎᑬᒥᒃ, ᓱᖕᒪᑦ ᖃᓄᐃᒻᒪᓪᓗ ᑍᒤᓕᐅᕐᒪᖔᑦ. 6ᑕᕝᕙ ᕼᐊᑕᒃ ᒧᐊᑎᑬᒧᐊᕐᐳᖅ ᐃᒡᓗᒐᓮᑦ ᐊᖅᑯᓯᓂᖓᓃᑎᓪᓗᒍ ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓᑕ ᐃᑎᕐᑕᕐᕕᖓᑕ ᓯᕗᕌᓂ. 7ᒧᐊᑎᑬᓪᓗ ᐅᖃᐅᑎᕚ ᖃᓄᐃᓕᐅᕐᑕᐅᓂᕆᔭᓕᒫᒥᓂᒃ, ᖃᑦᓯᓂᒡᓗ ᑮᓇᐅᔭᓂᒃ ᕼᐂᒪᓂ ᐊᑭᓖᔪᒪᓯᒪᓂᖓᓂᒃ ᐊᖓᔪᖅᑳᕐᔪᐊᑉ ᑮᓇᐅᔭᒃᑯᕕᖓᓄᑦ ᑐᓂᔭᐅᓂᐊᕐᑐᓂᒃ ᔫᑎᑦ ᑐᖁᕋᕐᑕᐅᒃᐸᑕ. 8ᐱᖁᔭᓕᐊᕆᔭᐅᔫᓪᓗ ᐅᖃᐅᓯᕐᑕᖏᑕ ᐊᑦᔨᖏᓐᓂᒃ ᕼᐊᑕᒃ ᑐᓂᓯᕕᒋᕚ ᓲᓴᒥ ᓴᖅᑭᑎᑕᐅᓯᒪᔪᓂᒃ, ᔫᑎᑦ ᑐᖁᕋᕐᑕᐅᖁᓪᓗᒋᑦ, ᑖᒃᑯᐊᓗ ᐃᔅᑕᕐᒧᑦ ᑕᑯᔭᐅᖁᕔᑦ ᑕᒪᑐᒥᖓᓗ ᑐᑭᓯᑎᑕᐅᖁᕚ, ᐊᖓᔪᖅᑳᕐᔪᐊᕐᒧᐊᕈᓐᓇᕐᒪᖔᓪᓗ ᐃᓗᖏᕐᑐᕐᓗᓂ ᕿᓄᕕᖃᖁᓪᓗᒍ ᐊᖓᔪᖅᑳᕐᔪᐊᕐᒥᒃ ᓴᐳᑦᔭᐅᖁᔨᓗᓂᓗ ᐃᓅᖃᑎᒥᓂᒃ. 9ᕼᐊᑕᒃᓗ ᐃᔅᑕᕐᒧᐊᕋᒥ ᑕᒪᒃᑯᓂᖓ ᒧᐊᑎᑬᑉ ᐅᖃᐅᓯᖏᓐᓂᒃ ᐅᖃᐅᑎᕚ. 10ᑕᕝᕙ ᐃᔅᑕᕐ ᕼᐊᑕᒃᒧᑦ ᐅᖃᕐᐳᖅ, ᒧᐊᑎᑬᒧᓪᓗ ᐅᖃᖁᓪᓗᓂᐅᒃ: 11“ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᓄᓕᒫᓪᓗ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᖃᐅᔨᒪᕗᑦ ᓇᓪᓕᐊᑦ ᐊᖑᑦ ᐊᕐᓇᕐᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᕙᓗᐊᑕ ᐃᓗᐊᓄᐊᕋᔭᕐᐸᑦ, ᐊᖓᔪᖅᑳᕐᔪᐊᕐᒧᑦ ᕾᖁᔭᐅᓯᒪᖏᓪᓗᓂ, ᐊᖓᔪᖅᑳᕐᔪᐊᖅ ᐱᖁᔭᖃᕐᐳᖅ ᑕᒪᑐᒧᖓ ᐊᑕᐅᓯᕐᒥᒃ: ᑍᒤᑦᑐᑦ ᑐᖁᑕᐅᔭᕆᐊᖃᕐᒪᑕ, ᓇᓪᓕᐊᓪᓕ ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓᓂᒃ ᒎᓗᒥᒃ ᐊᒃᑐᕐᓯᑎᑕᐅᔪᖅ, ᑭᓯᒥ ᐃᓅᑎᑕᐅᔪᓐᓇᕐᐳᖅ. ᐅᕙᖓᓕ ᓱᓕ ᕾᖁᔭᐅᓯᒪᓐᖏᓚᖓ ᐊᖓᔪᖅᑳᕐᔪᐊᕐᒧᑦ ᐃᑎᖁᓗᖓ ᑖᒃᑯᓇᓂ ᐅᓪᓗᓂ 30ᓂ.”
12ᐃᔅᑕᕐᐅᓪᓗ ᐅᖃᐅᓯᕆᔭᖏᑦ ᒧᐊᑎᑬᒧᑦ ᐅᖃᐅᓯᕆᔭᐅᕗᑦ. 13ᒧᐊᑎᑬᓪᓗ ᐃᔅᑕᕐ ᑭᐅᔭᐅᖁᕚ ᐃᒫᒃ: “ᐃᓗᒃᑯᑦ ᐃᓱᒪᖃᕐᑍᓕᒋᑦ ᔫᑎᐅᖃᑎᓕᒫᕐᓂᑦ ᐊᑦᑕᕐᓇᖏᑦᑐᒦᓐᓂᕐᓴᐅᓇᓱᒋᓗᑎᑦ ᐊᖓᔪᖅᑳᕐᔪᐊᑉ ᐃᒡᓗᖓᓂᒥᐅᑕᐅᓂᕐᓄᑦ. 14ᒫᓐᓇᐅᔪᕐᓕ ᓂᓪᓕᐊᓂᐊᖏᒃᑯᕕᑦ, ᑕᕝᕙ ᔫᑎᑦ ᐊᓯᖕᓂᑦ ᐃᑲᔪᕐᑕᐅᓂᐊᕐᐳᑦ, ᐃᕝᕕᓪᓕ ᐊᑖᑕᒃᑯᑎᓪᓗ ᑐᖁᑕᐅᓛᕐᐳᓯ. ᖃᐅᔨᒪᓇᓐᖏᓚᖅ; ᐃᒻᒪᖄᓕ ᑕᒪᓐᓇ ᐱᓂᐊᕐᓂᐅᓕᕐᑐᖅ ᐱᑦᔪᑎᒋᓪᓗᒍ ᐊᖓᔪᖅᑳᕐᔪᐊᖃᕐᕕᖕᒦᓚᕿᕗᑎᑦ.”
15ᑕᕝᕙ ᐃᔅᑕᐅᑉ ᐅᖃᐅᑎᕔᑦ ᒧᐊᑎᑬᒧᑦ ᑭᐅᖁᓪᓗᒋᑦ ᐃᒫᒃ: 16“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”
17ᑕᕝᕙ ᒧᐊᑎᑬ ᐊᓂᕗᖅ ᐱᓇᓱᐊᓕᕐᓗᓂᓗ ᐃᔅᑕᐅᑉ ᐱᖁᔨᑦᔪᑎᒋᔭᓕᒫᖏᓐᓂ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.