ᐃᔅᑕᐅᑉ ᐊᒡᓚᖏᑦ 3
3
ᕼᐂᒪᓂᐅᑉ ᔫᑎᓂᒃ ᓄᖒᑦᓯᔪᒪᓂᖓ
1ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕈᕐᑎᑦᓯᕗᖅ ᕼᐂᒪᓂᒥᒃ, ᕼᐊᒥᑕᑕᐅᑉ ᐃᕐᓂᖓᓂᒃ ᐊᒐᒊᑎᒥᐅᑕᒥᒃ, ᐊᐅᓚᑦᓯᔨᖁᑎᒥᓄᑦ ᓇᔪᕐᑎᒋᔭᓕᒫᒥᓄᑦ ᐊᖓᔪᖅᑳᕈᕐᑎᓪᓗᓂᐅᒃ. 2ᐊᖓᔪᖅᑳᕐᔪᐊᓪᓗ ᐱᔨᓕᒫᖏᑦ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᑉ ᕼᐂᒪᓂᒥᒃ ᐅᐱᒍᓱᖕᓂᕐᒧᑦ ᓰᖅᑯᕐᓗᑎᒃ ᐅᑯᖃᑦᑕᖁᓚᐅᕐᐰᑦ; ᑖᒃᑯᐊᓗ ᑍᒤᓕᐅᕐᐳᑦ, ᒧᐊᑎᑬᓕ ᓰᖅᑯᕐᓗᓂ ᐅᑯᔪᒪᓚᐅᓐᖏᓚᖅ ᐅᐱᒍᓱᒍᒪᓇᓂᓗ ᑖᑦᓱᒥᖓ. 3ᑕᕝᕙ ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᒡᓗᖓᓃᑦᑐᑦ ᒧᐊᑎᑬᒥᒃ ᐊᐱᕆᕗᑦ, “ᓱᖕᒪᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᓂᒃ ᓈᓚᓐᖏᓚᑎᑦ?” 4ᑖᒃᑯᐊᓕ ᖃᐅᑕᒫᑦ ᒧᐊᑎᑬᒥᒃ ᑎᓕᐅᕆᖃᑦᑕᓚᐅᕐᐳᑦ ᐊᖓᔪᖅᑳᕐᔪᐊᑉ ᐱᖁᔭᖓᓂᒃ ᓈᓚᖁᓪᓗᒍ; ᒧᐊᑎᑬᓕ ᑖᒃᑯᓂᖓ ᐊᓐᖔᔪᓐᓇᓚᐅᓐᖏᓚᖅ, ᑕᕝᕙ ᕼᐂᒪᓂᒧᑦ ᐅᖃᐅᓯᕆᕚᑦ, ᖃᐅᔨᔪᒪᓪᓗᑎᒃ ᒧᐊᑎᑬᑉ ᐅᖃᐅᓯᕆᔭᖓ ᓱᖁᑎᒋᔭᐅᓂᐊᖏᒻᒪᖔᑦ; ᒧᐊᑎᑬᑉ ᐅᖃᐅᑎᓚᐅᕐᒪᒋᑦ ᔫᑎᐅᓂᕐᒥᓂᒃ. 5ᕼᐂᒪᓂᓕ ᑕᑯᒐᒥ ᒧᐊᑎᑬᑉ ᓰᖅᑯᕐᓗᓂ ᐅᑯᔪᒪᖏᓐᓂᖓᓂᒃ ᐅᐱᒍᓱᒍᒪᖏᓐᓂᖓᓂᒡᓗ, ᐃᓗᒥᒍᑦ ᓂᓐᖓᕕᒡᔪᐊᕐᐳᖅ. 6ᖃᐅᔨᓕᕋᒥᓕ ᒧᐊᑎᑬᑉ ᔫᑎᐅᓂᖓᓂᒃ ᑖᓐᓇᑐᐊᖅ ᐱᒋᐊᕈᒪᔪᓐᓁᕐᐹ, ᑐᓴᕐᑎᑕᐅᓚᐅᕋᒥ ᓇᓂᒥᐅᑕᐅᓂᖓᓂᒃ, ᕼᐂᒪᓂᓕ ᐃᓱᒪᖃᓕᕐᐳᖅ ᔫᑎᓕᒫᑦ ᑐᖁᕋᕐᑕᐅᓗᑎᒃ ᓄᖑᑕᐅᑎᑦᓱᒪᓪᓗᒋᑦ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᕕᖓᓃᑦᑐᓕᒫᑦ.
7ᑕᖅᑭᐅᑉ ᓯᕗᓪᓕᕐᐹᖓᓐᓂ, ᑕᖅᑭᒥ ᓃᓴᒥᒃ ᑍᔭᐅᔪᒥ, ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᓂᖓᑕ 12ᖓᓂ, ᕼᐂᒪᓂ ᓇᓚᐅᑦᑖᕈᑎᒧᑦ ᐴᕆᒧᑦ ᖃᐅᔨᓇᓱᐊᕐᑎᑦᓯᕗᖅ ᐅᓪᓗᖓ ᑕᖅᑭᐅᓪᓗ ᓇᓪᓕᐊᓐᓂ ᑕᒪᓐᓇ ᓇᓪᓕᐅᓐᓂᖃᓕᕋᔭᕐᒪᖔᑦ; ᑕᖅᑮᑦ 12ᖓᓐᓂ ᑍᔭᐅᔪᒥ ᐊᑖᕆᒥᒃ ᐅᓪᓗᖏᑕ 13ᖓᓂ ᑕᕝᕙ ᓇᓗᓁᕐᑕᐅᕗᖅ.
8ᑕᕝᕙ ᕼᐂᒪᓂ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐅᖃᕐᐳᖅ, “ᐃᓅᖃᑎᒌᒡᔪᐊᕐᑕᖃᕐᐳᖅ ᓇᓂᑐᐃᓐᓇᖅ ᓯᐊᒻᒪᖓᔪᓂᒃ ᓄᓇᖁᑎᕕᑦ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᓂᒃ; ᑖᒃᑯᐊᓗ ᐃᒻᒥᒍᑦ ᐱᖁᔭᖃᕐᓗᑎᒃ ᐊᑦᔨᒋᔭᐅᖏᑦᑐᓂᒃ ᐃᓅᖃᑎᒌᒡᔪᐊᑦ ᐱᖁᔭᖏᓐᓄᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒐᑎᒃ, ᑍᒤᒻᒪᑦ ᑖᒃᑯᐊ ᑍᒤᓕᖓᑐᐃᓐᓇᕐᑎᓐᓂᐊᕈᕕᒋᑦ ᐃᓕᖕᓄᑦ ᓈᒻᒪᑦᔮᓐᖏᓚᑦ. 9ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᖁᔭᐅᓕᕐᓂᐊᕐᑐᓂᒃ ᑎᑎᕋᓚᐅᕆᑦ ᑖᒃᑯᐊ ᑐᖁᕋᕐᑕᐅᖁᓪᓗᒋᑦ, ᐊᖓᔪᖅᑳᕐᔪᐊᓪᓗ ᐱᓇᓱᐊᕐᑎᖏᑕ ᐊᖓᔪᖅᑳᖏᑦ ᐊᑭᓕᕐᓂᐊᕐᐸᒃᑲ ᓯᐅᓪᕕᕆᓂᒃ 10,000ᓂᒃ ᐅᖁᒤᓐᓂᕐᓯᐅᑎᕗᑦ ᒪᓕᒡᓗᒋᑦ, ᑖᒃᑯᓇᓐᖓᓪᓗ ᐊᖓᔪᖅᑳᕐᔪᐊᑉ ᑮᓇᐅᔭᖃᐅᑎᖓᓄᑦ ᐃᓕᔭᐅᖁᓪᓗᒋᑦ.”
10ᑕᕝᕙ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᓂ ᓇᓗᓁᒃᑯᓯᕈᑎᒋᓲᓂ ᐲᕐᐹ, ᑐᓂᓪᓗᒍᓗ ᕼᐂᒪᓂᒧᑦ, ᕼᐊᒥᑕᑕᐅᑉ ᐃᕐᓂᖓᓄᑦ ᐊᒡᒐᒊᑎᒥᐅᑕᕐᒧᑦ, ᔫᑎᑦ ᐊᑭᕋᕐᑐᕐᑎᖓᓐᓄᑦ. 11ᐊᖓᔪᖅᑳᕐᔪᐊᓪᓗ ᕼᐂᒪᓂ ᐅᖃᐅᑎᕚ, “ᑖᒃᑯᐊ ᐃᓄᐃᑦ ᑮᓇᐅᔧᓪᓗ ᐃᓕᖕᓄᑦ ᑐᓂᕙᒃᑲ, ᐃᓱᒪᕐᓲᑎᒋᓕᒃᑭᑦ ᓈᒻᒪᒃᑐᕆᔭᕐᓄᑦ.”
12ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᓕᕐᐳᑦ ᐅᓪᓗᐃᑦ 13ᖓᓐᓂ ᑕᖅᑮᑦ ᓯᕗᓪᓕᕐᐹᖓᓐᓂ, ᐱᖁᔭᓕᐊᖑᔪᒥᒡᓗ ᑎᑎᕋᕐᐳᑦ ᕼᐂᒪᓂᐅᑉ ᐱᖁᔨᑦᔪᑎᒋᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᓐᓄᑦ, ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᐊᐅᓚᑦᓯᔨᓄᑦ ᑐᕌᕐᑎᑕᐅᖁᓪᓗᒋᑦ, ᐃᓄᓕᒫᓄᑦ ᐅᖃᐅᓯᖃᑎᒌᖏᑦᑐᓄᑦ ᐅᖃᐅᓯᖏᑦ ᒪᓕᒡᓗᒋᑦ. ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ ᑎᑎᕋᕐᑕᐅᕗᑦ, ᓇᓗᓁᒃᑯᓯᕐᑕᐅᓪᓗᑎᒡᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᑕ ᓇᓗᓁᒃᑯᑕᖓᓄᑦ. 13ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ. 14ᐱᖁᔭᓕᐊᕆᔭᐅᔪᓪᓗ ᐅᖃᕐᓯᒪᓂᖏᑦ ᐊᑦᔨᓕᐅᕐᑕᐅᓗᑎᒃ ᐅᓄᕐᓯᑎᑕᐅᖁᔭᐅᕗᑦ ᓄᓇᓖᑦ ᐊᕕᒃᑐᕐᓯᒪᔪᑦ ᐊᑐᓂᑦ ᐃᓄᓕᒫᓄᑦ ᑐᓂᔭᐅᖁᓪᓗᒋᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᖎᕐᓯᒪᖁᓪᓗᒋᑦ.
15ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.
Currently Selected:
ᐃᔅᑕᐅᑉ ᐊᒡᓚᖏᑦ 3: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᔅᑕᐅᑉ ᐊᒡᓚᖏᑦ 3
3
ᕼᐂᒪᓂᐅᑉ ᔫᑎᓂᒃ ᓄᖒᑦᓯᔪᒪᓂᖓ
1ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕈᕐᑎᑦᓯᕗᖅ ᕼᐂᒪᓂᒥᒃ, ᕼᐊᒥᑕᑕᐅᑉ ᐃᕐᓂᖓᓂᒃ ᐊᒐᒊᑎᒥᐅᑕᒥᒃ, ᐊᐅᓚᑦᓯᔨᖁᑎᒥᓄᑦ ᓇᔪᕐᑎᒋᔭᓕᒫᒥᓄᑦ ᐊᖓᔪᖅᑳᕈᕐᑎᓪᓗᓂᐅᒃ. 2ᐊᖓᔪᖅᑳᕐᔪᐊᓪᓗ ᐱᔨᓕᒫᖏᑦ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᑉ ᕼᐂᒪᓂᒥᒃ ᐅᐱᒍᓱᖕᓂᕐᒧᑦ ᓰᖅᑯᕐᓗᑎᒃ ᐅᑯᖃᑦᑕᖁᓚᐅᕐᐰᑦ; ᑖᒃᑯᐊᓗ ᑍᒤᓕᐅᕐᐳᑦ, ᒧᐊᑎᑬᓕ ᓰᖅᑯᕐᓗᓂ ᐅᑯᔪᒪᓚᐅᓐᖏᓚᖅ ᐅᐱᒍᓱᒍᒪᓇᓂᓗ ᑖᑦᓱᒥᖓ. 3ᑕᕝᕙ ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᒡᓗᖓᓃᑦᑐᑦ ᒧᐊᑎᑬᒥᒃ ᐊᐱᕆᕗᑦ, “ᓱᖕᒪᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᓂᒃ ᓈᓚᓐᖏᓚᑎᑦ?” 4ᑖᒃᑯᐊᓕ ᖃᐅᑕᒫᑦ ᒧᐊᑎᑬᒥᒃ ᑎᓕᐅᕆᖃᑦᑕᓚᐅᕐᐳᑦ ᐊᖓᔪᖅᑳᕐᔪᐊᑉ ᐱᖁᔭᖓᓂᒃ ᓈᓚᖁᓪᓗᒍ; ᒧᐊᑎᑬᓕ ᑖᒃᑯᓂᖓ ᐊᓐᖔᔪᓐᓇᓚᐅᓐᖏᓚᖅ, ᑕᕝᕙ ᕼᐂᒪᓂᒧᑦ ᐅᖃᐅᓯᕆᕚᑦ, ᖃᐅᔨᔪᒪᓪᓗᑎᒃ ᒧᐊᑎᑬᑉ ᐅᖃᐅᓯᕆᔭᖓ ᓱᖁᑎᒋᔭᐅᓂᐊᖏᒻᒪᖔᑦ; ᒧᐊᑎᑬᑉ ᐅᖃᐅᑎᓚᐅᕐᒪᒋᑦ ᔫᑎᐅᓂᕐᒥᓂᒃ. 5ᕼᐂᒪᓂᓕ ᑕᑯᒐᒥ ᒧᐊᑎᑬᑉ ᓰᖅᑯᕐᓗᓂ ᐅᑯᔪᒪᖏᓐᓂᖓᓂᒃ ᐅᐱᒍᓱᒍᒪᖏᓐᓂᖓᓂᒡᓗ, ᐃᓗᒥᒍᑦ ᓂᓐᖓᕕᒡᔪᐊᕐᐳᖅ. 6ᖃᐅᔨᓕᕋᒥᓕ ᒧᐊᑎᑬᑉ ᔫᑎᐅᓂᖓᓂᒃ ᑖᓐᓇᑐᐊᖅ ᐱᒋᐊᕈᒪᔪᓐᓁᕐᐹ, ᑐᓴᕐᑎᑕᐅᓚᐅᕋᒥ ᓇᓂᒥᐅᑕᐅᓂᖓᓂᒃ, ᕼᐂᒪᓂᓕ ᐃᓱᒪᖃᓕᕐᐳᖅ ᔫᑎᓕᒫᑦ ᑐᖁᕋᕐᑕᐅᓗᑎᒃ ᓄᖑᑕᐅᑎᑦᓱᒪᓪᓗᒋᑦ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᕕᖓᓃᑦᑐᓕᒫᑦ.
7ᑕᖅᑭᐅᑉ ᓯᕗᓪᓕᕐᐹᖓᓐᓂ, ᑕᖅᑭᒥ ᓃᓴᒥᒃ ᑍᔭᐅᔪᒥ, ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᓂᖓᑕ 12ᖓᓂ, ᕼᐂᒪᓂ ᓇᓚᐅᑦᑖᕈᑎᒧᑦ ᐴᕆᒧᑦ ᖃᐅᔨᓇᓱᐊᕐᑎᑦᓯᕗᖅ ᐅᓪᓗᖓ ᑕᖅᑭᐅᓪᓗ ᓇᓪᓕᐊᓐᓂ ᑕᒪᓐᓇ ᓇᓪᓕᐅᓐᓂᖃᓕᕋᔭᕐᒪᖔᑦ; ᑕᖅᑮᑦ 12ᖓᓐᓂ ᑍᔭᐅᔪᒥ ᐊᑖᕆᒥᒃ ᐅᓪᓗᖏᑕ 13ᖓᓂ ᑕᕝᕙ ᓇᓗᓁᕐᑕᐅᕗᖅ.
8ᑕᕝᕙ ᕼᐂᒪᓂ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐅᖃᕐᐳᖅ, “ᐃᓅᖃᑎᒌᒡᔪᐊᕐᑕᖃᕐᐳᖅ ᓇᓂᑐᐃᓐᓇᖅ ᓯᐊᒻᒪᖓᔪᓂᒃ ᓄᓇᖁᑎᕕᑦ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᓂᒃ; ᑖᒃᑯᐊᓗ ᐃᒻᒥᒍᑦ ᐱᖁᔭᖃᕐᓗᑎᒃ ᐊᑦᔨᒋᔭᐅᖏᑦᑐᓂᒃ ᐃᓅᖃᑎᒌᒡᔪᐊᑦ ᐱᖁᔭᖏᓐᓄᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒐᑎᒃ, ᑍᒤᒻᒪᑦ ᑖᒃᑯᐊ ᑍᒤᓕᖓᑐᐃᓐᓇᕐᑎᓐᓂᐊᕈᕕᒋᑦ ᐃᓕᖕᓄᑦ ᓈᒻᒪᑦᔮᓐᖏᓚᑦ. 9ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᖁᔭᐅᓕᕐᓂᐊᕐᑐᓂᒃ ᑎᑎᕋᓚᐅᕆᑦ ᑖᒃᑯᐊ ᑐᖁᕋᕐᑕᐅᖁᓪᓗᒋᑦ, ᐊᖓᔪᖅᑳᕐᔪᐊᓪᓗ ᐱᓇᓱᐊᕐᑎᖏᑕ ᐊᖓᔪᖅᑳᖏᑦ ᐊᑭᓕᕐᓂᐊᕐᐸᒃᑲ ᓯᐅᓪᕕᕆᓂᒃ 10,000ᓂᒃ ᐅᖁᒤᓐᓂᕐᓯᐅᑎᕗᑦ ᒪᓕᒡᓗᒋᑦ, ᑖᒃᑯᓇᓐᖓᓪᓗ ᐊᖓᔪᖅᑳᕐᔪᐊᑉ ᑮᓇᐅᔭᖃᐅᑎᖓᓄᑦ ᐃᓕᔭᐅᖁᓪᓗᒋᑦ.”
10ᑕᕝᕙ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᓂ ᓇᓗᓁᒃᑯᓯᕈᑎᒋᓲᓂ ᐲᕐᐹ, ᑐᓂᓪᓗᒍᓗ ᕼᐂᒪᓂᒧᑦ, ᕼᐊᒥᑕᑕᐅᑉ ᐃᕐᓂᖓᓄᑦ ᐊᒡᒐᒊᑎᒥᐅᑕᕐᒧᑦ, ᔫᑎᑦ ᐊᑭᕋᕐᑐᕐᑎᖓᓐᓄᑦ. 11ᐊᖓᔪᖅᑳᕐᔪᐊᓪᓗ ᕼᐂᒪᓂ ᐅᖃᐅᑎᕚ, “ᑖᒃᑯᐊ ᐃᓄᐃᑦ ᑮᓇᐅᔧᓪᓗ ᐃᓕᖕᓄᑦ ᑐᓂᕙᒃᑲ, ᐃᓱᒪᕐᓲᑎᒋᓕᒃᑭᑦ ᓈᒻᒪᒃᑐᕆᔭᕐᓄᑦ.”
12ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᓕᕐᐳᑦ ᐅᓪᓗᐃᑦ 13ᖓᓐᓂ ᑕᖅᑮᑦ ᓯᕗᓪᓕᕐᐹᖓᓐᓂ, ᐱᖁᔭᓕᐊᖑᔪᒥᒡᓗ ᑎᑎᕋᕐᐳᑦ ᕼᐂᒪᓂᐅᑉ ᐱᖁᔨᑦᔪᑎᒋᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᓐᓄᑦ, ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᐊᐅᓚᑦᓯᔨᓄᑦ ᑐᕌᕐᑎᑕᐅᖁᓪᓗᒋᑦ, ᐃᓄᓕᒫᓄᑦ ᐅᖃᐅᓯᖃᑎᒌᖏᑦᑐᓄᑦ ᐅᖃᐅᓯᖏᑦ ᒪᓕᒡᓗᒋᑦ. ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ ᑎᑎᕋᕐᑕᐅᕗᑦ, ᓇᓗᓁᒃᑯᓯᕐᑕᐅᓪᓗᑎᒡᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᑕ ᓇᓗᓁᒃᑯᑕᖓᓄᑦ. 13ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ. 14ᐱᖁᔭᓕᐊᕆᔭᐅᔪᓪᓗ ᐅᖃᕐᓯᒪᓂᖏᑦ ᐊᑦᔨᓕᐅᕐᑕᐅᓗᑎᒃ ᐅᓄᕐᓯᑎᑕᐅᖁᔭᐅᕗᑦ ᓄᓇᓖᑦ ᐊᕕᒃᑐᕐᓯᒪᔪᑦ ᐊᑐᓂᑦ ᐃᓄᓕᒫᓄᑦ ᑐᓂᔭᐅᖁᓪᓗᒋᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᖎᕐᓯᒪᖁᓪᓗᒋᑦ.
15ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.